क्यान्सर जितेकाहरु सुदिप्त सर्भाइभर -याम्प सोमा

समयमै पहिचान र उपचारले क्यान्सर निको हुन्छ भन्ने सन्देश प्रवाह गर्ने उदेश्यले क्यान्सरलाई जितेकाहरु र्याम्पमा उत्रिएका छन् । विरामीमा आत्मविश्वास, अन्यमा जनचेतना जगाउँन नेपाल क्यान्सर सहयोग समूह र नेपाल क्यान्सर अस्पताल एण्ड रिसर्च सेन्टरले सुदिप्त क्यान्सर सर्भाइभर र्याम्प आयोजना गरेपछि रोग जितेकाहरुले मञ्च पाएका हुन् ।

र्याम्प सोमा क्यान्सर जितेका २४ जना महिला र ४ पुरुष सहभागी थिए । नियमित स्वास्थ्य परिक्षण गराएमा रोग निको हुन्छ भन्ने सन्देश जनमानसमा पुर्याउने सो आयोजना गरिएको आयोजकको भनाई छ । कार्यक्रममा प्रमुख अतिथिको रुपमा महजोडी हरिवंश आचार्य र मदनकृष्ण श्रेष्ठले रोगसँग जोडिएका अनुभूति सुनाएका थिए ।

श्रेष्ठले यस कार्यक्रम भइरहँदा स्वर्गीय श्रीमतकिो याद आइरहेको बताए । क्यान्सर पीडित श्रीमतीको जीवन क्यान्सर लागेपछि पनि ६ वर्षसम्म लम्ब्याएको उनले सुनाए । ‘क्यान्सर रोगीलाई औषधी या उपचार मात्र होइन घर परिवारबाट मायाममता र साथले पनि उच्च मनोबल प्रदान गरिन्छ, जुन क्यान्सरलाई जित्ने मुख्य आधार हो ।’ श्रेष्ठले भने ।

क्यान्सर रोग उपचार गर्नका लागि नेपालमा पनि धेरै प्रविधि आइसकेको र उपचार गर्न बाह्य देश जान नपर्ने श्रेष्ठको भनाई थियो ।
अर्का अतिथि हरिवंश आचार्यले शरीरलाई देशसँग तुलना गर्दै आतंकवादग्रस्त देशलाई जसरी सिपाहीले लडेर जोगाएजस्तै शरीरको आतंककारी क्यान्सरलाई पनि परास्त गर्न सकिने विचार राखे । उनले क्यान्सर उपचारका लागि विदेशमा नेपालीले अर्बौं रुपैंया खर्च गरिरहेको भन्दै विदेशमा रहेको प्रविधि नेपालमा ल्याएर सुलभ रुपमा राम्रो प्रदान गर्न सकिने विचार राखे ।

‘नेपालमा गरीब पछ्यौट्पन, जनचेतनाको अभावले गर्दा क्यान्सर रोग परिक्षण गर्न कठीन छ,’ श्रेष्ठले भनिन्, ‘नेपालमा क्यान्सर रोगका कारण हुने मृत्युदर अकल्पनीय रुपमा बढिरहेको छ, जनचेतना बढाएर त्यसका कम गर्न सकिन्छ ।’

मिस नेपाल २०१८ श्रृखंला खतिवडाले क्यान्सर निको नहुने रोग हो भन्ने भ्रम हटाए नियमित स्वास्थ्य परिक्षणमार्फत समयमै रोगको पहिचानगरी उचित उपचार पाउँनसके रोक निको हुने बताइन् । क्यान्सर लागेका विरामीलाई हौसला र प्रेरणाबाट रोग जित्नसक्ने वा सामना गर्नसक्ने बनाउँन सकिने भनाई उनको थियो ।
कार्यक्रमकी संयोजक स्वरुपा श्रेष्ठले विकसित मुलुकहरुमा क्यान्सर रोगबाट बच्ने जनचेतनाका थुपै अभियान र कार्यक्रम हुने भएको र नियमित र समयमा परीक्षणले पनि रोगबाट हुने मृत्युदर कम भएको अनुभव सुनाइन् । ‘नेपालमा गरीब पछ्यौट्पन, जनचेतनाको अभावले गर्दा क्यान्सर रोग परिक्षण गर्न कठीन छ,’ श्रेष्ठले भनिन्, ‘नेपालमा क्यान्सर रोगका कारण हुने मृत्युदर अकल्पनीय रुपमा बढिरहेको छ, जनचेतना बढाएर त्यसका कम गर्न सकिन्छ ।’
कार्यक्रममा क्यान्सर जितेका महिलाले नृत्यसमेत प्रस्तुत गरेका थिए । विरामीहरुलाई विभिन्न बैंकहरुले नगद सहयोग प्रदानसमेत गरेका थिए ।

  • ताजा समाचार
  • जनप्रिय

हेल्थपोष्ट टुइट्स सबै

‘क्यान्सर सर्भाइभर -याम्प सो’ गर्दै नेपाल क्यान्सर अस्पताल

क्यान्सररोगबारे जनमानसमा व्याप्त भ्रम चिर्दै नियमित स्वास्थ्यपरीक्षणमार्फत समयमै रोग पहिचान गरी उचित उपचार गराएमा क्यान्सररोग पूर्णतः निको हुनेतर्फ सचेत गराउने उद्देश्यले राजधानीमा सर्भाइभर र्याम्प सो गरिने भएको छ । नेपाल क्यान्सर सहयोग समूह र नेपाल क्यान्सर हस्पिटल एन्ड रिसर्च सेन्टरले ‘सुदिप्त क्यान्सर सर्भाइभर र्याम्प सो’को आयोजना गर्न लागेका हुन् ।

कार्यक्रमबारे सर्वसाधारण तथा सम्बन्धित विभिन्न पक्षलाई जानकारी गराउन मंगलबार आयोजित पत्रकारसम्मेलनमा आगामी शुक्रबार (११ जनवरी) सो आयोजना गर्ने जानकारी दिइयो । सोमा २४ महिला तथा ४ पुरुष सहभागी रहने कार्यक्रम संयोजक स्वरूपा श्रेष्ठले जानकारी दिइन् । यस प्रकारको सो दोस्रोपटक पनि सञ्चालन गर्न नाम संकलन भइरहेको उनले बताइन् ।

काठमाडौं उपत्यकाभित्र सोले सकारात्मक प्रभाव पारेको खण्डमा उपत्यकाबाहिर पनि यस्ता सो सञ्चालन गरिने श्रेष्ठ बताउँछिन् । सुरुकै अवस्थामा नियमित स्वास्थ्यपरीक्षण गराएको खण्डमा क्यान्सररोग निको हुन्छ भन्ने सन्देश जनमानसमा पुर्याउनु नै सोको प्रमुख उद्देश्य रहेको उनी बताउँछिन् ।
‘क्यान्सररोगसम्बन्धी नेपाली समाजमा रहेको नकारात्मक भ्रम चिर्न र नियमित स्वास्थ्यपरीक्षणबाट समयमै क्यान्सररोग पत्ता लगाई सही उपचार गराउन सकेको खण्डमा क्यान्सररोग पूर्ण रूपमै निको हुन्छ भन्ने सन्देश दिनका लागि सुदिप्त क्यान्सर सर्भाइभर र्याम्प सोको आयोजना गरिएको हो,’ नेपाल क्यान्सर अस्पतालका मेडिकल डाइरेक्टर डा. बीजेशराज घिमिरेले बताए । उनका अनुसार नेपालमा करिब ५० हजार क्यान्सररोगी छन् ।

‘विकसित मुलुकहरूमा क्यान्सररोगसम्बन्धी जनचेतना र समयमै स्वास्थ्यपरीक्षण गराउने र उपचारमा जाने परिपाटी बसेकाले क्यान्सररोगको वृद्धिदरमा अंकुश लगाउन विकसित मुलुकहरू सफल भएका छन्,’ उनले भने, ‘तर, गरिबी पछौटेपन, शिक्षा–दीक्षाको कमीका कारण नेपालजस्ता अल्पविकसित मुलुकमा भने समाजमा प्रचलित विभिन्न किसिमका भ्रम र अन्धविश्वासका कारण अधिकांश जनता क्यान्सररोगको परीक्षणका लागि उत्सुक देखिँदैनन् ।’

विश्वमा क्यान्सररोग महामारीकै रूपमा फैलिरहेको र नेपालमा पनि यसले महामारीको रूप लिएका कारण जनस्तरसम्म क्यान्सरबारे चेतना फैलाउने लक्ष्यका साथ सो आयोजना गरिएको घिमिरेले बताए । ‘विकसित मुलुकहरूमा क्यान्सररोगसम्बन्धी जनचेतना र समयमै स्वास्थ्यपरीक्षण गराउने र उपचारमा जाने परिपाटी बसेकाले क्यान्सररोगको वृद्धिदरमा अंकुश लगाउन विकसित मुलुकहरू सफल भएका छन्,’ उनले भने, ‘तर, गरिबी पछौटेपन, शिक्षा–दीक्षाको कमीका कारण नेपालजस्ता अल्पविकसित मुलुकमा भने समाजमा प्रचलित विभिन्न किसिमका भ्रम र अन्धविश्वासका कारण अधिकांश जनता क्यान्सररोगको परीक्षणका लागि उत्सुक देखिँदैनन् ।’

उनका अनुसार समाजमा क्यान्सररोगीलाई हेर्ने हेयात्मक दृष्टिकोणका कारण कतिपय क्यान्सररोगीहरू उपचारका लागि भारतलगायत अन्य देशमा जाने गरेका छन् । नेपालमा क्यान्सरका कारण मृत्यु हुनेको संख्या अकल्पनीय वृद्धि भइरहेको छ । केही शिक्षित र सम्पन्न परिवारमा समेत क्यान्सररोग लागेमा बाँचिन्न र बाँचे पनि क्यान्सररोगपछिको जीवन बेकार हुन्छ भन्ने सोच व्याप्त रहेको निर्देशक घिमिरे बताउँछन् ।

नियमित स्वास्थ्यपरीक्षणले प्राथमिक तहमै क्यान्सरपछिको जीवन स्वाभाविक र स्वस्थ रहन्छ भन्ने जानकारी दिनु नै र्याम्प सो कार्यक्रमको मुख्य लक्ष्य भएको आयोजकले जनाएको छ । सोमा क्यान्सरको उपचार गराएर निको भएका व्यक्तिहरूले समेत भाग लिनेछन् । क्यान्सररोगमाथिको विजेताहरूको सहभागिताले सो प्रभावकारी हुने आयोजकको अपेक्षा छ । गरिब तथा आर्थिक रूपमा विपन्न बिरामीहरूका लागि विशेष प्रकारको आर्थिक कोष सिर्जना गर्नु पनि सोको लक्ष्य छ ।

  • ताजा समाचार
  • जनप्रिय

हेल्थपोष्ट टुइट्स सबै

एकतिहाइ क्यान्सर सुर्तीजन्य पदार्थको सेवनले लाग्छ

नेपालमा क्यान्सररोगको पछिल्लो अवस्था कस्तो छ ?
नेपालमा पछिल्लो समय क्यान्सररोग एकदमै बढ्दो अवस्थामा छ । नेपालमा मात्रै नभई विश्वमै नसर्ने रोगबाट हुने मृत्युमध्ये सबैभन्दा बढी मानिसको मृत्यु क्यान्सरका कारण हुने गरेको छ । अन्य रोगको तुलनामा क्यान्सरबाट मृत्यु हुनेको संख्या बढ्दो छ । विकसित मुलुकहरूमा क्यान्सरका कारण मृत्यु हुनेको संख्या केही कम भए पनि विकासोन्मुख देशमा भने अत्यधिक छ ।
नेपाल, भारत, चीनजस्ता मुलुकमा भने क्यान्सरका कारण मृत्यु हुनेको संख्या झन्–झन् बढ्दो छ । उपचारका लागि आउने क्यान्सरका नयाँ तथा पुराना बिरामीको चापलाई हेर्दा नेपालमा पनि क्यान्सररोगीको संख्या दिन–प्रतिदिन बढ्दै छ ।

प्रदूषणमा भएको वृद्धि, खानपानशैलीमा व्यापक परिवर्तन, व्यापक औद्योगिकीकरण, औसत आयुमा आएको परिवर्तनजस्ता कुरा क्यान्सररोग बढ्नुका कारण हुन् ।

मुटुरोग विशेषज्ञ भन्छन्, विश्वमा नसर्ने रोगका कारण सबैभन्दा बढी मृत्यु मुटुरोगका कारण हुन्छ । क्यान्सर विशेषज्ञका रूपमा तपाईं भन्दै हुनुहुन्छ, क्यान्सर पहिलो हो । वास्तवमा हो चाहिँ के ?
सन् २०१६ सम्म नसर्ने रोगमध्ये विश्वमा सबैभन्दा बढी मानिसको मृत्युको कारण मुटुरोग थियो । तर, सन् २०१६ पछि सबैभन्दा बढी मृत्यु क्यान्सररोगका कारण हुने तथ्यांक सार्वजनिक भएको छ ।
त्यसैले अहिले नम्बर १ किलरका रूपमा क्यान्सररोग रहेको छ । विश्वमा वार्षिक लगभग ८० देखि ९० लाखको हाराहारीमा मानवीय मृत्यु क्यान्सररोगका कारण हुने गरेको छ । नेपालमा करिब ६० हजारभन्दा बढी संख्यामा क्यान्सररोगी रहेको अनुमान छ । बर्सेनि २५ हजार नेपालीलाई क्यान्सर हुने गर्छ । त्यसमा करिब १५ देखि २० हजारको मृत्यु गरेको अनुमानित तथ्यांक छ ।

क्यान्सर जीवनशैलीसँग कति जोडिएको छ ?
क्यान्सररोग जीवनशैलीसँग अत्यन्त सम्बन्धित छ । मानिसको औसत आयु नै अहिले बढेको छ । पहिले–पहिले मानिसहरू ५०–६० वर्षमै मर्ने गर्थे भने अहिले ८०–९० वर्षसम्म बाँच्ने गर्छन् । क्यान्सररोग, जीवनशैली, भोगाइ, बानीका कारणले पनि लाग्ने गर्छ । उमेर पुगेका मानिसमा क्यान्सरको समस्या बढ्ने भएकाले औसत आयु बढ्नुले पनि क्यान्सररोग बढेको हो । ३३ प्रतिशत क्यान्सररोग धूमपान, मद्यपान तथा सुर्तीजन्य पदार्थको सेवनका कारण लाग्ने गरेको छ । क्यान्सरको एकतिहाइ कारण सुर्ती तथा सुर्तीजन्य पदार्थको सेवन हो । १० प्रतिशत क्यान्सर वंशानुगत कारणले लाग्ने गर्छ । प्रदूषण, विभिन्न प्रकारका संक्रमण, खानपान, जीवनशैलीका कारण पनि क्यान्सररोग लाग्ने गर्छ । पुराना, ढुसी परेका, पोलेका तथा नुनिला खानेकुराको अत्यधिक सेवनका कारण पनि क्यान्सररोग लाग्ने गर्छ । मानिस जति धेरै स्वच्छताबाट टाढा जान्छ, त्यति नै हरेक दिन उसको शरीरमा विभिन्न कुराले हमला गरिरहेका हुन्छन् । उक्त हमलालाई कुनै दिन हाम्रो शरीरले थेग्न सक्दैन, त्यसैको फलस्वरूप क्यान्सररोग सुरु हुन्छ । त्यसैले क्यान्सररोग मानिसको जीवनशैली, खानपान तथा व्यवहारसँग सम्बन्धित हुन्छ भने थोरै मात्रामा वंशानुगत हुन्छ ।

विश्वमा उपचारको क्षेत्रमा धेरै ठूलो उपलब्धि प्राप्त भएको छ । आज एचआइभी एड्सको पनि उपचार सम्भव छ । क्यान्सर पहिलो र दोस्रो अवस्थामा भएमा ठिक हुन्छ । तर, तेस्रो र चौथो अवस्थामा पुगेको क्यान्सररोग नेपालमा मात्र नभई संसारका कुनै पनि ठाउँमा निको पार्न सकिँदैन ।

क्यान्सररोग नेपालमा दिन–प्रतिदिन बढ्नुका कारण के होलान् ?
नेपालमा क्यान्सररोग बढ्नुको मुख्य कारण धूमपान बढ्नु नै हो । आधुनिकता बढेसँगै नेपालीको जीवनशैलीमा आएको व्यापक परिवर्तनका कारण पनि क्यान्सररोग बढ्दै गएको हो ।
प्रदूषणमा भएको वृद्धि, खानपानशैलीमा व्यापक परिवर्तन, व्यापक औद्योगिकीकरण, औसत आयुमा आएको परिवर्तनजस्ता कुरा क्यान्सररोग बढ्नुका कारण हुन् ।

क्यान्सररोग उमेर समूहमा कतिको भर पर्छ ?
मानिसको उमेर बढेसँगै क्यान्सरको जोखिम पनि बढ्दै जाने गर्छ । तर, कम उमेरमा चाहिँ क्यान्सर नहुने नै भन्ने चाहिँ हुन्न । ४० वर्ष उमेर कटिसकेपछि क्यान्सरको जोखिम पनि बढ्दै जान्छ । विश्वभरिको तथ्यांकलाई हेर्ने हो भने महिला तथा पुरुष दुवैमा यसको जोखिम बराबरी मात्रामा नै पाउन सकिन्छ । बच्चा जन्मिएपछि करिब १५ वर्षसम्म हुने बाल्यावस्थाको क्यान्सर पनि हुन्छ । त्यसपश्चात् ४० वर्षसम्म क्यान्सर निकै नै कम हुने गर्छ । ४० वर्ष नाघिसकेपछि मानिसमा फेरि क्यान्सरको जोखिम बढ्दै जान्छ । बच्चामा हुने क्यान्सरको प्रमुख कारण वंशानुगत हो । जन्मनेवेलै खराब जिन लिएका कारण पनि बच्चामा क्यान्सर हुने गर्छ । बच्चामा बढी मात्रामा रक्त क्यान्सर तथा टाउकोको क्यान्सर प्रमुख मानिन्छन् ।

नेपालका अस्पतालहरूमा क्यान्सररोगको उपचार अवस्था कस्तो छ ?
विश्वमा उपचारको क्षेत्रमा धेरै ठूलो उपलब्धि प्राप्त भएको छ । आज एचआइभी एड्सको पनि उपचार सम्भव छ । क्यान्सर पहिलो र दोस्रो अवस्थामा भएमा ठिक हुन्छ । तर, तेस्रो र चौथो अवस्थामा पुगेको क्यान्सररोग नेपालमा मात्र नभई संसारका कुनै पनि ठाउँमा निको पार्न सकिँदैन । नेपालमा अझै पनि क्यान्सर रोकथामको क्षेत्रमा सरकारको नीति नै छैन । सरकारले क्यान्सररोग न्यूनीकरणका लागि न योजनाबद्ध रूपमा अस्पतालको संख्या बढाएको छ, न उपचारका लागि दक्ष जनशक्तिको उत्पादनमा ध्यान दिएको छ, न त उपचारका लागि आवश्यक उपकरण खरिदमै ध्यान दिएको छ । बर्सेनि भयावह रूपमा बढिरहेको क्यान्सरको रोकथाम र न्यूनीकरणका लागि सरकारले विशेष नीति ल्याउनु आवश्यक छ ।
नेपालमा सरकारीस्तरका क्यान्सर अस्पतालमध्ये भरतपुर क्यान्सर अस्पतालले भने राम्रो काम गरिरहेको छ । अहिले धेरै क्यान्सर अस्पताल निजीस्तरबाट मात्रै निर्माण भएका छन् । सरकारले यसरी भयावह रूपमा बढिरहेको क्यान्सरको उपचारमा खासै ध्यान दिएको छैन ।

क्यान्सररोगको नेपालमा नै उपचारको सुरुवात हुनु एउटा राम्रो पक्ष हो । नेपालको कुनै एउटा अस्पतालमा पनि क्यान्सररोगका लागि चाहिने सबै प्रकारका सेवा बिरामीले पाउन सक्ने अवस्था अझै पनि छैन । तर, हाम्रो अस्पतालमा क्यान्सररोगका लागि रेडियसन, किमोथेरापीलगायत सम्पूर्ण सेवा–सुविधा उपलब्ध छन् । अझै पनि गाउँ–गाउँका क्यान्सररोगीको उपचारमा पहुँच छैन ।हाम्रो अस्पतालमा क्यान्सरको सबैखाले उपचार सम्भव छ । निजी क्षेत्रका अस्पतालहरूले जति नै अगाडि बढेर एउटास्तरसम्म ल्याए पनि सरकारको प्रयासविना सबैमा उपचारको पहुँच पुर्याउन सकिँदैन । यसका लागि सरकारले एउटा नीति नै बनाउनुपर्ने अवस्था आइसकेको छ ।

नेपाल र विदेशको क्यान्सर उपचारमा के–कस्तो भिन्नता छ ?
अबका दिनमा एउटा बिरामीले नेपालमा र विदेशमा पाउने उपचार सुविधामा खासै भिन्नता छैन । नेपालमा केही वर्षअघि रेडियोथेरापीका लागि मेसिन उपलब्ध थिएन । त्यसका लागि भारत अथवा अन्य मुलुक नै जानुपर्ने बाध्यता थियो । अहिले देशमै त्यस्ता उपकरण आएका छन् । हाम्रो अस्पतालमै रेडियोथेरापीको मेसिन आएको ३ वर्ष भइसकेको छ । त्यसका साथसाथै पहिले किमोथेरापी, रेडियोथेरापी तथा सर्जरीमा समेत त्यति प्रभावकारी उपचार थिएन । आजका दिनमा ती सबै सम्भव भएका छन् । नेपालमा भारतभन्दा धेरै सुपथ मूल्यमा सबै प्रकारका क्यान्सरको समान गुणस्तरको उपचार सम्भव भएको छ । यो लामो समयको उपचार भएकाले विदेशमा लामो समयसम्म बस्नुपर्ने समस्याको समेत हल भएको छ ।

क्यान्सरको उपचार त्यति सहजचाहिँ छैन । यसका औषधि तथा प्रविधिहरू महँगा छन् । तैपनि भारतको तुलनामा भने नेपालको उपचार सस्तो छ । भारतभन्दा नेपालमा क्यान्सरको उपचार ५० प्रतिशत सस्तोमा पाउन सकिन्छ ।

नेपाल क्यान्सर अस्पतालमा क्यान्सर उपचारका के–कस्ता प्रविधि उपलब्ध छन् ?
क्यान्सर उपचारका लागि आवश्यक सम्पूर्ण प्रविधि नेपाल क्यान्सर अस्पतालमा उपलब्ध छन् । क्यान्सरका सबै किसिमका सर्जरी यहाँ हुन्छन् । निको नहुने बिरामीका लागि एक छुट्टै वार्डको समेत व्यवस्था छ । किमोथेरापी, रेडियोथेरापीलगायत सबै प्रविधि यहाँ उपलब्ध छन् । पेटस्क्यान प्रविधि पनि नेपालका अस्पतालमा उपलब्ध छ । पेटस्क्यान एउटा नयाँ प्रविधि हो, जसले क्यान्सर छ कि छैन भनी पत्ता लगाउन सहयोग गर्छ । कुनै पनि अवस्थामा क्यान्सर लागेको हो–होइन भन्ने पत्ता लगाउन यस प्रविधिबाट सिटी स्क्यानजस्तै एकप्रकारको स्क्यान गर्ने गरिन्छ । यस प्रविधिको प्रयोग गर्ने समयमा आइसोटोप नामक एक इन्जेक्सनको प्रयोग गरिन्छ । यो क्यान्सरको ट्युबर कोषमा मात्र गएर बस्छ । यो प्रविधि क्यान्सर भए–नभएको पत्ता लगाउन वरदान नै साबित भएको छ । यो प्रविधिले शतप्रतिशत नभई ८० देखि ८५ प्रतिशत क्यान्सररोग लागे–नलागेको पत्ता लगाउन सहयोग गर्छ । यो प्रविधि नेपालमा सुरु भएको भर्खरै १ वर्ष मात्रै भएको छ । क्यान्सरको उपचारमा शल्यक्रिया, किमोथेरापी, रेडियोथेरापी गरी जम्मा ३ वटा प्रविधिको प्रयोग गरिन्छ ।

उपचारमा बिरामीको पहुँच कत्तिको छ ?
क्यान्सरको उपचार त्यति सहजचाहिँ छैन । यसका औषधि तथा प्रविधिहरू महँगा छन् । तैपनि भारतको तुलनामा भने नेपालको उपचार सस्तो छ । भारतभन्दा नेपालमा क्यान्सरको उपचार ५० प्रतिशत सस्तोमा पाउन सकिन्छ ।
नेपाल विकासोन्मुख देश भएका कारण पनि क्यान्सरको उपचारमा नेपालीको पहुँच नभएको हो । नेपाल सरकारले क्यान्सररोगीलाई दिएको १ लाख रूपैयाँ अनुदान पर्याप्त नभएका कारण हामीले नेपाल सरकारलाई त्यसमा फेरबदल गर्न सल्लाहसमेत दिँदै आएका छौँ । आगामी दिनमा क्यान्सररोगीका लागि छुट्टै बिमा कार्यक्रम ल्याउनु आवश्यक छ । मानिसले आफ्नो आयको निश्चित भाग कटाएर संकलन गरेमा उपचारमा सहज हुन्छ ।

  • ताजा समाचार
  • जनप्रिय

हेल्थपोष्ट टुइट्स सबै