सत्याग्रहमै मर्न तयार छु, तर माग पूरा नभई डडेल्धुरा छोड्दिनँ : डा. केसी, स्थानीयले पठाउन नमानेपछि रित्तै फर्कियो सेनाको हेलिकोप्टर

८ दिनदेखि अनशनरत डा. गोविन्द केसीलाई उपचारका लागि काठमाडौं ल्याउन डडेल्धुरा पुगेको नेपाली सेनाको हेलिकोप्टर रित्तै काठमाडौं फर्किएको छ । अनशनको सातौँ दिन आइतबारसम्म डा. केसीको स्वास्थ्यबारे सामान्य सोधनीसमेत नगरेको सरकारले डा. केसीको स्वास्थ्यमा गम्भीर समस्या देखिएपछि सोमबार भने काठमाडौं ल्याउने तयारी गरेर हेलिकोप्टर पठाएको छ । तर, डा. केसीले माग पूरा नभई डडेल्धुरा अस्पताल छोड्न इन्कार गरेपछि हेलिकोप्टर उनलाई नलिई फर्किएको हो ।

सरकारले आफ्ना माग पूरा नगरुन्जेल डडेल्धुरा नछोड्ने र बरु त्यहीँ सत्याग्रहकै क्रममा मृत्युवरण गर्न आफू तयार भएको डा. केसीले बताएका छन् । प्रशासनले जबर्जस्ती गर्न खोजेपछि सत्याग्रहीको इच्छाविपरीत लान नपाइने भन्दै स्थानीय विरोधमा उत्रिएपछि प्रशासन पछि हटेको हो ।

समस्या समाधानमा पहलकदमी लिनुपर्ने सरकारले आफैँले गरेको सझौता कार्यान्वयन नगरेर समस्या थप बल्झाएको भन्दै स्थानीय आक्रोशित बनेका छन् । अनशनको ८ दिनसम्म वार्ताको सामान्य पहलसमेत नगर्ने सरकारले उनको स्थानान्तरणका लागि भने जबर्जस्ती गर्न नमिल्ने अडान उनीहरूले लिएका छन् । डा. केसीले दूरदराजमा बस्ने विपन्न नागरिकको समेत स्वास्थ्य र शिक्षामा सहज र समान पहुँच हुनुपर्ने माग उठाएर निरन्तर सत्याग्रह चलाउँदै आएकाले उनका जनमुखी मागको सम्बोधन हुनुपर्ने स्थानीयको भनाइ छ ।

डा. केसीको समर्थनमा सोमबार डडेल्धुराका स्थानीय तथा नागरिकसमाजले विरोध प्रदर्शन गर्दै ७ जिल्लामा सरकारी गाडी आवागमनमा रोक लगाएका थिए । नागरिकसमाज, विभिन्न संघसंस्था, मेडिकल विद्यार्थी तथा स्थानीयले डा. केसीको मागमा ऐक्यबद्धता जनाउँदै प्रदर्शन गर्दै आए पनि जननिर्वाचित प्रतिनिधि, सरकार र राजनीतिक दलले भने उदासीनता देखाउँदै आएका छन् ।

डा. केसीको अनशन, स्वास्थ्यअवस्था र थप उपचारबारे छलफलका लागि सोमबार जिल्ला प्रशासन कार्यालय डडेल्धुराले सर्वपक्षीय बैठक बोलाएको थियो । भेलामा डा. केसीलाई हेलिकोप्टरबाट काठमाडौं लाने प्रशासनको प्रस्तावमा स्थानीयले असहमति जनाएका हुन् । प्रमुख जिल्ला अधिकारी राजुप्रसाद पौडेलको पहलमा बोलाइएको बैठकमा सत्याग्रहीको इच्छाविपरीत जबर्जस्ती अन्यत्र पठाउनुभन्दा उनको माग पूरा गर्नतर्फ पहल गर्नुपर्ने आवाज उठेपछि बैठक निष्कर्षविहीन बनेको थियो ।

डा. केसीसँगको सम्झौता अक्षरसः कार्यान्वयन गर : चिकित्सक संघ
नेपाल चिकित्सक संघ (एनएमए) ले ८ दिनदेखि डडेल्धुरामा आमरण अनशनमा रहेका प्रा.डा. गोविन्द केसीको जीवनरक्षाको माग गरेको छ । डा. केसीको स्वास्थ्यअवस्था नाजुक बन्दै गएको अवस्थामा सरकारले वार्ता गरी समस्या समाधान गर्नुपर्ने माग एनएमएको छ । चिकित्साशिक्षा तथा स्वास्थ्यसेवाका अभियन्ता डा. केसी एनएमएका आजीवन सदस्यसमेत हुन् ।

१७औँ अनशनको आठौँ दिन सोमबार विज्ञप्ति जारी गर्दै एनएमएले डा. केसीसित सरकारले विगतका सत्याग्रहका क्रममा गरेका सम्झौता अक्षरसः कार्यान्वयन गर्न सरकारलाई चेतावनी दिएको छ । चिकित्साशिक्षा र स्वास्थ्यसेवालाई संविधानको भावना र मर्मबमोजिम स्थानीय तहसम्म पुर्याई सर्वसाधारण नागरिकको सहज पहँुच विस्तारका लागि पटक–पटक सत्याग्रह गर्दै आएका डा. केसीसँग तत्काल वार्ता गरी विगतका सम्झौता कार्यान्वयनसहित उनले उठाएका माग पूरा गर्नुपर्ने माग एनएमएको छ । डा. केसीको शरीरमा सुगर र अक्सिजनको मात्रा कम भएका कारण तत्कालै आइसियूसेवा उपलब्ध स्वास्थ्यसंस्थामा रेफर गरी उपचार गराउन एनएमएले सुझाब दिएको छ ।

