डडेल्धुरा अस्पतालमा कार्यरत सम्पूर्ण चिकित्सकलाई स्वास्थ्य मन्त्रालयमा हाजिर हुन गोदानको आग्रह

सरकारी चिकित्सक संघ नेपाल (गोदान)ले डडेल्धुरा अस्पतालमा कार्यरत सम्पूर्ण चिकित्सकलाई आत्मसुरक्षाका लागि स्वास्थ्य तथा जनसंख्या मन्त्रालयमा हाजिर हुन आग्रह गरेको छ । बुधबारको चिकित्सक आक्रमणको घटनाबारे बिहीबार विज्ञप्ति जारी गर्दै गोदानले सुरक्षाको शतप्रतिशत ग्यारेन्टी नभएसम्म र दोषीलाई हिरासतमा लिएर अनुसन्धान नथालिएसम्मका लागि अस्पतालमा कार्यरत सम्पूर्ण चिकित्सकलाई सबैखाले सेवा छोडेर केन्द्रमा हाजिर हुन आउन आग्रह गरेको हो ।

बुधबार वडाध्यक्षकै नेतृत्वमा पोस्टमार्टमकक्षमै प्रवेश गरी शवपरीक्षणमा संलग्न चिकित्सक तथा स्वास्थ्यकर्मीमाथि भएको आक्रमणको घटनाले चिकित्सक तथा स्वास्थ्यकर्मीबीच चरम मानसिक तनाव र असुरक्षाको परिस्थिति सिर्जना भएकाले यस्तो अवस्थामा स्वास्थ्यकर्मीले सेवाप्रवाह गरिरहन नसक्ने ठहर गोदानले गरेको छ । न्यूनतम सेवा–सुविधा र सीमित स्रोत–साधनमा गुणस्तरीय उपचारमा समर्पित चिकित्सकको उच्च मूल्यांकन हुनुको साटो पटक–पटक आक्रमण गरिनु दुर्भाग्यपूर्ण भएको गोदानले जनाएको छ । यसकिसिमको निन्दनीय घटनाको असर स्वास्थ्यकर्मीमा मात्र पर्ने नभई कालान्तरमा विशेषगरी स्थानीय दुःखी, गरिब जनतालाई पर्ने भएकाले जनताले सुलभ रूपमा स्वास्थ्यसेवा पाउने वातावरण बनाउने जिम्मा मुख्यतः स्थानीय सरकारको भएको गोदानले स्मरण गराएको छ ।

न्यूनतम सेवा–सुविधा र सीमित स्रोत–साधनमा गुणस्तरीय उपचारमा समर्पित चिकित्सकको उच्च मूल्यांकन हुनुको साटो पटक–पटक आक्रमण गरिनु दुर्भाग्यपूर्ण भएको गोदानले जनाएको छ ।

तर, स्थानीय सरकारका कार्यकारी तहमा रहेका जनप्रतिनिधिकै नेतृत्वमा चिकित्सकमाथि आक्रमणका यस्ता घृणित र अमानवीय घटना घटाइएको प्रति गोदानले निन्दा गरेको छ । ‘केही साताअघि मात्र भएको घटनापश्चात् यस्तोखाले घटना हुन नदिने र भएको खण्डमा आपराधिक घटनामा संलग्नहरूलाई तत्काल कानुनी दायरामा ल्याउने स्थानीय जनप्रतिनिधि र प्रशासनको विगतको प्रतिबद्धता पालना हुनुको साट्टा स्थानीय जनप्रतिनिधि स्वयंको नेतृत्वमा भएको यस अमानवीय र निन्दनीय प्रकृतिको घटनाले हामीलाई मर्माहित बनाएको छ,’ गोदानको विज्ञप्तिमा भनिएको छ ।

बुधबार प्रहरी प्रशासनको लिखित अनुरोधमा शवको पोस्टमार्टम गरिरहेका चिकित्सकमाथि अमरगढी नगरपालिका–११ का वडाध्यक्ष सूर्यप्रकाश खड्काको नेतृत्वमा आएको उत्तेजित भिडले पोस्टमार्टम कक्षमै प्रवेश गरी हातपात, गालीगलौज र ढुंगामुडासहित शव खोसेर लगेपछि अस्पताल तनावग्रस्त बनेको हो । घटनालगत्तै अस्पतालका निमित्तमेडिकल सुपरिटेन्डेन्टले जिल्ला प्रशासन कार्यालयमा पत्र लेख्दै असुरक्षाको विद्यमान वातावरणमा अस्पतालमा कार्यरत कुनै पनि स्वास्थ्यकर्मीले सेवा दिन नसक्ने जनाउ दिएका थिए । उनले सुरक्षाको ग्यारेन्टी नभएसम्मका लागि आकस्मिकबाहेकका अस्पतालका कुनै पनि सेवा सञ्चालन नगर्ने लिखित रूपमै प्रशासनलाई जानकारी गराएका थिए ।

चिकित्सकको आन्दोलनका कारण बिहीबार अस्पतालका सेवा नराम्ररी प्रभावित भएका छन् । सेवा अवरुद्ध हुँदा त्यसको प्रत्यक्ष असर दूरदराजबाट उपचारका लागि आउने विपन्न जनतामा परेको छ ।यसअघि ३१ जेठमा उपचारका क्रममा बिरामीको मृत्यु भएको घटनालाई लिएर अस्पताल एक सातासम्म तनावग्रस्त बनेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

पोस्टमार्टम गर्दै गर्दा वडाध्यक्षसहितले आक्रमण गरी शव खोसेर लगेपछि स्वास्थ्यकर्मीले गरे सेवा बहिष्कार

ï

सुदूरपश्चिमको डडेल्धुरा अस्पतालमा फेरि तनाव भड्किएको छ । यसपटक भने तनाव सिर्जना गर्ने भिडको नेतृत्व स्वयम् जननिर्वाचित वडाध्यक्षले गरेका छन् । बुधबार प्रहरी प्रशासनको लिखित अनुरोधमा शवको पोस्टमार्टम गरिरहेका चिकित्सकमाथि अमरगढी नगरपालिका–११ का वडाध्यक्ष सूर्यप्रकाश खड्काको नेतृत्वमा आएको उत्तेजित भिडले पोस्टमार्टम कक्षमै प्रवेश गरी हातपात, गालीगलौज र ढुंगामुडासहित शव खोसेर लगेपछि अस्पताल तनावग्रस्त बनेको हो । यसअघि ३१ जेठमा उपचारका क्रममा बिरामीको मृत्यु भएको घटनालाई लिएर अस्पताल एक सातासम्म तनावग्रस्त बनेको थियो ।

जिल्ला प्रहरी कार्यालय, अपराध अनुसन्धान शाखा डडेल्धुराले २५ असार (बुधबार)को मितिमा चलानी नम्बर १२३३ को पत्रमार्फत अस्पताललाई अमरगढी नगरपालिका–११, लल्लाघारीका मृतक रमेशबहादुर खड्काको शव परीक्षण गरिदिन भनेको थियो । बिहान ११:२५ मा प्रहरीको पत्र प्राप्त भएलगत्तै ११:३५ मा अस्पतालका चिकित्सक दिनेश उपाध्यायसहितको टोली शव परीक्षणका लागि पोस्टमार्टमगृह प्रवेश गर्यो । पोस्टमार्टम सुरु गरेलगत्तै वडाध्यक्ष खड्काको नेतृत्वमा उत्तेजित भिड पोस्टमार्टमगृहभित्रै प्रवेश गरी दानवीय शैलीमा शवलाई अपहरण गर्यो । भिडले पोस्टमार्टममा संलग्न चिकित्सक तथा स्वास्थ्यकर्मीमाथि हातपात, गालीबेइजती तथा अस्पतालमा ढुंगामुढासमेत गर्दै परीक्षण सम्पन्न नभएकै अवस्थाको शव जबर्जस्ती खोसेर लगेको हो ।

वडाको नेतृत्व गर्ने जिम्मेवारी पाएका जनप्रतिनिधि स्वयम्को नेतृत्वमा अस्पतालभित्र भएको यसकिसिमको त्रासदिपूर्ण घटनाबाट आतंकित हुन पुगेका अस्पतालमा कार्यरत चिकित्सक तथा स्वास्थ्यकर्मीले सेवाप्रवाह गर्न वातावरण असहज भएकाले आकस्मिकबाहेकका कुनै पनि सेवामा सहभागी नहुने घोषणा गरेका छन् । अस्पतालको नेतृत्व गरिरहेका निमित्त मेडिकल सुपरिटेन्डेन्ट जीवन खरेलले प्रमुख जिल्ला अधिकारीलाई बुधबार नै पत्र लेख्दै प्रतिकूल वातावरणमा काम गर्न ज्यादै असहज भएकाले अस्पतालमा कार्यरत स्वास्थ्यकर्मीहरू बुधबारदेखि नै आकस्मिकबाहेकका कुनै पनि स्वास्थ्यसेवा दिन असमर्थ रहेको जानकारी गराइसकेका छन् ।

बिहान ११:२५ मा प्रहरीको पत्र प्राप्त भएलगत्तै ११:३५ मा अस्पतालका चिकित्सक दिनेश उपाध्यायसहितको टोली शव परीक्षणका लागि पोस्टमार्टमगृह प्रवेश गर्यो । पोस्टमार्टम सुरु गरेलगत्तै वडाध्यक्ष खड्काको नेतृत्वमा उत्तेजित भिड पोस्टमार्टमगृहभित्रै प्रवेश गरी दानवीय शैलीमा शवलाई अपहरण गर्यो । भिडले पोस्टमार्टममा संलग्न चिकित्सक तथा स्वास्थ्यकर्मीमाथि हातपात, गालीबेइजती तथा अस्पतालमा ढुंगामुढासमेत गर्दै परीक्षण सम्पन्न नभएकै अवस्थाको शव जबर्जस्ती खोसेर लगेको हो ।

अस्पतालले जनप्रतिनिधि स्वयंको नेतृत्वमा यसकिसिमको आपराधिक र निन्दनीय घटना घटाइएको प्रति खेद व्यक्त गरेको छ । घटनामा संलग्न वडाध्यक्षसहित सम्पूर्ण सबै व्यक्तिलाई यथाशीघ्र कारबाहीको दायरामा ल्याउन माग गर्दै अस्पतालले दोषीलाई कारबाही नभएसम्म सेवामा फर्कन नसक्ने जानकारी प्रशासनसमक्ष गराएको छ । अस्पतालले प्रशासनलाई २४ घण्टे अल्टिमेटम दिँदै भनेको छ, ‘दोषीलाई २४ घण्टाभित्रै कारबाही नभए सम्पूर्ण चिकित्सक तथा स्वास्थ्यकर्मीले कार्यक्षेत्र छोडेर जाने कुरा अवगत गराउन चाहन्छौँ ।’

डडेल्धुरा अस्पतालमा पछिल्लो तनावको एक महिना पनि हुन नपाउँदै अर्को गम्भीर प्रक्रितिको घटना घटाइएको छ । स्थानीय सरकारका जिम्मेवार जननिर्वाचित पदाधिकारीकै नेतृत्वमा सरकारी स्वास्थ्यसंस्थामा आक्रमणसँगै आपराधिक घटना घटाइनुले स्वास्थ्यकर्मीलाई त्रस्त बनाउनुका साथै आमजनताको स्वास्थ्यसेवामा गम्भीर घात पुगेको छ । यसअघि ३१ जेठमा अमरगढी नगरपालिकाकी २५ वर्षीया गीता ताम्राकारको अप्रेसनका क्रममा निधन भएपछि अस्पतालको लापरबाहीका कारण बिरामीको मृत्यु भएको भन्दै आफन्त आन्दोलनमा उत्रिएका छन् । आक्रोशित आफन्त उपचारमा संलग्न चिकित्सकहरूमाथि खनिएपछि चिकित्सकहरूले सुरक्षाको माग गर्दै जिल्ला प्रशासन कार्यालयको ढोका ढकढक्याएका थिए । तर, प्रमुख जिल्ला अधिकारीले समस्या समाधानमा पहल गर्नुको साटो उल्टै आफूहरूलाई धम्की दिँदै गैरजिम्मेवार रूपमा प्रस्तुत भएको भन्दै चिकित्सकहरू सामूहिक बिदामा बसेका थिए । पछि वार्ताबाट समस्याको हल खोजिएपछि स्वास्थ्यसेवा सुचारु भएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

असुरक्षित भएको भन्दै जलेश्वर अस्पतालका चिकित्सकको सामूहिक सेवा बहिष्कार, सुरक्षा दिलाउन सिडियोसित माग

महोत्तरीको जलेश्वरस्थित जिल्ला अस्पतालमा कार्यरत चिकित्सकहरूले सोमबारदेखि सुरक्षाको वातावरण नबनेसम्म काम नगर्ने घोषणा गरेका छन् । सोमबार प्रमुख जिल्ला अधिकारीलाई आफूहरू असुरक्षित भएको जानकारीसहित पत्र लेख्दै चिकित्सकहरूले सुरक्षाको ग्यारेन्टी नहुँदासम्म आफूहरू काममा नफर्कने औपचारिक जानकारी गराएका हुन् ।

चिकित्सकहरूले जिल्ला प्रशासन कार्यालयको दर्ता नम्बर ११६५ मा दर्ता गराएको पत्रमा आइतबार अस्पतालमा कार्यरत सिनियर चिकित्सकलाई लखेट्ने प्रयास भएको उल्लेख छ । हमलाकारीले निवासको ढोका नै फुटाएर असुरक्षित महसुस गराएको चिकित्सकले प्रशासनलाई जानकारी गराएका छन् । यद्यपि, उनीहरूले हमलाकारीको परिचान वा संकेत भने खुलाएका छैनन् । घटनामा संलग्न दोषी पत्ता लगाई उचित सजाय नभएसम्म र अस्पतालमा बारम्बार हुने गरेका चिकित्सकलाई असुरक्षित महसुस गराउने क्रियाकलापहरू बन्द नभएसम्म काममा नफर्कने उनीहरूको भनाइ छ ।

चिकित्सकहरूले जिल्ला प्रशासन कार्यालयको दर्ता नम्बर ११६५ मा दर्ता गराएको पत्रमा आइतबार अस्पतालमा कार्यरत सिनियर चिकित्सकलाई लखेट्ने प्रयास भएको उल्लेख छ । हमलाकारीले निवासको ढोका नै फुटाएर असुरक्षित महसुस गराएको चिकित्सकले प्रशासनलाई जानकारी गराएका छन् ।

चिकित्सकको पत्र प्राप्त भएसँगै प्रमुख जिल्ला अधिकारीले सम्बन्धित निकायमा जानकारी पठाउन निर्देशन दिएका छन् । प्रशासनमा निवेदन गर्नेमा डा. मृत्युञ्जय ठाकुर, डा. प्रियंका चौधरी, डा. सरूपा मण्डल, डा. स्वाति गुप्ता र डा. रितेशराज पाण्डेय छन् । चिकित्सकहरूले जानकारीपत्रको बोधार्थ अस्पतालका मेडिकल सुपरिटेन्डेन्ट, जिल्ला प्रहरी कार्यालय, जलेश्वर, युवा चिकित्सक संघ, नेपाल, नेपाल चिकित्सक संघ र सरकारी चिकित्सक संघ नेपाल (गोदान)लाई पठाएका छन् ।

पछिल्लो समय देशभर चिकित्सक तथा स्वास्थ्यकर्मीमाथि भौतिक आक्रमण तथा दुर्व्यवहारका घटना अत्यधिक रूपमा सार्वजनिक भइरहेका छन् । पछिल्लो करिब दुई महिनाको छोटो अवधिमै चिकित्सक तथा अस्पतालमाथिको आक्रमणका ६ वटा ठूला घटना घटेका छन् भने सामान्य दुर्व्यवहारका घटना दिनहुँजसो हुने गरेका छन् । दुर्व्यवहारकारीले मुख्यतः उपचारमा लापरबाही भएको जिकिर गर्दै आएका छन् । मुलुकमा तीन तहका सरकार क्रियाशील भएको अवस्थामा स्वास्थ्यकर्मी तथा अस्पतालमाथि एकपछि अर्को आक्रमण तथा दुर्व्यवहारका घटना बढ्दै जाँदा स्वास्थ्यजस्तो संवेदनशील क्षेत्रमा सुरक्षाको प्रत्याभूति दिलाएर स्वास्थ्यकर्मीको मनोबल बढाउन भने सरकार असफल देखिँदै आएको छ ।

  • ताजा समाचार
  • जनप्रिय

हेल्थपोष्ट टुइट्स सबै