एमबिबिएस प्रवेश परीक्षा नतिजा : त्रिविमा ४२६९ केयुमा ४४८७ पास

चिकित्साशिक्षा तर्फ एमबिबिएसका लागि दुई विश्वविद्यालयले लिएका प्रवेश परीक्षामा ८ हजारभन्दा बढी विद्यार्थी उतिर्ण भएका छन् । आइओएमको शुक्रबार सञ्चालित परीक्षा र काठमाडौ विश्वविद्यालयको शनिबार सञ्चालित परीक्षाको नतिजा आइतबारै प्रकाशित भएको हो । जसअनुसार त्रिवि अन्तर्गतका कलेजका लागि आइओएमले सञ्चालन गरेको परीक्षामा ९ हजार ९ सय सहभागी भएकोमा ४ हजार २ सय ६९ जना उर्तिण भएका छन् ।

त्यसैगरी काठमाडौ विश्वविद्यालय अन्तर्गत ४४८७ जना पास भएका छन् । दुबै विश्वविद्यालयमा न्युनतम उतिर्णाक ५० प्रतिशत हो । धेरै विद्यार्थी दुबै विश्वविद्यालयका परीक्षामा सहभागी हुने गरेका छन् । परीक्षामा सामेल हुनेको संख्या ठूलो देखिएपनि अधिकांश विद्यार्थी पैसा तिरेर पढ्ने भन्दा छात्रवृति नपाउँदा भर्ना कम नम्बर ल्याउनेले समेत पाउँछन् ।

  • ताजा समाचार
  • जनप्रिय

हेल्थपोष्ट टुइट्स सबै

एमबिबिएस प्रवेश परीक्षा छिट्टै : आइओएम

चिकित्साशास्त्र अध्ययन संस्थान (आइओएम)ले स्नातक तहको प्रवेश परीक्षा छिट्टै सञ्चालन गर्ने जनाएको छ । सम्मानीत सर्वोच्च अदालतबाट पुरानो अन्तरिम आदेशलाई खारेज गरेसँगै आइओएमले सूचना निकाले यस्तो जानकारी दिएको हो ।आजै सर्वोच्चले पुरानो अन्तरिम आदेशालाई निरन्रता नदिने निर्णय गरेको थियो ।

सर्वोच्चले निवेदक आफै फर्म भरेर अदालत आएको, सरकारले पनि आयोगमार्फत् ऐनका प्राब्धान कार्यान्वनमा लागिरहेको देखिन आएको भन्दै परीक्षा गराउने बाटो खोलिदिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

एमबिबिएस प्रवेश परीक्षा निर्धारित मितिमै गर्न प्रमको निर्देशन, आइओएम परीक्षा शाखाको ताला खुल्यो

प्रधानमन्त्री केपी शर्मा ओलीले चिकित्साशास्त्र अध्ययन संस्थानका प्रवेश परीक्षामा अवारेध आउन नदिन निर्देशन दिएका छन् ।प्रवेश परीक्षा हुन ननिदे योजनासाथ विभिन्न कलेजमा अध्ययनरत विद्यार्थीका नाममा संघर्षसमिति गठनगरेर आइओएममा तालाबन्दी जारी रहेको अवस्थामा प्रधानमन्त्रीको यस्तो निर्देशन आएको हो । प्रधानमन्त्रीको निर्देशनपछि मुख्यसचिव लोकदर्शन रेग्मीले परीक्षा गराउँनेगरी तयारी सुरु गरेका छन् ।

सिङ्गापुरमा उपचाररत ओलीले भिडियो कन्फरेन्सिङबाट भएको मंगलबारको मन्त्रीपरिषद् बैठकमा चिकित्साशिक्षाका प्रवेश परीक्षा कुनै हालतमा नरोक्न निर्देशन दिएको मन्त्रीपरिषद् स्रोतले जानकारी दियो ।
सोही आधारमा प्रहरीले चिकित्साशास्त्र अध्ययन संस्थान (आइओएम)को परीक्षा शाखामा लगाएको ताला मंगलबार विहानै खोलेको छ । डिन कार्यालयमा लगाएको ताला यथावत राखेरै परीक्षा शाखामा लगाएको ताला भने खोलिएको हो ।
आइओएमको २१ गतेबाट चरणबद्ध रुपमा सुरु हुने विभिन्न विषयका परीक्षाका लागि करिव २० हजारले आवेदन दिइसकेका छन् । विदेशी विद्यार्थीको हकमा समेत चीन, भारत, अमेरिका लगायतका देशबाटसमेत विद्यार्थी आवेदन दिएका छन् ।

२१ गते एमिबिबिएस र त्यसपछि चरणबद्धरुपमा २४ गतेसम्म परीक्षा हुँदैछ ।प्रमको निर्देशनपछि शिक्षामन्त्रालयले समेत सोमबारै विज्ञाप्ति जारी गरेर विद्यार्थीका अन्य माग पूरा गर्ने भन्दै परीक्षामा अवरोध नगर्न आग्रह गरेको थियो । विश्वविद्यालयहरुले भर्ना र शुल्कमा कस्दै लगेपछि पछिल्ला दिनमा मेडिकल कलेज सञ्चालकहरु नै विद्यार्थी संगठनमार्फत् प्रवेश परीक्षा अवरोधमा लागेको आशंका त्रिविका अधिकारीहरुको छ ।

  • ताजा समाचार
  • जनप्रिय

हेल्थपोष्ट टुइट्स सबै

‘रिटोटलिङ’मा नम्बर फरक परेपछि आइओएमको एमडी/एमएस प्रवेश परीक्षा विवादमा

कम्प्युटराइज प्रणालीबाट लिइने चिकित्साशास्त्र अध्ययन संस्थान (आइओएम)को प्रवेश परीक्षामा रिटोटलिङ गर्दा बढी नम्बर आएपछि परीक्षाको विश्वसनीयतामा प्रश्न उठेको छ ।
आइओएमले १६ चैतमा सञ्चालन गरेको प्रवेश परीक्षाको नतिजालाई लिएर केही विद्यार्थीले रिटोटलिङका लागि आवेदन दिएका थिए । सोक्रममा एकजना परीक्षार्थी सञ्जीव परियारको सुरुमा ५३ नम्बर आएकोमा रिटोटलिङ गर्दा ६१ नम्बर आएपछि परीक्षा प्रणालीमा प्रश्न उब्जिएको हो ।

कम्प्युटराइज परीक्षा प्रणाली अवलम्बन गरिएकोमा प्राप्तांक नै फरक परेपछि परीक्षाको विश्वसनीयतामा प्रश्न उब्जिएको हो । यो घटनालाई लिएर गैरसरकारी चिकित्सक संघले सोमबार आइओएमको डिन कार्यालयमा ज्ञापनपत्रसमेत बुझाएको छ । संघका महासचिव डा. रीतेश थापाले कम्युप्टरबाटै उत्तरपुस्तिका परीक्षण गर्ने भनिएको परीक्षामा वस्तुगत प्रश्नको जाँच र प्राप्तांकमा समेत अन्तर देखिएपछि परीक्षा प्रणालीमै प्रश्न उब्जिएको बताए ।

थापाका अनुसार गैरसरकारी चिकित्सक संघले संस्थागत रूपमै यस विषयको छानबिनको माग गरेको छ । संघले विज्ञाप्तिमा यस्ता त्रुटिले दिनरात मिहिनेत गरेर परीक्षामा सहभागी भएका चिकित्सकको मनोबल गिरेको र परीक्षा प्रणालीमा शंका उब्जिएको भन्दै आगामी दिनमा यस्ता गतिविधि दोहोरिन नदिनसमेत सचेत गराएको छ । संघले ज्ञापनपत्र बुझाए पनि आइओएमले छानबिन एवम् स्पष्टीकरण नदिई ओपनहाउस काउन्सिलिङको सूचना जारी गरेको छ ।

  • ताजा समाचार
  • जनप्रिय

हेल्थपोष्ट टुइट्स सबै

आइओएमको भर्ना अगाडि नबढाउन अन्तरिम आदेश

चिकित्सा अध्ययन संस्थान (आइओएम)को एमबिबिएस, नर्सिङ, जनस्वास्थ्य र सामान्य चिकित्सालगायतका विषयमा भर्ना प्रक्रिया तत्काल अगाडी नबढाउन सर्वोच्च अदालतले अन्तरिम आदेश दिएको छ । आइओएमले एमबिबिएस बाहेकका विषयमा ओपनहाउस काउन्सिलिङगरी भर्ना प्रक्रिया सुरु गरेको थियो । एमबिबिएस, बिडिएसमा दशैपछि भर्ना प्रक्रिया थाल्ने तयारी गरेको थियो ।
असोजको ६,७ र ८ गतेका मितिमा भएका विभिन्न विषयका प्रवेश परीक्षाको नतिजामा प्रश्न उठाउँदै विद्यार्थी रेश्मा बानियाँलगायतले दायर गरेको रिटमा सुनुवाई गर्दै न्यायाधीश दीपकराज जोशीको एकल इजलासले अन्तरिम आदेश दिएको हो । आइओएमले मुद्दामा थप छलफलका लागि असोज २१ गते दुबै पक्षलाई झिकाउनसमेत आदेश दिएको छ । मुद्दा किनारा नलागेसम्म कुनै पनि विषयको भर्ना प्रक्रिया अगाडी नबढाउन आदेश दिएको हो ।

 

  • ताजा समाचार
  • जनप्रिय

हेल्थपोष्ट टुइट्स सबै

केयुमा बिहीबारदेखि, आइओएममा दसैंपछि ‘ओपनहाउस काउन्सेलिङ’

त्रिवि चिकित्साशास्त्र अध्ययन संस्थान (आइओएम)अन्तर्गत एमबिबिएस/बिडिए प्रवेश परीक्षाको नतिजा प्रकाशन भएको छ । शनिबार सञ्चालित प्रवेश परीक्षाको नतिजा आइतबार राति प्रकाशित भएको हो । एक साताअघि गत आइतबार मात्रै काठमाडौं विश्वविद्यालयअन्तर्गतको प्रवेश परीक्षाको नतिजा प्रकाशित भएको थियो ।

त्रिविअन्तर्गतका ७ मेडिकल कलेजका ६ सय ६१ सिटका लागि ८ हजार ८ सय ८६ जनाले परीक्षा दिएकोमा ४ हजार ५ सय ८१ ले परीक्षा उत्तीर्ण गरेका छन् । त्यसमध्ये १ हजार १ जनाले ७० प्रतिशतभन्दा माथि ल्याएका छन् । मेरिटका आधारमा भर्नामा प्राथमिकता पाउने भएकाले यसपटक कम नम्बर ल्याउनेले भर्ना पाउने सम्भावना कम छ ।

यसैगरी, काठमाडौं विश्वविद्यालयअन्तर्गत ८ सय ९० सिटका लािग गत शनिबार सञ्चालित परीक्षामा ८ हजार ६१ जना सहभागी भएकोमा ४ हजार ५ सय ७८ जना पास भएका छन् । केयुले आगामी बिहीबारदेखि नै ओपनहाउस काउन्सेलिङ गरी विश्वविद्यालयमै पैसा तिर्न लगाएर भर्ना सुरु गर्ने जनाएको छ । आइओएमको भने सुरुमा मन्त्रालयअन्तर्गतका कोटामा विद्यार्थी छनोट गरेर पठाएपछि मात्रै दसैँपछि ओपनहाउस काउन्सिलिङ गरेर भर्ना सुरु गर्ने जनाइएको छ ।

  • ताजा समाचार
  • जनप्रिय

हेल्थपोष्ट टुइट्स सबै