बिरामी एवं स्वास्थ्य जनशक्तिमा कोरोना भाइरस पोजेटिभ देखिएपछि अस्पतालकै सेवा नै बन्द गर्ने क्रम जारी छ । शनिबार प्रयोगशालाको नमूना बोक्ने एक प्राविधिक प्रहरी र दुई बिरामीमा कोरोना पोजेटिभ देखिएपछि नेपाल प्रहरी अस्पतालसमेत सिल भएको छ ।
आज काठमाडौं उपत्यकामा थपिएका ५ संक्रमितमध्ये ती जनाको स्रोत प्रहरी अस्पताल देखिएसँगै अस्पताल सिल गरिएको अस्पतालले जनाएको छ ।
इपिडिमियोलोजी तथा रोग नियन्त्रण महाशाखाका स्रोतका अनुसार अस्पतालका कन्ट्रयाक ट्रेसिङसमेत प्रहरी संयन्त्रबाट भइरहेको छ ।
महाशाखाका अनुसार अन्य दुई पनि अस्पतालकै बिरामी हुन् । जसमध्ये एक जना उपचाररत बिरामी र अर्का डिस्चार्ज भएका बिरामी हुन् । संक्रमितमध्ये डाइलासिस गरिरहेका बिरामीलाई त्रिवि शिक्षण अस्पताल र अन्य कोभिड अस्पताल सारिएको छ ।
अन्य अस्पतालमा उपचाररत बिरामीको पनि स्वाब संकलनगरी अस्पतालका झण्डै ३० भन्दा बढी चिकित्सक स्वास्थ्यकर्मीपनि क्वारेन्टाइनमा गएका छन् ।
विभिन्न विभागहरु निसंक्रामक गरेपछि छिट्टै सेवा सूचारु गरिने अस्पतालले जनाएको छ ।
सेतीमा पनि सील त्यसैगरी शनिबार शुक्रबार डाइलासिस गरेकी एक महिलाको मृत्युपछि सेती अञ्चल अस्पतालको वार्डसमेत सिल गरिएको छ । अ
स्पतालमा उपचारका क्रममा मृत्यु भएकी ५५ वर्षीया महिलामा कोरोना भाइरसको संक्रमण पुष्टि भएसँगै अस्पतालको विशेषगरी डाइलासिस वार्ड सिल गरिएको अस्पतालले जनाएको छ ।
ती महिलाको शुक्रबार डायलाइसिसका क्रममा मृत्यु भएको हो। उनको पिसिआर परीक्षणका क्रममा शनिबार कोरोना पोजिटिभ देखिएको छ।
केएमसीमा सेवा सुचारु
यसैबीच केही दिनअघिदेखि सबै सेवा ठप्प भएको काठमाडौं सिनामंगलस्थित मेडिकल कलेज शिक्षण अस्पतालको सेवा भने शुक्रबारदेखि सुरु भएको छ ।
अस्पतालमा २ जना सेवाग्राही र २ चिकित्सकसहित ४ स्वास्थ्यकर्मीमा कोरोना देखिएपछि निर्मलीकरणका लागि भन्दै जेठ २२ गतेसम्म सेवा स्थगित गरेको अस्पतालले जनाएको छ ।
अस्पतालले सबै काम पूरा गरेर शुक्रबार साँझदेखि आकस्मिकगायतका सेवाहरु सुचारु गरेको जनाएको छ ।
अस्पतालले युरो सर्जरी, जनरल सर्जरी, सामान्इ चिकित्सा, न्युरो सर्जरी, कार्डियोलोजी, डाइलासिस, रेडियोलोजी, मनोरोग, नाक, कान, घाँटी धर्मरोग र प्याथोलोजीलगायतका सेवा सुरु भएको अस्पतालका निर्देशक डा. मुकुन्दराज जोशीद्धारा जारी विज्ञाप्तिमा उल्लेख छ ।
प्रदेश २ मा कोरोना संक्रमितको संख्या एक हजार नाघेको छ। पछिल्लो २४ घण्टाभित्र ८३ जना नयाँ संक्रमित थपिएसँगै प्रदेश २ मा कोरोना संक्रमितको संख्या १ हजार ६६ पुगेको हो।
शनिबार सप्तरी जिल्लामा ७, धनुषा जिल्लामा ८, महोत्तरी जिल्लामा ३५, सर्लाही जिल्लामा २७ र रौतहट जिल्लाका ६ जना ब्यक्तिहरूमा कोरोना संक्रमण पुष्टि भएको सामाजिक विकास मन्त्रालयले जनाएको छ।
वीपी कोइराला स्वास्थ्य विज्ञान प्रतिष्ठान धरानमा गरिएको परिक्षण मार्फत सप्तरी जिल्ला वलान बिहुल गाँउपालिकाका २७ देखि ४० बर्ष उमेर समुहका ५ जना पुरुषहरू र सोही गाउँपालिका २० र २७ बर्षका २ जना महिलाहरूमा कोरोना संक्रमणको पुष्टि भएको छ।
धनुषा जिल्लामा भने देबपुरा रुपैठा क्वारेण्टाइनका १९ देखि ५४ बर्ष उमेर समुहका ६ जना पुरुषहरूमा कोरोना संक्रमण पुष्टि भएको छ।
महोत्तरी जिल्लामा जलेश्वर क्वारेण्टाइनका १७ जना पुरुष, मटिहानी क्वारेण्टाइनका ७ जना पुरुष, एकडारा क्वारेण्टाइनका ६ जना पुरुष, गौशाला क्वारेन्टाइनका २ जना पुरुष तथा सोही क्वारेन्टाईनका १ जना महिलामा कोरोना संक्रमणको पुष्टि भएको छ। उनीहरू मध्ये गौशला क्वारेन्टाइनका २२ बर्षिय १ जना महिला संक्रमण पुष्टि भएको छ भने अन्य क्वारेन्टाईनमा ११ देखी ४४ बर्ष उमेर समुहका ३४ जना पुरुषहरू संक्रमण देखिएको मन्त्रालयले जनाएको छ।
राष्ट्रिय प्रयोगशाला टेकु काठमाण्डांैबाट प्राप्त विवरण अनुसार सर्लाही जिल्लामा रामनगर गाउँपालिकाका १६ जना, मलंगवा नगरपालिकाका ८ जना र ईश्वरपुर नगरपालिकाका ३ जना पुरुषहरूमा कोरोना संक्रमणको पुष्टि भएको छ। उनीहरू १६ देखि ३६ बर्ष उमेर समुहका रहेको बुझिएको छ।
रौतहट जिल्ला ईशनाथ नगरपालिकामा सञ्चालित क्वारेन्टाईनमा रहेको ४ जना पुरुष र २ जना महिलामा समेत कोरोना संक्रमणको पुष्टि भएको छ।
कोरोना संक्रमितहरूको संख्या बढीरहेको वर्तमान समयमा कारोनालाई जितेर सामान्य जीवनमा फर्कनेहरूको संख्या समेत बढी रहेको छ। यस २ नम्वर प्रदेशमा हालसम्म १ सय ५९ जना कोरोना संक्रमित ब्यक्तिहरू उपचार पश्चात निको भएका छन्।
काभ्रेपलाञ्चोकमा पाँचजनामा कोरोना संक्रमण पुष्टि भएको छ । धुलिखेल अस्पतालको प्रयोगशालामा गरिएको परीक्षणमा संक्रमण देखिएको हो । संक्रमित व्यक्ति रोसी, पाँचखाल र पनौतीका रहेका स्वास्थ्य तथा जनसंख्या मन्त्रालयले जनाएको छ ।
२० र २१ का २–२ जना र ३९ वर्षका एक जना रहेका छन् । शुक्रबार मात्रै देशभर २ सय ७८ जनामा कोरोना संक्रमण पुष्टि भएको छ भने एक जनाको मृत्यु भएको छ ।हालसम्म कोरोना संक्रमित संख्या २ हजार ९ सय १२ पुगेको मन्त्रालयले जनाएको छ ।
हालसम्म ३३३ जना कोरोना संक्रमणबाट निको भएर घर फर्किएका छन् । कुल संक्रमित मध्ये २ हजार ७ सय १७ पुरुष र १९५ महिलामा संक्रमण देखिएको छ ।
नेपालमा विभिन्न जिल्लामा थप २७८ जनामा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा शुक्रबार प्रवक्ता डा.विकास देवकोटाले थप २७८ जनामा कोरोना संक्रमण देखिएको बताए ।
शुक्रबार थपिएका मध्ये २६७ पुरुष र ११ महिला रहेका छन् । विभिन्न प्रयोगशालामा गरिएको परीक्षणमा सो संक्रमण देखिएको हो।
हालसम्म कोरोना संक्रमित संख्या २ हजार ९ सय १२ पुगेको मन्त्रालयले जनाएको छ ।
मन्त्रालयका अनुसार हालसम्म देशका ६८ जिल्लामा संक्रमण देखिएको छ।
हालसम्म ३३३ जना कोरोना संक्रमणबाट निको भएर घर फर्किएका छन् । कुल संक्रमित मध्ये २ हजार ७ सय १७ पुरुष र १९५ महिलामा संक्रमण पुष्टि भएको हो ।
मन्त्रालयका अनुसार हालसम्म देशका ६८ जिल्लामा संक्रमण देखिएको छ।
मृत्यु हुनेमा सुर्खेत पञ्चपुरीका २८ वर्षका पुरुष रहेको छन् । मन्त्रालयका अनुसार मृतक ८ जेठमा भारतबाट आएर स्थानीय क्वारेन्टाइनमा रहेका थिए । १४ दिन क्वारेन्टाइनमा बसेर आरडिटि गर्दा नेगेटिभ आएको सँगै उनी घर गएका थिए ।
घर गएको सोही दिन उनको मृत्यु भएको थियो । क्वारेन्टाइनमा बस्दा कोरोनाको कुनै संक्रमणको लक्षण नदेखिएको मन्त्रालयले जनाएको छ । मृत्युभए पश्चात पिसिआर विधिबाट परीक्षण गर्दा कोरोना रिर्पोट पोजेटिभ देखिएको थियो ।
याे सँगै संक्रमण देखिएकामध्ये ११ जनाको मृत्यु भएको छ।
अन्तिमपटक फागुनमा बसेको प्रदेश २ को प्रदेशसभा बैठकपछि पछिल्लो बैठक जेठ २१ मा बोलाइयो। त्याे चौथाे अधिवेशनको पहिलो बैठक थियो।
असार १ मा बजेट प्रस्तुत गनुपर्ने संवैधानिक बाध्यता र त्यसअघि सरकारले नीति तथा कार्यक्रम ल्याउनुपर्ने भएकोले कोरोना महामारीबीच प्रदेशसभा बैठक बोलाइएको हो।
मुलुक खास गरेर प्रदेश २ कोरोना संक्रमणले आक्रान्त रहेको बेला प्रदेशसभा बैठक सुरु गर्नुपूर्व सबै सांसद, प्रदेशसभाका कर्मचारी, मर्यादापालक, सुरक्षाकर्मीलगायतका व्यक्तिहरूको कोरोना परीक्षण भयो।
प्रदेश सांसदसहित कर्मचारी तथा सुरक्षाकर्मी गरी तीन सयभन्दा बढीको स्वाब संकलन १६ र १७ जेठमा प्रदेशसभा परिसरमै भयो। जेठ २१ मा बैठक सुरु हुनुअघि प्रदेशसभा सचिवालयका पदाधिकारीले प्रादेशिक प्रयोगशालामा फोन गरेर रिपोर्टबारे जानकारी लियो। प्रयोगशालाले सबैको रिपोर्ट नेगेटिभ रहेकोले बैठक सञ्चालन गर्न समस्या नरहेको जबाफ फर्कायो।
प्रदेशसभा सचिवालयका निमित्त सचिव रन्जित यादवले ‘प्रादेशिक प्रयोगशालाले सबैको रिपोर्ट नेगेटिभ रहेको बताएपछि बैठक सुरु गरिएको’ बताए। प्रयोगशालाको त्रुटिले बुधबार प्रदेशसभा बैठकमा सहभागी भएका सभामुख, मन्त्री, प्रदेश सांसद तथा कर्मचारीहरूमा त्रास फैलिएको उनले बताएका छन्।
प्रादेशिक प्रयोगशालाले यस्तो जवाफ दिएपछि पूर्वनिर्धारित तालिकाअनुसार जेठ २१ मा चौथो अधिवेशनको पहिलो बैठक सुरु भयो। तर, त्यही दिन प्रदेशसभा परिसरमै स्वाब दिएका ट्राफिक प्रहरीका एकजना हवल्दारमा कोरोना पुष्टि भयो।
ट्राफिक प्रहरी हवल्दार प्रदेशसभा बाहिर ड्युटी गर्ने भएकाले संक्रमण पुष्टि भए पनि प्रदेशसभा सचिवालयले खासै गम्भीरतापूर्वक लिएन। र, अर्को बैठक जेठ २२ मा (बिहीबार) ३ बजे निर्धारण गर्यो।
तर, बिहीबार करिब साढे १ बजेतिर प्रदेशसभा सचिवालयका एक पदाधिकारीलाई प्रादेशिक प्रयोगशालाबाट फोन गयो। र, फोन गर्ने व्यक्तिले आर्थिक मामिला तथा योजना राज्यमन्त्रीकी स्वकीय सचिवसहित प्रदेशसभाका पाँचजना मर्यादापालकमा संक्रमण पुष्टि भएको खबर गर्यो। यस्तो जानकारी आएलगत्तै ३ बजे डाकिएको बैठक अन्तिम समयमा स्थगित गरियो।
कोरोना जाँचबारे प्रयोगशालाले दिएको गलत जानकारीपछि अहिले प्रदेश सांसद तथा प्रदेशसभाका कर्मचारीमा सन्त्रास फैलिएको छ।
प्रदेशसभा सचिवालयका निमित्त सचिव रन्जित यादवले ‘प्रादेशिक प्रयोगशालाले सबैको रिपोर्ट नेगेटिभ रहेको बताएपछि बैठक सुरु गरिएको’ बताए। प्रयोगशालाको त्रुटिले बुधबार प्रदेशसभा बैठकमा सहभागी भएका सभामुख, मन्त्री, प्रदेश सांसद तथा कर्मचारीमा त्रास फैलिएको उनले बताएका छन्।
कोरोना जाँचबारे प्रयोगशालाले दिएको गलत जानकारीपछि अहिले प्रदेश सांसद तथा प्रदेशसभाका कर्मचारीमा सन्त्रास फैलिएको छ।
‘नेगेटिभ भनिएपछि सबैजना मर्यादापालक आ-आफ्नो ड्युटीअनुसार बुधबार बैठकमा खटिएका थिए,’ निमित्त सचिव यादव भन्छन्, ‘तर, बिहीबार तिनै व्यक्तिहरूमा संक्रमण देखिएको जानकारी आएपछि एकखाले सन्त्रास फैलिएको छ।’ संक्रमण देखिएका मर्यादापालकको सम्पर्कमा आएका व्यक्तिहरूको कन्ट्याक्ट ट्रेसिङ र स्वाब संकलन भइरहेको उनले बताए।
‘मर्यादापालकहरू मन्त्री तथा सांसदहरूको सम्पर्कमा खासै हुँदैनन्,’ उनले भने, ‘तर, काम सकिएपछि उनीहरू सबैजना एकै ठाउँमा बस्ने गरेका छन्, त्यसकारण सबैको स्वाब परीक्षण गर्नुपर्ने भएको छ।’
तर, बुधबार सबैको रिपोर्ट आइनसकेको र रिपोर्ट आएकाहरूलाई मात्र बैठकमा सहभागी हुन सुझाव दिएको प्रादेशिक प्रयोगशालाका प्रमुख रामविनय साहले दाबी गरेका छन्।
‘बुधबार रिपोर्ट आएका जतिको मात्र नेगेटिभ रहेको भनेर हामीले खबर गरेका थियौं, बाँकी रिपोर्ट बिहीबार आउँदा पाँचजनामा संक्रमण देखिएको हो,’ प्रयोगशालाका प्रमुख साहले भने।
प्रदेशसभा सचिवालयका निमित्त सचिव यादवले संक्रमण पुष्टि भएका पाँचैजना मर्यादापालकलाई आइसोलेसनमा पठाइएको जानकारी दिए। साथै कन्ट्याक्ट ट्रेसिङका आधारमा संक्रमित मर्यादापालकको सम्पर्कमा आएकालाई छुट्टै वासको व्यस्था मिलाइएको उनले बताए।
कोरोना संक्रमणको जोखिम बढ्दै गएपछि प्रविधिको प्रयोग गरेर ‘भर्चुअल’ माध्यमबाट प्रदेशसभा बैठक बसाउने तयारीसमेत भइरहेको निमित्त सचिव यादवले जानकारी दिए।
दैलेखमा मात्रै आज १०५ जना नयाँ कोरोना संक्रमित थपिएका छन्।
कर्णाली स्वास्थ्य विज्ञान प्रतिष्ठान जुम्लामा गरिएको पिसिआर परीक्षणमा दैलेखका १०५ जनामा संक्रमण पुष्टि भएको हो। यस्तै मुगुका एक जनामा पनि कोरोना पोजेटिभ पाइएको छ। योसँगै कर्णाली प्रदेशमा एकै दिन १ सय ६ जनामा कोरोना पोजेटिभ पाइएको हो।
प्रतिष्ठानका अनुसार मुगको खत्याड गाउँपालिकामा पहिलो पटक १ जनामा कोरोना पोजेटिभ देखिएको छ। दैलेखको नारायण नगरपालिकाका ६४ पुरुष र ५ महिलामा संक्रमण रहेको पुष्टि भएको छ।
यस्तै देवलकाडाँका गाउँपालिकाका १२ पुरुष,सोतका ९ पुरुष, मानटाकुराका ७ पुरुष, साडुका २ पुरुष, भगनीका ५ पुरुष र बास्कोटका १ पुरुष गरी १ सय ५ जनामा भाइरसको संक्रमण रहेको पुष्टि भएको छ।
भारतका रक्षा सचिव अजय कुमारलाई कोरोना भाइरसको संक्रमण रहेको पुष्टि भएको छ।
भारतीय सञ्चारमाध्यमका अनुसार मंगलबार अजयकुमारलाई संक्रमण रहेको पुष्टि भएको हो। उनमा भाइरसको संक्रमण भेटिएपछि भारतका रक्षामन्त्री राजनाथ सिहंलगायतका अन्य अधिकारीहरू बुधबार कार्यालय उपस्थित भएका थिएनन्।
सचिवमा भाइरसको संक्रमण देखिउपछि उनको सम्पर्कमा आएकहरूको कन्ट्याकट ट्रेसिङको काम भइरहेको छ। रक्षामन्त्रालय रहेको ब्लकभर डिसइन्फेक्सन औषधी छर्कने काम भइरहेको छ।
अजयकुमार कोरोना भाइरसको संक्रमण पुष्टि भएका भारतका ठूला अहोदाका पहिला कर्मचारी हुन्। अहिले उनी घरमै क्वारेन्टाइनमा बसिरहेका छन्।
अजयकुमारको सम्पर्कमा रक्षामन्त्री, सैन्य प्रमुखहरू र उच्च तहका सरकारी अधिकारी रहेको अनुमान गरिएको छ। सम्पर्कमा आएकाहरूको पहिचानका लागि कन्ट्याकट ट्रेसिङको काम भइरहेको छ।
भारतीय रक्षा मन्त्रालयका प्रवक्ता भारतभुषण बाबुले भने यसबारेमा प्रतिक्रिया दिन अस्वीकार गरेका छन्।
आवश्यकीय स्वास्थ्य सामग्री भएको भए कोरोना संक्रमणले छुँदैन थियो। पिपिई अनि बिना गुणस्तरको मास्क लगाएर क्वारेन्टाइन र सीमानाकामा खटिनुपर्दा त्यहींबाट कोरोना भाइरस स-यो होला।
हजारौंको भिडमा आवश्यक स्वास्थ्य उपकरणबिना खटिनु परेकाले नै कोरोना संक्रमित बनेजस्तो लाग्छ।
यो गुनासो संक्रमित ल्याब असिस्टेन्टको हो। उनी कञ्चनपुरको पुनर्वास नगरपालिका–९ स्थित परासन स्वास्थ्य चौकीमा कार्यरत छन्।
जो कोरोना भाइरसको रोकथाम नियन्त्रण, स्वास्थ्य परीक्षण, क्वारेन्टाइनको व्यवस्थापनमा लागि परिरहेका र ल्याबमा संकलित स्वाबसँग जुधिरहेका थिए।
उनीसँग न त व्यक्तिगत सुरक्षा सामग्री (पिपिई) थियो न थर्मल गन। त्यतिमात्र होइन एन–९५ मास्क पनि थिएन। तर उनी सर्वसाधारणको स्वास्थ्यका परीक्षणमा जुटिरहे। जोखिम मोलिरहेकै छन्।
‘महामारीसँग लड्न अग्रपंक्तिमा उभिएका स्वास्थ्यकर्मीलाई स्वास्थ्य सामग्रीको अभाव हुँदा जोखिम बढिरहेछ, स्वास्थ्य सामग्री लगाएर फिल्डमा जान पाएको भए सायद कोरोनाले छुन्नथ्यो,’ उनको बुझाइ छ।
उनीसँग न त व्यक्तिगत सुरक्षा सामग्री (पिपिई) थियो न थर्मल गन। त्यतिमात्र होइन एन–९५ मास्क पनि थिएन। तर उनी सर्वसाधारणको स्वास्थ्यका परीक्षणमा जुटिरहे। जोखिम मोलिरहेकै छन्।
‘कोरोना भाइरसको कुनै लक्षण देखिएको छैन। म तन्दुरुस्त र स्वस्थ छु, भाइरसको संक्रमण जसरी नि हुनसक्छ भन्ने कुरा विश्वास भयो,’ उनले सुनाए, ‘स्वास्थ्य अवस्था ठिक भए पनि यो सबै स्वास्थ्य सामग्रीबिना फिल्डमा खटिनुको परिणाम हो।’
स्वास्थ्य सामग्रीको अभावले त्यतिकै फिल्डमा गएका उनलाई एकजनामा पोजेटिभ देखिएपछि आफूलाई सर्छ कि भन्ने शंका त भने लागेको थियो। आखिर भयो पनि त्यही।
‘सर्वसाधारणको सेवा गर्छु भनी स्वास्थ्य क्षेत्रमा लागेका स्वास्थ्यकर्मीका लागि यो कठिन घडी हो, दायित्व तथा जिम्मेवारीबाट भाग्न खोजे एकातिर पाप लाग्छ भने अर्कातिर चुल्हो बल्दैन,’ उनले पीडा पोखे।
दिनभर सर्वसाधारणको सेवामा खटिरहने, आफ्नो स्वास्थ्यको पर्वाह नगरी अरुको स्वास्थ्यका खातिर दिनरात लागिपर्ने, गाउँपालिकामा दौडिरहने उनको अहिलेको दैनिकीे सेती अञ्चल अस्पतालको आइसोलेसन वार्डमा सीमित भएको छ।
उनी कोठाभित्र एक्लो महसुस गरिरहेका छन्।
भारतबाट आउने नागरिकको स्वास्थ्य परीक्षणमा त्रिनगर नाकामा खटिँदा आफूलाई त्यहींबाट कोरोना सरेको उनमा शंका छ।
दिनभर फिल्डमा खटिए पनि उनी साँझ घर जान्थे। घरमा दुई छोरी र श्रीमती छन्। उनीहरूलाई पनि उत्तिकै जोखिम छ। बुधबार स्वास्थ्य टोलीे घरपरिवारको स्वास्थ्य परीक्षणका लागि गएको उनले जानकारी दिएका छन्। उनीहरूको स्वाब संकलन गरिदै छ।
‘आफू पोजेटिभ भएको जानकारी पाएपछि सुरुमा त विश्वास लागेन । त्यो खबर सुन्दा केही डर लाग्यो । मन खिन्न भयो । अब जे भए पनि भइहाल्यो भन्दै आफै मोटरसाइकलमै सेती अस्पताल आएँ,’ उनले सुनाए।
उनलाई आफ्नोभन्दा घरपरिवारको बढी चिन्ता छ। ‘मलाई त कुुनै लक्षण नै देखिएको छैन केही दिनपछि कोरोना जित्छु भन्ने विश्वास छ तर छोरी, श्रीमतीको रिपोर्ट के पो आउँछ भन्ने डर लागिरहेको छ,’ आइसोलेसन वार्डबाट उनले हेल्थपोस्टलाई बताए।
उनी भन्छन्, ‘महामारीसँग लड्न स्वास्थ्य सेवाको अग्रमोर्चामा खटिएका स्वास्थ्यकर्मीको सुरक्षाका लागि सरकारले ध्यान दिनुपर्छ। कयौं संक्रमण स्वास्थ्य उपकरणकै अभावले भएका छन् यो दुःखको कुरा हो।’
दिनभर फिल्डमा खटिए पनि उनी साँझ घर जान्थे। घरमा दुई छोरी र श्रीमती छन्। उनीहरूलाई पनि उत्तिकै जोखिम छ। बुधबार स्वास्थ्य टोलीे घरपरिवारको स्वास्थ्य परीक्षणका लागि गएको उनले जानकारी दिएका छन्। उनीहरूको स्वाब संकलन गरिदै छ।
बेलाबेला उनी घरपरिवारलाई फोन गरी आफ्नो स्वास्थ्य अवस्था सामान्य रहेको जानकारी दिन्छन् र आफूहरूको ख्याल गर्न भन्छन्।
‘मलाई कोरोनाको कुनै लक्षण देखिएको छैन। म स्वस्थ छु, आत्तिनुपर्दैन भनेर श्रीमतीलाई भन्ने गरेको छु। केही दिनपछि कोरोना जितेर घर तथा पुनः काममा फर्किन्छु भनेर ढाडस दिन्छु,’ उनले सुनाए ।
कोरोनाको संक्रमण हुनसक्ने आशंकामा उनले जेठ १७ गते स्वास्थ्य परीक्षण गराएका थिए। २० गते रिपोर्ट आउँदा पोजेटिभ देखियो ।
जेठ ८ गते उनी भारतबाट आउनेको स्वास्थ्य परीक्षणका लागि त्रिनगर भन्सार नाका गएका थिए। भारतबाट त्यो दिन करिब २ हजार सर्वसाधारण नेपाल भित्रिएका थिए।
त्यो दिन आएकामध्ये वडा ९ का ३३ जनाको स्वास्थ्य परीक्षण गरेका थिए उनले। परीक्षण गरिएकामध्ये १ जनामा कोरोना संक्रमण देखिएपछि सेती प्रादेशकि अस्पताल पठाइएको थियो।
अरु बाँकी ३२ जनालाई नगरपालिकाको गौरीशंकर र बागेश्वरी स्कुलमा राखिएको थियो।
सुरुमा देखिएका एक जनाको आरडिटी गरेको भए पनि क्वारेन्टाइनमा रहेकाको पिसिआर विधिमार्फत स्वास्थ्य परीक्षण गरिएको थियो । त्यसमा उनी आफैंले स्वाब संकलनमा गरेका थिए । क्वारेन्टाइनमा रहेका ३२ जनाको पिसिआर गर्दा चार जनामा भाइरस पोजेटिभ देखियो। उनले त्यही बेला आफूले पनि स्वास्थ्य परीक्षण गराउनुपर्ने सोचिसकेका थिए।
‘बिना कुनै स्वास्थ्य सामग्री सीमानामा खटिँदा नै कोरोना स¥यो कि भन्ने लागेको थियो, सही रहेछ, स्वास्थ्य उपकरण भएको भए कोरोनाले छँुदैनथ्यो,’ उनको थकथकी छ।
झापामा मंगलबार एक जनामा कोरोना संक्रमण पुष्टि भएको छ। बुद्धआदर्श माविको क्वारेन्टाइनमा रहेका एक सय जनामध्ये ५ जनामा कोरोना संक्रमण पुष्टि भएको हो ।
जसमध्ये एक जना बुद्धशान्ती गाउँपालिकाका ( ४ का ३० वर्षीय पुरुष हुन्। चार जना अन्य जिल्लाका भएको जनाइएको छ। संक्रमित मध्ये ताप्लेजुङका ३ जना ४०, १८, १८ र पाँचथरका २० वर्षीय पुरुष भएको जनाइएको छ।
बुद्धशान्ति गाउँपालिकाका स्वास्थ शाखा प्रमुख भोलाप्रसाद अधिकारीले दिएको जानकारी अनुसार सो क्वारेन्टाइनमा झापाका विभिन्न नाकाबाट नेपाल प्रबेश गर्नेहरूलाई राखिएको छ। त्यहाँ बुद्धशान्ति गाउँपालिका क्षेत्र र मेचीका पहाडी जिल्लाका मानिस राखिएको छ।
क्वारेन्टाइनमा रहेका एक सय जनाको पिसिआर नमुना परीक्षणका लागी पठाइएको थियो। जसमा ७९ जनाको रिपोर्ट नेगेटिभ आएको थियो।
बुद्धशान्ति गाउँपालिका संक्रमित जेठ १३ गते भारतको लखनउबाट आएका व्यक्ति हुन्। उनीसँगै आएका अन्य ७ जनाको रिपोर्ट नेगेटिभ आएको छ।
अन्य जिल्लाका ४ जना भने सुनौली नाका हुँदै नेपाल प्रबेश थिए। संक्रमित पाँचै जनालाई आइसोलेसनमा राख्न धरान लैजाने तयारी भैरहेको छ।
मंगलबार पुष्टि भएकासँगै झापामा ११९ जना संक्रमित भएका छन्। त्यसमा चार जना बाहिरी जिल्लाका हुन्। जसमध्ये कचनकवलका १७, दमक र बाह्रदशीका एकर एक जना निको भएर घर फर्किएका छन्।
सुदूरपश्चिममा आज एकै दिन थप २७ जनामा संक्रमण देखापरेको छ। सोमबार सुदूरपश्चिममा १८ जनामा कोरोना संक्रमण देखिएको थियो।
मंगलबार देखापरेका नयाँ संक्रमितमा कैलालीका १०, कञ्चनपुरका ८ र अछामका ९ जना रहेका छन्। सेती प्रादेशिक अस्पतालले दिएको जनाकारी अनुसार धनगढी कोरोना परीक्षण प्रयोगशालामा १८ र सुर्खेतको प्रयोगशालामा ९ जना गरी २७ जनामा कोरोना पुष्टि भएको हो। आज देखिएका संक्रमित संगै सुदूरपश्चिममा कुल संक्रमितको सङख्या ७३ पुगेको छ।
सेती प्रादेशिक अस्पताल धनगढीका अनुसार धनगढी प्रयोगशालामा कोरोना पोजेटिभ देखिएका मध्य कैलालीका १० र कञ्चनपुरका ८ जना रहेका छन्। सेती प्रादेशिक अस्पताल धनगढीका सूचना अकिारी दिलिप श्रेष्ठले दिएको जानकारी अुनसार कैलालीको टीकापुर नगरपालिका स्थित कर्णाली माविको क्वारेन्टिमा बस्दै आएका २०, ३५ र ६३ बर्षे पुरुष र १८ बर्षिया युवतीमा कोरोना पुष्टि भएको छ।
यसै गरी धनगढी उप–महानगरपालिका–३ स्थित त्रिभुवन माविको क्वारेन्टिमा रहेका ३२ बर्षे पुरुष, गौरीगंगा नगरपालिका स्थित कालिका माविको क्वारेन्टिमा रहेका १९, २०, २४, २८ र ३२ बर्षीय पुरुषमा कोरोना पुष्टि भएको सूचना अधिकारी श्रेष्ठले बताए।
कञ्चनपुरका संक्रमित मध्य पुनरवास नगरपालिकाका ३३, ३५, ३६ र ५२ बर्षे पुरुष, लालझाडी गाउँपालिकाका ३३ बर्षे पुरुष, कञ्चनपुरको आईविआईडीमा रहेको क्वारेन्टिनमा रहेका २८ र ३० बर्षीय पुरुष तथा महाकाली अस्पतालमा रहेका ५० बर्षे पुरुष रहेका छन्।
यसै गरी सुर्खेतमा गरीएको परीक्षणमा सोमबार नै अछामको मेल्लेख गाउँपालिकाका दुई महिला सहित ८ जना र मंगलसैन नगरपालिकाका एक जना गरी नौँ जनामा कोरोना पुष्टि भएको जनाइएको छ।
सुदूरपश्चिमका ७३ संक्रमित मध्ये ७१ जना प्रदेशभित्रै रहेका छन् भने एक जना बझाङ र एक जना बाजुराका संक्रमितक कर्णाली प्रदेशमा उपचार भईरहेको छ। सुदूरपश्चिम प्रदेशमा १ जनाको कोरोना संक्रमण बाट मृत्यू भएको छ भने ६ जना संक्रमित उपचार पछि निको भएर घर फर्केका छन्।
थापाथलीस्थित परोपकार प्रसूति गृह तथा स्त्री रोग अस्पतालमा उपचाररत एक महिलामा कोरोना संक्रमण देखिएको छ । धादिङ घर भएकी ती महिला गत बुधबार अस्पताल भर्ना भएकी थिइन्।
संक्रमित महिला ३८ हप्ताकाे गर्भवती रहेको अस्पतालका निर्देशक डा. जागेश्वर गौतमले बताए। ती महिलालाई ज्वरोको समस्या रहेको रहेको डा.गौतमले जानकारी दिए । ‘उनी ज्वरो जस्ता समस्या देखिएर अस्पताल भर्ना हुनुभएको थियो,’ डा. गौतमले भने, ‘आज पिसिआर रिपाेर्ट पोजेटिभ देखियो।’
कोभिड अस्पतालमा थप उपचारका लागि रिफर गर्न छलफल भइरहेको डा. गौतमले बताए। ‘हामीले डेलिभरी मात्र गर्ने गर्छौ,’ उनले भने, ‘कोरोना संक्रमण भएका लागि अन्य अस्पतालमा उपचार हुन्छ।’
गर्भवतीको सम्पर्कमा आएका चिकित्सक,नर्स लगायत स्वास्थ्यकर्मीको कन्ट्याक्ट ट्रेसिङ सुरु भइसकेको डा. गौतमले जानकारी दिए ।
स्वास्थ्य सेवा विभाग परिवार कल्याण महाशाखाको तथ्यांकअनुसार चैत ११ देखि लकडाउन सुरु भएसँगै यो अवधिमा ३० जना गर्भवती र सुत्केरीको मृत्यु भएको तथ्यांक छ। अधिकांश घटनामा नवजातको मृत्युसमेत भएको छ।
मृत्यु हुनुको प्रमुख कारण लकडाउनका समयमा स्वास्थ्य यातायात अभावले स्वास्थ्य संस्था पुर्याउन हुने ढिलाइसँगै उपचारमा सिर्जित असहज अवस्था, गर्भावस्थाको नियमित जाँच नहुन रहेको विज्ञले बताएका छन्।
मगंलबार मात्र देशभरका विभिन्न स्थानमा २ सय ८८ जनालाई कोरोना संक्रमण देखिएको छ । काठमाडौं मेडिकल कलेजमा कार्यरत ४ स्वास्थ्यकर्मीमा संक्रमण पुष्टि भएको छ। हालसम्म कोरोनाका कारण ८ जनाले ज्यान गुमाइसकेका छन्।
प्रदेश २ मा मंगलबार १२० जनामा कोरोना संक्रमण पुष्टि भएको छ। पछिल्लो २४ घण्टामा प्रदेश २ मा १२० जनामा कोरोना संक्रमण पुष्टि भएको हो। १२० जना थपिएसँगै प्रदेश २ मा कोरोनाबाट संक्रमित हुनेको संख्या ८१५ पुगेको छ।
मंगलबार सबैभन्दा बढी रौतहटमा ७४ जनामा संक्रमण पुष्टि भएको सामाजिक विकास मन्त्रालयले जनाएको छ। यसैगरी धनुषामा ४, महोत्तरीमा २, बारामा एक, सिरहामा १७, सप्तरीमा १ र सर्लाहीको २१ जनामा संक्रमण पुष्टि भएको सामाजिक विकास मन्त्रालयका सचिव रामप्रसाद घिमिरेले जानकारी दिए।
धनुषामा संक्रमण पुष्टि भएकामध्ये एकजना नेपाली सेनाका जवान रहेको बुझिएको छ। धनुषाको गंगुलीस्थित क्वारेन्टाइनमा उनको स्वाब संकलन भएको थियो। जटही नाकाम खटिएका श्रीनाथ गणका एकजना नेपाली सेनाको जवानमा संक्रमण पुष्टि भएको क्वारेन्टाइन संयोजक सन्तोष ठाकुरले जानकारी दिएका छन्।
नेपाली सेनाका जवानबाहेक मंगलबार संक्रमण पुष्टि भएकाहरु छिमेकी भारतबाट फर्केर क्वारेन्टाइनमा रहेको बताइएको छ। संक्रमणको दर बढ्दै गएपछि प्रदेश २ मा आइसोलेसनको समेत अभाव हुन थालेको छ।
अछामबाट बिरामी बोकेर धनगढी आएका एम्बुलेन्स चालकमा कोरोना पुष्टि भएको छ। आइतबार अछामबाट विरामी लिएर धनगढी आएका एम्बुलेन्स चालकमा कोरोना भाइरसको संक्रमण पुष्टि भएको हो।
कोरोना संक्रमण पुष्टि भएका एम्बुलेन्स चालक अछामको मंगलसेन नगरपालिका–४ का २३ वर्षे पुरुष हुन्। उनको सुर्खेतस्थित प्रयोगशालामा गरिएको थ्रोट स्वाबको नमूना परीक्षणमा रिर्पोट पोजेटिभ आएको सेती प्रादेशिक अस्पतालका सूचना अधिकारी दिलिप श्रेष्ठले बताए।
नेपालमा कोरोना संक्रमण र अस्पताल भर्नादर वृद्धिसँगै निगरानी तथा परीक्षणमा संलग्न स्वास्थ्यकर्मीमा पनि जोखिम थपिँदै गएको छ।
विशेषगरी अस्पताल र क्वारेन्टाइनस्थलमा खटिएका स्वास्थ्यकर्मी बढी कोरोना संक्रमित भएका छन्।
यो समाचार तयार पार्दासम्म सबैभन्दा बढी ७ स्वास्थ्यकर्मी, ६ नर्स र २ चिकित्सक कोरोना भाइरसबाट संक्रमित भएका छन्। कुल १५ मध्ये ५ ले मात्रै हालसम्म संक्रमण जितेका छन्।
प्रदेशका आधारमा सबैभन्दा प्रदेश ५ र २ मा ५/५ स्वास्थ्यकर्मी संक्रमित छन् भने प्रदेश १ मा चार र वागमतीमा २ जना छन्। सुदूरपश्चिम, कर्णाली र गण्डकी प्रदेशमा स्वास्थ्यकर्मी संक्रमित छैनन्।
नेपालका कोरोना संक्रमित कुल संख्या भने १ हजार ५ सय ७२ र मृत्यु हुनेको संख्या ८ पुगेको छ।
संक्रमणको दर बढ्दै जाँदा स्वास्थ्यकर्मीमा संक्रमण पनि बढ्छ। यो दर कम गर्न नेपाल मेडिकल काउन्सिल र स्वास्थ्य मन्त्रालयले समेत उपचारमा संलग्न हुने जनशक्तिले कुन प्रकारको सेवा अपनाउँदा कस्तो खालका व्यक्तिगत सुरक्षा सामग्री प्रयोग गर्नुपर्ने भन्ने यकिन मापदण्ड बनाइएको छ।
तर दुर्गम क्षेत्रका स्वास्थ्यकर्मीहरू सामान्य मास्क, ग्लोब्सको समेत अभाव झेलिरहेका छन्। ठूलो अस्पताल चिकित्सकहरू समेत पर्याप्त पिपिईको अभावमा जोखिम र त्रासमै सेवारत छन्।
प्रदेश १ : नर्स २, स्वास्थ्यकर्मी २
प्रदेश १ मा नर्स २, स्वास्थ्यकर्मी २ जनामा कोरोना संक्रमण पुष्टि भएको छ। धनकुटा अस्पतालमा कार्यरत नर्समा सुरुमा ४ जेठमा कोरोना संक्रमण पोजेटिभ देखिएको थियो। ६ जेठमा उनकै सहकर्मी एक नर्ससहित दुई स्वास्थ्यकर्मीमा संक्रमण पुष्टि भएको थियो। उनीहरू सबै कोसी कोभिड अस्पतालमा उपचाररत छन्।
संक्रमणको दर बढ्दै जाँदा स्वास्थ्यकर्मीमा संक्रमण पनि बढ्छ। यो दर कम गर्न नेपाल मेडिकल काउन्सिल र स्वास्थ्य मन्त्रालयले समेत उपचारमा संलग्न हुने जनशक्तिले कुन प्रकारको सेवा अपनाउँदा कस्तो खालका व्यक्तिगत सुरक्षा सामग्री प्रयोग गर्नुपर्ने भन्ने यकिन मापदण्ड बनाइएको छ। तर दुर्गम क्षेत्रका स्वास्थ्यकर्मीहरू सामान्य मास्क, ग्लोब्सको समेत अभाव झेलिरहेका छन्। ठूलो अस्पताल चिकित्सकहरू समेत पर्याप्त पिपिईको अभावमा जोखिम र त्रासमै सेवारत छन्।
प्रदेश २ : चिकित्सक १, नर्स १, स्वास्थ्यकर्मी २
प्रदेश २ मा एक चिकित्सक, एक नर्स, दुई स्वास्थ्यकर्मीमा कोरोना संक्रमण देखिएको स्वास्थ्य निर्देशनालयले जनाएको छ।
जेठ ३ गते सप्तरीमा कार्यरत नेपाली सेनाका एक चिकित्सकमा कोरोना संक्रमण देखिएको थियो। उनी हाल संक्रमणमुक्त भई अस्पतालबाट डिस्चार्ज भएका छन् ।नारायणी अस्पतालको आसोलेसन वार्डमा कार्यरत नर्सलाई वैशाख ३१ मा संक्रमण देखिएको थियो। उनी पनि निको भएर घर फर्किसकेकी छन्।
जेठ १५ मा सप्तरीको प्रतिष्ठानमा कार्यरत एक स्वास्थ्यकर्मी र बारा क्वारेन्टाइनमा कार्यरत स्वास्थ्यकर्मीलाई जेठ १३ मा संक्रमण देखिएको थियो।
वागमती प्रदेश : चिकित्सक १, नर्स १
जेठ ६ मा इपिडिमियोलोजी तथा रोग नियन्त्रण महाशाखामा कार्यरत एक जनस्वास्थ्य चिकित्सकमा पनि संक्रमण देखिएको थियो। त्यसैगरी वैशाख ३१ मा सुनसरीबाट फर्केकी भक्तपुरको एक निजी अस्पतालमा कार्यरत नर्समा संक्रमण पुष्टि भएको थियो। संक्रमित दुवैले काेराेना जितेका छन्।
प्रदेश ५ : नर्स २, स्वास्थ्यकर्मी ३
वैशाख ३० मा तौलिहवा अस्पतालमा ३४ वर्षीया नर्समा संक्रमण देखिएको थियो। उनी हाल निको भएर घर फर्किएकी छन्। त्यसैगरी जेठ ८ मा खजुरा गाउँपालिकाकी स्टाफ नर्समा कोरोना संक्रमण देखिएको थियो। खजुरा, गाउँपालिका वडा–३ की ४२ वर्षीया स्टाफ नर्समा संक्रमण पुष्टि भएको थियो।
लुम्बिनी अस्पतालका एक स्वास्थ्यकर्मीलाई गत साता संक्रमण देखिएको स्वास्थ्य निर्देशनालयले जनाएको छ। दाङमा जेठ १८ मा दुई स्वास्थ्यकर्मीमा संक्रमण देखिएको छ।
देउखुरीको गढवा गाउँपालिका–६ मा रहेको बाल जनता माध्यामिक विद्यालयको क्वारेन्टाइनमा कार्यरत दुई स्वास्थ्यकर्मीमा कोरोना संक्रमण देखिएको हो। उनीहरूमध्य लमही नगरपालिका–१ का ४० वर्षीय पुरुष र राप्ती गाउँपालिका–८ निवासी ३६ वर्षीय पुरुष रहेको गढवा गाउँपलिकाले जनाएको छ।
बढ्दो जोखिम, थपिँदो त्रास
स्वास्थ्यकर्मीको बढ्दै संक्रमण जाँदा आगामी दिनमा दिनमा जनशक्ति अभाव हुने अवस्था निम्तिन सक्ने सरकारी चिकित्सक संघका अध्यक्ष डा. दीपेन्द्र पाण्डे बताउँछन्।
फ्रन्टलाइनमा रहेर काम गरिरहेका स्वास्थ्यकर्मीका लागि पर्याप्त रूपमा सुरक्षा सामग्री नहुनु तथा परीक्षणको दायरा कम हुनुले संक्रमण बढाइरहेको उनको तर्क छ। ‘स्वास्थ्यकर्मीमा संक्रमण बढ्दै जाँदा भोलि जनशक्ति अभाव हुने देखिन्छ,’ उनले भने।
स्वास्थ्य संस्था, सरसफाई र खोप कार्यक्रममार्फत संक्रमण बढेको अध्यक्ष शर्मा बताउँछन्। ‘सरकारले स्वास्थ्य संस्था, तथा खोप कार्यक्रममा स्वास्थ्यकर्मीलाई पिपिई, माक्स, पन्जा जस्ता सामग्री नदिइकन काम लगाइएको छ,’ शर्माले भने, ‘स्वास्थ्य संस्थामा परिचान नै नभएका व्यक्तिको उपचारमा खटिँदा संक्रमण बढेको छ।’
डा. पाण्डेका अनुसार अहिले स्वास्थ्य सेवामा १ हजार २ सय ६६ सरकारी चिकित्सकको दरबन्दी छ। उनी भन्छन्, ‘एकजना संक्रमित व्यक्तिसँग संलग्न हुँदा सयौं चिकित्सकहरू क्वारेन्टाइनमा जानुपर्ने हुन्छ।’
संक्रमणको बढ्दो रुप हेर्दा सरकारले विकल्पका लागि तयारी अवस्थामा अन्य चिकित्सकलाई राख्नुपर्ने डा. पाण्डे बताउँछन्।
बिरामीको हेरचाहमा बढी समयसम्म सँगै हुने भएकाले जनशक्तिमध्ये पनि नर्समा बढी जोखिम हुने र संक्रमण देखिएको नेपाल नर्सिङ संघकी अध्यक्ष प्रा. मनकुमारी राईको भनाइ छ। धेरै संक्रमित नर्स बिरामी उपचारमा संलग्न हुँदा संक्रमण सरेको डा. राई बताउँछिन्। ‘८० प्रतिशतमा कोरोना संक्रमण देखिएको छैन,’ राईले भनिन्, ‘बिरामीलाई केयर गर्दा संक्रमण देखिएको छ।’
जिल्ला अस्पतालमा काम गर्ने नर्सले सुरक्षित सुरक्षा सामग्रीको प्रयोग गर्न नपाएका कारण पनि संक्रमणको दर बढेको उनी बताउँछिन्।
विभिन्न समयमा नर्सिङ संघले पिपिईजस्ता सुरक्षा सामग्री उपलब्ध गराउन माग गर्दै आएको छ।
कोरोनाको हब अस्पतालमा मात्र स्वास्थ्यकर्मीलाई सुरक्षा सामग्रीको व्यवस्था भएको र अन्य स्वास्थ्य संस्थामा सुरक्षा सामग्री अभावका कारणले संक्रमणको दर बढ्दै गएको नेपाल स्वास्थ्यकर्मी युनियनका अध्यक्ष उज्ज्वलकुमार शर्माले बताए।
स्वास्थ्य संस्था, सरसफाई र खोप कार्यक्रममार्फत संक्रमण बढेको अध्यक्ष शर्मा बताउँछन्। ‘सरकारले स्वास्थ्य संस्था, तथा खोप कार्यक्रममा स्वास्थ्यकर्मीलाई पिपिई, माक्स, पन्जा जस्ता सामग्री नदिइकन काम लगाइएको छ,’ शर्माले भने, ‘स्वास्थ्य संस्थामा पहिचान नै नभएका व्यक्तिको उपचारमा खटिँदा संक्रमण बढेको छ।’
दाङमा पहिलो पटक स्वास्थ्यकर्मीमा कोरोना भाइरसको संक्रमण देखिएको छ। देउखुरीको गढवा गाउँपालिका–६ मा रहेको बाल जनता माध्यामिक विद्यालयको क्वारेन्टाइनमा कार्यरत दुई जना स्वास्थ्यकर्मीमा कोरोना संक्रमण देखिएको हो।
उनीहरू मध्य लमही नगरपालिका–१ का ४० बर्षीय पुरुष र राप्ती गाउँपालिका–८ निवासी ३६ बर्षीय पुरुष रहेका छन्। आइतबार राप्ती स्वास्थ्य विज्ञान प्रतिष्ठान घोराहीमा गरिएको कोरोना परिक्षणका क्रममा उनीहरूमा कोरोना संक्रमण पुष्टि भएको थियो। उनीहरू दुबै अहेव रहेको बताइएको छ।
दुई जना स्वास्थ्यकर्मीसहित चार जनामा आइतबार कोरोना भाइरसको संक्रमण देखिएको गढवा गाउँपालिकाले जनाएको छ। गढवा गाउँपालिकाले आफ्नो आधिकारी फेसबुक पेजमार्फत दुई जना स्वास्थ्यकर्मीसहित चार जनामा कोरोना भाइरसको संक्रमण देखिएको जानकारी दिएको छ।
अन्य दुई जना गढवा गाउँपालिका–६ निवासी ३६ बर्षीय र वडा नम्बर ७ निवासी २४ बर्षीय पुरुषहरू रहेका छन्। उनीहरू भारतबाट आएको गाउँपालिका अध्यक्ष सहजराम यादवले जानकारी दिए।
आइतबार राप्ती स्वास्थ्य विज्ञान प्रतिष्ठानमा कोरोना परिक्षणका क्रममा ९ जनाको रिपोर्ट पोजिटिभ आएको प्रतिष्ठानले जनाएको छ।
म्याग्दीका कोरोना संक्रमितसँग एउटै बसमा आएका ६ जना सम्पर्कविहीन भएका छन्। जेठ ९ गते भैरहवाको नमुना माविबाट क्वारेन्टाइनमा बसेकाहरूलाई लिएर आएको बसमा सवार २३ जनामध्ये ६ जना हराएका हुन्।
संक्रमितसँगै आएका ६ जना हराएपछि स्वास्थ्य निर्देशनालय गण्डकीले खोजी थालेको छ। सम्पर्कविहीन भएकामध्ये २ जना पोखराको पुरानो बसपार्कमा ओर्लिएको, लमजुङका ३ जना डुम्रेमा र गोरखाका १ जना आँबुखैरेनीमा ओर्लिएको निर्देशनालयले जनाएको छ।
म्याग्दीको मालिका गाउँपालिका–२ रुमका ३० वर्षीय पुरुषमा जेठ १५ गते कोरोना सङ्क्रमण पुष्टि भएको थियो।
गण्डकी प्रदेशका ६ जिल्लामा कोरोना संक्रमण भेटिएको छ । प्रदेशभरका ११ मध्ये ६ जिल्लामा कोरोना संक्रमित भेटिएको स्वास्थ्य निर्देशनालय गण्डकीले जनाएको छ। गण्डकी प्रदेशको बागलुङ, स्याङजा, म्याग्दी, तनहुँ, नवलपुर र लमजुङका गरी अहिलेसम्म २४ जनामा कोरोना पुष्ट भएको छ।
झापाको गौरीगञ्ज गाउँपालिकाका चार जना व्यक्तिमा कोरोना संक्रमण पुष्टि भएको छ।
विराटनगरस्थित कोसी अञ्चल अस्पतालको प्रयोगशालामा आइतबार गरिएको परीक्षणमा चार जनामा कोरोना संक्रमण देखिएको हो।
संक्रमित सबै पुरुष हुन्। उनीहरू वडा नम्बर छ र ७ का रहेको सो गाउँपालिकाका स्वास्थ्य संयोजक रामचन्द्र मिश्रले बताए।
संक्रमितहरू गुजरात र मुम्बईबाट केही दिनअघि गौरीगञ्ज नाकाबाटै नेपाल भित्रिएका थिए। जेठ १५ गते उनीहरूको स्वाब संकलन गरी विराटनगर पठाइएको थियो।
सो गाउँपालिकाले स्थापना गरेको प्राथमिक स्वास्थ्य केन्द्रको क्वारेन्टाइनमा रहेका चारै जनालाई विराटनगरस्थित कोभिड अस्पताल पठाउने तयारी भइरहेको मिश्रले बताए।
बाजुरा जिल्ला आस्पतालको आइसोलेसनमा राखिएको २ वर्ष बालिकाको कोरोना संक्रमणबाट मृत्यु भएको छ। शुक्रबार मृतक बालिकाको स्वाब संकलन गरी सेती प्रादेशिक अस्पतालमा पठाइएको थियो।
ति बालकको आइतबार बिहान ६ बजे आइसोलेसनमै निधन भएको सुदुरपश्चिम स्वास्थ्य निर्देशनालयका प्रमुख डा. गुणराज अवस्थीले जानकारी दिए। ‘शुक्रबार नमुना संकलनका लागि पठाएको थियो’, अवस्थीले भने, ‘आइतबार रिर्पोट पोजेटिभ आएको छ।’
अवस्थीका अनुसार मृतक बालिकाकी २३ वर्षिया आमामा पनि कोरोना पुष्टि भएको छ भने बुवामा संक्रमण देखिएको छैन।
आठ दिन अघी उनी बुवाआमासँग भारतबाट आएर क्वारेन्टाइनमा रहेकी थिइन्। उनीहरू बुढिगंगा नगरपालिको क्वारेन्टाइनमा राखिएको थियो।
उक्त बालिकामा पखाला, ज्वारो र श्वासप्रश्वासको समस्या देखिएको अस्पतालले जनाएको छ। योसँगै नेपालमा कोरोनाबाट मृत्यु हुनेको संख्या सात पुगेको छ।
गण्डकी प्रदेशका ६ जिल्लामा कोरोना संक्रमण भेटिएको छ। आइतबार मध्यान्ह १२ बजेसम्म प्रदेशभरका ११ मध्ये ६ जिल्लामा कोरोना संक्रमित भेटिएको स्वास्थ्य निर्देशनालय गण्डकीले जनाएको छ। गण्डकी प्रदेशको बागलुङ, स्याङजा, म्याग्दी, तनहुँ, नवलपुर र लमजुङका गरी अहिलेसम्म २४ जनामा कोरोना पुष्टि भएको छ।
स्वास्थ्य निर्देशक विनोदविन्दु शर्माका अनुसार बागलुङमा सबैभन्दा धेरै ८ जनामा कोरोना देखिएको छ। तीमध्ये २ जना घर फर्किसकेका छन्। बागलुङपछि स्याङजामा ७ जनामा कोरोना संक्रमण भेटिएको छ। तीमध्ये ५ जना वालिङ र २ जना गल्याङका हुन्।
स्याङजाकी एक जना महिला संक्रमितको पश्चिमाञ्चल क्षेत्रीय अस्पतालमा उपचार भइरहेको छ। त्यसबाहेक नवलपुरका ६, लमजुङका १, म्याग्दीका १ र तनहुँका १ जनामा कोरोना पुष्टि भएको छ। तनहुँमा भने आज पहिलोपटक एक जनामा कोरोना देखिएको हो। तनहुँको ऋषिङ गाउँपालिकाका २८ वर्षीय पुरुषमा आज बिहान कोरोना पुष्टि भएको हो।
अहिलेसम्म भेटिएका संक्रमितमध्ये नवलपुरका ६ जनाको भरतपुर अस्पताल, लमजुङका १ जनाको जनस्वास्थ्य प्रयोगशाला टेकु र बाँकी १७ जनाको पोखरास्थित कोरोना परीक्षण प्रयोगशालामा स्वाब परीक्षण गर्दा कोरोना पोजेटिभ आएको हो।
कोरोना संक्रमणका कारण ज्यान गुमाउनेको संख्या भारतमा पाँच हजार नाघेको छ।
शनिबार भारतमा २ सय ५ जनाको मृत्यु भएसँगै त्यहाँ मृतकको संख्या पाँच हजार १ सय ८५ पुगेको वर्ल्डओमिटरले जनाएको छ।
भारतमा शुक्रबार संक्रमणबाट २ सय ६९ जनाले ज्यान गुमाएका थिए। शुक्रबार त्यहाँ आठ हजारभन्दा धेरैमा संक्रमण पुष्टि भएको थियो। भारमा लकडाउन केही खुकुलो हुन थालेसँगै कोरोनाको संक्रमण र मृत्युदर वढ्न थालेको छ।
अहिलेसम्म भारतमा १ लाख ८१ हजार ८ सय २७ जनामा कोरोना संक्रमण पुष्टि भएको छ। शनिबार एकै दिन त्यहाँ ८ हजार ३ सय ३६ जनामा संक्रमण देखिएको छ। अहिलेसम्म भारतमा ८६ हजार ९ सय ३६ जना संक्रमित उपचारपछि निको भएका छन्।
भारतभर रहेका सन्क्रमितमध्ये ८ हजार ९ सय ४४ जनाको स्वास्थ्य अवस्था गम्भीर रहेको छ । ३६ लाख ११ हजार ५ सय ९९ जनाको स्वास्थ्य परीक्षण गरिएको छ।
विश्वभर कोरोना संक्रमणको कारण ३ लाख ७० हजार ९ सय १८ जनाको मृत्यु भइसकेको छ। गएको २४ घण्टामा यसको संक्रमणबाट विश्वभर ४ हजार ९० जनाले ज्यान गुमाएका छन्। यो संगै बिश्वभर ६१ लाख ५६ हजार ४ सय २८ जनामा भाइरसको संक्रमण देखिएको छ भने २७ लाख ३४ हजार ७ सय ७८ जना उपचार पछि निको भइ घर फर्किसकेका छन।
संक्रमितमध्ये अहिलेसम्म विश्वभर गरेर २७ लाख २९ हजार ९ सय ५५ जना उपचारपछि निको भएका छन्।
भरतपुर कोभिड–१९ परीक्षण प्रयोगशालामा शुक्रबार परीक्षण गरिएका नमुना मध्ये ४ जनामा कोरोना पोजेटिभ देखिएको छ। कपिलवस्तुबाट आएका १ सय ७० नमुना मध्ये ४ जना पुरुषमा कोरोना पोजेटिभ देखिएको भरतपुर अस्पतालले जानकारी दिएको छ।
संक्रमित व्यक्तिहरू कपिलबस्तुमै रहेका छन्। उनिहरूको ट्राभल हिष्ट्रि पनि थाहा नभएको अस्पतालले जानकारी दिएको छ।
यस्तै जेठ १५ गते प्रयोगशालामा आएका १ सय ४४ नमुनाहरू अहिले परिक्षणको क्रममा रहेका छन्। भरतपुरमा रहेका प्रयोगशालामा बाहिरी जिल्लाबाट पनि कोरोना परीक्षण गर्नका लागि नमुनाहरू आउँदा नतिजा आउन ढिला हुने गरेको छ।
यहाँ हेटौंडाबाट पनि नमुना आउने गरेका छन्। अहिलेसम्म यहाँ गरिएका परीक्षण मध्ये १३ जनामा कोरोना पोजेटिभ देखिएको छ। त्यसमध्ये चितवनका ५ जना मात्र रहेका छन्। आठ जना जिल्ला बाहिरका नागरिक हुन्। भरतपुर कोभिड १९ प्रयोगशालामा अहिलेसम्म १ हजार ३ सय ३७ जनाको स्वाब परीक्षण भएको छ।
झापामा कोरोना संक्रमण तिब्र हुँदै गएको छ। शुक्रवार थप २८ जनामा संक्रमण पुष्टि भयो। प्रदेश १ सामाजिक विकास मन्त्रालयका अनुसार कोशी अस्पताल र विपी कोइराला स्वास्थ्य विज्ञान प्रतिष्ठान धरानमा परीक्षण गर्दा थप २८ जनामा कोरोना संक्रमण पुष्टि भएको हो।
तीमध्ये एक जना संक्रमित भद्रपुरका हुन्। बाँकी २७ जना झापाको दक्षिणी कचनकवल गाउँपालिकाका छन्। बिहीबार पनि कचनकवलका २५ जनामा कोरोना भाइरसको संक्रमण पुष्टि भएको थियो।
कोशी अस्पताल विराटनगरकी मेडिकल सुपरिटेण्डेन्ट डाक्टर संगीता मिश्राका अनुसार कोशीमा परीक्षण गर्दा २७ जनाको पोजेटिभ देखिएको हो। धरानमा गरिएको परीक्षणमा एक जनामा पोजेटिभ देखिएको हो।
कचनकवल कोरोना भाइरसको केन्द्र बनेको छ। भारतबाट प्रवेश गरेका स्थानीयमा संक्रमण देखिएको हो। कचनकवलमा मात्रै संक्रमितको संख्या एक सय पुगेको छ।
भारतबाट भित्रिने क्रम जारी रहेको र परीक्षणमा पठाइएकाहरूको रिपोर्ट आउने क्रम जारी रहेकाले त्यहाँ संक्रमित थपिने सम्भावना पनि उत्तिकै छ। नयाँ थपिएकासँगै झापामा संक्रमितको संख्या १०७ पुगेको छ।
कोरोना संक्रमणबाट नेपालमा थप एक जनाको मृत्यु भएको छ। स्वास्थ्य मन्त्रालयले दिएको जानकारी अनुसार भारतबाट आएका अर्घाखाँचीका एक जनाको मृत्यु भएको हो ।
३५ वर्षीय ती पुरुषको गत जेठ १० गते भारतबाट आउने क्रममा मृत्यु भएको बताइएको छ। मृत्यु पश्चात जेठ ११ गते लिएको स्याम्पल अनुसार बिहिबार कोरोना पोजेटिभ रिपोर्ट आएको मन्त्रालयका प्रवक्ता डा. विकास देवकोटाले जानकारी दिए।
यसअघि सिन्धुपाल्चोककी महिला, नरैनापुरका युवा, गुल्मीका शिक्षक, नेशनल मेडिकल कलेजमा रौतहटका एक बृद्ध र ललितपुरको किस्ट मेडिकल कलेज शिक्षण अस्पतालमा एक कोरोना संक्रमितको मृत्यु भएको पुष्टि भएको थियो।
महोत्तरीका जिल्ला समन्वय समिति अधिकारी कोरोना संक्रमित भएका छन्। विहिबार महोत्तरीका १७ जनामा कोरोना पुष्टि भएकोमा जिल्ला समन्वय अधिकारीमा समेत संक्रमण देखिएको हो।
जलेश्वर नगरपालिकाका कार्यकारी अधिकृतको समेत जिम्मेवारी वहन गर्दै आइरहेका उनीसहित खरिदार दर्जाका उनका सहयोगी र चालकमा संक्रमण पुष्टि भएको महोत्तरीका प्रमुख जिल्ला अधिकारी सूर्यबहादुर खत्रीले जानकारी दिए।
‘समन्वय समितिका अधिकारी, उनका एकजना सहयोगी र चालकमा संक्रमण पुष्टि भएको छ,’ प्रमुख जिल्ला अधिकारी खत्रीले भने,‘उहाँ सबैजना अहिले आइसोलेसनमा हुनुहुन्छ।’
जिल्ला समन्वय अधिकारी र उनका चालक सशस्त्र प्रहरीले काठमाण्डौंको बलम्बुमा तयार पारेको आइसोलेसनमा र सहयोगी कर्मचारी जलेश्वर अस्पतालको आइसोलेसनमा रहेको उनले जानकारी दिए।
जिल्ला समन्वय समितिका साथै नगरपालिकाका समेत कार्यकारी अधिकृतको जिम्मेवारीमा रहेकोले उनी नियमित बैठक, मिटिङ तथा भेटघाटमा व्यस्त रहँदै आएका थिए। प्रमुख जिल्ला अधिकारी खत्रीले ‘उहाँहरूमा पोजिट रिपोर्ट देखिए लगत्तै कन्ट्याक्ट ट्रेसिङ गर्नु काम सुरु भइसकेको’ बताए।
यता सामाजिक विकास मन्त्रालयको आपूर्ति महाशाखामा कार्यरत एक कर्मचारी तथा धनुषाकै क्वारेन्टाइनमा खटिएका एक स्वास्थ्यकर्मीमा समेत संक्रमण पुष्टि भएको छ।
आपूर्ति महाशाखामा कम्प्युटर अपरेटर पदमा कार्यरत एक महिला कर्मचारीमा कोरोना पुष्टि भएको मशाहाखा स्रोतले जनाएको छ। यसैगरी धनुषाको लक्ष्मिीनयाँ गाउँपालिकाले सञ्चालन गरेको क्वारेन्टिाइनमा खटिएका एक स्वास्थ्यकर्मीमा संक्रमण पुष्टि भएको छ। विहिबार लक्ष्मिनीयाँ गाउँपालिकाको क्वारेन्टिाइनका १८ जनामा संक्रमण भएको विवरण सार्वजनिक भएको थियो।
यसका साथै जनकपुरमा सञ्चालनमा रहेको स्थानीय टेलिभिजनमा कार्यरत एक प्राविधिकमा समेत संक्रमण पुष्टि भएको बताइएको छ। जनकपुरको अप्पन टेलिभिजनमा कार्यरत प्राविधिकमा संक्रमण देखिएको छ।
संक्रमण पुष्टि भएका आपूर्ति महाशाखाका कर्मचारी, स्वास्थ्यकर्मी र टेलिभिजनका प्राविधिकलाई प्रादेशिक अस्पतालको आइसोलेसनमा भर्ना गरिएको छ।
रौतहटमा थप ३५ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले बुधबार सार्वजनिक गरेको विवरणअनुसार रौतहटको विभिन्न स्थानमा ३५ जनामा संक्रमण पुष्टि भएको हो।
रौतहटका कोरोना फोकल पर्सन महेश साहले बुधबार गौर नगरपालिकाका ८, ईशनाथ नगरपालिकाका १६, चन्द्रपुर नगरपालिकाको क्वारेन्टिनमा रहेका वृन्दावन नगरपालिकाका ७, कटहरिया नगरपालिकाका २ र देवाही गोनाही नगरपालिकाका तीन जनामा संक्रमण पुष्टि भएको जानकारी दिए।
बुधबार संक्रमण देखिएकाहरु पनि भारतको मुम्बई, दिल्लीलगायतका स्थानहरुबाट फर्केको साहले बताए। संक्रमण पुष्टि भएकाहरु अहिले क्वारेन्टिनमा रहेको आइसोलेसन व्यवस्थापन गर्ने काम भइरहेको उनले जनाएका छन्।
यसअघि मंगलबार रौतहटमा २२ जनामा कोरोना संक्रमण पुष्टि भएको थियो। बुधबार ३५ जना थपिएसँगै रौतहटमा कुल संक्रमितको संख्या १०६ पुगेको जसमध्ये तीनजना उपचारपछि निको भएर घर फर्किसकेका छन्।
झापामा बुधबार झापामा थप १७ जनामा कोरोना संक्रमण पुष्टि भएको छ।
कोरोना पुष्टि हुनेमा १५ जना कचनकवल गाउँपालिका र दुई गौरादह नगरपालिका-९ रहेका छन्।
गौरादहका दुई पुरुष तीन दिन अगाडि भारतबाट आएका थिए। गौरादहका कोरोना संक्रमण पुष्टि भएका उनीहरू अस्पताल लैजाने तयारी भइरहेको नगर प्रमुख रोहित साहले बताए।
संक्रमित मध्ये एकजना गौरादह-९ बैगुनधुराका हुन्। प्रदेश १ को मुख्यमन्त्री कार्यालयका अनुसार प्रादेशिक जनस्वास्थ्य प्रयोगशाला विराटनगरमा परीक्षण गर्दा झापाका १७ जनामा कोरोना संक्रमण पुष्टि भएको हो।
उनीहरू सबै क्वारेटाइनमा बसिरहेका नागरिक रहेको बताइएको छ। योसँगै झापामा कोरोना संक्रमितको संख्या ५४ पुगेको छ।
जेठ १३- विश्वव्यापी फैलिएको कोरोना भाइरस कोभिड १९का ९० संक्रमित थपिएका छन् । संक्रमित जिल्लाको संख्या ४६ पुगेको छ भने कुल संक्रमितको संख्या ७७२ जना पुगेको छ ।
मन्त्रालयका प्रवक्ता डा. विकास देवकोटाका अनुसार पछिल्लो २४ घण्टामा झण्डै तीन हजार नमूना परीक्षण गरिएकोमा विभिन्न प्रयोगशालामा ९० जना संक्रमित भेटिएको हो ।
मन्त्रालयका अनुसार हालसम्म देशभर ५८२ जना आइसोलेसनमा छन् । मन्त्रालयले हालसम्म १५५ जना डिस्चार्ज भएका छन् । अधिकांश ११ देखि १६ दिनमा भाइरसमुक्त बनेको मन्त्रालयले जनाएको छ ।
संक्रमित व्यक्तिको विभिन्न प्रयोगशालामा परीक्षणअनुसार काठमाडौ स्थित प्रयोगशालामा परीक्षणमा मात्रै ३५ जना थपिएका छन् । थपिएका संक्रमित मध्ये महोत्तरी २, बारामा ५, रौतहटमा २२, सिराहामा ५, धनुषामा १, भेरी १, रुपन्देही ७ जनना अर्घाखाँची २, गुल्मी २, रुपन्देही १, सेती प्रयोगशालामा २, पोखरामा परीक्षणमा स्याङ्जामा २, सुर्खेतमा १५ जनामा संक्रमण देखिएको छ ।
मन्त्रालयको पत्रकार सम्मेलन जारी रहँदा बाँकेमा बाँकेमा ७ जना संक्रमित थपिएको थियो ।
त्यसैगरी राप्तिमा स्वास्थ्य विज्ञान प्रतिष्ठानमा गरिएको परीक्षणमा २४ थप परीक्षण गरिएको छ । डा. देवकोटाले महामारी फैलिने क्रम जारी रहेको र जोखिम बढ्दै गएको भन्दै सचेत रहनसमेत आग्रह गरे ।
बारामा दुई सैनिकसहित पाँचजनामा कोरोना संक्रमण देखिएको छ। स्वास्थ्य तथा जनसंख्या मन्त्रालयले मंगलबार बिहान सार्वजनिक गरेको विवरणअनुसार बारामा पाँचजनामा संक्रमण देखिएको हो।
संक्रमण पुष्टि भएकामध्ये दुईजना नेपाली सेनाका जवान र अन्य तीनजना क्वारेन्टाइनमा रहेको बताइएको छ।
कोरोनाका बारास्थित फोकल पर्सन शंकर गुप्ताले दुईजना नेपाली सेनाका जवान र क्वारेन्टाइनमा रहेका तीनजनामा संक्रमण पुष्टि भएको बताए। संक्रमण पुष्टि भएका नेपाली सेनाका दुबै जवान बाराको पचरौटा नगरपालिकास्थित क्वारेन्टिाइनमा खटिएका थिए।
संक्रमण पुष्टि भएका अन्य तीन जना पनि सोही क्वारेन्टाइनका रहेको फोकल पर्सन गुप्ताले बताए। संक्रमण पुष्टि भएका पाँचैजनालाई जिल्ला अस्पताल कलैयाको आइसोलेसनमा राखिने गुप्ताले जानकारी दिएका छन्।
यसअघि बारामा एक असइसहित नेपाल प्रहरीका ६ जना जवानमा कोरोना संक्रमण पुष्टि भएको थियो।
नेपालमा कोभिड १९ का ७२ नयाँ संक्रमित थपिएका छन् । स्वास्थ्य मन्त्रालयले १०.४५ मा जारी गरेको विज्ञप्तिअनुसार काठमाडौं तीन र अन्य बारा, रौतहट, सप्तरी, कपिलवस्तुलगायतका जिल्लाका छन् ।
काठमाडौंमा टोखा नगरपालिका ३, ६ र बूढानीलकण्ठको ३ वडामा एक एक जना पुरुषमा संक्रमण देखिएको छ ।
त्यसैगरी धनुषामा ३, कपिलवस्तुमा ३, बारामा २, रौतहटमा २६, सप्तरीमा २, बाँकेमा ४, बारामा २१, दैलेखमा ७ जना छन् ।
