गोकुल बाँस्कोटाले सिंहदरबार छिराएको ओम्नीलाई ओताउँदा आफैं फसे मन्त्री ढकाल

स्वास्थ्य सेवा विभाग व्यवस्थापन महाशाखाका निर्देशक भोगेन्द्र डोटेलले चैत ९ मा १९ कम्पनीलाई पत्र काटेर कोरोना भाइरस (कोभिड–१९) व्यवस्थापन तथा रोकथाम गर्न आवश्यक सामग्री खरिद गर्ने सम्बन्धमा छलफल गर्न बोलाए।

स्थानीय बजारमा स्वास्थ्य सामग्री आपूर्ति गरिरहेका मुनलाइट ट्रेडर्स, सनराइज सर्जिकल हाउस, प्राइम केयर डिग्नोटेकलगायत १९ कम्पनी छलफलमा आए।

कोरोना जोखिम बढिरहेको र स्वास्थ्य सामग्री अभाव भइरहेको परिस्थितिमा डाकिएको छलफलमा उनीहरूलाई भनियो– इमेलमार्फत फारम भर्नू।

कोरोनाका कारण भर्खर देश ‘लकडाउन’ उन्मुख हुँदै थियो। स्वास्थ्य सामग्री शीघ्र ल्याउने योजनामुताबिकको छलफलपछि ती कम्पनीले विभागले भनेजसै फारम इमेल गरे।

चीनबाट स्वास्थ्य सामग्री ल्याउने सरकारको योजना साकार पार्ने प्रतिष्पर्धामा फारम भरेका ती कम्पनीलाई फारम इमेलपछि खबर आएन।

चीनबाट कोरोनाविरुद्धका सामग्री आउन लागेको ‘सुखद’ खबर सञ्चार गरेर पर्यटनमन्त्री योगेश भट्टराईले वाइडबडी उडाउने चाँजो मिलाउन आफ्नो मन्त्रालयमा निर्देशन दिए। आइतबारमात्र वाइडबडी उडाएर १ करोड ३ लाख ३८ हजार ४ सय ४४ अमेरिकी डलरबराबरको सामग्री ओम्नीले ल्यायो।

कोरोना उपचार सामग्री खरिदमा अनियमितताको गन्ध, विवादित ओम्नी समूहबाट रातारात सवा अर्बको खरिद

पाटन मंगलबजार कृष्णगल्लीमा कार्यालय रहेको ओम्नी बिजनेस कर्पोरेट इन्टरनेसनललाई कामको जिम्मा दिइएको जानकारी उनीहरूले पाए। जतिबेला देश ‘लकडाउन’ मा फसिसकेको थियो।

वाणिज्य तथा आपूर्ति विभागमा स्वास्थ्य सामग्री खरिदका लागि कानुनी रूपमा अनुमति नै नपाएको ओम्नी इन्टरनेसनलले सरकारको काम पाउँदा आपूर्तिकर्ताहरू झस्किएका थिए।

विभाग, मन्त्रालय, मन्त्री हुँदै प्रधानमन्त्रीकै तहसम्म परामर्श गरेर ‘रातारात’ ओम्नी रोज्दा ‘चलखेल’ को गन्ध आपूर्तिकर्ताले थाहा पाइसकेका थिए।

सम्बद्ध स्रोतका अनुसार स्वास्थ्यमन्त्री भानुभक्त ढकालले ढुक्कसँग ओम्नीलाई चीनबाट सामग्री आयात गर्न निर्देशन दिएका थिए। स्वास्थ्यबाट प्रक्रिया पूरा भएपछि पर्यटन मन्त्रालयले ती सामग्री ल्याउन नेपाल वायुसेवा निगमको वाइडबडी जहाज चीन उडाउने तयारी थाल्यो।

चीनबाट कोरोनाविरुद्धका सामग्री आउन लागेको ‘सुखद’ खबर सञ्चार गरेर पर्यटनमन्त्री योगेश भट्टराईले वाइडबडी उडाउने चाँजो मिलाउन आफ्नो मन्त्रालयमा निर्देशन दिए।

आइतबारमात्र वाइडबडी उडाएर १ करोड ३ लाख ३८ हजार ४ सय ४४ अमेरिकी डलरबराबरको सामग्री ओम्नीले ल्यायो।

कोरोनाले आक्रान्त मुलुकमा स्वास्थ्य सामग्री खरिदको विषयलाई विरोधको रूप दिँदा सकारात्मक सन्देश सञ्चार नहुने ठानेर सप्लायर्सहरू बोलेनन्।

बजारमा वर्षौंदेखि मेडिकल सामग्री भित्र्याइरहेका बसन्त चौधरीले ट्विटरमा प्रश्न उठाए। तर, पछि उनले मेटाए।

करिब १ अर्ब २४ करोड रुपैयाँमा पिपिईलगायत मेडिकल सामग्री आए। बजार मूल्यभन्दा गुणौं महँगोमा ती सामान आएको पत्ता लागेपछि सप्लायर्सहरू अर्को पटक सरकारको सूची हेरेर झस्किएका थिए।

सामग्री काठमाडौं आइपुगेर अनलोड भई नसक्दै कोरोनाग्रस्त देशमा ‘चलखेल’ को भाइरस फैलियो। सप्लायर्सहरूले गुणस्तर र महँगो भएको प्रतिक्रिया दिए।

तर, मन्त्री ढकाल र उनीमातहतका निकायले विश्वव्यापी अभाव भन्दै केही महँगो भएको भनी बचाउ गरिरहे। गुणस्तरसम्मै प्रश्न उठुन्जेल ओम्नीलाई मन्त्री ढकालले छाता ओढाइरहे। आफैं रूझिसकेको भेउ पाएपछि उनले सम्झौता रद्द गर्न निर्देशन थमाए।

एक मन्त्रीका अनुसार आयात भएताकै यो खबर मन्त्रिपरिषदसम्म नपुगेको होइन। त्यहाँ छलफल भए पनि के गर्ने भन्ने विषय प्रचुर बनेको थिएन। प्रधानमन्त्रीले ढकाललाई ‘विवादरहित’ काम गर्न निर्देशन दिएका थिए।

बुधबारमात्रै प्रधानमन्त्री केपी ओली र नेकपा अध्यक्ष पुष्पकमल दाहालबीच चीनबाट आयातित सामग्रीबारे लामो छलफल चलिरहँदा विभागले ओम्नीसँगको सम्झौता भंग गरेर नयाँ प्रक्रिया थालेको छ।

चीनबाट आयातित सामग्रीको गुणस्तरको प्रश्न र आयात गर्न भएको ‘चलखेल’ को पर्याप्त खोजबिनमा तदारूकता देखाइएको छैन।

मन्त्री ढकाल र उनीमातहतका निकायले विश्वव्यापी अभाव भन्दै केही महँगो भएको भनी बचाउ गरिरहे। गुणस्तरसम्मै प्रश्न उठुन्जेल ओम्नीलाई मन्त्री ढकालले छाता ओढाइरहे। आफैं रूझिसकेको भेउ पाएपछि उनले सम्झौता रद्द गर्न निर्देशन थमाए।

ओम्नी कम्पनीको ‘हैसियत’ खोतल्दा आफैं भड्खालोमा पर्ने डरले हो वा प्रकरण सामसुम पार्न हो, दर्तैबिनाको कम्पनीलाई यस्तो महामारीका सामान खरिदका लागि किन रोजियो भन्ने विषयमा सरकारको तर्फबाट कसैले बोलेको छैन। मन्त्री ढकाल, उपप्रधानमन्त्री ईश्वर पोखरेलले चीनबाट आयात गर्दा रोजिएको कम्पनीबारे अस्पष्ट अभिव्यक्ति दिँदै दोष स्वास्थ्य सेवा विभागलाई थोपरेका छन्।

स्वास्थ्य सेवा विभागले सम्झौता रद्द गरेर ओम्नीलाई कालोसूचीमा राख्ने निर्णय गरेको छ। तर, आयातका लागि ओम्नी रोज्ने र महामारीका कारण अस्तव्यस्त मुलुकमा गुणस्तरहीन सामग्री भित्र्याउन क–कसले भूमिका खेले छानबिन थालिएको छैन।

मन्त्रालयका अधिकारीहरू अहिले समस्यामा परेका छन्। ‘माथि’ को निर्देशन पछ्याउँदा ओम्नीसँग ‘आँखा चिम्लेका’ मन्त्रालयका अधिकारीहरू अहिले राजनीतिक नेतृत्वले दोष पन्छाउँदा प्रतिक्रियाविहीन बन्न पुगेका छन्।

‘यो विषयमा मैले हजार पटक बोलिसकेको छु, प्रत्येकलाई जवाफ दिँदै हिँड्न सक्दिनँ,’ स्वास्थ्य सेवा विभागका महानिर्देशक महेन्द्र श्रेष्ठले भने।

ओम्नीको विवादाष्पद काम र सरकारका मन्त्री यो कम्पनीसँग कसरी जोडिएका छन्? हामीले खोज्ने प्रयास गरेका छौं।

ओम्नीको व्यापारिक पृष्ठभूमिबाट सुरू गरौं।

यसरी पोस्यो सरकारले पिपिई खरिदमा ओम्नी समूहलाई, चस्माको मूल्य बजारभन्दा १८ गुणा महँगो

ओम्नी इन्टरनेट बजारमा काम गर्ने कम्पनी हो। उसले आफ्नो बेवसाइटमा उत्पादक र वितरक कम्पनी भनेर परिचय दिएको छ।

यसका सञ्चालक गुल्मीका तुलहरि सिंह भनिने तुलहरि भुसाल हुन्। भाटभटेनी सुपरमार्केटका मालिक मीनबहादुर गुरुङ पनि उक्त कम्पनीका सेयर होल्डर रहेको स्रोतको दाबी छ। यो कम्पनीको कार्यालय ललितपुर भाटभटेनीकै भवनको चौथो तलामा छ।

यो मेडिकल सामग्री आपूर्ति गर्ने कानुनी बैधता पाएको कम्पनी होइन।

‘मेडिकल सामग्री आपूर्तिका लागि वाणिज्य विभागको अनुमति चाहिन्छ, २०५३ सालयताको तथ्यांक हेर्दा ओम्नी भन्ने कम्पनीले यहाँबाट अनुमति लिएको देखिँदैन,’ वाणिज्य विभागका एक उच्च अधिकारीले भने।

उक्त कम्पनीले सत्ता र नेतासँग निकट रहेर काम गरिरहेको उदाहरण बाहिर आउन थालेका छन्।

स्वास्थ्यमन्त्री ढकाल ओम्नीसँगको घनिष्ठताले आलोचित भएका पहिलो व्यक्ति होनन्।

यसअघि पूर्वसूचना तथा प्रविधि मन्त्री गोकुल बाँस्कोटा ओम्नीसँग निकट देखिएका थिए। उनले मन्त्रालयको जिम्मेवारी पाएपछि १ हजार सरकारी विद्यालयमा आइटी ल्याब बनाउने घोषणा गरेपछि उक्त काम गर्न यही कम्पनी रोजेका थिए।

१ अर्ब ५० करोड रुपैयाँमा हुने कामको लागत वृद्धि गरेर ३ अर्ब ४७ करोड ६९ लाख ७७ हजार ७ सय ९५ रुपैयाँ कायम गरी ठेक्का सम्झौता गत भदौमा गरिएको थियो।

सरकारी अधिकारीहरूका अनुसार ठेक्का प्रक्रिया सार्वजनिक खरिद ऐनविपरीत थियो।

‘६० लाख रूपैयाँभन्दा धेरैको सामग्री खरीद गर्दा ई–बिडिङ अनिवार्य आवश्यक पर्छ, तर त्यसो नगरी ओम्नीलाई ठेक्का पारियो,’ एक पूर्वसचिव भन्छन्, ‘ठेकेदार र नेतालाई पोस्ने नियतले दूरसञ्चार प्राधिकरणले यो वातावरण तयार गरिदिएको थियो।’

बितेको निर्वाचनमा मतदाता परिचयपत्र छपाइको सम्पूर्ण ठेक्का ओम्नी बिजनेसले नै पाएको थियो।

मतदाता परिचयपत्र ५ रूपैयाँमै छाप्न सकिन्थ्यो। तर, १३ रूपैयाँमा ओम्नीले छाप्यो। टेन्डर आह्वान नगरी सिधै ठेक्का दिने सरकारको निर्णयका पछाडि राजनीतिक पहुँच र मोटो आर्थिक चलखेल देखिएको ती पूर्वसचिव बताउँछन्।

‘कमसल कागज खरिद गरेको आरोप पुष्टि भएको थियो, तर उनीहरूमाथि कारबाही र अनुसन्धान गर्ने आँट कसैले गरेन। सरकारलाई नै आफ्नो गोटी बनाएको समूहलाई कसले चलाउन सक्ने?, अब पनि खबरदारी नगरे यिनीहरूको लुट कायमै रहन्छ र झन् प्रभावशाली बन्छन्,’

‘यो कम्पनीको नियत सफा देखिएको थिएन,’ ती पूर्वसचिवले भने, ‘यो प्रक्रियामा मन्त्रीसहितलाई छानबिन नगरेसम्म वास्तविक घटनाक्रम सार्वजनिक हुँदैन।’

निर्वाचन आयोगमात्रै होइन जनक शिक्षा सामग्री केन्द्रलाई आवश्यक पर्ने ४ हजार टन कागज किन्न ओम्नी बिजनेसलाई नै ठेक्का दिइएको थियो। कागज खरिदमा पनि अनियमितता भएको सार्वजनिक भएको थियो।

‘कमसल कागज खरिद गरेको आरोप पुष्टि भएको थियो, तर उनीहरूमाथि कारबाही र अनुसन्धान गर्ने आँट कसैले गरेन। सरकारलाई नै आफ्नो गोटी बनाएको समूहलाई कसले चलाउन सक्ने?, अब पनि खबरदारी नगरे यिनीहरूको लुट कायमै रहन्छ र झन् प्रभावशाली बन्छन्,’ उनले भने।

त्यही ओम्नी बिजनेस कर्पोरेट इन्टरनेसनल निर्वाचन आयोग, जनक शिक्षा सामग्री केन्द्र, सञ्चार तथा सूचना प्रविधि मन्त्रालय हुँदै अहिले स्वास्थ्य तथा जनसंख्या मन्त्रालयमा आइपुगेको हो।

ओम्नी समूह यससम्म आइपुग्नुमा प्रधानमन्त्रीकै निकट व्यक्तिहरूको हात रहेको नेकपाका नेताहरू बताउँछन्।

कोरोना स्क्याम : विवादित कम्पनीलाई ‘पुरस्कृत’ गर्दा सामानमै धोका, ठेक्का रद्द गर्ने तयारी

‘पहिले सञ्चारमन्त्री, अहिले स्वास्थ्यमन्त्री ओम्नी समूहको जालमा परेको देखिएको छ। दुवै मन्त्री प्रधानमन्त्रीको निकट, प्रधानमन्त्रीको पूर्णसहयोगबिना यो सम्भव देखिँदैन,’ नेकपाका एक प्रभावशाली नेताले भने, ‘यो छानबिनको विषय हो, शक्तिशाली समिति गठन गरेर छानबिन गरिनुपर्छ।’

नेकपाकै नेता भीम रावलले पनि अनियमितता गर्ने कसैलाई पनि छाड्न नहुने बताए। ‘यो होस् या त्यो होस् यस्तो संकटको घडीमा अनियमितता गर्ने जो कोहीलाई पनि कडा कारबाही हुनुपर्छ,’ रावलले भने।

पूर्वस्वास्थ्य मन्त्री गगन थापाले कोरोनाको महामारीबाट गुज्रिएको मुलुकमा मेडिकल सामग्री खरिद गर्दा सरकारले न्यूनतम विवेक नै गुमाएको बताए।

‘आफूले अह्राउने–खटाउने मान्छे कस्तो छ भन्ने सामान्य जानकारी पनि सरकारले नराखेको देख्दा अचम्म लागेको छ,’ थापाले टिप्पणी गरे।

ब्रेकिङ : कोरोना सामग्री खरिदसम्बन्धी ओम्नी समूहसँगको विवादित सम्झौता रद्द

  • ताजा समाचार
  • जनप्रिय

हेल्थपोष्ट टुइट्स सबै

५८ फ्रान्सेली नागरिक बोकेर काठमाडौं आइपुग्यो बुद्ध एयरको जहाज

फ्रान्सबाट नेपाल घुम्न आएर पोखरामा अलपत्र परेका ५८ जना फ्रान्सेली पर्यटकको उद्धार गरिएको छ। फ्रान्सेली पर्यटक बोकेको बुद्ध एयरको जहाज अपरान्ह ४ः४५ बजे काठमाडौं उत्रिएको हो।

बुद्ध एयरको जहाज बिहान ११ बजे पोखरा गएको थियो। काठमाडौंस्थित फ्रान्सेली दूतावासले आफ्ना नागरिकको उद्धारका लागि परराष्ट मन्त्रालय, गृह मन्त्रालय र त्यहाँबाट नेपाल नागरिक उड्डयन प्राधिकरणमा पत्राचार गरेपछि उद्धार उडान गर्न निजी वायुसेवा कम्पनी बुद्ध तयार भएको थियो।

काठमाडौं ल्याइएका फ्रान्सेली नागरिकलाई तत्कालका लागि विमानस्थल नजिकैको एक होटलमा राखिने छ। स्रोतका अनुसार फ्रान्सले फिर्ता लान चाहेमा क्यारेन्टाइनबाटै उनीहरू आफ्नो देश जानेछन्।

बुद्धका एक उच्च अधिकारीले उनीहरू कोरोना भाइरस संक्रमित भएकाले नभइ कतै भवितव्य नहोस् भनेर उद्दार गरिएको बताए।

उनका अनुसार बुद्धको ७२ सिट क्षमतायुक्त एटिआर ७२५०० सिरिजको जहाज उद्दार उडानमा गएको थियो।

सुरुमा फ्रान्सेली कम छन् भनेर ४७ सिटको जहाज पठाउने तयारी थियो। तर, पछि यात्रु पनि थपिएको र सामान पनि बढी परिमाणमा रहेको भन्ने जानकारी फ्रान्सेली दूतावासबाट आएपछि ७२ सिटे जहाज पठाइएको थियो।

  • ताजा समाचार
  • जनप्रिय

हेल्थपोष्ट टुइट्स सबै

लकडाउन नगर्ने ट्रम्पको घोषणा महँगो साबित, अमेरिकामा एकै दिन १३ हजार संक्रमित

संयुक्त राज्य अमेरिकामा कोरोना भाइरस कोभिड १९ को संक्रमितको संख्या ६८ हजार ४ सय ७२ पुगेको छ। बुधबार एकै दिन १३ हजार ३ सय ५५ जना नयाँ संक्रमित थपिएपछि अमेरिकामा संक्रमितको संख्या ६८ हजारभन्दा माथि पुगेको हो।

बिहीबार बिहानसम्ममा अमेरिकामा एक हजार २७ जनाको मृत्यु भइसकेको छ। एक हजार ४ सय ५२ जनाको अवस्था गम्भीर रहेको अन्तर्राष्ट्रिय समाचार संस्थाहरूले जानकारी दिएका छन्।

कोरोना भाइरसको संक्रमण भएकामध्ये ३ सय ९२ जना उपचारपछि घर फर्किएका छन्। कोरोनाको संक्रमण बढे पनि अमेरिकी राष्ट्रपति डोनाल्ड ट्रम्पले आफ्नो मुलुकमा लकडाउन नगर्ने घोषणा गरेका थिए।

अमेरिका लकडाउन गर्नका लागि होइन भन्ने ट्रम्पको अभिव्यक्ति महँगो सावित हुन सक्ने धारणा विपक्षी पार्टीका नेता तथा विश्लेषकहरुले राखिरहेका छन्।

चीनको वुहानबाट शुरू भएको वैश्विक महामारी कोरोना भाइरसको संक्रमणबाट बिहीबारसम्ममा ४ लाख ७१ हजार ७ सय ४ जनालाई कोरोना भाइरसको संक्रमण भएको पुष्टि विश्व स्वास्थ्य संगठनले गरेको छ।

२१ हजार २ सय ९७ जनाले ज्यान गुमाएका छन्। एक लाख १४ हजार ६ सय ९६ जनाले स्वास्थ्यलाभ गरेर घर फर्किएका छन्।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : विश्वभर १९,६४३ को मृत्यु, स्पेनमा एकै दिन ७३८ को ज्यान गयो

वैश्विक महामारी कोरोना भाइरसको संक्रमणबाट विश्वभरि १९ हजार ६ सय ४३ जनाको मृत्यु भएको छ।

विश्व स्वास्थ्य संगठनलाई उद्धृत गर्दै अन्तर्राष्ट्रिय सञ्चारमाध्यमले दिएको जानकारी अनुसार बुधबार दिउँसोसम्ममा विश्वभरि ४ लाख ३६ हजार ४ सय ८१ जनालाई कोरोना भाइरसको संक्रमण भएको छ।

