१० कर्मचारीले ८ महिना काम गरिसके, तर बिपी क्यान्सर अस्पतालको फार्मेसी अझै सञ्चालनमा आउन सकेन

चैत महिनाभित्र आफ्नै फार्मेसी सञ्चालनमा ल्याउने गरी तयारी गरेको चितवनको भरतपुरस्थित बिपी कोइराला मेमोरियल क्यान्सर अस्पतालले अझै पनि फार्मेसी सञ्चालनमा ल्याउन सकेको छैन । विद्युतीय माध्यमबाट भुक्तानीसेवा, औषधिको खरिद प्रक्रियालगायतको तयारी पूरा नभएका कारण समयमा फार्मेसी सञ्चालनमा ल्याउन नसकिएको अस्पतालको भनाइ छ ।

फार्मेसी सञ्चालनका लागि गत कात्तिकमै १० जना कर्मचारी नियुक्त भएका थिए । तर, कर्मचारी नियुक्तिको ८ महिना पुगिसक्दा पनि फार्मेसी सञ्चालनमा आउन नसक्दा उद्देश्यअनुरूप बिरामी सुलभ मूल्यमा गुणस्तरीय औषधि पाउनबाट वञ्चित भएका छन् । अस्पतालले फार्मेसी सञ्चालनका लागि अधिकृतस्तरका २ र अन्य ८ कर्मचारी नियुक्त गरेको छ ।

राष्ट्रिय नीति तथा अस्पताल फार्मेसी निर्देशिका २०७० अनुसार प्रत्येक अस्पतालले अनिवार्य रूपमा आफ्नै फार्मेसी सञ्चलन गर्नुपर्ने व्यवस्था छ । अस्पतालहरूले व्यापारिक रूपमा भाडामा फार्मेसी सञ्चालन गर्न दिँदा तथा अस्पतालआसपास भाडामा सञ्चालित फार्मेसीमा निर्भर रहँदा सर्वसाधारणले महँगो मूल्यमा औषधि किन्नुपरेको भन्दै स्वास्थ्य तथा जनसंख्या मन्त्रालयले २५ कात्तिक ०७० मा प्रत्येक अस्पतालमा आफ्नै फार्मेसी हुनुपर्ने निर्णय गरेको थियो ।

फार्मेसीका लागि कात्तिकदेखि नियुक्त कर्मचारीले विद्युतीय माध्यमबाट भुक्तानीसेवा, औषधिको खरिदप्रक्रिया, अन्य फार्मेसीको अवलोकन, औषधि विक्रीलगायत प्रक्रियाबारे जानकारी लिएको अस्पतालले जानाएको छ ।

फार्मेसीका लागि कात्तिकदेखि नियुक्त कर्मचारीले विद्युतीय माध्यमबाट भुक्तानीसेवा, औषधिको खरिदप्रक्रिया, अन्य फार्मेसीको अवलोकन, औषधि विक्रीलगायत प्रक्रियाबारे जानकारी लिएको अस्पतालले जानाएको छ ।

स्वास्थ्य मन्त्रालयले फार्मेसी सञ्चालन गर्न निर्देशन दिएपछि अस्पतालले औषधि खरिद गरिसकेको छ । करिब १३ करोडबराबरको औषधि खरिद भइसकेको अस्पतालका कार्यकारी निर्देशक डा. विजयचन्द्र आचार्यले जानकारी दिए । उनका अनुसार अहिले एक हजार प्रकारका औषधि खरिद गरिएको छ । अस्पतालमा आउने बिरामीले महँगो केमोबाट आफू ठगिएको गुनासो गर्दै आएका छन् । क्यान्सरको उपचारका लागि प्रयोग हुने औषधि महँगो हुने भएकाले अस्पतालको आफ्नै फार्मेसी सञ्चालनमा आएपछि बिरामी निकै लाभान्वित हुने निर्देशक डा. आचार्यले बताए । अस्पतालको फार्मेसीमा ३० देखि ४० प्रतिशतसम्म सस्तोमा बिरामीले औषधि पाउने उनले जानकारी दिए ।

अस्पतालको फार्मेसी २४सै घण्टा सञ्चालनमा ल्याइने निर्देशक डा. आचार्यको भनाइ छ । अस्पतालले चैत पहिलो सातादेखि नै फार्मेसी सञ्चालनमा ल्याउने तयारी गरे पनि प्राविधिक कारणले ढिलो हुन गएको उनले बताए । अस्पतालमा हाल साझाको फार्मेसीले औषधि विक्री गर्दै आएको छ ।

  • ताजा समाचार
  • जनप्रिय

हेल्थपोष्ट टुइट्स सबै

बिपी कोइराला क्यान्सर अस्पतालले फार्मेसी सञ्चालन गर्ने, ६० प्रतिशतसम्म सस्तो हुने

भरतपुरस्थित बिपी कोइराला मेमोरियल क्यान्सर अस्पतालले आफ्नै फार्मेसी संचालन गर्ने भएको छ । अस्पतालहरुले आफ्नै फार्मेसी सञ्चालन गर्नुपर्ने सरकारी नीतिअनुसार अस्पतालले आफ्नै फार्मेसी सञ्चालन गर्न लागेको हो । यसका लागि अस्पतालले २ पुसमा औषधि खरिद गर्न आह्वान गरेको थियो ।

अस्पताल सञ्चालन भएसँगै महंगो हुने क्यान्सरको औषधि आम विरामीलाई सहुलियतमा उपलब्ध हुने अस्पतालको विश्वास छ । अस्पतालले बजार मुल्यको ६० प्रतिशत भन्दा सस्तोमा औषधि उपलब्ध गराउने जनाएको छ ।

आह्वान गरेपश्चात मध्यप्रदेश पब्लिक हेल्थ सर्भिसेसको कर्पोरेसनको सिलो कम्पनी छानिएकोमा कम्पतीविरुद्ध उजुरी परेको छ ।
अस्पतालले कम्पनीलाई असअहिले हामीले आशय पत्र दिएपछि सबै कुरा टुंगो लागि नसकेको अस्पतालले जनाएको छ । ‘यो बर्षदेखि सञ्चालन गर्ने लागेका हौ । तर, कुनै कम्पनीसँग सम्झौता भइसकेको छैन् ।’ अस्पतालका डा. विजय आचार्यले बताए ।
उनले आसयपत्र दिएपनि पनि टेन्डर परेका कम्पनीबारे छानविन भइरहेको सुनाए । ‘उजुरी परेको कम्पनीको औषधिको बारेमा छानबिन गरेर मात्र औषधि ल्याउनको लागि पहल गर्छौ ।’ डा. आचार्यले भने ।

यसका लागि नेपाल सरकारको औषधि नियमनकर्ता निकाय औषधि व्यवस्था विभागसँग समन्वय गरेरै काम गर्ने उनले बताए । आचार्य भन्छन्,‘ विभागलेस् वीकृत नगरेको औषधि कुनै पनि हातलमा नेपालमा ल्याउन मिल्दैन, त्यसको लागि विभागसँग परामर्श गरिरहेका छौ ।’ उनले भने ।
टेन्डर आह्वान गरेर फार्मेसी औषधि ल्याएसंगै बिरामीरुलाई सम्रगमा ६० प्रतिशत सम्म सहुलियत हुने भनाई अस्पतालको छ ।

लामो समयदेखि अस्पतालमा बिरामीले औषधि एमआरपी दरमा बाहिर फार्मेसिमा महंगो औषधि किन्न पर्ने बाध्यता अब हट्ने आचार्यको भनाई छ ।
सरकारको प्रचलित कानुन भन्दा बाहिर गएर कुनै पनि कम्पनीको औषधि ल्याउन नमिल्ने र नल्याउने कार्यकारी निर्देशक आचार्यले बताए । अस्पतालले फार्मेसी सेवा २४ घण्टा संचालन हुने र त्यसका लागि १० जना कर्मचारीसमेत नियुक्त गरिसकेको छ ।

  • ताजा समाचार
  • जनप्रिय

हेल्थपोष्ट टुइट्स सबै

बिरामीको भरोसा बन्दै वीर अस्पतालको फार्मेसी, औषधिको अंकित मूल्यमा ७०% सम्म छुट

नेपालकै पुरानो र ठूलो केन्द्रीय अस्पताल वीरको मूल भवनको भुइँतलामा विशेषगरी दिउँसोको समयमा खचाखच भिड देख्न सकिन्छ । लाइनमा बसेका प्रायः मानिसको हातमा डाक्टरको प्रेस्क्रिब्सन हुन्छ । उनीहरू अस्पतालको फार्मेसीमा औषधि किन्न पालो पर्खेर बसेका हुन्, जहाँ १५ देखि २० मिनेटसम्म लाइन बस्नुपर्ने बाध्यता छ । हरेक दिन हजारौँको संख्यामा स्वास्थ्योपचारका लागि मुलुककै सस्तो अस्पताल वीर आउने बिरामीले पैसा तिरेर औषधि किन्नका लागि यसरी नै समय र श्रम खर्चिरहेका छन् ।

अस्पतालपरिसरमा अन्य फार्मेसी नभएका भने होइनन् । अस्पतालको गेटबाट बाहिर निस्केलगत्तै लहरै फार्मेसी छन् र त्यहाँ लाइन बस्नुपर्ने अवस्था पनि रहँदैन । तर, अस्पतालको फार्मेसीले दिने छुट र विश्वसनीयताका कारण धेरै बिरामी केहीबेर पर्खेरै भए पनि भित्रै औषधि किन्न रुचाउँछन् ।

सेवाग्राहीको यति धेरै विश्वास र आकर्षण भएको फार्मेसीले उनीहरूलाई नकुराईकन सेवा दिनमा के समस्या छ त ? फामेर्सी प्रमुख मानबहादुर महरा आवश्यक जनशक्तिको अभावले समस्या निम्त्याएको मान्छन् । ‘सेवाग्राहीको चाप धान्न सक्ने पर्याप्त जनशक्ति नभएको हुँदा सेवाग्राहीका लागि केही असर पुुगेको छ,’ उनी भन्छन् ।

तत्कालीन स्वास्थ्यमन्त्री गगन थापाले सबै सरकारी अस्पतालमा आफ्नै फार्मेसी राख्न प्रशासनिक र कानुनी अग्रसरता लिएपछि वीरको फार्मेसी ५ माघ ०७३ मा स्थापना भएको थियो । अस्पताल प्रशासनले त्यसलाई विस्तार गर्दै लगेर यो अवस्थामा पु-याएको हो । सुरुमा २ सय प्रकारका औषधि बिक्रीबाट प्रारम्भ गरिएको फार्मेसीले अहिले १ हजार ५ सय प्रकारका औषधि बिक्री गरिरहेको छ ।

अस्पताल भवनमै अ‍ेपिडी र विपन्न वर्गका लागि भनेर २ वटा फार्मेसी सञ्चालनमा छन् । ५ जना जनशक्तिबाट सञ्चालन सुरु गरिएको फार्मेसीमा अहिले १० जनले सेवा दिइरहेका छन् । तर, सेवाग्राहीको बढ्दो आकर्षण धान्न यो जनशक्तिले भ्याइरहेको छैन । फार्मेसीका लागि दरबन्दी भने जम्मा ३ वटा छन् । दरबन्दीका बाहेक नेपाल सरकारको छात्रवृत्तिमा ५ जना र न्याम्समा पढेर आएका २ जनाले फार्मेसीमा सेवा दिइरहेका छन् ।

अंकित मूल्यको ७० प्रतिशतसम्म छुट
वीरको फार्मेसीबाट औषधि खरिद गर्दा सेवाग्राहीले ७० प्रतिशतसम्म छुट पाउने गरेका छन् । ८ रुपैयाँ अंकित मूल्यको पेन्टोप्राजोल ४० एमजी क्याप्सुल फार्मेसीले जम्मा २ रुपैयाँ ४० पैसामा बेच्दै आएको छ । त्यसैगरी, ९ सय १० रुपैयाँ ४० पैसा अंकित मूल्यको इनोक्जापारिन– ६० एमजी इन्जेक्सनलाई वीरका ग्राहकले जम्मा ३ सय ५६ रुपैयाँ ४० पैसा तिर्नुपर्छ, जसमा झन्डै ६१ प्रतिशत छुट समावेश छ ।

विशेषगरी, मुटु, सुगर, हर्मोनल ड्रग्स, दम, एन्टिबायोटिक्स, क्यान्सर, मिर्गौलारोगका औषधि अन्यत्रभन्दा वीरको फार्मेसीमा सस्तोदरमा पाइने महराको दाबी छ । अस्पतालमा बालरोग, गाइनो, मानसिकरोग विभाग नभएकाले यी रोगका औषधि फार्मेसीमा उपलब्ध छैनन् ।

उधारोको समेत व्यवस्था
फार्मेसीले केही निश्चित समूहका ग्राहकका लागि उधारोमा समेत औषधि दिने गरेको छ । आकस्मिक सेवाका लागि आउने बिरामी, भर्ना भएर बसेका बिरामी, विपन्न सेवाअन्तर्गतका बिरामी (हेमोडाइलाइसिस, क्यान्सर, मिर्गौला फेललगायत), स्वास्थ्य बिमाअन्तर्गतका बिरामी, जनयुद्धका घाइते कार्डधारी बिरामीलाई उद्यारोमा औषधि सेवा प्रदान गरिरहेको छ । यसरी उधारोमा दिइएको औषधिको भुक्तानी नेपाल सरकार वा अस्पतालबाट हुने गर्छ ।

यसअन्तर्गत एक बिरामीले अधिकतम ४ लाखसम्मको औषधि उधारो पाउने व्यवस्था छ । मिर्गौला ट्रान्सप्लान्ट गरेका बिरामीले ४ लाख रुपैयाँसम्मको औषधि सेवा पाउने गर्छन् । त्यसैगरी, क्यान्सर र विपन्न वर्गअन्तर्गतका बिरामीले अधिकतम एक लाख रुपैयाँबराबरको औषधि उधारोमा पाउने व्यवस्था छ ।

वीरमा मात्र पाइन्छ हेपाटाइटिस सीको औषधि
हेपाटाइटिस सीको औषधि वीरबाहेक अन्यत्र कहीँ पनि पाइँदैन । तसर्थ, वीरको फार्मेसीमा धेरैजसो हेपाटाइटिस सीको औषधि लिन आउनेको धुइँचो लाग्ने गरेको महरा बताउँछन् । उनका अनुसार यो औषधिका लागि धेरै अस्पतालका कार्ड बोकेर ग्राहकहरू वीरमा लाइन लाग्ने गरेका छन् । त्यसैगरी, नार्कोटिक तथा साइकोटोर्फिक औषधि पनि विशेष सहुलियतका कारण खोज्न आउनेको संख्या धेरै छ ।

रोगका विभागअनुसार फार्मेसीलाई विशिष्टीकृत गरिने
१ सय २९ वर्ष पार गरिसकेको ऐतिहासिक वीर अस्पतालले २ वर्षअघि मात्र आफ्नै फार्मेसी स्थापना गरेको हो । फार्मेसीलाई रोगका विभागअनुसार विशिष्टीकृत गर्ने योजना अस्पतालको छ । यसका लागि कोठाहरू बनिरहेको महरा बताउँछन् । उनका अनुसार डिपार्मेन्टका रूपमा विकास गरेपछि फार्मेसीको छुट्टै युनिट बनाउने लक्ष्य छ । ‘आइपिटी, ओपिडी, इमर्जेन्सीलगायत विभागमा फार्मेसीको विस्तार गर्ने तथा औषधिको साइड इफेट पत्ता लगाउने फर्माको भिगिलेन्स सेन्टरका रूपमा काम गर्ने लक्ष्य छ,’ उनले भने ।

ठाउँ अभावले स्टोरेजमा समस्या
ठाउँ अभावका कारण औषधि स्टोर गर्न समस्या रहेको महराको गुनासो छ । १० दिनका लागि पुग्ने औषधि पनि स्टोर गर्ने ठाउँ छैन । उनका अनुसार बिरामीको चापअनुसार ३ महिनासम्मको औषधि स्टोर गर्ने ठाउँको आवश्यकता छ ।

जनशक्ति अभावले २४ घण्टे सेवामा कठिनाइ

सेवाग्राहीलाई २४ घण्टे सेवा उपलब्ध गराउन थप ८ देखि १० जना आवश्यक रहेको फार्मेसी प्रमुख महरा बताउँछन् । फार्मेसीले नियमानुसार २४सै घण्टा सेवा–सुविधा दिनुपर्ने हुन्छ । ‘जनशक्ति अभावका कारण रातिको समयमा हामीले सेवा दिन सकिरहेका छैनौँ,’ महरा भन्छन्, ‘दिउँसोकै समयमा पनि सेवाग्राहीको चापअनुरूप पर्याप्त जनशक्ति नहुँदा समयमै सेवा दिनमा बाधा पुगेको छ ।’

तर, पछिल्लो समय नेपाल सरकारले फार्मेसीका लागि थप ५ दरबन्दी स्वीकृत गरेकाले अर्को वर्षदेखि भने २४ घण्टे सेवा दिन सकिने महरा बताउँछन् । उनका अनुसार थप दरबन्दीमा पदपूर्तिका लागि लोकसेवामा पठाइसकेको छ । हाल वीरका दुई फार्मेसीमध्ये विपन्न वर्गका लागि छुट्याइएको फार्मेसी बिहान ७ बजेदेखि अपराह्न ४ बजेसम्म र ओपिडी फार्मेसी बिहान ७ बजेदेखि बेलुका ७ बजेसम्म खुल्ने गरेको छ ।

फार्मेसी सञ्चालनका लागि स्वास्थ्य मन्त्रालयले ‘सिड मनी’मार्फत २५ लाख रुपैयाँ दिएको थियो । उक्त रकमबाट सुरु भएको फार्मेसीले आर्थिक वर्ष ०७४/७५ सम्म ३ करोड रुपैयाँबराबरको कारोबार गरिसकेको छ । सेवाग्राहीलाई आकर्षक छुट दिएर पनि अहिलेसम्म फार्मसी ४३ लाख नाफामा गएको प्रमुख महराले जानकारी दिए ।

औषधि खरिद ऐन र अस्पताल औषधि निर्देशिका ‘२०७२’ बाट औषधि छनोट गर्दा विशेषगरी सम्बिन्धत चिकित्सक, विभाग, युनिट प्रमुखको विश्वसनीयताका आधारमा औषधिको ब्रान्ड छनोट गर्नका लागि ड्रग्स एन्ड थेरापिटिक कमिटीको सिफारिसमा औषधि खरिद गर्नेगरेको महराले बताए ।

फार्मेसीले खरिदमूल्यमा २० प्रतिशत मुनाफा राखी औषधिको अधिकतम खुद्रा मूल्य नबढ्ने गरी औषधि विक्री गर्ने गरेको छ । यति नाफा राख्दा पनि ग्राहकले बाहिरका औषधि पसलमा भन्दा अस्पतालको फार्मेसीमा सस्तो दरमा औषधि पाउने गरेका छन् ।
स्वास्थ्य मन्त्रालयअन्तर्गतका प्रत्येक सरकारी अस्पतालले आफ्नै फार्मेसी राख्नुपर्ने कानुनी प्रावधान छ । यही प्रावधानअनुसार अस्पतालको डिपर्मेन्टका रूपमा वीरको फार्मेसी सञ्चालनमा छ । निजी फार्मेसीमा भन्दा सस्तो दरमा औषधि उपलब्ध हुने भएकाले अस्पतालको फार्मेर्सीबाट बिरामीले राहत महसुस गर्ने महरा बताउँछन् ।

  • ताजा समाचार
  • जनप्रिय

हेल्थपोष्ट टुइट्स सबै