फार्मेसी हटाउन मन्त्रालयसँग लुम्बिनी प्रादेशिक अस्पतालको ‘गुहार’

लुम्बिनी प्रादेशिक अस्पतालले आफ्नै हाताभित्र रहेको नीजि फार्मेसी हटाउन मन्त्रालयसँग सहयोग मागेको छ । पटकपटक सटर खाली गर्नका लागि पत्र लेख्दा समेत फार्मेसीले अटेर गरेपछि अस्पतालले मन्त्रालयसँग गुहारेको हो । अस्पताल प्रशासन र प्रदेश नं. ५ को सामाजिक विकास मन्त्रालय फार्मेसी हटाउँदाको दोष आफ्नो थाप्लोमा आउने डरले हात हाल्न डराइरहेका छन् । यहाँका राजनैतिक दलहरुका सबैजसो नेताहरुको चलखेलका कारण अस्पताल प्रशासन र मन्त्रालय फार्मेसीको बिषयमा हात हाल्न डराइरहेको छन् ।

अस्पतालभित्र रहेको जनप्रिय फार्मेसीको म्याद गत असार १५ गते सकिएको हो । उक्त फार्मेसीले अस्पतालको सटरको भाडा मासिक रुपमा १६ लाख भन्दा बढी तिर्दै आएको छ । म्याद सकिँदासमेत उसले निर्वाद दैनिक रुपमा लाखौ मूल्यको औषधी अस्पताल भित्रबाटै बिक्री गरिहेको छ ।
अस्पताल प्रशासनले फार्मेसी खाली गराउनका लागि यस पटक आँट गरेपनि हटाउन नसेपछि सहयोगका लागि प्रदेश ५ को सामाजिक विकास मन्त्रालयलाई पत्र पठाइ मौन बसेको छ । पत्र पाएको २५ दिन बित्दा समेत मन्त्रालय पनि यस बिषयमा चुपचाप छ ।

डा. कृष्ण खनाल, मेसु, लुम्बिनी प्रादेशिक अस्पताल, बुटवल

मन्त्रालयले अस्पतालको पत्रको जवाफ नदिइ बस्नुलाई अस्पतालका कर्मचारीहरु नहटाउने राजनैतिक दबाबका कारण त्यसो भएको हुन सक्ने विश्लेषण गर्दछन् । सटर भाडाको टेण्डर गर्नका लागि अस्पताल प्रशासनलाई पटक पटक पत्र पठाएको मन्त्रालयले यसको जवाफ भने २४ दिन वित्दा समेत दिएको छैन् ।

नीजि फार्मेसीको म्याद सकिएपछि अस्पताल प्रशासनले सटर खाली गर्नका लागि पटक पटक पत्र लेखेको लुम्बिनी प्रादेशिक अस्पतालका मेसु डा. कृष्ण खनाल बताउँछन् । उनले फार्मेसीले बिभिन्न कारण जनाउदै आफुहरु घाटामा रहेको हुदा म्याद थप्नका लागि अनुरोध गरेको भएपनि म्याद थप्न नसकिने लिखित जानकारी गराएको बताए ।

फार्मेसी नहटेपछि सामाजिक विकास मन्त्रालयलाई पत्र लेखि सहयोग गर्न भनिएको र आफुहरु मन्त्रालयको जवाफ कुरेर बसेको डा. खनालले बताए । मन्त्री, सचिव ज्यूहरु व्यस्त भएर होला पत्रको जवाफ आएको छैन् उनले भने हामी मन्त्रालयको आदेशकै पर्खाइमा छौं ।

सुदर्शन बराल, मन्त्री, सामाजिक विकास मन्त्रालय, प्रदेश नंं. ५, बुटवल

अस्पताललाई फार्मेसी हटाउनका लागि पहिल्यै नै निर्देशन दिइएको सामाजिक विकास मन्त्री सुदर्शन बराल बताउँछन् । उनले अहिले फेरि यस बिषयमा मौखिक जानकारी आएको र पत्र आएको पनि सुनेको हुदा बुझेर काम अगाडी बढाउने बताए । मन्त्रालयको कार्ययोजनामा व्यस्त हुदा ढिला भएको हो मन्त्री बरालले भने अबको २/३ दिनमै म आफै उपस्थित भएर फार्मेसीलाई हटाउँछौं ।