जसमा सबैभन्दा बढी इटालीमा ६ हजार ८ सय २० जनाको मृत्यु भएको छ। इटालीमा संक्रमितको संख्या ६९ हजार १ सय ७६ पुगेको छ।

संक्रमितको संख्या चीनमा सबैभन्दा बढी छ। चीनमा ८१ हजार २ सय १८ जनालाई संक्रमण भएको छ। कोरोना भाइरसको संक्रमणबाट चीनमा ३ हजार २ सय ८१ जनाको मृत्यु भइसकेको छ।

चीनको वुहानबाट शुरु भएको कोरोना भाइरसको संक्रमणबाट पूरै विश्व प्रभावित भइसकेको छ।

अहिलेसम्ममा विश्वका एक सय ८६ भन्दा धेरै देशमा कोरोना भाइरसको संक्रमण दिएको विश्व स्वास्थ्य संगठनले जानकारी दिएको छ।

यसैबीच, कोरोना भाइरसको संक्रमणबाट स्पेनमा एकैदिनमा ७ सय ३८ जनाको मृत्यु भएको छ। स्पेनमा बुधबारसम्ममा ३ हजार ४ सय ३४ जनाको मृत्यु भएको अन्तर्राष्ट्रिय सञ्चार संस्थाहरूले बताएका छन्।

स्पेनमा ४७ हजार ६ सय १० जनामा कोरोना भाइरसको संक्रमण भएको पुष्टि भइसकेको छ। यसैगरी, संयुक्त राज्य अमेरिकामा ५४ हजार ९ सय ९६ जना संक्रमितमध्ये ७ सय ८५ जनाको मृत्युको भएको छ।

  • ताजा समाचार
  • जनप्रिय

हेल्थपोष्ट टुइट्स सबै

भारतमा तीन साता लकडाउन, १५ हजार करोड रुपैयाँ विनियोजन गरेको मोदीको घोषणा

भारतले तीन साता लामो देशव्यापी ‘लकडाउन’ घोषणा गरेको छ। प्रधानमन्त्री नरेन्द्र मोदीले देशैभर तीन साता लामो लकडाउन घोषणा गरेका हुन्।

भारतीय प्रधानमन्त्री मोदीले स्वास्थ्यका पूर्वाधारहरूलाई अझै प्रभावकारी बनाउनका लागि १५ हजार करोड रुपैयाँ विनियोजन गरिएको बताएका छन्।

मोदीले मंगलबार साँझ गरेको सम्बोधनमा मध्यरातबाट लागू हुने गरी २१ दिनसम्म लकडाउन गर्ने घोषणा गरे। आफूले प्रधानमन्त्रीको रुपमा नभइ परिवारको सदस्यका रुपमा यो आह्वान गरेको बताएका छन्।

‘२१ दिनका लागि बिर्सिनुस् कि बाहिर निस्किँदा के हुन्छ, घरमै बस्नुस् र एकै काम गर्नुस् कि आफ्नो घरमै बस्नुस्,’ मोदीले आफ्नो सम्बोधनमा जोड दिएर भनेका छन्।

मोदीले आफ्नो टेलिभिजन सम्बोधनका क्रममा कोरोना भाइरसको संक्रमणविरुद्ध ब्यानर पनि प्रस्तुत गरे। ‘कोः कोई, रोः रोड पर, नाः ना निकले। अथवा कोही पनि सडकमा ननिस्कनुस्।

मोदीले स्वास्थ्यकर्मी र विज्ञहरूको सुझाव अनुसार नै तीन सातासम्मलाई लकडाउन गरिएको बताए। ‘स्वास्थ्य विज्ञहरुका अनुसार कोरोना भाइरसको साइकल तोड्न कमसेकम २१ दिन महत्त्वपूर्ण हुने भएकाले सरकार यो निष्कर्षमा पुगेको हो,’ मोदीले भने।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : १६ हजार ५६९ को मृत्यु, ३ लाख ८२ हजार संक्रमित

वैश्विक महामारी कोरोना भाइरस संक्रमणबाट विश्वभरि १६ हजार ५ सय ६९ जनाको मृत्यु भएको छ।

मंगलबार दिउँसोसम्ममा विश्वभरि ३ लाख ८२ हजार ४ सय २० जनालाई कोरोना भाइरस संक्रमण भएको विश्व स्वास्थ्य संगठनले जानकारी दिएको छ।

जसमा सबैभन्दा बढी इटालीमा ६ हजार ७७ जनाको मृत्यु भएको छ। संक्रमितको संख्या चीनमा सबैभन्दा बढी छ।

चीनमा ८१ हजार १ सय ७१ जनालाई संक्रमण भएको छ। कोरोना भाइरस संक्रमणबाट चीनमा ३ हजार २ सय ७७ जनाको मृत्यु भइसकेको छ।

चीनको उहानबाट सुरु भएको कोरोना भाइरस संक्रमणबाट पूरै विश्व प्रभावित भइसकेको छ। अहिलेसम्ममा विश्वका १ सय ८६ देशमा कोरोना भाइरसको संक्रमण फैलिसकेको विश्व स्वास्थ्य संगठनले जानकारी दिएको छ।

  • ताजा समाचार
  • जनप्रिय

हेल्थपोष्ट टुइट्स सबै

सरकारको निर्णयअघि नै सर्वसाधारण ‘सेल्फ क्वारेन्टाइन’ मा, सुनसान काठमाडौं (फोटो फिचर)

सरकारले भोलि मंगलबारदेखि सर्वसाधारणलाई घरबाट बाहिर निस्किन रोक लगाएको छ। काठमाडौंमा कोरोना भाइरस कोभिड १९ को संक्रमण भेटिएपछि सरकारले देशलाई पूर्ण रुपमा लकडाउन गर्ने निर्णय गरेको हो।

तर, कोरोना संक्रमणको त्रासले सर्वसाधारण घर घरबाट बाहिर निस्किन सकेका छैनन्। काठमाडौंका अति व्यस्त रहने व्यापारिक प्रतिष्ठानहरू सोमबार प्रायः सुनसान थिए।

काठमाडौंबाट १०औं लाख सर्वसाधारण बाहिरिसकेका छन्। काठमाडौंमा जाममा समस्या हटेको त छ नै। सडकहरूमा सवारीसाधन एकदमै न्यून मात्रामा चलिरहेका छन्।

कोनोरा संक्रमणसम्बन्धी सरकारको उच्चस्तरीय समितिको बैठकअघि नै सर्वसाधारण चाहिँ सेल्फ क्यारेन्टाइनमा बस्न थालिसकेका छन्।

सोमबार सेल्फ क्यारेन्टाइन र सेल्फ ‘लकडाउन’मा सर्वसाधारण बसेपछि देखियो काठमाडौं उपत्यकाको दृष्य हेल्थपाेस्टका लागि शिरिष मान महर्जनले आफ्नाे क्यामेरामा उतारेका छन्।

  • ताजा समाचार
  • जनप्रिय

हेल्थपोष्ट टुइट्स सबै

‘Nepali media playing utmost role in fighting COVID-19’

Kathmandu, March 22 :

Speakers at a discussion in the Ministry of Communications and Information Technology today stressed the need of right and timely information in times of crisis. As the entire world is braving coronavirus, effective role of media is sought in Nepal too.

The state-owned and private media houses have been praised for playing their role in tackling crisis ranging from the devastating earthquake of April 2015 to the present state. This time around, the media is at its best in tackling the virus by disseminating awareness and right information.

The discussion was attended by Minister for Communications and Information Technology Dr Yubraj Khatiwada and chiefs and representatives of State-own media houses and other subordinate bodies. The meeting zeroed in on prompt responsive measures to fight and control the infection. Smooth delivery of right information and government’s decisions on the COVID-19 was stressed by the Minister.

Minister Khatiwada said media houses were delivering information related to the infection as expected, and this should be made more effective.
On the occasion, National News Agency (RSS) Executive Chair Shyamal Adhikari was for disseminating the State’s views, increasing relations with experts, bringing out preventive and containment efforts taken at the people’s level and countering negative and fabricated news with the fact-based news by bearing in mind the gravity of the current situation.

He said the RSS was doing its best to give a wide coverage to the coronavirous-related news despite its limited human resources. “Though the RSS has not its representatives at all border points, it has been collecting and disseminating news with the help of its State offices representatives and district stringers.”

The RSS online service is available from 6:00 am to 11:00 pm each day and the service includes Nepali news bulletin, English, International, feature, photo and audio services.

Similarly, Radio Nepal’s Executive Director Suresh Kumar Karki said the organisation disseminated services with the help of its correspondents and also used the RSS services. “Currently it presents news in 21 different languages and the COVID-19 related information and news are on the top priority in all news bulletins. Direct dialogues with the people about COVID-19 and experts views are also on the focus to increase public awareness of the disease.”

Nepal Television’s Chair Dr Mahendra Bista informed the meeting that the Coronavirus Special Talk was being presented each day after the 7:00 am morning news. The issue had been incorporated in comedy shows as well to increase public awareness about the global pandemic of the disease.

Gorkhapatra Sansthan Executive Chair Krishna Murari Bhandari briefed the meeting that collection of news about the coronavirus from all its seven state bureaus and dissemination of reports was going on.

The Sansthan’s publications: Gorkhapatra daily, The Rising Nepal daily and their online services featured the coronavirus-focused news, discussions and opinions of experts. Press Council Nepal’s acting Chair Kishor Shrestha said procedures had been initiated to seek a legal action against those online media disseminating fake news on COVID-19.
Nepal Telecom Managing Director Dilliram Adhikari said the coronavirus-related public awareness message being disseminated through mobile phone ring tones had turned to be effective and the company was preparing to launch an SMS service system for the public awareness.

Nepal Telecommunications Authority Chair Purushottam Khanal demanded the restriction in the dissemination of wrong information while Minimum Wages Fixation Committee Chair Rajendra Aryal sought a job safety of working journalists during the crisis.

-RSS

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : स्वास्थ्यकर्मीलाई समायोजन भएको स्थानमा जान रोक्यो सरकारले

सरकारले स्वास्थ्यकर्मीलाई समायोजन भएको स्थानमा जान रोक लगाएको छ। साथै अहिले कार्यरत रहेको निकायबाटै कामकाज गर्ने निर्देशन दिएको छ।

कोरोना भाइरसको जोखिम नियन्त्रणका लागि सरकारले यो निर्णय लिएको स्वास्थ्य तथा जनसंख्या मन्त्रालयका उपसचिव प्रमोद सिंखडाले जानकारी दिएका हुन्।

सिंखडाका अनुसार मन्त्रिस्तरीय बैठकबाट अहिले समायोजनमा रहेका संघ, प्रदेश र स्थानीय तहमा रहेका स्वास्थ्यकर्मीलाई कार्यरत भएको ठाउँमै काम गर्नेका लागि निर्देशन दिएको हो।

स्वास्थ्य सेवा विभाग र औषधि व्यवस्था विभागलाई अधिकृत सातौँस्तरसम्मका सम्बन्धित स्वास्थ्यकर्मीलाई कामकाजमा खटाउने अधिकार दिएको छ।

त्यसैगरी, करार वा छात्रवृत्तिमा कार्यरत स्वास्थ्यकर्मीलाई चालू आर्थिक वर्षसम्म तलब भत्ताको आवश्यक व्यवस्था गरी म्याद थप गर्ने अधिकार समेत दिएको छ।

कोरोनाको संक्रमणबाट १ सय ६५ देश प्रभावित बनिसकेका छन्। अहिलेसम्म विश्वमा एक लाख ९८ हजार ५ सय १७ जनामा कोरोना संक्रमण पुष्टि भएको छ। सात हजार ९ सय ८८ जनाको ज्यान गएको छ। र, ८२ हजार ७ सय ६२ जना निको भएर घर फर्किएका छन्।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : बिरामीलाई रगत अभाव

क्षेत्रीय रक्तसञ्चार केन्द्र भरतपुरको कार्यालयमा भरतपुरका राजु विश्वकर्मा उदास मुद्रामा थिए। हातमा रगत बोक्ने सेतो बाकस र भरतपुर अस्पतालको सिफारिस पत्र लिएर उनी यता–उता भौतारिइरहे थिए। ‘बुवाकोे उपचारको लागि रगत लिन आएको,’ उनले भने, ‘तर यहाँ छैन भन्नुहुन्छ।’

विश्वकर्मा कहिले काउन्टर त कहिले बाहिर ओहोरदोहोर गर्दै थिए। ब्लड बैंकमा रगत नपाएपछि उनले आफन्तलाई फोन लगाए । तर, कोही ब्लड दिने मान्छे भेटाएनन् । ‘सवैतिर प्रयास गर्दा पनि रगत पाइएन । यहाँ दुई घण्टा देखि कुरेको छु । तत्कालै दुई पोका ब्लड लिन डाक्टरले भनेका छन्’ उनले भने, ‘एबि पोजेटिभ रगत दिने मान्छे पनि पाएको छैन ।’

मध्यविन्दु नगरपालिकाका उत्तम गुरुङ्ग पनि दिउँसो डाक्टरले ब्लड लिनका लागि दिएको सिफारिस पत्र लिएर ब्लड खोज्न भौतारिएका छन् । ४२ बर्षीया आमाको अप्रेसनपछि ब्लड आवश्यक क्षेत्रीय रक्तसञ्चार केन्द्रमा आएका गुरुङ्ग रगत नपाएर निराश मुन्द्रामा छन् । ‘आमाको पाठेघरको अप्रेसनपछि शरीरको ब्लड बगिरहेको छ । डाक्टरले छिटो दुई पोका सेतो र एक पोका रातो ब्लड ल्याउन भनेका छन्’ उनले भने, ‘यहाँआएर दुई घण्टा लाईनमा बसेको छु । तर, दिने पाईएको छैन ।’

रगत अभाव खेपेका केही उदाहरणमात्रै हुन् यी । रक्तसञ्चार केन्द्रका कार्यालय अघिल्तिर पुग्दा रगत राख्ने झोला र सिफारिस पत्र बोकेर आएका यस्ता थुप्रै अनुहार देखिन्छन् । कार्यालयका कर्मचारी रगतको पर्खाइमा बसेका सबैलाई एउटै जवाफ दिईरहेका थिए, ‘ब्लड ग्रप मिल्ने आफ्नो मान्छे भए ल्याउनुस्, नत्र स्टक त छैन ।’

मेडिकल सिटिको रुपमा विकास भैईरहेको भरतपुरमा विरामीहरुको अत्यधिक चाप छ । यहाँ देशकै ठुलो क्यान्सर अस्पपताल, दुई मेडिकल कलेज, संघिय मन्त्रालय अन्तरगतको सरकारी अस्पताल र दुई दर्जन भन्दा बढि निजि हस्पिटलहरु रहेका छन् ।

खासगरी क्यान्सरका विरामीलाई बढि रगतको आवश्यक पर्दछ भने, चितवनमा सवारी दुर्घटना पनि बढि हुनेभएकाले रगतको माग बढि हुने गर्दछ । क्षेत्रीय रक्तसञ्चार केन्द्र भरतपुरका कार्यालयका प्रमुख रमेशकान्त पौडेलका अनुसार जिल्लामा दैनिक एक सय ५० युनिट रगतको माग हुन्छ । तर, अहिले ५० युनिट मात्र संकलन हुने गरेको पौडेलले बताए । ‘चितवनमा रगतको माग दैनीक सय देखि १सय ५० युनिटसम्म हुन्छ । संकलन मुस्किलले ५० युनिट हुने गरेको छ ।’ उनले भने ‘२५ प्रतिशतको हाराहारीमा मात्र व्यवस्थापन गर्न सकेका छौँ ।’ रगतका लागि विरामीका आफ्न्तले मान्छे खोजेर ल्याउनुपर्ने उनले बताए ।

कोरोना भाइरस संक्रमणको जोखिम वढ्दैगएपछि रक्तदानको अभाव हुन थालेको उनले बताए । ‘स्थानीय प्रशासनले सार्वजनिक सार्वजनिक स्थलमा जमघटका कार्यक्रम नगर्न आह्वान गरेको छ । प्रशासनको निति निर्देशन सवैले मान्नुप¥यो । नियमित रक्तदान गर्ने संघसंस्थाले पनि यो समयमा रक्तदान गरेका छैनन् ।’ उनले भने, ‘अहिले रगतको चर्को अभाव छ ।’ रगतको व्यवस्थापन गर्नका लागि छुट्टै रणनिति बनाउन लागिएको उनले बताए । हालको आपतकालिन अवस्थालाई रगतको व्यवस्थापन गर्नका लागि स्वयसेवी रक्तदाता र विभिन्न संघसंस्थालाई आग्रह गरिएको उनले बताए । रगतको अभावलाई व्यवस्थापन गर्नका लागि सवै लाग्नुपर्ने उनको धारणा छ । यही अवस्थामा गए चितवनमा कोरोनाको त्राससंगै ठुलो संकटकालको अवस्था सृजना हुने उनले बताए ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : एक परिवार एक थर्मोमिटर, एक व्यक्ति एक साबुन

चीनको वुहानबाट कोरोना भाइरसका बिरामीको उपचार गरेर नेपाल फर्किएका डाक्टर रमेश आचार्यले कोरोना भाइरस उपचारको सम्पूर्ण जिम्मेवारी सरकारले लिनपर्ने बताएका छन्।

सोमबार काठमाडौंमा साक्षात्कार कार्यक्रमको आयोजना गरेर डा. आचार्यले नेपालमा कोरोना भित्रिन नदिन सरकारले आवश्यक कदम चाल्नु पर्ने बताएका हुन्।

कोरोना रोकथामतर्फ विशेष ध्यान दिएर सरसफाइ तथा नियमित स्वास्थ्य परीक्षणको व्यवस्था हुनुपर्ने उनले बताए। ‘कोरोना भाइरसको संक्रमण रोकथामका लागि नेपालमा एक परिवार एक थर्मोमिटर, एक व्यक्ति एक साबुन अनिवार्य गर्नुपर्छ,’ आचार्यले भने।

भाइरसको संक्रमणबाट विश्व आक्रान्त बनेको अवस्थामा नेपालमा कुनै किसिमको लापरबाही उचित नहुने आचार्यको तर्क छ। ‘सरकारले भाइरस रोकथामका लागि विशेष रणनीति बनार्य अघि बढ्नु पर्छ,’ उनले भने।

डा. आचार्यले चीनमा रहँदा देखेको र उपचारमा खटिँदा अनुभव गरेको कुरा र त्यसबाट नेपालले सिक्नुपर्ने कुरालाई सर्वसाधारणसम्म पु¥याउने उद्देश्यले नेपाल सरकारलाई भाइरसको रोकथामका लागि १२ बुँदे ज्ञापनपत्र बुझाएका छन्।

भाइरसको संक्रमण रोकथामका लागि सबैले आ–आफनो क्षेत्रबाट लाग्नुपर्ने बताउँदै उनले विशेष काम बिना घर बाहिर ननिस्किन, सभा सम्मलेन नगर्न, घर बाहिर जाँदा मास्कको प्रयोग गर्न तथा साबुन पानीले राम्रोसँग हात धुन आग्रह गरेका छन्।

‘हामी आफै सुरक्षित भयौँ भने मात्र कोरोना भाइरसबाट सुरक्षित रहन सक्छौँ, भाइरसको रोकथामका लागि एक मिनेटसम्म साबुन पानीले मिचिमिची हात धुने, तातोपानी सेवन गर्ने, झोलिलो पदार्थ तथा साग खाने बानी बसालौं,’ उनले भने।

विश्वभर कोरना भाइरसको सन्त्रास फैलिरहेको बेला आफै संयमित भएर लाग्नुपर्ने आचार्यले बताएका छन्। सामान्य रुघा खोकी र ज्वरो आउँदैमा भाइरसको संक्रमण हुन नसक्ने जानकारी दिँदै सर्वसाधारणलाई संयमित भइ सरसफाइमा ध्यान दिन आग्रह गरेका छन्।

उनले नेपालमा अहिलेसम्म भाइरसको संक्रमण नभेटिएको उल्लेख गर्दै नेपालीको रोगसँग लड्ने प्रतिरोधी क्षमता राम्रो भएकाले आत्तिनुपर्ने अवस्था नभएको जानकारी दिएका छन्।

भाइरसको संक्रमण नेपाल भित्रिए सबैलाई अप्ठ्यारो स्थिति आउने बताउँदै उनले सरकारलाई समयमै ध्यानपूर्वक काम गर्न आग्रह गरे। साथै कोरोना भाइरसको संक्रमण नेपाल भित्रिए उपचारको सम्पूर्ण जिम्मेवारी नेपाल सरकारले लिनुपर्ने उनले बताएका छन्।

‘कोरोना भाइरसको संक्रमण हुने बित्तिकै न मान्छे मर्छ न त एक घर एक व्यक्तिले गरेर उपचार सम्भव हुन्छ,’ उनले भने, ‘भाइरसको संक्रमण नेपाल भित्रिए उपचारको सम्पूर्ण जिम्मेवारी सरकारले लिनुको विकल्प छैन।’

के छ डा. आचार्यले बुझाएको १२ बुँदे ज्ञापनपत्रमा?

१. ‘कोरोना भाइरसविरुद्ध जनताको संघर्ष’ नारा दिइ सरकारले आन्तरिक तयारी गर्नुका साथै जनतालाई डरत्रासबाट मुक्त गर्न जनचेतना फैलाउने। स्वासथ्य सुरक्षाको न्युनतम मापदण्डको ग्यारेन्टी गर्ने र सातै प्रदेशमा आइसोलेशन वार्ड र भाइरस परीक्षण केन्द्र स्थापना गर्नुपर्ने।

२. भारत तथा नेपालको सीमामा रहेका १ सय २९ नाका र अन्तर्राष्ट्रिय विमानस्थल एक महिनाका लागि बन्द गरिनुपर्ने। धार्मिकस्थलहरूका साथै पार्क, सिनेमा हल, विवाह ब्रतवन्ध जस्ता कार्यक्रम स्थगित गरी एक महिनासम्म विद्यालय बन्द गर्नुपर्ने।

३. नागरिकको तापक्रम मापनका लागि नयाँ एप्स बनाइ बिहान बेलुकाको तापक्रमको अभिलेख अनलाइन राखिनुपर्ने।

४. सबै सरकारी अस्पताल, डाक्टर, नर्स प्यारामेडिक्स तथा सुरक्षा निकायलाई अनिवार्य रुपमा कोरोना भाइरस जोखिम समाधानको पूर्व तयारी अवस्थामा राख्नुपर्ने।

५. प्रत्येक स्थानीय तहमा आपतकालिन उद्दार टिम निर्माण गरी सबै शहरका लाििग फरक–फरक स्वासथ्य इकाई गठन गर्नुपर्ने।

६. जोखिम क्षेत्रमा उपचारका लागि खटिने सर्वसाधारणदेखि प्रत्येक पदाधिकारीले अनिवार्य रुपमा एन–९५ मास्क लगाउनुपर्ने र घर नफर्केसम्म उक्त मास्क हातले नछुने।

७. औषधि, खाद्यान्न, इन्धन मास्क, ह्यान्ड स्यानिटाइजर लगायत अतिआवश्यक वस्तुहरुको सहज आपूर्ति गराउनुपर्ने तथा कालोबजारी गर्नेलाई कडा कारबाही गरिनुपर्ने।

८. विगत दुई हप्तादेखि हालसम्म विदेशबाट आएका सबै नागरिकलाई सेल्फ आइसोलेशनमा बस्नुपर्ने अनिवार्य नियम बनाउनुपर्ने।

९. टेकु अस्पतालको प्रयोगशालामा दैनिक २ हजार ५ सय जना कोरोना शंकास्पद व्यक्तिको जाँचका लागि आवश्यक पर्ने टेस्ट कीटको व्यवस्था गर्नुपर्ने।

१०. पाँच सय शैय्याको आइसियु तथा ५ हजार शैय्याको अस्थायी वार्डको व्यवस्था गर्नुपर्ने।

११. विद्यालयदेखि स्थानीय निकायसम्म हटलाइन, पत्रपत्रिका एसएमएस तथा सञ्चारका साधनहरुबाट जनचेतना फैलाइ एक व्यक्ति एक साबुन नारा अन्तर्गत दिनमा कम्तिमा १० पटक हात धुन आग्रह गर्ने।

१२. भाइरसको संक्रमण भएको शंका लागेमा स्वास्थ्य परीक्षणका लागि अस्पताल जानुपर्ने।

  • ताजा समाचार
  • जनप्रिय

हेल्थपोष्ट टुइट्स सबै

Advice from an Italian to the rest of the world, Nepal can learn too

As I think everybody knows, Italy is on quarantine because of the coronavirus outbreak. That means that everybody has to stay home unless you’ve got valid reasons to go out. This situation is bad, but what’s worse is seeing the rest of the world behaving as if nothing’s going to happen to them. We know what you’re thinking because we were in your place too.

Let’s see how thing developed (keep in mind it all happened in around 2 weeks):

STAGE 1. You know that coronavirus exists, and the first cases begin to appear in your country. Well, nothing to worry about, it’s just a bad flu! I mean I’m not 75+yo so what could possibly happen to me? I’m safe, everybody is overreacting, what’s the need to go out with masks and stock toilet paper? I’m going to live my life as usual, there’s no need to freak out.

STAGE 2. The number of cases begins to be significant. They declare “red zone” and quarantine one or two small cities where they found the first cases and a lot of people were infected (~22/02). Well that’s sad and somewhat worrisome but they’re taking care of it so nothing to panic about. There are some deaths but they’re all old people with other anthologies so the media is just trying to create panic for views, how shameful. People lead their life as usual, I mean I’m not going to stop going out and meeting my friends and so on am I? There’s no need to. It’s not going to get me. Everybody’s fine here.

STAGE 3. The number of cases is rapidly going up. They almost doubled in one day. There’s more deaths. They declare red zones and quarantine the 4 regions where the majority of cases are registered (7/03). In Italy at this point 1/4 of the county is under quarantine, schools and universities are closed in these areas but bars, work places, restaurants and so on are still open. The decree gets released by some newspaper before it should so around 10 k people from the red zone escape from the area that same night to return to their homes in the rest of Italy (this will be important later). Most of the population of the reaming 3/4 of Italy still does what it always does, a portion of the quarantined too. They still don’t realize the seriousness of the situation. I mean yes, everywhere you turn they talk about the coronavirus, they advise to wash your hands and limit your going out, assemblies of large numbers of people are forbidden and so on, every 5 minutes on TV they remind you of these rules. But it still hasn’t settled in people’s minds.

STAGE 4. The number of cases is heavily increasing. Schools and universities are closed everywhere for at least a month. It’s a national health emergency. Hospitals are at capacity, entire units are cleared to make space for coronavirus patients. There aren’t enough doctors and nurses, they’re calling retired ones and those who are in the last 2 years of university, there’s no shifts any more, just work as much as you can. Of course doctors and nurses are getting infected, spreading it to their families and so on. There’s too many cases of pneumonia, too many people who need ICU and not enough places for everyone. The same goes for respiration aids (I don’t know if that’s the correct name). At this point is like being at war: doctors have to choose who to treat based on their survival chance that means that the elderly and trauma/stroke patients can’t get treated because corona cases have the priority. There’s not enough resources for everybody so they have to be distributed for the best outcome. I wish I was joking but it’s literally what has been happening. People have died because there wasn’t any more space, I have a doctor friend who called me devastated because he had to let 3 people die that day, nurses crying because they see people dying in front of them and can’t do anything aside from offering some oxygen. A friend’s relative died yesterday of corona because they couldn’t treat him. Chemios have been delayed until further notice. Its chaos, the system is collapsing. Coronavirus and the crisis it’s provoking is all you hear about everywhere.

STAGE 5. Remember the 10k idiot who ran from the red zone to the rest of Italy? Well, the entire country has to be declared under quarantine (9/03). The goal is to delay the spreading of the virus as much as possible. People can go to work, do the grocery shopping, go to the pharmacy, and all businesses are still open because otherwise the economy would collapse (it already is), but you can’t move from your commune (which is like a municipality I guess) unless you have a valid reason. Now there’s fear, you see a lot of people with masks and gloves around but there are still are people who think that they’re invincible, who go to restaurants in large groups, hang out with friends to drink and so on. Next step.

STAGE 6. 2 days later, it’s announced that all (most) businesses are closed: bars, restaurants, shopping centers, all kinds of shops etc. Everything except supermarkets and pharmacies. You can move around only if you have an auto certification with you, which is an official document in which you declare your name, where you’re coming from, where you’re going and what for.

There are a lot of police check points, if you’re found outside without a valid reason you risk a fine up to €206, and if you’re a known positive patient you risk from 1 to 12 years of jail for homicide. So that’s what the situation is like now today as of the 12/03. Keep in mind that it all happened in around 2 weeks, 5 DAYS FROM STAGE 3 TO NOW. The rest of the world apart from Italy, China and Korea is still at stage 1, beginning to go into stage 2, so let me tell you this: you have no idea what’s coming to get you. I know because 2 weeks ago I was the one who had no idea and though that it wasn’t that bad. But it is. And not because the virus alone is particularly dangerous or deadly, but for all the consequences it brings.

It’s hard to see all these countries act like it’s not coming and not taking the precautions that are necessary for the well-being of its citizens while they still can, so please if you’re reading this try to act in your best interest. This problem isn’t going to solve itself by ignoring it. Just wondering how many undiscovered cases there might be in America alone is scary, and they’re in for a big, big trouble because of how their country is run. Our government for once did a good job I must say.
The actions taken were drastic but necessary, and this may be the only way to limit the spreading. It’s working in China so we hope it will work here to (it’s already working in some of the first red zones which we’re quarantined before everybody else). Also they’re taking measures to protect us citizens such as suspending mortgage payments for next months, help for shop owners who were obligated to close and so on. I realize that these takes are really difficult, if not impossible, to take in some countries and it’s really worrying to think about what it could mean in global scale.

I see a very dark time ahead of us all over the world and it makes me so angry to see all these countries not taking action while they can. I wonder if this pandemic will be a turning point in our society, what you think. So guys, if there are cases where you live, then the virus is spreading, and you’re maybe 1 or 2 weeks behind us, but you’ll get to our point eventually. PLEASE, PLEASE, PLEASE take any precaution you can take, don’t act like it’s not going to get you, and, if you can, STAY HOME.

  • ताजा समाचार
  • जनप्रिय

हेल्थपोष्ट टुइट्स सबै

कोरोनाको शंका लागेमा १११५ मा फोन गर्नुस्, पैसा लाग्दैन

कोरोनाको संक्रमण भएको शंका लागेमा वा यसका बारेमा केही जानकारी चाहिएमा १११५ मा फोन गरेर बुझ्ने व्यवस्था गरिएको छ।

स्वास्थ्य तथा जनसंख्या मन्त्रालयमा कोरोना नियन्त्रण सम्बन्धि गरेको अन्र्तक्रिया कार्यक्रममा इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेले जानकारी दिएका हुन् ।

महाशाखाले शुक्रबार बिहान ११ बजेदेखि सेवा सुरु हुने बताएको छ । सेवा २४सैं घन्टा हुनेछ।

‘कल सेन्टर सञ्चालन गर्नका लागि ११ जना कर्मचारीलाई तालिम दिएका छौं’, डा. पाण्डेले भने, ‘उहाँहरूले महामारीको समयमा कुन अस्पताल जाने, कसरी बच्ने, के कुरा खानेलगायत विषयमा जानकारी दिनुहुन्छ।’ यो नम्बरमा फोन गर्दा पैसा भने लाग्दैन।

मन्त्रलयका अनुसार हालसम्म ४सय ५०जनालाई जाँच गरिएकोमा एकजनालाई मात्रै पोजेटिभ देखिएको थियो। ती पनि निको भइसकेको मन्त्रालयले जनाएको छ।

अहिले आइसोलेसनमा ६ जना बिरामी रहेको मन्त्रालयले जनाएको छ । ४ जना टेकु स्थित शुक्रराज ट्रपिकल तथा सरुवा रोग अस्पतालमा र २ जना पाटन अस्पतालमा रहेका छन् ।

‘नोवेल’ कोरोनाभाइरसबारे भ्रम र यथार्थ

  • ताजा समाचार
  • जनप्रिय

हेल्थपोष्ट टुइट्स सबै

त्रसित नबनाैं, सतर्क बनाैं : काेराेना जाेखिम सामना गर्न कांग्रेसकाे भिडियाे सन्देश

काठमाडौं – नेपाली कांग्रेसले कोरोना भाइरसको संक्रमणको जोखिम सामना गर्न अत्यावश्यक कामको सूचीसहित भिडियो सन्देश जारी गरेको छ।

नेपाली कांग्रेसको सूचना, सञ्चार तथा प्रचार विभागले १५ बुँदे सुझावसहित भिडियो सन्देश जारी गरेको हो।

नेपाली कांग्रेसका मुख्य सचिव कृष्णप्रसाद पौडेलले प्रेस नोट जारी गरेर भिडियो सन्देश जारी भएको जानकारी दिएका हुन्।

यसअघि, नेपाली कांग्रेसका प्रवक्ता विश्वप्रकाश शर्माले पत्रकार सम्मेलनकाे आयाेजना गरी कोरोना भाइरस भित्रिन नदिनका लागि सरकार र आम नागरिक समुदायलाई १४ बुँदे अपील गरेका थिए।

कांग्रेस यस्तो गम्भीर विश्व परिस्थितिका बेला सम्पूर्ण सतर्कताका लागि नेपाल सरकार र सम्बन्धित निकायहरू एवं सबै राजनीतिक दल, संघसंस्था, सञ्चार माध्यम तथा स्वदेश र विदेशमा रहेका समस्त नेपालीलाई अपील गरेकाे थियाे।

कांग्रेसले विश्वमा महामारीको रुपमा फैलिएको कोरोनाको जोखिमलाई मध्यनजर गर्दै पार्टी एवं पार्टीसँग आवद्ध संस्थाहरूका सबै तहका ठूला भेला, सम्मेलन र सभा लगायतका कार्यक्रम संथगित गरेको छ। कांग्रेसले अर्को सूचना जारी नगरुन्जेलसम्मका लागि सबै कार्यक्रम स्थगित गरिएको जनाएको हो।

कांग्रेसले विश्व स्वास्थ संगठनले गराएको सचेतता, नेपाल सरकारको आग्रह एवं जोखिमसँग राख्नुपर्ने सतर्कतालाई दृष्टिगत गरेर सबै कार्यक्रम स्थगित गरिएको जानकारी दिएकाे। कोरोना संक्रमण बारे ‘शहरदेखि गाउँसम्म र गाउँको टोल हुँदै घरघरसम्म’ सतर्कता र चेतनाको अभियान पार्टी र आवद्ध संस्थाहरूमार्फत विभिन्न ढंगले अघि बढाइने बताएकाे छ।

  • ताजा समाचार
  • जनप्रिय

हेल्थपोष्ट टुइट्स सबै