स्वास्थ्यसचिवबाट डा. पुष्पा चौधरीको राजिनामा, सरकारविरुद्धको मुद्दा फिर्ता लिएपछि स्वीकृत गर्न सरकार तयार

स्वास्थ्य सचिव डा. पुष्पा चौधरी पदबाट राजिनामा दिएकी छिन् । सरकारविरुद्धको मुद्दा फिर्ता लिएसँगै राजिनामा स्वीकृत हुने वातावरण बनेपछि चौधरीले आइतबार राजिनामा दिएकी हुन् । विश्व स्वास्थ्य संगठनको पि फाइभ तहमा नाम निकाल्न सफल भएपछि सरकार विरुद्ध गएको भन्दै राजिनामा सरकारले राजिनामा समेत अड्काइदिएको थियो । चौधरीले राजिनामाबारे पटकपटक मुख्य सचिवसँग परामर्श गरेपनि विशिष्ठ श्रेणीको अधिकारीले सरकारविरुद्ध पहिलोपटक मुद्दा हालेको भन्दै उनको राजिनामा स्वीकृतिमा समेत अवरोध भइरहेको थियो ।

पछिल्लोपटक चौधरीले राजिनामा फिर्ता लिएर सरकारविरुद्ध मुद्दा फिर्ता गर्न लगाएरमात्रै राजिनामा स्वीकृत हुने वातावरण बनेको हो । चौधरी गत वर्ष कार्तिकमा सरकारले गरेको सरुवा निर्णयविरुद्ध अदालतमा गएकी थिइन् । अदालतले उनकै पक्षमा आदेश दिएसँगै उनको सरुवा रोकिएको थियो ।

चौधरीलाई सरुवा गर्न नसकेपछि सरकारले स्वास्थ्य मन्त्रालयमा प्रशासन तर्फको समेत सचिवको दरबन्दी सृजना गरेर दुई सचिवको व्यवस्था गरेको छ ।
दुई सचिवको व्यवस्थापछि चौधरीको अधिकारीलाई खुम्च्याइएको र त्यहि बिचमा सम्मानजनक विकल्पको खोजिमा लागेकी थिइन् । सोही क्रममा उनले डब्लुएचओमा प्रतिष्ठित र आकर्षक अवसर जुरेपछि सरकारी जागिर छाड्ने तयारी थालेकी थिइन् । तर, सरकारले प्रतिसोध स्वारुप उनको राजिनामा स्वीकृत नगरेर डब्लुएचओ जाने बाटो असहज भएपछि उनले मुद्दा फिर्ता लिएकी थिइन् ।

चौधरीले रिट फिर्ता लिने निवेदन दिएपछि सर्वोच्चका दुई न्यायाधीशद्धय सपना प्रधान मल्ल र मनोजकुमार शर्माको इजलासले निवेदकको मागअनुसार मुद्दा फिर्ता दिने आदेश गरेको हो । चौधरीलाई सरकारले २०७५ असोज २८ मा प्रधानमन्त्री तथा मन्त्रीपरिषद कार्यलयमा सरुवा गरेपछि कार्तिक १५ मा रिट दायर गरेकी थिइन् । रिटअनुसार अदालतले अन्तरिम आदेश दिएपछि पछि सरकार आदेश विरुद्ध भ्याकेटमा समेत गएको थियो । अदालतले भ्याकेटमा समेत चौधरीकै पक्षमा देखिएको थियो । अदालत पक्षमा देखिएपछि सरकारविरुद्ध गएको भन्दै प्रधानमन्त्री, मुख्यसचिव सहितका अधिकारी चौधरीसँग चिढिएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यसचिवको पदबहाली, भन्छन्- सचिव पद असनमा हिँडेजस्तै

स्वास्थ्य सचिव खगराज बरालले कुनै पनि मन्त्रालयको सचिवको जिम्मेवारी सम्हाल्नु अनशन इन्द्रचोकको भीडमा हिँडेजस्तै भएको बताएका छन् । उनले भीडमा हिड्दा जसरी स्वतन्त्र र मनमौजी पाराले हिड्न नपाएजस्तै सचिवले पनि सबैपक्षलाई ख्याल गरेर हिड्नुपर्ने बताए । अघिल्लो साता सरकारले शिक्षामन्त्रालयबाट स्वास्थ्यमा सरुवा गरेपछि बराल सोमबार पदवहाली गर्न पुगेका थिए ।

लामो समय शिक्षामन्त्रालयको प्रणालीमा बसेर काम गरेका बरालका लागि स्वास्थ्यका जिम्मेवारी विरुद्ध नयाँ हुनेछ । बरालले मन्त्रालयमा भने, ‘अशनमा हिड्दा जसरी कुल्चिएला, ठोक्किएला भनेर हिड्नुपर्छ, सचिव हुँदा पनि प्रधानमन्त्री, मन्त्रीपरिषद्, विभागीय मन्त्री, मुख्यसचिव, सहकर्मी, ट्रेड युनियान र नागरिक समाज सबैको ख्याल गर्नुपर्छ,’ उनले भने ।

उनले सचिव एक्लैले केही गर्न नसक्ने भन्दै काम गर्दै गर्दा जति सकिन्छ त्यसमा सन्तुष्टि लिनुपर्ने समेत बताए । ‘सकेजति गर्नुपर्र्छ र गर्न सकिएन भनेपनि सन्तुष्ट लिनुपर्छ’ उनले भने ।  बराल स्वास्थ्य मन्त्रालयमा एक वर्षका बीचमा जिम्मेवारी सम्हाल्ने प्रशासन समूह तर्फका चौथो सचिव हुन् । गत असोजमा सरकारले चिकित्सक सचिव डा. पुष्पा चौधरीलाई प्रधानमन्त्री कार्यलयमा तान्ने क्रममा विवाद उत्पन्न भएपछि स्वास्थ्यमा प्रशासन सचिवको समेत दरबन्दी सृजना गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्य मन्त्रालयबाट प्रशासन समूहका सचिव फिर्ता

