म्याग्नसले मनायो १०औँ वार्षिकोत्सव, १५० थरी औषधि उत्पादन, उत्कृष्ट १० कम्पनीमा स्थान

नेपालको प्रतिष्ठित औषधि उत्पादक कम्पनी म्याग्नस स्थापनाको एक दशकमै नेपालका प्रमुख १० औषधि उद्योगभित्र पर्न सफल भएको छ । बुधबार एक दशक लामो यात्राको खुसी साटासाट गर्न कम्पनीले आयोजना गरेको कार्यक्रममा इथिकल भ्यालुसहित नेपाली बजारका आवश्यकताअनुसार भिन्नखालका औषधि उत्पादनमा कम्पनीले बनाएको पहिचानको विभिन्न क्षेत्रका व्यक्तिले प्रशंसा गरे ।

कम्पनीका प्रबन्धनिर्देशक प्रेमकुमार जाटियाले १२ थरी औषधिबाट १० वर्षअघि उत्पादन सुरु गरेको कम्पनीले यसबीचमा १५० थरी औषधि उत्पदन गरिरहेको जानकारी दिए । ‘५ वटा मोलिक्युल त नेपालमा पहिलोपटक म्याग्नसले नै उत्पादन सुरु गरेको इतिहास बनाएको छ,’ उनले भने, ‘३१ वटा प्रोडक्टमा नेपाली कम्पनीमध्ये म्याग्नसले पहिलोपटक उत्पादन गरेको रकेर्ड छ ।’ कम्पनीका उत्पादनमा हेपाटाइटिस बी र सीको उपचारमा प्रयोग हुने तीनवटा भाइरल प्रोडक्टसमेत छन् ।

१०औँ वार्षिकोत्सवका अवसरमा उद्योगले विश्वसनीय उत्पादन छवि, गुणस्तर जाँच र नियमनसहित क्वालिटी कन्ट्रोलका लागि विभिन्न सफ्टवेयर जडित नयाँ रिसर्च एन्ड डेभलपमेन्ट ल्याब तयार गरेको समेत जानकारी दिइयो । कम्पनीले औषधि निर्यातको वातावरण बनाउन भारतीय कम्पनीमा लामो समय काम गरेका विज्ञ प्राविधिकलाई कम्पनीमा भित्र्याएको छ ।

१०औँ वार्षिकोत्सवका अवसरमा उद्योगले विश्वसनीय उत्पादन छवि, गुणस्तर जाँच र नियमनसहित क्वालिटी कन्ट्रोलका लागि विभिन्न सफ्टवेयर जडित नयाँ रिसर्च एन्ड डेभलपमेन्ट ल्याब तयार गरेको समेत जानकारी दिइयो । कम्पनीले औषधि निर्यातको वातावरण बनाउन भारतीय कम्पनीमा लामो समय काम गरेका विज्ञ प्राविधिकलाई कम्पनीमा भित्र्याएको छ ।

प्रबन्धनिर्देशक जाटियाले २३ जना मार्केटिङ टिमसहित बजारमा निस्किएको म्याग्नसले हाल १२६ जनाको मार्केटिङ समूहसहित २५० को हाराहारीमा दक्ष र अन्य कामदारलाई रोजगारी दिइरहेको जानकारी दिए । कम्पनीले मुटुरोग, मधुमेह, हेपाटाइटिस, मानसिक रोग र भाइरल रोगका औषधिसमेत उत्पादन गरिरहेको छ । सुरुका वर्षदेखि नै डब्लुएचओजिएमपी अपनाउँदै आएको कम्पनी गुणस्तरमा प्राथमिकतासँगै आम औषधि कम्पनीको दौडमा भिन्न प्रकृतिका र नेपालमा बढी माग भएका औषधि उत्पादनमा जोड दिँदै आयात प्रतिस्थापनको मुख्य लक्ष्यका साथ अगाडि बढेको छ ।

वार्षिकोत्सव समारोहका प्रमुख अतिथि एवम् ज्येष्ठनागरिक समाजका अध्यक्ष डा. गौरीशंकर लाल दासले अल्जाइमरजस्ता रोगका औषधि उत्पादन गरेर कम्पनीले ज्येष्ठनागरिकलाई ठूलो सेवा पुर्याएको बताए । अल्जाइमर विस्मृति समाजका अध्यक्षसमेत रहेका दासलाई कम्पनीले सामाजिक र स्वास्थ्यसेवामा पुर्याएको योगदानको कदरस्वरूप सम्मानसमेत गरेको थियो ।

कार्यक्रममा औषधि विभागका महानिर्देशक पानबहादुर क्षेत्रीले सन् १९९५ को औषधि नीति आएपछि नै औषधि उत्पादनमा नेपाललाई आत्मनिर्भर बनाउने सपना देख्दै आइए पनि अहिलेसम्म पूरा हुन नसकेको बताए । उनले म्याग्नसले फरक पहिचान बनाएको भन्दै आगामी दिनमा एचआइभी, एआरबीजस्ता रोगका औषधि उत्पादनमा जोड दिन कम्पनीलाई सुझाए । सांस्कृतिक कार्यक्रमलाई समेत स्थान दिइएको समारोहमा कम्पनीले कुनै नै कुनै समय कम्पनीमा आबद्ध भएर सेवा पुर्याएका दर्जनौँ पूर्वकर्मचारीलाई सम्मान गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

नेपाली कम्पनीले थाल्यो हेपाटाइटिस बीको औषधि उत्पादन

हेपाटाइटिस बीका लागि अत्यावश्यक मानिने औषधि इन्टेकाभिर (Entecarvir) को उत्पादन नेपालमै सुरु भएको छ । नेपाली फर्मास्युटिकल कम्पनी म्याग्नस फर्माले स्वदेशमै यस्तो औाषधिको उत्पादन सुरु गरेको हो ।
हेपाटाइटिस बीको नेपालमा बढ्दो प्रकोपलाई मध्यनजर गर्दै म्याग्नसले इन्टेका–बी (Enteca -B) ब्रान्ड नेमका साथ ‘इन्टेकाभिर’ (Entecarvir ) बजारमा ल्याएको छ ।
नेपालमा कुल जनसंख्याको लगभग १ प्रतिशतमा हेपाटाइसिटस बीको संक्रमण भएको अनुमान छ । समयमा उपचार नगरे हेपाटाइटिस बीले कलेजो सिरोसिस र कलेजोको क्यान्सर गराई मानिसको मुत्युसम्म हुनसक्छ ।
इन्टेका–बी (Enteca -B) ले हेपाटाइसटिस बी भाइरसको प्रतिकृति (रेप्लिकेसन)लाई रोक्छ, जसले गर्दा हेपाटाइटिस बी भाइरस शरीरमा बढ्न पाउँदैन र रोगको रोकथाम हुन्छ ।

इन्टेका–बी हेपाटाइटिस बीका लागि प्रयोग गरिने औषधिमध्ये सबैभन्दा कम रेजिस्टेन्सको विकास हुने औषधि हो । साथसाथै, मिर्गौलामा पनि यस औषधिले कुनै पनि नकारात्मक असर नगर्ने हुँदा इन्टेका–बी हेपाइटाइटिस बीका लागि उपयुक्त र सुरक्षित औषधि मानिएको छ ।

सामान्यतया हेपाटाइटिस बीको उपचार अति लामो समयसम्म गर्नुपर्ने हुँदा रेजिस्टेन्सको विकास भई भाइरसले औषधिलाई निष्क्रिय पार्दिनसक्छ । इन्टेका–बी हेपाटाइटिस बीका लागि प्रयोग गरिने औषधिमध्ये सबैभन्दा कम रेजिस्टेन्सको विकास हुने औषधि हो । साथसाथै, मिर्गौलामा पनि यस औषधिले कुनै पनि नकारात्मक असर नगर्ने हुँदा इन्टेका–बी हेपाइटाइटिस बीका लागि उपयुक्त र सुरक्षित औषधि मानिएको छ ।

कम्पनीका बजारप्रबन्धक सुधीरप्रकाश मास्केका अनुसार औषधि उत्पादनमा राष्ट्रलाई आत्मनिर्भर बनाउने लक्ष्यसहित अघि बढिरहेको म्याग्नसले नयाँ उत्पादनका रूपमा हेपाटाइटिसको औषधिलाई रोजेको हो ।

कम्पनीले यसअघि हेपाटाइटिस सीको नयाँ औषधि सोफोसबूभीर (Sofosbuvir) लाई ब्रन्ड नेम सोफूभीर (Sofuvir) र हेपाटाइटिस बीकै अर्को महत्वपूर्ण औषधि टेनोफोभीर (Tenofovir) लाई ब्रान्ड न्याम टेनोफ (Tenof )का साथ बजारमा ल्याइसकेको छ ।
इन्टेका बी (Enteca -B) ०.५ र १ एमजीमा उपलब्ध छ, जसको हाल बजारमूल्य ९० र १ सय ६० रूपैयाँ कायम गरिएको कम्पनीले जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै