भेरी अस्पतालमा शिशुमृत्युदर घटाउन आधुनिक उपकरणबाट गुणस्तरीय सेवा, ‘सुसार’ कार्यक्रम लागू गरिँदै

भेरी अस्पताल नेपालगन्जमा शिशुलाई बचाउन आधुनिक उपकरणमार्फत गुणस्तरीय सेवाको थालनी हुने भएको छ । गोल्डेन कम्युनिटी नामक संस्थाले अस्पतालमा यस्तो सेवा सुरु गर्न लागेको हो । नेपालगन्जमा सञ्चारकर्मी र चिकित्सकबीच अन्तरक्रिया कार्यक्रममार्फत आयोजक संस्थाले सेवा सरु गर्न लागेको जानकारी गराएको हो । मातृ तथा शिशुमृत्युदर घटाएर गुणस्तरीय सेवाप्रवाह कसरी गर्न सकिन्छ भन्ने विषयमा छलफल गर्न तथा अस्पतालमा सुरु गर्न लागिएको सेवाबारे जानकारी दिन अन्तरक्रियाको आयोजना गरिएको हो ।

नेपालमा हरेक वर्ष ११ हजार शिशु मृत अवस्थामा जन्मने तथा करिब १३ हजार नवजातशिशुको मृत्यु जन्मेको एक महिना नपुग्दै हुने गरेको तथ्यांक छ । मृत्यु हुनेमध्ये ५० प्रतिशत प्रसव अवधिमा हुने गरेको पाइएको छ ।

नेपालमा हरेक वर्ष ११ हजार शिशु मृत अवस्थामा जन्मने तथा करिब १३ हजार नवजातशिशुको मृत्यु जन्मेको एक महिना नपुग्दै हुने गरेको तथ्यांक छ । मृत्यु हुनेमध्ये ५० प्रतिशत प्रसव अवधिमा हुने गरेको पाइएको छ ।

मृत्युदर घटाउन ‘सुसार’ कार्यक्रम
भेरी अस्पतालको तथ्यांकअनुसार प्रतिहजार जीवित जन्ममा २४ शिशुको मृत्यु अस्पतालबाट बिदा नहुँदै हुने गरेको छ । यसको मुख्य कारण जनचेतनाको कमी, कम उमेरमा विवाह तथा प्रसव अवस्थामा गुणस्तरीय स्याहार अभाव रहेको भेरी अस्पतालकी नर्सिङ प्रमुख ईश्वरी केसीले जानकारी गराइन् । शिशु मृत्युदरमा कमी ल्याउन स्वास्थ्यसंस्थामा शिशुलाई दिइने सेवाको गुणस्तरमा अभिवृद्धि गर्नु अति आवश्यक रहेको उनले बताइन् । अत्यधिक संख्यामा प्रसूति हुने भेरी अस्पतालमा गर्भावस्था, प्रसव तथा प्रसूति सेवाको गुणस्तर सुधारका लागि सुसार कार्यक्रम उपयोगी हुने उनको भनाइ छ ।

सुसार कार्यक्रम लागू भएका अस्पतालहरूमा नवजात शिशुको मुटुको धडकनजाँचका लागि नियोविट, भ्रुणको मुटुको धडकनजाँचका लागि मोयो तथा जन्मँदा श्वास फेर्न नसकेको नवजात शिशुलाई कृत्रिम श्वास–प्रश्वास गराउन ब्याग मास्कजस्ता आधुनिक उपकरण आवश्यक मात्रामा वितरण गरिनेछ ।

सुसार कार्यक्रमअन्तर्गत राष्ट्रिय स्वास्थ्य तालिम केन्द्रको अगुवाइमा अस्पतालमा प्रसूति वार्डका स्वास्थ्यकर्मीलाई हेल्पिङ बेबी सर्भिससम्बन्धी तालिम प्रदानसमेत गरिएको आयोजक गोल्डेन कम्युनिटीकी कार्यक्रम प्रबन्धक रेजिना गुरुङले बताइन् । उनका अनुसार सुसार कार्यक्रम लागू भएका अस्पतालहरूमा नवजात शिशुको मुटुको धडकनजाँचका लागि नियोविट, भ्रुणको मुटुको धडकनजाँचका लागि मोयो तथा जन्मँदा श्वास फेर्न नसकेको नवजात शिशुलाई कृत्रिम श्वास–प्रश्वास गराउन ब्याग मास्कजस्ता आधुनिक उपकरण आवश्यक मात्रामा वितरण गरिनेछ ।

शिशु स्वास्थ्यको गुणस्तर अभिवृद्धि गर्ने कार्य देशका विभिन्न ८ वटा अस्पतालमा लागू हुने आयोजक संस्थाले जानकारी गराएको छ । कार्यक्रमका लागि ग्रान्ड च्यालेन्ज्स क्यानडाको आर्थिक सहयोग तथा प्राविधिक सहयोग रहेको छ भने आधुनिक उपकरणको सहयोग अन्तर्राष्ट्रिय संस्था ल्यान्डरल हेल्पिङ सेभ लाइभ्जले गरेको आयोजक गोल्डेन कम्युनिटीले जनाएको छ ।

कार्यक्रममा भेरी अस्पतालका मेडिकल सुपरिटेन्डेन्ट डा. रूपानन्द अधिकारी, पत्रकार महासंघ बाँकेका अध्यक्ष ठाकुरसिंह थारू, भेरी अस्पतालका चिकित्सक, पत्रकार, आयोजक संस्था गोल्डेन कम्युनिटीका प्रतिनिधिहरूको उपस्थिति थियो ।

  • ताजा समाचार
  • जनप्रिय

हेल्थपोष्ट टुइट्स सबै

सरकारी अस्पतालबाट बिरामी तानेर निजीमा ब्रह्मलुट, बिचौलियाको घेराबन्दीमा बिरामी, डाक्टरको कार्यकक्ष नै बिचौलियाको अड्डा

भेरी अस्पतालमा उपचारका लागि आएका सुर्खेत सिम्ता गाउँपालिका–२ का रमेश बुढा अस्पतालभित्र छिर्नै पाएनन् । भेरी अस्पतालको गेटसम्म पुगेका उनलाई गेटछेउमा योजनाबद्ध रूपमा घुमिरहेका २–३ जना युवाले सोझै नेपालगन्ज मेडिकल कलेज पुर्याए । पत्थरीसम्बन्धी चेकजाँजका लागि आएका बुढा सरकारी अस्पतालमा जेकजाँच गर्नै नपाउँदै महँगो निजी अस्पतालको बिरामी बन्न बाध्य पारिए ।

सरकारी अस्पतालको सहुलियतपूर्ण सेवा लिन आएका बुढा ‘सस्तोमा छिटो, छरितो र राम्रो उपचार पाउने’ प्रलोभनमा फसेर निजी अस्पताल पुगे । ‘२० हजार रूपैयाँ बोकेर सरकारी अस्पतालमा उपचार गर्न आएको थिएँ, तर निजीमा पुग्दा ४० हजारभन्दा बढी रकम सकियो,’ उनले भने, ‘पैसा नपुगेर घरबाट मगाउनुपर्यो ।’ सरकारी अस्पतालको गेटमै बिचौलियाको सिकार बन्दा आफू लुटिन पुगेको गुनासो बुढाको छ ।

सरकारी अस्पतालको सेवा लिन आउने बिरामी यसैगरी दैनिक बिचौलियाको प्रभावमा परेर निजी अस्पताल र क्लिनिकबाट ठगिरहेका छन् । बिरामी तान्न केही निजी अस्पताल र क्लिनिकले यसरी दलाल नै परिचालन गरेर ठगी गरिरहेको यो एउटा प्रतिनिधि घटना हो । दुर्गम गाउँ र जिल्लाबाट सरकारी अस्पतालमा उपचार गर्न आउने बिरामीलाई झुक्याउँदै निजी अस्पतालमा पुर्याउने कार्यमा यस्ता धेरै युवा संलग्न छन् । निजीमा राम्रो उपचार र डाक्टर छन् भन्दै बिरामी फसाउनु उनीहरूको दैनिकी नै हो । यसका कारण बिरामीलाई दुई गुणाभन्दा बढी आर्थिक भार थपिने गरेको छ ।

निजी अस्पतालमा औषधोपचारका क्रममा चिकित्सकले आफूलाई कमिसन आइरहेको मेडिकलमा औषधि किन्न लगाउनुलगायत घटना यदा–कदा आइरहेको बाँकेमा पछिल्लो समय भने सरकारी अस्पतालबाट बिरामी तानेर निजीमा लाने गरेको पाइएको छ । अस्पतालवरिपरि घुमिरहेका बिचौलियाले कहिले फकाएर, कहिले सस्तो र राम्रो सेवाको प्रलोभन देखाएर त कहिले सरकारी अस्पतालको बदख्वाइँमार्फत संवेगात्मक ब्ल्याकमेलिङ गरेर बिरामीलाई निजी अस्पतालमा पुर्याउने गरेको पीडितको गुनासो छ । ठगीमा संलग्न गिरोहको मिसन नै बिचौलियामार्फत सीधासाधा बिरामीलाई दिग्भ्रमित तुल्याई निजी स्वास्थ्यसंस्थामा पुर्याउनु हो । मध्य तथा सुदूरपश्चिम क्षेत्रका बिरामीका लागि सजिलो र सुलभ सेवाका रूपमा रहेको भेरी अस्पतालमा समेत त्यस्तो ठगी हुने गरेको पाइएको छ ।

डाक्टरको कार्यकक्षमै पुगेर बिरामी निजीमा लैजान्छन् बिचौलिया
डाक्टरको कार्यकक्षमै गएर बिरामीका आफन्तलाई तानेर निजी क्लिनिक तथा अस्पतालसम्म पुर्याउनु भेरी अस्पतालभित्रको नयाँ दृश्य होइन । अस्पतालमा सक्रिय दलाल तथा बिचौलियाले दैनिक यस्तो धन्दा चलाइरहेका छन् । दलाल र अस्पतालका डाक्टर तथा कर्मचारीबीच कमिसनमा सेटिङ भएकाले त्यहाँ दलाललाई कुनै रोकतोक हुँदैन । ‘सीधै चिकित्सकको कार्यकक्षमा जान्छन्, तानेर ल्याउँछन्, उनीहरूले भनेकै ठाउँमा औषधि किन्नुपर्छ,’ बिरामी कुरुवाहरूको गुनासो छ ।

बाँकेकै दुर्गम क्षेत्र नरैनापुरबाट उपचारमा आएका बिरामीका कुरुवा सेवकराम यादवले अस्पताल व्यवस्थापनले नियन्त्रण गर्न नसक्दा बिचौलियाको बिगबिगी बढेको बताए । फितलो व्यवस्थापनका कारण अस्पतालका चिकित्सकदेखि कार्यालय सहयोगी र बिचौलियासमेत यो धन्दामा सक्रिय छन् । अस्पतालमा दलाल तथा बिचौलियाको दबदबा बढेसँगै उपचारका लागि अस्पताल आउने बिरामीले दैनिक सास्ती भोग्दै आएका छन् ।

प्रशासनले देखाउँदैन चासो, चिकित्सकदेखि पियनसम्म गिरोहको मतियार
अस्पताल प्रशासनले भने यस विषयमा चासो नदेखाएको उपचारका लागि अस्पतालमा आएका बिरामी तथा कुरुवाहरू बताउँछन् । सरकारी अस्पतालमा आएका बिरामी दलालमार्फत निजीमा पुगेको बारेमा भेरी अस्पताल प्रशासन बेखबर भने छैन । नेपालगन्जमा आधा दर्जन ठूला निजी अस्पताल छन् । १ सय ५० को हाराहारीमा क्लिनिक नै छन् । ती क्लिनिकमा एकदेखि सातजनासम्म विशेषज्ञ चिकित्सकका बोर्ड झुन्ड्याइएका छन् ।

सरकारीमा राम्रो सेवा नपाइने, राम्रा चिकित्सक नहुने, उपचारमा समस्या भएर रोग झन् थपिने, ल्याब परीक्षण गर्न आवश्यक चिकित्सक र उपकरण नहुने, रोगअनुसार औषधि नदिने, झन् बिरामी बढ्दै जानेलगायत समस्या हुने भन्दै डर देखाएर झुक्याउँदै निजी अस्पताल र क्लिनिक पुर्याउने गरेको पीडितहरूको गुनासोे छ । कुरुवा पुनका अनुसार बिचौलियाले अस्पतालको गेट र फार्मेसीनजिकबाट दलाली गर्ने गरेका छन् ।

‘अस्पताल र यहाँका कर्मचारी तथा चिकित्सक यस विषयमा चिन्तित छैनन्,’ बिरामी कुरुवा पुनले भने ।

अस्पतालमा कार्यरत चिकित्सकदेखि कार्यालय सहयोगीसम्मले निजीमा बिरामी स्थानान्तरणमा प्रत्यक्ष–अप्रत्यक्ष रूपमा सहयोग गरिरहेको बिरामीको गुनासो छ । ठगी गिरोहले अस्पताल प्रशासनदेखि चिकित्सक, कर्मचारीलगायतलाई कब्जामा लिइसकेकाले नै काउन्टर वा डाक्टरको कार्यकक्षमै आएर बिचौलियाले हाकाहाकी बिरामीको तस्कर गरिरहेको पीडितको दाबी छ ।

अस्पतालमा बिचौलिया हाबी भएको स्विकार्छन् मेसु
बिचौलिया हाबी हुँदा विगतमा डाक्टरको काउन्टरदेखि वार्डमै गएर बिरामीका आफन्तलाई समातेर निजी क्लिनिक तथा अस्पतालमा लैजाने गरेको अस्पतालका मेडिकल सुपरिटेन्डेन्ट डा. रूपमानन्द अधिकारी स्वीकार गर्छन् । विगतमा भन्दा अहिले अस्पतालमा बिचौलियाको सक्रियता बढेको स्वीकार गर्दै मेसु डा. अधिकारीले पछिल्लो समय एजेन्टका रूपमा काम गर्नेमाथि निगरानी बढेको बताए ।

मेसु डा. अधिकारीले अस्पतालमा उपचार गर्न आउने बिरामीलाई झुक्याएर निजीमा लैजाने दलालसँग सजग रहन आग्रह गरे । उनले भने, ‘सरकारी अस्पतालको उपचार सेवा निजीको भन्दा सस्तो र राम्रो छ । बिरामीलाई भ्रममा नपर्न मेरो आग्रह छ ।’

खुलेआम भइरहेको ठगी नियन्त्रणमा अस्पतालले प्रभावकारी पहल र गतिलो कदम चाल्न नसक्दा बिचौलियाका कारण बिरामी र कुरुवाले सास्ती भोगेका छन् । अस्पतालमा निगरानी बढे पनि बिचौलियाको धन्दा भने नरोकिएको बिरामीका आफन्त चन्द्र दाहालले बताए । उनले बिचौलिया तथा दलालको रोकथाम र नियन्त्रणका लागि अस्पताल प्रशासनले प्रभावकारी रूपमा कदम चाल्न नसकेको र चासोका साथ पहल नगरेको जनाउँदै भने, ‘अस्पतालले प्रभावकारी पहल र गतिलो कदम चाल्न नसक्दा बिचौलियाका कारण बिरामी र कुरुवाले सास्ती भोगेका छन् ।’

बिरामीलाई दिग्भ्रमित बनाएर पुर्याइन्छ निजी अस्पताल
दलालले अस्पतालमा राम्रा डाक्टर नभएको, उपचार सेवा नभएको लगायत भ्रामक जानकारी दिँदै बिरामीलाई निजी अस्पताल र क्लिनिकमा लैजाने गर्छन् । पीडित बिरामी र तिनका आफन्तको कानमा पुर्याउने र बिरामीलाई निजीमा जान बाध्य बनाउने गिरोह अहिले पनि भेरी अस्पतालमा सक्रिय छ । तर, अस्पताल प्रशासन भने दलाल र बिचौलियासामु निरीह देखिएको बिरामीका आफन्तको गुनासो छ ।

सरकारीमा निःशुल्क उपचार हुने रोगको एक बिरामी निजीमा पुर्याएबापत १० हजार कमिसन
बिरामीलाई निजी अस्पताल र क्लिनिकमा पुर्याएबापत राम्रै कमिसन पाउने भएकाले दलालको सक्रियता दिनप्रतिदिन बढ्दो छ । निजी अस्पतालले बिरामीको रोग हेरेर दलाललाई कमिसन दिने गरेका छन् । दलाललाई हाडजोर्नीका बिरामी लगेबापत प्रतिबिरामी तीन हजार, प्रसूतिको पाँच हजार, स्नायुसम्बन्धी बिरामीको १० हजार, भिडियो एक्स–रे, इन्डोस्कोपीलगायत जाँचका लागि निजी अस्पताल र क्लिनिकसम्म पुर्याउँदा त्यहीअनुसार कमिसन दिने गरिन्छ ।

सरकारी स्वास्थ्यकर्मीलाई अव्यवस्था नै प्यारो
सरकारी अस्पताल व्यवस्थित रूपमा सञ्चालन हुँदा पूरा समय दिनुपर्ने र बिरामीको चाप बढ्ने भएकाले अधिकांश चिकित्सक र कर्मचारी अस्पतालमा अव्यवस्था नै मन पराउँछन् । निजी क्लिनिकमै व्यस्त रहने चिकित्सक र पैसा कमाउने ध्याउन्न बोकेका निजी अस्पताल वा क्लिनिकबीच अघोषित सहमति नै हुने गरेको छ । सोही सम्झौताबमोजिम दलालहरू सरकारी अस्पतालमा सक्रिय हुने गरेका छन् ।

भेरी अस्पतालमा कतिपय उपचार सेवामा बिरामीको सुविधाका लागि विद्युतीय टोकन प्रणाली जडान गरिएको छ । तर, कर्मचारीको बदमासीले नियमित रूपमा सञ्चालन हुन सकेको छैन । अस्पतालमा बिरामीले उपचार नपाउँदा निजी अस्पताल तथा क्लिनिक चाहार्नुपर्ने बाध्यता रहेको बिरामीको भनाइ छ । सरकारी अस्पताललाई अस्तव्यस्त बनाउने तथा ठगीका गिरोह हाबी भएको नागरिकसमाजका अगुवाहरू बताउँछन् ।

  • ताजा समाचार
  • जनप्रिय

हेल्थपोष्ट टुइट्स सबै

समायोजनपछि स्वास्थ्यकर्मीविहीन बन्यो भेरी अस्पताल, ‘विशिष्ट विशेषज्ञ’को दर्जा पाएलगत्तै नियमित सेवामै कठिनाइ

संघीय मामिला तथा सामान्य प्रशासन मन्त्रालयले गरेको कर्मचारीको समायोजनपछि नेपालगन्जस्थित भेरी अस्पतालमा स्वास्थ्यकर्मी तथा प्रशासनिक कर्मचारीको अभाव भएको छ । अस्पतालमा कार्यरत कतिपय स्वास्थ्यकर्मी तथा कर्मचारीलाई समायोजनका क्रममा अन्यत्रै खटाइएपछि जनशक्ति अभावका कारण अस्पतालका सेवा प्रभावित भएका हुन् ।

अस्पतालमा कार्यरतमध्ये ३५ जना कर्मचारीलाई प्रदेशमा समायोजन गरिएको छ । कार्यरत २७ स्टाफनर्समध्ये दुई नर्सिङ अधिकृतसहित ८ जना संघअन्तर्गत समायोजन भएका छन् भने बाँकी १९ जनालाई प्रदेशअन्तर्गत खटाइएको अस्पतालका निमित्त प्रमुख रूपानन्द अधिकारीले बताए । पछिल्लो समय भेरी अस्पताल संघअन्तर्गत सञ्चालनमा छ ।

बुधबारदेखि अस्पताल नर्स र ल्याब कर्मचारीविहीनजस्तै भएको अस्पतालका निमित्त प्रमुख अधिकारी बताउँछन् । उनका अनुसार अस्पतालमा ४३ वटा नर्स दरबन्दी रहेकोमा पछिल्लो समय २६ जना नियमित सेवामा थिए ।

अस्पतालमा कार्यरतमध्ये ३५ जना कर्मचारीलाई प्रदेशमा समायोजन गरिएको छ । कार्यरत २७ स्टाफनर्समध्ये दुई नर्सिङ अधिकृतसहित ८ जना संघअन्तर्गत समायोजन भएका छन् भने बाँकी १९ जनालाई प्रदेशअन्तर्गत खटाइएको अस्पतालका निमित्त प्रमुख रूपानन्द अधिकारीले बताए । पछिल्लो समय भेरी अस्पताल संघअन्तर्गत सञ्चालनमा छ ।

अस्पतालको क्षमतावृद्धिका लागि विकास समितिले बेड थपे पनि चिकित्सकको दरबन्दी थप नगरेको अवस्थामा समायोजनका नाममा भएका कर्मचारी पनि प्रदेशमा पठाउँदा अस्पताल नर्स तथा ल्याब कर्मचारीविहीनसरह हुन पुगेको अधिकारीले बताए । ‘केही नर्स सुत्केरी तथा अध्ययन बिदामा छन् । भएका नर्समध्ये मन्त्रालयले अहिले १६ जनालाई प्रदेशमा पठाएको छ,’ उनले भने, ‘अब हामीसँग आठजना मात्रै नर्स संघअन्तर्गत छन्, गुणस्तरीय सेवाप्रवाहमा कठिनाइ भइरहेको छ ।’

सरकारी मापदण्डअनुसार एउटा नर्सले एक सिफ्टमा ६ जनासम्म बिरामी हेर्नुपर्नेमा यहाँ एउटैले १५ जनासम्म बिरामी हेर्नुपर्ने अवस्था छ । त्यसैगरी, ल्याबमा कार्यतर ६ जना नै कर्मचारी प्रदेशमा गएपछि भेरी अस्पतालको ल्याब खाली भएको अधिकारीले जानकारी दिए । सरकारले जनशक्ति उत्पादन र खपत गर्ने नीति तथा योजना बनाउन नसक्दा समस्या बढ्दै गएको हो ।

सरकारले यसअघि भेरी अञ्चल अस्पतालसहित देशभरका पाँचवटा प्रमुख अस्पताललाई केन्द्र सरकारमातहत राखेर विशिष्ट विशेषज्ञ (सुपर स्पेसियालिटी) अस्पतालका रूपमा स्तरोन्नति गर्ने निर्णय गरेको थियो । स्वस्थ्य मन्त्रालयको प्रस्तावमा ३ फागुनको मन्त्रिपरिषद्ले भेरी अस्पताल बाँके, नारायणी अस्पताल वीरगन्ज, भरतपुर अस्पताल चितवन, कोसी अस्पताल विराटनगर र डडेल्धुरा अस्पताल डडेल्धुरालाई केन्द्र सरकारमातहत राख्ने र विशिष्ट विशेषज्ञ अस्पतालका रूपमा स्तरोन्नति गर्ने निर्णय गरेको थियो । स्तरोन्नति हुनुपूर्व उल्लेखित अस्पतालहरू कोसी र भेरी अञ्चल अस्पतालका रूपमा र नारायणी र डडेल्धुरा उपक्षेत्रीय अस्पतालका रूपमा सञ्चालनमा थिए ।

यसअघि मन्त्रिपरिषद्ले सैद्धान्तिक सहमति दिएपछि स्वास्थ्य मन्त्रालयले गरेको विस्तृत प्रस्तावलाई मन्त्रिपरिषद्ले स्वीकृति दिएको थियो । भरतपुर अस्पतालबाहेकका चार अस्पतालको नामसमेत परिवर्तन गरिएको थियो ।

सरकारी मापदण्डअनुसार एउटा नर्सले एक सिफ्टमा ६ जनासम्म बिरामी हेर्नुपर्नेमा यहाँ एउटैले १५ जनासम्म बिरामी हेर्नुपर्ने अवस्था छ । त्यसैगरी, ल्याबमा कार्यतर ६ जना नै कर्मचारी प्रदेशमा गएपछि भेरी अस्पतालको ल्याब खाली भएको अधिकारीले जानकारी दिए ।

मन्त्रिपरिषद्को निर्णयसँगै स्वास्थ्य मन्त्रालयले केन्द्र सरकारमातहतमै रहने गरी परिवर्तिन नामबाटै अस्पताल सञ्चालन तथा पत्राचार गर्न निर्देशन दिएको थियो । मन्त्रालयका अनुसार सबै विशिष्ट विशेषज्ञ अस्पताल अब ५ सय शय्याका हुनेछन् । सरकारको यो निर्णयसँगै प्रदेश तहबाट बनेका विकास समितिहरू खारेज भएर केन्द्र सरकारबाटै नयाँ विकास समिति बन्नेछन् । कर्मचारी अभाव हुँदै गएपछि ५ सय शय्यासहितको विशिष्ट विशेषज्ञ अस्पताल सञ्चालनमा चुनौती देखिएको अस्पताल स्रोतले जनाएको छ ।

विशिष्ट विशेषज्ञ अस्पताल सञ्चालनका लागि केही समयअघि भेरी अञ्चल अस्पतालमा इन्डोर ब्लकको समेत शिलान्यास गरिएको थियो । सहरी विकासमन्त्री मोहम्मद इस्तियाक राईले ३२ करोड ३१ लाख ३ हजार ७ सय ९३ लागतमा निर्माण हुने इन्डोर ब्लकको शिलान्यास गरेका थिए । शिलान्याशसँगै मन्त्री राईले अस्पतालपरिसरमा निर्माण सम्पन्न भएको नर्सिङ आवास भवनको उद्घाटनसमेत गरेका थिए ।

  • ताजा समाचार
  • जनप्रिय

हेल्थपोष्ट टुइट्स सबै