प्रत्येक पालिका एक अस्पतालको नीतिले कहिले समेटिएला पाल्पाको निस्दी ?

पाल्पाको निस्दी गाउँपालिकाको केन्द्रको स्वास्थ्य चौकी कमजोर पूर्वाधार र जनशक्तिका बीचमा संचालनमा छ । हालको मित्याल स्वास्थ्य चौकीको आफ्नै भवन छैन् । पूर्वाधारको नाममा छाप्रोमा सिमित छ । छाप्रोका तीन कोठाबाट स्वास्थ्य चौकीले बर्थिङ सेन्टरको सेवा बाहेकका काम गर्दै आएको छ । बर्थिङ सेन्टर भने भाडाको कोठामा संचालनमा छ । जिल्लाको दुर्गम क्षेत्रमा रहेको यो अवस्थाले जनतालाई स्वास्थ्य सेवा दिन स्वास्थ्य चौकीलाई कठिनाई भएको छ ।
पालिकाभित्र रहेका स्वास्थ्य चौकीबाट नपाउने स्वास्थ्य सेवाका लागि स्थानीयले रामपुर, तानसेन र नवलपुरसम्म पुग्नुपर्ने बाध्यता छ । हिउँदका समयमा त्यहासम्म प’ग्न सकेपनि बर्षाको समयमा उपचारका लागि सडक सञ्जालले साथ दिदैन् ।

स्वास्थ्य चौकीको भवन नभएपछि सेवा थप गर्न र सेवालाई प्रभावकारी बनाउन स्वास्थ्य चौकीले प्रदेश सरकारसँग गुहार मागेको छ । भाडामा स्वास्थ्य चौकीको बर्थिङ सेन्टर चलाउनु परेपछि पाल्पाको निस्दी गाउँपालिकाको मित्याल स्वास्थ्य चौकीले गुहार मागेको हो । स्वास्थ्य चौकीले बजारमा दुई वटा कोठा भाडामा लिएर २०७२ सालदेखि बर्थिङ सेन्टर संचालन गरेको स्वास्थ्य चौकीका इन्चार्ज पूर्ण साह बताउँछन् ।

बर्थिङ सेन्टरका लागि दुई कोठाको भाडा मासिक ५ हजार तिर्दै आएको छ भने स्वास्थ्य चौकीको ३ कोठा पनि सेवा दिनका लागि अप्रयाप्त छन् । स्वास्थ्य चौकी निर्माणका लागि ५ रोपनी जमिन किनिसकेको उनले बताए । स्थानीय रुपमा चन्दा उठाएर करिब ५ लाखमा उक्त जमिन किनेको उनको भनाई छ . उनले प्रदेश सरकारबाट सहयोग पाइन्छ कि भने भवनका लागि सहयोगको माग गर्दै प्रदेश ५ सरकारको सामाजिक विकास मन्त्रालय, बुटवलमा कागजात पेश गर्न आएको बताए ।

गाउँपालिकाका प्रमुख मुक्त बहादुर साहले पालिकाभित्र रहेको ७ वटा स्वास्थ्य संस्थाबाट सेवा दिइरहेको बताए । एक पालिका एक अस्पताल र एक पालिका एक क्याम्पस नीति अनुसार अस्पताल र क्याम्पसका लागि दुई ठाउँमा जमीनको व्यवस्थापनको काम अघि बढेको उनको भनाई छ । पािलकाको केन्द्र नजिक रहेको स्वास्थ्य चौकीको भवन साघुँरो ठाउँमा रहेको हुँदा बर्थिङ सेन्टर भाडाको कोठामा चलिरहेको उनले बताए । भवन आवश्यक देखिएको छ प्रमुख साहले भने, त्यसका लागि स्रोतको खोजी गर्नुपर्ने अवस्था छ ।

गाउँपालिकाको सबै वडामा बर्थिङ सेन्टर संचालन गर्ने गरी अगाडी बढाएको उनले बताए । गाउँपालिकामा रहेको ७ वडा मध्ये बाकामलाङ, मित्याल, अर्चलेमा रहेको स्वास्थ्य चौकीमा बर्थिङ सेन्टर संचालनमा रहेको छ भने सहलकोट, झिरुवास, गल्था र ज्यामीरे स्वास्थ्य चौकीमा बर्थिङ सेन्टर छैन् । पूर्वखोला गाउँपालिका र रम्भा गाउँपालिकाले गरेको शून्य डेलिभरीको अभ्यासलाई सिकाइको रुपमा लिइएको उनको भनाई छ ।

मित्याल स्वास्थ्य चौकीको आफ्नै भवन समेत छाप्रोमा सिमित छ । गौरीशंकर माध्यमिक विद्यालयको गेटमै रहेको उक्त छाप्रोका तीन कोठाबाट स्वास्थ्य चौकीले बर्थिङ सेन्टरको सेवा बाहेकका नियमित सेवा संचालन गर्दे आएको छ । पाल्पा जिल्लाको पूर्वी भेगमा रहेको निस्दी गाउँपालिका सावीकका वाकामलाङ, सहलकोट, झिरुवास, मित्याल, गल्धा, अर्चले र ज्यामिरे गाविसहरु मिलेर बनेको गाउँपालिका हो ।

निस्दी र आरुणखोला जलाधार क्षेत्रको मध्य भागमा अवस्थित जुरे लेकदेखि बेभोकेसम्म आरुणखोला, गल्धा फाँट, मुढाबास फाँट, दमार फाँट, ढुंगानाबेसी फाँटदेखि बाकामलाङको डमारा फाँट टारसम्म फैलिएको छ । मगर, बाह्मण, क्षेत्री, नेवार, ठकुरी, दलित समुदायको बसोबास रहेको छ । पूर्वमा नवलपरासी जिल्ला, पश्चिममा पूर्वखोला र माथागढी गाउँपालिका उत्तरमा रामपुर नगरपालिका. र पूर्वखोला गाउँपालिका तथा दक्षिणमा नवलपरासी जिल्ला रहेको छ ।

  • ताजा समाचार
  • जनप्रिय

हेल्थपोष्ट टुइट्स सबै

निस्दी गाउँपालिकालाई प्रदेश ५ सरकारले दियो एम्बुलेन्स

पूर्वी पाल्पाको निस्दी गाउँपालिकालाई प्रदेश ५ सरकारले एम्बुलेन्स सहयोग गरेको छ । स्वास्थ्यसेवाको पहुँच जनतासम्म पुर्याउने उद्देश्यले गाउँपालिकाको वडा नम्बर २ स्थित सहलकोट स्वास्थ्यचौकीलाई सामाजिक विकास मन्त्रालयले एम्बुलेन्स प्रदान गरेको हो । प्रदेश सांसद नारायण आचार्य, युवराज खनाल, जिल्ला समन्वय समितिका अध्यक्ष दयाराज बस्यालले गाउँपालिकाका अध्यक्ष मुक्तबहादुर सारूलाई एम्बुलेन्सको साँचो तथा कागजात हस्तान्तरण गरेका छन् ।

हस्तान्तरण कार्यक्रममा प्रदेश सांसद नारायण आचार्यले निस्दी गाउँपालिका मानव सूचकांकमा पछि पर्नुका साथै स्वास्थ्यको पहुँचबाट समेत पछि परेका कारण एम्बुलेन्स सहयोग गरेको बताए । अर्का सांसद युवराज खनालले ग्रामीण बस्तीमा आधारभूत तहको स्वास्थ्य र शिक्षाका लागि सबै मिलेर काम गर्नुपर्ने बताए । जिल्ला समन्वय समिति, पाल्पाका प्रमुख दयाराज बस्यालले जनताको प्रत्यक्ष सरोकारसँग जोडिएर गरिएको सहयोगको सदुपयोग गर्न सबै लाग्नुपर्ने बताए ।

गाउँपालिकाका अध्यक्ष सारूले आफूहरूले पाएको उपहार एम्बुलेन्सको प्रयोग गरिब जनताको हितमा गर्ने बताए । केम खाम्चा स्मृति प्रतिष्ठानका अध्यक्ष तथा समाजसेवी देवीलाल लामिछानेले सदरमुकामदेखि करिब ९० किलोमिटर पूर्वमा रहेको सहलकोट, बाकामलाङ क्षेत्रका लागि प्राप्त एम्बुलेन्सले दूरदराजमा रहेका सर्वसाधारण, ज्येष्ठनागरिक, सुत्केरी तथा अशक्तको स्वास्थ्योपचारमा राहत पुर्याउने बताए ।

जिल्ला स्वास्थ्य कार्यालय पाल्पाका अनुसार पाल्पामा हाल २० वटा एम्बुलेन्स सञ्चालनमा छन् ।

  • ताजा समाचार
  • जनप्रिय

हेल्थपोष्ट टुइट्स सबै