सरकारले स्वास्थ्य मन्त्रालयमा खटाएका प्रशासन समूहका सचिव चन्द्रकुमार घिमिरेलाई सरुवा गरेको छ । घिमिरेलाई महिला, बालबालिका तथा जेष्ठ नागरिक मन्त्रालयमा सरुवा गरेको छ ।
तीन महिनाअघि मात्रै उद्योग तथा आपूर्ति मन्त्रालयबाट स्वास्थ्यमा सरुवा गरेका घिमिरेको नयाँ सरुवासँग स्वास्थ्यमा चिकित्सकमात्रै सचिव भएका छन् । सोमबार बसेको मन्त्री परिषद्ले घिमिरेसहित तीन सचिवको सरुवाको निर्णय गरेको थियो ।यसबीचमा सरकारले गत असोजमा स्वास्थ्य सचिव डा. पुष्पा चौधरीलाई प्रधानमन्नत्री कार्यलयमक सरुवा गरेसँगै स्वास्थ्यमा सचिव विवाद जारी थियो ।

यसबीचमा घिमिरेलाई जनसंख्या र प्रशासन र डा. चौधरीलाई स्वास्थ्य तर्फको जिम्मेवारी दिइएको भनिएपनि कर्मचारीहरुले आफूअनुकुल फाइल फरकफरक सचिवसमक्ष पेश गर्ने गरेका थिए । प्रशासन सचिव सरुवासँगै यसबीचमा डा. चौधरीलाई असहयोग गरेका प्रशासन समूहका कर्मचारी भने, अब अप्ठ्यारोमा परेका छन् ।

पछिल्लो समयमा पनि प्रशासन समूहका केदारबहादुर अधिकारीलाई स्वास्थ्य पठाएकोमा अधिकारीलाई सरुवा गरेर घिमिरे आएका थिए । घिमिरेसँग पनि स्वास्थ्य सचिव डा. चौधरीको राम्रो सम्बन्ध हुन सकेको थिएन् ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यसचिव घिमिरेले भने– मेरो कार्यालय समय काम नसकुन्जेल

सरकारले हालै स्वास्थ्य मन्त्रालयमा सरुवा गरेका प्रशासन सेवाका सचिव चन्द्र घिमिरेले आफ्नो कार्यालय समय १०–५ को तोकिएको समयसीमाले नभई कामले निर्धारण गर्ने भन्दै त्यसमा सहयोग गर्न कर्मचारीहरुलाई आग्रह गरेका छन् ।

बुधबार पदबाहालीलगतै मन्त्रालयका उच्च अधिकारीलाई संवोधन गर्दै घिमिरेले टेवलमा फाइल छाडेर घर नजाने आफ्नो वानी रहेको भन्दै स्वास्थ्यमा पनि त्यही वानीलाई निरन्तरा दिने बताए । ‘मेरो एउटा वानी छ, म टेवलमा फाइल हुँदासम्म घर जान्न, ८÷९ जति पनि बझ्नसक्छ,’ उनले भने, ‘हुनत तपाईहरुपनि यसरी नै काम गर्नुहोला, गर्नुहुन्न भने अप्ठेरो नमान्नुहोला’ ।

उनले लामो प्रशासनीक जिम्मेवारीमा रहँदा आफूले बढी समय बाणिज्यकाको विद्यार्थीको रुपमा परिचित गराउँने गरेको भन्दै अब स्वास्थ्यको सूरुवाती विद्यार्थीको रुपमा काम गर्ने बताए । ‘केही समय मलाई सिक्न लाग्ला, केही दिन संक्रमण समय रहँला त्यसपछि नजिता दिनेगरी काम सुरु गर्छु’ उनले भने ।

‘म प्रतिस्पर्धा, इन्ट्रीग्रिटीमा विश्वास गर्छु र हाइपरलेवल मेटिभेसन भएको मान्छे हुँ,’ उनले भने, ‘यी कुरामा सम्झौता गरेर काम गर्दिन र गर्न खोजे भने मलाई रोक्न सघाउँनुस्’ ।

आफू जहाँ गएपनि तोकिएको मूल्यमान्यतामा विश्वास गरेर काम गर्ने गरेको भन्दै उनले त्यसबाट दायाँबायाँ हुन लागे आफूलाई सम्झाउन र सहयोग गर्नसमेत मन्त्रालयका अधिकारीलाई आग्रह गरे ।  ‘म प्रतिस्पर्धा, इन्ट्रीग्रिटीमा विश्वास गर्छु र हाइपरलेवल मेटिभेसन भएको मान्छे हुँ,’ उनले भने, ‘यी कुरामा सम्झौता गरेर काम गर्दिन र गर्न खोजे भने मलाई रोक्न सघाउँनुस्’ ।

चार महिना लामो समयदेखि स्वास्थ्य मन्त्रालयमा रहेको सचिव विवादको पछिल्लो कडीको रुपमा सरकराले घिमिरेलाई पठाएको छ । यसअघि सरकारले डा. पुष्पा चौधरीलाई सरुवा गरेर प्रशासनका केदार अधिकारीलाई लगेको थियो । तर स्वास्थ्य मन्त्री उपेन्द्र यादवले अधिकारीलाई जनसंख्या र स्वास्थ्य प्रशासनमा सीमित गरिदिएपछि अधिकारी फर्केका थिए र सरकारले घिमिरेलाई पठाएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यमा प्रशासन समूहका नयाँ सचिव घिमिरे, अधिकारी उद्योगमा

सरकारले स्वास्थ्य मन्त्रालयमा नयाँ प्रशासन समूहका सचिव पठाएको छ । उद्योग वाणिज्य तथा आपूर्ति मन्त्रालयका सचिव चन्द्रकुमार घिमिरेलाई स्वास्थ्य मन्त्रालयमा सरुवा गरेर सचिव केदारबहादुर अधिकारीलाई उद्योग वाणिज्य तथा आपूर्ति मन्त्रालयमा सरुवा गरिएको हो ।
बिहीबारको मन्त्रिपरिषद् बैठकले दुई सचिवको जिम्मेवारी हेरफेर गर्ने निर्णय गरेको हो । सामान्य प्रशासन मन्त्रालयका सचिव दिनेशकुमार थपलियाले सचिव सरुवाको पुष्टि गरे ।

सरकारले पुस १७ गते स्वास्थ्य मन्त्रालयमा चिकित्सक सचिवको दरबन्दी प्रधानमन्त्री कार्यलयमा राखेर स्वास्थ्यमा प्रशासनका सचिवको पद सिर्जना गरेको थियो । पछि स्वास्थ्य सचिव डा. पुष्पा चौधरीलाई अदालतको आदेश लिएर आएपछि सरकार एककदम पछि हट्दै स्वास्थ्यमा दुई सचिव कायम गरेको थियो ।

बीचमा सचिव अधिकारीसँग सम्बन्धन नजमेपछि स्वास्थ्यमन्त्री उपेन्द्र यादवले मन्त्रीस्तरीय निर्णयबाट डा. पुष्पा चौधरीलाई महत्वपूर्ण जिम्मेवारी दिएका थिए ।
मन्त्रीले चौधरीलाई प्राथमिकतामा राखेर आफूलाई खुम्च्याएपछि अधिकारीले सरकारसँग स्वास्थ्यबाट फिर्ता गरिदिन आग्रह गरेका थिए । सोही अनुसार मन्त्रिपरिषद्ले स्वास्थ्यमा प्रशासन समूहका घिमिरेलाई पठाएको हो ।

मन्त्री यादवले अधिकारीलाई कर्मचारी प्रशासन, औषधि र आयुर्वेद विभागसहित जनसंख्या महाशाखाको मात्रै जिम्मेवारी दिएका थिए । योसँगै स्वास्थ्यमा दुई सचिवको विवाद भने यथावत् रहने भएको छ । सम्भवतः घिमिरेले पनि अधिकारीलाई तोकिएकै जिम्मेवारीमा चित्त बुझाउनुपर्नेछ ।

  • ताजा समाचार
  • जनप्रिय

हेल्थपोष्ट टुइट्स सबै

सचिवले मन्त्रीलाई भने– जिम्मेवारी तपाईंले होइन, मन्त्रिपरिषद्ले तोक्ने हो

स्वास्थ्य मन्त्रालयका प्रशासन समूहका सचिव केदारबहादुर अधिकारीले सचिवको जिम्मेवारी मन्त्रिपरिषद्ले तोक्ने भन्दै मन्त्रीस्तरीय निर्णयबाट तोकिएको कार्यविभाजन आफूलाई मान्य नहुने जवाफ दिएका छन् ।

तीन महिना लामो सचिव विवादलाई किनारा लगाउँदै उपप्रधान तथा स्वास्थ्यमन्त्री उपेन्द्र यादवले चिकित्सक सचिव डा. पुष्पा चौधरी र प्रशासन समूहका सचिव केदारबहादुर अधिकारीलाई मन्त्रालयअन्तर्गतको जिम्मेवारी बाँडफाँड गरेपछि अधिकारीले मन्त्रीलाई यस्तो प्रतिक्रिया दिएका हुन् ।
जिम्मेवारी बाँडफाँडको सुइँको पाउनासाथ अधिकारीले मन्त्रीलाई भेटेर ‘मन्त्रिपरिषद्बाट कार्यविभाजन गरेर ल्याउनुस्, मान्छु, हैन भने तपाईंले तोक्ने होइन’ भनेको मन्त्रीनिकट स्रोतले बतायो ।

अधिकारीले पनि आफूले मन्त्रीसँग भेटेर ‘जिम्मेवारी यसरी तोक्न मिल्दैन’ भनेको स्विकारे । ‘मन्त्रीको प्रतिक्रिया के थियो त ?’ भन्ने प्रश्नमा सचिव अधिकारीले भने, ‘मन्त्रीज्यू केही बोल्नुभएन ।’

मन्त्रीनिकट स्रोतका अनुसार मन्त्रालयअन्तर्गतका महत्वपूर्ण महाशाखाका जिम्मेवारी यादवले डा. चौधरीलाई दिएको प्रति अधिकारीको असन्तुष्टि छ । अधिकारीले जिम्मेवारी तोकिएको पत्र बुझ्नै इन्कार गर्दै आएका छन् । अधिकारीले पनि आफूले मन्त्रीसँग भेटेर ‘जिम्मेवारी यसरी तोक्न मिल्दैन’ भनेको स्विकारे । ‘मन्त्रीको प्रतिक्रिया के थियो त ?’ भन्ने प्रश्नमा सचिव अधिकारीले भने, ‘मन्त्रीज्यू केही बोल्नुभएन ।’

सचिव अधिकारीले पनि आफूले पत्र नबुझेको बताए । अधिकारीले सचिवलाई एउटा ऐनले दिएको अधिकार हुने र दुई सचिव भएका मन्त्रालयमा पनि मन्त्रिपरिषद्ले नै जिम्मेवारी बाँडफाँड गर्ने परम्परा रहेको बताए । ‘पहिले दुईवटा सचिव भएका मन्त्रालयमा कसरी जिम्मेवारी तोकिएका रहेछन्, बुझ्नुुस्,’ उनले हेल्थपोस्टलाई भने, ‘अनि स्वास्थ्यमा के गर्नुपर्छ भन्ने थाहा हुन्छ ।’ अधिकारीले नीतिगत रूपमा अधिकार प्रत्यायोजन गर्न मिले पनि विभाग तोक्ने अधिकार मन्त्रीलाई नहुने जिकिर गरेका छन् ।

यसअघि डा. चौधरीलाई सरकारले सरुवा गरेर नयाँ सचिव नपठाएको समयमा समेत मन्त्री यादवले १२औँ तहका डा. सुशीलनाथ प्याकुरेललाई आर्थिक तथा प्रशासनिक अधिकारसहितको निमित्तको जिम्मेवारी दिएका थिए ।

कार्यकक्ष पाए पनि लामो समय फाइलविहीन भएकी चौधरी र मन्त्री यादवको सम्बन्ध सुधार्न पछिल्लो समय मन्त्रालयबाहिरको शक्तिले भूमिका खेलेको बुझाइ अधिकारीनिकट कर्मचारीहरूको छ ।

हाल उद्योग, अर्थ, शिक्षा तथा विज्ञान–प्रविधि, कृषि तथा पशु मन्त्रालयमा दुई सचिव छन् । सरकारले २८ असोजमा डा. चौधरीलाई प्रधानमन्त्री तथा मन्त्रिपरिषद् कार्यालयमा जगेडमा सरुवा गरेपछि विवाद सुरु भएको थियो । सोविरुद्ध अदालत गएकी डा. चौधरीले अदालतबाट आफ्नो पक्षमा आदेश पाएकी थिइन् । यसबीचमा सरकारले स्वास्थ्य मन्त्रालयमा प्रशासन सचिवको दरबन्दी सिर्जना गरेर १७ मंसिरमा अधिकारीलाई स्वास्थ्य मन्त्रालयमा सरुवा गरेको थियो । अधिकारी आएको केही दिनपछि नै डा. चौधरीले अदालतबाट दोस्रो आदेश पाएपछि उनले अधिकारीले बस्न सुरु गरेको कार्यकक्षसमेत ‘कब्जा’ गरेकी थिइन् ।

कार्यकक्ष पाए पनि लामो समय फाइलविहीन भएकी चौधरी र मन्त्री यादवको सम्बन्ध सुधार्न पछिल्लो समय मन्त्रालयबाहिरको शक्तिले भूमिका खेलेको बुझाइ अधिकारीनिकटका कर्मचारीहरूको छ ।

यस्तो छ जिम्मेवारी
तीन महिनादेखि जिम्मेवारीविहीन भएकी डा. पुष्पा चौधरीले मन्त्रालयमा स्वास्थ्यतर्फका आकर्षक महाशाखाहरूको र अधिकारीले जनसंख्यासँगै प्रशासन महाशाखाको जिम्मेवारी पाएका छन् । मन्त्रीले बाँडफाँड गरेको जिम्मेवारीअनुसार नै मन्त्रालय चल्यो भने सरकारका शक्तिशाली सचिवमध्येका एक मानिने अधिकारीको स्वास्थ्य बसाइ सुःखद नहुने निश्चित छ ।

चौधरीले मन्त्रालयको नीति, योजना तथा अनुगमन, समन्वय महाशाखा र मन्त्रालयअन्तर्गतको स्वास्थ्यसेवा विभागको जिम्मेवारी पाएकी छिन् ।
अधिकारीले कर्मचारी प्रशासन र जनसंख्या महाशाखासहित औषधि व्यवस्था विभाग र आयुर्वेद विभागको जिम्मेवारी पाएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

चिकित्सक संघले भन्यो– स्वास्थ्यमा अप्राविधिक सचिवविरुद्ध आन्दोलनका लागि तयार रहनू

मन्त्रालयमा सोमबार पदवहालीपछि सचिव अधिकारी

नेपाल चिकित्सक संघले आफ्ना देशभरका शाखा कार्यालयसहित सम्पूर्ण स्वास्थ्यकर्मीलाई प्रशासन समूहका सचिवलाई स्वास्थ्य मन्त्रालयको जिम्मेवारी सुम्पिने सरकारको निर्णयविरुद्ध आन्दोलनका लागि तयारी अवस्थामा रहन आह्वान गरेको छ ।  विशुद्ध प्राविधिक काम गर्नुपर्ने स्वास्थ्य मन्त्रालय र त्यसअन्तर्गतका स्वास्थ्यकर्मीहरूको नेतृत्व लिनु स्वास्थ्य क्षेत्रइतरका सचिवको वशमा नरहेको संघको ठहर छ ।

संघले नवनियुक्त स्वास्थ्यसचिव केदारबहादुर अधिकारीले पदभार ग्रहण गरेकै दिन सोमबार विज्ञप्ति जारी गर्दै प्रशासन सेवाबाट स्वास्थ्यसचिव ल्याउने निर्णय विगतको सहमति, प्रचलन मात्र नभई स्वास्थ्यसेवा ऐनको समेत भावनाविपरीत भएको जिकिर गरेको छ ।

‘स्वास्थ्य क्षेत्र विशुद्ध प्राविधिक क्षेत्र भएको, स्वास्थ्यमातहतका निकायहरूको परिचालन र समन्वयकारी भूमिका निर्वाहमा चिकित्साशिक्षा तथा स्वास्थ्य क्षेत्रका विषयहरूको प्रर्याप्त ज्ञान भएको व्यक्तिले मात्र स्वास्थ्य क्षेत्रका समस्या र चुनौतीहरूलाई राम्रोसँग आकलन गरी नीति–निर्माण तहमा प्राविधिक क्षेत्रको वास्तविकतालाई स्पष्ट बुझाउन सक्ने हुनाले स्वास्थ्य मन्त्रालयमा स्वास्थ्यकर्मीहरूकै नेतृत्व हुनुपर्ने मान्यताअनुरूप नै स्वास्थ्य ऐन निर्माण भएको हो,’ विज्ञप्तिमा भनिएको छ, ‘सोही ऐनको भावना र मर्मविपरीत नेपाल सरकारले पटक–पटक गरेका गलत निर्णयका विरुद्ध नेपाल चिकित्सक संघले विभिन्न आन्दोलन गरी सरकारसमक्ष सम्झौता गर्दै चिकित्सकहरूले नै स्वास्थ्य मन्त्रालयको सचिवका रूपमा जिम्मेवारी सम्हाल्दै आएको हो ।’

विगतमा चिकित्सक संघसितको सहमतिबमोजिम स्वास्थ्यसेवा ऐनको दफा १९ अनुसार वरिष्ठ स्वास्थ्यकर्मीलाई स्वास्थ्यसचिवमा नियुक्त गरिँदै आएकोमा हाल आफैँले निर्माण गरेको उक्त ऐनको मर्म र भावनाविपरीत गैरस्वास्थ्यकर्मीलाई स्वास्थ्यसचिवमा सुरुवा गर्ने सरकारको निर्णयले सम्पूर्ण स्वास्थ्यकर्मी तथा चिकित्सकहरूको भावनामा गम्भीर चोट पुर्याएको संघको बुझाइ छ ।

विगतमा चिकित्सक संघसितको सहमतिबमोजिम स्वास्थ्यसेवा ऐनको दफा १९ अनुसार वरिष्ठ स्वास्थ्यकर्मीलाई स्वास्थ्यसचिवमा नियुक्त गरिँदै आएकोमा हाल आफैँले निर्माण गरेको उक्त ऐनको मर्म र भावनाविपरीत गैरस्वास्थ्यकर्मीलाई स्वास्थ्यसचिवमा सुरुवा गर्ने सरकारको निर्णयले सम्पूर्ण स्वास्थ्यकर्मी तथा चिकित्सकहरूको भावनामा गम्भीर चोट पुर्याएको संघको बुझाइ छ । स्वास्थ्यकर्मीमाथि आघात पुर्याउने सरकारको यस्तो निर्णलेले निर्वाध रूपमा पुर्याउँदै आएको सेवाप्रवाहमा तत्काल असर पर्ने भएकाले यथाशीघ्र निर्णय फिर्ता लिन संघले सरकारसमक्ष जोडदार माग गरेको छ ।

सरकारले निर्णय फिर्ता नलिएको खण्डमा स्वास्थ्यकर्मीले सेवा अवरुद्धसमेत गर्ने सम्मको हदमा आन्दोलनका कार्यक्रम ल्याउने संकेत गर्दै संघले आन्दोलनको चेतावनीसमेत दिएको छ । ‘गैरस्वास्थ्यकर्मीको नेतृत्वमा नेपालका कुनै पनि स्वास्थ्यकर्मीले आफ्नो जिम्मेवारी निर्वाध रूपमा वहन गर्न नसक्ने भएको हुँदा यसबाट उत्पन्न हुने कुनै पनि परिस्थितिको जिम्मेवार नेपाल सरकार नै हुनेछ,’ विज्ञप्तिमा भनिएको छ ।

गैरस्वास्थ्यकर्मीलाई स्वास्थ्यसचिवमा ल्याउने निर्णय सरकारले पछिल्लोपटक चिकित्सक संघसित ८ भदौ ०७१ मा गरेको सम्झौताविपरीत भएको जनाउँदै संघले सोका विरुद्ध आन्दोलनका लागि तयारी अवस्थामा रहन आ–आफ्नो स्थानबाट सशक्त विरोध जनाउन देशभरका आफ्ना शाखा कार्यालयका साथै सम्पूर्ण स्वास्थ्यकर्मी चिकित्सकलाई अपिलसमेत गरेको छ ।

चिकित्सक संघकै संघर्षका काराण ०६२/६३ को आन्दोलनपश्चात् सरकारले स्वास्थ्यसेवा ऐनमा संशोधन गरी स्वास्थ्यकर्मीसमेत स्वास्थ्यसचिवमा नियुक्त हुन सक्ने बाटो खोलेको थियो । त्यसै आधारमा डा. निराकारमान श्रेष्ठ स्वास्थ्यसचिव नियुक्त भएका थिए । त्यसपछि डा. विष्णुप्रसाद पण्डित, डा. दीर्घसिंह बम, डा. सुधा शर्मा, डा. प्रवीण मिश्र, सेनेन्द्र उप्रेती, डा. किरण रेग्मी र डा. पुष्पा चौधरी चिकित्सकबाट सचिव बनेका थिए ।

यसबीचमा डा. मिश्रले अवकाश पाएसँगै सरकारले प्रशासनका शान्तबहादुर श्रेष्ठलाई स्वास्थ्यसचिव नियुक्त गर्दा पनि चिकित्सक संघको लामो विरोद्धपश्चात् २८ महिनापछि बाध्य भएर सरुवा गरेको थियो । पछिल्लोपटक ०७४ पुसदेखि डा. चौधरीले मन्त्रालयको नेतृत्व सम्हाल्दै आएकोमा उनी चौतर्फी रूपमा विवादित बनेपछि सरकारले २८ असोजमा उनलाई प्रधानमन्त्री कार्यालयमा सरुवा गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यमा प्रशासनका केदारबहादुर अधिकारी सचिव

सरकारले स्वास्थ्य मन्त्रालयको सचिवमा प्रधानमन्त्री कार्यालयका सचिव केदारबहादुर अधिकारीलाई सरुवा गरेको छ ।

सहसचिवका रुपमा २ वर्ष स्वास्थ्यमा बिताएका अधिकारीले स्वास्थ्यसचिव बन्न पटक-पटक प्रसास गरेका थिए । सोमबारको मन्त्रिपरिषद्ले नै निर्णय गरेको भनिए पनि हालसम्म स्वास्थ्यमा पदबहालीका लागि भने अधिकारी पुगेका छैनन् । उनले पत्र नपाइसकेको जनाएका छन् ।

पछिल्लोपटक विभागीय मन्त्रीको आग्रहमा स्वास्थ्यसचिव सरुवा गरेर सरकारले पुनः प्रशासनको सचिव ल्याएको हो । यसअघि २८ महिना शान्तबहादुर श्रेष्ठले स्वास्थ्यमा सचिव सम्हालेका थिए । चिकित्सक संघको लामो संघर्षपछि फेरि डा. सेनेन्द्रराज उप्रेतीलाई स्वास्थ्यसचिव बनाइएको थियो ।

२८ असोजमा स्वास्थ्यसचिव डा. पुष्पा चौधरीकाे सरुवासँगै मन्त्रालयमा सचिव अन्योल थियो । मन्त्रिपरिषद्ले निमित्तसमेत कसैलाई नदिएपछि उपप्रधान तथा स्वास्थ्यमन्त्री उपेन्द्र यादवले १२औँ तहका डा. सुशीलनाथ प्याकुरेललाई मन्त्रिपरिषद्ले अर्को व्यवस्था नगर्दासम्मका लागि भन्दै निमित्तको जिम्मेवारी दिएका थिए । डा. चौधरीको सरुवा विवाद भने अदालतमै विचाराधीन छ ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यसचिव – असहज परिस्थिति, अन्योलमा निकास

उपप्रधानमन्त्री तथा स्वास्थ्यमन्त्री उपेन्द्र यादवले स्वास्थ्य मन्त्रालयका प्रमुख विशेषज्ञ डा. सुशीलनाथ प्याकुरेललाई अधिकारसहितको निमित्तसचिवको जिम्मेवारी दिने निर्णय गरे । कार्यालय प्रमुखको सरुवा भइसकेको अवस्थामा वरिष्ठताका आधारमा प्याकुरेल स्वतः निमित्त हुने भए पनि यादवले आर्थिक र प्रशासनिक अधिकारसहितको निमित्तको जिम्मेवारी दिने निर्णय गरे । मन्त्री यादवले जे गरे, त्यो मन्त्रिपरिषद्बाट भएको भए धेरै प्रश्न निराकरण भएर जान्थे । तर, त्यसो भएन । मन्त्रीले दिएको पत्रमा ‘मन्त्रिपरिषद्ले अर्को व्यवस्था नगर्दासम्मका लागि’ भन्ने उल्लेख छ ।

स्वास्थ्य मन्त्रालयका हकमा निमित्त परम्परा नौलो थिएन । तत्कालीनमन्त्री रामजनम चौधरीले डा. पदमबहादुर चन्द र मन्त्री दीपक बोहोराले डा. पुष्पा चौधरीलाई यस्तै प्रकृतिको जिम्मेवारी दिएका थिए । स्वास्थ्यका सन्दर्भमा ०६२/०६३ मा तत्कालीन कामु स्वास्थ्यसचिव डा.दीर्घसिंह बमलाई पनि सरकारले प्रधानमन्त्री कार्यालयमा सरुवा गरेर डा. सुधा शर्मालाई स्वास्थ्य सचिव बनाएको दृष्टान्त छ । ३५ हजारभन्दा बढी कर्मचारी ४ हजारभन्दा बढी स्वास्थ्यसंस्था र छुट्टै ऐनद्वारा निर्देशित स्वास्थ्यसेवामा तत्कालको अन्योल टरे पनि दीर्घकालीन रूपमा स्वास्थ्यसचिवको व्यवस्थापन कसरी गर्ने भन्ने प्रश्न ज्युँकात्युँ छ । एकातिर सरकार सरुवा गरेको ठाउँमा नयाँ सचिवको व्यवस्थापन गर्न ढिलाइ गरिरहेको छ भने अर्कोतिर सरुवा भइसकेकी सचिव डा. पुष्पा चौधरी पनि अदालतको अन्तरिम आदेश पाएसँगै मन्त्रालयमा नियमित हाजिरी गरिरहेकी छिन् ।

सरसर्ती हेर्दा स्वास्थ्यसचिवको सरुवा भइसकेको अवस्थामा वरिष्ठताका आधारमा डा. प्याकुरेल स्वतः निमित्त हुन् । तर, निमित्तलाई दैनिक काम गर्नेबाहेक अधिकार नहुने भएकाले मन्त्रीले बाधाअड्काउ फुकाएका हुन् । आर्थिक र प्रशासनिक अधिकारीसहितको निमित्तसमेत मन्त्रिपरिषद्ले नै दिएको भए परिपक्व र राम्रो हुन्थ्यो भन्ने धारणा जानकारहरूको छ । ‘सचिवलाई अधिकार कानुनले दिएको छ,’ स्रोतले भन्यो, ‘आर्थिक र प्रशासनिक अधिकारसहितको निमित्त पनि मन्त्रिपरिषद्बाटै दिएको भए राम्रो हुन्थ्यो ।’
सरकारले २८ असोजमै सरुवा गरिसकेको तर आर्थिक अधिकारसहितको निमित्त दिन ढिलाइ गरिरहेको अवस्थामा अदालतको आदेश आएपछि स्वास्थ्यसचिवमा अब के हुन्छ भन्ने प्रश्न उठेको छ । अहिलेको अवस्थामा देखिएको अन्योलले निकास कसरी होला ?

पूर्वमुख्यसचिव लोकमानसिंह कार्कीलाई सरकारले ‘अफिसर अन ड्युटी’ भनेर विशेष पोस्ट सिर्जना गरेर राखेको दृष्टान्त दिँदै सरकारले चाहँदा सचिव सरुवा गर्न नसक्ने भन्ने हुन्न । अहिलेसम्म भनेको स्वास्थ्यकर्मी पनि स्वास्थ्यसचिव हुन सक्ने स्वास्थ्य ऐनको व्यवस्था र स्वास्थ्यमा स्वास्थ्यकर्मीलाई नै दिने भन्ने ‘विशेष सहमति’ले मात्रै काम गरिरहेको हो,

स्वास्थ्यसचिवको सरुवा हुन सक्दैन त ?
पूर्वस्वास्थ्यसचिव डा. सेनेन्द्रराज उप्रेतीको भनाइमा अहिले मुख्य समस्या स्वास्थ्य निजामती प्रशासनको क्लस्टरिङ सिस्टममा समेटिएको छ भन्ने बुझाइका कारण उत्पन्न भएको छ । त्यही सोचमा स्वास्थ्यको सचिव अन्यन्त्र लान पाइन्न र स्वास्थ्यमा अन्यत्रबाट सचिव ल्याउन पाइन्न भन्ने दुवै बुझाइ गलत हुन् । ‘सचिव नेपाल सरकारको हुन्छ, पोस्टिङ मात्रै स्वास्थ्य मन्त्रालयमा भएको हो,’ डा. उप्रेती भन्छन् ।
उनले पूर्वमुख्यसचिव लोकमानसिंह कार्कीलाई सरकारले ‘अफिसर अन ड्युटी’ भनेर विशेष पोस्ट सिर्जना गरेर राखेको दृष्टान्त दिँदै सरकारले चाहँदा सचिव सरुवा गर्न नसक्ने भन्ने नहुने बताए । ‘अहिलेसम्म भनेको स्वास्थ्यकर्मी पनि स्वास्थ्यसचिव हुन सक्ने स्वास्थ्य ऐनको व्यवस्था र स्वास्थ्यमा स्वास्थ्यकर्मीलाई नै दिने भन्ने ‘विशेष सहमति’ले मात्रै काम गरिरहेको हो,’ डा. उप्रेती भन्छन् ।
यसबीचमा डाक्टर सचिव बन्ने बाटो खुलेपछि तत्कालीत मन्त्री खगराज अधिकारीको पहलमा शान्तबहादुर श्रेष्ठले झन्डै २८ महिना स्वास्थ्यमा सचिव चलाएका थिए । तर, चिकित्सकहरूको निरन्तर संघर्षपछि सरकारले उनलाई सरुवा गरेर डा. उप्रेतीलाई नै सचिव बनाएको थियो । अहिले पनि डाक्टरलाई सरुवा गर्दासम्म मौन बसेको चिकित्सक संघ फेरि स्वास्थ्यकर्मीमध्येबाट सचिव नभएर यत्तिकै बस्ने अवस्थामा छैन । सरकारले स्वास्थ्यभित्रै अलोकप्रिय डा. चौधरीलाई सरुवा गर्दाजस्तो सहज अवस्था प्रशासनको सचिव ल्याउन छैन ।

स्वास्थ्यसचिव मन्त्रालयमा आइरहने र सरकारले निमित्त दिएकै सचिवबाट काम चलाइरहने अवस्था धेरै दिन रहन सक्दैन । तर, सरकारलाई सीधै अर्को सचिव ल्याउने बाटो पनि अहिलेको अवस्थामा सहज छैन । सरकारले डा. पुष्पा चौधरीको विषयलाई टुंगो नलगाउँदासम्म समस्या रहिरहने अवस्था छ ।

के–के छन् जटिलता ? के हुन्छ विकल्प ?
स्वास्थ्यसचिव मन्त्रालयमा आइरहने र सरकारले निमित्त दिएकै सचिवबाट काम चलाइरहने अवस्था धेरै दिन रहन सक्दैन । तर, सरकारलाई सीधै अर्को सचिव ल्याउने बाटो पनि अहिलेको अवस्थामा सहज छैन । सरकारले डा. पुष्पा चौधरीको विषयलाई टुंगो नलगाउँदासम्म समस्या रहिरहने अवस्था छ ।
संघीय निजामती ऐन÷अध्यादेश आएर स्वास्थ्यसेवा ऐन खारेज (प्रक्रियामै छ) भएमा भने सरकारले स्वास्थ्यसचिवसमेत सहजै फेरबदल गर्न सक्छ । ऐन कायमै रहेको अवस्थामा ऐनअनुसार स्वास्थ्यसचिव एउटा मात्रै हुने हुनाले नयाँ स्वास्थ्यसचिव वा कामु स्वास्थ्यसचिव नियुक्त गर्न मिल्दैन । किनकि, एउटै पदमा कामु र निमित्त पनि रहन सक्दैनन् ।
स्वास्थ्यसचिवलाई पुरानै अवस्थामा नफर्काउने हो भने पहिलो विकल्प सरकार अदालतको आदेशमा ‘भ्याकेट जाने’ र त्यसलाई अदालतले स्विकारेर मुद्दा खारेज हुनुपर्छ । अदालतको आदेश २६ गते नै प्रधानमन्त्री तथा मन्त्रिपरिषद् कार्यालयमा दर्ता भइसकेको छ । ‘सरुवा गर्दा नै पनि मन्त्रिपरिषद् कार्यालयमा स्वास्थ्यको दरबन्दी सिर्जना गरेको भए यो अवस्था नै आउनेथिएन,’ मन्त्रालयका एक उच्च अधिकारीले भने, ‘अब पनि त्यही बाटोबाट सल्टाउन सहज हुन्छ ।’
दोस्रो विकल्प, अदालतको आदेशको कार्यान्वयनस्वरूप चौधरीलाई स्वास्थ्यमै हाजिरी गराउन व्यवस्थापनले नयाँ प्रक्रिया थाल्नेछ । लामो समयसम्म चौधरीबारे मौन बसेर अदालतको आदेश कार्यान्वयनमा नजान सरकारका लागि सहज हुन्न ।

स्रोतका अनुसार डा. चौधरीको व्यवस्थापनका लागि सरकारले प्रधानमन्त्री कार्यालयमै विशेषज्ञ सचिव राख्ने गरी पद सिर्जना गरेर नयाँ सचिव नियुक्त गर्ने विषयमा समेत छलफल भएको छ । अथवा, स्वास्थ्यमा प्रशासन र स्वास्थ्यका गरी दुई सचिव राख्ने विषयसमेत छलफलमा उठेको छ । ‘भ्याकेटमा गएर मुद्दा खारेज भएपछि पहिला उहाँ (डा. पुष्पा)को सरुवा कार्यान्वयन हुन्छ, अनि बल्ल नयाँ सचिवको कसरी व्यवस्थापन गर्ने भन्ने हुन्छ,’ प्रधानमन्त्री कार्यालय स्रोतले भन्यो ।

  • ताजा समाचार
  • जनप्रिय

हेल्थपोष्ट टुइट्स सबै

अदालतको आदेश पालना गर्नकै लागि नियमित मन्त्रालय गइरहेकी हुँ : डा. पुष्पा चौधरी

सचिव डा. पुष्पा चौधरीले आफूले अदालतको आदेश पालना गर्नकै लागि नियमित मन्त्रालय गइरहेको बताएकी छिन् । हेल्थपोस्टसँग कुरा गर्दै चौधरीले अदालतको आदेशपछि आफू नियमित मन्त्रालय गइरहेको स्विकारिन् । मन्त्रीस्तरीय निर्णयबाट प्रमुख विशेषज्ञ डा. सुशीलनाथ प्याकुरेललाई अधिकारसहितको जिम्मेवारी दिइएपछि पनि उनी मन्त्रालय जान छाडेकी छैनन् ।

मन्त्रीपरिषद्ले २८ असोजमा डा. चौधरीको सरुवा गरेको थियो । त्यसपछि उनी स्वास्थ्य मन्त्रालयबाट रमाना लिनसमेत गइनन् । उनी मन्त्रिपरिषद् कार्यालयमा हाजिरी नभई सरुवाविरुद्ध अदालत गएकी थिइन् । अदालतको आदेशपछि भने उनी नियमित मन्त्रालय गइरहेकी हुन् ।सरकारले अदालतको आदेशबारे जानकारी नै नआएको भन्दै उनलाई जिम्मेवारीमा फर्काएको छैन । चौधरीले भने आफूलाई अन्याय भएर अदालत गएको र न्याय पाएको दाबी गर्दै आएकी छिन् । चौधरीले स्वास्थ्यमा अधिकारसहितको निमित्तको अधिकार डा. प्याकुरेललाई दिने गरी भएको नयाँ निर्णयबारे भने वकिलसँग परामर्श गर्ने बताइन् ।

‘मलाई दिएको आधिकारिक पत्रमा केही भनिएको छैन, व्यक्तिपिच्छे अनुमानको भरमा गलत टिप्पणीहरू गरिएका छन्,’ उनले भनिन् ।

आफूले स्वास्थ्यसचिवका रूपमा काम गरिरहेको समयमा सरुवा गर्ने निर्णय आकस्मिक तरिकाले आएको र सो निर्णय कानुनविपरीत भएको उनले बताइन् । ‘मलाई अन्याय भएको महसुस भयो, त्यसैले अदालत गएकी हुँ,’ उनले भनिन् । चौधरीले आफ्नो स्वास्थ्यसचिवको नियुक्ति स्वास्थ्य ऐनअन्तर्गत वैधानिक भएको समेत बताइन् । ‘म अदालतको आदेशको पालना गर्नकै लागि नियमित मन्त्रालय गइरहेकी छु,’ उनले भनिन् । सरकारले किन सरुवा गरेजस्तो लाग्छ भन्ने प्रश्नमा उनले यो प्रश्न निर्णयकर्तासँग सोध्न सुझाइन् । ‘मलाई दिएको आधिकारिक पत्रमा केही भनिएको छैन, व्यक्तिपिच्छे अनुमानको भरमा गलत टिप्पणीहरू गरिएका छन्,’ उनले भनिन् ।

पदमा रहँदा गरेको कामका विषयमा उब्जिएको विवादबारेको प्रश्नमा उनले सरुवाको विषय नै अहिले अदालतमा गइसकेको अवस्थामा सार्वजनिक रूपमा थप टिप्पणी गर्न नचाहेको बताइन् । ‘मिडियाले आ–आफ्नै तर्कका आधारमा मेरा विरुद्ध लेखेका छन्, जुन कोही पनि आधिकारिक व्यक्तिलाई सोधेर पुष्टि गरेका छैनन्,’ उनले भनिन् ।

  • ताजा समाचार
  • जनप्रिय

हेल्थपोष्ट टुइट्स सबै

मन्त्रीले डा. सुशीललाई निमित्त दिए पनि डा. पुष्पा नियमित मन्त्रालयमा

डा. पुष्पा चौधरीलाई स्वास्थ्य मन्त्रालयबाट सरुवा गरेको झन्डै एक महिनापछि उपप्रधानमन्त्री एवम् स्वास्थ्यमन्त्री उपेन्द्र यादवले मन्त्रालयका प्रमुख विशेषज्ञ डा. सुशीलनाथ प्याकुरेललाई अधिकारसहितको निमित्तको जिम्मेवारी दिने निर्णय गरे । जिम्मेवारी पाएकै दिन प्याकुरेलले मन्त्रालयका ५ उपसचिवको सरुवा गरे । उनी सोमबार बिहान पनि योजना आयोग, प्रधानमन्त्री कार्यालयदेखि मन्त्रालयकै संगठन संरचनासम्बन्धी बैठकमा समेत सचिवकै रूपमा सहभागी भए ।

मन्त्रालयबाट २८ असोजमै सरुवा भएकी डा. पुष्पा चौधरीसमेत सोमबार डा. प्याकुरेलभन्दा अघि नै मन्त्रालय पुगिन् ।
डा. पुष्पाको सरुवापछि स्वतः निमित्त भएपछि डा. प्याकुरेलको सक्रियता नयाँ हो । तर, डा. पुष्पा भने अस्वाभाविक रूपमा बिहान–बेलुका नियमित मन्त्रालय आउँछिन् । दिनभर अक्सर मन्त्रालयमा नभए पनि उनी दैनिक बिहान–बेलुकै हाजिर गर्न मन्त्रालय पुग्ने गरेको मन्त्रालयका उच्च अधिकारीहरू बताउँछन् ।

मन्त्रालयबाट २८ असोजमै सरुवा भएकी डा. पुष्पा चौधरीसमेत सोमबार डा. प्याकुरेलभन्दा अघि नै मन्त्रालय पुगिन् । डा. पुष्पाको सरुवापछि स्वतः निमित्त भएपछि डा. प्याकुरेलको सक्रियता नयाँ हो । तर, डा. पुष्पा भने अस्वाभाविक रूपमा बिहान–बेलुका नियमित मन्त्रालय आउँछिन् ।

सरकारले गरेको सरुवाविरुद्ध सचिव डा. चौधरी अदालत गएकी थिइन् । प्रधानन्यायाधीश ओमप्रकाश मिश्रको एकल इजलासले १६ कात्तिकको सरकारको सरुवा निर्णय कार्यान्वयन नगर्न अन्तरिम आदेश दिएको थियो । सो आदेशपछि डा. चौधरीले निर्णयकर्ता निकायलाई जानकारी नगराई/पत्र नपुगीकनै १८ गते मन्त्रालय पुगेर हाजिर गरेकी थिइन् । विपक्षी निकायमा पत्र नै नपुगी अदालतको आदेश आफैँ कार्यान्वयन गरेको भन्दै मुख्यसचिव लोकदर्शन रेग्मीसमेत उनीसँग रिसाएका थिए । सोपश्चात् सचिव चौधरीलाई सचिवस्तरीय बैठकहरूमा समेत नबोलाई बाइपास गर्न थालेपछि उनी हाजिर गर्ने तर काम नखोज्ने रणनीतिमा छिन् ।

डा. चौधरीले अदालतको आदेशको पालना गर्नु आफ्नो कर्तव्य भएको भन्दै न्यायालयको सम्मानका लागि मन्त्रालय गइरहेको बताइन् । उनले आफूमाथि अन्याय भएको ठानेर अदालत गएको भन्दै अदालतले आदेश दिएपछि त्यसको पालना गर्नु आफ्नो कर्तव्य भएको बताइन् । मन्त्रालयको पछिल्लो निर्णयबारे राखिएको जिज्ञासामा मुख्यसचिव रेग्मीले अदालतको आदेश र मन्त्रालयको निर्णय दुवै मन्त्रिपरिषद् कार्यालयमा हालसम्म नआएको बताए । पत्र प्राप्त भएपछि मात्र विषय स्पष्ट हुने उनको भनाइ थियो ।

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्य सचिवको सरुवा निर्णय कार्यान्वयन नगर्न सर्वाेच्चको अन्तरिम आदेश


सर्वाेच्च अदालतले स्वास्थ्य सचिव डा. पुष्पा चौधरीलाई प्रधानमन्त्री कार्यालयमा सरुवा गर्ने निर्णय कार्यान्वयन नगर्न अन्तरिम आदेश दिएको छ । डा. चौधरीले आफूलाई गैरकानुनी ढंगबाट सरुवा गरिएको भन्दै बिहीबार सर्वाेच्चमा रिट दर्ता गराएकी थिइन् । प्रधानन्यायधीश ओमप्रकाश मिश्रको एकल इजालसले यस्तो आदेश गरेको हो । यस अगाडि सरकारले गत महिनाको २८ गते उनलाई सरुवा गर्ने निर्णय गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

‘विवादित’ स्वास्थ्य सचिवको सरुवा

सरकारले स्वास्थ्य सचिव डा. पुष्पा चौधरीलाई सरुवा गरेको छ । मुख्य सचिव लोकदर्शन रेग्मीका अनुसार उनलाई प्रधानमन्त्री तथा मन्त्रिपरिषद् कार्यालयमा रहनेगरी सरुवा गरेको हो । मुख्य सचिव रेग्मीले सोको पुष्टि गरे । ‘केही दिन अगाडिको निर्णय हो, स्वास्थ्य मन्त्रालयमा जानकारी जाँदैहोला’  उनले भने ।

यसबीचमा स्वास्थ्य सचिव चौधरीको स्वास्थ्यमन्त्रीसँग सम्बन्ध चिसिएको थियो  । उनी काठमाडौं नेशनल मेडिकल कलेज शिक्षण अस्पतालको स्वीकृति विवाद र थुप्रै ठेक्का र सरुवाको विवादमा समेत तानिएकी थिइन् । उनको सरुवासँगै निमित्त सचिवको जिम्मेवारी १२ औं तहका सुशीलनाथ प्याकुरेलले पाउँदैछन् ।

  • ताजा समाचार
  • जनप्रिय

हेल्थपोष्ट टुइट्स सबै