वीर, प्रसूति र गंगालालमा नयाँ अत्याधुनिक भवनबाट सेवा, कुनमा कस्तो सुविधा ?

उपत्यकाका प्रमुख ३ सरकारी अस्पतालले नयाँ भवनबाट उपचार सेवा दिने भएका छन् । नेपाल सरकार तथा जापान अन्तर्राष्ट्रिय सहयोग नियोग (जाइका)को सहयोगमा निर्मित नयाँ अत्याधुनिक प्रविधियुक्त भवनबाट वीर अस्पताल र परोपकार तथा प्रसूतिगृहले शुक्रबार (२७ असार)देखि औपचारिक रूपमा सेवाको शुभारम्भ गर्दै छन् ।

बिरामीको अत्यधिक चाप हुने यी दुवै अस्पतालमा जाइकाको आर्थिक सहयोग र नेपाल सरकारको आन्तरिक व्यवस्थापनमा नयाँ भवन निर्माण सम्पन्न भएका हुन् । बाँसबारीस्थित गंगालाल राष्ट्रिय हृदय केन्द्रले यसअघि नै अत्याधुनिक नयाँ भवनबाट आकस्मिक सेवा सुचारु गरिसकेको छ भने अन्य सेवा पनि नयाँ भवनमा विस्तार गर्ने तयारी छ ।

परोपकार प्रसूति तथा स्त्रीरोग अस्पताल

थापाथलीस्थित परोपकार प्रसूति तथा स्त्रीरोग अस्पतालले नवनिर्मित भवनबाट प्रदान गरिने सेवाको औपचारिक उद्घाटन शुक्रबारदेखि गर्दै छ । ०७२ को महाभूकम्पले अस्पतालको भवनमा क्षति पुर्याएपछि उपचार सेवामा बाधा पुगेको थियो । जाइकाको सहयोगमा नेपाल सरकारले १५ महिनाअघि सुरु गरेको भवन निर्माणकार्य सम्पन्न भई औपचारिक रूपमा शुक्रबारदेखि सेवा सञ्चालन हुन लागेको अस्पतालका निर्देशक डा. जागेश्वर गौतमले जानकारी दिए ।

‘नयाँ भवनमा अत्याधुनिक सुविधा तथा प्रविधि जडान गरिएका छन् । केही शय्या बढाइएका छन् । अस्पतालले ४ सय १५ शय्या सञ्चालन गर्ने अनुमति पाए पनि त्यसका लागि आवश्यक भवन उपलब्ध थिएन,’ डा. गौतमले भने, ‘नयाँ भवन सञ्चालनमा आएसँगै हामीले अनुमतिअनुसार शय्या सञ्चालन गर्ने भएका छौँ ।’ नयाँ भवनमा एमआइसियू, पोस्ट अवार्ड, लेबर रुम सबै अत्याधुनिक बनाइएको छ । त्यसैगरी, इमर्जेन्सी डेलिभरी रुम, बर्थिङ सेन्टर, पोस्ट अपरेटिभ वार्डलगायत सेवा उपलब्ध हुने भएका छन् ।

अस्पतालको नयाँ भवन जाइकाको आर्थिक तथा प्राविधिक सहयोगमा निर्माण गरिदिएको हो । नयाँ भवन निर्माणको लागि १ अर्ब ३० करोड खर्च भएको निर्देशक डा. गौतमले जानकारी दिए । प्रसूतिगृहको अत्याधुनिक नयाँ भवनमा २४ शय्याको आकस्मिककक्ष, चिकित्सकको निगरानीमा हुने डेलिभरी रुम, नर्सको निगरानीमा हुने डेलिभरी रुम, दुईवटा शल्यक्रियाकक्ष, १२ शय्याको आमाका लागि आइसियू, ४० शय्याको बच्चाको आइसियूलगायत १ सय ७० शय्या सञ्चालनमा आएका छन् । यद्यपि, औपचारिक उद्घाटन भने शुक्रबार हुँदै छ ।

गंगालाल राष्ट्रिय हृदय केन्द्र

काठमाडौंको बाँसबारीस्थित सहिद गंगालाल राष्ट्रिय हृदय केन्द्रमा सुविधासम्पन्न आकस्मिककक्ष सञ्चालनमा आएको छ । आकस्मिककक्षमा शय्यासंख्या न्यून भएका कारण नयाँ आधुनिक भवन निर्माण गरेको अस्पतालले जनाएको छ । अस्पतालले यसअघि २४ शय्याको आकस्मिककक्षमार्फत बिरामीलाई सेवा दिँदै आएको थियो । नयाँ भवन निर्माण गरी विकास गरिएको आकस्मिककक्षमा सुविधासम्पन्न ३८ शय्यामार्फत सेवा सुरु गरिएको छ ।

पुरानो कक्षमा आधारभूत सुविधा मात्र भएको र साँघुरो भएकाले नयाँ कक्ष बनाइएको अस्पतालका निर्देशक डा. ज्योतिन्द्र शर्माले जानकारी दिए । नयाँ भवनमा हृदयाघात भएर आउने बिरामीका लागि शल्यक्रियाकक्ष, क्याथल्याब, गम्भीर बिरामीलाई आवश्यक पाइपलाइन अक्सिजनलगायत आधुनिक सुविधा उपलब्ध छन् । ‘आकस्मिककक्षमा बिरामीको तुरुन्तै शल्यक्रिया गर्न मिल्ने गरी क्याथल्याब कोठा, अपरेसन थिएटरको व्यवस्था छ,’ निर्देशक डा. शर्माले जानकारी दिए ।

अस्पतालमा आउने मुटु तथा उच्च रक्तचापका बिरामीका लागि प्रभावकारी सेवा दिन आधुनिक आकस्मिककक्षलगायत अन्य सेवा आवश्यक परेकाले २ वर्षअघि भवन निर्माणकार्य सुरु भएको थियो । नेपाल सरकारको सहयोगमा करिब ४९ करोडको लागतमा नयाँ भवन निर्माण सम्पन्न भएको अस्पतालले जनाएको छ ।

आकस्मिककक्षले ओगटेका बाहेक तीनतले नयाँ भवनका बाँकी कोठा बहिरंग विभागका लागि प्रयोग गरिने अस्पताल प्रशासनले जनाएको छ । बहिरंग विभाग पनि मुटुका बिरामीका लागि सहज हुने गरी निर्माण गरिएको छ । भवनमै आइसियू कोठाहरू, चारवटा क्याथल्याब सेवा, मडुलर अप्रेसन थिएटर, नयाँ आइसियू सेवा सञ्चालनमा रहनेछन् ।

वीर अस्पताल

२०७२ को भूकम्पका कारण क्षतिग्रस्त बन्न पुगेको वीर अस्पतालको नयाँ भवन पनि शुक्रबारबाट सञ्चालनमा आउने भएको छ । भूकम्पले अस्पतालका नयाँ आइसियू भवन, मेडिकल रेकर्ड शाखा रहेको भवन र फोहोरमैला व्यवस्थापन केन्द्रको भवनमा क्षति पुर्याएको थियो ।

जाइकाको आर्थिक तथा प्राविधिक सहयोगमा निर्माण भएको नयाँ भवनमा ९४ शय्या सञ्चालनमा हुनेछन् । भवनमा कोर्डियोलोजी वार्ड, ग्यास्ट्रोलोजी वार्ड, नेफ्रोलोजी विभाग रहने अस्पतालका निर्देशक डा. केदार सेन्चुरीले जानकारी दिए । शल्यक्रियाकक्ष, भेन्टिलेटरसहितको सिसियूकक्षसमेत नयाँ भवनमा रहनेछन् ।

जाइकाको आर्थिक सहयोगमा निर्माण गरिएको भवनमा नेपाल सरकारको आन्तरिक व्यवस्थापनबाट समेत उपकरण खरिद गरिएको डा. सेञ्चुरीले बताए ।

  • ताजा समाचार
  • जनप्रिय

हेल्थपोष्ट टुइट्स सबै

गंगालाल हृदय केन्द्रमा अप्रेसन थिएटरसहितको सुविधासम्पन्न आकस्मिककक्ष सञ्चालनमा, अन्य सेवामा पनि सुधार

काठमाडौंको बाँसबारीस्थित सहिद गंगालाल राष्ट्रिय हृदय केन्द्रमा सुविधासम्पन्न आकस्मिककक्ष सञ्चालनमा आएको छ । आकस्मिककक्षमा शय्यासंख्या न्यून भएका कारण नयाँ आधुनिक भवन निर्माण गरेको अस्पतालले जनाएको छ ।

अस्पतालले यसअघि १८ शय्याको आकस्मिककक्षमार्फत बिरामीलाई सेवा दिँदै आएको थियो । नयाँ भवन निर्माण गरी विकास गरिएको आकस्मिककक्षमा सुविधासम्पन्न ३२ शय्यामार्फत सेवा सुरु गरिएको अस्पतालका निर्देशक डा. ज्योतिन्द्र शर्माले जानकारी दिए । पुरानो कक्षमा आधारभूत सुविधा मात्र भएको र साँघुरो भएकाले नयाँ कक्ष बनाइएको उनको भनाइ छ ।

नयाँ भवनमा हृदयाघात भएर आउने बिरामीका लागि शल्यक्रियाकक्ष, क्याथल्याब, गम्भीर बिरामीलाई आवश्यक पाइपलाइन अक्सिजनलगायत आधुनिक सुविधा उपलब्ध छन् ।

नयाँ भवनमा हृदयाघात भएर आउने बिरामीका लागि शल्यक्रियाकक्ष, क्याथल्याब, गम्भीर बिरामीलाई आवश्यक पाइपलाइन अक्सिजनलगायत आधुनिक सुविधा उपलब्ध छन् । ‘आकस्मिककक्षमा बिरामीको तुरुन्तै शल्यक्रिया गर्न मिल्ने गरी क्याथल्याब कोठा, अपरेसन थिएटरको व्यवस्था छ,’ निर्देशक डा. शर्माले जानकारी दिए ।

अस्पतालमा आउने मुटु तथा उच्च रक्तचापका बिरामीका लागि प्रभावकारी सेवा दिन आधुनिक आकस्मिककक्षलगायत अन्य सेवा आवश्यक परेकाले ४ वर्षदेखि भवन निर्माणकार्य सुरु भएको थियो । करिब ४७ करोडको लागतमा नयाँ भवन निर्माण सम्पन्न भएको अस्पतालले जनाएको छ ।

आकस्मिककक्षले ओगटेका बाहेक तीनतले नयाँ भवनका बाँकी कोठा बहिरंग विभागका लागि प्रयोग गरिने अस्पताल प्रशासनले जनाएको छ । बहिरंग विभाग पनि मुटुका बिरामीका लागि सहज हुने गरी निर्माण गरिएको छ । भवनमै आइसियू कोठाहरू, चारवटा क्याथल्याब सेवा, मडुलर अप्रेसन थिएटर, नयाँ आइसियू सेवा सञ्चालनमा रहनेछन् ।

  • ताजा समाचार
  • जनप्रिय

हेल्थपोष्ट टुइट्स सबै

गंगालालका इन्जिनियर यादवविरुद्ध भ्रष्टाचार मुद्दा, शैक्षिक योग्यता प्रमाण–पत्र नक्कली पेस गरेको अख्तियारको ठहर

काठमाडौंको बाँसबारीस्थित सहिद गंगालाल राष्ट्रिय हृदय केन्द्रमा इन्जिनियर पदमा कार्यरत प्रदीपकुमार यादवविरुद्ध अख्तियार दुरूपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको छ । छानबिनका क्रममा यादवले जागिरका लागि नक्कली प्रमाणपत्र पेस गरेको पाइएपछि अख्तियारले उनीविरुद्ध भ्रष्टाचार निवारण ऐन, २०५९ बमोजिम कारबाहीका लागि आइतबार विशेषमा आरोप–पत्र दायर गरेको हो ।

यसअघि यावदविरुद्ध अख्तियारमा उजुरी परेको थियो । ‘यादवको इन्जिनियरको सर्टिफिकेट नक्कली रहेको हुँदा आवश्यक छानबिनसहित कारबाही गरिपाऊँ’ भन्ने उजुरीका आधारमा छानबिन गर्दा यादव दोषी पाइएपछि प्रमाण र कसुरअनुसार हदैसम्मको सजायको मागदाबीसहित विशेषमा मुद्दा दायर गरेको आइतबार अख्तियारका प्रवक्ता प्रदीपकुमार कोइरालाद्वारा हस्ताक्षरित विज्ञप्तिमा उल्लेख छ ।

अख्तियारका अनुसार यादवले सुरुमा गंगालाल अस्पतालमा इलेट्रिसिटी सहायक पदमा नियुक्ति लिएका थिए । पछि यादवले इन्जिनियर पदमा बढुवा प्रयोजनका लागि पोखरा विश्वविद्यय, परीक्षा नियन्त्रण कार्यालयबाट ‘ब्याचलर अफ इलेक्ट्रिकल एन्ड इलेक्ट्रोनिक्स इन्जिनियरिङ तहको नक्कली शैक्षिक प्रमाणपत्र बनाई पेस गरेका थिए । त्यति मात्र नभई यादवले नेपाल इन्जिनियरिङ परिषद्, नक्सालबाट जारी भएको साधारण दर्तावाला इन्जिनियरको नामदर्ता प्रमाणपत्रसमेत नक्कली बनाई पेस गरेको अख्तियारको विज्ञप्तिमा उल्लेख छ ।

यादवले शैक्षिक योग्यता र लाइसेन्सको समेत प्रमाणपत्र नक्कली एवम् झुटा बनाई गंगालाल हृदय केन्द्रमा सहायक पदमा करार नियुक्ति भई सोही केन्द्रको इन्जिनियर पदमा बढुवा भई सरकारी ओहदामा बहाल रहेकाले उनले भ्रष्टाचार निवारण ऐन, २०५९ को दफा १६ को उपदफा १ अनुसार कसुर गरेको अख्तियारको ठहर छ । यादवले उल्लेखित कनुनको उल्लेखित दफाबमोजिम कसुर गरेकाले सोही दफाबमोजिम नै कैद र जरिवानाको सजाय हुनुपर्ने मागदाबी अख्तियारले विशेषमा दायर गरेको आरोप–पत्रमा गरेको जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

अस्पतालले गलत रगत चढाइदिएका कारण काखकी छोरी गुमाउँदाको त्यो क्षण…

छोरीलाई सानैदेखि मुटुको समस्या थियो । गंगालाल अस्पतालमा पटक–पटक चेकजाँचका लागि आउने गथ्र्यौं । श्रीमतीले छोरीको अप्रेसनका लागि डाक्टरले समय दिएको बताइन्, जतिवेला म रोजगारीको सिलसिलामा मलेसियामा थिएँ । श्रीमतीले आग्रहमा म नेपाल फर्किएँ ।

अप्रेसनका लागि १३ वैशाखमा छोरीलाई अस्पताल भर्ना गरियो । डाक्टरले १७ गतेका लागि अप्रेसनको समय दिएका थिए । त्यसैअनुरूप तयारी सुरु भयो । अप्रेसनका लागि ४ पौका रगत अस्पतालमै रहेको र २ पौकाका लागि दुईजना मानिस ल्याउन डाक्टरले भनेका थिए ।

मेरी छोरीसँगै अन्य ५ बिरामीको अप्रेसन भएको थियो । अप्रेसनको २४ घण्टाभित्र ५ जनाकै होस आयो । तर, छोरी ३६ घण्टा बितिसक्दा पनि होसमा आइनन् । म डाक्टरकहाँ गएर बुझ्दा ‘छोरीको मुटुमा धेरै प्वाल भएका कारण ठूलो अप्रेसन गरेकाले होस आउन बेर लाग्छ’ भनेर डाक्टरले आश्वसन दिए ।

मै धेरै पढेलेखेको पनि छैन । ४८ घण्टासम्म हुँदा पनि होस आएन । अरु बच्चाहरू बिस्कुट मागिरहेका थिए, तर हाम्री छोरी केही मागिरहेकी थिइन । म धेरै डराएको थिएँ, केही भयो कि छोरीलाई भनेर ।
छोरीलाई हेर्न गएँ, जहाँ छोरीको अनुहारभरि टेप लगाइएको थियो, मुख, आँखा, नाकबाट रगत आएको थियो । मैले डाक्टरलाई पुनः सोधेँ, ‘डाक्टर सा’ब ! हाम्री छोरीको यो सब कसरी भयो ? अरुका छोरीको सबै ठिकै छ । हाम्री छोरी केही बोल्दिन, चिया, बिस्कुट केही पनि माग्दिन ।’
डाक्टर भनिरहेका थिए, ‘बाबु, तिमी चिन्ता नगर, बिस्तारै ठिक हुन्छ ।’ ६ दिनसम्म डाक्टरले छोरीको होस फर्किने आश देखाइरहे ।

अप्रेसनका क्रममा गलत रगत चढाएका कारण छोरीको १७ गते नै मुत्यु भएको रहेछ । तर, ६ दिनसम्म हामीलाई कुनै पनि जवाफ दिएनन् । २३ गतेको दिन ३ बजे डाक्टरले भने, ‘तिम्री छोरीको मुत्यु भयो, सही गरेर लास बुझेर घर जाऊ ।’

मैले डाक्टरलाई भनेँ, ‘म लास लिएर जान्नँ । परिवारका सबै मानिस आउन लाग्नुभएको छ, अहिले म लास बुझ्दििनँ ।’
परिवारका अन्य सदस्यले हेर्दा रिपोर्ट धेरै सच्याइएको पाइयो । छोरीको रगतको समूह ‘ओ पोजेटिभ’ भएकोमा उनलाई ‘ए पोजेटिभ’ रगत चढाइएको थियो ।

डाक्टरले छोरी मुत्यु भएको घटना सुनाउँदा मेरो बोली बन्द भयो, आँखाबाट आँसु बर्सिन थाल्यो, त्यहीँ नै बेहोस भएछु । सानैमा छोरीलाई छोडेर विदेश गएको थिएँ, छोरीलाई काखमा राख्न पनि पाइएन ।
मैले डाक्टरलाई भनेँ, ‘म लास लिएर जान्नँ । परिवारका सबै मानिस आउन लाग्नुभएको छ, अहिले म लास बुझ्दििनँ ।’
परिवारका अन्य सदस्यले हेर्दा रिपोर्ट धेरै सच्याइएको पाइयो । छोरीको रगतको समूह ‘ओ पोजेटिभ’ भएकोमा उनलाई ‘ए पोजेटिभ’ रगत चढाइएको थियो ।
डाक्टरको कतिसम्मको लापरबाही भने बिरामीको मृत्यु भएको यतिका दिनसम्म पनि अहिलेसम्म मृत्युको कारणबारे कुनै जवाफ दिएका छैनन् । छोरीको लास आजसम्म कहाँ राखिएको छ, थाहा छैन । अन्य मानिसले भनाइअनुसार टिचिङ अस्पतालमा राखिएको सनेको छु । मैले भने आजसम्म छोरीको मुख देख्नसमेत पाएको छैन ।

अस्पतालको लापरबाहीका कारण एउटी कलिली बालिकाको ज्यान जाँदा न अस्पतालले दोषीलाई कारबाही गर्छ, न त मृत्युको कारणबारे नै बताउँछ । जनताको दुःख–पीडामा साथ दिनुपर्ने सरकारको नजरमा त हामीजस्ता सामान्य जनता पर्ने कुरै भएन । तर, हामी अन्तिम श्वाससम्म न्यायका लागि लडाइँ लडिरहन्छौँ ।

  • ताजा समाचार
  • जनप्रिय

हेल्थपोष्ट टुइट्स सबै

प्रहरीले नै उजुरी दर्ता गर्न नमानेपछि न्याय माग्न म कहाँ जाऊँ ?

मृतक बालिकाका बाबु रामप्रवेश

सहिद गंगालाल राष्ट्रिय हृदय केन्द्रमा मुटुरोगको उपचारका क्रममा बिरामीसित नमिल्ने समूहको रगत चढाइँदा सर्लाहकी ५ वर्षीया बालिका आकृति साहको मुत्यु भएको १० दिन पुगिसकेको छ । मुटुसम्बन्धी समस्या भएकी साहको १७ वैशाखमा केन्द्रले ओपन हार्ट सजरी गरेको थियो ।
अस्पतालको लापरबाहीका कारण बालिकाको ज्यान गएपछि परिवारले छोरीको शव जिम्मा लिन मानेनन् । ‘१० दिनसम्म न्यायका लागि धेरै ठाउँ चहारिसकेँ, तर प्रहरीसमेत उजुरी लिन मान्दैन,’ मृतक बालिकाका बुबा रामप्रवेश साहले रिपोर्टर्स क्लबमा पत्रकारमार्फत भने, ‘अब म न्याय माग्न कहाँ जाऊँ ?’

छोरीको उपचारमा अस्पतालबाट गम्भीर लापरबाही भएको भन्दै उनी रिपोर्टको फाइल बोकेर दिनहुँ महानगरीय प्रहरी परिसर, टेकु र चक्रपथ प्रहरी बिट, महाराजन्ज पुग्छन् । ‘न्याय माग्न जाँदा उल्टै प्रहरीको थर्काइ खानुपरेको छ, रिपोर्टबाट डाक्टरको नाम हटाएर ल्याएमा मात्र रिपोर्ट लिने बताउँछन्,’ साहको गुनासो छ, ‘डाक्टरविरुद्ध नै हालेको उजुरीमा डाक्टरको नाम हटाएपछि कसरी न्याय पाइएला ?’
रामप्रवेश भावुक मुद्रामा थप्छन्, ‘छोरीको शव टिचिङ अस्पताल राखिएको भनिएको छ, तर यत्रो दिनसम्म पनि देख्न पाएको छैन ।’

‘गलत औषधोपचार गरेको तथा नमिल्ने रगत दिएकाले अस्पतालको लापरबाहीकै कारण बिरामीको मृत्यु भएको सुनिँदै आएको छ,’ वरिष्ठ अधिवक्ता सुरेन्द्र भण्डारी भन्छन्, ‘नागरिकको उपचार गर्न बसेका चिकित्सक तथा कर्मचारीको लापरबाहीले कसैको ज्यान जान्छ भने उनीहरूले उन्मुक्ति पाउने अवस्था कानुनले गरेको छैन ।’

छोरीको अप्रेसन गर्दा २ पोका रगत अस्पतालसँगै भएको र थप २ पोकाका लागि ‘ए पोजेटिभ’ ब्लड ग्रुप भएको मानिस बोलाउन अस्पतालले भनेको उनले जानकारी दिए । ‘अस्पतालले भनेबमोजिम नै काम गरियो,’ रामप्रवेश भन्छन्, ‘छोरीसँगै अन्य ६ जनाको अप्रेसन गरेका बिरामीको २४ घण्टाभित्र होस आइसकेको थियो । तर, ४८ घण्टासम्म पनि छोरीको होस किन नआएको भनेर डाक्टरसँग सोध्दा बच्चाको धेरै प्वाल रहेकाले होस आएन ढिलो भएको कारण देखाइएको थियो ।’

अप्रसनको पाँचौँ दिन गएर छोरीलाई हेर्दा नाक, मुख र आँखबाट रगत आएको देखेको उनी बताउँछन् । ‘मैले शंका गरिहालेँ, छोरी अब यो संसारमा छैन, तर डाक्टरले होसमा ल्याउन रगत धेरै चढाएका कारण यस्तो भएको भनेर सबै ठिक हुने वचन दिइरहेका थिए,’ गहभरि आँसुसहित उनी भन्छन्, ‘२३ गते बिहान ३ बजे छोरीको मृत्यु भएको अस्पतालले खबर दियो, लाश बुझेर घर जान अस्पतालका डाक्टरले भनेका थिए, १० दिन भइसक्दा पनि अस्पतालले कुनै तथ्य कुरा बाहिर ल्याएको छैन, उल्टै झुटो रिपोर्ट तयार गरिरहेको छ ।’

लापरबाही ठहर भए फौजदारी मुद्दा ऐनअन्तर्गत कारबाही हुन्छ : अधिवक्ता भण्डारी
‘गलत औषधोपचार गरेको तथा नमिल्ने रगत दिएकाले अस्पतालको लापरबाहीकै कारण बिरामीको मृत्यु भएको सुनिँदै आएको छ,’ वरिष्ठ अधिवक्ता सुरेन्द्र भण्डारी भन्छन्, ‘नागरिकको उपचार गर्न बसेका चिकित्सक तथा कर्मचारीको लापरबाहीले कसैको ज्यान जान्छ भने उनीहरूले उन्मुक्ति पाउने अवस्था कानुनले गरेको छैन ।’ जहाँ कुनै व्यक्तिको अपस्पतालमा उपचार गर्दा उपचारमा संलग्न चिकित्सक, अस्पताल र त्यहाँ कार्यरत कर्मचारीले लापरबाही गरेकै कारणले कसैको ज्यान जान्छ र उपचार गलत भएको ठहर हुन्छ भने यस्ता व्यक्ति तथा संस्थाविरुद्ध फौजदारी मुद्दा चल्ने र ठूलो क्षतिपूर्ति तिर्नुपर्ने अधिवक्ता भण्डारी बताउँछन् ।

‘लापबाहीपूर्ण व्यवहारले मृतकको जाहेरी दरखास्त प्रहरीले लिएको छैन भन्ने आएको छ । हामी चाहन्छौँ, यो देशमा कानुनभन्दा माथि कोही पनि छैन, कुनै व्यक्तिका वा संस्थाका कारण बिरामीको मुत्यु भएको छ भने फौजदारी मुद्दा ऐनअन्तर्गत कारबाही चल्छ,’ उनले भने, ‘तुरुन्तै दोषीविरुद्धको जाहरी सम्बन्धित निकायले लिनुपर्छ र अनुसन्धानको क्रम अगाडि बढाउनुपर्छ ।’

‘मन्जुरीनामामा सुरुमा १ देखि २.५ प्रतिशत मुत्युको सम्भावना रहेको लेखिएको थियो । बच्चाको मुत्यु भएपश्चात् हातले मिलाएर २० देखि ३५ प्रतिशत रहेको लेखिएको छ,’ यादव भन्छन्, ‘रिपोर्ट सबैमा टिपेक्स लगाएर झुटो रिपोर्ट खडा गरिएको छ ।

मिर्गौला फेलको झुटो रिर्पोट देखाएर अस्पताल पन्छिँदै :मृतकका आफन्त
मृतक बालिकाको अप्रेसन गर्नुपूर्व रिपोर्टअनुसार दुवै मिर्गौला नर्मल देखिएको पीडित पक्षको भनाइ छ । ‘अप्रेसनपूर्व रिपोर्टले नर्मल देखाएका दुवै मिर्गौला अप्रेसनपश्चात् फेल भएको रिपोर्ट आएको छ । मिर्गौलाको भागमा चिरफार गरिएको छ,’ रामप्रवेशका मित सुरेन्द्र यादव भन्छन्, ‘अस्पताल मिर्गौला फेल भएको रिपोर्ट देखाएर पन्छिन खोजेको छ, मुटुको अप्रेसन गर्नुपर्नेमा मिर्गौलाको भाग चिरिएको छ ।’
न्यायको माग गर्दा अस्पताल प्रशासनले छानबिनपछि सत्य–तथ्य बाहिर ल्याउने भन्दै ३ दिनको समय मागेकोमा पछि वास्तै नगरेको पीडितका आफन्तको भनाइ छ । ‘इन्साफ दिन गुहार गर्दा अस्पतालल प्रशासनले ३ दिनको समय मागेको थियो, छानबिन समिति बनाएर दोषीलाई कारबाही गर्छौं भनी आश्वासन दिएको थियो,’ सुरेन्द्र भन्छन्, ‘अप्रेसन पनि डाक्टरले गर्ने, छानबिन समितिमा पनि उनै डाक्टर रहने, मान्छे पनि आफैँ मार्ने, अनि कसरी न्याय पाउन सकिन्छ ? अस्पतालले सानो प्राविधिक गल्ती देखाएर उम्कने कोसिस गरेको छ ।’

अस्पतालले मन्जुरीनामामा समेत अप्रेसनपूर्वको व्यहोरामा बालिकाको मृत्युपश्चात् सच्याएर कैफियत गरिएको पीडितको आरोप छ । ‘मन्जुरीनामामा सुरुमा १ देखि २.५ प्रतिशत मुत्युको सम्भावना रहेको लेखिएको थियो । बच्चाको मुत्यु भएपश्चात् हातले मिलाएर २० देखि ३५ प्रतिशत रहेको लेखिएको छ,’ यादव भन्छन्, ‘रिपोर्ट सबैमा टिपेक्स लगाएर झुटो रिपोर्ट खडा गरिएको छ । यस्तो प्रशासनबाट कस्तो न्याय पाउने खोइ ?’ निर्मला पन्तको घटनाजस्तै आलटाल गरेर यो घटनालाई पनि दबाउन खोजिएको हो कि भन्ने शंका पीडित पक्षलाई छ ।

अस्पताल प्रशासन भन्छ : मेडिकल काउन्सिलले जिम्मा लिएको छ
अस्पतालले घटनाबारे छानबिनका लागि डा. जेजुनाथ पोखरेलको अध्यक्षतामा छानबिन समिति बनाई समितिको जिम्मा दिएको थियो । तर, मृतकका आफन्तले मेडिकल काउन्सिलमा रिपोर्ट दिएपछि काउन्सिलले अस्पतालका सबै रिपोर्ट लिएर गएको अस्पतालले जनाएको छ । अस्पताल प्रशासन प्रमुख दीपेन्द्र खड्का भन्छन्, ‘सबै छानबिनको जिम्मा मेडिकल काउन्सिलले लिएको छ ।’

  • ताजा समाचार
  • जनप्रिय

हेल्थपोष्ट टुइट्स सबै

गंगालाल अस्पतालमै गलत समूहको रगत चढाउँदा बालिकाको गयो ज्यान

बाँसबारीस्थित सहिद गंगालाल राष्ट्रिय हृदय केन्द्रमा मुटुको शल्यक्रियाका क्रममा गलत रगत चढाउँदा गम्भीर एक बालिकाको अनाहकमा ज्यान गएको छ ।
गंगालाल ह्दयरोग केन्द्रमा उपचाररत सर्लाही सिसौटियाकी आकृति कुमारीको रगत समूह ओ पोजेटिभ भएपनि अस्पतालमा ए पोजेटिभ रगत चढाइएपछि ज्यान गएको हो ।गलत रगत चढाएपछि मिर्गौलालगायतका अंगमा मुख्य समस्य उत्पन्न भएको थियो । अस्पतालका अनुसार सोमबार बिहान ४ बजे बालिकाको आज बिहान मृत्यु भएको भएको अस्पताल प्रशासनले जनाएको छ ।

बिरामीलाई फरक रगत चढाएर मृत्यु भएपछि अस्पताल प्रशासनले उक्त विषयमा छानबिन अगाडि बढाएको छ ।
अस्पताल प्रशासन प्रमुख गलत ब्लड चढाइएको विषयमा छानबिन टोली गठन गरेको जानकारी दिए । ‘बास्तवमा घटना हेलचक्र्याईले नै भएको रहेछ भने दोसीमाथि कारवाही हुन्छ,’ उनले भने ।

गत बैशाख १३ गते अस्पताल भर्ना गरिएको उनको १७ गते शल्यक्रिया भएको थियो । शल्यक्रिया पनि रगत चढाउँदा गलत परेको थियो ।
फरक समूहको रगत चढाइएपछि उनको क्रियटिनन् बढेर ४ दशमलव १ एमजिडिएल पुगेको थियो । शल्यक्रियाअघि क्रियटिनिन् शून्य दशमलव ३ एमजिडिएल थियो ।

