प्रधानमन्त्री ओलीको प्लाज्मा फेरेसिस सुरु, अझै केहीपटक गरिने निजी चिकित्सक शाहको भनाइ

उपचारका लागि सिङ्गापुर जानेक्रममा बैंकक एयरपोर्टमा ओली । साथमा श्रीमती राधिका र नीजि चिकित्सक डा. दिब्यासिंह शाह । तस्बीर : ओलीका सल्लाहकार विष्णु रिमालको ट्विटबाट

प्रत्यारोपित मिर्गौलामा समस्या देखिएपछि उपचारका लागि सिंगापुरमा रहेका प्रधानमन्त्री केपी शर्मा ओलीको प्रथम चरणको प्लाज्मा फेरेसिस प्रक्रिया सुरु भएको छ । सिंगापुरको नेसनल युनिभर्सिटी हस्पिटलमा शुक्रबारदेखि नै प्लाज्मा फेरेसिस गर्ने प्रक्रिया सुरु भएको प्रधानमन्त्रीकी निजी चिकित्सक डा. दिव्या सिंह शाहले हेल्थपोस्टलाई जानकारी दिएकी छिन् ।

प्रधानमन्त्री ओलीको प्लाज्मा फेरेसिस केहीपटक अझै गरिने डा. शाहको भनाइ छ । डा. शाहले भनिन्, ‘सम्माननीय प्रधानमन्त्रीज्यूको उपचारका क्रममा प्लाज्मा फेरेसिस प्रक्रिया गत शुक्रबारबाट नेसनल युनिभर्सिटी हस्पिटल सिंगापुरमा सुरु गरिएको छ । यो उपचार प्रक्रिया अरू केहीपटक गरिनेछ । उहाँको स्वास्थ्यस्थिति सामान्य अवस्थामा रहेको छ ।’

१२ वर्षअघि मिर्गौला प्रत्यारोपण गराएका प्रधानमन्त्री ओलीले २ साताअघि सिंगापुरको सोही अस्पतालमा गराएको परीक्षणका क्रममा उनको शरीरमा मिर्गौलासम्बन्धी एन्टिबडीको संख्या बढेको पाइएको थियो । सोही एन्टिबडीको निष्कासनका लागि प्लाज्मा फेरेसिस विधामार्फत उपचार गर्न लागिएको हो ।

एक–दुईपटक प्लाज्मा फेरेसिस गर्दा बढेको एन्टिबडीमा सुधार आएको खण्डमा थप केहीपटक गर्नुपर्ने मिर्गौलारोग विशेषज्ञले बताउँदै आएका छन् । विशेषज्ञका अनुसार दुईपटकसम्म प्रयास गर्दा पनि सुधार नदेखिएको अवस्थामा थप प्रयास गरिँदैन ।

वरिष्ठ मिर्गौलारोग विशेषज्ञ डा. ऋषिकुमार काफ्लेका अनुसार प्रधानमन्त्रीको स्वास्थ्योपचारमा ३ विकल्प छन्, प्लाज्मा फेरेसिस, पुनः प्रत्यारोपण र डायलाइसिस । प्लाज्मा फेरेसिस उपचार सबैमा उपयोगी नहुने र यदि त्यस्तो भएको खण्डमा प्रत्यारोपण वा डायलाइसिसको बाटो रोज्नुपर्ने उनको भनाइ छ । ६८ वर्ष उमेरका प्रधानमन्त्री ओलीको मुटु, कलेजो, ब्रेन, फोक्सोको अवस्था राम्रो रहेका कारण पुनः प्रत्यारोपण गर्नुपर्ने अवस्था आएको खण्डमा पनि प्रत्यारोपण सम्भव रहेको डा. काफ्लेको भनाइ छ ।
प्रधानमन्त्री

  • ताजा समाचार
  • जनप्रिय

हेल्थपोष्ट टुइट्स सबै

आत्मबलले तानेको प्रधानमन्त्रीको स्वास्थ्य

प्रधानमन्त्री केपी शर्मा ओलीको विशेष स्वास्थ्य अवस्था (मिर्गौला प्रत्यारोपण) अनुसार सकेसम्म भिडभाडबाट टाढै बस्नुपर्छ । भिडभाडमा जानैपरेको अवस्थामा मास्क लगाउनुका साथै खानपान, निद्रा वा प्रर्याप्त आरामजस्ता कुरामा पनि उत्तिकै ध्यान पुर्याउनु आवश्यक छ । तर, प्रधानमन्त्रीको सक्रिय व्यवहार र दैनिकीले नै उनको स्वास्थ्यमा जोखिम थपिरहेको छ । तर, उनको बोली, व्यवहार र सक्रियतामा त्यसको छनक कतै भेटिन्न ।

रुघाखोकीबाट सुरु भएको श्वासमार्गको संक्रमणले श्वासप्रश्वासमा समस्या देखिएको थियो । यो समस्या हल गर्न दिइएको दमको औषधिले सुगर २०० भन्दा बढी पुगेको थियो । ‘दम निको पार्न स्टेरोइड दिनुप-यो, सुगर बढेपछि संक्रमणको जोखिम भयो, अनि अस्पताल भर्ना गरिएको हो,’ उपचारमा संलग्न डा. दिव्यासिंह शाहले भनिन् ।

चिकित्सकहरूले भने पछिल्लो दिनमा स्वास्थ्य राम्रो भएकै कारण पनि ओलीको आत्मबल बढेको दाबी गर्ने गरेका छन् । ओलीको स्वास्थ्यअवस्थाका आधारमा कम्तीमा ८ घण्टा निद्रासहित १८ घण्टा आराम चाहिने हो । तर, उनको सक्रियता ठिक उल्टो छ ।
पछिल्लो समय उनी मौसमी रुघाखोकी र श्वासप्रश्वास मार्गमा संक्रमणपछि मनमोहन कार्डियोथोरासिस एन्ड ट्रान्सप्लान्ट सेन्टरमा उपचाररत छन् । यसअघि ओलीलाई चिकित्सकले प्रर्याप्त आराम गर्न सुझाब दिए पनि उनी मन्त्रिपरिषद् बैठक, परराष्ट्रसम्बन्धी डेलिगेसन टोलीसँग लामो छलफल गरेका थिए ।
रुघाखोकीबाट सुरु भएको श्वासमार्गको संक्रमणले श्वासप्रश्वासमा समस्या देखिएको थियो । यो समस्या हल गर्न दिइएको दमको औषधिले सुगर २०० भन्दा बढी पुगेको थियो । ‘दम निको पार्न स्टेरोइड दिनुप-यो, सुगर बढेपछि संक्रमणको जोखिम भयो, अनि अस्पताल भर्ना गरिएको हो,’ उपचारमा संलग्न डा. दिव्यासिंह शाहले भनिन् ।

पछिल्लो संक्रमणलाई पनि चिकित्सकले विशेष अवस्थाको व्यक्तिले स्वास्थ्यमा अपनाउनुपर्ने सावधानीको अभावको परिणाम भएको बताएका छन् । ‘प्रत्यारोपण गरेका मानिस स्पेसल पपुलेसन हुन्, तर प्रधानमन्त्रीको दैनिक सक्रियता हेर्दा कतै पनि त्यस्तो पाइँदैन,’ चिकित्सकहरू बताउँछन् । उपचारमा संलग्न अधिकांश चिकित्सकले नाम उल्लेख नगर्ने सर्तमा ओलीमा रहेको आत्मबलले स्वास्थ्य सन्तुलन कायम गर्न निकै सहयोग गरेको बताए । ‘राति ११÷१२ बजेसम्म काम गर्नुहुन्छ, भेटघाट, भाषण, छलफलमा दिनभर सक्रिय हुनुहुन्छ’ एक चिकित्सकले भने, ‘उहाँको स्वास्थ्य अवस्था, सेवन गरिरहेको औषधि र उमेर हेर्दा त्यो विशेष नै हो’ ।

६७ वर्षे ओली अहिले नियमित रूपमा ६ प्रकारका औषधि सेवन गर्छन् । मधुमेह, उच्चरक्तचापदेखि मिर्गौला प्रत्यारोपण गरेको बिरामीले खानैपर्ने ‘इम्युनोसप्रेसन’देखि शक्तिवर्धक स्टेरोइटसमेत सेवन गर्नुपर्छ ।

सामान्यतः अंग प्रत्यारोपण गरेको व्यक्तिले लिएको अंग शरीरले सधैँ ‘रिजेक्ट’ गर्न खोज्छ । त्यो रिजेक्सन रोक्न इम्युनोसप्रेसन सेवन गर्नुपर्छ । शरीरमा बढी रोगप्रतिरोधात्मक क्षमता हुँदा पनि शरीरले प्रत्यारोपण गरिएको अंग रिजेक्सन गर्ने र प्रतिरोधात्मक क्षमता कम हुँदा पनि कडाखालका संक्रमणको त्रास हुन्छ ।

सन् २००७ मा भारतमा मिर्गौला प्रत्यारोपण गराएका ओलीमा २०१४ देखि नै हातमा फंगल्स इन्फेक्सन देखिएको थियो । कडा इन्फेक्सनको उपचार ७ महिनासम्म नियमित ‘ड्रेसिङ’ र एन्टिबायोटिक्स सेवनपछि सफल भएको थियो ।

बारम्बार संक्रमण हुनु, सुगर, मेनेन्जाइटिस सबै यही प्रतिरोधात्मक क्षमता कम हुँदाको असर भएको चिकित्सकहरू बताउँछन् । लामो समयसम्म स्टेरोइड सेवनले पनि हड्डी कमजोर हुने समस्या अस्टिअपरोसी, आँखाको दृष्टिमा समस्या, प्रतिरोधात्मक क्षमता कम भएर कडा संक्रमणको समेत जोखिम हुन्छ ।

सन् २००७ मा भारतमा मिर्गौला प्रत्यारोपण गराएका ओलीमा २०१४ देखि नै हातमा फंगल्स इन्फेक्सन देखिएको थियो । कडा इन्फेक्सनको उपचार ७ महिनासम्म नियमित ‘ड्रेसिङ’ र एन्टिबायोटिक्स सेवनपछि सफल भएको थियो ।
आरामको कमीबाहेक खानपानमा ओली एकदमै अनुशासित छन् । सकेसम्म ब्रेकफास्ट, लन्च र डिनरसमेत घरैमा गर्न रुचाउँछन् । कहिलेकाहीँ अण्डा खाए पनि मासुमा खासै मन गर्दैनन् उनी । ‘खाने बानी ठिक छ, प्रर्याप्त आराम र भिडभाड, भेटघाट घटाउन सकिएको छैन,’ ती चिकित्सकले भने, ‘भेट र समस्या सुनाउन आउनेले भन्दा बढी उहाँ नै बोल्नुपर्छ, नर्मल मान्छे नै थाक्छ, उनको ज्यानले त धन्न धानेको छ ।’

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको श्वासप्रश्वास मार्गमा ‘ब्याक्टेरियल इन्फेक्सन’, स्वाइन फ्लु ‘नेगेटिभ’

रुघाखोकी, ज्वरो र श्वासप्रश्वासमा संक्रमणपछि मनमोहन कार्डियोथोरासिस, भास्कुलर एन्ड ट्रान्सप्लान्ट सेन्टर भर्ना गरिएका प्रधानमन्त्री केपी ओलीको श्वासमार्गको संक्रमण (रेस्पिरेटोरी ट्र्याक इन्फेक्सन) नै प्रमुख समस्या भएको पाइएको छ ।  ११ वर्षअघि मिर्गौला प्रत्यारोपण गराएका ओलीमा अन्य संक्रमणको आशंकामा परीक्षण गर्दा श्वासनलीमा ब्याक्टेरियाको संक्रमण देखिएको छ । रुघाखोकी लाग्दा संक्रमण सर्दै गएर श्वासप्रश्वासमार्गमा पुगेर यस्तो संक्रमण हुने गर्छ । संक्रमण फोक्सोमा नपुगेको र निमोनियासमेत नभएको प्रधानमन्त्रीकी चिकित्सक डा. दिव्या सिंह शाहले बताइन् ।

चिकित्सकका अनुसार यस्तो संक्रमण घटाउन चलाइएको औषधिकै कारण सुगर असन्तुलित भएको थियो । ‘पहिल्यैदेखि नै उहाँमा सुगर छ, त्यसमाथि यो औषधिले पनि सुगर बढाउँछ,’ डा. शाहले भनिन्, ‘सुगर नियन्त्रणमा ल्याउन पनि अस्पताल भर्ना गर्नुपरेको हो ।’ प्रधानमन्त्री ओलीको मिर्गौला, मुटुलगायत महत्वपूर्ण अंगमा अहिले कुनै समस्या नभएको डा. शाहले बताइन् ।

‘स्वाइन फ्लु’ भनेर चिनिने मौसमी रुघाखोकी एच१एन१को आशंकामा गरिएको घाँटीको नमुना (थ्रोट स्वाब)को परीक्षणसमेत नेगेटिभ देखिएको छ । चिकित्सकले दसैँमा धेरैसँग भेटघाट गर्दा नै यस्तो संक्रमण भएको हुन सक्ने आशंका गरेका छन् । ‘श्वासप्रश्वासमा समस्या भएको र टीका लगाउँदा धेरै भेटघाट भएकाले पनि ‘स्वाइन फ्लु’ भयो कि भन्ने आशंका थियो,’ उपचारमा संलग्न एक चिकित्सकले भने, ‘तर, राष्ट्रिय प्रयोगशालामा द्रुत परीक्षण गर्दा नेगेटिभ आयो ।’

डा. शाहका अनुसार बिहान अस्पताल भर्ना गर्दाको तुलनामा उनको स्वास्थ्यमा धेरै सुधार आइसकेको छ । अहिले कहिले–कहिले मात्रै अक्सिजन दिनुपरेको छ । ओलीलाई चिकित्सकहरुले थप संक्रमणबाट जोगाउन अस्पतालमै राखेर औषधिको पूर्ण डोज चलाउने योजना बनाएका छन् । जसका लागि कम्तीमा थप ३ दिन अस्पताल राख्नुपर्ने बताइएको छ । यसैबीच अस्पतालले साँझ विज्ञप्ति जारी गरी पछिल्लो अवस्था सुधारोन्मुख देखिएको जनाएको छ । प्रधानमन्त्री ओलीको उपचारमा डा. अरुण सायमीको नेतृत्वमा मिर्गौला प्रत्यारोपण फिजिसियन डा. दिव्या सिंह शाह, छातीरोग विशेषज्ञ डा. सन्तकुमार दास संलग्न छन् ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीलाई छातीको संक्रमण


प्रधानमन्त्री केपी शर्मा ओलीलाई छातीको संक्रमण भएको चिकित्सकले जनाएका छन् । उपचारमा संलग्न डा. अरुण सायमीका अनुसार उनलाई लोअरबेस डिस्ट्राक्ट इन्फेक्सन भएको छ । ओलीको शरीरमा चिनीको मात्रासमेत असन्तुलित देखिएको छ । उनलाई आज बिहान ४ बजे मनमोहन कार्डियोथोरासिस एण्ड ट्रान्सप्लान्ट सेन्टरमा भर्ना गरिएको थियो । उनको उपचारमा डा. अरुण सायमी, डा. सन्तकुमार दास संलग्न छन् । उपचाररत प्रधानमन्त्रीलाई भेट्न अस्पतालमा पार्टी नेता, कार्यकर्ता, घुँइचो लागेको छ । ओलीलाई सरकारका केही मन्त्री र नेकपाका वरिष्ठ नेताहरुलाई मात्र भेट गर्न दिइएको छ । ३ दिनदेखि मौसमी रुखाघोकी र ज्वरो देखिएपछि उनी घरमै आराम गरेर बसिरहेका थिए । अस्पतालले विज्ञप्ति मार्फत् प्रधानमन्त्रीको स्वास्थ्यमा क्रमिक सुधार देखिएको र अन्य स्वास्थ्यस्थिति सामान्य रहेको जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको स्वास्थ्यमा थप समस्या, अस्पताल भर्ना

प्रधानमन्त्री केपी शर्मा ओलीको स्वास्थ्य थप जटिल बनेपछि उनलाई अस्पताल भर्ना गरिएको छ ।
आइतबार ज्वरो घटेको भनिएपछि राति छातिमा समस्या देखिएर श्वासप्रश्वासमा समेत समस्या देखिएपछि मनमोहन कार्डियोथोरासिस तथा ट्रन्सप्लान्ट सेन्टरमा भर्ना गरिएको हो ।

ओलीलाई आइसियुमा राखेर उपचार सुरु गरिएको छ । केहीदिनदेखि मौसमी रुघाखोकी र ज्वरोका कारण घरमै आराम गरिएका ओलीको स्वास्थ्यको निजी चिकित्सक डा.दिलिप शर्मा र त्रिवि शिक्षण अस्पतालकै छात्तिरोग विशेष डा.सन्तकुमार दासले निगरानी गरिरहेका थिए । तर, गए राति राती थप समस्या देखिएपछि विहान ४ बजे हाराहारीमा उनलाई सेन्टरमा भर्ना गरिएको हो ।

  • ताजा समाचार
  • जनप्रिय

हेल्थपोष्ट टुइट्स सबै

प्रधानमन्त्रीको ज्वरो घट्यो

केही दिनदेखि अस्वस्थ प्रधानमन्त्री केपी ओलीको स्वास्थ्यमा सुधार आएको छ । प्रधानमन्त्रीका प्रेस सल्लाहकार कुन्दन अर्यालले आजै विज्ञाप्तिमार्फत मौसमी रुघाखोकी र हल्का ज्वरोबाट अस्वस्थ भएका प्रधानमन्त्रीको स्वास्थ्यमा क्रमिक सुधार आएको जनाएका छन् । यद्यपि सार्वजनिक कार्यक्रममा भने स्वास्थ्यमा पूर्ण सुधारपछि मात्रै सहभागी हुने विज्ञप्तिमा उल्लेख छ ।

उनले अस्वस्थताका कारण २ दिनदेखि नियमित भेटघाट तथा बैठकबाट टाढा रहेर निवासमै आराम गरिरहेको समेत जनाएका छन् । अर्यालका अनुसार पछिल्लो समयमा ज्वरो नियन्त्रणमा आई स्वास्थ्यमा क्रमिक सुधार आएको भन्दै शुक्रबार स्थगित भएको मन्त्रिपरिषद् बैठक आइतबार तीन बजे बालुवाटारमा बस्दै छ । संभवत आजै बस्ने मन्त्रिपरिषद् बैठकले नयाँ स्वास्थ्य सचिवको टुंगो लगाउनेछ । यसअघि सरकारले स्वास्थ्य सचिव डा.पुष्पा चौधरीलाई प्रधानमन्त्री कार्यालयको अतिरिक्त समूहमा सरुवा गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै