चीनबाट मेडिकल सामग्री खरिद विवादबारे प्रधानमन्त्री ओली र प्रचण्डबीच डेढ घन्टा छलफल

नेकपा अध्यक्ष पुष्पकमल दाहाल र प्रधानमन्त्री केपी ओलीबीच चीनबाट आयात गरिएको स्वास्थ्य उपकरण र औषधी खरिदका विषयमा छलफल भएको छ।

प्रधानमन्त्री निवास बालुवाटारमा दाहाल र ओलीबीच बुधबार डेढ घन्टा छलफल भएको हो। कोरोना संक्रमणसँग लड्न चीनबाट मेडिकल सामग्री तथा औषधी खरिदका विषय विवादमा आएपछि अध्यक्ष दाहालले भेटमा प्रधानमन्त्री ओलीसँग चासो राखेका हुन्।

सरकारले चीनबाट साढै १२ टन स्वास्थ्य सामग्री खरिद गरेको थियो। उक्त सामग्री आयात विवादमा आएपछि दाहालले प्रधानमन्त्रीसँग चासो राखेको दाहालनिकट स्रोतले बतायो।

यसअघि मन्त्रिपरिषद बैठकमा प्रधानमन्त्री ओलीले स्वास्थ्य मन्त्री भानुभक्त ढकाललाई विवादरहित ढंगले काम गर्न निर्देशन दिएका थिए। तथापि, सरकारले खरिद सम्झौता गरेको ओम्नी कम्पनी दर्ता नै नरहेको र उसले आयात गरेको सामग्रीमा गुणस्तरको प्रश्न उठेपछि स्वास्थ्य सेवा सम्झौता रद्द गरिसकेको छ।

ब्रेकिङ : कोरोना सामग्री खरिदसम्बन्धी ओम्नी समूहसँगको विवादित सम्झौता रद्द

‘दुई जनाबीचको भेटमा अध्यक्ष दाहालले चीनबाट खरिद गरिएको स्वास्थ्य सामग्रीबारेको विवाद र मिडियामा आइरहेका विषयमा प्रधानमन्त्रीसँग चासो राख्नुभयो,’ दाहालनिकट स्रोतले भन्यो।

दाहालले चीन सरकारबाट सामग्री आएपछि चिनियाँ राष्ट्रपति सी जिन फिङलाई पत्र लेख्दै धन्यवाद दिएका थिए। तर, चीनबाट ल्याइएको सामग्री बजारमूल्यभन्दा गुणौं महंगो र गुणस्तरको प्रश्न उठेको थियो। स्रोतले दाहालको प्रश्नमा प्रधानमन्त्रीले के जवाफ दिए भन्नेबारे स्पष्ट बताएन।

भेटमा दार्चुलालगायत भारतसँग सीमा जोडिएका क्षेत्रमा रहेका नेपालीहरूको विषयमा छलफल भएको थियो। यस्तै, गाउँघरका किसान, मजदुरलाई राहत तथा व्यवस्थापनको विषयमा छलफल चलेको स्रोतले बतायो।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओली आज साँझ ‘डिस्चार्ज’ हुँदै

प्रधानमन्त्री केपी शर्मा ओली आज साँझ डिस्चार्थ हुने भएका छन्।

त्रिवि शिक्षण अस्पतालका कार्यकारी निर्देशक प्रा.डा. प्रेमकृष्ण खड्काले आज साँझ प्रधानमन्त्री ओलीलाई डिस्चार्ज गरिने बताएका छन्।

ओलीको मिर्गौंला प्रत्यारोपण सफल रुपमा सम्पन्न भएको बताउँदै डा. खड्काले स्वास्थ्यमा कुनै जोखिम नदेखिएकाले डिस्चार्ज गर्न लागिएको बताए।

प्रधानमन्त्री ओली दोस्रो पटक मिर्गौंला प्रत्यारोपणका लागि फागुन १९ गते अस्पताल भर्ना भएका थिए। २१ गते प्रधानमन्त्री ओलीको मिर्गौंला प्रत्यारोपण गरिएको थियो।

प्रधानमन्त्रीलाई मिर्गौंला दान गर्ने भान्जी समिक्षा सङ्ग्रौला भने बुधबार नै डिस्चार्ज भइसकेकी छन्।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको प्रत्यारोपण टिम : कसको कस्तो उपचार अनुभूति ?

हामीसामु अवसरयुक्त चुनौती थियो, आँट गर्‍यौ
डा. उत्तमराज शर्मा
मिर्गौला विभाग प्रमुख, त्रिवि शिक्षण अस्पताल

प्रधानमन्त्रीको सफल प्रत्यारोपणले हामी सक्षम छौँ भन्ने देखाएको छ । सुरुमा हामीकहाँ हुने थाहा पाउँदा म अत्यन्तै हर्षित भएँ । हर्षित यस अर्थमा कि, देशको बहालवाला प्रधानमन्त्रीले हाम्रो अस्पताललाई विश्वास गरेर मिर्गौला प्रत्यारोपण गर्न आउनुभयो । त्यतिवेला म असाध्यै खुसी भएँ ।

त्यति नै वेला मेरो मनमा के पनि लाग्यो भने यो अवसरसँगै चुनौती पनि हो । यो यस अर्थमा अवसरयुक्त चुनौती थियो कि, बहालवाला प्रधानमन्त्री धेरै समयपछि देशमा यत्रो ठूलो अप्रेसन गर्न राजी हुनुभएको छ ।

अस्पतालमा नियमित प्रत्यारोपण गर्दै आएका थियौँ । हरेक बुधबार दुईवटा प्रत्यारोपण गर्दै आएका छौँ । प्रधानमन्त्रीजस्तो व्यक्तिको प्रत्यारोपण गर्दा मानसिक रूपमा केही तनाव त भएकै थियो । यसको अर्थ यो होइन कि हामी प्रिपियर थिएनौँ । तर, हामीले सुरक्षालगायत विभिन्न कोणबाट विचार गर्नुपर्ने हुन्छ, कोअर्डिनेसनमा विचार गर्नुपर्ने हुन्छ । हामी यी कुरामा लागिपर्यौँ ।

हामीले आँट गर्यौँ । हाम्रो देशका नेताले आफ्नै देशमा उपचार गर्न सुरु गर्नुभएको छ । यही देशमा गुणस्तरीय उपचार सेवा दिन हामी सक्षम छौँ । वातावरण वा सपोर्ट गइयो भने हाम्रो मनोबल उच्च हुन जान्छ । हाम्रो स्वास्थ्य प्रणलीसित कुनै न कुनै रूपमा जनताको मनोबल गिरेको थियो । हाम्रा डाक्टरहरूको मनोबल केही घटनाले गिरेको थियो । तर, प्रधानमन्त्रीको पछिल्लो उपचारले त्यसमा केही उत्साह दिएको छ ।

जति प्रिपियर भए पनि केही बिग्रिएला कि भन्ने डर थियो
डा. सुवास आचार्य
क्रिटिकल केयर प्रमुख

प्रधानमन्त्रीको मिर्गौला प्रत्यारोपण हुने जानकारी एक महिनादेखि पाएको थिएँ । उहाँको प्रत्यारोपण हुने मिति तय भयो । त्यसपछि क्रियाशील रूपमा तयारीमा लागिपर्यौँ ।

हाम्रो टिम प्रमुख रूपमा आसियू तथा एनेस्थेसिया टिम पूर्वतयारीमा लाग्यौँ । हाम्रो काम धेरै थियो । अप्रेसन थिएटरदेखि आइसियूको व्यवस्थापनमा जुट्यौँ ।

अप्रेसनको २ दिनअघि २०–२५ वटा मिटिङ बसेर योजनामा जुट्यौँ । देशको प्रधानमन्त्रीजस्तो व्यक्तित्व आफ्नो अस्पतालमा अप्रेसन गर्न आउन लाग्दा गौरवान्वित थियौँ । तर, सँगसँगै हामीमा तनाव पनि उत्तिकै थियो । जति प्रिपियर भए पनि केही बिग्रिएला कि भन्ने डर थियो ।

विश्वले नै हाम्रो काम नियालिरहेकाले दबाब थियो
डा. अनिल श्रेष्ठ
एनेस्थेसिया

हाम्रो प्रधानमन्त्रीले हाम्रै अस्पतालमा अप्रेसन गराउँदै हुनुहुन्छ भन्ने सुन्दा खुसी महसुस भयो । खुसीसँगसँगै दबाब पनि थियो । हामीले गर्नुपर्ने काम के हो, सबै जिम्मेवारी केलाउन र त्यसको तयारीमा जुट्यौँ ।

अप्रेसन थिएटर र आइसियूमा गर्नुपर्ने व्यवस्थाको तयारीमा लाग्यौँ । कुनै–कुनै वेला औषधि सर्टेज भएको पनि हुन सक्छ । हाम्रा यन्त्र–उपकरणले ठिक अवस्थामा काम गरिरहेका छन् कि छैनन्, त्यसको निगरानीमा लाग्यौँ । अप्रसेन थिएटर तथा आइसियूमा इन्फेक्सन (संक्रमण)को जोखिम के–कति छ, त्यसको सम्पूर्ण चेकजाँच गर्यौँ ।

सबै कुरा तयार छन् भन्ने निर्क्योल भएपछि अप्रेसन गर्ने वेला मिर्गौला लिने र दिने दुवैजनाको परीक्षण गर्यौँ । दुवैको स्वास्थ्यस्थिति राम्रो पाएपछि योजनाअनुसार काम सम्पन्न गर्यौँ ।

जहिले पनि एनेस्थेसियाको काममा दबाब बढी नै हुन्छ । बिरामीलाई बेहोस बनाएपछि यसै पनि डाक्टरलाई तनाव हुन्छ । देशले मात्र नभएर विश्वले नै हाम्रो काम नियालिरहेकाले हामीलाई थप प्रेसर भएको थियो ।

अप्रेसन थिएटरदेखि आइसियूसम्म निरन्तर हेरचाह गरिरह्यौँ
कविता देवकोटा
नर्सिङ निर्देशक

प्रधानमन्त्रीले हाम्रो अस्पताललाई विश्वास गरेर अप्रेसनका लागि आउँदा एकदमै खुसी लाग्यो । प्रधानमन्त्रीजस्तो व्यक्तित्वले यहाँ आएर अप्रेसन गर्नु हाम्रा लागि गौरव विषय थियो ।

मसहित नर्सिङ डिपार्टमेन्टमा रहनुभएका नर्स रातदिन खटियौँ । अप्रेसन थिएटर तथा आइसियूमा उहाँको निरन्तर हेरचाह गरिराख्यौँ ।

तयारी धेरै पहिलेदेखि चलिरहेको थियो
डा. जगदीशप्रसाद अग्रवाल
डिन, चिकित्साशास्त्र अध्ययन संस्थान

प्रधानमन्त्रीको शल्यक्रिया त्रिवि शिक्षण अस्पतालमा हुनु गौरवको विषय हो । उपचारमा म प्रत्यक्ष रूपमा संलग्न नभए पनि साक्षी भने छु ।

प्रधानमन्त्रीको यहाँ उपचार हुने जब थाहा पायौँ, त्रिवि शिक्षण अस्पतालका सम्पूर्ण पदाधिकारीले तयारी थालेका थियौँ । धेरै पहिलेदेखि तयारी चलिरहेको थियो । बीचमा धेरै कुरा उठान पनि भए । प्रधानमन्त्री भर्ना हुनुभएको दिन बिहान पनि हामीले उपकुलपतिसहित सम्पूर्ण टिमसँग बसेर छलफल गरेका थियौँ । हामीकहाँ चिकित्सक तथा नर्सिङ टिमको जुन भावना र क्षमता छ, त्यसले सफलता पाउँछौँ भन्ने हामीलाई पूर्ण विश्वास थियो ।

प्रधानमन्त्रीको प्रत्यारोपणपछि खुसीसँगै प्रेसर पनि बढेको छ । किनभने, नेपालमा जस्तो पनि शल्यचिकित्सकीय सेवा दिन सकिन्छ भन्ने विश्वास निर्माण भएको छ । यसले अब हाम्रो भूमिका बढाएको छ । अब सरकारले पनि अस्पतालको विकासका लागि पर्याप्त सहयोग गर्ने आशा लिएका छौँ ।

प्रधानमन्त्री ओली सक्रिय हुन ६ महिनादेखि १ वर्ष लाग्न सक्छ : डा. दिव्या सिंह शाह
प्रधानमन्त्री केपी शर्मा ओलीलाई अझै केही दिन अस्पताल राखिने भएको छ । गत बुधबार दोस्रोपटक मिर्गौला प्रत्यारोपण गराएका ओलीलाई केही दिन अझै अस्पतालमा राखिने उपचारमा संलग्न चिकित्सकले बताएका हुन् । उनको स्वास्थ्यमा भने अपेक्षाकृत सुधार भइरहेको चिकित्सकले बताएका छन् ।

प्रधानमन्त्री ओलीले तुरुन्तै घर जान चाहे पनि परिवारले तयारीका लागि केही दिन समय मागेकाले पनि केही दिन डिस्चार्ज नगरिने निजी चिकित्सक तथा उपचारमा संलग्न डा. दिव्या सिंह शाहले बताइन् । स्वास्थ्यप्रति चिकित्सक पूर्ण विश्वस्त नभएसम्म डिस्चार्ज नगर्ने शाहको भनाइ छ ।

प्रधानमन्त्रीको स्वास्थ्यमा राम्रो सुधार भएको बताउँदै आए पनि अस्पतालले स्वास्थ्य अवस्थाको पूर्ण जानकारी भने दिन सकेको छैन । प्रत्येक दिन अस्पतालले सबै स्वास्थ्य सूचक राम्रो भएको बताउँदै आएको छ । तर, प्रेसर, सुगर, क्रियाटिनको अवस्था के छ, सार्वजनिक गरेको छैन ।

प्रधानमन्त्री ओली पूर्ण रूपमा स्वस्थ र सक्रिय हुन ६ महिनादेखि एक वर्षसम्म लाग्न सक्ने चिकित्सकले बताएका छन् । चिकित्सकका अनुसार प्रधानमन्त्री ओलीले भिडभाडमा जान हुनेछैन, रुघाखोकी वा अन्य संक्रमण भएकाहरूसँग टाढा बस्नुपर्नेछ । उनमा संक्रमणको उच्च जोखिम रहेकाले विशेष सावधानी अपनाउनुपर्ने चिकित्सकको भनाइ छ ।

 

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री पूरै स्वस्थ हुन ६ महिना लाग्न सक्छ : डा. शाह

दोस्रोपटक मिर्गौला प्रत्यारोपण गराएका प्रधानमन्त्री केपी शर्मा ओली पूर्ण रुपमा स्वस्थ हुन ६ महिनासम्म लाग्न सक्ने उपचारमा संलग्न चिकित्सकले जनाएका छन् । प्रधानमन्त्री ओली स्वास्थ्यमा राम्रो सुधार आए पनि अझै केही दिन हेरेर मात्र डिस्चार्ज गरिने चिकित्सकको भनाइ छ । डा. शाह प्रधानमन्त्रीका निजी चिकित्सकसमेत हुन् ।

त्रिवि शिक्षण अस्पतालकी वरिष्ठ मिर्गौलारोग विशेषज्ञ प्रा.डा. दिव्या सिंह शाहले प्रधानमन्त्री ओली पूर्णतः स्वस्थ हुन ६ महिना लाग्न सक्ने बताइन् । स्वास्थ्य अवस्थाबारे नियमित जानकारीका लागि मंगलबार अस्पतालमा आयोजित पत्रकारसम्मेलनमा उनले सक्रिय हुन ६ महिना लागे पनि नियमित काम गर्न भने समस्या नहुने बताइन् ।

‘प्रधनमन्त्री चाँडो डिस्चार्ज हुन चाहनुहुन्छ, स्वास्थ्यमा पनि अपेक्षकृत सुधार छ,’ उनले भनिन्, ‘तर, उहाँको परिवारको इच्छा अझै केही दिन अस्पतालमा राख्ने छ । उहाँहरुले तयारीका लागि पनि समय माग्नुभएको छ ।’

प्रधानमन्त्रीमा संक्रमणको उच्च जोखिम हुने भएकाले चिकित्सकले भिडभाडमा जान सल्लाह दिन नसक्ने डा. शाहले बताइन् । प्रधानमन्त्रीको स्वास्थ्यबारे विश्वस्त नभएसम्म डिस्चार्ज नगरिने उनले जानकारी दिइन् ।

दोस्रोपटकको मिर्गाला प्रत्यारोपणअघि उच्च मनोबल देखाएका ओलीले अस्पताल भर्ना हुनुअघि स्वास्थ्यलाभको कामना गर्नेहरुसित आफू शल्यक्रियाको छैटौँ दिन नियमित काममा फर्किने बताएका थिए । उनले राष्ट्रका नाममा भिडियो सन्देश जारी गर्दै यसपटकको प्रत्यारोपण पहिलोभन्दा पनि सहज हुने विश्वास व्यक्त गरेका थिए । त्यसैअनुरुप स्वास्थ्यमा सुधार आए पनि जोखिम मोल्न भने नसकिने चिकित्सकको भनाइ छ ।

१२ वर्षअघि प्रत्यारोपित मिर्गौलाले काम गर्न छाडेपछि प्रधानमन्त्री ओलीको गत बुधबार त्रिवि शिक्षण अस्पतालमा स्वदेशी चिकित्सक टोलीको नेतृत्वमा दोस्रोपटक प्रत्यारोपण गरिएको थियो ।

डा. शाहले प्रधानमन्त्री ओलीको प्रत्यारोपण तथा त्यसपछिको उपचारमा संलग्न सम्पूर्ण स्वदेशी तथा विदेशी चिकित्सक तथा स्वास्थ्यकर्मी, उपचार गराउने स्वास्थ्यसंस्था तथा शुभेच्छुकहरूलाई धन्यवाद दिएकी छिन् । मंगलबार विज्ञप्ति जारी गर्दै उनले प्रधानमन्त्रीले देश र जनताको हितमा अझ ऊर्जावान् हुँदै कार्यसम्पादन गर्ने विश्वास व्यक्त गरिन् ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको स्वास्थ्य अपडेट : नरम खाना खान थाले

प्रधानमन्त्री केपी शर्मा ओलीको प्रत्यारोपित मिर्गौलाले सामान्य रुपमा काम गर्न थालेको छ । बिहीबार अस्पतालले प्रधानमन्त्रीको स्वास्थ्यमा  अपेक्षाकृत सुधार देखिएको जानकारी दिएको हो ।

प्रधानमन्त्रीको ओलीको सबै भाइटल तथा ल्याब सूचक सामान्य अवस्थामा रहेको अस्पतालका निर्देशक डा. प्रेम खड्गाले बताए । ‘उहाँलाई आजदेखि तरलपदार्थ तथा नरम आहार दिन सुरु गरिएको छ,’ डा. खड्गाले भने, ‘उहाँको स्वास्थ्यमा अपेक्षाकृत रुपमा सुधार भइरहेको छ ।’

अस्पतालका अनुसार ओलीलाई मिर्गौलादान गर्ने समीक्षा संग्रौलाको पनि स्वास्थ्य अवस्था सामान्य अवस्थामा रहेको र उनलाई पनि तरलपदार्थ र नरम आहार दिन सुरु गरिएको छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री केपी शर्मा ओली अप्रेसन थिएटरमा

मिर्गौला प्रत्यारोपणका लागि प्रधानमन्त्री केपी शर्मा ओलीलाई अप्रेसन थिएटरमा लगिएको छ। त्रिवि शिक्षण अस्पतालका निर्देशक प्रा.डा. प्रेमकृष्ण खड्गाले अस्पताल परिसरमा भेला भएर पत्रकारलाई जानकारी दिएका हुन्। प्रधानमन्त्रीको ९ बजे नै अप्रेशन थिएटरमा लैजाने तयारी भए पनि केहि रिर्पोट आउन बाँकी रहेको कारण ढिला भएको खड्गाले जानकरी दिए ।

ओलीलाई भान्जीको रुपमा अगाडी सारिएकी मिर्गौलादता ३२ वर्षीया समीक्षा संग्रौला ज्ञवालीले मिर्गौला दिँदैछिन् ।  मिर्गौला प्रत्यारोपणको अस्पतालमा नियमित प्रत्यारोपण गर्दै आएका विशेषज्ञको टोली खटिनेछन् । टोलीको नेतृत्व डा.प्रेम ज्ञवालीले गर्नेछन् । डा.ज्ञवाली नेतृत्वको टोलीमा डा. उत्तम शर्मा, डा. पवन चालिसे, डा. सुमन चापागाईं, डा. भोजराज लुइँटेल र डा. सुजित पौडेल रहनेछन् । शल्यक्रिया टोलीको पर्यवेक्षकका रूपमा एपोलो अस्पतालमा पहिलोपटक ओलीको मिर्गौला प्रत्यारोपण गर्ने हाल म्याक्स अस्पतालमा कार्यरत सर्जन डा. अनन्तकुमार रहनेछन् ।

ट्रान्सप्लान्ट फिजिसियन डा. दिव्यासिंह साहको नेतृत्वमा डा.महेश सिग्देल, डा. मुकुन्द काफ्ले, डा. रविन नेपाल र डा. मिदान्त रहनेछन् । फिजिसियन टोलीको सहयोगका लागि पनि भारतबाट एकजना चिकित्सक बोलाइएको छ। शल्यक्रियाका लागि बेहोस बनाउने, शल्यक्रिया अवधिभर मुटु, फोक्सोको काम सन्तुलिन राख्ने र नर्मल अवस्थामा फर्काउने एनेस्थेसियासँगै पोस्टअपरेटिभ केयर आइसियु प्रमुख डा. सुवास आचार्य र एनेस्थेसिया विभाग प्रमुख डा अनिल श्रेष्ठले हेर्ने तय भएको छ । चिकित्सबाहेक प्रत्यारोपणमा तालिमप्राप्त नर्स र स्वास्थ्यकर्मी पनि सँगै हुनेछन् ।प्रधानमन्त्री ओलीको दोस्रो पटक मिर्गौला प्रत्यारोपण गर्न लागिएको हो । यसअघि उनको १२ वर्षपहिले भारतमा मिर्गौला प्रत्यारोपण गरिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको हाइप्रोफाइल ट्रान्सप्लान्ट : ८ सर्जन, ५ फिजिसियन, २ क्रिटिकल केयर विशेषज्ञ

शल्यक्रिया बुधबार बिहान ९ बजेदेखि, कम्तीमा ५ घण्टा लाग्ने, यस्तो छ तयारी

प्रधानमन्त्री केपी शर्मा ओलीले आइतबार नेकपा सचिवालय बैठकमा दोस्रोपटक मिर्गौला प्रत्यारोपणको मिति र योजना सुनाए। सचिवालयभित्रै अल्पमतमा परेको अवस्थामा ओलीले यस्तो निर्णय सुनाउनु अप्रत्याशित थियो। सोमबार नै अस्पताल भर्ना भइहाल्लान् भन्ने अनुमान पनि थिएन। यतिसम्म कि त्रिवि शिक्षण अस्पतालका प्रत्यारोपण सर्जनसमेत यसबारे बेखबर थिए।

नेताहरूलाई जानकारी दिइसकेपछि ओली अस्पताल भर्ना हुनुअघि तत्कालका काम निप्ट्याउनतर्फ लागे। उता, अस्पताल प्रशासन र चिकित्सक टोलीलाई शल्यक्रिया तयारीको चटारो लाग्यो। आइतबार बिहानको घोषणापछि सोमबार साँझको भर्नाअघि ओलीको व्यस्तता टिठलाग्दो थियो। उनले सोमबार बिहानदेखि अस्पताल भर्ना हुने समय चारपटक सारे। मुलुकका कार्यकारी प्रमुखको अत्यन्त संवेदनशील उपचारमा अपेक्षाकृत योजनाबद्धताको संकेत ओलीको दोस्रो मिर्गौला प्रत्यारोपणको हकमा पटक्कै देखापरेन।

नेपाली चिकित्सकका लागि परीक्षा

प्रधानमन्त्री ओली प्रत्यारोपणका लागि विदेशको सुविधासम्पन्न अस्पतालमा जान्छन् भन्ने अनुमान प्रबल थियो। यसअघि सामान्य एलर्जीदेखि जटिल संक्रमणसम्मको उपचारमा बैंकक, सिंगापुर हानिएका ओली प्रत्यारोपण भने स्वदेशमै गराउन तयार भए, जुन चिकित्सकका लागि समेत आश्चर्यका रूपमा रहन पुग्यो।

‘मिर्गौला प्रत्यारोपणमा हामीले रचेको सफलताका कारण सरकारप्रमुखबाट पत्याइएका हौँ,’ प्रत्यारोपण टोलीका नेतृत्वकर्ता युरोसर्जन डा. प्रेम ज्ञवालीले भने, ‘यो हाम्रो पनि परीक्षा हो, आफूलाई प्रमाणित गर्ने अवसर हो।’

देशका कार्यकारी प्रमुखको स्वास्थ्यलाई लिएर राष्ट्रिय-अन्तर्राष्ट्रिय रूपमा सरोकार भएजस्तै चिकित्सक टोलीले पनि शल्यक्रियाका लागि तयारी पूर्ण गरिसकेको छ। सोमबार साँझ अस्पताल भर्ना गरिएका ओलीको घण्टा–घण्टामा स्वास्थ्यजाँच गरिनेछ। प्रत्यारोपणका लागि छिन–छिनको स्वास्थ्यअवस्थाको नजिकबाट ‘मोनिटर’ गर्नुपर्छ।

‘उहाँको मुटु र फोक्सो तपाईं–हाम्रो भन्दा पनि राम्रो छ,’ डा. ज्ञवालीले भने, ‘सबै कुरा राम्रो हुन्छ भन्ने हामीलाई पूर्ण विश्वास छ।’

९८ प्रतिशतमा सफलता

२४ साउन ०६५ मा नेपालमै पहिलोपटक मिर्गौला प्रत्यारोपण सफल भएपछिका ११ वर्षमा त्रिवि शिक्षण अस्पतालमा मात्रै ७०० हाराहारीमा प्र्रत्यारोपण भए। कुल प्रत्यारोपणको ९८ प्रतिशतमा सफलता प्राप्त गरेको सेन्टरको विशेषज्ञ टोलीले पक्कै पनि मुलुकका कार्यकारी प्रमुखको प्रत्यारोपण सफल बनाउने विषयलाई संस्थाप्रतिको भरोसासँगै आफूलाई प्रमाणित गर्ने अवसरका रूपमा पनि लिएको छ।

सोमबार अस्पताल भर्ना गरेसँगै प्रत्यारोपण गरिने मिर्गौलालाई शरीरले ‘रिजेक्ट’ नगरोस् भन्नका लागि चिकित्सकले ‘इम्युनोसप्रेसिभ’ औषधि दिन सुरु गरिसकेका छन्। चिकित्सकका अनुसार कुनै आकस्मिक संक्रमण आइनपरेमा बुधबार प्रत्यारोपण गर्नुअघि एकपटक डायलाइसिस गरेर शरीरमा विकास भएको ‘एन्टिबडी’ फालिनेछ।

बुधबार बिहान ९ बजे भान्जीका रूपमा अगाडि सारिएकी मिर्गौलादाता ३२ वर्षीया समीक्षा संग्रौला ज्ञवालीको शल्यक्रियामार्फत मिर्गौला निकालेर संरक्षण गरेपछि बल्ल ओलीको शल्यक्रिया सुरु हुनेछ। कम्तीमा २ बजेभित्र शल्यक्रिया पूरा गरेर पोस्टअपरेटिभ वार्डमा सार्न सकिन्छ भन्ने विश्वास चिकित्सकले लिएका छन्।

ओलीको शरीरमा पहिलोपटक २०६४ साउनमा भारतको एपोलो अस्पतालमा प्र्रत्यारोपण गरिएको मिर्गौला दाहिनेतर्फ छ। त्यसैले दोस्रो प्रत्यारोपण गर्दा मिर्गौला देब्रेतर्फ राखिनेछ। चिकित्सकका अनुसार दोस्रो प्रत्यारोपण तुलनात्मक रूपमा बढी जोखिमपूर्ण हुने भए पनि ओलीमा रहेको आत्मविश्वास, अन्य महत्त्वपूर्ण अंगको अवस्थालगायत कारणले प्रत्यारोपण गर्ने निर्णय लिइएको हो। यद्यपि, आजीवन डायलाइसिसको विकल्पमा पनि ओलीको सक्रियतामा कमी आएको थिएन।

हाइप्रोफाइल टिम ट्रान्सप्लान्ट : ८ सर्जन, ५ फिजिसियन, २ क्रिटिकल केयर विशेषज्ञ

समीक्षाको मिर्गौला निकालेर ओलीमा प्रत्यारोपण गर्ने शल्यक्रिया एकै चरणमा हुनेछ। यसका लागि अस्पतालमा नियमित प्र्रत्यारोपण गर्दै आएका विशेषज्ञको टोली खटिनेछ। टोलीको नेतृत्व डा. ज्ञवालीले गर्नेछन्। डा. ज्ञवाली नेतृत्वको टोलीमा डा. उत्तम शर्मा, डा. पवन चालिसे, डा. सुमन चापागाईं, डा. भोजराज लुइँटेल र डा. सुजित पौडेल रहनेछन्। शल्यक्रिया टोलीको पर्यवेक्षकका रूपमा एपोलो अस्पतालमा पहिलोपटक ओलीको मिर्गौला प्रत्यारोपण गर्ने हाल म्याक्स अस्पतालमा कार्यरत सर्जन डा. अनन्तकुमार रहनेछन्।

ट्रान्सप्लान्ट फिजिसियन डा. दिव्यासिंह साहको नेतृत्वमा डा. महेश सिग्देल, डा. मुकुन्द काफ्ले, डा. रविन नेपाल र डा. मिदान्त रहनेछन्। फिजिसियन टोलीको सहयोगका लागि पनि भारतबाट एकजना चिकित्सक बोलाइएको छ। शल्यक्रियाका लागि बेहोस बनाउने, शल्यक्रिया अवधिभर मुटु, फोक्सोको काम सन्तुलिन राख्ने र नर्मल अवस्थामा फर्काउने एनेस्थेसियासँगै पोस्टअपरेटिभ केयर आइसियु प्रमुख डा. सुवास आचार्य र एनेस्थेसिया विभाग प्रमुख डा. अनिल श्रेष्ठले हेर्ने तय भएको छ। चिकित्सबाहेक प्रत्यारोपणमा तालिमप्राप्त नर्स र स्वास्थ्यकर्मी पनि सँगै हुनेछन्।

तीबाहेक शल्यक्रिया वा त्यसपछिका अवस्थामा आवश्यक पर्न सक्ने, मुटु, फोक्सोलगायतका विशेषज्ञ पनि तयारी अवस्थामा रहने भए पनि शल्यकक्षमै भने रहनेछैनन्। चिकित्सकका अनुसार परीक्षण रिपोर्टका आधारमा विशेषज्ञ समूहको समन्वयात्मक बैठक भए पनि बाह्य चिकित्सकको भूमिका, कानुनी पाटोबारे चिकित्सकलाई समेत सेयर गरिएको छैन।

जोखिम अवस्था

सुविधासम्पन्न सेन्टरमा अनुभवी टिम संलग्न हुँदा शल्यक्रियामा ठूलो जोखिम नरहने चिकित्सकको विश्वास छ। ७ सयभन्दा बढी शल्यक्रिया गरिसकेका नेपाली चिकित्सकलाई आवश्यक सहयोगका लागि प्रत्यारोपणमै ३५ वर्ष लामो अनुभव बटुलेका भारतीय चिकित्सक अनन्तकुमार रहनेछन्। त्रिवि शिक्षण अस्पतालकै टोलीले पनि यसअघि सातजनामा दोस्रोपटक सफल प्रत्यारोपण गरिसकेको छ। ७३ वर्षका व्यक्तिमा समेत सफल प्रत्यारोपण गरिसकेकाले प्रधानमन्त्रीको उमेर खासै समस्या नहुने डा. ज्ञवाली बताउँछन्।