 

  • ताजा समाचार
  • जनप्रिय

हेल्थपोष्ट टुइट्स सबै

डा. केसीलाई काठमाडौं लाने सरकारी प्रयास, डडेल्धुरामा विरोध प्रदर्शन

डडेल्धुरामा १७औँ चरणको अनशनमा बसिरहेका डा. गोविन्द केसीलाई सरकारले जबरजस्ती काठमाडौं लाने प्रयास गरेको छ । डा. केसीलाई काठमाडौं लैजानका लागि हेलिकोप्टर डडेलधुरा पुगेको छ । तर डा. केसीले भने डडेल्धुरा छोड्न मानिरहेका छैनन् । उनले सरकारले आफ्नो माग पुरा नगरुन्जेल सम्म डडेल्धुरा नछोड्ने बताएका छन् । उनले बरु डडेल्धुरामा नै मर्न तयार भएको बताएका छन् ।

केसीलाई जबरजस्ति काठमाडौँ लग्न थालेपछि स्थानीयले सरकारसँग सहमति भएर माग पूरा नभएसम्म काठमाडौं लैजान नदिने भन्दै विरोध जनाएका छन् । सोमबार डडेलधुराका स्थानीय तथा नागरिक समाजले विरोध प्रदर्शन गर्दै ७ जिल्लाको सरकारी गाडी बन्द समेत गरेका छन् । उनीहरुले अहिले सडकमा नाराबाजि गर्दे सडकमा टाएर बालेर बिरोध जनाइरहेका छन् ।  डा केसीको शरीरमा सुगर र अक्सिजनको मात्रा कम भएको चिकित्कहरुले बताएका संगै तत्कालै आइसियु भएको स्थानमा सार्ने सुझाव समेत दिएका छन् ।
चिकित्सा शिक्षा सुधारका ७ बुँदे माग राख्दै ८ दिनदेखि डा. केसी डडेलधुरामा अनसन बसिरहेका छन् । विगतका सत्याग्रहका क्रममा सरकारले आफूसित गरेका सम्झौता कार्यान्वयन गर्नुपर्ने, सम्झौताअनुसार राष्ट्रिय चिकित्साशिक्षा ऐनमा संशोधन गरिनुपर्ने, दुर्गम क्षेत्रहरुमा सरकारी मेडिकल कलेज खोलिनुपर्ने, विद्यार्थीबाट अवैध शुल्क असुलेर ठगी गर्ने मेडिकल कलेजहरुलाई कारबाही गर्नुपर्नेलगायत विभिन्न सातबुँदे माग राखेर डा. केसीले गत सोमबार १७औँ सत्याग्रह सुरु गरेका थिए । आइओएमको २६ वर्षे चिकित्सकीय तथा प्राध्यापन सेवाबाट अवकाश भएपछिको पहिलो अनशनका लागि उनले सुदूरपश्चिमको डडेल्धुरा रोजेका थिए । सुदूरपश्चिममा सरकारी मेडिकल कलेजको माग उनले पहिलेदेखि नै उठाउँदै आएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

डा. केसीको स्वास्थ्य अवस्था गम्भीर, अस्पताल सारियो

डढेल्धुराको एक निजी घरमा पाँच दिनदेखि आमरण अनशनरत डा. गोविन्द केसीको स्वास्थ्य अवस्था गम्भीर भएपछि शुक्रबार साँझ अस्पतालमा सारिएको छ । परीक्षणका क्रममा रक्तचाप न्युन हुनुकासाथै छातिको अत्यधिक दुःखाई र मुटुको चालमा समेत गढबडी देखिएपछि उनलाई अस्पताल सारिएको हो ।
साँझ ८ः१५ बजे प्रदेश सासंद कर्णबहादुर मल्लसहित आफन्त र नागरिक अगुवाको रोहभरमा डा. केसीलाई अस्पताल सारिएको हो । उनलाई अस्पताल सार्नुअघि मल्लसहित भाई किशोर केसी, नागरिक समाज संयोजक रमेशप्रसाद जोशीलगायतले हस्ताक्षर गरेर स्वास्थ्य अवस्था प्रतिकुल भएको र अस्पताल सार्नुपर्ने देखिएको भन्दै सार्ने निर्णय गरेका थिए ।

चिकित्साशिक्षा सुधारसम्बन्धी ७ बुँदे माग राखेर उनी कार्तिक १७ गतेदेखि डढेल्धुराको एक फार्मेसी रहेको घरको चिसो कोठामा अनसन सुरु गरेका थिए । चिकित्साशिक्षासम्बन्धी ऐन संसोधन, मेडिकल विद्यार्थीसँग लिएको अतिरिक्त शुल्क फिर्तासहितका माग राखेर अनशन थालेका थिए । डा. केसीले सुरुमा नेपाल चिकित्सक संघको भवनमा अनशन थाल्ने योजना बनाएपनि संघ नेतृत्वले सहयोग नगरेपछि उनीले अनशनका लागि डढेल्धुरा गएका थिए ।

  • ताजा समाचार
  • जनप्रिय

हेल्थपोष्ट टुइट्स सबै