हावाहुरी प्रभावितका नाममा नेशनल मेडिकल कलेजको असुली, प्रधानमन्त्रीबाट प्रशंसा, मुख्यमन्त्रीबाट चेक

बारा र पर्सामा ‘टोनार्डो’ नामक हावाहुरीबाट घाइते परिवारलाई निःशुल्क उपचार गर्ने घोषणा गरेको नेशनल मेडिकल कलेजले अन्ततः प्रदेश सरकारबाट ३१ लाख रुपैँया लिएको लियो । सरकारका प्रमुखले अस्पतालले निःशुल्क रुपमा उपचार गरेको भन्दै जनतासँग प्रधानमन्त्री कार्यक्रममा नीजि कलेजको उच्च प्रशंसा गरेका थिए । अधिकांश घाइतेका उपचार सरकारी अस्पतालमा भएपनि प्रधानमन्त्री ओलीले सरकारी अस्पतालको नामै नलिइकन नेशनलकलेजको प्रशंसा गरेका थिए ।

त्यही कलेजले केही दिनअघि मुख्यमन्त्रीबाट लाजै नमानी चेक बुझे । ‘टोनार्डो’ प्रवाति क्षेत्रमा अनुगमनमा पुगेका प्रधानमन्त्री केपी शर्मा ओलीकै अगाडी सकलेज संचालक बसरुद्धिन अन्सारीले सञ्चारमाध्यममा घाइतेलाई निःशुल्क उपचार गर्ने घोषणा समेत गरेका थिए । सोपछि नेपाल टेलिभिजनबाट प्रशारित जनतासँग प्रधानमन्त्री कार्यक्रममा ओलीले ‘घाइतेको उपचारमा राम्रारी ध्यान दिएको पाएँ’ भन्दै कलेजको प्रशंसा सुरु गरेका थिए ।

ओलीले भनेका थिए – ‘अझै नेशनल मेडिकल कलेजले त उपचार निःशुःल्क, अप्रेसन निःशुल्क, औषधि निःशुल्क सबै घाइते र कुरुवालाई खानासमेत प्रवन्ध समेत निःशुल्क ढंगले गरेर उपचार ठूलो मात्रामा पु-याएको पाइयो, यो बहुत स्वगतयोग्य कुरा हो’ ।

ओलीले भनेका थिए – ‘अझै नेशनल मेडिकल कलेजले त उपचार निःशुःल्क, अप्रेसन निःशुल्क, औषधि निःशुल्क सबै घाइते र कुरुवालाई खानासमेत प्रवन्ध समेत निःशुल्क ढंगले गरेर उपचार ठूलो मात्रामा पु-याएको पाइयो, यो बहुत स्वगतयोग्य कुरा हो’ ।

तर, अहिले आएर कलेजले २ सय ३३ जनालाई उपचार गरेको बिल मुख्यमन्त्री कार्यालयमा पेश गरी भुत्तानी लिएको हो । मुख्यमन्त्री लालबाबु राउतले समेत उक्त घोषणालाई वेवास्ता गर्दै सार्वजनिक रुपमा फोटो खिचाएरै मेडिकल कलेजका निर्देशक आविद हुसैन अन्सारीलाई रु.३१ लाख ३८ हजार २ सय ८४ को चेक हस्तान्तरण गरे ।
घाइतेकै उपचारका विलबापत वीरगंज हेल्थ केयर हस्पिटलले १३ लाख ६३ हजार २ सय ५६ रुपैँया भुत्तानी लिएको छ । ०७५ चैत्र १७ मा आएको हावाहुरी ‘टोनार्डो’ बाट ३० भन्दा बढीको मृत्यु भएको थियो भने सयौँ व्यक्ति घाइते भएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरी प्रभावित पुरनिया पुग्यो नर्भिक अस्पतालको विशेषज्ञ टोली

 

विशानकारी हावाहुरीका प्रभावित बारा र पर्साका पीडितको उपचार सहायतका लागि खटिएको थापाथलीस्थित नर्भिक अस्पतालका विशेषज्ञ चिकित्सकसहितको स्वास्थ्य टोली बढी प्रभावित पुरनिया गाउँ पुगेको छ ।

स्वास्थ्य मन्त्रालयसँग अनुमति लिएर मंगलबार बारा पुगेको टोलीले सुरुमा कलैया अस्पतालमा उपचारमा खटिएको थियो ।

प्रदेश सरकारले हावाहुरी प्रभावित क्षेत्रमा उपचारका लागि चिकित्सक अभाव भएको जनाएपपछि अस्पतालले विशेषज्ञ टोली खटाएको थियो ।

टोलीमा डा. प्रदिपकुमार गुप्ता र डा. इमराना खातुनको नेतृत्वमा ७ जना छन् । बुधबार भने बढि प्रभावित रहेको बाराको पुरनिया गाउँको स्वास्थ्य संस्था वा घरदैलोमै पुगेर सेवा दिने अस्पतालले जनाएको छ ।

नर्भिक टोलीले आकस्मिक कक्षमा रहेका घाइतेलाई आवश्यक सम्पुर्ण जाँच तथा उपचार सेवादिएको उपचारमा सम्लग्न डाक्टरले बताएका छन् । नर्भिकका चिकित्सकले कलैया अस्पतालमा रहेको ३२ जनाको हाराहरीमा रहेका बिरामीलाई सेवा दिएको अस्पतालले जानकारी गराएको छ ।
हावाहुरीको कारणले बारा र पर्सामा गरि २८ जनाको मुत्यु भएको थियो भने १ हजार भन्दा बढी मानिसहरु घाइते भएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरी प्रभावितलाई तीन अस्पतालका कर्मचारीले एक दिनको तलब दिने

हावाहुरी प्रभावित क्षेत्र बारा र पर्साका जिल्लाका पीडित एवं प्रभावितलाई मानवीय सहायत र उपचारमा कांग्रेसका तीन पूर्व शीर्ष नेताका नामका अस्पतालहरु र अन्य संघसंस्थाले सघाउने भएका छन् ।

गत आइतबारको हावाहुरीबाट बढी प्रभाव परेको क्षेत्रका पीडितलाई बसुन्धरास्थित बिपी स्मृति अस्पतालसहित महेन्द्रनारायणनिधि स्मृति र गणेशमानसिंह स्मृति अस्पतालमा कार्यरत कर्मचारीको एक दिनको तलब संकलन गरि सहयोग गर्ने घोषणा गरेका छन् ।

बिपी स्मृति अस्पतालका अध्यक्ष डा. केदारनरसिंह केसीका अनुसार यो अभियानमा यशोधादेवि भगवानसिंह स्मृति ट्रस्ट, नेपाल चिकित्सक संघले समेत साथ दिने डा. केसीले जानकारी दिए । उनले प्रभावित क्षेत्रमा थप कुनै प्रकोपको अवस्था आएमा थप उपचार सहायता पु¥याउन समेत तीन वटै अस्पताल तयार रहेको बताए । उनले संकलित रकमबाट प्रभावित क्षेत्रको आवश्यकता हेरेर त्यही कार्यमा लगाइने समेत डा. केसीले बताए ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरी प्रभावितको सहायतामा स्वास्थ्य अनुसन्धान परिषद्का कर्मचारीले एक दिनको तलब दिने

बारा र पर्साको हावाहुरी प्रभावित क्षेत्रका पीडितका मानवीय सहायता र उद्दारका लागि स्वास्थ्य अनुसन्धान परिषद्का पदाधिकारी र कर्मचारीले एक दिनका तलब सहयोग गर्ने भएका छन् ।

मानवीय विपत्तिमा सघाउन अध्यक्षा डा. अन्जनीकुमार झाको प्रस्तावमा परिषद्का ६८ जना स्थायी, अस्थायी र करार कर्मचारीले एक दिनको तलब मुख्यमन्त्री सहायता कोषमा जम्मा गर्ने भएका हुन् ।

काउन्सिल स्वास्थ्य मन्त्रालय अन्र्तगतको अनुसन्धान सञ्चालन, नियमन र अनुगमनकर्ता निकाय हो । आइतबार राति बारा र पर्साका केही गाउँपालिकामा केन्द्रीत भएर गएको हावाहुरीबाट हजारौ परिवार प्रभावित भएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

मानवीय सेवाका लागि डा. केसी हावाहुरी प्रभावित क्षेत्रमा, पुरनियामा शिविर

फाइल तस्बिर

डा. गोविन्द केसी आइतबार आएको विनाशकारी हावाहुरीबाट प्रभावित बारा र पर्साको गाउँमा उपचार एवं राहत वितरणका लागि पुगेका छ ।
विनाशको घटना थाहा पाउनासाथ सोमबारै दिउसै डा. केसी बस चढेर कलैयाका लागि हिँडेका थिए । उनले सोमबार राति कैलयत अस्पतालमा भर्ना गरिएका विरामीको अवस्था हेरेर स्थानीय चिकित्सकलाई सघाएका थिए ।

मंगलबार भने उनी विहानै बढी प्रभावित गाउँ पुगेका थिए । डा. केसीले साथमा औाषधि र राहत सामग्रीसमेत लिएर गएको हेल्थपोस्टलाई जानकारी दिए । उनले स्थानीय स्वास्थ्यकर्मी र चिकित्सको साथ लिएर प्रभावित क्षेत्रमा केही दिन शिविर चलाउने बताए । ‘सदरमुकाम र अस्पताल रहेका ठाउँमा अरु चिकित्सकहरु पनि हुनुहुन्छ, म समुदायमै गएर सेवा गर्छु ।’ उनले भने ।

हावाहुरीले सबैभन्दा बढी क्षती पु-याएको पुरनीय गाउँमा पुगेर शिविर चलाएका थिए । ‘पुरानीय र आसपासका ठाउँमा सामान्य चोटपटक र अन्य समस्या भएका विरामी बढी आइरहनु भएको छ,’ उनले भने, ‘भोली वीरगञ्ज आसपासका क्षेत्रमा गएर शिविर चलाउँछु, ।’

डा. गोविन्द केसीले हावाहुरी प्रभावित ठाउँमा दिनभर शिविर चलाउने भएका छन् । कलैयाबाट हेल्थपोस्ट संग कुरागदै उनले भने,‘ म संग स्थानिय केहि स्वास्थ्य कमी पनि हनुहुन्छ, अब स्वास्थ्य शिविर चलाउनछु ।’ हाडजोर्नीको सम्बन्धी औषधि लगायत सिटामोल, पारासिटामोल लगायतका विभिन्न प्रकारका औषधि वितरण गर्ने छन् । चिकित्साशिक्षा सुधार अभियान सुरु गर्नु अघिदेखि नै डा. केसी राष्ट्रिय अन्तराष्ट्रिय क्षेत्रमा भएका मानवीय विपत्तिका घटनामा आफ्नै खर्चमा उपचार तथा राहत वितरणमा खटिने गरेका छन् ।

आइतबार आकस्मिक रुपमा आएको हावाहुरीले २८ जनाको ज्यान गइसेकेको पुष्टि भएको छ । घटनापरी १ हजार भन्दा बढी व्यक्ति घाइते भएका छन् । मुत्यु हुनेमा ९ जना पुरुष, १४ जना महिला र बालबालिका ५ जना रहेका छन् ।
घाइतेहरुको बारा र पर्सा विभिन्न अस्पतालमा तथा काठमाडौं स्थित त्रिवि शिक्षण अस्पतालमा उपचार भइरहेको छ ।

  • ताजा समाचार
  • जनप्रिय

हेल्थपोष्ट टुइट्स सबै

हुरीपीडित साढे ३ सय घाइते अझै अस्पतालमा, विभिन्न अस्पतालबाट दर्जन चिकित्सक टोली प्रभावित क्षेत्रमा

आइतबारको विनाशकारी हावाहुरीका कारण घाइते भएका बारा र पर्साका बिरामीको उपचारका लागि स्थानीय अस्पतालहरूमा चिकित्सकको अभाव भएपछि देशका विभिन्न अस्पतालबाट विशेषज्ञ चिकित्सकसहितका करिब एक दर्जन टोली प्रभावित क्षेत्रमा खटिएका छन् । पछिल्लोपटक चितवनबाट चिकित्सकसहितको स्वास्थ्यकर्मीको टोली प्रभावित क्षेत्रमा पठाउने तयारी गरिएको छ । चितवन मेडिकल कलेजबाट ३५ जना चिकित्सकसहित स्वास्थ्यकर्मीको टोली प्रभावित क्षेत्रतर्फ जान लागेको अस्पताल प्रशासनले जनाएको छ ।

चिकित्सकसहितको स्वास्थ्यकर्मीको टोलीले प्राथमिक उपचारका सामग्री र औषधिसमेत लैजाने भएका छन् । यसअघि, सोमबार नै काठमाडौंबाट विशेषज्ञ चिकित्सकसहितको ३ टोली प्रभावित क्षेत्रमा पुगिसकेको स्वास्थ्य मन्त्रालयका प्रवक्ता महेन्द्रबहादुर श्रेष्ठले जानकारी दिएका छन् । उनका अनुसार सोमबार बिहान डा. रमेश खरेलको नेतृत्वमा ३ जनाको चिकित्सक टोली हावाहुरीप्रभावित क्षेत्रमा पुगेको थियो । त्यस्तै, सोमबार नै डा. दीपेन्द्ररमण सिंह नेतृत्वको ३ चिकित्सकको टोली र डा. विवेककुमार लाल नेतृत्वको २ सदस्यीय चिकित्सक टोली घटनास्थल पुगेका छन् ।

प्रवक्ता श्रेष्ठका अनुसार वीरेन्द्र प्रहरी अस्पतालका २ टोली र सैनिक अस्पताल, हेटौँडा अस्पताल, जनकपुर अस्पताल र मेडिसिडी अस्पतालका छुट्टाछुट्टै चिकित्सक अन्य स्वास्थ्यकर्मीसहित प्रभावित क्षेत्रमा पुगिसकेका छन् । त्यसैगरी, थापाथलीस्थित नर्भिक अस्पतालले पनि घटनास्थलमा चिकित्सकको टोली खटाउन मन्त्रालयसित अनुमति लिएको र जाने तयारीमा रहेको प्रवक्ता श्रेष्ठले बताए । उनका अनुसार पछिल्लो समय साढे ३ सयको हाराहारीमा घाइतेको विभिन्न अस्पतालमा उपचार भइरहेको छ । तीमध्ये केही बिरामीलाई शल्यक्रिया आवश्यक भएको उनले जानकारी दिए ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरीको क्षति थपिँदै, घाइते हजार नाघे, २८ को ज्यान गुमेको पुष्टि, संक्रमणको खतरा

आइतबारको हावाहुरीका कारण बारा र पर्सा जिल्लामा मानवीय क्षतिको क्रम बढ्दै गएको छ । स्वास्थ्य मन्त्रालयको पछिल्लो तथ्यांकअनुसार हालसम्म हावाहुरीका कारण २८ जनाको ज्यान गइसकेको छ ।

उद्धार र राहतको काम जारी रहँदा घटनामा घाइते हुनेको संख्या थपिँदै छ । हालसम्म १ हाजर ४४ जना घाइते पाइएको मन्त्रालयले जनाएको छ । मन्त्रालयका प्रवक्ता महेन्द्रबहादुर श्रेष्ठका अनुसार मृत्यु हुनेमा ९ जना पुरुष, १४ जना महिला र ५ बालबालिका छन् । उनका अनुसार कलैया अस्पतालमा १९ जना र नारायणी उपक्षेत्रीय अस्पताल, वीरगन्जमा ९ जनाको मृत्यु भएको छ । त्यसमध्ये केहीको अस्पताल पुर्याउनुअघि घटनास्थलमै मृत्युभइसकेको र केहीको उपचारका क्रममा मृत्यु भएको बताइएको छ ।

घाइतेहरूको देशका विभिन्न अस्पतालमा उपचार भइरहेको मन्त्रालयले जनाएको छ । १८ जना गम्भीर घाइतेको काठमाडौंको महाराजगन्जस्थित त्रिवि शिक्षण अस्पतालमा उपचार भइरहेको छ । नेपाली सेनाको हेलिकोप्टरमार्फत सोमबार बिहान ११ जना घाइतेलाई त्रिवि शिक्षण अस्पताल ल्याइएकोमा दिउँसो थप ७ जनालाई ल्याइएको छ । त्यसमध्ये ३ जनाको आकस्मिक अप्रेसन गर्नुपर्ने अवस्था रहेको अस्पतालले जनाएको छ । उनीहरूको स्थानीय अस्पतालमा उपचार सम्भव नभएपछि सघन उपचारका लागि काठमाडौं ल्याइएको हो ।

सरकारले आइतबारको हावाहुरीका कारण घाइते भएका सबै बिरामीको निःशुल्क उपचार गर्ने घोषणा गरिसकेको छ । साथै, मृतक परिवारका लागि राहतस्वरूप ३–३ लाख रूपैयाँ उपलब्ध गराउने प्रदेश २ सरकारले निर्णय गरेको छ । हावाहुरीले क्षति पुर्याई आवासविहीन बनेका परिवारलाई घर बनाइदिनेसमेत सरकारले जनाएको छ ।

उद्धारको क्रम जारी रहेकाले भौतिक तथा मानवीय क्षतिको यकिन विवरण भने अहिले नै अनुमान गर्न सकिएको छैन । प्रलयकै रूप धारण गरी हावाहुरीले बस्ती क्षतविक्षत तुल्याएका कारण मानवीय क्षति अझै बढ्न सक्ने अनुमान लगाइएको छ । सडकमा गुडिरहेका सवारीसाधनसमेत उडाउने गरी आइतबार साँझ आएको हुरीले बारा र पर्सा जिल्लाका अधिकांश घर कच्ची घर ध्वस्त पारेको छ ।

 

संक्रमणको जोखिम, प्रभावित क्षेत्रमा वाटर एम्बुलेन्स

एकातिर उपचाररत कतिपय घाइतेको अवस्था चिन्ताजनक छ भने अर्कोतर्फ घरबारविहीन स्थानीयमा खुला आकाशमा सामूहिक बसोवास गर्नुपर्दा रोग संक्रमणको खतरा बढ्ने जोखिमतर्फ पहिले नै सजग हुनुपर्ने देखिन्छ । यसै पनि गर्मी सुरु भएसँगै तराका जिल्लामा संक्रमणको उच्च जोखिम रहने गरेको छ । यद्यपि, घाइतेको उपचारका लागि काठमाडौंलगायत विभिन्न स्थानबाट विशेषज्ञ चिकित्सकसहितको टोली घटनास्थल पुगिसकेको छ ।

यसैबीच खानेपानी तथा ढल व्यवस्थापन विभागले पानी शुद्धीकरण गर्ने आधुनिक उपकरणसहितको वाटर एम्बुलेन्स हावाहुरी प्रभावितक्षेत्रमा पठाएको छ । दूषित पानीलगायत कारणबाट हुने संक्रमणको जोखिम न्यूनीकरणका लागि पानी शुद्धीकरणका सामग्रीहरुसहितको एम्बुलेन्स खानेपानी डिभिजन कार्यालय इटहरीबाट प्रभावित क्षेत्रमा पठाइएको हो । वाटर एम्बुलेन्समा जडित आधुनिक प्रविधिको सहयोगले पानीको गुणस्तर जाँच गरिन्छ ।

  • ताजा समाचार
  • जनप्रिय

हेल्थपोष्ट टुइट्स सबै

मौसमविद्लाई हुन्छ कि हुँदैन हावाहुरीको पूर्वानुमान ? आइतबारको हुरी दुर्लभ, सोमबार पोखरा प्रभावित हुने

 

केही समयदेखि नेपालका मौसमविद्ले गरेको मौसमसम्बन्धी पूर्वानुमान धेरै हदसम्म मिलेको कुरा यत्रतत्र चर्चाको विषय बनेको छ । आइतबार पनि मौसम पूर्वानुमान महाशाखाले देशको मध्यभेगमा मेघगर्जनसहित वर्षा हुने कुराको भविष्यवाणी गरेको थियो । महाशाखाको पूर्वानुमानबमोजिम नै पानी पर्यो, तर पानीसँगै अप्रत्याशित रूपमा आएको हावाहुरीले ऐतिहासिक विनाश निम्त्यायो । यस्तोमा सबैको मनमा खुलदुली हुन सक्छ कि, वर्षा र तापक्रमबारे भविष्यवाणी गर्ने मौसमविज्ञानको अध्ययनक्षेत्रभित्र हावाहुरी पर्छ कि पर्दैन ? के हावाहुरी पनि भूकम्पजस्तै पूर्वानुमान गर्न नसकिने प्राकृतिक प्रकोप हो त ? हामीले मौसमविद् विभूति पोख्रेलसित यही विषयमा जान्ने प्रयास गरेका छौँ ।

‘हावाहुरीको पूर्वानुमान गर्न सकिन्छ, तर हामीकहाँ उपकरण र जनशक्ति छैन’
मौसमविद् पोख्रेलका अनुसार समग्र मौसमको अवस्थाबारे मौसमविद्ले भविष्यवाणी गर्न सक्ने भए पनि कुनै स्थानविशेषको मौसमी अवस्थाबारे गहिराइमा अन्ययन गर्ने प्रचलन नेपालमा छैन । ‘हामीले देशको मध्यभेगमा मेघगर्जनसहित पानी पर्ने पूर्वानुमान सार्वजनिक गरेका थियौँ,’ महाशाखाकी मौसमविद् पोख्रेलले भनिन्, ‘तर, बारा, पर्साक्षेत्रमा यस्तो हुन्छ भनेर लोकलाइज गरेर पत्ता लगाएका भने थिएनौँ ।’ उनका अनुसार मौसम विज्ञानले हावाहुरीको पूर्वानुमान गर्न सक्ने भए पनि नेपालमा त्यसका लागि आवश्यक उपकरण र दक्ष जनशक्तिको अभाव भएकाले अहिलेसम्म त्यो सम्भव हुन सकेको छैन । ‘हामीसँग हावाहुरीको अध्ययन गर्ने कुनै उपकरण छैन र त्यससम्बन्धी दक्षजनशक्ति पनि उपलब्ध छैन,’ उनले भनिन् ।

विकसित देशहरूले हावाहुरीको पूर्वानुमान गरी आफ्ना नागरिकलाई पहिले नै सतर्क गराउने गरेका छन् । छिमेकी देश भारतले पनि विहारका जनतालाई हावाहुरी आउने पूर्वानुमानका आधारमा सतर्क गराएको थियो । नेपालमा पनि अत्याधुनिक प्रविधि उपलब्ध भएको खण्डमा हावाहुरीको पूर्वसूचना दिई त्यसबाट हुने क्षति न्यूनीकरण गर्न सकिने मौसमविद्को भनाइ छ ।

आइतबारको हावाहुरी दुर्लभ, के थियो कारक ?
मौसमविद् पोख्रेलका अनुसार आइतबार तराइक्षेत्रमा आएको हावाहुरी दुर्लभ हो । ‘यस्तोखालको ठूलो हावाहुरी आजसम्म आएको थाहा थिएन,’ उनले भनिन्, ‘यस्तो हावाहुरी आउनुमा विभिन्न कारण हुन्छन्, जसको हामी खोजी गरिरहेका छौँ ।’

आइतबार अकस्मात् भएको मौसम परिवर्तनको प्रमुख कारक पश्चिमी वायु थियो । ‘पश्चिमी वायु पोखरा हुँदै दक्षिणपूर्वतर्फ सरेको थियो,’ मौसमविद् पोख्रेल भन्छिन्, ‘पश्चिमी वायु, स्थानीय प्रभाव र ट्रस, यी तीनवटा कुराले गर्दा आइतबार बारा–पर्साक्षेत्रमा प्रभाव परेको देखिन्छ ।’ उनका अनुसार बाराको क्षतिलाई हेर्दा ४०–५० नटको हाराहारीमा हावाहुरी चलेको अनुमान गरिएको छ ।

मौसमको अध्ययनका लागि आवश्यक अत्याधुनिक उपकरण उपलब्ध भएको खण्डमा मौसम पूर्वानुमानलाई समग्रमा मात्र नभई स्थानीयीकरण गर्न सकिने र स्थानविशेषमा आउने हावाहुरीको पूर्वानुमान गर्न सकिने उनी पोख्रेल बताउँछिन् । ‘यदि हामीसित अत्याधुनिक उपकरण भएको भए लोकलाइज गरेर जान सकिन्थो र यो घटनालाई न्यूनीकरण गर्नमा सहयोग पुग्थ्यो,’ उनले भनिन् ।

सोमबार पोखरालगायत पश्चिमी क्षेत्रमा हावाहुरीको सम्भावना
पोख्रेलले सोमबार पोखरालगायत पश्चिमी क्षेत्रमा पनि हावाहुरीको संकेत देखिएकाले सर्तक रहन आग्रह गरिन् । ‘आज भने पश्चिम नेपालको पोखराआसपासको एरियामा र पहाडी भूभागमा हुरी चल्ने सम्भावना छ,’ उनले भनिन्, ‘तर, हिजोजस्तो ठूलो हावाहुरीको सम्भावना भने छैन ।’

सामान्यतया उच्चचापीय क्षेत्रबाट निम्नचापीय क्षेत्रमा हावा वहने गर्छ । वायुमण्डलमा हावाको चापमा जति भिन्नता आयो, त्यति नै तीव्र गतिमा हावा चल्छ । सामान्यतया हावाको गति ३० नट अर्थात् १५ मिटरप्रतिसेकेन्डभन्दा माथि गएपछि हावाले सशक्त हुरीको रूप लिन्छ ।

  • ताजा समाचार
  • जनप्रिय

हेल्थपोष्ट टुइट्स सबै

औषधि उत्पादक संघद्वारा हावाहुरीप्रभावित क्षेत्रमा औषधि वितरण

विनाशकारी हावाहुरीका कारण क्षतविक्षत बनेका बारा र पर्साका पीडितलाई उद्धार र राहतमा सहयोग पुर्याउनेक्रम देशभर सामूहिक तथा व्यक्तिगत रूपमा चलिरहँदा नेपाल औषधि उत्पादक संघले हावाहुरीप्रभावित क्षेत्रमा औषधि वितरण गरेको छ । आइतबारको विनाशकारी हावाहुरीले बारा, पर्सालगायत अन्य जिल्लामा पुगेको क्षतिप्रति दुःख प्रकट गर्दै संघले नेपाल रेडक्रस सोसाइटी र मेडिकल एसोसिएसनसँग सहकार्य गर्दै औषधि उपलब्ध गराएको हो ।

संघमा आबद्ध वीरगंजमा भएका उद्योगहरूबाट सोमबार बिहानैदेखि औषधि उपलब्ध गराइएको संघले जनाएको छ । नेपाल औषधि उत्पादक संघका प्रभात रुङगटाले नेपाल मेडिकल एसोसिएसनका वीरगन्ज च्याप्टरका महासचिवलाई नारायणी अञ्चल अस्पतालमा उपलब्ध औषधि हस्तान्तरण गरेका छन् ।

संघका अनुसार हावाहुरीप्रभावित अन्य स्थानमा समेत उद्योगबाट औषधि संकलन भइरहेको छ । ‘हामी जतिसक्दो चाँडो घटनास्थलमा औषधि पुर्याउन लागिरहेका छौँ,’ संघका मिडिया कोअर्डिनेटर विप्लव अधिकारीले भने ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरीमा घाइते ११ जनाको त्रिवि शिक्षण अस्पतालमा उपचार हुँदै, २ को अवस्था गम्भीर, मृतक २७ मा ५ बालबालिका

आइतबार सँझको हावाहुरी र भुमरीबाट बारा र पर्सा जिल्लामा गम्भीर घाइते भएका ११ जनालाई उपचारका लागि काठमाडौं ल्याइएको छ । उनीहरुको त्रिवि शिक्षण अस्पतालमा उपचार सुरु भएको अस्पतालले जनाएको छ । दुईजनाको अवस्था गम्भीर रहेको जनाइएको छ । घाइतेलाई नेपाली सेनाको हेलिकोप्टरबाट काठमाडौं ल्याइएको थियो ।

स्वास्थ्य मन्त्रालयका अनुसार हालसम्म मृतकको संख्या २७ पुगेको छ । गृह मन्त्रालयको सोमबार मध्याह्न १२ बजेको रिपोर्टअनुसार बारामा ५ बालबालिकासहित २६ जनाको ज्यान गइसकेको छ । ज्यान गुमाउनेमा ११ पुरुष र १० महिला छन् । त्यसैगरी, पर्सामा एक पुरुषले ज्यान गुमाएको गृहले जनाएको छ । ४ सयजनाको हाराहारीमा घाइतेको देशका विभिन्न अस्पतालमा उपचार भइरहेको छ भने करिब ३ सयजना उपचारपछि घर फर्किसकेको जनाकारी प्राप्त भएको छ । नारायणी उपक्षेत्रीय अस्पतालमा सबैभन्दा बढी घाइतेको उपचार भइरहेको छ ।

नारायणीमा १ सय ६८ जनाको उपचार भइरहेको अस्पतालका रमेश चौधरीले जानकारी दिएका छन् । त्यसैगरी, नेसनल मेडिकल कलेज वीरगन्जमा १००, गण्डक अस्पताल वीरगन्जमा २८, वीरगन्ज हेल्थ केयर ३९, एडभान्स अस्पताल वीरगन्जमा २०, कलैया अस्पतालमा ३८ र तराई अस्पताल वीरगन्जमा २ जनाको उपचार भइरहेको छ। उप्रप्रधान एवम् स्वास्थ्य तथा जनंख्यामन्त्री उपेन्द्र यादव, सचिव चन्द्रप्रसाद घिमिरे, स्वास्थ्यसेवा विभागका महानिर्देहक डा. गुणराज लोहनी प्रभावित जिल्ला पुगिसकेको मन्त्रालयले जनाएको छ ।

घाइतेको उपचारका लागि विशेषज्ञ चिकित्सक टोली प्रभावित स्थलमा
मन्त्रालयका प्रवक्ता श्रेष्ठले चितवन तथा जनकपुरबाट मेडिकल टोली घटनास्थलमा पठाएको बताए । काठमाडौंबाट डा. रमेश खरेलको नेतृत्वको टोली घटनास्थलमा हिँडेको र आवश्यक परे अर्को टोली पठाउने तयारीमा रहेको मन्त्रालयले जनाएको छ । केन्द्रीय औषधि स्टोर पतलैयामा रहेकाले त्यहीँबाट औषधि वितरण भएको प्रवक्ता श्रेष्ठले जनाकारी दिए ।

सहयोगका लागि अपिल, उद्धारमा तीव्रता


अचानकको हावाहुरीको वितण्डाका कारण बिचल्लीमा परेका बरा र पर्सावासीको सहयोगका लागि केन्द्र सरकार र प्रदेश २ सरकारले पनि सबैमा आह्वान गरेका छन् । सरकारसँगै प्रमुख प्रतिपक्षी दल, अन्य राजनीतिक दलहरु, विद्यार्थी संगठनहरु, सामाजिक संघ–संस्थाहरुलगायतले पीडितको सहयोगका लागि अपिल गरेका छन् । राजनीतिक दलहरुले आफ्ना कार्यकर्तालाई उद्धार र राहतमा प्रत्यक्ष खटिन निर्देशन दिइसकेका छन् । प्रधानमन्त्री केपी शर्मा ओली पूर्वनिर्धारित गृहजिल्लाको कार्यक्रम स्थगित गरेर क्षतिग्रस्तक्षेत्रको निरीक्षणमा पुगिसकेका छन् ।

केन्द्र र प्रदेश सरकारले आफ्ना संयन्त्रहरुलाई उद्धार र राहतका लागि खटाएका छन् । नेपाली सेना, नेपाल प्रहरी, सशस्त्र प्रहरी बल नेपालका टोलीले क्षतिग्रस्तक्षेत्रमा उद्धारको कामलाई तीव्रता दिइरहेका छन् । सिकिस्त बिरामीलाई हेलिकोप्टरमार्फत अस्पताल पुर्याउने क्रम जारी छ । गृह मन्त्रालयले पीडितको उद्धार र राहतमा कुनै कसर बाँकी नराख्ने जनाउँदै जुनसुकै परिस्थितिका लागि तयारी अवस्थामा रहेको बताएको छ ।

हावाहुरीले गराएको दुर्घटनामा एकैसाथ ठूलो संख्यामा घाइते भएका कारण रगतको अभाव हुन थालेपछि देशभर विभिन्न विद्यार्थी संगठन तथा संघसंस्थाहरुले रक्तदान कार्यक्रम सञ्चालन गरी घाइतेको उपचारमा सहयोग गरिरहेका छन् ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरी प्रभावित क्षेत्रमा काठमाडौं र छिमेकी जिल्लाबाट चिकित्सक टोली

बारा र पर्सामा एक्कासी आएको हावाहुरीबाट प्रभावित क्षेत्रमा घाइतीको उपचारका लागि स्वास्थ्य मन्त्रालयले नेपाल सेनासँग समन्वय गरेर काठमाडौँ र छिमेकी जिल्लाबाट समेत चिकित्सक टोली खटाएको छ ।

स्वास्थ्यमन्त्रीका प्रेस सल्लाहकार भक्त थापाका अनुसार घाइतेको उपचारका लागि प्रदेश २ का अधिकांश जिल्लामा रहेका चिकित्सकलाई बारा र पर्सा खटाइएको छ । सेनाको पनि सो क्षेत्रमा रहेका र काठमाडौँबाट पनि अतिरिक्त टोली खटिएको छ ।

आइतबार साँझ एक्कासि आएको हावाहुरीका कारण डेढ दर्जनभन्दा बढीको मृत्यु र ५ सय भन्दा बढी घाइते भएका छन् । पर्खाला, घर भत्किएर किचिएर घाइते भएकामध्ये नारायणी, नेशनल मेडिकल कलेज वीरगञ्ज, वीरगञ्ज हेल्थ केयर, गण्डक अस्पताललगायतका स्वास्थ्य संस्थामा उपचार भइरहेको छ ।
उपचारका लागि रगतको अभाव भएको छ । घाइतेमध्ये धेरै संख्याको ठूला शल्यक्रिया गर्नुपर्ने भएकोले अर्थोपेडिक्स, न्यूरोलगायतका सर्जन चाहिने स्थानीय चिकित्सकहरुले बताएका छन् ।

  • ताजा समाचार
  • जनप्रिय

हेल्थपोष्ट टुइट्स सबै