चिकित्सकका अनुसार प्रत्यारोपित मिर्गौलालाई शरीरले ‘रिजेक्सन’ गर्छ कि गर्दैन भन्ने नै जोखिमको महत्त्वपूर्ण पाटो हो। पहिलोपटक प्रत्यारोपण गरिएको मिर्गौलालाई शरीरले एन्टिबडी निष्कासन गरेर अस्वीकृत गरिसकेको र बीचमा त्यसलाई सफा गर्न प्लाज्माफेरेसिससमेत गरिएको हुँदा चिकित्सकहरू सबैभन्दा बढी यो तथ्यसँग सचेत र सावधान रहनेछन्।

‘अनुभवी सर्जनले गर्ने शल्यक्रियामा त्यति शंका रहन्न, तर उहाँकै शरीरले नयाँ मिर्गौलालाई कसरी लिन्छ र शल्यक्रियापछि कुनै संक्रमण नहोस् भन्ने कुराले सफलतामा अर्थ राख्छ,’ अस्पतालका एक वरिष्ठ चिकित्सकले भने।

सफल शल्यक्रियापछि पनि नयाँ अंगको कार्य सन्तुलिन राख्न इम्युनोसप्रेसिभ औषधि खुवाउनुपर्छ। यो औषधि सुरुका केही वर्ष बढी दिनुपर्छ र बिस्तारै मात्रा घटाउँदै लानुपर्छ।

ओली स्वास्थ्यको उतार–चढाव

लामो समय जेलजीवन बिताएका ओलीले क्षयरोगदेखि मिर्गौला फेलसम्मका स्वास्थ्यसमस्या झेल्दै आएका छन्। यसबीचमा उनले प्रत्यारोपण मात्र नभएर जोखिमपूर्ण मानिने फंगल्स इन्फेक्सन, एपेन्डिसाइटिस र प्यारिटोनाइटिसलाई समेत जितिसकेका छन्। निरन्तरको प्रतिकूल स्वास्थ्यले उनलाई निकै सचेत बनाएको छ। प्रत्यारोपणपछिको नियमित जाँच र खानपानको सन्तुलनले ०६४ साउनमा एपोलोमा प्रत्यारोपित मिर्गौलालाई ओलीले झन्डै १२ वर्ष टिकाइराखे।

तर, गत भादौमा प्रत्यारोपित मिर्गौलामा समस्या देखिएपछि ओलीको ८ भदौमा सिंगापुरको नेसनल युनिभर्सिटी अस्पतालमा प्लाज्मा फेरेसिस गरियो। करिब एक साता लगाएर शरीरबाट एन्टिबडी हटाउने उपचारपछि उनी २० भदौमा स्वदेश फर्किए। तर, प्लाज्मा फेरेसिसले मिर्गौलाको अवस्था सुधार गर्न नसकेपछि प्रत्यारोपणको तयारी चलुन्जेल नियमित डायलाइसिस गराइरहेका ओलीले १० मंसिरमा एपेन्डिसाइटिस र प्यारिटोनाइटिसको सामना गर्नुपर्यो। एपेन्डिसाइटिस र प्यारिटोनाइटिसको सफल उपचारपछि उनले साताको दुईपटक डायलाइसिस गर्दै आएका थिए। जस्तोसुकै स्वास्थ्य समस्यालाई उपचारसँगै आत्मबलले जित्दै आएका ओलीमाथि यसपटक पनि चिकित्सकहरूले ठूलै भरोसा गरेका छन्। उपलब्ध सीप, प्रविधि र अनुभवसँगै ओलीको दृढ आत्मविश्वासले शल्यक्रियामा सफलता मिल्नेमा चिकित्सकको भरोसा छ।

नेपालमै प्रत्यारोपण स्वागतयोग्य : एनएमए
चिकित्सकहरूको छाता संगठन नेपाल चिकित्सक संघ (एनएमए)ले प्रधानमन्त्री ओलीको स्वदेशमै उपचार गराउने निर्णयको स्वागत र सम्मान गरेको छ। एनएमएले मंगलबार विज्ञप्तिमार्फत प्रधानमन्त्री ओलीको मिर्गौला प्रत्यारोपणको सफलता र शीघ्र स्वास्थ्यलाभको कामनासमेत गरेको हो।

स्वदेशी चिकित्सक र स्वास्थ्यकर्मीको क्षमताप्रति प्रधानमन्त्रीले देखाएको विश्वासको नेपालका सबै उच्च ओहदामा रहेका व्यक्तिहरूले अनुसरण गर्नुपर्ने एनएमएको आग्रह छ। प्रधानमन्त्रीले स्वदेशमै महत्त्वपूर्ण उपचार गराएर ०७२ को महाभूकम्पको समयमा नेपाली जनताले स्वदेशी चिकित्सक तथा स्वास्थ्यकर्मीको क्षमतामाथि देखाएको विश्वासलाई निरन्तरता दिएको एनएमएको भनाइ छ।

  • ताजा समाचार
  • जनप्रिय

हेल्थपोष्ट टुइट्स सबै

‘थप ऊर्जा र आत्मविश्वास लिएर छिटै काममा फर्किनेछु’

मेरो सिंगो जीवन कुनै न कुनै प्रकारको संघर्षमा बित्दै आएको छ । कहिले निरंकुशताविरुद्ध लोकतन्त्रका लागि संघर्ष, कहिले राष्ट्रहित र स्वाभिमानका लागि संघर्ष त कहिले देशमा स्थायित्व तथा स्थायित्व नचाहनेहरूसँगको संघर्ष । मुलुकमा व्याप्त यस प्रकारका समस्याहरूसँग निरन्तर जुध्ने क्रममा शरीरभित्र सिर्जित रोगसँग लड्न बाध्य भएको सबैलाई थाहा छ ।

आजभन्दा १२ वर्षअघि दुवै मिर्गौलाले काम गर्न छाडेपछि २०६४ साउनमा मिर्गौला प्रत्यारोपण गराएको थिएँ । त्यसवेला नेपालमा प्रत्यारोपणको सुविधा थिएन । पर्सि फागुन २१ गते बुधबार मैले फेरि मिर्गौला प्रत्यारोण गराउँदै छु, जसको पूर्वतयारीका लागि आजै शिक्षण अस्पताल महाराजगन्जमा भर्ना हुँदै छु ।

विज्ञान, आधुनिक प्रविधि, ज्ञान र सीपले मिर्गौला प्रत्यारोपण अहिले पहिलेजस्तो जटिल मानिँदैन । यसपटकको मिर्गौला प्रत्यारोपण तुलनात्मक रूपले सजिलो हुने विश्वास लिएको छु । त्यसमाथि आफ्नै मुलुकमा आफ्नै देशका अनुभवी चिकित्सकहरूद्वारा प्रत्यारोपण गराउने अवसर प्राप्त हुँदा म गर्व गर्छु र अत्यन्तै खुसी छु ।

आशाको दियो बलिरह्यो भने शान्ति, प्रेम र विश्वासको जग मजबुत बनाउन सकिन्छ । कुनै समय मूर्छित रहेका हाम्रा सपनालाई हामी सबै मिलेर ब्युँझाएका छौँ । त्यसलाई ब्युँताउनका लागि गत निर्वाचनमा मेरो नेतृत्वको वरिपरि तपाईंहरू सबैले आफूलाई उभ्याउनुभयो ।

यस वर्षलाई हामीले समृद्धिको आरम्भ वर्ष भनेका छौँ । जसरी खेलको बीचमा राम्रो खेलाडीले मैदान छोड्दैन, त्यसैगरी हाम्रा भर्खर जागृत हुँदै गरेका सपनालाई बीचमा अलपत्र पारेर म पनि अलप हुन्नँ ।

संसारमा कोही पनि अजम्बरी छैन । मेरो यो संकल्प पनि अजम्बरी बन्न होइन, हाम्रा जागृत हुँदै गरेका सपनालाई साकार पार्नका लागि हो भन्ने यहाँहरूले बुझ्नुभएको छ ।

म पुनः एकपटक आग्रह गर्दछु, मेरो स्वास्थ्यलाई लिएर यहाँहरू ढुक्क रहनुस् । हामीले देखेको ‘समृद्ध नेपाल, सुखी नेपाली’को राष्ट्रिय आकांक्षा पूरा गर्न केही दिनको अस्पताल बसाइ र आरामपछि थप ऊर्जा र आत्मविश्वास लिएर म काममा फर्किनेछु । यसबीचमा सरकारका तर्फबाट गर्नुपर्ने काम नियमित रूपमा अघि बढ्नेछन् ।

विश्वलाई नै पिरोलिरहेको कोरोना भाइरसका कारण सिर्जित भएको नयाँ समस्या, भैपरिआउने कुनै पनि विषय, त्यसलाई प्रभावकारी ढंगले कार्यान्वयन गर्न परेको समयमा आवश्यक निर्णय लिन सक्ने संयन्त्र र अन्य व्यवस्था मिलाएको छु ।

मेरो अस्पताल बसाइको समयमा पार्टी र संसद् दुवैतिर आवश्यक कार्यसम्पादन गर्न जिम्मेवार नेता–कार्यकर्ता सांसदहरू र लाखौँ पार्टी सदस्यहरू निरन्तर क्रियाशील हुनेमा विश्वस्त छु ।

मेरो शीघ्र स्वास्थ्यलाभको कामना गर्नुहुने स्वदेश तथा विदेशमा रहनुभएका सम्पूर्ण मित्रहरूमा हार्दिक धन्यवाद ज्ञापन गर्न चाहन्छु । धन्यवाद !

  • ताजा समाचार
  • जनप्रिय

हेल्थपोष्ट टुइट्स सबै

बीचमै अलप नहुने संकल्पसहित प्रधानमन्त्री ओली अस्पताल भर्ना

प्रधानमन्त्री केपी शर्मा ओली मिर्गौला प्रत्यारोपणका लागि अस्पताल भर्ना भएका छन् । महाराजगन्जस्थित त्रिवि शिक्षण अस्पतालमा दोस्रोपटक मिर्गौला प्रत्यारोपणका लागि प्रधानमन्त्री ओली सोमबार साँझ भर्ना भएका हुन् ।

अस्पताल भर्ना हुनुअघि उनले राष्ट्रका नाममा भिडियो सन्देश जारी गरे । भिडियो सन्देशमा उनले जनताका सपनालाई बीचमै अलप पारेर आफू अलप नहुने बताएका छन् ।

प्रधानमन्त्री ओली उच्च आत्मबलका साथ अस्पताल भर्ना भएका छन् । उनले आफ्नो स्वास्थ्यबारे ढुक्क हुन जनतालाई अपिल गरेका छन् । उपचारपछि अहिलेभन्दा बढी ऊर्जा र आत्मविश्वासका साथ अस्पतालबाट फर्किने उनको विश्वास छ । प्रधानमन्त्री ओलीले आफ्नो आत्मविश्वास अजम्बरी हुनका लागि नभई जनतामा जागृत सपना साकार पर्नका लागि भएको बताए ।

पहिलो प्रत्यारोपणका वेला (२०६४ साउनमा) नेपालमा मिर्गौला प्रत्यारोपणको सुविधा नभएकाले भारतमा गएर गरेको बताउँदै प्रधानमन्त्री ओलीले यसपटक स्वदेशमै प्रत्यारोपण गराउन पउँदा खुसी व्यक्त गरेका छन् ।

विज्ञान, आधुनिक प्रविधि, ज्ञान र सीपले मिर्गौला प्रत्यारोपण अहिले पहिलेजस्तो जटिल नमानिने उनले बताए । यसपटकको प्रत्यारोपण त्यसैले पनि तुलनात्मक रूपमा सजिलो हुने विश्वास उनले व्यक्त गरे ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको कोलोनोस्कोपी गरियो, मृगौला प्रत्यारोपणको तयारी

मृगौला प्रत्यारोपणको तयारीमा रहेका प्रधानमन्त्री केपी ओलीको आइतबार कोलोनोस्कोपी गरिएको छ।

ग्य्राण्डी अस्पतालमा आइतबार बिहान उनको कोलोनोस्कोपी गरिएको हो।

कुनै पनि ठूलो अप्रेशन गर्नका लागि कोलोनोस्कोपी गरिन्छ।

यसअघि उनको एन्जिओग्राफी पनि गरिएको थियो।

यही साता प्रधानमन्त्री ओलीको मृगौला प्रत्यारोपण गर्ने तयारी भएको छ।

आइतबार बसेको नेकपाको सचिबालय बैठकमा उनले आफ्नो स्वास्थ्य अवस्थाको बारेमा जानकारी दिएका थिए। उनले त्रिबिकाे शिक्षण अस्पताल महाराजगन्जमा मृगाैला प्रत्याराेपणकाे तयारी भइरहेकाे बतए।

उक्त बैठकमा प्रधानमन्त्री ओलीले आगामी बुधबार मृगौला प्रत्यारोपण गरिने जानकारी दिए पनि चिकित्सक टोलीको निर्णय भने भइसकेको छैन।

स्रोतका अनुसार आज साँझ नै प्रधानमन्त्री ओलीसँग चिकित्सकहरुको उच्चस्तरीय बैठक बस्नेछ र, सोही बैठकले मृगौला प्रत्योरपणको मिति पनि तय गर्नेछ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीलाई मुटुमा समस्या, एन्जियोग्राफी गरियो

प्रधानमन्त्री केपी शर्मा ओलीको मुटुमा समस्या देखा परेको छ । मुटुको समस्या बढेपछि महाराजगञ्जस्थित मनमोहन कार्डियोथाेरासिक भास्कुलर तथा ट्रान्सप्लान्ट सेन्टरमा उपचार भइरहेको छ ।

‘उहाँको मुटुको एन्जियोग्राफी गरिएको छ । यो सामान्य अवस्था हो,’ अस्पताल स्रोतले बतायो । उपचार प्रक्रिया अगाडि बढाएको अस्पताल स्रोतकाे भनाइ छ । प्रधानमन्त्री मंगलबार बिहानैदेखि व्यस्त थिए । बिहान चिकित्सा शिक्षा आयोगको बैठक थियो । त्यहाँ उनले ३ घण्टा बिताएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

कोरोनाभाइरस संक्रमितको उपचार र नियन्त्रणका लागि प्रधानमन्त्रीको निर्देशन

कोरोना भाइरस संक्रिमितको उपचार र सजकताका लागि तयारीमा जुट्न प्रधानमन्त्री केपी शर्मा ओलीले निर्देशन दिएका छन्। स्वास्थ्य तथा जनसंख्या मन्त्री भानुभक्त ढकाल र स्वास्थ्य सचिब खगराज बराललाई प्रधानमन्त्रीले निर्देशन दिएका हुन्।

आफ्नै निवास बालुवाटरमा बोलाएर प्रधानमन्त्रीले आवश्यक सजगकता अपनाउन र संक्रिमितहरुको उपचारका लागि सम्पूर्ण तयारी पूरा गर्न निर्देशन दिए।मन्त्री र सचिबले प्रधानमन्त्रीलाई नेपालमा कोरोना भाइरसको संक्रमण र त्यसको नियन्त्रणको तयारीबारे जानकारी गराएका थिए। चीनमा अनियन्त्रित भइसकेको कोरोना भाइरसले ५६ जनाको ज्यान लिइसकेको छ।

त्यो भाइरसका कारण चीनमा २ हजार भन्दा धेरै मानिस संक्रमित भइसकेका छन्। नेपालमा पनि चीनबाट फर्किएका एकजना युवालाई उक्त भाइरसको संक्रमणको पुष्टि भएको छ। चीनबाट फर्किएका थप दुईजनालाई संक्रमणको आशंकामा उपचार निगरानीमा राखिएको छ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको डायलाइसिस जारी

प्रधानमन्त्री केपी शर्मा ओली नियमित डायलाइसिसका लागि अस्पताल पुगेका छन् । शुक्रबार दिउँसो नियमित स्वास्थ्यपरीक्षणका लागि भन्दै त्रिवि शिक्षण अस्पतालअन्तर्गतको मनमोहन कार्डियोथोरासिक भास्कुलर एन्ड ट्रान्सप्लान्ट सेन्टर पुगेका प्रधानमन्त्री ओलीको यतिवेला डायलाइसिस भइरहेको स्रोतले जनाएको छ ।

१२ वर्षअघि प्रत्यारोपित मिर्गौलाले काम गर्न छोडेपछि प्रधानमन्त्री ओली केही महिनादेखि नियमित डालाइसिसमा छन् । केही साताअघि एपेन्डिसाइटिस कुहिएर पेटमा संक्रमण फैलिएका कारण उनको मनमोहन सेन्टरमै आकस्मिक शल्यक्रिया गरिएको थियो । शल्यक्रियापछि प्रधानमन्त्री ओलीको ९ दिनसम्म आइसियूमा राखेर उपचार गरिएको थियो ।

प्रत्यारोपित मिर्गौलाले काम गर्न छाडेपछि पुनः प्रत्यारोपण वा नियमित डायलाइसिस मात्र विकल्प रहेका प्रधानमन्त्री ओलीले यसबीचमा दर्जनौँपटक डायलाइसिस गराइसकेका छन् । यद्यपि, पुनः प्रत्यारोपण गर्नु उपयुक्त हुने सुझाब उपचारमा संलग्न चिकित्सकहरुले दिँदै आएका छन् । स्वास्थ्यअवस्था हेरेर उपयुक्त समयमा पुनः प्रत्यारोपण गरिने चिकित्सकको भनाइ छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको त्रिवि शिक्षणमा डायलाइसिस

प्रधानमन्त्री केपी शर्मा ओलीलाई नियमित डायलासिसका लागि महाराजगञ्जस्थित मनमोहन कार्डियो थोरासिक भास्कुलर सेन्टरमा लगिएको छ । प्रधानमन्त्रीका प्रेस सल्लाहकार सूर्य थापाका अनुसार ओली नियमित डायलासिसका लागि विहीबार अस्पताल गएका हुन् ।

मिर्गौलाको कार्यक्षमतामा ह्रास आएपछि प्रधानमन्त्रत्ती ओलीको नियमित डायलासिस गरिदै आएको छ । १२ वर्षअघि प्रत्यारोपित मिर्गौलाले राम्ररी काम गर्न छोडेका कारण शरीरमा क्रियटाइनको मात्रा बढेपछि प्रधानमन्त्री ओलीको १३ कात्तिकमा पहिलोपटक डायलाइसिस गरिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओली अस्पतालमा, नियमित डायलाइसिसपछि केही घण्टामै फर्किनुहुन्छ : प्रेस सल्लाहकार

फाइल तस्बिर

प्रधानमन्त्री केपी शर्मा ओली स्वास्थ्योपचारका लागि अस्पताल पुगेका छन् । साँझ त्रिवि शिक्षण अस्पतालअन्तर्गत मनमोहन कार्डियोथोरासिक भास्कुलर एन्ड ट्रान्सप्लान्ट सेन्टर पुगेका प्रधानमन्त्री ओली नियमित डायलाइसिसपछि मंगलबार राति नै निवासमा फर्किने प्रेस सल्लाहकार सूर्य थापाले बताएका छन् । १२ वर्षअघि प्रत्यारोपित मिर्गौलाले काम गर्न छोडेपछि प्रधानमन्त्री ओली केही महिनादेखि नियमित डायलाइसिसमा छन् ।

१० मंसिरमा एपेन्डिसाइटिस कुहिएर पेटभर संक्रमण फैलिएपछि प्रधानमन्त्री ओलीको मनमोहन सेन्टरमै अकस्मिक शल्यक्रिया गरिएको थियो । परम्परागत चिरफार विधिबाट शल्यक्रिया गरिएपछि ९ दिनसम्म आइसियूमा रही उपचार गराएका प्रधानमन्त्री ओली १०औँ दिन गत बिहीबार डिस्चार्ज भएका थिए । त्यतिवेलाको आइसियू बसाइमा पनि प्रधानमन्त्री ओलीको दिनहुँजसो डायलाइसिस गराइएको थियो । डिस्चार्जका क्रममा चिकित्सकले उनलाई केही दिन आराम गर्न सुझाब दिएका थिए ।

नियमित डायलाइसिस वा पुनः प्रत्यारोपणको मात्र विकल्प बाँकी रहँदा प्रधानमन्त्री ओली र चिकित्सक टोली दुवै पुनः प्रत्यारोपण गराउने निष्कर्षमा पुगेको बताइएको छ । यद्यपि, आकस्मिक रूपमा आइपरेको एपेन्डिसाइटिस तथा संक्रमणका कारण प्रत्यारोपणको निर्क्योल भने भइसकेको छैन । चिकित्सकको सल्लाहबमोजिम उपयुक्त समयमा प्रत्यारोपण गरिने र त्यसवेलासम्म डायलाइसिसलाई निरन्तरता दिने सत्तारूढ नेपाल कम्युनिस्ट पार्टी ९नेकपा०ले समेत बताइसकेको छ ।

९ मंसिरको मध्यराति १ बजेबाट पेटको दुखाइ महसुस गरेका प्रधानमन्त्री ओलीलाई ७ घण्टापछि बिहान ८ बजेपछि मात्र अस्पताल लगिएको थियो । त्रिवि शिक्षण अस्पतालअन्तर्गत मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएका प्रधानमन्त्री ओलीको आकस्मिक शल्यक्रिया गरिएको थियो । करिब ४५ मिनेटको स्वास्थ्यपरीक्षणपछि नै चिकित्सकहरू आकस्मिक अप्रेसन गर्ने निर्णयमा पुगेका थिए । एपेन्डिसाइटिस कुहिएको र त्यसबाट सुरु भएको संक्रमण पेटभर फैलिसकेकाले तत्कालै अप्रेसन गरिएको थियो ।

प्रा।डा। रमेशसिंह भण्डारी नेतृत्वको विशेषज्ञ चिकित्सक सम्मिलित टोलीले प्रधानमन्त्री ओलीको परम्परागत विधिबाट पेट चिरेर अप्रेसन गरेको थियो । संक्रमण एपेन्डिसाइटिसमा मात्र नभएर पूरै पेटभर फैलिसकेकाले त्यसलाई सफा गर्न आधुनिक ९ल्याप्रोस्कोपिक० विधिबाट सम्भव नभएकाले हातले चिरेर अप्रेसन गरिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओली १० दिनको उपचारपछि डिस्चार्ज, केही दिन आराम गर्न चिकित्सकको सुझाब

प्रधानमन्त्री केपी शर्मा ओली १० दिनको अस्पताल बसाइपछि बिहीबार डिस्चार्ज भएका छन् । १० मंसिरमा पेटको दुखाइ लिएर अस्पताल भर्ना भएका प्रधानमन्त्री ओलीको त्यसै दिन एपेन्डिसाइटिस र त्यसबाट फैलिएको संक्रमणका कारण पेटको अप्रेसन गरिएको थियो । १० दिनको उपचारपछि प्रधानमन्त्री ओलीको स्वास्थ्यलाभ भएको भन्दै अस्पतालले उनलाई बिहीबार अपराह्न ४ बजे डिस्चार्ज गरेको हो । यद्यपि, अस्पतालले उनलाई केही दिन आराम गर्न सुझाएको छ ।

९ मंसिरको मध्यराति १ बजेबाट पेटको दुखाइ महसुस गरेका प्रधानमन्त्री ओलीलाई ७ घण्टापछि बिहान ८ बजेपछि मात्र अस्पताल लगिएको थियो । त्रिवि शिक्षण अस्पतालअन्तर्गत मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएका प्रधानमन्त्री ओलीको आकस्मिक शल्यक्रिया गरिएको थियो । करिब ४५ मिनेटको स्वास्थ्यपरीक्षणपछि नै चिकित्सकहरू आकस्मिक अप्रेसन गर्ने निर्णयमा पुगेका थिए । एपेन्डिसाइटिस कुहिएको र त्यसबाट सुरु भएको संक्रमण पेटभर फैलिसकेकाले तत्कालै अप्रेसन गरिएको थियो ।

प्रा.डा. रमेशसिंह भण्डारी नेतृत्वको विशेषज्ञ चिकित्सक सम्मिलित टोलीले प्रधानमन्त्री ओलीको परम्परागत विधिबाट पेट चिरेर अप्रेसन गरेको थियो । संक्रमण एपेन्डिसाइटिसमा मात्र नभएर पूरै पेटभर फैलिसकेकाले त्यसलाई सफा गर्न आधुनिक (ल्याप्रोस्कोपिक) विधिबाट सम्भव नभएकाले हातले चिरेर अप्रेसन गरिएको चिकित्सकको भनाइ छ । यसरी अप्रेसन गर्दा घाउ ठूलो हुने र निको हुन समय लाग्ने भएका कारण पनि प्रधानमन्त्री ओलीलाई केही दिन बढी अस्पताल राख्नुपरेको चिकित्सकले बताएका छन् ।

अप्रेसनपछि बिहीबार डिस्चार्ज नहुँदासम्म उनलाई आइसियूमै राखेर उपचार गरिएको उपचारमा संलग्न चिकित्सकले जनाएका छन् । यसबीचमा प्रधानमन्त्री ओलीको स्वास्थ्यबारे जनमानसमा नकारात्मक सन्देश प्रवाह गर्ने प्रयास गरिएपछि उनी स्वयम्ले आइसियूकक्षबाटै आफ्नो स्वास्थ्यमा उल्लेख्य सुधार आइरहेको भन्दै भिडियो सन्देश जारी गरेका थिए । डिस्चार्जपछि उनलाई प्रधानमन्त्रीनिवास बालुवाटार लगिने र उनले केही दिन त्यहीँ आराम गर्ने बताइएको छ ।

१२ वर्षदेखि मिर्गौला प्रत्यारोपण गराएका प्रधानमन्त्री ओली पछिल्लो समय नियमित डायलाइसिस गराइरहेका छन् । एपेन्डिसाइटिसको अप्रेसनपछि आइसियूमा उपचाररत रहँदाको १० दिनको बीचमा पनि प्रधानमन्त्री ओलीको पटक–पटक (दैनिकजसो) डायलाइसिस गराइएको छ । प्रत्यारोपित मिर्गौलाले काम गर्न छोडेपछि नियमित डायलाइसिस गर्नुपरेको हो ।
नियमित डायलाइसिस वा पुनः प्रत्यारोपणको मात्र विकल्प बाँकी रहँदा प्रधानमन्त्री ओली र चिकित्सक टोली दुवै पुनः प्रत्यारोपण गराउने निष्कर्षमा पुगेको बताइएको छ । यद्यपि, आकस्मिक रूपमा आइपरेको एपेन्डिसाइटिस तथा संक्रमणका कारण प्रत्यारोपणको निर्क्योल भने भइसकेको छैन । चिकित्सकको सल्लाहबमोजिम उपयुक्त समयमा प्रत्यारोपण गरिने र त्यसवेलासम्म डायलाइसिसलाई निरन्तरता दिने सत्तारूढ नेपाल कम्युनिस्ट पार्टी (नेकपा)ले समेत बताइसकेको छ ।

प्रत्यारोपणका बिरामीले नियमित रूपमा इम्युनोकम्प्रोमाइज अर्थात् प्रतिरक्षात्मक क्षमता कम गर्ने औषधि खानुपर्ने भएकाले उनीहरूमा संक्रमणको जोखिम उच्च हुन्छ । प्रधानमन्त्री ओलीले पनि इम्युनोसप्रेसिभ दबाइ सेवन गरिरहेकाले उनमा संक्रमणको खतरा उच्च हुने चिकित्सकले बताउँदै आएका छन् । यस्तोमा उनमा आकस्मिक रूपमा एपेन्डिसाइटिस कुहिएर पेटभर संक्रमण फैलिनु निकै चुनौतीपूर्ण भए पनि अप्रेसनपछि चिकित्सकको अपेक्षाभन्दा निकै छिटो उनको स्वास्थ्यमा सुधार आएको छ ।

यसमा सही समयमा लिएको सही निर्णय, सर्वोपयुक्त उपचार विधिको छनोट र त्यसभन्दा पनि बढी प्रधानमन्त्री ओलीको अभूतपूर्व आत्मबल कारण रहेको उपचारमा संलग्न चिकित्सकहरूको भनाइ छ । ‘सम्माननीय प्रधानमन्त्रीज्यूको जस्तो उच्चतम आत्मबल हामीले अहिलेसम्म देखेको छैन,’ उपचारमा संलग्न चिकित्सकको भनाइ छ, ‘यसैका कारण नै उहाँको स्वास्थ्यमा सोचेभन्दा निकै तीव्र गतिमा सुधार आएको छ ।’

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको उपचारमा अभूतपूर्व सफलताको नालीबेली, डा. दिव्याले ५ मिनेटभित्र लिएको अहम् निर्णय

प्रधानमन्त्री केपी शर्मा ओलीले यो साता अनपेक्षित रूपमा गम्भीर स्वास्थ्य समस्याको सामना गरे, जुन भोगिरहेको मिर्गौलासँग सम्बन्धित नभई एपेन्डिसाइटिस र डरलाग्दो संक्रमणको थियो । तर, समस्या जति अनपेक्षित र जटिल थियो, त्यति नै अनपेक्षित र ‘मिर्‍याकल’कै रूपमा उनको स्वास्थ्यमा सुधार आयो । यो उनको उपचारमा संलग्न चिकित्सक टोलीले केही मिनेटभित्रै गरेको सही निर्णयबाट मात्र सम्भव भएको हो । केही मिनेटकै बीचमा रोगको सही पहिचान गरी तत्कालै सर्वोत्तम उपचार विधिको छनोट गरी त्यसको उत्कृष्ट कार्यान्वयन गर्नमा चिकित्सकले आफ्नो शतप्रतिशत दक्षता प्रस्तुत गरे, जसको परिणाम आज प्रधानमन्त्री ओलीको स्वास्थ्य अपेक्षा गरेभन्दा तीव्र गतिमा सुधार भइरहेको छ । यद्यपि, चिकित्सकका अनुसार यो सफलतामा चिकित्सकीय दक्षताले मात्र नभई ओलीको अभूतपूर्व र असामान्य आत्मविश्वासले पनि महत्त्वपूर्ण भूमिका खेलेको छ ।

सोमबार राति सारसहुँदो अवस्थामा सुतेका प्रधानमन्त्री ओलीमा मध्यरातबाट सुरु भएको पेटको दुखाइ मंगलबार बिहानी हुँदानहुँदै निकै गम्भीर बनिसकेको थियो । तर, अभूतपूर्व आत्मबल भएका ओलीले दुखाइकै निम्ति आफ्ना निजी चिकित्सकलाई समेत भन्न जरुरी ठानेनन् । ओलीले आत्मबलले दबाउन खोजिरहेको दुखाइ सामान्य थिएन, संक्रमण पेटभरि फैलिसकेको थियो । दुखाइ असह्य भइसक्दा पनि उनी अस्पताल जानु त परको कुरा, आफ्ना निजी चिकित्सकलाई फोन गरेर जानकारी दिनसमेत मानिरहेका थिएनन् । परिवारले चिकित्सकलाई फोन गर्न खोज्दा रातको समयमा दुःख नदिने भन्दै उनी प्यारासिटामोल लिएर दुखाइ दबाएरै बसिरहेका थिए । बिहान निजी चिकित्सक डा. दिव्या सिंह शाहले आफैँ फोन गर्दासमेत उनले उठाएनन् ।

मिर्गौलाछेउ दुखेको भन्ने खबर पाउनासाथ प्रधानमन्त्रीनिवास पुगेकी डा. शाहले गम्भीर अवस्थाको आकलन गरी तत्कालै अस्पताल भर्ना हुन भन्दासमेत ओली मानिरहेका थिएनन् । डा. शाहको ढिपी हार्न नसकेर उनी अस्पताल जान तयार भएका थिए । यदि डा. शाहले आफू पुगेको ५–७ मिनेटभित्रै अवस्थाको सही आकलन गरी ओलीलाई अस्पताल भर्ना हुन मनाउन नसकेको भए जुनसुकै अवस्था आउन सक्ने उपचारमा संलग्न चिकित्सकहरूले बताएका छन् । ओलीले मिर्गौला प्रत्यारोपणपछि १२ वर्षदेखि इम्युनोसप्रेसन लिइरहेका छन्, जुन प्रतिरोधात्मक क्षमता कम गराउने औषधि हो । इम्युनोसप्रेसन लिइरहेका व्यक्तिमा पेटभरि संक्रमण फैलिसकेको अवस्थालाई मेडिकल साइन्समा जटिलतम अवस्थाका रूपमा लिइने चिकित्सकको भनाइ छ ।

मंगलबार ५–६ घण्टासम्म मिटङ गरेर सारसुहाउँदो अवस्थामा सुतेका प्रधानमन्त्री ओलीलाई राति एक्कासि अनुभव भएको दुखाइ, ओलीले सामान्य मानिरहँदा केही घण्टाकै बीचमा जटिलतम बनेको स्वास्थ्यअवस्था, डा. डा. दिव्याले ८ बजे आफैँ फोन तथा मेसेज गर्नु, डा. शाहले आफू पुगेको ५–६ मिनेटभित्रै अवस्थाको सही आकलन गरी प्रधानमन्त्री ओलीलाई अस्पताल जान राजी बनाउनु, अस्पतालमा चिकित्सक टोलीले केही मिनेटको परीक्षणमै रोग निदान गरी तत्कालै निर्णय लिनु र सर्वोत्तम उपचार विधिको कुशलतापूर्वक कार्यान्वयन गर्नुलगायत विषयमा उपचारमा संलग्न चिकित्सकहरूले दिएको बयानका आधारमा यो सामग्री तयार पारिएको छ । निजी चिकित्सक डा. शाह, उपचारको नेतृत्वकर्ता डा. रमेशसिंह भण्डारी, डा. अरुण सायमी, डा.सुवास आचार्य लगायतले शुक्रबार पत्रकारसम्मेलन गरी उल्लेखित विषयहरूमा दिएको विस्तृत जानकारी यहाँ प्रस्तुत गरिन्छ ।

उपचारमा संलग्न चिकित्सकहरू भन्छन्–
पछिल्लो स्वास्थ्यअवस्था
प्रधानमन्त्री केपी शर्मा ओलीको पेटको अप्रेसन भएको तीन दिन पूरा भएको छ । उहाँको स्वास्थ्यअवस्था सुधारउन्मुख रहनुका साथै फिजिकल, बायोकेमिकल मापदण्डहरूमा अपेक्षाकृत सुधार देखिएको छ । अहिले उहाँलाई मुखबाट आहार दिन थालिएको छ ।  श्वासप्रश्वास राम्रो अवस्थामा छ । रगतमा हुने जाँच दिसा–पिसाबको रिपोर्ट अपेक्षा गरेको अवस्थामा सुधार देखिएको छ । पाचनक्रिया नर्मल अवस्थामा फर्किएको छ ।

प्रधानमन्त्री ओलीमा हाललाई एपेन्डिसाइटिस र मिर्गौलामा बाहेक अन्य समस्या केही छैन । सामान्य अवस्था भन्नुभन्दा पनि शल्यक्रिया गरेपछि घाउ त सबैको हुन्छ । सामान्य व्यक्तिभन्दा फरक छ । घाउ निको पार्नुपर्छ । घाउ निको हुन अझै केही समय लाग्छ । त्यसपछि मात्र उहाँको अवस्था सामान्य छ भन्न सकिन्छ ।
अपेक्षा गरेभन्दा धेरै नै राम्रो स्वास्थ्यमा सुधार आएको छ ।

भएको के थियो ? डा. दिव्याले ५ मिनेटभित्र लिएको अहम् निर्णय
सोमबार सिंहदरबारमा ५ घण्टा मिटिङ भयो । राति एकदमै नर्मल खाना खाएर सुत्नुभयो । प्रधानमन्त्रीको भनाइअनुसार साढे १ बजेदेखि पेट दुख्न थालेको थियो । उहाँले त्यतिवेलाको पेट दुखाइलाई सामान्य रूपमा लिनुभएको थियो । तर, दुखाइ बढ्दै गयो, सहनै नसक्ने अवस्था आइसकेपछि श्रीमतीलाई साढे ४ बजे भन्नुभयो । यतिवेलासम्म उहाँलाई ज्वरो आएको रहेछ । श्रीमतीले पारासिटामोल दिनुभयो । केही दुखाइ कम भएपछि पुनः सुत्नुभयो । श्रीमतीले डाक्टरलाई फोन गर्न आग्रह गर्नुभयो । यति राति दुःख नदिऊँ भनेर उहाँले गर्न दिनुभएन ।

मंगलबार डा. दिव्याले नै ८ बजे फोन गर्नुभयो । साधारण केही स्वास्थ्य टेस्टको काम थियो । तर, फोन उठेन । दिव्याले म्याजेस गर्नुभयो । पछि जवाफ आयो, मिर्गौलातिर दुखेको छ । नजिकै बस्ने भएकाले डा. दिव्या तुरुन्तै प्रधानमन्त्रीनिवास पुग्नुभयो । हेर्दा स्वास्थ्यमा केही असर भइरहेको आकलन गर्नुभयो । भर्ना हुन अस्पताल जान आग्रह गर्नुभयो । तर, प्रधानमन्त्री ओलीले मान्नुभएन । अल्ट्रासाउन्डको मानिस बालुवाटारमै बोलाएर हेर्नका लागि भन्नुभयो । डा. दिव्याको जोडबलमा उहाँ अस्पताल जान राजी हुनुभयो । डा. दिव्या पुगेको ५–७ मिनेटमै उहाँलाई अस्पतालका लागि हिँडाइयो । बेडको व्यवस्थापन गरेर, एन्टिबायोटिक चलाएर, अल्ट्रासाउन्ड भएर ४५ मिनेटभित्रै अप्रेसन भयो । यो एकदमै सही निर्णय थियो, जुन आकस्मिक रूपमा लिइएको थियो ।

मिर्गौलारोगका कारण थप जोखिमको अवस्था ?
मिर्गौलाले काम नगर्ने अवस्थामा एपेन्डिसाइटिस हुँदा नर्मल बिरामीलाई भन्दा बढी जोखिम हुन्छ । तर, एपेन्डिसाइटिसको अप्रेसन गरेर पूरा भएपछि भने त्यति फरक पार्दैन ।

अस्पताल कहिलेसम्म ?
प्रधानमन्त्री ओलीको घाउ बिस्तारै निको हुन थालेको छ । सबै चिज साधारण रह्यो, सबै कन्ट्रोल रह्यो र अहिलेको अवस्था रहिरह्यो भने अर्को हप्तासम्म डिस्चार्ज गर्ने सम्भावना रहन्छ ।

मिर्गौला तथा एपेन्डिसाइटिसको समानान्तर उपचार भएको हो ?

अंगहरूको उपचार भनेको समग्र व्यक्तिको उपचार हो । उपचारको मुख्य उद्देश्य व्यक्तिलाई नर्मल अवस्थामा पुर्याउने हो । उसले खानपान गर्न तथा हिँडडुल गर्न सकोस् । जतिवेला जुन चिजको उपचार गर्नुपर्छ, त्यतिवेलै डिल गरेर उपचार गरिन्छ । एपेन्डिसाइटिसको अप्रेसन भएर सकिसक्यो । अब त्यसको घाउलाई संक्रमण हुन नदिने र त्यसलाई चाँडोभन्दा चाँडो निको पार्ने हो । बाँकी रहेको उहाँको ब्लड प्रेसरलगायत समस्याको उपचार चलिरहन्छ ।

शतप्रतिशत कन्फिडेन्स लेबल, प्रम ओलीजस्तो आत्मबलको व्यक्ति हामीले देखेको छैन

प्रधानमन्त्रीको कन्फिडेन्सनल लेबल फुल रहेको छ । कन्फिडेन्सले शतप्रतिशत त होइन, उपचारमा ८०–९० प्रतिशतचाहिँ काम गर्छ । उहाँ आत्तिनुभएको छैन । उहाँजस्तो आत्मविश्वास भएको व्यक्ति हामीले देखेका छैनौँ ।

प्रधानमन्त्री ओलीमा किन छिट्टै जटिल बन्यो एपेन्डिसाइटिस ?
इम्युनोसप्रेसन लिइरहेको बिरामीमा सुरुवाती संकेत नदेखिन सक्छ । जतिवेला देखिन्छ, सिकिस्त भइसकेको हुन्छ, जुन २–४ घन्टाको बीचमा भइसक्छ । इम्युनोसप्रेसन लिएको बिरामीमा कुनै पनि इन्फेक्सन भयो भने २–३ घन्टामा नै संक्रमण फैलिने हुन्छ । राति जुनवेला दुखाइ सुरु भयो, २–४ घन्टामा इन्फेक्सन पेटभरि फैलिएको थियो । एपेन्डिक्स भनेको एउटा अर्गान हो । त्यसमा भएको इन्फेक्सन सबैतिर फैलिनुलाई एपेन्डिक्स फुट्यो भनिन्छ, जुन फुट्न पनि सक्छ, कुहिन पनि सक्छ ।

अस्पताल आइपुग्दा प्रधानमन्त्री ओली सिकिस्त भइसक्नुभएको थियो । ठिक समयमा अप्रेसन गरेका कारण सफलता पाइयो । छिटो–छिटो भएका कारणले गर्दा इन्फेक्सन ब्लड तथा पेटमा पनि भयो । अप्रेसन गर्दा रक्तस्राव हुने सम्भावना हुने भएकाले धेरै प्लेटलेट्स चढाइएको हो । प्लेटलेट्सले रक्तस्राव हुनबाट रोक्छ । समस्या नआओस् भनेर प्लेटलेट्स चढाइएको हो ।

डायलाइसिस र पुनः प्रत्यारोपण
प्रधानमन्त्री ओलीमा १२ वर्षअघि मिर्गौला प्रत्यारोपण गरिएको हो । मिर्गौलाको काममा ह्रास आउन थालेको र संक्रमणले गर्दा डायलाइसिस चाहिएको हो । मिर्गौलाले अलि–अलि काम गरेको छ, जति काम गर्नुपर्ने हो त्यो भइराखेको छैन । त्यही भएर बीच–बीचमा डायलाइसिस गर्दै आएका छौँ । अहिले जुन अप्रेसन भएको वेलामा हाइपरक्याटावोलिक ट्रिट हुन्छ । बिरामीलाई जसरी पनि स्टेबल राख्नुपर्ने र कुनै पनि समस्या आउनुभन्दा अगाडि नै चिकित्सकले उपाय अवलम्बन गर्छन् । त्यहीक्रममा बीचमा एकपटक डायलाइसिस गर्यौं । अब उहाँ स्टेबल भएको अवस्था छ । उहाँलाई चाहिएका वेला मात्र गरिन्छ ।

नियमित डायलाइसिस गराउने व्यक्ति पूरा २० वर्षसम्म काम गरेर बाँचेका छन् । प्रत्यारोपणको फाइदा भनेको डायलाइसिस गर्ने झन्झटबाट मुक्ति हुन्छ र शारीरिक स्वास्थ्यअवस्थामा डायलाइसिसभन्दा अझ राम्रो हुन्छ भनेर हामीले जोड दिएका हौँ । हतारै गरेर प्रत्यारोपण गरिहाल्नुपर्ने अवस्था छैन । समय अनुकूल पारेर जुनसुकै वेला गर्न सकिन्छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओली खतरामुक्त, काममा फर्कन अझै १० दिन लाग्ने

चिकित्सकहरुले प्रधानमन्त्री केपी शर्मा ओलीलाई अझै अस्पतालमा ७ दिनराख्नु पर्ने बताएका छन् । मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचाररत रहेका प्रधानमन्त्रीको स्वास्थ्य अवस्थाको बारेमा चिकित्सकहरुले सम्मेलन गरी साे जानकारी दिएका हुन् ।

प्रधानमन्त्रीको स्वास्थ्यमा सुधार भइरहेको र खतरामुक्त रहेको निजि चिकित्सक डा. दिब्या सिंह शाहले जानकरी दिइन् । अहिले खाना खान थाल्नु भएको छ, पाचन क्रिया पनि नर्मल अवस्थामा रहेको छ, शाहले भनिन्,‘ अहिलेको अवस्थामा खतरामुक्त हुनुहुन्छ ।’

अस्पताल ल्याउने बेला सम्ममा संक्रमण पेटभरी फैलिएको उपचारमा संलग्न डा. रमेश सिंह भण्डारीले जानकारी दिए । ठीक समयमा राम्रो निर्णय लिएका कारण हामी सफल भयौँ,‘ सिंहले भने,‘ स्वास्थ्य अवस्थामा अपेक्षा गरेकोभन्दा सुधार भएको छ ।’ यहि गतिमा स्वास्थ्य सुधार हुने हो भने अर्को हप्ता सम्ममा अस्पतालबाट डिचार्ज हुने र नियमित काममा फर्कन सक्ने डा. सिंहले बताए ।

मंगलबार विहानदेखि पेट अत्याधिक दुखेपछि उनलाई अस्पताल लगिएको थियो । परीक्षणका क्रममा उनमा एपेन्डिसाइटिस र पेरिटोनाइटिस पुष्टि भएपछि तत्काल शल्यक्रिया गरिएको थियो । शल्यक्रिया पछि भेन्टिलेटरमा रहेका प्रधानमन्त्री ओलीलाई बुधबार भेन्टिलेटरबाट निकालेर आईसीयूमा राखिएको थियो । १२ वर्ष अघि मिर्गौला प्रत्यारोपण गरेका प्रधानमन्त्री ओलीमा पुन : मिर्गौलाको समस्या देखिएको छ । प्रधानमन्त्री ओलीको बुधबार ५ औँ पटक डायलाइसिस पनि गरिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

बेडमा उठेर बस्ने भए प्रधानमन्त्री ओली, उभिएर हिँड्न केही दिन लाग्ने

फाइल तस्वीर

एपेन्डिसाइटिसको आकस्मिक शल्यक्रियापछि मनमोहनमा कार्डियोथोरासिस एण्ड ट्रन्सप्लान्ट सेन्टरमा उपचाररत प्रधानमन्त्री केपी शर्मा ओलीको स्वास्थ्यमा त्रमिक रुपमा सुधार आएको छ ।  उपचारमा संलग्न डाक्टरका अनुसार प्रधानमन्त्री ओली अहिले बेडमा बस्न र बोल्न सक्ने भएका छन् ।

प्रधानमन्त्री ओली बेडमा बस्न तथा बोलचाल गर्न सक्ने भएको अस्पतालको स्रोतले बतायो । ‘ उहाँको स्वास्थ्यमा त्रमिक सुधार भइरहेको छ, तर अहिले नै हिड्न सक्ने हुनुभएको छैन,‘ बेडमा बसेर खुट्टाहरु तकाउन लगाएका छौ,हेल्थपोस्ट संग कुरा गर्दै स्रोतले भन्यो,‘ हिड्न अझै केहि समय लाग्छ ।’

मंगलबार विहानदेखि पेट अत्याधिक दुखेपछि उनलाई अस्पताल लगिएको थियो । परीक्षणका क्रममा उनमा एपेन्डिसाइटिस र पेरिटोनाइटिस पुष्टि भएपछि तत्काल शल्यक्रिया गरिएको थियो । शल्यक्रिया पछि भेन्टिलेटरमा रहेका प्रधानमन्त्री ओलीलाई बुधबार भेन्टिलेटरबाट निकालेर आईसीयूमा राखिएको थियो । १२ वर्ष अघि मिर्गौला प्रत्यारोपण गरेका प्रधानमन्त्री ओलीमा पुनस् मिर्गौलाको समस्या देखिएको छ । प्रधानमन्त्री ओलीको बुधबार ५ औँ पटक डायलाइसिस पनि गरिएको थियो ।

प्रधानमन्त्रीले अस्पतालबाट भने : मेरो स्वास्थ्यमा सुधार भइरहेको छ
उचाररत प्रधानमन्त्रत्री केपी शर्मा ओलीले आफ्नो स्वास्थ्य अवस्थामा तीव्र गतिमा सुधार आएको  बताएका छन् । प्रधानमन्त्री ओलीले बिहीबार ट्विट गर्दै भनेका छन्,‘बितेका दुई दिनयता म एपेन्डिसाइटिसको शल्यक्रिया गरी स्वास्थ्योपचार गराइरहेको छु । यतिबेला मेरो स्वास्थ्य तीव्र गतिमा सुधार भइरहेको छ ।’ प्रधानमन्त्री ओलीले स्वास्थ्यस्थिति बारे चासो राख्ने, शुभेच्छा प्रकट गर्नेलाई धन्यवाद पनि दिएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको स्वास्थ्यमा उल्लेख्य सुधार, भेन्टिलेटरबाट निकालियो

एपेन्डिसाइटिसको आकस्मिक शल्यक्रियापछि मनमोहन कार्डियोथोरासिस एण्ड ट्रान्सप्लान्ट सेन्टरमा उपचाररत प्रधानमन्त्री केपी शर्मा ओलीको स्वस्थ्यमा उल्लेख्य सुधार आएको छ ।अस्पताल स्रोतका अनुसार फोक्सोले सामान्य रुपमै काम गर्न थालेपछि भेन्टिलेटरको सहायता हटाइएको छ, भने रक्तचाप पनि सन्तुलित देखिएको छ ।

आइसियुका विशेषसहितको चिकित्सकको टोलीले रातभर बसेर ओलीको स्वास्थ्यलाई नजिकबाट हेर्ने र तत्काल हस्तक्षेप गर्ने नीति लिएको थियो ।
सोअनुसार सुधार देखिएपछि विहानै भेन्टिलेटरको सहायत हटाइएको थियो । ‘एक्सपेक्टेडभन्दा पनि राम्रो सुधार आइरहेको छ, नयाँ इन्फेक्सन थपिएन भने छिट्टै खतरामुक्त भन्न सकिन्छ’ उपचारमा संलग्न एक चिकित्सकले भने, ‘इमिनोकम्प्रोमाइज मान्छेमा अहिल्यै सबै ठिक हुन्न भन्न सकिन्न’ । ती चिकित्सकले हिजो अस्पताल आइपुग्दा र शल्यक्रियापछि रहेको नराम्रो अवस्थाको तुलनामा उल्लेख्य सुधार भन्न सकिने बताए ।

मंगलबार विहानदेखि पेट अत्याधिक दुखेपछि उनलाई अस्पताल लगिएको थियो । परीक्षणका क्रममा उनमा एपेन्डिसाइटिस र पेरिटोनाइटिस पुष्टि भएपछि तत्काल शल्यक्रिया गरिएको थियो । एपेन्डिक्सपछि पेटभित्र विकास फैलिएर पिप जम्मा भएको र संक्रमण समेत फैलिइसकेको चिकित्सकहरुले बताएका छन् । सो संक्रमण रगतमा समेत पुगेको निष्कर्षका साथ चिकित्सकहरुले उपचार जारी राखेका छन् । अहिले सो संक्रमण पनि बढ्न नपाएको र नियन्त्रणमा रहेको चिकित्सकहरु बताउँछन् ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको स्वास्थ्यअवस्था गम्भीर, एपेन्डिसाइटिस फुटेर फैलिएको थियो संक्रमण

प्रधानमन्त्री केपी शर्मा ओलीको स्वास्थ्यअवस्था गम्भीर रहेको बुझिएको छ । मंगलबार बिहान अकस्मात् स्वास्थ्यमा समस्या आएपछि महाराजगन्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टर पुगेका प्रधानमन्त्री ओलीको स्वास्थ्यपरीक्षणका क्रममा एपेन्डिसाइटिस फुटेको पाइएको थियो । एपेन्डिसाइटिस फुटेर पेट र शरीरका अन्य भागमा समेत संक्रमण फैलिसकेकाले तत्कालै शल्यक्रिया गर्नुपर्ने निष्कर्ष विशेषज्ञ चिकित्सकहरूको टोलीले निकालेका थिए ।

बिहान ९ : ३० बजे अस्पताल भर्ना भएका प्रधानमन्त्री ओलीको स्वास्थ्यपरीक्षणलगत्तै ४५ मिनेट लगाएर शल्यक्रिया गरिएको थियो । शल्यक्रियापछि प्रधानमन्त्री ओलीको स्वास्थ्य स्थिर रहेको र सघन उपचारको सम्पूर्ण व्यवस्थासहित निगरानीमा राखेर उपचार भइरहेको अस्पतालले जनाएको छ । अस्पतालका निर्देशक प्रा.डा. उत्तमकृष्ण श्रेष्ठद्वारा जारी विज्ञप्तिमा भनिएको छ, ‘विज्ञ चिकित्सकहरू सम्मिलित टोलीले परीक्षण गर्दा एपेन्डिसाइटिससहित पेटको संक्रमण (पेरिटोनिटिस) देखिएपछि तत्काल ल्यापेरोटोमी एन्ड एपेन्डिक्टोमीलगायतका विधिबाट उपचार गरीकन हाल सघन उपचारको सम्पूर्ण व्यवस्थासहित निरन्तर निगरानीमा राखिएको छ ।’

विशेषज्ञ चिकित्सकका अनुसार ल्यापेरोटोमीको अर्थ प्रधानमन्त्री ओलीको पेट चिरेर त्यहाँ फैलिएको संक्रमण हटाउने तथा एपेन्डिसाइटिस फुट्दा अन्द्राहरूमा फैलिएको पिपलगायत दूषित पदार्थ सफा गर्न अपनाइएको उपचार विधि हो । त्यसैगरी, एपेन्डिक्टोमीको अर्थ प्रधानमन्त्री ओलीको फुटेको एपेन्डिसाइटिस काटेर फालिएको हो ।

स्वास्थ्यअवस्था गम्भीर, तर स्थिर
विशेषज्ञ चिकित्सकका अनुसार एपेन्डिसाइटिस फुटेर शरीरमा संक्रमण फैलिनु भनेको निकै गम्भीर अवस्था हो । एक स्वस्थ मानिसमा पनि यो अवस्था निकै जटिल मानिने गर्छ । यो अवस्थामा बिरामीको शरीरभरि नै संक्रमण फैलिएर मल्टिअर्गान फेल (शरीरका विभिन्न अंगहरू एकैपटक फेल हुने अवस्था) हुने खतरा रहन्छ । यस्तो अवस्था आउँदा बिरामीको ज्यानै जान सक्ने खतरा हुने विशेषज्ञ चिकित्सकको भनाइ छ ।

प्रधानमन्त्री ओली १२ वर्षदेखि मिर्गौला प्रत्यारोपणका बिरामी भएकाले उनमा यसको खतरा सामान्य मानिसभन्दा बढी नै हुने विशेषज्ञ चिकित्सकहरू बताउँछन् । ट्रान्सप्लान्ट गरेका बिरामीले प्रतिरक्षात्मक क्षमता घटाउने औषधि खाइरहेको हुने भएकाले संक्रमणको खतारा सामान्य मानिसमा भन्दा निकै बढी हुन्छ ।
‘सामान्य मानिसमा पनि एपेन्डिसाइटिस फुटेर शरीरमा संक्रमण फैलिएको अवस्थालाई निकै गम्भीर मानिन्छ,’ एक विशेषज्ञ चिकित्सकले भने, ‘प्रधानमन्त्री ओली प्रत्यारोपणका बिरामी हुनुहुन्छ । उहाँले लामो समयदेखि प्रतिरक्षात्मक क्षमता कम गर्ने इम्युनोकम्प्रोमाइज औषधिको सेवन गरिरहनुभएको छ । यसले पनि उहाँमा संक्रमणको जोखिम बढी हुन्छ ।’ यद्यपि, प्रधानमन्त्री ओलीले मिर्गौलाको हेमोडायलाइसिस गराइरहेका कारण भने संक्रमणको जोखिममा खासै फरक नपर्ने ती चिकित्सकले बताए ।

एपेन्डिसाइटिस फुटुन्जेल कसरी थाहा भएन ?
प्रधानमन्त्री ओली निरन्तर चिकित्सकको निगरानीमा थिए । पछिल्लो समय मिर्गौलाले काम गर्न छाडेपछि नियमित डायलाइसिस गराइरहेका प्रधानमन्त्री ओली नियमित विशेषज्ञ चिकित्सकको घेरामा छन् । त्यसै पनि एपेन्डिसाइटिस ज्यादा दुखाइ हुने रोग हो । दुखाइपछि समयमा अस्पताल पुगेको खण्डमा यसलाई ठूलो समस्या मानिँदैन । तर, प्रधानमन्त्री ओलीमा एपेन्डिसाइटिस फुटेर संक्रमण फैलिँदासम्म पनि कसरी थाहा भएन भन्ने प्रश्न उब्जिएको छ ।

प्रधानमन्त्री ओलीले प्रतिरक्षात्मक क्षमता घटाउने इम्युनोकम्प्रोमाइज ड्रग लिइरहेकाले उनमा एपेन्डिसाइटिसको दुखाइ कम महसुस भएको विशेषज्ञ चिकित्सकको अनुमान छ । रोगअनुरूप हुनुपर्ने दुखाइ महसुस नहुँदा समयमा परीक्षण हुन नसकेका कारण इपेन्डिसाइटिस फुटिसकेपछि मात्र लक्षण देखिँदा स्वास्थ्यपरीक्षणमा ढिलाइ भएको उनीहरूको भनाइ छ । इम्युनोकम्प्रोमाइज बिरामीमा सामान्य संक्रमणको पनि ज्यादा खतारा हुने हुन्छ भने गम्भीर संक्रमण फैलिसकेपछि मात्र थाहा हुँदा प्रधानमन्त्री ओलीको स्वास्थ्य अवस्था जटिल बन्न पुगेको हो ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको शल्यक्रिया सम्पन्न, केही दिन अस्पतालमै आराम गर्न चिकित्सकको सुझाब

प्रधानमन्त्री केपी शर्मा ओलीको एपेन्डिसाइटिसको शल्यक्रिया सम्पन्न भएको छ । पेटको समस्या देखिएपछि मंगलबार विहान महाराजगञ्जस्थित मनमोहन कार्डियो थेरासीस एण्ड भास्कुलर सेन्टर पुगेका थिए ।

त्रिवि शिक्षण अस्पतालका ग्याष्ट्रोइन्टेरोलोजी, पित्त तथा कलेजो प्रत्यारोपण सर्जन डा रमेश सिंह भण्डारीको टोलीले शल्यक्रिया गरेको प्रधानमन्त्रीका स्वास्थ्य सल्लाहकार डा अरुण सायमीले जानकारी दिए ।  प्रधानमन्त्रिको एपेन्डिसाइटिसको शल्यक्रिया सफल भएको छ,‘ डा. सायमीले भने,‘ यो सानो शल्यक्रिया हो । अब उहाँको स्वास्थ्य अवस्थामा विवरण हेरर अस्पताल कति सकय बस्ने भन्ने कुराको निर्धारण हुन्छ ।’

प्रधानमन्त्री केपी शर्मा ओली मिर्गौलाका बिरामी हुन् । १२ वर्षअघि प्रत्यारोपण गराइएको मिर्गौलामा समस्या आएपछि उनले ४ पटक डायलायसिस गराइसकेका छन् ।करिब ४५ मिनेटको समयमा प्रधानमन्त्री ओलीको अपरेशन पूरा भएको हो ।

के हो एपेन्डिसाइटिस ?
दाहिने कोखाभन्दा अलिकति तल रहने एपेन्डिक्स कुनै पनि कारणले सुन्निन गएमा त्यसलाई एपेन्डिसाइटिस भनिन्छ । यो बिरामीका लागि एक आपत्कालीन अवस्था हो समयमै रोग ठम्याउन सकिएन र तुरुन्त उपचार सुरु गरिएन भने यसले बिरामीलाई चिन्ताजनक अवस्थामा पनि र्पुयाउन सक्छ । केही भाइरसको सङ्क्रमणले गर्दा एपेन्डिक्सको कोष सुन्निन्छन् र यसरी सुन्निएको कोषमा ब्याक्टेरियाजस्तै अक्सयुरियस भरमिकुलारिस, ई कोलाई इन्टेरोकोकाई आदिले गएर थप सङ्क्रमण गराउदँछन अनि एपेन्डिसाइटिस हुन्छ ।

एपेन्डिक्स ठूलो आन्द्रासँग सीधै जोडिएको हुनाले कहिलेकाँही ठूलो आन्द्रामा गाँठो पर्दा वा बटारिँदा आन्द्रामा रहेको दिशा फर्केर आई एपेन्डिक्समा पसेर एपेन्डिक्सको सङ्क्रमण गराउन सक्दछ । एपेन्डिक्समा जुका आएर पनि एपेन्डिसाइटिस गराउन सक्दछन् जुन प्रमुख कारणमध्ये एक हो । कब्जियतका बिरामीले दिशा खुकुलो बनाउने औषधिको अत्यधिक प्रयोग गरेमा पनि एमेन्डिसाइटिस हुन सक्छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीलाई एपेन्डिसाइटिस, अप्रेशन गर्ने तयारी

प्रधानमन्त्री केपी शर्मा ओलीको पेटमा समस्या देखिएपछि उपचारका लागि महाराजगञ्जस्थित मनमोहन कार्डियो थेरासीस एण्ड भास्कुलर सेन्टर पुगेका छन् । अस्पताल पुगेर जाँच गराउँदा प्रधानमन्त्री ओलीलाई एपेन्डिसाइटिसको समस्या देखिएको छ । एपेन्डिसाइटिस देखिएपछि शल्यक्रियाको तयारी भैरहेको छ अस्पतालले जनाएको छ ।
प्रधानामन्त्रीका स्वास्थ्य सल्लाहकार प्रा.डा अरुण सायमीले प्रधानमन्त्री ओलीलाई एपेन्डिसाइटिस भएको र शल्यक्रियाको गर्न तयारी भएको बताएका छन् । डा. सायमीका अनुसार सम्बन्धित विशेषज्ञ चिकित्सकहरुको टोली शल्यक्रियाको तयारी भइरहेको जानकारी दिएका छन् । प्रधानमन्त्री ओली एक्कासी पेट दुखेपछि मंगलबार बिहान अस्पताल पुगेका थिए ।

 

के हो एपेन्डिसाइटिस ?
दाहिने कोखाभन्दा अलिकति तल रहने एपेन्डिक्स कुनै पनि कारणले सुन्निन गएमा त्यसलाई एपेन्डिसाइटिस भनिन्छ । यो बिरामीका लागि एक आपत्कालीन अवस्था हो समयमै रोग ठम्याउन सकिएन र तुरुन्त उपचार सुरु गरिएन भने यसले बिरामीलाई चिन्ताजनक अवस्थामा पनि र्पुयाउन सक्छ । केही भाइरसको सङ्क्रमणले गर्दा एपेन्डिक्सको कोष सुन्निन्छन् र यसरी सुन्निएको कोषमा ब्याक्टेरियाजस्तै अक्सयुरियस भरमिकुलारिस, ई कोलाई इन्टेरोकोकाई आदिले गएर थप सङ्क्रमण गराउदँछन अनि एपेन्डिसाइटिस हुन्छ ।

एपेन्डिक्स ठूलो आन्द्रासँग सीधै जोडिएको हुनाले कहिलेकाँही ठूलो आन्द्रामा गाँठो पर्दा वा बटारिँदा आन्द्रामा रहेको दिशा फर्केर आई एपेन्डिक्समा पसेर एपेन्डिक्सको सङ्क्रमण गराउन सक्दछ । एपेन्डिक्समा जुका आएर पनि एपेन्डिसाइटिस गराउन सक्दछन् जुन प्रमुख कारणमध्ये एक हो । कब्जियतका बिरामीले दिशा खुकुलो बनाउने औषधिको अत्यधिक प्रयोग गरेमा पनि एमेन्डिसाइटिस हुन सक्छ ।

  • ताजा समाचार
  • जनप्रिय

हेल्थपोष्ट टुइट्स सबै

मिर्गौलाको नियमित डायलाइसिसका लागि ग्रान्डी पुगे प्रधानमन्त्री ओली

प्रधानमन्त्री केपी शर्मा ओली मिर्गौलाको डायलाइसिसका लागि ग्रान्डी अस्पताल पुगेका छन् । आइतबार दिउँसो डायलाइसिसका लागि प्रधानमन्त्री ओली ग्रान्डी अस्पताल पुगेका हुन् ।  १२ वर्षअघि मिर्गौला प्रत्यारोपण गरेको मिर्गौलाले काम गर्न छोडपछि एक महिनाअघिबाट डायलसिस सेवा सुरु गरिएको छ ।

यसअघि तीनपटक डायलाइसिस गरेका ओली आज पुनः अस्पताल गएका छन् ।  अघिल्लो शनिबार पनि उनको हेमोडायलाइसिस गरीएको थियो । प्रधानमन्त्री ओलीको नियमित स्वास्थ्य परीक्षणपछि डायलाइसिस गरिँदै आएको छ । आइतबार प्रधानमन्त्री ओलीको चाँथोपटक डायलाइसिस हुँदै छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको तेस्रोपटक डायलाइसिस, कस्तो छ स्वास्थ्यअवस्था ?

प्रधानमन्त्री केपी शर्मा ओलीको तेस्रोपटक डायलाइसिस गरिएको छ । शनिबार बिहान स्वास्थ्योपचारका लागि धापासीस्थित ग्रान्डी अस्पताल पुगेका प्रधानमन्त्री ओलीको दिउँसो हेमोडायलाइसिस गरिएको थियो । डायलाइसिसपछि उनी शनिबार नै बालुवाटारस्थिति सरकारी निवास फर्किएका छन् ।

१२ वर्षअघि प्रत्यारोपित मिर्गौलाले राम्ररी काम गर्न छोडेका कारण शरीरमा क्रियटाइनको मात्रा बढेपछि प्रधानमन्त्री ओलीको १३ कात्तिकमा पहिलोपटक डायलाइसिस गरिएको थियो । दुई दिनसम्म ग्रान्डीमा रहेर उपचार गराएका प्रधानमन्त्री ओली १४ कात्तिकमा दोस्रोपटकको डायलाइसिसपछि डिस्चार्ज भएका थिए । त्यसपछि केही समय काममा निकै सक्रिय देखिएका प्रधानमन्त्री ओलीको शनिबार तेस्रोपटक डायलाइसिस गरिएको हो ।

डायलाइसिसपछि उनको स्वास्थ्यअवस्था राम्रो रहेको उपचारमा संलग्न चिकित्सकहरुले बताएका छन् । प्रधानमन्त्री ओलीकी निजी चिकित्सकसमेत रहेकी वरिष्ठ मिर्गौलारोग विशेषज्ञ एवम् ग्रान्डी अस्पतालकी नेफ्रोलोजी विभाग प्रमुख प्रा.डा. दिव्या सिंह शाह, ग्रान्डीका मेडिकल डाइरेक्टर डा. चक्रराज पाण्डे र युरोलोजी तथा ट्रान्सप्लान्ट विभागका अध्यक्ष प्रा.डा. प्रेमराज ज्ञवालीले संयुक्त विज्ञप्ति जारी गर्दै प्रधानमन्त्रीको तेस्रो हेमोडायलाइसिस र त्यसपछिको स्वास्थ्यअवस्थाबारे जानकारी दिएका हुन् ।

प्रत्यारोपित मिर्गौलालाई शरीरले अरुको अंग भएको चिनेसँगै त्यसलाई रिजेक्ट गर्न शरीरमा एन्टिबडीलगायतको उत्पादन बढाउन थाल्ने हुँदा समस्या सुरु हुने मिर्गौलारोग विशेषज्ञहरु बताउँछन् । शरीरले अरुको अंगलाई नचिनोस् भन्नका लागि प्रत्यारोपणका बिरामीलाई प्रतिरोधात्मक क्षमता घटाउने औषधि नियमित खुवाउने गरिन्छ । तर, प्रत्यारोपणको लामो समयपछि बिस्तारै शरीरले प्रत्यारोपित अंगलाई चिन्न थाल्ने हुँदा फेरि समस्या सुरु हुन्छ । प्रधानमन्त्री ओलीमा प्रत्यारोपणको १२ वर्षपछि यस्तै समस्या देखिएपछि सिलसिलेवार रुपमा समस्या देखिन थालेको विशेषज्ञ चिकित्सकको भनाइ छ ।

प्रत्यारोपित अंगलाई रिजेक्ट गर्न शरीरले एन्टिबडीको उत्पादन बढाएपछि गत भदौमा उनको सिंगापुरमा प्लाज्मा फेरोसिस पद्धतिमार्फत एन्टिबडी निष्कासन गरिएको थियो । यद्यपि, त्यसको एक–डेढ महिनापछि नै मिर्गौलाले आवश्यक मात्रामा काम नगर्दा शरीरमा हानिकारक तत्त्व क्रियटाइनको मात्र बढेसँगै प्रधानमन्त्री ओलीलाई डायलाइसिस आवश्यक परेको हो । चिकित्सकका अनुसार अब प्रधानमन्त्री ओलीमा नियमित डायलाइसिस वा पुनः प्रत्यारोपणको मात्र विकल्प छन् । यसमध्ये हालका लागि पहिलो विकल्प अख्तीयार गरिएको हो ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओली डिस्चार्ज, स्वास्थ्यअवस्थाबारे जानकारी लुकाउने कोसिस, आजैदेखि काममा फर्किन सक्नुहुन्छ : अस्पताल

प्रधानमन्त्री केपी शर्मा ओली दुई दिनको उपचारपछि अस्पतालबाट डिस्चार्ज भएका छन् । १२ वर्षअघि प्रत्यारोपित मिर्गौलामा आएको खराबीका कारण विविध स्वास्थ्य समस्या देखिएपछि बुधबार बिहान धापासीस्थित ग्रान्डी इन्टरनेसनल अस्पतालमा भर्ना भएका प्रम ओलीलाई दुईपटकको हेमोडायलाइसिसपछि बिहीबार बेलुका डिस्चार्ज गरिएको हो । प्रम ओलीको रगतमा बढेको हानिकारक तत्त्व क्रियटाइन हटाउन बुधबार र बिहीबार गरी दुईपटकसम्म हेमोडायलाइसिस गरिएको छ ।

डिस्चार्जको निर्णयपश्चात् प्रमको स्वास्थ्यअवस्थाबारे जानकारी दिन बिहीबार साँझ अस्पतालमा आयोजित पत्रकारसम्मेलनमा अस्पतालका निर्देशक डा. चक्रराज पाण्डेले अहिले प्रधानमन्त्रीको स्वास्थ्य ठिक रहेको बताए । ‘प्रधानमन्त्रीज्यूको स्वास्थ्य अहिले एकदमै ठिक छ, उपचारअघि पनि उहाँको स्वास्थ्य ठिक नै थियो,’ डा. पाण्डेले भने, ‘उहाँको रगतमा बढेको क्रियटाइनलाई क्लियर गर्न दुईपटक हेमोडायलाइसिस गरिएको छ ।’ बुधबार नै प्रधानमन्त्रीको पहिलो डायलाइसिस गरिए पनि अस्पतालले त्यसलाई लुकाउँदै आएको थियो ।

‘प्रधानमन्त्री आजै बेलुकादेखि काममा फर्कन सक्नुहुन्छ’
प्रधानमन्त्रीको स्वास्थ्यअवस्था सामान्य रहेको र डायलाइसिसपछि अझै राम्रो भएको दाबी अस्पतालले गरेको छ । उपचारमा संलग्न टोलीलाई नलिई एक्लै पत्रकारसम्मेलनमा उपस्थित भएका निर्देशक डा. पाण्डेले भने, ‘प्रधानमन्त्रीज्यूको स्वास्थ्यअवस्था उपचारपछि एकदमै राम्रो छ, उहाँलाई हाम्रो इन्स्टिच्युटले बेस्ट उपचार दिएको छ, उहाँमा आत्मबल दरो छ र निकै कम्फर्ट फिल गरिरहनुभएको छ ।’

निर्देशक पाण्डेले प्रधानमन्त्रीको उपचारको नेतृत्व गरेकी प्रमकी निजी चिकित्सक तथा ग्रान्डीकी मिर्गौला विभाग प्रमुख प्रा.डा. दिव्यासिंह शाहसहित आफू (मेडिकल डाइरेक्टर) समेतले हस्ताक्षर गरेको डिस्चार्ज लिखत पढेर सुनाए । प्रधानमन्त्रीको थप उपचारबारे भने डा. पाण्डेले पत्रकारको अनेक प्रयासका बाबजुद पनि केही खुलाउन चाहेनन् ।

निर्देशक डा. पाण्डेले प्रधानमन्त्री डिस्चार्ज भएलगत्तै कामकाजमा फर्कन सक्ने दाबी गरे । प्रधानमन्त्रीले भोलिदेखि काम गर्न सक्नुहुन्छ त भन्ने पत्रकारको जिज्ञासामा निर्देशक डा. पाण्डेले भने, ‘मलाई लाग्छ, उहाँले आज बेलुका नै पनि मिटिङ गर्न सक्नुहुन्छ ।’

स्वास्थ्यपरीक्षणको रिपोर्ट, भावी उपचारलगायतबारे जानकारी लुकाउने कोसिस
अस्पतालले प्रधानमन्त्रीको स्वास्थ्योपचारसम्बन्धी जनचासोका महत्त्वपूर्ण जानकारीहरू लुकाउने कोसिस गरेको छ । पत्रकारसम्मेलनमा निर्देशक डा. पाण्डेले प्रधानमन्त्रीको स्वास्थ्यपरीक्षणको रिपोर्ट, थप डायलाइसिस गर्नुपर्ने–नपर्ने, भावी उपचारलगायत विषयमा जवाफ दिन इन्कार गरेका छन् ।

पत्रकारले पटक–पटक उल्लेखित विषयमा जिज्ञासा राख्दा पनि निर्देशक पाण्डेले त्यसलाई अनेक बहानामा टारेका थिए । व्यक्तिको प्राइभेसीअन्तर्गत अस्पतालले सबै कुरा सार्वजनिक नगर्ने प्रतिक्रिया निर्देशक पाण्डेको थियो । प्रधानमन्त्रीजस्तो सार्वजनिक व्यक्तिको स्वास्थ्यअवस्थाका जानकारी जनताले पाउनुपर्ने होइन ? भन्ने पत्रकारको जिज्ञासामा निर्देशक पाण्डेले भने, ‘प्रधानमन्त्री पद सार्वजनिक भए पनि उहाँ एउटा स्वतन्त्र व्यक्ति पनि हो, आफ््नो स्वास्थ्यबारे व्यक्तिको प्राइभेसीको अधिकारलाई हामीले सम्मान गर्नुपर्छ ।’

पत्रकारको जिज्ञासा मूलतः प्रधानमन्त्री ओलीलाई नियमित डायलाइसिस गर्नुपर्ने वा नपर्ने विषयमा केन्द्रित थियो । यसमा निर्देशक डा. पाण्डे त्यसको निर्क्योल उपचारमा संलग्न प्रा.डा. शाह नेतृत्वको टोलीले गर्ने भन्दै पन्छिएका थिए । निर्देशक शाहको प्रस्तुतिमा झल्किएको विवशताबाट अस्पताललाई प्रमको स्वास्थ्यबारे भनिएभन्दा बढी सार्वजनिक नगर्न निर्देशन गरिएको स्पष्ट झल्किन्थ्यो ।

पत्रकारसम्मेलनमा आएनन् उपचार टोलीका सदस्य
प्रधानमन्त्रीले आफ्नो स्वास्थ्यअवस्थाबारे जतिसुकै लुकाउने प्रयत्न गरे पनि करिब डेढ दशकदेखिको निरन्तरको अफोअपबाट उनको स्वास्थ्यअवस्थाको लगभग इतिवृत्तान्त थाहा पाएका पत्रकारको जिज्ञासासित आमने–सामने नहुन उपचार टोलीका कुनै पनि सदस्य पत्रकारसम्मेलनमा देखिएनन् । उपचारको नेतृत्व गरेकी डा. शाहले नै प्रमको उपचार र स्वास्थ्यअवस्थाबारे जानकारी दिने अनुमान लगाइए पनि अन्ततः निर्देशक डा. पाण्डे मात्र पत्रकारसामु उपपस्थित भएका थिए । नियमित डायलाइसिस तथा प्रत्यारोपणलगायत सवालमा निर्देशक पाण्डेलाई उपचार टोलीले निर्णय गर्छ भनेर पन्छिने सुविधाका लागि उनीहरू उपस्थित नभएको स्पष्ट अनुमान लगाउन सकिन्थ्यो ।

प्रमको स्वास्थ्यअवस्था सामान्य अवस्थामा आएकोमा खुसीको सन्देश दिन नै पत्रकारसम्मेलन गरिएको निर्देशक पाण्डेको भनाइ थियो । प्रमको स्वास्थ्यबारे जनतालाई विस्तृतमा जान्नु आवश्यक नभएको जिकिर गर्दै उनले मात्र स्वास्थ्य सही रहेको सन्देश प्रवाहित गरिदिन सञ्चारकर्मीलाई अनुरोध गरेका थिए । ‘मैले प्रधानमन्त्रीको क्रियटाइनको मात्रा पहिले यति थियो, डायलाइसिसपछि यति छ भनिदिनुको तपाईंहरू वा जनतालाई के अर्थ छ ?’ उनले पत्रकारलाई प्रतिप्रश्न गरे । जति नै उम्किने कोसिस गरे पनि डा. पाण्डेलाई पत्रकारको सवाल टार्न हम्मे–हम्मे परेको थियो ।

२ महिनाअघि मात्र सिंगापुरमा प्लाज्मा फेरेसिस गराएका प्रधानमन्त्री ओलीको प्रत्यारोपित मिर्गौला पूर्णतः फेल नभइसकेकाले नियमित डायलाइसिस गर्न नपर्न सक्ने अनुमान पनि चिकित्सकमा जीवितै छ । यद्यपि, यसको निर्क्योल २–३ दिन मिर्गौलाको फंक्सन हेरेर मात्र गर्न सकिने बताइएको छ । त्यसैले उपचार टोली अहिले पर्ख र हेरको अवस्थामा छ । तर, यदि फेरि पनि मिर्गौलाले आफैँ प्रपर फंक्सन नगरी रगतमा क्रियटाइनको मात्रा उस्तै बढेको खण्डमा नियमित डायलाइसिस वा पुनः प्रत्यारोपणको विकल्प रहँदैन । यस्तो भएमा या त प्रम ओलीले साताको कम्तीमा दुईपटक हेमोडायलाइसिस गराउनुपर्ने हुन्छ, या त पुनः प्रत्यारोपण । यसको अध्ययन तथा निर्क्योल उपचार टोलीले २–३ दिनभित्र गर्ने बताइएको छ । उमेरअवस्था जे भए पनि आत्मबल र शरीरका अन्य अंगको अवस्थालाई हेर्दा प्रधानमन्त्री ओलीमा पुनः प्रत्यारोपण पनि सम्भव रहेको विशेषज्ञ चिकित्सकहरूले बताउँदै आएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

पूर्ण रूपमा बिग्रिएको छैन प्रधानमन्त्रीको किड्नी, नियमित डायलाइसिस वा प्रत्यारोपणबारे केही दिन हेरेपछि मात्र निर्क्योल हुने

प्रधानमन्त्री केपी शर्मा ओलीको मिर्गौला पूर्ण रुपमा नबिग्रिएको परीक्षणको रिपोर्टले देखाएको ग्रान्डी इन्टरनेसनल अस्पताल स्रोतले जनाएको छ । मिर्गौला पूर्णतः फेल भएपछि डायलाइसिस गरिने र प्रम ओलीको बुधबार र बिहीबार गरी दुईपटक डायलाइसिस गरिसकिएको भए पनि उनको मिर्गौला ड्यामेज भइनसकेको र संक्रमण पनि नदेखिएकाले नियमित डायलाइसिस गर्नुपर्ने वा नपर्नेबारे अहिले नै निर्क्योल भइनसकेको अस्पताल उच्च स्रोतले हेल्थपोस्टलाई जानकारी दियो ।

धपेडीका कारण प्रधानमन्त्री ओलीको रगतमा हानिकारक क्रियटाइनलगायत तत्त्वहरु बढ्न गएको तथा पिसाबमा प्रोटिनको मात्रा बढी देखिएकाले तत्कालका लागि डायलाइसिस गर्नुपरे पनि विभिन्न इन्डिकेटरले मिर्गौला पूर्णतः खराब नभएको देखाएकाले पुनः मिर्गौला आफैँले काम गर्न सक्ने सम्भावना रहेको अस्पताल स्रोतको भनाइ छ । दुईपटकको डायलाइसिसपछि दुई–तीन दिन त्यसको असर र मिर्गौलाको अवस्थाबारे हेरर मात्र नियमित डायलाइसिस अवश्यक पर्ने–नपर्ने वा प्रत्यारोपणको विकल्पबारे निर्क्योल गर्न सकिने स्रोतले जनाएको छ ।

प्रम ओलीको १२ वर्षअघि प्रत्यारोपण गरिएको मिर्गौैलाले शरीरलाई चिन्न थालेपछि शरीरमा एन्टिबडी बढेका कारण २ महिनाअघि गत भदौमा उनको सिंगापुरमा प्लाज्मा फेरेसिस गरिएको थियो । तिहारअघि अजरबैजानको भ्रमणमा गएका ओली स्वदेश फर्किएपछि पनि सिस्नोपानी नेपालको देउसी कार्यक्रममा सहभागी भएका थिए । चाडपर्वका वेला बाक्लिएको भेटघाटलगायत कामको धपेडीका कारण रगतमा हानिकारक तत्त्वहरुको मात्रा अत्यधिक देखिएको र त्यसको न्यूनीकरणका लागि तत्काल डायलाइसिस गर्नुपरेको अस्पताल स्रोतले जनाएको छ । मुख तथा हातगोडा सुन्निनेजस्ता समस्या देखिएपछि स्वास्थ्यपरीक्षणका लागि प्रम ओली बुधबार बिहान ग्रान्डी पुगेका थिए । डा. शाह नेतृत्वको चिकित्सक टोलीले प्रधानमन्त्री ओलीको दुईपटकसम्म डायलाइसिस गरेको हो ।

आजै पत्रकारसम्मेलन गरेर डिस्चार्ज गरिने
प्रम ओलीको पछिल्लो स्वास्थ्यअवस्थाबारे जानकारी दिन बिहीबार नै अस्पतालमा पत्रकारसम्मेलन गरी बेलुकीसम्म उनलाई डिस्चार्ज गरिने स्रोतले जानकारी दियो । ग्रान्डीका निर्देशक डा. चक्रराज पाण्डेले पत्रकारसम्मेलनमार्फत प्रमको स्वास्थ्यअवस्था तथा उपचारविधिबारे जानकारी दिने बताइएको छ ।

यसअघि प्रधानमन्त्री ओलीको दुईपटकको डायलाइसिस सकिँदासम्म पनि अस्पताल तथा सरकारी निकायले त्यसको आधिकारिक जानकारी सार्वजनिक गरेको थिएन । स्वास्थ्यपरीक्षण नसकिएकाले प्रम ओलीलाई अस्पताल राखिएको बताइँदै आएको थियो । यद्यपि, त्यसको खुलासा सञ्चारमाध्यममार्फत बुधबार नै भइसकेको थियो । दोस्रो डायलाइसिसपछि प्रमलाई भेटेर फर्किनेक्रममा नेकपा अध्यक्ष पुष्पकमल दाहाल प्रचण्डले डायलाइसिस गरिएको खुलासा गरेका थिए ।

प्रमलाई भेटेर फर्किएका प्रचण्डले भने– नियमित डायलाइसिस वा प्रत्यारोपणबारे निर्क्योल भएको छैन
प्रधानमन्त्री ओलीको दोस्रो डायलाइसिस चलिरहँदा स्वास्थ्यअवस्थाबारे बुझ्न ग्रान्डी इन्टरनेसनल अस्पताल पुगेका नेकपा अध्यक्ष प्रचण्ड केही समयको प्रतीक्षापछि उनलाई भेटेर फर्किएका छन् । डायलाइसिस सकिएलगत्तै भेट गरेका प्रचण्डले प्रधानमन्त्री ओली आजै केहीबेरमा डिस्चार्ज हुने बताए । अस्पताल पुगेको करिब १ घण्टापछि फर्किनेक्रममा पत्रकारसँग कुरा गर्दै प्रचण्डले प्रधानमन्त्री ओलीको स्वास्थ्यमा एक्कासि छिटो–छिटो समस्याहरु देखिए पछि अहिले भने स्वास्थ्यअवस्था ठिक भएको बताए ।

‘भर्खरै डायलाइसिस भएपछि एकैछिन आराम गरेर उहाँ डिस्चार्ज हुनुहुँदै छ, आज बालुवाटार जानुहुन्छ,’ अध्यक्ष प्रचण्डले सञ्चारकर्मीसँग भने, ‘हिजो एकचोटि र आज एकचोटि डायलाइसिस भएको छ ।’ नियमित डायलाइसिसबारेको सञ्चारकर्मीको प्रश्नमा अध्यक्ष प्रचण्डले त्यसको निर्क्योल २–३ दिनको स्वास्थ्यअवस्थालाई नियालेर मात्र गर्न सकिने चिकित्सकले बताएको जानकारी दिए । ‘डाक्टर सा’बको भनाइअनुसार भोलि–पर्सिसम्मको स्थिति हेरेर भन्न सकिन्छ,’ उनले भने, ‘नियमित गर्ने भन्ने फाइनल भएको छैन ।’

अध्यक्ष प्रचण्डले प्रधानमन्त्री ओलीले भेटका क्रममा आफूसित कुरा गरेको बताए । समस्या अलिकति छिटो–छिटो देखापरे पनि अहिले भने प्रधानमन्त्रीको स्वास्थ्यअवस्था ठिक भएको उनको भनाइ थियो ।  पुनः प्रत्यारोपणबारेको प्रश्नमा भने प्रचण्डले भने, ‘प्रत्यारोपणका लागि अहिले नै केही कुरा भएको छैन ।’

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओलीको दोस्रो डायलाइसिस, पुनः प्रत्यारोपणबारे छलफल

प्रधानमन्त्री केपी शर्मा ओलीको बिहीबार दोस्रोपटक डायलाइसिस भइरहेको छ । नियमित स्वास्थ्यपरीक्षणका लागि भन्दै बुधबार बिहान ग्रान्डी इन्टरनेसनल अस्पताल पुगेका प्रधानमन्त्री ओली रगतमा हानिकारक तत्त्व क्रियटाइनको मात्रा अत्यधिक पाइएपछि बुधबार दिउँसो नै पहिलो डायलाइसिस गरिएको थियो ।

यसअघि शरीरमा एन्टिबडीको मात्रा अत्यधिक बढेपछि प्रधानमन्त्री ओलीको गत भदौमा सिंगापुरमा प्लाज्मा फेरेसिस गरिएको थियो । त्यतिवेलैदेखि विशेषज्ञ चिकित्सकहरूले प्रधानमन्त्री ओलीको उपचारमा ३ विकल्प– प्लाज्मा फेरेसिस, डायलाइसिस र पुनः प्रत्यारोपण रहेको बताउँदै आएका छन् । यसमध्ये प्लाज्मा फेरेसिसपछि दोस्रो विकल्पमा उपचार सुरु गरिएको हो ।

प्रधानमन्त्री ओलीको १२ वर्षअघि प्रत्यारोपित मिर्गौलाले रगतलाई फिल्टर गर्न नसकेका कारण रगतमा हानिकारण तत्त्व क्रियटाइन बढेको र पिसाबमा प्रोटिन बढी देखिएपछि तत्कालका लागि अल्ट्रा फिल्ट्रेसन उपचार विधिअन्तर्गत डायलाइसिस सुरु गरिएको अस्पताल उच्च स्रोतले जनाएको छ । डायलाइसिस एकपटक गरेर नपुग्ने भएकाले बिहीबार दोस्रोपटक गर्न लागिएको हो । यद्यपि, प्रधानमन्त्रीको उपचारबारे आधिकारिक रूपमा भने तथ्य बाहिर ल्याइएको छैन । अस्पतालले विज्ञप्ति राजी गर्दै प्रधानमन्त्रीको स्वास्थ्यपरीक्षण नसकिएकाले अस्पताल राखिएको जनाउँदै आएको छ ।

अस्पतालमा प्रचण्डसहित नेकपा नेता–कार्यकर्ताको भिड, भेट्न भने पाएनन्
प्रधानमन्त्रीको ओलीको डायलाइसिस चलिरहँदा नेकपाका नेता–कार्यकर्ताको अस्पतालमा भिड लागेको छ । यद्यपि, उपचार चलिरहँदा उनीहरूले भेट गर्न भने पाएका छैनन् । नेकपाका अध्यक्ष पुष्पकमल दाहाल प्रचण्ड ग्रान्डीमा प्रधानमन्त्री ओलीलाई भेट्न कुरिरहेका छन् । प्रवक्ता नारायणकाजी श्रेष्ठ र स्थायी कमिटी सदस्य भीम रावल प्रधानमन्त्री ओलीलाई नभेटी अस्पतालबाट फर्किएका छन् ।

‘प्रधानमन्त्रीज्यूको मिर्गौलाको डायलाइसिस भइरहेका कारण भेट्न पाइएन,’ रावलले भने, ‘बाहिरबाटै उहाँको स्वास्थ्य अवस्था चिकित्सकबाट लिएर फर्कें ।’ प्रधानमन्त्रीको उपचारमा निजी चिकित्सक तथा ग्रान्डीकी मिर्गौला विभागकी अध्यक्ष डा. दिव्यसिंह शाहको नेतृत्वमा टोली खटिएको छ । टोलीका सदस्यलाई समेत प्रधानमन्त्रीको स्वास्थ्य अवस्थाबारे उच्च तहको गोपनीयता राख्न कडा निर्देशन दिइएको बताइएको छ ।

उपचारमा संलग्न चिकित्सकका अनुसार प्रधानमन्त्रीको अन्य स्वास्थ्य सूचकहरू पनि त्यति राम्रो देखिएका छैनन् । उनमा अहिले संक्रमणको समेत आशंका गरिएको छ । प्लाज्मा फेरेसिसपछि डायलाइसिस सुरु गरिएपछि अब नियमित डायलाइसिस वा प्रत्यारोपणको विकल्प नहुने विशेषज्ञ चिकित्सक बताउँछन् । यद्यपि, प्रधानमन्त्री ओलीमा अब डायलाइसिसभन्दा पनि पुनः प्रत्यारोपणमै जानुपर्ने निष्कर्षमा उपचार टोली पुगेको स्रोतको दाबी छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्री ओली अस्वस्थ, ग्राण्डी अस्पतालमा जाँच हुँदै

प्रधानमन्त्री केपी शर्मा ओली स्वास्थ्य जाँचका लागि ग्राण्डी अस्पताल पुगेका छन् । स्वास्थ्यमा समस्या आएपछि उपचारका लागि अस्पताल गएको भनिएपनि कस्ता समस्या देखिएको हो भन्ने खुलाइएको छैन् ।

१० बजेतिर अस्पताल पुगेका ओलीको रगतको नमूना र मुटुको परीक्षण भइरहेको अस्पताल स्रोतले जनाएको छ ।

१२ वर्षअघि मिर्गौला प्रत्यारोपण गरेका ओली पछिल्लोपटक मिर्गौलामा समस्या झेलिरहेका छन् । केही दिनअघि सिंगापुरमा एन्टिबडी हटाउँने उपचार प्लाज्माफेरेसिस गरेर फर्किएका ओली दुई दिनअघि सिस्नुपानी नेपालले आयोजना गरेको देउसीभैलो कार्यक्रममा सहभागी भएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

सिंगापुरमा २ साताको उपचारपछि फर्किएका प्रम ओलीको स्वास्थ्यअवस्था सामान्य, नियमित काम गर्न सक्ने

प्रधानमन्त्री केपी शर्मा ओली सिंगापुरमा २ साता लामो स्वास्थ्योपचारपछि स्वदेश फर्किएका छन् । शरीरमा मिर्गौलासम्बन्धी एन्टिबडी बढेपछि त्यसको निष्कासनका लागि प्लाज्मा फेरेसिस विधिबाट उपचार गर्न ५ भदौमा सिंगापुर प्रस्थान गरेर प्रधानमन्त्री ओली शुक्रबार अपराह्न स्वदेश फर्किएका हुन् । प्रधानमन्त्री ओलीको सिंगापुरको नेसनल युनिभर्सिटी अस्पतालमा विभिन्न चरणमा प्लाज्मा फिरोसिस विधिबाट उपचार गरिएको थियो ।

झन्डै डेढ दशकदेखि मिर्गौलारोगसित लडिरहेका प्रधानमन्त्री ओलीको करिब १२ वर्षअघि प्रत्यारोपित मिर्गौलामा समस्या देखिएपछि उनी १८ साउनमा स्वास्थ्यपरीक्षणका लागि सिंगापुर गएका थिए । त्यसवेला १० दिनसम्म नेसनल युनिभर्सिटी अस्पतालमा स्वास्थ्यपरीक्षण तथा उपचार गराएर उनी २८ साउनमा स्वदेश फर्किएका थिए । परीक्षणका क्रममा शरीरमा मिर्गौलासम्बन्धी एन्टिबडीको मात्रा बढेको पाइएको थियो । पहिलोपटक उपचार गराएर स्वदेश फर्किएको १० दिनपछि प्रम ओली ५ भदौमा प्लाज्मा फेरेसिसका लागि पुनः सिंगापुर प्रस्थान गरेका थिए ।

प्रत्यारोपणको करिब १२ वर्षपछि प्रम ओलीको शरीरले प्रत्यारोपित मिर्गौलालाई चिन्न थालेकाले त्यसलाई रिजेक्ट गर्न एन्टिबडी उत्पादन गर्न थालेको विशेषज्ञ चिकित्सकहरूको भनाइ छ । यस्तो अवस्थामा प्लाज्मा फेरेसिस विधिद्वारा शरीरबाट एन्टिबडी निष्कासन, पुनः प्रत्यारोपण र नियमित डायलाइसिस गरी ३ मात्र विकल्प रहने विशेषज्ञ बताउँछन् । प्रम ओलीको हकमा पहिलो विकल्पको प्रयोग गरिएको हो ।

प्रधानमन्त्रीको स्वास्थ्यअवस्था सामान्य छ, नियमित काममा बाधा छैन : डा. शाह
प्लाज्मा फेरेसिसपछि प्रधानमन्त्री ओलीको पछिल्लो स्वास्थ्यअवस्था सामान्य रहेको प्रधानमन्त्रीकी निजी चिकित्सक डा. दिव्या सिंह शाहले जानकारी दिएकी छिन् । वरिष्ठ मिर्गौला विशेषज्ञ डा. शाहले शुक्रबार प्रधानमन्त्री स्वदेश फर्किएलगत्तै विज्ञप्ति जारी गर्दै पछिल्लो स्वास्थ्यअवस्थाबारे जानकारी दिएकी हुन् ।

डा. शाहका अनुसार प्रधानमन्त्री ओलीले दैनिक कामलाई निरन्तरता दिन सक्नेछन् । सिंगापुरको २ साताको बसाइमा प्रधानमन्त्री ओलीको नेसनल युनिभर्सिटी अस्पतालमा शरीरमा बढी मात्रामा रहेको एन्टिबडीलाई वैज्ञानिक प्रविधिबाट हटाउने उपचार प्रक्रिया पूरा भएको डा. शाहले जारी गरेको विज्ञप्तिमा उल्लेख छ ।

  • ताजा समाचार
  • जनप्रिय

हेल्थपोष्ट टुइट्स सबै