नेशनल मेडिकल कलेजको अर्को ज्यादती-विद्यार्थीलाई कलेज र होस्टल प्रवेशमै रोक

सरकारले तोकेभन्दा बढी शुल्क लिएको विरोधमा एकमहिनादेखि संघर्षरत बीरगञ्जस्थित नेशनल मेडिकल कलेजले फेरी विद्यार्थीमाथि ज्यादती गरेको छ । झण्डै एकमहिनादेखि शान्तिपूर्ण धर्ना गर्दै आएका विद्यार्थीहरु धर्ना सकेर कलेज, छात्रवास प्रवेश गर्न लाग्दा कलेज प्रशासनले मुल गेटमै ताला लगाएर विद्यार्थीहरुलाई प्रवेशमा रोक लगाएको छ ।

यो समाचार तयार पर्दा (राति ८ः३०बजे)सम्म एमबिबिएस प्रथम वर्ष १८औँ ब्याजका झण्डै १०० विद्यार्थीलाई कलेज प्रशासनले कलेज प्रवेशमा रोक लगाएको छ । विद्यार्थीमाथि अवरोध एवं आक्रमणका लागि कलेज प्रशासनले सिनियार ब्याजकै विद्यार्थी प्रयोग गर्दै आएको छ । अहिले पनि बाहिर अलपत्र परेको आन्दोलनरत विद्यार्थी भित्र प्रवेश गरेमा ‘मारेर गाड्ने’ चेतावनी प्रशासन र प्रशासनले प्रयोग गरेका सिनियार विद्यार्थीले दिएका छन् ।

विद्यार्थीहरु सरकारले तोकेभन्दा बढी शुल्क समायोजन अर्थात् फिर्ता गर्नुपर्ने, कलेजमा अध्ययनरत विद्यार्थी भौतिक तथा प्राज्ञिक सुरक्षा हुनुपर्ने, विद्यार्थीमाथि कुटपिटमा संलग्नलाई कारवाही हुनुपर्ने माग अगाडि सारेका छन् । पछिल्लोपटक सरकारी १५ दिनभित्र शुल्क फिर्ता गर्न अल्टिमेटम दिएको अवस्थामा अल्टिमेटम अवधि सकिनै लाग्दा कलेज प्रशासन विद्यार्थीमाथि फेरी ज्यादतीमा उत्रिएको छ ।
निजी मेडिकल कलेजहरुको संस्थाका अध्यक्षसमेत रहेका प्रधानमन्त्री केपी ओली निकट व्यावसायी बसुरुद्दिन अन्सारी नै विद्यार्थीमाथि आक्रमण र धम्कीमा उत्रिने गरेका छन् ।

आन्दोलन सुरु गरेको केही दिनमै बाहिरबाट गुण्डा लगेर छात्रवासमा बसेका विद्यार्थीमाथि कुटपिट नै भएको थियो । कलेज प्रशासनले साँझ ५ बजे नै गेट बन्द गरेर भित्र छिर्न नदिएपछि आफूहरु अस्पताल क्षेत्रमा जम्मा भएर बसिरहेको प्रथम वर्षमा अध्ययनरत विद्यार्थी धनबहादुर तामाङले बताए ।
तामाङले सरकार र प्रशासनले सुरक्षा नदिएमा आफूहरु होस्टल छिर्न नसक्ने अवस्था आएको गुनासो गरे । ‘बाहिर र भित्रका मान्छेहरु नै हामीलाई भित्र पस्न रोकेर भित्र जम्मा भएर बसेका छन्’ उनले भने, ‘भित्र पसे ज्यान मार्ने धम्की आइरहेको छ’

  • ताजा समाचार
  • जनप्रिय

हेल्थपोष्ट टुइट्स सबै

विद्यार्थीमाथि आक्रमणमै उत्रिए मेडिकल कलेज सञ्चालक, केले दिएको छ यस्तो हिम्मत ?

चिकित्साशिक्षा सुधारका निम्ति भन्दै संघर्षमा उत्रिएका विद्यार्थीमाथि कलेजका सञ्चालकहरु आक्रमणदेखि बन्धक बनाउँनेसम्मको हर्कतमा उत्रिएका छन् । पछिल्लोपटक आइतबार बीरगञ्जस्थित नेशनल मेडिकल कलेजका सञ्चालक बसुरुद्दिन अन्सारीको प्रत्यक्ष निर्देशनमा कलेजको होस्टलमा झण्डै सय जनाको संख्यामा विद्यार्थीलाई दिनभर थुनेर राखिएको छ ।

सुरुमा चितवन मेडिकल कलेजमा देखिएको तनाव पछिल्ला दिनमा गण्डकी र बीरगञ्जमा समेत सुरु भयो । नेशनलमा विद्यार्थीले सुरु गरेदेखि नै सञ्चालक अन्सारी अस्वाभाविक रुपमा आक्रामक बनेर प्रतिकारमा उत्रिए । प्रदर्शन सुरुकै दिन प्रमुख सञ्चालक अन्सारी आफै उपस्थित भएर विद्यार्थीलाई डर धम्की देखाएर आक्रमण प्रयाससमेत गरेको आरोप विद्यार्थीहरुको छ । सुरुमा विद्यार्थीहरुलाई बाहिरका गुण्डा लगेर आक्रमण प्रयास भएकोमा आइतबार दिनभरको प्रदर्शन बिथोल्न होस्टलमा बन्धक बनाएको आन्दोलरत विद्यार्थीहरुले  बताएका छन् ।

नेशनलले खुलेयाम रुपमा सरकारले तोकेको शुल्कभन्दा बढी शुल्क लिएको, छात्रवृतिका विद्यार्थीसँगसमेत मासिक अतिरिक्त शुल्क लिएको, होस्टेलमा नबसे पनि होस्टेल फी अनिवार्य गरेको छ । विद्यार्थीहरुले राज्यले तोकेको शिक्षण शुल्क लागू गर्न, अतिरिकत शुल्क फिर्ता गर्नुपर्ने, परिक्षा तालिका परिवर्तन गर्नुपर्ने जस्ता माग अगाडि सारेका छन् ।

अन्सारी यसअघिको स्थानीय निर्वाचनमा नेकपाका तर्फबाट बीरगञ्ज उपमहानगरपालिकाको मेयरका प्रत्याशी थिए । विभिन्न निर्वाचनमा समेत टिकट पाइसकेका अन्सारी पछिल्लोपटक ओली उपचारका लागि सिङ्गापुर जाँदा सँगै गएका थिए ।

अन्य कलेजमा विद्यार्थीमाथि प्रहरी प्रशासन लगाएर दबाब /प्रभाव पार्न खोजिएपछि अन्सारी भने आफै मैदानमा उत्रिएका हुन् । प्रधानमन्त्री तथा नेकपा अध्यक्ष केपी ओली र अर्का अध्यक्ष दाहालसँग विशेष सम्बन्ध रहेका अन्सारी हाल मेडिकल तथा डेन्टल कलेजका सञ्चालकहरुका संस्थाका अध्यक्ष हुन् । सरकारसँगको विशेषसम्बन्धकै कारण चिकित्साशिक्षा आयोगको उपाध्यक्ष नियुक्तीपछिको पहिलो बैठकमै उपस्थित हुनेगरी अन्सारीलाई सदस्यसमेत बनाइसकिएको छ ।

अन्सारी यसअघिको स्थानीय निर्वाचनमा नेकपाका तर्फबाट बीरगञ्ज उपमहानगरपालिकाको मेयरका प्रत्याशी थिए । विभिन्न निर्वाचनमा समेत टिकट पाइसकेका अन्सारी पछिल्लोपटक ओली उपचारका लागि सिङ्गापुर जाँदा सँगै गएका थिए । सरकारले तोकेभन्दा बढी शुल्क लिने आँट गरेका अन्सारीले केही वर्षअघि कलेजको अनुगमनका लागि गएको नेपाल मेडिकल काउन्सिलको टोलीलाई प्रवेश नै गर्न फर्काइदिएको घटनासमेत मेडिकल बृतमा सञ्चालकको मनपरी र दण्डहीनताको गतिलो उदाहरणको रुपमा दर्ज छ ।

अहिलेपनि मन्त्रालयदेखि चिकित्साशास्त्र अध्ययन संस्थानबाट समेत अस्वाभाविक संरक्षण पाइरहेका सञ्चालक अन्सारी राजनीतिक पकड र पहुँचकै आडमा विद्यार्थी आन्दोलन दमनमा लाग्ने र आक्रमणमै उत्रिने हिम्मत गरेको बुझाई शिक्षा मन्त्रालयका अधिकारीहरुको छ ।

शान्तिपूर्ण आन्दोलनरत विद्यार्थीमाथि एकपछि अर्को ठाउँमा दमन बढ्दै गएपछि आन्दोलनसमेत उग्र बन्दै जाने संकेत देखिएको छ । पछिल्लोपटक चिकित्साशिक्षाका विद्यार्थीको आन्दोलनमा चिकित्सकहरुको विभिन्न संगठन र अन्य दलनिटकका विद्यार्थी संगठनले पनि समर्थन र साथ दिने क्रम बढ्दै गएको छ ।

  • ताजा समाचार
  • जनप्रिय

हेल्थपोष्ट टुइट्स सबै

हावाहुरी प्रभावितका नाममा नेशनल मेडिकल कलेजको असुली, प्रधानमन्त्रीबाट प्रशंसा, मुख्यमन्त्रीबाट चेक

बारा र पर्सामा ‘टोनार्डो’ नामक हावाहुरीबाट घाइते परिवारलाई निःशुल्क उपचार गर्ने घोषणा गरेको नेशनल मेडिकल कलेजले अन्ततः प्रदेश सरकारबाट ३१ लाख रुपैँया लिएको लियो । सरकारका प्रमुखले अस्पतालले निःशुल्क रुपमा उपचार गरेको भन्दै जनतासँग प्रधानमन्त्री कार्यक्रममा नीजि कलेजको उच्च प्रशंसा गरेका थिए । अधिकांश घाइतेका उपचार सरकारी अस्पतालमा भएपनि प्रधानमन्त्री ओलीले सरकारी अस्पतालको नामै नलिइकन नेशनलकलेजको प्रशंसा गरेका थिए ।

त्यही कलेजले केही दिनअघि मुख्यमन्त्रीबाट लाजै नमानी चेक बुझे । ‘टोनार्डो’ प्रवाति क्षेत्रमा अनुगमनमा पुगेका प्रधानमन्त्री केपी शर्मा ओलीकै अगाडी सकलेज संचालक बसरुद्धिन अन्सारीले सञ्चारमाध्यममा घाइतेलाई निःशुल्क उपचार गर्ने घोषणा समेत गरेका थिए । सोपछि नेपाल टेलिभिजनबाट प्रशारित जनतासँग प्रधानमन्त्री कार्यक्रममा ओलीले ‘घाइतेको उपचारमा राम्रारी ध्यान दिएको पाएँ’ भन्दै कलेजको प्रशंसा सुरु गरेका थिए ।

ओलीले भनेका थिए – ‘अझै नेशनल मेडिकल कलेजले त उपचार निःशुःल्क, अप्रेसन निःशुल्क, औषधि निःशुल्क सबै घाइते र कुरुवालाई खानासमेत प्रवन्ध समेत निःशुल्क ढंगले गरेर उपचार ठूलो मात्रामा पु-याएको पाइयो, यो बहुत स्वगतयोग्य कुरा हो’ ।

ओलीले भनेका थिए – ‘अझै नेशनल मेडिकल कलेजले त उपचार निःशुःल्क, अप्रेसन निःशुल्क, औषधि निःशुल्क सबै घाइते र कुरुवालाई खानासमेत प्रवन्ध समेत निःशुल्क ढंगले गरेर उपचार ठूलो मात्रामा पु-याएको पाइयो, यो बहुत स्वगतयोग्य कुरा हो’ ।

तर, अहिले आएर कलेजले २ सय ३३ जनालाई उपचार गरेको बिल मुख्यमन्त्री कार्यालयमा पेश गरी भुत्तानी लिएको हो । मुख्यमन्त्री लालबाबु राउतले समेत उक्त घोषणालाई वेवास्ता गर्दै सार्वजनिक रुपमा फोटो खिचाएरै मेडिकल कलेजका निर्देशक आविद हुसैन अन्सारीलाई रु.३१ लाख ३८ हजार २ सय ८४ को चेक हस्तान्तरण गरे ।
घाइतेकै उपचारका विलबापत वीरगंज हेल्थ केयर हस्पिटलले १३ लाख ६३ हजार २ सय ५६ रुपैँया भुत्तानी लिएको छ । ०७५ चैत्र १७ मा आएको हावाहुरी ‘टोनार्डो’ बाट ३० भन्दा बढीको मृत्यु भएको थियो भने सयौँ व्यक्ति घाइते भएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

नेपालको प्रवेश परीक्षा पास नगरी डाक्टर पढिरहेका विदेशीलाई उच्च अदालतले दियो मान्यता, भविष्यमा भने यसो गर्न नमिल्ने

नेसनल मेडिकल कलेजले आइओएमको भर्नासम्बन्धी सर्तविपरीत नेपालको प्रवेश परीक्षा पास नगरेका ४० भन्दा बढी विद्यार्थीलाई गरेको भर्नालाई प्रदेश २ उच्च अदालतले मान्यता दिएको छ । तर, अदालतले आगामी दिनका सन्दर्भमा भने आइओएमअन्तर्गतका कलेजमा भर्नाका लागि आइओएमको प्रवेश परीक्षा पास गरेकै हुनुपर्ने व्यवस्थालाई सदर गरेको छ ।

आफूले पाएको सिटमा विद्यार्थी भर्ना नभएपछि कलेजले तोकिएको विदेशी विद्यार्थी कोटाभन्दा अतिरिक्त सिटमा समेत भारतको नेसनल इलिजिबिलिटी इन्ट्रान्स टेस्ट पास गरेका विद्यार्थीलाई भर्ना गराएको थियो ।

आइओएमले २१ भदौ ०७४ मा जारी गरेको भर्नासम्बन्धी सूचनाको ८ (च) र (छ) को प्रावधान विदेशी विद्यार्थीका हकमा बदर गर्न माग गर्दै नेसनल कलेजका तर्फबाट डा. जैनुदिन अन्सारीले रिट दायर गरेका थिए । आफूले पाएको सिटमा विद्यार्थी भर्ना नभएपछि कलेजले तोकिएको विदेशी विद्यार्थी कोटाभन्दा अतिरिक्त सिटमा समेत भारतको नेसनल इलिजिबिलिटी इन्ट्रान्स टेस्ट पास गरेका विद्यार्थीलाई भर्ना गराएको थियो । सो भर्नालाई आइओएम, नेपाल मेडिकल काउन्सिल र स्वास्थ्य मन्त्रालयले समेत मान्यता नदिने निर्णय गरेपछि उक्त निर्णय बदर गर्न माग गर्दै सञ्चालकले जनकपुरस्थित प्रदेश २ उच्च अदालतमा रिट दायर गरेका थिए । अदालतले तत्कालै अन्तरिम आदेश दिएपछि विद्यार्थी पढ्दै आएका थिए ।

सरकारले विदेशी विद्यार्थीले पनि नेपालका मेडिकल कलेजमा भर्ना हुनका लागि नेपालका विश्वविद्यालयले लिएको प्रवेश परीक्षा पास गरेको हुनुपर्ने व्यवस्था गरेको थियो ।

रिटमाथि अन्तिम सुनुवाइ गर्दै ३ मंसिरमा उच्च अदालतका न्यायाधीश भोजराज अधिकारी र सत्यमोहन जोशी थारूको संयुक्त इजलासले ‘तोकिएको सिट संख्यामा कलेजमा भर्ना भइसकेको देखिँदा भर्ना कानुनविपरीत नदेखिँदा भर्ना भएको विद्यार्थीको अपूरणीय क्षति पुग्न जाने’ भन्दै शैक्षिक वर्ष ०७४÷७५ मा ती विद्यार्थीको हकमा उल्लेखित भर्नाको सर्त कार्यान्वयन नगर्नू÷नगराउनू भनी परमादेशयुक्त निषेधाज्ञा जारी गरेको छ ।

डा. अन्सारीले त्रिविलाई विपक्षी बनाएको मुद्दामा गरेको मागअनुसार आइओएमले जारी सूचनामा विदेशी विद्यार्थीका सन्दर्भमा उल्लेख गरेको प्रावधान निवेदकको मागबमोजिम उत्प्रेषणको आदेशद्वारा बदर गर्न मिल्ने नदेखिएको आदेशमा उल्लेख छ ।

सरकारले विदेशी विद्यार्थीले पनि नेपालका मेडिकल कलेजमा भर्ना हुनका लागि नेपालका विश्वविद्यालयले लिएको प्रवेश परीक्षा पास गरेको हुनुपर्ने व्यवस्था गरेको थियो । तर, गत वर्ष सरकारले सो कलेजका लागि विदेशी विद्यार्थी कोटा ४० प्रतिशत तोके पनि कलेजले नेपाली विद्यार्थीको समेत खाली सिटमा भारतीय विद्यार्थीलाई भारतकै प्रवेश परीक्षा पास गरेका आधारमा धमाधम भर्ना गरिदिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै