बिहीबार उपत्यकामा पानी पर्ने शुक्रबारबाट मौसममा सुधार

पश्चिमी वायुको प्रभावका कारण देशभर मौसममा बदली भएको छ । बुधबार दिउँसो काठमाडौं उपत्यकामा केहीछिन पानी पर्ने र केहीबेर घाम लाग्नेक्रम जारी रह्यो ।

बिहीबार बेलुकीसम्म पनि देशका मध्य, पश्चिम र पूर्वी भूभागमा मौसम बदली हुने मौसम पूर्वानुमान महाशाखाले जनाएको छ । ‘पश्चिमी भूभागका अधिकांश स्थानमा मेघगर्जनसहित मध्यम वर्षा हुनुका साथै मध्य र पूर्वका अधिकांश स्थानमा हक्का वर्षा भइरहेको छ,’ मौसमविद् शान्ति कँडेल भन्छिन्, ‘देशको उच्च हिमाली भूभागमा हिमपात भइरहेको छ ।’

शुक्रबारबाट मौसममा क्रमिक सुुधार आउने महाशाखाले जनाएको छ । बुधबार काठमाडौंको न्यूनतम तापक्रम ८ दशमलव ६ डिग्रीसम्म झरेको छ ।

  • ताजा समाचार
  • जनप्रिय

हेल्थपोष्ट टुइट्स सबै

शनिबारसम्म घाम–पानी, आइतबारबाट मौसम खुल्ने

पश्चिमी वायुको प्रभावका कारण अहिले काठमाडौं उपत्यकासहित देशभर पानी परिरहेको छ । पश्चिमी वायुको निम्नचापीय प्रणालीका कारण देशभर वर्षा र हिमपत भइरहेको मौसम पूर्वानुमान महाशाखाले जनाएको छ ।

बिहीबार रातिबाट पश्चिमबाट नेपाल प्रवेश गरेको वायु पूर्वतर्फ बढ्दै गएको मौसमविद् शान्ति कँडेलले जानकारी दिइन् । ‘शुक्रबार दिनभर लगातार वर्षा हुँदैन, कुनै समय घाम लाग्छ त कुनै समय पानी पर्छ,’ कँडेल भन्छिन्, ‘उच्च पहाडी र हिमाली क्षेत्रको तुलनामा तराईमा भने कम पानी पर्ने सम्भावना छ ।’

‘शुक्रबार दिनभर लगातार वर्षा हुँदैन, कुनै समय घाम लाग्छ त कुनै समय पानी पर्छ,’ कँडेल भन्छिन्, ‘उच्च पहाडी र हिमाली क्षेत्रको तुलनामा तराईमा भने कम पानी पर्ने सम्भावना छ ।’

शनिबारसम्म मुलुकका अधिकांश स्थानमा हल्का वर्षा तथा हिमपात हुने अनुमान महाशाखाको छ । आइतबारदेखि मौसममा परिवर्तन आए पनि जाडो भने अझै केही दिन रहनेछ । ‘मौसममा परिवर्तन भइरहने हुँदा केही दिन चिसो महसुस हुनेछ,’ कँडेलले भनिन् ।

शुक्रबार ८ बजेर ४५ मिनेटको मापनमा काठमाडौंको न्यूनतम तापक्रम ८ दशमलव ८ डिग्री सेल्सियस थियो भने दिनभरको अधिकतम तापक्रम १५ डिग्री सेल्सियससम्म पुग्ने महाशाखाले जनाएको छ । मौसमविद् कँडेलका अनुसार आकाशमा बादल नहँुदा पृथ्वीको सतहबाट सूर्यको किरण मायुमण्डलमा फर्कने भएकाले न्यूनतम तापक्रम कम हुन्छ ।
शनिबार पश्चिम नेपालमा मौसम सफा रहने सम्भावना छ भने पूर्वमा भने शुक्रबार र शनिबार हल्का मेघगर्जनसहित पानी पर्ने महाशाखाले जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

रातभर वर्षा हुने, शनिबारदेखि घाम लाग्ने

शुक्रबारदेखि भित्रिएको पश्चिमी वायुको प्रभावबाट देशका अधिकांश स्थानमा बदली र मेघ गर्जनसहित हल्का वर्षा भइरहेको जल तथा मौसम विज्ञान विभागले जनाएको ।

विभागको मौसम पूर्वानुमान महाशाखाकी मौसमविद् गंगा नगरकोटीका अनुसार पश्चिमी क्षेत्रमा बढी वर्षा भइरहेको छ । काठमाडौं उपत्यकाका केही ठाउँमा पनि वर्षा भइरहेको छ । नगरकोटीका अनुसार रातभर वर्षाको क्रम जारी रहनेछ भने भोलि बिहान ९ बजेपछि बल्ल मौसममा सुधार आउन सुरु हुनेछ । ‘भोलि दिउँसोबाट बल्ल घाम लाग्छ,’ नगरकोटीले भनिन्, ‘रातभर हल्का वर्षा जारी रहन्छ ।’

पानी परे पनि यस वर्ष योभन्दा बढी चिसो बढ्ने सम्भावना नरहेको महाशाखाको भनाइ छ । शुक्रबार बिहान ८ बजे न्यूनतम तापक्रम ५ डिग्री सेल्सियसमा झरेको थियो । अधिकतम तापक्रम भने १७ डिग्रीको हाराहारीमा थियो । उपत्यकामा यस वर्ष सबैभन्दा कम ० डिग्रीसम्म ताफक्रम झरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै