सरकारलाई गोदानको ७२ घण्टे अल्टिमेटम, अन्यथा बुधबारदेखि सेवा बहिष्कार

समायोजनमा विभेद भएको भन्दै आन्दोलनमा उत्रिएको सरकरी चिकित्सक संघ, नेपाल (गोदान)ले ७२ घण्टाभित्र माग पूरा नभए देशभरको स्वास्थ्य सेवा ठप्प पार्ने चेतावनी दिएको छ ।

गत शुक्रबार एक दिन सांकेतिक बन्द गरेको गोदानले बुधबारदेखि भने अनिश्चितकालीन संघ आबद्ध चिकित्सकले बुधबारदेखि आकस्मिकबाहेकको सेवा बहिष्कार गर्ने घोषणा गरेको छ । संघले विज्ञाप्तिजारी गरी ७२ घण्टाभित्र माग पूरा नभएर सरकारी स्वास्थ्य संस्थामा आकस्मिकबाहेकका सेवा बन्द गर्ने घोषणा गरेको छ । यो प्रक्रियाबाट पनि सरकारले माग पूरा नगरे फेरी सामूहिक राजिनामा दिने घोषणा संघले गरेको छ ।

त्यसबाहेक संघले बुधबारकै लागि घोषित ‘स्वास्थ्य सेवा दिवस’ बहिस्कार गर्नेसमेत जनाएको छ । संघका अध्यक्ष डा. दीपेन्द्र पाण्डेले विरोधका सबै सीमा पार गरेर आन्दोलन गर्दा पनि नसुने सबै चिकित्सकले सेवा छाडेर सरकारका लागि मार्ग प्रसस्त गर्नुपर्ने अवस्था आउँने बताए ।

संघले अल्टिमेटमको समय वाँकी रहँदासम्म सबै सरकारी अस्पताल प्राङ्गणमा बिहान १० देखि ११ बजे विरोध तथा सचेनताको धर्ना दिने, नभएर बुधबारदेखि सबै सेवा छाड्ने जनाएको छ ।

त्यसबाहेक संघले बुधबारकै लागि घोषित ‘स्वास्थ्य सेवा दिवस’ बहिस्कार गर्नेसमेत जनाएको छ । संघका अध्यक्ष डा. दीपेन्द्र पाण्डेले विरोधका सबै सीमा पार गरेर आन्दोलन गर्दा पनि नसुने सबै चिकित्सकले सेवा छाडेर सरकारका लागि मार्ग प्रसस्त गर्नुपर्ने अवस्था आउँने बताए ।

संघले विज्ञाप्तिमा वैज्ञानिक र न्यायेचित चिकित्सक समायोजन लगायतको माग केहि महिनाबाट शान्तीपुर्ण आन्दोलनमा गरेको जनाएको छ । यसबीचमा सरकारी पक्षसँग छलफल गर्दा पनि चिकित्सकको समस्या तर्फ अग्रसर नभएको संघको भनाई छ । जनताको स्वास्थ्यमा दीर्घकालिन नकात्मक असर पर्ने समस्या प्रति राज्यपक्ष सम्वेदनशील नदेखिनुले राज्यपक्षको मनासाय उजाएर भएको’ संघद्धारा जारी विज्ञप्तिमा उल्लेख गरिएको छ ।

७२ घण्टे आन्दोलनाका कार्यक्रम
१. जनताको स्वास्थ्यलाई ध्यानमा राखी राज्यपक्षलाई समस्या समाधानका लागि आइतबारबाट ७२ घण्टे अल्टिमेटम दिने ।

२. सो अल्टिमेटम समयमा सबै सरकारी अस्पताल प्राङ्गणमा बिहान १० देखि ११ बजे विरोध तथा सचेनताको धर्ना दिने ।

३. २०७५–११–१४ भित्र समाधान नआए २०७५–११–१५ गते बुधबार का दिनबाट देशैभरिका सरकारी स्वास्थ्य संस्थाहरु आकस्मिक बाहेक अन्य स्वास्थ्य सेवा बहिस्कार गर्ने ।

४. २०७५–११–१५ गते बुधबार सरकारले मनाउन लागको ‘स्वास्थ्य सेवा दिवस’ बहिस्कार गर्ने ।

५. यसरी पनि राज्यपक्षले समस्या समाधान नगरे सम्पूर्ण सरकारी चिकित्सकको संकलित सामुहिक राजिनामा बुझाई राज्यपक्षलाई मार्गप्रशस्त गरिदिने ।

  • ताजा समाचार
  • जनप्रिय

हेल्थपोष्ट टुइट्स सबै

वीरको टिकट काउन्टरमा २ घण्टासम्म गोदानको ताला, हजारौँ बिरामी मारमा

बिरामीको अत्यधिक चाप हुने देशभरको स्वास्थ्योपचारको केन्द्रका रूपमा रहेको वीर अस्पतालको टिकट काउन्टरमा शुक्रबार आन्दोलनरत सरकारी चिकित्सक संघ (गोदान)ले एकाएक ताला ठोकेको छ । बिरामीको सबैभन्दा बढी फ्लो हुने पिक समयमा टिकट काउन्टरमै ताला झुन्ड्याइएपछि लाइनमा बसेका हजारौँ बिरामी कष्ट भोग्न बाध्य भए ।

शुक्रबारका लागि आकस्मिकबाहेकका सेवा बहिष्कार गर्ने कार्यक्रम घोषणा गरेको गोदानले एकाएक २ घण्टाका लागि वीरको काउन्टरमा तालाबन्दी गरेको थियो । गोदानले बिहान ११ बजे लगाएको ताला दिउँसो १ बजे मात्र खोलेको हो ।

विनापूर्वजानकारी एकाएक काउन्टरमा ताला लगाइएपछि टिकटका लागि पालो कुरेर बसेका बिरामीले सास्ती झेलेका थिए । ताला खुलेपछि भने सेवा सुचारु भएको अस्पतालले जनाएको छ । यद्यपि, गोदानअन्तर्गतका चिकित्सकहरूले आकस्मिकबाहेकका सम्पूर्ण सेवा बहिष्कार गरी असहयोग आन्दोलन सुरु गरेका कारण सरकारी चिकित्सकको बाहुल्य रहेको वीरमा सेवा प्रभावित भने भइ नै रहेको छ ।

किन गरियो कार्यक्रममै नभएको काउन्टर बन्द ?
सरकारी चिकित्सक संघ (गोदान) सेवा बहिष्कारको आन्दोलनमा रहँदारहँदै अस्पताल प्रशासनले गोदानअन्तर्गतका चिकित्सकले समेत बिरामी हेर्ने गरी टिकट काटिदिएकाले काउन्टर नै बन्द गरेको गोदानको भनाइ छ । करिब तीन सयको हाराहारीमा टिकट ब्रिकी भइसकेको अवस्थामा गोदानले एकाएक काउन्टरमा ताला लगाएको थियो ।

‘हामीले सेवा बहिष्कार गरिरहेको अवस्थामा प्रशासनले टिकट खुला गरेपछि यो अवस्था आयो,’ डा. पाण्डेले भने, ‘तर, हामीले सेवा सुचारु गर्न ताला खोलिसकेका छौँ ।’

अस्पताल प्रशासनले सम्पूर्ण टिकट (गोदानअन्तर्गतका चिकित्सकको नाममा समेत) खुला गरेपछि टिकट काउन्टर बन्द गर्नुपरेको गोदानका अध्यक्ष डा. दीपेन्द्र पाण्डेले बताए । ‘हामीले सेवा बहिष्कार गरिरहेको अवस्थामा प्रशासनले टिकट खुला गरेपछि यो अवस्था आयो,’ डा. पाण्डेले भने, ‘तर, हामीले सेवा सुचारु गर्न ताला खोलिसकेका छौँ ।’

शनिबारको बिदाका कारण शुक्रबार र आइतबार अस्पतालमा बिरामीको चाप अन्य दिनको तुलनामा बढी नै हुने गरेको छ । शुक्रबार तथा आइतबार २ हजारसम्म टिकट बिक्री हुने गरेको अस्पतालको तथ्यांकले देखाउँछ । अकस्मात् टिकट काउन्टर बन्द गरिँदा हजारौँको सख्यामा लाइनमा बसेका बिरामी अलपत्रमा परे ।

अस्पतालमा एकाएक टिकट काउन्टर बन्द गरिनुमा अस्पतालका निर्देशक र निमित्तउपकुलपतिको समेत संलग्नता रहेको आधिकारिक कर्मचारी ट्रेड युनियनका एक पदाधिकारीकाे अाराेप छ । ‘हिजो गोविन्द केसीको आन्दोलनमा ‘अस्पताल बन्द गर्न हुँदैन, बिरामीलाई सेवा दिन्छौँ’ भन्ने डाक्टरले आज आफ्नो स्वार्थका लागि चाहिँ टिकट काउन्टर नै बन्द गरेका छन्,’ ती कर्मचारीले भने, ‘गोदानका डाक्टर आन्दोलनमा बसेका हुन् भने उनीहरूले बिरामी नहेरे भइहाल्यो नि ! टिकट काउन्टर नै किन बन्द गर्नुपर्यो ?’

अस्पतालमा एकाएक टिकट काउन्टर बन्द गरिनुमा अस्पतालका निर्देशक र निमित्तउपकुलपतिको समेत संलग्नता रहेको आधिकारिक कर्मचारी ट्रेड युनियनका एक पदाधिकारीकाे अाराेप छ । ‘हिजो गोविन्द केसीको आन्दोलनमा ‘अस्पताल बन्द गर्न हुँदैन, बिरामीलाई सेवा दिन्छौँ’ भन्ने डाक्टरले आज आफ्नो स्वार्थका लागि चाहिँ टिकट काउन्टर नै बन्द गरेका छन्,’  ती कर्मचारीले भने, ‘गोदानका डाक्टर आन्दोलनमा बसेका हुन् भने उनीहरूले बिरामी नहेरे भइहाल्यो नि ! टिकट काउन्टर नै किन बन्द गर्नुपर्यो ?’

सरकारी चिकित्सक सेवा बहिष्कार गरी -यालीमा
नयाँ संगठन संरचना र कर्मचारी समायोजनको विषयमा असन्तुष्टि जनाउँदै पछिल्लोपटक एक साताका लागि विभिन्न कार्यक्रम घोषणा गरेर आइतबारदेखि आन्दोलनमा उत्रिएको गोदानले शुक्रबार आकस्मिकबाहेकका सबै सेवा बहिष्कार गरी प्रदर्शन गरेको छ । घोषित कार्यक्रमको अन्तिम दिन शुक्रबार सरकारी चिकित्सकहरूले वीर अस्पतालमा भेला भई र्याली निकाले । घोषित कार्यक्रममा शुक्रबारदेखि सेवा बहिष्कार गरी असहयोग आन्दोलन सुरु गर्ने जनाएको गोदानले थप आन्दोलनका कार्यक्रम भने घोषणा गर्न बाँकी नै छ । गोदानले शनिबार कार्यसमितिको बैठक बसी अर्को साताका लागि थप आन्दोलनका कार्यक्रम घोषणा गर्ने जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

यस्तो रह्यो सरकारी चिकित्सकको सामूहिक बिदाकाे प्रभाव, निर्देशकसमेत खुलेरै समर्थनमा

संघीयता कार्यान्वयनका क्रममा नयाँ संगठन संरचना र कर्मचारी समायोजनबारे सरकारले पछिल्लोपटक आफूसित गरेको सम्झौता कार्यान्वयनलगायत माग राख्दै आइतबारदेखि आन्दोलनरत सरकारी चिकित्सक संघ (गोदान) आबद्ध चिकित्सकहरू सामूहिक बिदामा बस्दा बुधबार प्रमुख सरकारी अस्पतालहरूमा ओपिडी सेवा प्रभावित भएको छ । देशभरिमा करिब १ हजार ४ सयको संख्यामा कार्यरत सरकारी चिकित्सक एकैपटक बिदामा बस्दा देशभरको स्वास्थ्यसेवा प्रभावित भएको हो ।

देशकै ठूलो र पुरानो वीर अस्पतालमा सरकारी चिकित्सकको सामूहिक बिदाका कारण स्वास्थ्यसेवा प्रभावित भएको अस्पतालका निमित्तनिर्देशक डा. किरण श्रेष्ठले बताए । ‘सरकारी सेवाका चिकित्सकहरूले अस्पतालमा सेवा नदिँदा त्यसको प्रभाव सेवाग्राहीमा पर्नु स्वाभाविक हो,’ उनले भने । अन्य समय अस्पतालमा करिब १ हजार १ सयको हाराहारीमा ओपिडी टिकट बिक्री हुने गरेकोमा बुधबार ९ सय ५० मात्र टिकट बिक्री भएको डा. श्रेष्ठ बताउँछन् । बुधबार अस्पतालका रेजिडेन्ट चिकित्सक तथा चिकित्साविज्ञान राष्ट्रिय प्रतिष्ठान न्याम्सका चिकित्सहरूबाट अस्पतालले सेवा प्रदान गरेको डा. श्रेष्ठले बताए । सरकारी सेवाअन्तर्गतका अधिकांश चिकित्सक मौखिक जानकारी दिएर बिदामा बसेको डा. श्रेष्ठले जानकारी दिए ।

वीरमा सरकारी चिकित्सक मात्र नभई चिकित्साविज्ञान राष्ट्रिय प्रतिष्ठानअन्तर्गत कार्यरत कर्मचारीसमेत पहिलेदेखि नै आन्दोलित छन् । उनीहरुले विभिन्न माग राखी ८ दिनदेखि दैनिक १ घण्टा अस्पतालमा धर्ना दिइरहेका छन् ।

निर्देशक डा. गौतम स्वयम् पनि आन्दोलनकारी गोदानको पक्षमा देखिएका छन् । गोदानको आन्दोलन र मागप्रति खुलेरै समर्थन जनाउँदै उनले भने, ‘सरकारी चिकित्सकहरूका माग जायज छन्, त्यसमा मेरो पनि समर्थन छ ।’

थापाथलीस्थित परोपकार प्रसूतिगृहमा पनि सरकारी चिकित्सकहरूको सामूहिक बिदाका कारण बुधबार सेवा प्रभावित भएको निर्देशक जागेश्वर गौतमले जानकारी दिए । प्रसूतीगृहमा सरकारी चिकित्सकहरू सामूहिक बिदामा बसेपछि विकास समितिअन्तर्गत कार्यरत चिकित्सकहरूले मात्र ओपिडी सेवा चलाएका थिए । विकास समितिका चिकित्सकहरूको ड्युटीका कारण सेवा अवरुद्ध नै भने नभएको गौतमले बताए । उनका अनुसार सामूहिक बिदाका क्रममा कतिपय चिकित्सकले लिखित रूपमै बिदाको माग गरेको र कतिपयले मौखिक जानकारी गराएका थिए ।

निर्देशक डा. गौतम स्वयम् पनि आन्दोलनकारी गोदानको पक्षमा देखिएका छन् । गोदानको आन्दोलन र मागप्रति खुलेरै समर्थन जनाउँदै उनले भने, ‘सरकारी चिकित्सकहरूका माग जायज छन्, त्यसमा मेरो पनि समर्थन छ ।’

शुक्रराज ट्रपिकल तथा सरुवारोग अस्पताल टेकुमा पनि सरकारी चिकित्सकको सामूहिक बिदाले सेवाप्रवाहमा असर पुगेको छ । अस्पतालका निर्देशक डा. वासुदेव पाण्डेका अनुसार सरकारी चिकित्सकहरूको सामूहिक बिदाको प्रभावका कारण अस्पतालमा बुधबार अस्पताल आउने बिरामीको संख्यामै कमी आएको छ । स्वास्थ्य मन्त्रालयअन्तर्गतका चिकित्सकहरू बुधबार मौखिक रूपमा जानकारी गराएर बिदामा बसेको उनले जानकारी दिए । उनका अनुसार बुधबार अस्पताल विकास समितिअन्तर्गतका चिकित्सकहरूले सेवा दिएका थिए । यद्यपि, एकैपटक ठूलो संख्यामा सरकारी चिकित्सकहरू सामूहिक बिदामा बसेका कारण सेवाप्रवाहमा केही मात्रामा भने असर पुगेको उनी बताउँछन् ।

‘ती चिकित्सकले प्रत्यक्ष रूपमा उपचारमा संलग्न नरहे पनि कतिपयले बिरामीलाई उपचार परिपाटीबारे जानकारी दिएको मैले थाहा पाएको छु,’ डा. राईले भने, ‘यस हिसाबले हेर्दा आन्दोलनमै रहे पनि उपचारमा सहयोग गरेर सरकारी चिकित्सकले पेसाको संवेदनशीलताप्रति जिम्मेवार रहेको प्रमाणित गरेका छन् ।’

महाराजगन्जस्थित कान्ति बाल अस्पतालमा पनि बुधबार गोदानको आन्दोलनको प्रभाव रह्यो । अस्पतालका निर्देशक डा. गणेश राईका अनुसार केही सरकारी सेवाअन्तर्गतका चिकित्सकहरू अस्पताल आएको देखिए पनि उनीहरूले हाजिर भने गरेका थिएनन् । ‘ती चिकित्सकले प्रत्यक्ष रूपमा उपचारमा संलग्न नरहे पनि कतिपयले बिरामीलाई उपचार परिपाटीबारे जानकारी दिएको मैले थाहा पाएको छु,’ डा. राईले भने, ‘यस हिसाबले हेर्दा आन्दोलनमै रहे पनि उपचारमा सहयोग गरेर सरकारी चिकित्सकले पेसाको संवेदनशीलताप्रति जिम्मेवार रहेको प्रमाणित गरेका छन् ।’

सरकारी सेवाअन्तर्गतका चिकित्सकहरू सामूहिक बिदामा बसेपछि अस्पतालले रेजिडेन्ट चिकित्सक तथा विकास समितिअन्तर्गतका चिकित्सकबाट बिरामीलाई सेवा प्रदान गरेको उनले बताए । अस्पतालमा दैनिक ओपिडीमा ४ सय बिरामी आउने गरेको र उक्त संख्या बुधबार पनि कायमै रहेको डा. राई बताउँछन् । यस हिसाबले हेर्दा चिकित्सकको सामूहिक बिदाका बाबजुद पनि बुधबार कान्तिमा बिरामीको चाप उस्तै रह्यो ।

सरकारी सेवाअन्तर्गतका चिकित्सकहरूले मौखिक रूपमा गोदानको कार्यक्रमअनुरूप सामूहिक बिदामा बस्ने जानकारी गराएको डा. राई बताउँछन् । उनका अनुसार सामूहिक बिदाको कार्यक्रमले बुधबार विशेषज्ञस्तरको गुणस्तरीय सेवा भने प्रभावित भएको छ ।

गोदानका अध्यक्ष डा. दीपेन्द्र पाण्डेले देशभरका सरकारी चिकित्सक बुधबार सामूहिक बिदामा बसेको बताए । अधिकांश अस्पतालका निर्देशकहरूको समेत गोदानको आन्दोलनमा साथ र समर्थन रहेको जनाउँदै उनले भने, ‘शतप्रतिशत भन्ने नहुन सक्छ, तर बुधबारको हाम्रो सामूहिक बिदाको कार्यक्रम देशैभर सफल भएको छ ।’

सोमबारदेखि सुरु भएको सरकारी चिकित्सकको सामूहिक राजीनामा संकलन अभियानको पछिल्लो अवस्थाबारे डा. पाण्डेले भने, ‘राजीनामा संकलन अभियान जारी छ, सम्भवतः भोलिसम्म सकिने अनुमान छ ।’ राजीनामा संकलनपश्चात् त्यसको हस्तान्तरणका लागि देशभरका सरकारी चिकित्सक बिहीबार काठमाडौं आउने कार्यक्रम संघले आइतबार नै तय गरिसकेको छ । गोदानले शुक्रबारदेखि आकस्मिकबाहेकका सबै सेवा बहिष्कार गरी असहयोग आन्दोलन सुरु गर्दै छ ।

  • ताजा समाचार
  • जनप्रिय

हेल्थपोष्ट टुइट्स सबै