२०७३ साल फागुन १५ गते तामझामका साथ सुभारम्भ गरिएको अस्पतालको सरकारी फार्मेसी भने एउटा कुनामा सीमित बनेको छ । सेवाग्राहीले नदेख्दा अस्पताल फार्मेसीको कारोवार कम छ । अस्पतालको इर्मेजेन्सीको मुखमा रहेको नीजि फार्मेसीमा लाइन लागेर औषधी किनिरहेको अवस्थामा सरकारी फार्मेसीमा भने फाट फुट रुपमा मात्र औषधीको बिक्री हुने गर्दछ ।
स्मरण रहोस् मन्त्री बरालले एक बर्ष अघि पनि लुम्बिनी प्रादेशिक अस्पतालको नीजि फार्मेसी हटाउनका लागि पहल गर्ने बताएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

प्रदेश ३ सरकारद्वारा ९ अस्पताल अध्यक्ष नियुक्त

प्रदेश ३ सरकारले आफूमातहत आएका ९ वटा अस्पतालमा अस्पताल व्यवस्थापन तथा सञ्चालन समिति अध्यक्ष नियक्त्त गरेको छ । प्रदेश मन्त्रीस्तरीय निर्णयबाट ४ वर्षको कार्यकाल रहने गरी अध्यक्ष नियुक्त गरेको सामाजिक विकास मन्त्रालयका प्रवक्ता तथा जनस्वास्थ्य प्रशासक सतिस विष्टले जानकारी दिए । प्रदेश सरकारले जारी गरेको अस्पताल व्यवस्थापन तथा सञ्चालन समिति गठन आदेश २०७५ अनुसार समितिका अध्यक्षको नियुक्त गरिएको हो ।

सामाजिक विकास मन्त्रालयको स्वास्थ्यसेवा महाशाखाका प्रमुखसमेत रहेका सतिस विष्टका अनुसार गठन आदेश निर्देशिकाको दफा ३ (१) मा प्रदेशमातहत आएका अस्पतालका लागि अस्पताल व्यवस्थापन तथा सञ्चालन गर्न एक समिति रहने उल्लेख छ । दफा ३ (२) मा समिति ७ सदस्यीय हुने र सामाजिक क्षेत्रमा क्रियाशील लब्धप्रतिष्ठित व्यक्तिबाट मन्त्रालयले नियुक्त गरेको व्यक्ति अध्यक्ष हुने व्यवस्था छ ।

मनोनीत सदस्यको कार्यकाल ४ वर्षको हुने निर्देशिकामा उल्लेख छ । मनोनीत अध्यक्षहरूमध्ये ७ जनाले पत्र बुझिसकेको सामाजिक विकास मन्त्रालयका प्रवक्ता विष्टले बताए ।

मन्त्रालयका सूचना अधिकारी कृष्ण अधिकारीका अनुसार त्यसरी समितिको अध्यक्षमा मनोनीत हुनेमा खिमलाल भण्डारी– भरतपुर अस्पताल, मिलन सुवास– भक्तपुर अस्पताल, डेगराज पौडेल– हेटौँडा अस्पताल, महेन्द्र धमला क्षेत्री– धादिङ अस्पताल, प्रह्लादकुमार पोख्रेल– सिन्धुली अस्पताल, रामशरण कुइँकेल– जिल्ला अस्पताल रसुवा, रोश पाख्रिन– जिल्ला अस्पताल रामेछाप, अर्जुनप्रसाद न्यौपाने– त्रिशूली अस्पताल नुवाकोट, ईश्वरीप्रसाद श्रेष्ठ– जिल्ला अस्पताल सिन्धुपाल्चोक छन् ।
भरतपुरका अध्यक्ष नेकपा अध्यक्ष एवं पूर्वप्रधानमन्त्री पुष्पकमल दाहालका बहिनी ज्वाई हुन् ।

नियुक्त सदस्यको कार्यकाल ४ वर्षको हुने निर्देशिकामा उल्लेख छ । नियुक्त अध्यक्षहरूमध्ये ७ जनाले पत्र बुझिसकेको सामाजिक विकास मन्त्रालयका प्रवक्ता विष्टले बताए । त्यसैगरी अन्य सदस्यहरूमा स्थानीय तहको प्रमुख वा निजले तोकेको कार्यपालिकाको कुनै एक सदस्य, जिल्ला प्रशासन कार्यालयको प्रतिनिधि, प्रदेश लेखा कार्यालयका प्रतिनिधि, सम्बन्धित अस्पतालको वरिष्ठ चिकित्सक, सम्बन्धित अस्पतालको नर्सिङ प्रमुख र सम्बन्धित अस्पतालको मेडिकल सुपरिटेन्डेन्ट सदस्य–सचिव रहने व्यवस्था छ ।

  • ताजा समाचार
  • जनप्रिय

हेल्थपोष्ट टुइट्स सबै