मृतक बालिकाका आफन्तले रगत चढाउने क्रममा अस्पतालले लापरबाही गरेको आरोप लगाइरहेका छन् । उनीहरुले लापरबाही गर्नेलाई कारबाहीको माग गरेका छन् । ५ वर्षीया आकृतिको मुटुको भाल्वको समस्या देखिएपछि शल्यक्रिया भएको थियो ।

गत बैशाख १३ गते अस्पताल भर्ना गरिएको उनको १७ गते शल्यक्रिया भएको थियो । शल्यक्रिया पनि रगत चढाउँदा गलत परेको थियो ।
फरक समूहको रगत चढाइएपछि उनको क्रियटिनन् बढेर ४ दशमलव १ एमजिडिएल पुगेको थियो । शल्यक्रियाअघि क्रियटिनिन् शून्य दशमलव ३ एमजिडिएल थियो ।

शल्यक्रियाअघि ३ लाख १३ हजार प्लेटलेट रहेकी ती बालिकाको शल्यक्रियापछि ७ हजारमा झरेको थियो ।
ब्लड ग्रप शरीरमा फरक भएपछि छिटो रियाक्सन भई मिर्गौलाले काम गर्न छाडेर जटिलता उत्पन्न भई बिरामीको मृत्यु हुने गर्छ ।
मृतक बालिकाको आफन्त भने अस्पतालको लापबाहीले ज्यान गएको भन्दै शब उठाउनसमेत इन्कार गरिरहेका छन् । दोसीमाथि कारवाही गर्नुपर्ने र क्षतिपुर्ति दिनुपर्ने उनीहरुको माग छ ।

  • ताजा समाचार
  • जनप्रिय

हेल्थपोष्ट टुइट्स सबै

सिनियरले मिठो बोले जुनियर नर्सले पनि सिक्ने हो

नर्सको सेवाबाट सन्तुष्ट हुनेको संख्या धेरै छ । तर, कतिपयको सोचाइ नर्सहरू संवेदनशील हुँदैनन् भन्ने पनि छ, जुन सत्य होइन । यदि अस्पतालमा कुनै बिरामीको मृत्यु भएमा त्यो घटनाले नर्सलाई घर पुगिसकेपछि पनि सुत्न दिँदैन । युवा तथा बालक बिरामीको मृत्यु भएका त झन् रुनै आउँछ । कसैले घरको कमाउने सदस्य नै गुमाएको घटनाले कसलाई पो विह्वल नबनाउला र ! नर्सको प्रयास सधैँ बिरामीले राम्रो सेवा पाऊन् भन्ने नै हुन्छ । हामीले बिरामीलाई बचाउन र राम्रो स्वास्थ्य दिन यथाशक्य प्रयास गरिरहेकै हुन्छौँ ।

कतिपय बिरामीका आफन्तलाई मेरो बिरामीलाई डाक्टर तथा नर्सले नहेरेकै कारण मृत्यु भएको हो कि भन्ने लाग्न सक्छ । तर, त्यस्तो हुँदैन । बिरामीको हेरचाह गर्नु नर्सको ड्युटी मात्र होइन, धर्म हो । विशेषगरी आइसियूमा रहेका बिरामी, जहाँ बिरामीका कुरुवालाई बस्न दिने व्यवस्था छैन, त्यस्तो अवस्थामा बिरामीका आफन्तबाट नर्सले हेरचाह राम्रोसँग नगरेको गुनासा आउने गरेका छन् । तर, यो बुझाइको कमी मात्र हो । बिरामीको हेरचाहका लागि एक नर्सले आफूले सकेजति प्रयास गरेकै हुन्छ ।

नर्स पनि मान्छे हो । उनीहरूमा मानवीय संवेग हुन्छ भन्ने कुराको मनन बिरामीका कुरुवाले नगरेको पाइन्छ । बिरामी तथा उनीहरूका कुरुवाको हेराइ नर्सप्रति सम्मानजनक नहुँदा कतिपय अवस्थामा दुईबीच सामान्य भनाभनको अवस्था रहने गर्छ ।

आइसियूलगायत अन्य युनिटमा काम गर्ने नर्सले पनि पूर्ण मिहिनेतसाथ काम गरिरहेका हुन्छन् । बिरामीका कुरुवालाई नर्सका कतिपय व्यक्तिगत गतिविधिले पनि कतिपय अवस्थामा छोइरहेको हुन्छ । नर्सहरू व्यक्तिगत कारणले हाँस्दा पनि त्यसले बिरामीका आफन्तलाई नकारात्मक प्रभाव पारिरहेको हुन्छ । बिरामी तथा आफू पीडामा भएका कारण नर्सले हाँसेको, खाएका कारणले पनि रिस उठ्ने गरेको पाइन्छ ।

नर्स पनि मान्छे हो । उनीहरूमा मानवीय संवेग हुन्छ भन्ने कुराको मनन बिरामीका कुरुवाले नगरेको पाइन्छ । बिरामी तथा उनीहरूका कुरुवाको हेराइ नर्सप्रति सम्मानजनक नहुँदा कतिपय अवस्थामा दुईबीच सामान्य भनाभनको अवस्था रहने गर्छ । बिरामी तथा उनीहरूका कुरुवाले नर्सको काममा विश्वास नगर्दा पनि भनाभनको अवस्था निम्तिने गरेको छ ।

कुरुवा तथा आफन्त र कतिपय अवस्थामा बिरामी स्वयम्ले पनि अस्पतलका सामान्य नियममा नबसिदिँदा र उपचारको काममै बाधा सिर्जना हुने गरी वा अस्पतालको वातावरण खलबल्याउने गरी गतिविधि गरिदिँदा सानातिना कुरामा पनि विवाद सिर्जना हुने गरेका छन् । उदाहरणका लागि बिरामीका आफन्त जतिवेला पनि बिरामीलाई भेट्न चाहन्छन् । त्यसमा नर्सले नियमानुसार नियन्त्रण गर्न खोज्दा पनि नर्स तथा बिरामीबीचको सम्बन्ध कतिपय अवस्थामा नराम्रो हुन पुग्छ । जथाभावी र जतिवेला पनि बिरामीलाई भेट्न खोज्दा बिरामीलाई नै विभिन्न प्रकारका संक्रमण हुने खतराका कारण नर्सले धेरै घुइँचो बनाउन चाहँदैनन् र मिल्दैन पनि ।

नर्सहरूलाई पनि अस्पताल प्रशासन तथा उनीहरूका सिनियरको दबाब हुन्छ भन्ने बुझ्नु जरुरी छ । घरी–घरी आउने कुरुवालाई नर्सले पटक–पटक सम्झाइरहन सक्दैनन् । बिहानको राउन्डमा आउने नर्स तथा डाक्टरले बिरामीको विशेष कुरुवालाई सूचना दिने भए पनि पछाडि आएका कुरुवालाई जानकारी नदिएको पनि हुन सक्छ । जतिपटक नयाँ कुरुवा आउँछन्, उनीहरूलाई सूचना दिनैपर्छ भन्ने भावना बिरामी कुरुवाको हुने कारण पनि नर्स तथा बिरामीबीच मनमुटावको स्थिति आउने गरेको हो ।

नर्सले गर्ने बिरामीको हेरचाह सबैखाले बिरामीका लागि उस्तै–उस्तै नै हुन् । तर, मुटुको समस्या ज्यादै संवेदनशील भएका कारण मुटुरोगीको हेरचाह गर्नु ज्यादै गाह्रो कुरा हो । उनीहरूका लागि विशेष प्रकारको हेरचाह आवश्यक हुन्छ ।
सिनियर नर्सको व्यवहार नै जुनियरका लागि सिकाइ हो । त्यसकारण विशेषगरी सिनियर नर्सलाई म भन्न चाहन्छु– बिरामीसँग मिठो बोल्ने बानी बसालौँ । त्यसैगरी, सेवाग्राहीमा पनि नर्सिङ पेसालाई सम्मानजनक रूपमा हेरिदिन आग्रह गर्छु ।

धेरै समयसम्म कुनै पनि बिरामी अस्पताल भर्ना भएर बस्दा नर्सले उसलाई खाना खुवाइदिने, कपाल कोरिदिने, ब्रस गराइदिनेलगायत सबै काम गर्नुपर्ने हुन्छ । तर, कुनै वेला भएको एउटा सानो गल्तीलाई इस्यु बनाएर जब बिरामीले ‘नर्स यस्ता हुन्छन्’ भन्छन्, त्यतिवेला ज्यादै नमज्जा लाग्छ ।

धेरै समयसम्म कुनै पनि बिरामी अस्पताल भर्ना भएर बस्दा नर्सले उसलाई खाना खुवाइदिने, कपाल कोरिदिने, ब्रस गराइदिनेलगायत सबै काम गर्नुपर्ने हुन्छ । तर, कुनै वेला भएको एउटा सानो गल्तीलाई इस्यु बनाएर जब बिरामीले ‘नर्स यस्ता हुन्छन्’ भन्छन्, त्यतिवेला ज्यादै नमज्जा लाग्छ । महिनौँ गरिएको हेरचाहलाई एकैछिनमा बिरामीले बिर्सिदिन्छ ।

हालसम्म नर्सिङ पेसाको मेरो करिब तीन दशकको अनुभवमा त्यति अप्रिय घटना भएको मलाई याद छैन । मैले भारतबाट नर्सिङ अध्ययन सम्पन्न गरेकी हुँ । मेरो जन्म नै उतै भए पनि विवाह भने नेपालमा भएका कारण मेरो कर्मथलो नेपाल बन्न पुग्यो । सुरुका एक–दुई वर्ष विभिन्न प्रोजेक्टमा काम गरेपश्चात् म वि.सं. ०५६ देखि नै गंगालाल अस्पतालमा कार्यरत छु ।
नर्सिङ पेसालाई सबैले सम्मानजनक रूपमा हेर्ने दिन नेपालमा छिट्टै आओस् भन्ने मेरो चाहना छ । जसरी सेवाग्राहीले नर्सले विनम्रतापूर्वक बोलून् भन्ने चाहना राखेका हुन्छन्, नर्सले पनि त्यस्तै चाहना सेवाग्राहीसँग राखेका हुन्छन् । सेवाग्राहीले नर्सका वेदना र बाध्यतालाई पनि बुझून् भन्ने चाहना हाम्रो हुन्छ ।

  • ताजा समाचार
  • जनप्रिय

हेल्थपोष्ट टुइट्स सबै

गंगालालले भित्र्यायो अत्याधुनिक ६४० स्लाइस सिटी स्क्यान, नेपालमै सबैभन्दा सस्तोमा सेवा 

अत्याधुनिक क्याथल्याब सेवा

काठमाडौंको बाँसबारीस्थित सहिद गंगालाल राष्ट्रिय हृदय केन्द्रले नेपालमा पहिलोपटक ६४० स्लाइसको अत्याधुनिक सिटी स्क्यान मेसिन भित्र्याएको छ । केन्द्रले स्थापनाको २३औँ वार्षिकोत्सवका अवसरमा उच्च क्षमताको सिटी स्क्यान प्रविधि तथा अत्याधुनिक क्याथल्याब सेवा विस्तार गरेको हो ।

अस्पतालका निर्देशक डा. ज्योतीन्द्र शर्माका अनुसार यति उच्च क्षमताको सिटी स्क्यान प्रविधि यसअघि नेपालमा उपलब्ध थिएन । केन्द्रले भर्खरै भित्र्याएको उक्त अत्याधुनिक ६४० स्लाइस सिटी स्क्यान प्रविधिको विकास तोसिवा मेडिकल सिस्टम नामक जापनिज कम्पनीले गरेको हो । यो प्रविधिबाट ० दशमलव ३५ सेकेन्डमा मुटुलगायत शरीरका सम्पूर्ण अंगको अवस्थाबारे थाहा पाउन सकिने डा. शर्मा बताउँछन् ।

लागत १८ करोड, गगनले छुट्याएका थिए बजेट
अस्पतालले उक्त सिटी स्क्यान उपकरण खरिदका लागि करिब १८ करोड रूपैयाँ खर्च गरेको निर्देशक शर्मा बताउँछन् । डा. शर्माका अनुसार पूर्वस्वास्थ्यमन्त्री गगन थापाले आफ्नो कार्यकालमा अत्याधुनिक सिटी स्क्यान प्रविधि खरिदका लागि बजेट विनियोजन गरेका थिए । २०७३ मै बजेट विनियोजन भए पनि खरिदको लामो प्रक्रिया पूरा गर्नुपर्दा २ वर्षपछि मात्र मेसिन भित्रिएको हो । क्याथल्याब खरिद भने अस्पतालले आफ्नो नियमित बजेटबाट गरेको डा. शर्माले जानकारी दिए ।

कस्तो हुन्छ ६४० स्लाइस सिटीको सेवा ?
अत्याधुनिक ६४० स्लाइस सिटी स्क्यान प्रविधिबाट ० दशमलव ३५ सेकेन्डमा मुटुलगायत शरीरका सम्पूर्ण अंगको अवस्थाबारे थाहा पाउन सकिन्छ । यसको प्रयोगले डाक्टरले दिने सेवाको गुणस्तर बढ्ने निर्देशक शर्मा बताउँछन् । यो प्रविधिको सहायताले इकोकार्डियोग्रामले पत्ता लगाउन नसकेका मुटुका एकदमै जटिल प्रकारका समस्या पत्ता लगाउन सकिन्छ । शरीरका बिग्रिएका विभिन्न भागको अवस्थाबारे विस्तृत जानकारीका लागि यो प्रविधि महत्वपूर्ण छ ।स बैभन्दा अत्याधुनिक यो सिटीको सेवा शुल्क पनि नेपालकै सबैभन्दा सस्तो हुने डा. शर्माले बताए ।
पेडियाट्रिक सिटीका लागि यो प्रविधि विशेष महत्वको छ । यसको प्रयोगले जन्मजात रूपमा हुने मुटुरोगबारे जानकारी पाउन सहज हुने डा. शर्मा बताउँछन् । यो प्रविधिको सहायताबाट मुटुको चाल नघटाईकनै मुटुका नलीहरूको एन्जियोग्राम गर्न सकिन्छ । यसले एक्स रेको रेडियसनको समय कम गराउँछ । कुनै सिटी गर्नका लागि १ सेकेन्डको समय लाग्थ्यो भने यसले झन्डै आधा सेकेन्डमै गर्छ । यस प्रविधिबाट दिनमा करिब २५–३० वटासम्म सिटी स्क्यान गराउन सकिने अस्पतालले जनाएको छ । अस्पतालमा यस्तो प्रविधि भित्रिएसँगै मुलुकभरबाट रेफरका केसहरू थपिने निर्देशक शर्माको अनुमान छ ।
त्यसैगरी अत्याधुनिक क्याथल्याब भित्रिएसँगै अस्पतालले दिँदै आएको सेवामा सहजता आउने डा. शर्माको दाबी छ । उक्त क्याथल्याबको क्लियारिटी राम्रो भएको उनी बताउँछन् । यसको प्रयोगले बिरामीले उपचार पाउने तरिकामा समेत सहजता आउने उनको दाबी छ ।

गंगालालले मनायो २३औँ वार्षिकोत्सव
काठमाडौंको बाँसबारीस्थित सहिद गंगालाल राष्ट्रिय हृदय केन्द्रले मंगलबार स्थापनाको २३औँ वार्षिकोत्सव मनाएको छ । विं.सं. २०५२ मा ९ बेड तथा सीमित जनशक्ति र स्रोत–साधनबाट सञ्चालन सुरु भएको विशिष्टीकृत अस्पतालले हाल २ सय बेडमार्फत मुटुरोगको उपचार सेवा दिँदै आएको छ ।

वार्षिकोत्सव समारोहमा केन्द्रका निर्देशक डा. ज्योतीन्द्र शर्माले अस्पतालले स्थापनाकालदेखि नै हृदयरोगको क्षेत्रमा पुर्याएको योगदान उल्लेखनीय भएको बताए । नेपालमा दिनप्रतिदिन बढ्दै गएको हृदयरोगको पहिचान, रोकथाम तथा नियन्त्रणमा अस्पतालले महत्वपूर्ण भूमिका निर्वाह गर्दै आएको उनको भनाइ छ ।
अस्पतालले हाल मुटुरोगको क्षेत्रमा उत्कृष्ट विशेषज्ञ सेवा प्रदान गर्दै आएको छ । सीमित स्रोत–साधनबाट सुरु भएको अस्पताल हाल वैज्ञानिक प्रविधि, दक्ष जनशक्ति तथा अत्याधुनिक औजारहरूले सुसज्जित राष्ट्रियस्तरको अस्पतालका रूपमा स्थापित हुन सफल भएको शर्माले बताए ।
अस्पताल स्थापनाकालदेखिका सञ्चालक समितिहरू, स्वास्थ्य मन्त्रालय, केन्द्रमा कार्यरत सम्पूर्ण कर्मचारी, नेपाल सरकारका सरोकारवाला निकायहरूको निरन्तर सहयोग र आमजनता तथा बिरामीहरूको अटुट विश्वास एवम् सद्भावका कारण नै अस्पताल आजको स्वरूपमा आउन सफल भएको शर्माको भनाइ थियो ।

विं.सं. २०५५ मा अस्पतालले बहिरंग सेवाको थालनी गरेको थियो । हालसम्म अस्पतालले करिब १७ लाख बिरामीलाई बहिरंग सेवा दिइसकेको छ । हालसम्म अस्पतालले २२ हजार बिरामीको मुटुको शल्यक्रिया गरेको अस्पतालको तथ्यांक छ ।

कार्यक्रममा स्वास्थ्य तथा जनसंख्यामन्त्री उपेन्द्र यादवले सहिद गंगालाल राष्ट्रिय हृदय केन्द्रको विकासमा महत्वपूर्ण भूमिका निर्वाह गर्ने सम्पूर्णमा धन्यवाद दिए । नसर्ने रोगको प्रकोप दिनानुदिन बढ्दै जाँदा अस्पतालको भूमिका तथा जिम्मेवारी थप महत्वपूर्ण हुँदै जाने मन्त्री यादवको भनाइ थियो ।
मुटुरोगको उपचार महँगो हुँदै गएको अवस्थामा कतिपय विपन्न बिरामीले उपचारमा पहुँच नभएकै कारण अकालमै ज्यान गुमाउनुपरेको मन्त्री यादवले बताए । त्यसका लागि नेपाल सरकारले ल्याएको स्वास्थ्य बिमा कार्यक्रम उत्कृष्ट विकल्प भएको समेत उनले बताए ।

कार्यक्रममा स्वास्थ्यसचिव डा. पुष्पा चौधरीले हृदयरोग केन्द्रले हालसम्म हासिल गरेको उपलब्धि स्वास्थ्य तथा जनसंख्या मन्त्रालयको समेत उपलब्धि भएको बताइन् । ९ बेडबाट सेवा सुरु गरेको अस्पताललाई अत्याधुनिक प्रविधिसम्पन्न बनाउनमा अस्पतालका कर्मचारीको मिहिनेत नै महत्वपूर्ण रहेको डा. चौधरीको भनाइ थियो ।

  • ताजा समाचार
  • जनप्रिय

हेल्थपोष्ट टुइट्स सबै