इतिहासकै सबैभन्दा ठूलो घुसकाण्डका आरोपी भिसी रौनियार ४८ लाख धरौटीमा रिहा

नेपालको भ्रष्टाचारको इतिहासमा सबैभन्दा ठूलो घुसकाण्डका आरोपी बिपी कोइराला स्वास्थ्यविज्ञान प्रतिष्ठान, धरानका उपकुलपति प्रा.डा. राजकुमार रौनियार धरौटीमा रिहा भएका छन् । मंगलबार विशेष अदालतका न्यायाधीश बाबुराम रेग्मी, द्वारिकामान जोसी र प्रमोदकुमार श्रेष्ठ वैद्यको संयुक्त इजलासले भिसी रौनियार र उनको घुसकाण्डमा मतियार बनेका उनका भतिज रामहरि रौनियारलाई धरौटीमा रिहा गर्न आदेश दिएको हो । विशेषले भिसी रौनियारलाई ४८ लाख र रामहरिलाई ४ लाख धरौटीमा रिहा गर्न आदेश दिएको हो ।

विश्वविद्यालयजस्तो प्राज्ञिक संस्थाको नेतृत्वमा रहेका र दशकौँ प्राज्ञिक क्षेत्रमा बिताएर प्राध्यापकको पदवीप्राप्त उपकुलपति रौनियार २६ असारमा ८ लाख घुससहित रंगेहात प्रक्राउ परेका थिए । रौनियारलाई अख्तियार दुरुपयोग अनुसन्धान आयोगको टोलीले घुस लिइसकेको अवस्थामा प्रतिष्ठानको उपकुलपतिनिवासबाट पक्राउ गरेको थियो । भिसी रौनियारले करकापमा पारी पटक–पटक आफूसित घुस लिएको र मागिरहेको भनी श्याम सुन्दर निर्माण सेवा प्रालिका सबकन्ट्य्राक्टर गिना एवं गिना कन्स्ट्रक्सन कम्पनीका प्रबन्धनिर्देशक सुशीलकुमार झाले अडियो रेकर्डिङ तथा भिडियो प्रमाणसहित अख्तियारमा उजुरी दिएपछि अनुसन्धानका लागि खटिएको अख्तियारको टोलीले रौनियारद्वयलाई घुससहित रंगेहात पक्राउ गरेको थियो ।

पक्राउ परेका रौनियारद्वयमाथिको करिब २ साताको अनुसन्धानपछि अख्तियारले भिसी रौनियारले प्रतिष्ठानको भवननिर्माणको ठेक्कामा भुक्तानी कमिसनबापत पटक–पटक गरी १ करोड २८ लाख रुपैयाँ ठेकेदार कम्पनीबाट घुस लिएको प्रमाणसहित उक्त रकमलाई बिगो दाबीसहित विशेष अदालतमा उनीविरुद्ध मुद्दा दायर गरेको थियो । इतिहासमा भ्रष्टाचार तथा घोटालाका ठूला–ठूला रकम बिगोका प्रशस्तै मुद्दा दायर भए पनि घुस प्रकरणमा भने यो नै हालसम्मको सबैभन्दा ठूलो बिगो रकमको मुद्दा अख्तियारले दर्ता गरेको हो । अख्तियारले भिसी रौनियारको घुस प्रकरणको मतियार बनेका रामहरिलाई भने ८ लाख बिगो कायम गरी मुद्दा दायर गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

१ करोड २८ लाख भ्रष्टाचार बिगोसहित भिसी राजकुमार रौनियारविरुद्ध विशेषमा आरोपपत्र दायर, ‘मतियार’ रामहरिलाई ८ लाख बिगो

बिपी कोइराला स्वास्थ्यविज्ञान प्रतिष्ठान धरानका उपकुलपति प्रा.डा. राजकुमार रौनियारविरुद्ध अख्तियार दुरुपयोग अनुसन्धान आयोगले विशेष अदालत, काठमाडौंमा भष्टाचारको प्रमाणसहित आरोपत्र दायर गरेको छ । आइतबार रौनियारसँगै अख्तियारले प्रतिष्ठानमै कार्यरत उनका भतिजा डा. रामहरि रौनियारविरुद्ध पनि भिसी रौनियारको भ्रष्टाचारमा मतियार बनेको प्रमाणसहित आरोपपत्र दायर गरेको छ । यसअघि रौनियारद्वय २६ असारमा प्रतिष्ठानबाटै ८ लाख रुपैयाँ घुससहित रंगेहात पक्राउ परेका थिए । पक्राउपछि रौनियारद्वयमाथि ३ साताको अनुसन्धानपछि अख्तियारले आइतबार उनीहरुविरुद्ध विशेषमा आरोपपत्र दायर गरेको हो ।

अख्तियारले आरोपपत्रमा भिसी रौनियारले भ्रष्टाचार निवारण ऐन, २०५९ को दफा ३ को उपदफा (१) को कसुर गरेको सप्रमाण पुष्टि हुन आएकाले उनलाई १ करोड २८ लाख बिगो कायम गरी उक्त ऐनको दफा ३ को उपदफा (१) र सोही उपदफाको देहाय (झ) बमोजिम जरिवाना र कैद सजाय माग गरेको छ । साथै, भिसी रौनियार नेपाल सरकारको विशिष्ट श्रेणीको पदाधिकारी भएकाले निजलाई उक्त ऐनको दफा २४ बमोजिम थप सजायको समेत माग आरोपत्रमा गरिएको छ ।

भिसी रौनियारले प्रतिष्ठानको होस्टेल तथा फार्मेसी भवन निर्माण ठेक्का लिने श्याम सुन्दर निर्माण सेवा प्रालिको सब कन्स्ट्र्याक्टर गिना कन्स्ट्रक्सन प्रालिका प्रबन्धनिर्देशक सुशीलकुमार झासँग भवन निर्माणको मोबिलाइजेसन रकमको भुक्तानी दिँदा विभिन्न मितिमा रनिङ बिलको भुक्तानी दिँदा पटक–पटक गरी जम्मा १ करोड २८ लाख घुस लिएको अनुसन्धानबाट पुष्टि भएको अख्तियारको दाबी छ ।

त्यसैगरी, अर्का आरोपी डा. रामहरि रौनियारको हकमा उनले रिसवत लिनेखाने कार्यमा मतियार भई कार्य गरेको तथ्य अनुसन्धानका क्रममा सप्रमाण पुष्टि हुन आएको अख्तियारले जनाएको छ । मतियार बनेका रौनियारले उक्त ऐनको दफा २२ को प्रतिबन्धात्मक वाक्यांशमा उल्लेख भएबमोजिमको कसुर गरेको देखिएकाले निजलाई ८ लाख रुपैयाँ बिगो कायम गरी सोही ऐनको दफा २२ बमोजिम तथा दफा ३ उपदफा (१) र सोही उपदफाको देहाय (ङ) अनुसार कैद र जरिवानाको माग अख्तियारले गरेको छ ।

भिसी रौनियारले प्रतिष्ठानको होस्टेल तथा फार्मेसी भवन निर्माण ठेक्का लिने श्याम सुन्दर निर्माण सेवा प्रालिको सब कन्स्ट्र्याक्टर गिना कन्स्ट्रक्सन प्रालिका प्रबन्धनिर्देशक सुशीलकुमार झासँग भवन निर्माणको मोबिलाइजेसन रकमको भुक्तानी दिँदा विभिन्न मितिमा रनिङ बिलको भुक्तानी दिँदा पटक–पटक गरी जम्मा १ करोड २८ लाख घुस लिएको अनुसन्धानबाट पुष्टि भएको अख्तियारको दाबी छ । आरोपी रौनियारले पटक–पटक कमिसनबापत घुस लिएको भनी अडियो–भिडियोसहित १६ असारमा अख्तियारमा उजुरी परेको थियो । पछि भिसी रौनियारले फामेर्सी भवन निर्माणको चौथो रनिङ बिल भुक्तानीका लागि उजुरी निवेदक सुशीलकुमार झालाई बोलाई भुक्तानी दिनुपर्ने रकमबाट ८ लाख रुपैयाँ कमिसनबापत घुस माग गरेको भन्ने अर्को उजुरी २५ असारमा परेको अख्तियारले जनाएको छ ।

उजुरीका आधारमा अख्तियारबाट खटिएको टोलीले भिसी रौनियारलाई उक्त ८ लाख रकम झासित लिइसकेको अवस्थामा प्रतिष्ठानबाटै प्रक्राउ गरेको थियो । अख्तियारको टोली पुग्दा रौनियारले घुस लिई प्रतिष्ठानमै हाउस अफिसरका रुपमा कार्यरत आफ्नै भतिज डा. रामहरि रौनियारलाई आफ्नो निवास ए५ ब्लकमा राख्न पठाइसकेका थिए । टोलीले उनको निवासको खानतलासी गर्दा सोकेसको घर्रामा उक्त ८ लाख घुस रकम फेलापरेपछि रौनियारद्वयलाई पक्राउ पक्राउ गरेको अख्तियारले आरोपपत्रमा उल्लेख गरेको छ । रौनियार भिसी बनेदेखि नै कुनै न कुनै रूपमा विवादित बन्दै आएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

बिपी स्वास्थ्यविज्ञान प्रतिष्ठानका भिसी प्रा.डा. रौनियार ८ लाख घुससहित रंगेहात पक्राउ

सुनसरीको धरानस्थित बिपी कोइराला स्वास्थ्यविज्ञान प्रतिष्ठानका उपकुलपति प्रा.डा. राजकुमार रौनियार ८ लाख घुससहित रंगेहात पक्राउ परेका छन् ।

उपकुलपति रौनियारलाई अख्तियार दुरुपयोग अनुसन्धान आयोग, टंगालबाट खटिई गएको टोलीले घुस लिइसकेको अवस्थामा उपकुलपतिको निवास धरानबाट बिहीबार रंगेहात नियन्त्रणमा लिएको हो । उनीसँगै डा. रामहरि रौनियारसमेत पक्राउ परेको अख्तियारले बिहीबार विज्ञप्तिमार्फत जानकारी गराएको छ ।

अख्तियारका अनुसार रौनियारद्वयले प्रतिष्ठानको भवन निर्माण ठेक्कामा कमिसनबापत सेवाग्राहीसँग घुस लिएका थिए । उपकुलपति रौनियारले सेवाग्राहीसँग कमिसनबापत घुस माग गरिरहेको भन्ने सूचना एवं उजुरीका आधारमा अख्तियार, टंगालको टोली धरानमा खटिएको थियो ।

अख्तियारका अनुसार रौनियारद्वयले प्रतिष्ठानको भवन निर्माण ठेक्कामा कमिसनबापत सेवाग्राहीसँग घुस लिएका थिए । उपकुलपति रौनियारले सेवाग्राहीसँग कमिसनबापत घुस माग गरिरहेको भन्ने सूचना एवं उजुरीका आधारमा अख्तियार, टंगालको टोली धरानमा खटिएको थियो ।

ठेकेदारले अख्तियारलाई जानकारी गराई घुस दिएको र रौनियारले उक्त कमिसनबापतको घुस रमक लिएलगत्तै अख्तियारले रौनियारद्वयलाई नियन्त्रणमा लिएको हो । पक्राउ परेका रौनियारद्वयमाथि अनुसन्धान भइरहेको अख्तियारले जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

भिसी प्रा.डा. रौनियार भन्छन् : कुनै समस्या छैन, केही नेता उचालिएका हुन्, जे–जे माग्छन् त्यही दिन सकिन्न

सुनसरीको धरानस्थित बिपी कोइराला स्वास्थ्यविज्ञान प्रतिष्ठानमा स्नातकोत्तर तहमा सिट विभाजनमा नेपाली विद्यार्थीलाई अन्याय भएको भन्दै बिहीबार उपकुलपतिलगायत पदाधिकारीको कार्यालयमा तालाबन्दी गरेको आवासीय चिकित्सकहरूको संगठन ‘जुनियर रेजिडेन्ट वेलफेयर सोसाइटी’ले आज पनि प्रतिष्ठान परिसरमा धर्ना दिइरहेको छ ।

चिकित्सक तथा विद्यार्थीको तालाबन्दीसहितको आन्दोलन जारी रहँदा राजधानी काठमाडौंमा रहेका प्रतिष्ठानका उपकुलपति प्रा.डा. राजकुमार रौनियारले भने प्रतिष्ठानमा कुनै पनि समस्या नरहेको र कानुनसम्मत रूपमै पिजीको कोटा निर्धारण गरेको बताएका छन् । ‘प्रतिष्ठानमा कुनै पनि समस्या छैन,’ प्रा.डा. रौनियारले शुक्रबार दिउँसो हेल्थपोस्टसँगको टेलिफोन वार्तामा भने, ‘केही नेताहरू उफ्रिएका हुन्, जे–जे माग्छन् त्यही–त्यही दिन सकिँदैन र दिनु पनि हुँदैन ।’

समग्रमा ऐनको पालना भए पनि विधागत रूपमा कुनै विधामा ६० प्रतिशतसम्म सिट विदेशीलाई दिँदा नेपाली विद्यार्थीलाई अन्याय भएको गुनासोबारे उपकुलपति रौनियारले आवश्यकताअनुसार मिलाउँदै जाँदा कुनै–कुनैमा त्यस्तो हुनु स्वाभाविक भएको बताए । उनले सबै सिट नेपालीका लागि छुट्याइएका विधाहरूमा कसैले नबोलेको तर केही विधालाई लिएर बखाडा झिक् खोजेको प्रति आपत्ति जनाए ।

कसैको लहैलहैमा नभएर प्रतिष्ठानको आवश्यकताका आधारमा कानुनको अधीनमा रहेर काम गर्नुपर्ने प्रा.डा. रौनियारको भनाइ थियो । उनले पिजी सिट विभाजन पूर्णतः कानुनसम्मत रूपमा गरेको दाबी गरे । ‘हामीले कुल १ सय २३ सिटमध्ये जम्मा ४१ सिट विदेशीलाई दिएका छौँ,’ उपकुलपति प्रा.डा. रौनियारले भने, ‘राष्ट्रिय चिकित्साशिक्षा ऐन हेर्नुहोस्, छैन भने म पठाइदिन्छु, स्पष्ट रूपमा विदेशी विद्यार्थीका लागि ३३ प्रतिशतसम्म सिट छुट्याउन सक्ने व्यवस्था छ ।’

समग्रमा ऐनको पालना भए पनि विधागत रूपमा कुनै विधामा ६० प्रतिशतसम्म सिट विदेशीलाई दिँदा नेपाली विद्यार्थीलाई अन्याय भएको गुनासोबारे उपकुलपति रौनियारले आवश्यकताअनुसार मिलाउँदै जाँदा कुनै–कुनैमा त्यस्तो हुनु स्वाभाविक भएको बताए । उनले सबै सिट नेपालीका लागि छुट्याइएका विधाहरूमा कसैले नबोलेको तर केही विधालाई लिएर बखाडा झिक् खोजेको प्रति आपत्ति जनाए । ‘डेन्टलमा पूरै १८ सिट नेपाली विद्यार्थीले पाएका छन्, त्यसमा किन उहाँहरू कुरो उठाउनुहुन्न ?, गाइनोमा किन कुरा उठाउनुहुन्न ?’ रौनियारको प्रश्न थियो । प्रतिष्ठानमा विदेशी विद्यर्थीको कोटामा विशेषगरी भारतीय विद्यार्थी अध्ययन गर्न आउने गरेको र उनीहरूको आकर्षण र आवश्यकताका आधारमा पनि विदेशीका लागि कोटा निर्धारण गर्दा विधागत रूपमा एकरूपता नभएको प्रा.डा. रौनियारले संकेत गरे ।

प्रतिष्ठान चलाउनका लागि विदेशी विद्यार्थी पठाउनु अनिवार्य भएको प्र.डा. रौनियारले बताए । उनका अनुसार विदेशी विद्यार्थी पढाएर पैसा नउठाउने हो भने चिकित्सक तथा कर्मचारी तलब खुवाउनै समस्या पर्छ । ‘यसरी पनि प्रतिष्ठान चल्छ ? भोलि तलब खुवाउन सकेन भने उहाँहरू नै आन्दोलन गर्नुहुन्छ,’ उपकुलपति रौनियारले भने । आन्दोलनरत पक्षसित वार्ताबरेको जिज्ञासामा वार्ताका लागि भिसी नै आवश्यक नहुने प्रा.डा. रौनियारको भनाइ छ । इन्ट्रान्स परीक्षाबारेको विवाद भएकाले परीक्षा समितिले नै वार्ता गरेर समाधान निकाल्ने उनको तर्क थियो । यद्यपि, इन्ट्रन्स समितिको अध्यक्ष स्वयम् उपकुलपति हुने भएकाले उनको अनुपस्थितिमा वार्ता गर्नुको कुनै औचित्य नहुने आन्दोलनरत चिकित्सकको भनाइ छ ।

आवासीय चिकित्सक आबद्ध सोसाइटीले शुक्रबार पनि आन्दोलन जारी राखेको छ । बिहीबार भिसी र रेक्टर कार्यालयमा लगाइएका ताला यथावत् छन् । चिकित्सक तथा विद्यार्थी उपकुलपति फर्किएपछि मात्र वार्तामार्फत समाधान निस्कन सक्ने बुझाइमा छन् । तर, उपकुलपति भने राजनीतिका लागि उचालिएको विषय भएकाले आफूले वार्ता गर्नुपर्ने खासै आवश्यकता नरहेको ताइरहेका छन् । सिट बाँडफाँडको निर्णय कानुसम्मत भएकाले निर्णयबाट पछि नहट्ने मनस्थितिमा प्रतिष्ठान प्रशासन छ ।

‘सरकारले सबै खर्चको जिम्मेवारी लिओस्, सबै सिट नेपालीलाई दिन्छु’
सरकारले प्रतिष्ठानको सबै खर्चको जिम्मेवारी उठाएको खण्डमा सबै सिट नेपाली विद्यार्थीका लागि दिन आफू तयार भएको उपकुलपति रौनियारको भनाइ छ । छात्रवृत्तिमा मात्र पढाएर प्रतिष्ठानको खर्च धान्न सम्भव नभएकाले नै विदेशी विद्यार्थीलाई पढाउनुपरेको प्रा.डा. रौनियारको आशय थियो । ‘सरकारले प्रतिष्ठानको पूरै खर्चको ग्यारेन्टी गरोस्, सबै सिट नेपाली विद्यार्थीलाई दिन हामी तयार छौँ,’ उपकुलपति रौनियारले भने ।

तालाबन्दी र धर्ना जारी

आवासीय चिकित्सक आबद्ध सोसाइटीले शुक्रबार पनि आन्दोलन जारी राखेको छ । बिहीबार भिसी र रेक्टर कार्यालयमा लगाइएका ताला यथावत् छन् । चिकित्सक तथा विद्यार्थी उपकुलपति फर्किएपछि मात्र वार्तामार्फत समाधान निस्कन सक्ने बुझाइमा छन् । तर, उपकुलपति भने राजनीतिका लागि उचालिएको विषय भएकाले आफूले वार्ता गर्नुपर्ने खासै आवश्यकता नरहेको ताइरहेका छन् । सिट बाँडफाँडको निर्णय कानुसम्मत भएकाले निर्णयबाट पछि नहट्ने मनस्थितिमा प्रतिष्ठान प्रशासन छ ।

अस्पतालका निर्देशकले वार्तामा बोलाए, तर एकेडेमिक विवाद भएकाले अस्पताललाई अधिकार नै छैन
आन्दोलनरत सोसाइटीलाई शुक्रबार प्रतिष्ठानअन्तर्गतको आस्पतालका निर्देशकले वार्तामा बोलाए । तर, विवादको विषय पिजीको इन्ट्रन्स परीक्षामा सिटको बाँडफाँड रहेकाले त्यसमा अस्पतालको अधिकार नै नहुने आन्दोलनकारीको भनाइ छ । ‘एकेडेमिक विषयमा अस्पतालको अधिकार नै छैन,’ आन्दोलनरत एक चिकित्सकले भने, ‘इन्ट्रान्स परीक्षा समितिको अध्यक्ष नै भिसी हुने भएकाले उहाँ नफर्किएसम्म वार्ताको कुनै अर्थ छैन ।’

  • ताजा समाचार
  • जनप्रिय

हेल्थपोष्ट टुइट्स सबै