डडेल्धुरा अस्पतालमा कार्यरत सम्पूर्ण चिकित्सकलाई स्वास्थ्य मन्त्रालयमा हाजिर हुन गोदानको आग्रह

सरकारी चिकित्सक संघ नेपाल (गोदान)ले डडेल्धुरा अस्पतालमा कार्यरत सम्पूर्ण चिकित्सकलाई आत्मसुरक्षाका लागि स्वास्थ्य तथा जनसंख्या मन्त्रालयमा हाजिर हुन आग्रह गरेको छ । बुधबारको चिकित्सक आक्रमणको घटनाबारे बिहीबार विज्ञप्ति जारी गर्दै गोदानले सुरक्षाको शतप्रतिशत ग्यारेन्टी नभएसम्म र दोषीलाई हिरासतमा लिएर अनुसन्धान नथालिएसम्मका लागि अस्पतालमा कार्यरत सम्पूर्ण चिकित्सकलाई सबैखाले सेवा छोडेर केन्द्रमा हाजिर हुन आउन आग्रह गरेको हो ।

बुधबार वडाध्यक्षकै नेतृत्वमा पोस्टमार्टमकक्षमै प्रवेश गरी शवपरीक्षणमा संलग्न चिकित्सक तथा स्वास्थ्यकर्मीमाथि भएको आक्रमणको घटनाले चिकित्सक तथा स्वास्थ्यकर्मीबीच चरम मानसिक तनाव र असुरक्षाको परिस्थिति सिर्जना भएकाले यस्तो अवस्थामा स्वास्थ्यकर्मीले सेवाप्रवाह गरिरहन नसक्ने ठहर गोदानले गरेको छ । न्यूनतम सेवा–सुविधा र सीमित स्रोत–साधनमा गुणस्तरीय उपचारमा समर्पित चिकित्सकको उच्च मूल्यांकन हुनुको साटो पटक–पटक आक्रमण गरिनु दुर्भाग्यपूर्ण भएको गोदानले जनाएको छ । यसकिसिमको निन्दनीय घटनाको असर स्वास्थ्यकर्मीमा मात्र पर्ने नभई कालान्तरमा विशेषगरी स्थानीय दुःखी, गरिब जनतालाई पर्ने भएकाले जनताले सुलभ रूपमा स्वास्थ्यसेवा पाउने वातावरण बनाउने जिम्मा मुख्यतः स्थानीय सरकारको भएको गोदानले स्मरण गराएको छ ।

न्यूनतम सेवा–सुविधा र सीमित स्रोत–साधनमा गुणस्तरीय उपचारमा समर्पित चिकित्सकको उच्च मूल्यांकन हुनुको साटो पटक–पटक आक्रमण गरिनु दुर्भाग्यपूर्ण भएको गोदानले जनाएको छ ।

तर, स्थानीय सरकारका कार्यकारी तहमा रहेका जनप्रतिनिधिकै नेतृत्वमा चिकित्सकमाथि आक्रमणका यस्ता घृणित र अमानवीय घटना घटाइएको प्रति गोदानले निन्दा गरेको छ । ‘केही साताअघि मात्र भएको घटनापश्चात् यस्तोखाले घटना हुन नदिने र भएको खण्डमा आपराधिक घटनामा संलग्नहरूलाई तत्काल कानुनी दायरामा ल्याउने स्थानीय जनप्रतिनिधि र प्रशासनको विगतको प्रतिबद्धता पालना हुनुको साट्टा स्थानीय जनप्रतिनिधि स्वयंको नेतृत्वमा भएको यस अमानवीय र निन्दनीय प्रकृतिको घटनाले हामीलाई मर्माहित बनाएको छ,’ गोदानको विज्ञप्तिमा भनिएको छ ।

बुधबार प्रहरी प्रशासनको लिखित अनुरोधमा शवको पोस्टमार्टम गरिरहेका चिकित्सकमाथि अमरगढी नगरपालिका–११ का वडाध्यक्ष सूर्यप्रकाश खड्काको नेतृत्वमा आएको उत्तेजित भिडले पोस्टमार्टम कक्षमै प्रवेश गरी हातपात, गालीगलौज र ढुंगामुडासहित शव खोसेर लगेपछि अस्पताल तनावग्रस्त बनेको हो । घटनालगत्तै अस्पतालका निमित्तमेडिकल सुपरिटेन्डेन्टले जिल्ला प्रशासन कार्यालयमा पत्र लेख्दै असुरक्षाको विद्यमान वातावरणमा अस्पतालमा कार्यरत कुनै पनि स्वास्थ्यकर्मीले सेवा दिन नसक्ने जनाउ दिएका थिए । उनले सुरक्षाको ग्यारेन्टी नभएसम्मका लागि आकस्मिकबाहेकका अस्पतालका कुनै पनि सेवा सञ्चालन नगर्ने लिखित रूपमै प्रशासनलाई जानकारी गराएका थिए ।

चिकित्सकको आन्दोलनका कारण बिहीबार अस्पतालका सेवा नराम्ररी प्रभावित भएका छन् । सेवा अवरुद्ध हुँदा त्यसको प्रत्यक्ष असर दूरदराजबाट उपचारका लागि आउने विपन्न जनतामा परेको छ ।यसअघि ३१ जेठमा उपचारका क्रममा बिरामीको मृत्यु भएको घटनालाई लिएर अस्पताल एक सातासम्म तनावग्रस्त बनेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

पोस्टमार्टम गर्दै गर्दा वडाध्यक्षसहितले आक्रमण गरी शव खोसेर लगेपछि स्वास्थ्यकर्मीले गरे सेवा बहिष्कार

ï

सुदूरपश्चिमको डडेल्धुरा अस्पतालमा फेरि तनाव भड्किएको छ । यसपटक भने तनाव सिर्जना गर्ने भिडको नेतृत्व स्वयम् जननिर्वाचित वडाध्यक्षले गरेका छन् । बुधबार प्रहरी प्रशासनको लिखित अनुरोधमा शवको पोस्टमार्टम गरिरहेका चिकित्सकमाथि अमरगढी नगरपालिका–११ का वडाध्यक्ष सूर्यप्रकाश खड्काको नेतृत्वमा आएको उत्तेजित भिडले पोस्टमार्टम कक्षमै प्रवेश गरी हातपात, गालीगलौज र ढुंगामुडासहित शव खोसेर लगेपछि अस्पताल तनावग्रस्त बनेको हो । यसअघि ३१ जेठमा उपचारका क्रममा बिरामीको मृत्यु भएको घटनालाई लिएर अस्पताल एक सातासम्म तनावग्रस्त बनेको थियो ।

जिल्ला प्रहरी कार्यालय, अपराध अनुसन्धान शाखा डडेल्धुराले २५ असार (बुधबार)को मितिमा चलानी नम्बर १२३३ को पत्रमार्फत अस्पताललाई अमरगढी नगरपालिका–११, लल्लाघारीका मृतक रमेशबहादुर खड्काको शव परीक्षण गरिदिन भनेको थियो । बिहान ११:२५ मा प्रहरीको पत्र प्राप्त भएलगत्तै ११:३५ मा अस्पतालका चिकित्सक दिनेश उपाध्यायसहितको टोली शव परीक्षणका लागि पोस्टमार्टमगृह प्रवेश गर्यो । पोस्टमार्टम सुरु गरेलगत्तै वडाध्यक्ष खड्काको नेतृत्वमा उत्तेजित भिड पोस्टमार्टमगृहभित्रै प्रवेश गरी दानवीय शैलीमा शवलाई अपहरण गर्यो । भिडले पोस्टमार्टममा संलग्न चिकित्सक तथा स्वास्थ्यकर्मीमाथि हातपात, गालीबेइजती तथा अस्पतालमा ढुंगामुढासमेत गर्दै परीक्षण सम्पन्न नभएकै अवस्थाको शव जबर्जस्ती खोसेर लगेको हो ।

वडाको नेतृत्व गर्ने जिम्मेवारी पाएका जनप्रतिनिधि स्वयम्को नेतृत्वमा अस्पतालभित्र भएको यसकिसिमको त्रासदिपूर्ण घटनाबाट आतंकित हुन पुगेका अस्पतालमा कार्यरत चिकित्सक तथा स्वास्थ्यकर्मीले सेवाप्रवाह गर्न वातावरण असहज भएकाले आकस्मिकबाहेकका कुनै पनि सेवामा सहभागी नहुने घोषणा गरेका छन् । अस्पतालको नेतृत्व गरिरहेका निमित्त मेडिकल सुपरिटेन्डेन्ट जीवन खरेलले प्रमुख जिल्ला अधिकारीलाई बुधबार नै पत्र लेख्दै प्रतिकूल वातावरणमा काम गर्न ज्यादै असहज भएकाले अस्पतालमा कार्यरत स्वास्थ्यकर्मीहरू बुधबारदेखि नै आकस्मिकबाहेकका कुनै पनि स्वास्थ्यसेवा दिन असमर्थ रहेको जानकारी गराइसकेका छन् ।

बिहान ११:२५ मा प्रहरीको पत्र प्राप्त भएलगत्तै ११:३५ मा अस्पतालका चिकित्सक दिनेश उपाध्यायसहितको टोली शव परीक्षणका लागि पोस्टमार्टमगृह प्रवेश गर्यो । पोस्टमार्टम सुरु गरेलगत्तै वडाध्यक्ष खड्काको नेतृत्वमा उत्तेजित भिड पोस्टमार्टमगृहभित्रै प्रवेश गरी दानवीय शैलीमा शवलाई अपहरण गर्यो । भिडले पोस्टमार्टममा संलग्न चिकित्सक तथा स्वास्थ्यकर्मीमाथि हातपात, गालीबेइजती तथा अस्पतालमा ढुंगामुढासमेत गर्दै परीक्षण सम्पन्न नभएकै अवस्थाको शव जबर्जस्ती खोसेर लगेको हो ।

अस्पतालले जनप्रतिनिधि स्वयंको नेतृत्वमा यसकिसिमको आपराधिक र निन्दनीय घटना घटाइएको प्रति खेद व्यक्त गरेको छ । घटनामा संलग्न वडाध्यक्षसहित सम्पूर्ण सबै व्यक्तिलाई यथाशीघ्र कारबाहीको दायरामा ल्याउन माग गर्दै अस्पतालले दोषीलाई कारबाही नभएसम्म सेवामा फर्कन नसक्ने जानकारी प्रशासनसमक्ष गराएको छ । अस्पतालले प्रशासनलाई २४ घण्टे अल्टिमेटम दिँदै भनेको छ, ‘दोषीलाई २४ घण्टाभित्रै कारबाही नभए सम्पूर्ण चिकित्सक तथा स्वास्थ्यकर्मीले कार्यक्षेत्र छोडेर जाने कुरा अवगत गराउन चाहन्छौँ ।’

डडेल्धुरा अस्पतालमा पछिल्लो तनावको एक महिना पनि हुन नपाउँदै अर्को गम्भीर प्रक्रितिको घटना घटाइएको छ । स्थानीय सरकारका जिम्मेवार जननिर्वाचित पदाधिकारीकै नेतृत्वमा सरकारी स्वास्थ्यसंस्थामा आक्रमणसँगै आपराधिक घटना घटाइनुले स्वास्थ्यकर्मीलाई त्रस्त बनाउनुका साथै आमजनताको स्वास्थ्यसेवामा गम्भीर घात पुगेको छ । यसअघि ३१ जेठमा अमरगढी नगरपालिकाकी २५ वर्षीया गीता ताम्राकारको अप्रेसनका क्रममा निधन भएपछि अस्पतालको लापरबाहीका कारण बिरामीको मृत्यु भएको भन्दै आफन्त आन्दोलनमा उत्रिएका छन् । आक्रोशित आफन्त उपचारमा संलग्न चिकित्सकहरूमाथि खनिएपछि चिकित्सकहरूले सुरक्षाको माग गर्दै जिल्ला प्रशासन कार्यालयको ढोका ढकढक्याएका थिए । तर, प्रमुख जिल्ला अधिकारीले समस्या समाधानमा पहल गर्नुको साटो उल्टै आफूहरूलाई धम्की दिँदै गैरजिम्मेवार रूपमा प्रस्तुत भएको भन्दै चिकित्सकहरू सामूहिक बिदामा बसेका थिए । पछि वार्ताबाट समस्याको हल खोजिएपछि स्वास्थ्यसेवा सुचारु भएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

डडेल्धुरा अस्पताल प्रहरी घेरामा, गोलघरबाट ओपिडी

असुरक्षित भएको भन्दै सामूहिक विदामा बसेका डडेल्धुरा अस्पतालका चिकित्सकहरुले प्रहरी घेरामा अस्पतालको प्रतिक्षालय (गोलघर)बाट ओपिडी सेवा सुरु गरेका छन् । चिकित्सकहरुले काममा फर्किने वातावरण नबनेपनि उपचारमा अप्ठ्यारो नपरोस् भनेर टिकट विनै अस्पताल परिसरमा रहेको गोलघरबाट ओपिडी सेवा सुरु गरेका हुन् ।

सुत्केरी महिलाको मृत्युको विषयलाई लिएर उत्पन्न तनावपछि उत्पन्न तनाबका कारण अस्पतालमा कार्यरत ११ चिकित्सक सामूहिक विदामा बसेका छन् ।चिकित्सक विदासँगै अस्पतालका २० स्वास्थ्यकर्मी, नर्स र कर्मचारीसमेत सामूहिक विदा लिए पछि अस्पताल अस्पतालको सेवा ठप्प प्रायः भएको थियो ।

अस्पतालमा कार्यरत डा. सुवास लामिछानेका अनुसार सेवारत चिकित्सकलाई प्रहरीले सुरक्षा दिइरहेको छ । आइतबार प्रमुख जिल्ला अधिकारीले नै धम्की दिएको भन्दै सामूहिक विदामा बसेका चिकित्सकसँग विभिन्न सुरक्षा निकाय, स्थानीय सरकारका प्रनिनिधिको उपस्थितिमा लामो छलफल भएको थियो ।

छलफलपछि प्रमुख जिल्ला अधिकारी लचक रुपमा प्रस्तुत भएका थिए । उनीले आवेगमा वा कामको तनाव रुखो रुपमा प्रस्तुत भएको हुनसक्ने भन्दै अन्यथा नलिन अनुरोध गरेपछि चिकित्सकहरु लचक बनेका हुन् । यद्यपि चिकित्सकहरुले घटनामा संलग्नलाई तत्काल नियन्त्रणमा लिएर छानविन थाल्नुपर्ने माग राखेका छन् ।

छलफलपछि प्रमुख जिल्ला अधिकारी लचक रुपमा प्रस्तुत भएका थिए । उनीले आवेगमा वा कामको तनाव रुखो रुपमा प्रस्तुत भएको हुनसक्ने भन्दै अन्यथा नलिन अनुरोध गरेपछि चिकित्सकहरु लचक बनेका हुन् । यद्यपि चिकित्सकहरुले घटनामा संलग्नलाई तत्काल नियन्त्रणमा लिएर छानविन थाल्नुपर्ने माग राखेका छन् ।

प्रशासनले भने प्रदर्शनकारीलाई पक्राउ गर्दा झन् अवस्था बिग्रँने भन्दै अस्वीकार गरिरहेको छ । चिकित्सकहरुले परिस्थिति सामान्य नभएसम्म र अस्पतालजस्तो संवेदनशील ठाउँमा हुलदंगागरी अराजकता निम्त्याउने समूहलाई चाँडोभन्दा चाँडो कानूनी कारवाहीको दायरामा नल्याएसम्म काममा नफर्किने अडान राखेका छन् ।

३१ जेठमा अमरगढी नगरपालिकाकी २६ वर्षीया गीता ताम्राकारको अप्रेसनका क्रममा निधन भएपछि अस्पतालको लापरबाहीका कारण बिरामीको मृत्यु भएको भन्दै आफन्त आन्दोलनमा उत्रिएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

डडेल्धुरा अस्पतालका सबै चिकित्सक सामूहिक बिदामा, सिडिओले धम्की दिएको आरोप

डडेल्धुरा अस्पताल अनिश्चितकालका लागि चिकित्सकविहीन हुने भएको छ । अस्पतालमा कार्यरत ११ चिकित्सक आइतबारदेखि अनिश्चितकालका लागि सामूहिक बिदामा बसेपछि अस्पतालको सेवा पूर्णतः प्रभावित हुने भएको हो ।

केही दिनदेखि अस्पतालमा भड्किएको तनावलाई शान्त पार्नुको साटो प्रमुख जिल्ला अधिकारीले उल्टै चिकित्सकलाई धम्की दिने काम गरेकाले अस्पतालमा काम गर्ने वातावरण नबनेसम्मका लागि चिकित्सकहरूले सामूहिक बिदा बस्ने निर्णय लिएको उनीहरूले मेडिकल सुपरिटेन्डेन्टलाई दिएको निवेदनमा उल्लेख छ । ‘हालको अवस्था सामान्य नभएसम्म र अस्पतालजस्तो संवेदनशील स्थानमा हुलदंगा गरी अराजकता निम्त्याउने समूहलाई चाँडोभन्दा चाँडो कानुनी कारबाहीको दायरामा नल्याएसम्म काममा फर्किन नसक्ने भएकाले यस अस्पतालमा कार्यरत सम्पूर्ण चिकित्सकहरू आजैबाट सामूहिक बिदा बस्ने अवगत गराउँछौँ,’ चिकित्सकहरूको सामूहिक निवेदनमा उल्लेख छ ।

३१ जेठमा अमरगढी नगरपालिकाकी २५ वर्षीया गीता ताम्राकारको अप्रेसनका क्रममा निधन भएपछि अस्पतालको लापरबाहीका कारण बिरामीको मृत्यु भएको भन्दै आफन्त आन्दोलनमा उत्रिएका छन् । आक्रोशित आफन्त उपचारमा संलग्न चिकित्सकहरूमाथि खनिएपछि चिकित्सकहरूले सुरक्षाको माग गर्दै जिल्ला प्रशासन कार्यालयको ढोका ढकढक्याएका थिए । तर, प्रमुख जिल्ला अधिकारीले समस्या समाधानमा पहल गर्नुको साटो उल्टै आफूहरूलाई धम्की दिँदै गैरजिम्मेवार रूपमा प्रस्तुत भएको चिकित्सकहरूको आरोप छ ।

सामूहिक बिदाका लागि निवेदन दिनेमा डा. ललित सुरी, डा. उत्तम भट्ट, डा. पदम नेपाली, डा. अमृत अधिकारी, डा. सुभास लामिछाने, डा. विकास दुवाडी, डा. विभव बस्याल, डा. नरेश श्रेष्ठ, डा. सिर्जना अधिकारी, डा. सिर्जना महर्जन र डा. डबल बुडा छन् ।

के भएको थियो ?
जेठ १६ गते शल्यक्रियामार्फत सुत्केरी गराइएकी अमरगढी नगरपालिका–६ छचोडाकी २६ वर्षीया गीता ताम्राकारको शुक्रबार दिउँसो डडेल्धुरा अस्पतालमा मृत्यु भयो । घटनापछि अस्पतालको लापरबाहीले मृत्यु भएको भन्दै अस्पताल, जिल्ला प्रशासन कार्यालय र सडकमा मृतकका आफन्तले प्रदर्शन गरे ।

ताम्राकार ३१ गते बिहान साढे ८ बजे अस्पताल पुगेकी थिइन् । १४ दिनसम्म रक्तश्राव नरोकिएपछि उनलाई शुक्रबार अस्पताल लगिएको थियो, तर चिकित्सकले ढिला भइसकेको भन्दै काठमाडौं रेफर गरेका थिए । सोही दिन पनि सुरुमा चिकित्सकले जाँच गरेर ताजा रगत नभई पाठेघरमा पुरानो जमेको रगत बगेको बताएको पीडित पक्षको भनाइ छ । सोही दिन दिउँसो बिरामीको अवस्था झन् बिग्रिएपछि हेलिकोप्टरबाट काठमाडौं लैजान सल्लाह दिइएको थियो । तर, साँझ साढे पाँच बजे गीताको मृत्यु भयो ।

बिरामीको अवस्था गम्भीर हुँदासम्म परिवारका सदस्यलाई जानकारी नदिएको र चिकित्सकले रेफर गर्न नमानेका कारण अप्रेसनमै त्रुटि भएको भन्दै आफन्त आन्दोलनमा उत्रिएका थिए ।

जिल्ला प्रशासन कार्यालयका अनुसार घटनाको सत्यतथ्य पत्ता लगाउन छानबिनका लागि विशेषज्ञ टोली पठाइदिन स्वास्थ्य तथा जनसंख्या मन्त्रालय र सुदूरपश्चिम प्रदेश सामाजिक विकास मन्त्रालयलाई अनुरोध गर्ने सहमति भएको छ । यसैगरी मृतक महिलाको शवको पोस्टमार्टम जिल्लाबाहिरका चिकित्सकबाट गराउने र मृतकका आफन्तलाई नियमानुसार राहत उपलब्ध गराउने सहमति भएपछि स्थिति केही शान्त भएको थियो । तर, आइतबार अस्पतालमा कार्यरत चिकित्सकहरूले प्रमुख जिल्ला अधिकारी गैरजिम्मेवार रूपमा प्रस्तुत भएको भन्दै अनिश्चितकालका लागि सामूहिक बिदा बस्न निवेदन दिएसँगै घटना बल्झिने देखिएको छ ।

  • ताजा समाचार
  • जनप्रिय

हेल्थपोष्ट टुइट्स सबै