संक्रमित भेटिएका उडानबाट आएका अधिकांश सार्वजनिक सवारीबाट गाउँगाउँमा

कोरोना भाइरसको दोस्रो र तेस्रो संक्रमित रहेका उडानबाट नेपाल आएका अधिकांश मानिस सार्वजनिक बस तथा हवाईजहाजबाट घर गएको भेटिएको छ।

पहिलोपटक फ्रन्सबाट आएकी युवती कतार एयरवेजबाट नेपाल आएको र युनाइटेड अरब इमिरेट्स (युएई) को सारजहाँबाट आएका युवा चढेको एयर अरेबियाको जहाजमा रहेकाको सम्पर्कमा आएका व्यक्तिको खोजी (कन्ट्रयाक्ट ट्रेसिङ) का क्रममा उक्त तथ्य भेटिएको हो। यो आधारमा उनीहरू गएको यातायातका साधनसमेत पहिचान गरेर त्यसपछि पनि थप खोजी गर्न जटिल हुने देखिएको छ।

स्वास्थ्य मन्त्रालयका प्रवक्ता डा. विकास देवकोटाले मन्त्रालयले विभागअन्तर्गत छुट्टै समूह खटाएर संक्रमितको सम्पर्कमा आएकाहररूको खोजी गर्ने र सेल्फ क्वारेन्टाइनको तरिका र लक्षण देखिए गर्नुपर्ने विषयसमेत सम्झाइरहेको जानकारी दिए।

नेपालमा दोस्रो संक्रमण भेटिएकी १९ वर्षे युवतीसँगै आएकामध्ये अधिकांश गाउँमा पुगेको र तिनीहरूले सार्वजनिक यातायातबाट गाउँ गएको भेटिएको मन्त्रालय स्रोतले जनाएको छ।

‘अधिकांश त माइक्रो, सार्वजनिक बसबाटै गाउँ गएको देखिन्छ,’ स्रोतले भन्यो, उनीहरूमा पनि लक्षण देखियो भने ती यातायात र त्योसँगै गएको मान्छे पनि खोज्नुपर्छ जुन गाह्रो काम छ, नत्र परेन्।’

तेस्रो संक्रमित बसेको होटलको कोठामा उनी चेकआउट भएपछि बसेका अर्का एकजनामा खोकी र ज्वरो भेटिएको छ। तर, उनले होटलमा बस्न नथाल्दैदेखि समस्या सुरु हुने संकेत देखिएको बताए पनि चिकित्सकहरूले क्वारेनटाइनमा बस्न आग्रह गरिसकेका छन्।

स्रोतका अनुसार मन्त्रालयले ती एयरलाइन्सबाट नेपाल आएर सेल्फ क्वारेन्टाइनमा बस्नुपर्नेहरूको नजिकबाट अनुगमन गर्न उनीहरूको घरठेगाना पहिचान गरेर जनप्रतिनिधिलाई समेत जानकारी गराइसकेको छ। अहिलेसम्म कतार एयरवेजबाट आएका अधिकांशको पहिचान भइसकेको छ भने एयर अरेबियाबाट आएकामध्ये नौजनाको मात्रै स्वास्थ्य अधिकारीसँग सम्पर्क स्थापित गर्न सकिएको छ। तीमध्ये अधिकांश आफैं सम्पर्कमा आएका थिए। उनीहरूमध्ये केही सेनाका अधिकारी थिए। उनीहरूले मन्त्रालयसँग सेल्फ क्वारेन्टाइनको तरिकासमेत मागेका थिए।

तेस्रो संक्रमित चेकआउट भएपछि होटलमा बसेकालाई ज्वरो

तेस्रो संक्रमित बसेको होटलको कोठामा उनी चेकआउट भएपछि बसेका अर्का एकजनामा खोकी र ज्वरो भेटिएको छ। तर, उनले होटलमा बस्न नथाल्दैदेखि समस्या सुरु हुने संकेत देखिएको बताए पनि चिकित्सकहरूले क्वारेनटाइनमा बस्न आग्रह गरिसकेका छन्।

दोस्रो संक्रमितसँग होटलमा पार्टी गरेका सबैजना सम्पर्कमा आइसकेका छैनन्। पछिल्लो समयमा संक्रमित तेस्रो युवा आएको एयर अरेबियाको उडाका सबैको नाम र ठेगाना नागरिक उड्डयन प्राधिकरणले उपलब्ध गराउन ढिला गरेकाले कन्ट्रयाक्ट ट्रेसिङ  प्रभावित भएको छ।

लिस्ट आउनासाथ सम्बन्धित पालिकाका प्रतिनिधिलाई खबर गरिदिने र उनीहरूको निगरानी तथा संक्रमण भएरनभएको यकिन गर्ने मन्त्रालयको तयारी छ। नेपालमा संक्रमण भेटिएको दोस्रो केसकी युवती चैत ४ गते फ्रान्सबाट कतार एयरवेजको जहाजमार्फत् फर्केकी थिइन्। ती युवतीमा चैत १० गते कोरोना संक्रमण पुष्टि भएको थियो। जसमा चालक दलका सदस्यबाहेक १ सय ५८ जना सवार थिए।

त्यसैगरी तेस्रो केसका ररूपमा भेटिएका युवा चैत ६ गते सारजहाँबाट एयर अरेबियाको फ्लाइट नम्बर जि९५३७ मार्फत् नेपाल आएका थिए। ३२ वर्षका उनलाई चैत ११ गते राति संक्रमण प्रमाणित भएको थियो। उनीसँगै आएका सबैको संख्यासमेत यकिन भएको छैन।

  • ताजा समाचार
  • जनप्रिय

हेल्थपोष्ट टुइट्स सबै

कोरोना उपचारमा समन्वय अभाव : पोजेटिभ भेटिएको १२ घन्टापछि बल्ल अस्पताललाई जानकारी

विश्वव्यापी रूपमा फैलिएको कोरोना भाइरस महामारी नेपालमा फैलिन नदिन सरकारले गरेको देशव्यापी लकडाउन जारी छ। रोग फैलिन र भित्रिन नदिन तथा सम्भावना घटाउन उपप्रधानमन्त्री नेतृत्वको दश मन्त्री सदस्य रहेको कार्यदलको अर्थ पनि समन्वयकै लागि हो।

तर, संक्रमित संख्या बढ्दै जाँदा एउटै परिसरभित्र रहेका राष्ट्रिय जनस्वास्थ्य प्रयोगशाला र कोरोना उपचारको भरोसा रहेको टेकु अस्पतालबीच नै समन्वय अभाव देखिएको छ। महामारी नियन्त्रणका सन्दर्भमा महत्वपूर्ण निकायबीच समयमै प्रभावकारी सञ्चारको निकै महत्व हुन्छ।

नेपालमा कोरोनाको तेस्रो संक्रमण प्रमाणित हुँदा नै यो समन्वय अभाव देखिएको छ। यो अभावका कारण सरकारका दुई निकायबीच नै असझदारीसमेत उत्पन्न भएको छ।

‘हामीले सोमबारयता १६ हाराहारीमा स्याम्पल पठाएका थियौं। मंगलबार राति नै एउटा पोजेटिभ भेटियो रे, अहिले त्यो पनि मिडियाबाट थाहापाइयो,’ टेकु अस्पतालका निर्देशक डा. सागरराज भण्डारीले बुधबार दिउँसो १ बजे हेल्थपोस्ट नेपालसँग भने।

राष्ट्रिय जनस्वास्थ्य प्रयोगशालाका राजेशकुमार गुप्ताले टेकु अस्पातालले पठाएको एक नमुना मंगलबार राति पोजेटिभ भेटिएको बताए। ‘बिरामीको बारेमा अरू कुरा अस्पतालमै सोध्नू, थप एउटा पोजेटिभ आएको हो,’ गुप्ताले भने।

गुप्ताले थप पोजेटिभ भेटिएको भनेर अस्पतालका विभिन्न चिकित्सक एवं स्वास्थ्यकर्मीलाई फोन गर्दा सबै नयाँ केसबारे अनभिज्ञ थिए। तर, त्यसको केहीबेरमै मन्त्रालयको वेबसाइटमा थप एउटा पोजेटिभ प्रमाणित भएको अपडेट भइसकेको थियो।

प्रयोगशाला व्यवस्थापनले बिरामी भर्ना गरेको अस्पताललाई समयमै जानकारी नदिई मिडियाबाट थाहा पाउनु अवस्था निकै दुःखद भएको डा. राजभण्डारीले बताए। ‘हामी चिकित्सक, नर्स, स्वास्थ्यकर्मी जोखिम लिएर काम गरिरहेका छन् अनि हामीले चाहिँ पोजेटिभ केस थाहा पाउन मिडिया कुरेर बस्नुपर्ने?,’ उनले अक्रोशित हुँदै भने, ‘यस्तो अवस्थामा मैले डाक्टरहरूलाई काम लगाउन सक्दिनँ, मन्त्रालय र एनपिएचएलले नै बिरामी हेरोस्।’

कोरोनाजस्तो उच्च संक्रमक रोग पोजेटिभ देखिएको अवस्थामा सुरुमा उपचारमा संलग्न चिकित्सक, स्वास्थ्यकर्मीदेखि बिरामी पक्ष र परिवारलाई जानकारी दिनुपर्छ। यसले नयाँ मानिसमा रोग सर्ने दर घटाउन र उच्च सावधानीसहित समयमै उपचारमा सहयोग पु-याउँछ ।

उनले मंगलबारै पोजेटिभ देखिएको भनिए पनि बुधबार दिउँसोसम्म कुनै रिपोर्ट वा इमेलबाट जानकारी नआएको सुनाए।

स्रोतका अनुसार उच्चतहको गोपनियता मेन्टेन गर्ने भन्दै प्रयोगशालाकी निर्देशक डा. रुना झाले आफैं मन्त्रीलगायत मन्त्रालयका उच्चअधिकारीलाई खबर गर्ने गरेकी छिन्। तर, प्रयोगशालाले एउटै कम्पाउन्डमा भएको अस्पताललाई १२ घण्टाभन्दा बढी समयसम्म खबर गर्न उपयुक्त ठानेन।

घटनापछि प्रयोगशालाको रिपोर्ट मिडियाबाट थाहा पाउनुपर्ने अवस्था आएको भन्दै अस्पतालका निर्देशक र कर्मचारी निर्देशकको कार्यकक्षमा भेला भएर यो प्रवृतिप्रति तीव्र असन्तुष्टि जनाएका थिए।

संक्रमण देखिएका ३२ वर्षे युवा चैत ५ गते दुबईबाट फर्किएका थिए। धादिङका ती युवा लक्षण देखिएपछि शनिबार टेकु अस्पताल पुगेका थिए। पोजेटिभ रिपोर्ट आएपछि मन्त्रालयको नेतृत्वसँग समन्वय गरेर केही नभनिकनै उनलाई राति नै टेकु अस्पताल लगेर भर्ना गरिएको थियो।

भर्ना गरिएका व्यक्तिलाई संक्रमण प्रमाणित भइसकेको कुरा बल्ल अस्पतालका स्वास्थ्यकर्मी, हाउसकिपिङदेखि अस्पताल निर्देशकलाई समेत पत्तो दिइएको थियो।

कोरोनाजस्तो उच्च संक्रमक रोग पोजेटिभ देखिएको अवस्थामा सुरुमा उपचारमा संलग्न चिकित्सक, स्वास्थ्यकर्मीदेखि बिरामी पक्ष र परिवारलाई जानकारी दिनुपर्छ। यसले नयाँ मानिसमा रोग सर्ने दर घटाउन र उच्च सावधानीसहित समयमै उपचारमा सहयोग पु-याउँछ । तर, सय मिटरको दुरीमा रहेका दुई संस्थाबीच सञ्चार प्रणाली र जिम्मेवारी बोध नहुँदा गम्भीर रोगको सन्दर्भमा पनि समन्वय अभाव देखिएको छ।

विज्ञहरूका अनुसार यस्तो अवस्थामा नमुना संकलन, प्रेषणदेखि रिपोर्ट कसरी र कति समयमा दिने भन्ने विषयमा पनि विशेष प्रोटोकल नै चाहिन्छ। अहिलेसम्म त्यस्तो प्रोटोकल नहुँदा नेतृत्वको विवेक र व्याख्याका आधारमा चल्दै आएको छ।

  • ताजा समाचार
  • जनप्रिय

हेल्थपोष्ट टुइट्स सबै

राष्ट्रपति ट्रम्पको चाहनाअनुरूप दुई सातामा सुचारू होला अमेरिका?

लेखक - किशोर सापकोटा
लेखक – किशोर सापकोटा

अमेरिकी राष्ट्रपति डोनाल्ड ट्रम्पले मंगलबार अचानक अमेरिकाको ‘डुबेको अर्थतन्त्रलाई उद्धार गर्न’ भन्दै दुई सातामै अमेरिकालाई खुला गर्न चाहेको बताए। ट्रम्पको चाहनामा अविश्वास गरौ, उनी सर्वशक्तिमान राष्ट्रका राष्ट्रपति हुन्, विश्वास गरौं, कुनै पनि सूचकले राष्ट्रपतिको चाहना कार्यान्वयनमा आउन सक्ने देखिँदैन।

राष्ट्रपति ट्रम्पले अमेरिकीहरूको चाड इस्टरअघि नै अमेरिका खोल्न चाहेको बताए। जबकि विभिन्न राज्यका गभर्नर र विभिन्न सहरका मेयरहरूले आपतकाललाई लम्ब्याएर लगेका छन्। आगामी अप्रिल १२ मा अमेरिकीहरूको चाड इस्टर पर्छ। विश्व परिवेश हेर्दा पनि दुई सातामै कोरोना संक्रमण नियन्त्रणमा आउने छैन। यस्तो अवस्थामा राष्ट्रपतिको चाहना कति सफल होला?

राष्ट्रपतिको ट्रम्पको चाहना कार्यान्वयन होला वा नहोला, त्यो विषय एकातिर छ। तर, अर्कोतिर ह्वाइट हाउसको कोरोना भाइरस टास्क फोर्सले मंगलबार दिएको निर्देशनलाई मात्रै हेर्ने हो भने पनि राष्ट्रपतिको यो चाहना कार्यान्वयन हुने देखिँदैन। टास्क फोर्सले अमेरिकामा कोरोना भाइरसको इपिसेन्टर मानिएको न्युयोर्क सहर छाडेर अन्य सहरमा जानेहरूलाई १४ दिने क्वारेन्टाइनमा जान निर्देशन दिएको छ।

न्युयोर्क यस्तो सहर हो जहाँ अमेरिकाका कोरोना भाइरस संक्रमितमध्ये झन्डै आधा संख्या रहेको छ। ह्वाइट हाउस कोरोना भाइरस टास्क फोर्सका संयोजक डा। डेबोरा विक्रसले मंगलबार नयाँ कोरोना भाइरस संक्रमण हुनेहरूमध्ये ६० प्रतिशत न्युयोर्क सहरमा नै रहेको बताए।

न्युयोर्कमा अन्य अमेरिकी सहरभन्दा संक्रमणको दर पाँच गुणा बढी छ। अमेरिकाको सबैभन्दा ठूलो आर्थिक सहर न्युयोर्क रोग र शोकमा डुबिरहेको अवस्थामा कसरी अर्थतन्त्र सुचारु होला? एक नेपाली अनिल लिम्बुको पनि मंगलबार बिहान कोरोना भाइरस संक्रमणको कारण न्युयोर्कमा नै निधन भएको थियो।

राष्ट्रपति ट्रम्पले भनेको एउटा कुरा सत्य हो, जति चाँडो हामी अमेरिकालाई खुला गर्न सक्छौं, त्यति नै चाँडो यहाँ राम्रो हुनेछ। तर, हरेक दिन अस्पतालमा बिरामीहरूको चाप थप्दै कसरी अर्थतन्त्रलाई सुचारु गर्न सकिन्छ? बढ्दै गएका बिरामीहरूलाई कसरी व्यवस्थापना गर्न सकिन्छ?

स्वास्थकर्मीहरूलाई आवश्यक पर्सनल प्रोटेक्टिभ इक्विपमेट (पिपीई) कहाँबाट उपलब्ध गराउन सकिन्छ? न्युयोर्कका गभर्नर एन्ड्रयु कुमोनोले आउँदो दुई साताभित्र आफ्नो राज्यलाई थप १ लाख ५० हजार बेडसहितको अस्पताल आवश्यक पर्ने बताउँदै तत्कालै ३० हजार भेन्टिलेटर उपलब्ध गराइदिन राष्ट्रपति ट्रम्पलाई आग्रह गरेका छन्। अहिले न्युयोर्कसँग ७ हजार भेन्टिलेटरसहित करिब ५३ हजार बेड छन्। अहिलेको आवश्यकता मानवीय उद्धार हो कि अर्थतन्त्रको उद्धार हो?

अमेरिकामा मंगलबारमात्रै १ सय ४५ जनाभन्दा बढी मानिसको मृत्यु भएको छ भने १० हजार नयाँ संक्रमित थपिएका छन्। यो डरलाग्दो संक्रमण र मृत्युलाई कसरी नजरअन्दाज गर्न सकिन्छ? मंगलबार साँझसम्ममा अमेरिकामा मृत्यु हुनेहरूको संख्या ६ सय ८५ पुगेको छ भने संक्रमित हुनेहरूको संख्या ५२ हजार नाघेको छ।

अमेरिकामा मंगलबारमात्रै १ सय ४५ जनाभन्दा बढी मानिसको मृत्यु भएको छ भने १० हजार नयाँ संक्रमित थपिएका छन्। यो डरलाग्दो संक्रमण र मृत्युलाई कसरी नजरअन्दाज गर्न सकिन्छ? मंगलबार साँझसम्ममा अमेरिकामा मृत्यु हुनेहरूको संख्या ६ सय ८५ पुगेको छ भने संक्रमित हुनेहरूको संख्या ५२ हजार नाघेको छ। अमेरिकाका १७ वटा राज्यहरूले ‘स्टे एट होम अर्डर’ जारी गरेका छन् र देशको सम्पूर्ण जनसंख्याको करिब ५२ प्रतिशत जनता घरमा बस्न वाध्य छन्। यी सम्पूर्ण प्रतिकूलताबीच अमेरिका सुचारु कसरी हुन सक्ला र?

राष्ट्रपति ट्रम्पले चेतावनीको शैलीमा भनेका छन्- ‘यदि राष्ट्रलाई आर्थिक मन्दी वा निराशामा राखियो भने तपाईंहरूले योभन्दा बढी मानिसलाई गुमाउनुपर्ने छ।’ राष्ट्रपति ट्रम्पको चेतावनीले काम गर्ला वा बढ्दो संक्रमणलाई नियन्त्रण गर्न अमेरिकाको अर्थतन्त्र ठप्प नै रहला? कुरेर परिणाम हेर्नुको विकल्प छैन।

राष्ट्रपति ट्रम्पको चाहनाप्रति प्रतिपक्षी डेमोक्रेटिक पार्टीका नेताहरू र स्वास्थ क्षेत्रमा लागिरहेका विज्ञहरू सहमत हुन सकेका छैनन्।

आगामी राष्ट्रपति निर्वाचनमा डेमोक्रेटिक पार्टीका उम्मेद्वार बन्ने दौडमा रहेका जो वाइडेनले भनेका छन्, ‘राष्ट्रपति ट्रम्पले बोल्न रोक्नैपर्छ र स्वास्थ्य क्षेत्रका विज्ञहरूलाई सुन्नुपर्छ।’ उनले राष्ट्रपति ट्रम्पले समस्या समाधान गर्न चासो नलिएकाले भयावह स्थिति सिर्जना भएको बताए।

माइक्रोसफ्ट कम्पनीको सबै जिम्मेवारी छाडेर लोक कल्याणकारी काममा जुटेका विश्वका दोस्रो धनी बिल गेट्सले राष्ट्रपति ट्रम्पको नामसमेत नलिई राष्ट्रपतिको यो चाहना अत्यन्त गैरजिम्मेवारीपूर्ण रहेको टिप्पणी गरेका छन्।

उनले भनेका छन्, ‘कुनामा लाशहरूको खात राखेर मानिसहरूलाई रेस्टुरेन्ट गइराख, नयाँ घर किन भनेर भन्नलाई निकै कठिन छ।’

  • ताजा समाचार
  • जनप्रिय

हेल्थपोष्ट टुइट्स सबै

ट्रम्पले भने- कोरोना भाइरसका कारण अमेरिका बन्द हुँदैन

कोरोना भाइरस रोकथाम तथा नियन्त्रण गर्नका लागि संसारका अधिकांश देशमा लक्डाउन भएको अवस्थामा अमेरिकी राष्ट्रपति डोनाल्ड ट्रम्पले भने कोरोनाका कारण अमेरिका बन्द नहुने बताएका छन्।

अमेरिकामा कोरोना भाइरसको प्रकोप लगातार बढिरहेको भए पनि ट्रम्पले अमेरिका बन्दमा कुनै कुरा क्षेत्र पनि बन्द नहुने बताएका हुन्।

सोमबार ट्रम्पले आफ्नो प्रशासनले सतर्कतापूर्वक आर्थिक कामहरू पुरानै समयमा सुचारु रुपमा सञ्चालन गर्न निर्देशन दिन सक्ने बताएका छन्।
ट्रम्पले सबै पक्षसँग सल्लाह गरेर सबै आर्थिक गतिविधिलाई यथावतरुपमा सञ्चालन गराउने तयारी भइरहेको बताएका हुन्।

भाइरसबाट बच्न ट्रम्पले सबै नागरिकलाई सामाजिक दूरी राख्न सुझाव दिएको केही समयमा नै अमेरिका बन्द नहुने घोषणा गरेका हुन्। अहिलेसम्म अमेरिकामा यो भाइरसको कारण ४६ हजार १४५ जना संक्रमित भइसकेका छन्।

भाइरसले अमेरिकाको अर्थतन्त्रमा प्रत्यक्ष रुपमा प्रभाव परेको छ। अमेरिकामा सबै व्यवसाय बन्द भएका छन् भने उल्लेख्य मात्रामा रोजगारीमा कटौती गरिएको छ।

सोमबार भने ट्रम्पले एक साताभित्रै यथावतरुपमा व्यवसाय चल्न सक्ने बताएका हुन्। उनले यो एउटा चिकित्सासम्बन्धी समस्या रहेको र यसको कारण मुलुकमा वित्तीय संकट आउन नदिने बताएका छन्।

अमेरिकामा यो भाइरसका कारण अहिलेसम्म ५ सय ८२ जनाको मृत्यु भइसकेको छ भने ३३ हजार ३ सय ४० जनामा संक्रमण देखिएको छ। एजेन्सी

  • ताजा समाचार
  • जनप्रिय

हेल्थपोष्ट टुइट्स सबै

कोरोनाविरुद्ध सेनाका हरेक युनिटमा चिकित्सकसहितको अधिकृत टोली

विश्वभर फैलिँएको कोरोना भाइरस (कोभिड(१९) को जोखिमलाई मध्यनजर राखेर नेपाली सेनाले आन्तरिक रुपमा रोकथाम, महामारीविरुद्ध न्यूनीकरण र प्रभावकारी व्यवस्थापनको तयारी थालेको छ।  (कोभिड(१९) सम्बन्धी कुनै बिरामी आएमा सेनाले डाक्टर तथा तथा अधिकृतसहितको कोर टिम गठन गरेको छ। सेनाले आफ्ना सबै युनिटमा डाक्टरसहितको टोली खटाएको जंगी अड्डाले सोमबार जनाएको छ।

टोलीले अन्य सरकारी निकायसँग आवश्यक समन्वय गर्ने संयन्त्रको व्यवस्था मिलाएको जंगी अड्डाले जनाएको छ। यसक्रममा सेनाले क्वारेन्टाइन क्याम्प बनाएको छ। हालसम्म नेपाली सेनाले प्रत्येक प्रदेशमा क्वारेन्टाइन र आइसोलेसन वार्ड तयार गरेको छ भने सिमामा स्थापना भएका हेल्थ डेक्सहरूमा दक्ष स्वास्थ्यकर्मी लगायत सुरक्षाको लागि नेपाली सेनाका व्यक्तिहरू परिचालन गरेको छ।

विभिन्न जिल्लाहरूमा प्रदेश सरकारसँगको समन्वयमा सेनाले स्थानीयस्तरको क्वारेन्टाइन तथा आइसोलेसन वार्डहरू तयार गर्न सहयोग गरिरहेको सेनाले जनाएको छ। रोकथाम तथा न्यूनीकरणको लागि राष्ट्रिय सेवा दलबाट तालिम प्राप्त विद्यार्थीहरुलाई स्वयम् सेवकको रुपमा सचेतना कार्यको लागि परिचालन गर्न सुरू गरिएको छ।

नेपाली सेनाका परिचालित सकलदर्जाको सुरक्षाको लागि आवश्यक पिपिई सामग्री उपलब्ध गराएको छ। सेनाले माक्स पिपिई तथा सेनिटाइजरको उत्पादन समेत सुरू गरिसकेको छ।  सेनाले आयोजना गर्ने विभिन्न समारोह, कार्यक्रम, तालिम, दैनिक रुपमा हुने पिटी परेडमा उच्च स्थगित गरेको सेनाले जनाएको छ ।

 

  • ताजा समाचार
  • जनप्रिय

हेल्थपोष्ट टुइट्स सबै

आधा दर्जन सहर ‘लकडाउन’

काठमाडौं, चैत १०/ कोरोना भाइरस संक्रमणबाट जोगिन सम्बद्ध स्थानीय प्रशासन तथा उद्योगी व्यवसायीले विराटनगर, जनकपुर, कैलाली, नेपालगन्ज, दाङलगायत आधा दर्जन सहर ‘लकडाउन’ गर्ने घोषणा गरेका छन्।

कोरोना संक्रमण नियन्त्रणका लागि विराटनगर महानगरपालिकाले ‘लकडाउन’ गर्ने निर्णय गरेको छ। विराटनगर महानगरका मेयर भीम पराजुलीले मंगलबारदेखि लागू हुने गरी अनिश्चितकालका लागि लकडाउन गर्ने निर्णय गरिएको जानकारी दिए।

सोमबार पत्रकार सम्मेलन गरी पराजुलीले कोरोनाबाट बच्न लकडाउनबाहेक अर्को विकल्प नदेखिएको बताए। पराजुलीले अत्यावश्यक कामबाहेक बाहिर ननिस्किन नगरबासीलाई आह्वान गरेका छन्।

‘जनताको स्वास्थ्य जोखिममा पर्नसक्ने भएकाले अत्यावश्यकबाहेकका सबै सेवा बन्द गरिएको जानकारी गराइन्छ,’ पराजुलीले भने। महानगरसँग जोडिएको सिमावर्ती नाका जोगबनी सोमबार बिहानैदेखि सिल गरिएको छ। लकडाउन गर्ने निर्णयपूर्व सबै पक्षका सरोकारवालासँग छलफल गरिएको पराजुलीले बताए।

कोरोनाका कारण सरकारले लामो तथा छोटो दूरीका सबै सवारीसाधन बन्द गरिसकेको छ। सोमबारबाट भारतसँग जोडिएका सबै नाका सरकारले बन्द गराएको छ।

कैलालीमा निषेधाज्ञा

जिल्ला प्रशासन कार्यालय कैलालीले कोरोना भाइरसबाट बच्न आज दिउँसो २ बजेबाट अर्को आदेश नभएसम्मका लागि पूरै जिल्लाभर निषेधाज्ञा जारी गरेको छ। अत्यावश्यक सेवाबाहेक सबै सेवा बन्द गरिएको कार्यालयले विज्ञप्तिमार्फत जनाएको छ।

जनकपुर बजार बन्द गर्ने वाणिज्य संघको निर्णय
विश्वभर कोरोना भाइरस संक्रमणको त्रास बढ्दै गएपछि जनकपुर बजार बन्द हुने भएको छ । जनकपुर उद्योग वाणिज्य संघले कोरोना संक्रमण भित्रिन नदिन पूर्व सावधानीस्वरुप भोलिदेखि बजार बन्द गर्ने निर्णय गरेको हो ।
जनकपुर उद्योग वाणिज्य संघको सोमबार बसेको बैठकले भोलिदेखि चैत १६ गतेसम्म अत्यावश्यकबाहेक सम्पूर्ण व्यवसायीक प्रतिष्ठानहरु बन्द गर्ने निर्णय गरेको छ । कोरोना संक्रमण भित्रिन नदिने उद्देश्यले अत्यावश्यकबाहेक अन्य सम्पूर्ण पसलहरु बन्द गर्ने निर्णय भएको जनकपुर उद्योग वाणिज्य संघका अध्यक्ष ललितकुमार साहले जानकारी दिए ।
बजार क्षेत्रमा भीडभाड कम गर्न यस्तो निर्णय गरिएको अध्यक्ष साहले बताए । यसअवधिमा दैनिक उपभोग्यवस्तुहरु खाद्यान्न, किराना, दुधजस्ता अत्यावश्यकबाहेक अन्य सम्पूर्ण पसलहरु बन्द गरेर यस संकटको समयमा सहयोग गर्न अध्यक्ष साहले सम्पूर्ण व्यवसायीहरुसँग आग्रह समेत गरेका छन् ।
यसअघि आइतबार बसेको वाणिज्य संघको बैठकले कोरोना भाइरसको महामारीका कारण कुनै समयपनि बजार बन्द गर्नुपर्ने अवस्था आउनसक्ने भन्दै सम्पूर्ण सबैलाई तयार भएर बस्न आग्रह गरेको थियो ।
कोरोना त्रासका कारण जनकपुर बजार क्षेत्रमा मानिसहरुको चहलपहल पातलिएको छ । मानिसहरुको चहलपहलमा कमी भएपछि स्थानीय रुटमा चल्ने सार्वजनिक यातायातका साधनहरु समेत न्यून संख्यामा गुडेका छन् ।
  • ताजा समाचार
  • जनप्रिय

हेल्थपोष्ट टुइट्स सबै

कोरोनाविरुद्ध लडाइँमा बेलायतका २ लाख नेपाली उच्च मनोवलसाथ एकजुट छौं

वैश्विक महामारीको रुपमा फैलिएको कोरोना भाइरसको संक्रमणबाट बेलायतमा पनि अछुतो रहेन। बेलायत सरकारको उच्च सुरक्षा सतर्कता र निगरानीका बावजुद यहाँको निकै ठूलो जनसंख्या कोरोना भाइरसबाट संक्रमित भइसकेको छ। बेलायतमा स्थायी र अस्थायी बसोबास गर्ने २ लाखभन्दा धेरै नेपाली समुदाय पनि कोरोना भाइरसको त्रासबाट आक्रान्त छ। नेपालीहरूमा खासै संक्रमण नदेखिए पनि त्रासको माहोल हरेकजसोको अनुहारमा देखिएको छ।

बेलायतसँग नेपालको पूरानो साइनो छ। त्यसैले यहाँ आउने नेपालीहरू प्रायः गोर्खा सैनिक छन्। सैनिकपछि विद्यार्थी र व्यवसायीको संख्या पनि उत्तिकै छ। कुनै बेलायती नागरिकलाई संक्रमण हुँदा नेपाली र नेपालीभाषीलाई संक्रमण नहोला भन्न सकिँदैन। त्यसैले आफ्नो सुरक्षाका लागि भरपुर सावधानी अपनाउन हामी कसैले पनि कञ्जुस्याइँ गर्नु हुँदैन।

बेलायतमा कोरोना भाइरसको संक्रमणबाट २ सय ४० को ज्यान गइसकेको छ। ज्यान गुमाउनेमध्येमा एक जना नेपाली पनि रहेका छन्। कोरोना संक्रमण पुष्टि भएका ५ हजार ६७ जनालाई उच्च सुरक्षा सतर्कताका साथ उपचार गराइँदैछ।

कोरोनाको संक्रमण र प्रभावितको स्थिति

चीनको वुहान पछिल्लो तथ्याङ्क अनुसार बेलायतमा कोरोना भाइरसको संक्रमणबाट २ सय ४० को ज्यान गइसकेको छ। ज्यान गुमाउनेमध्येमा एक जना नेपाली पनि रहेका छन्। कोरोना संक्रमण पुष्टि भएका ५ हजार ६७ जनालाई उच्च सुरक्षा सतर्कताका साथ उपचार गराइँदैछ। नागरिकको ज्यान जोगाउने सम्बन्धमा राज्यले गम्भीर पहल गरिरहेको छ। अस्पताल तथा अन्य स्वास्थ्य प्रदायक संस्थाहरूले उच्च सावधानीका साथ काम गरिरहेका छ।

सरकारले यहाँका नागरिकका लागि विशेष प्याकेज घोषणा गरी सकेको छ। रोजगारीमा रहेका हरेकलाई तलबको ८० प्रतिशत रकम सरकारले दिने घोषणा गरेको छ। तर, त्यो रकम २ हजार ५ सय पाउण्डभित्र पर्ने छ। तलबको ८० प्रतिशत बढी भएमा उनीहरूले पनि २ हजार ५ सय पाउण्ड नै पाउने छ। साथै धनी राज्य भएकाले पनि नागरिकलाई यो सुविधा दिइएको हो। त्यसैगरी, ऋण लिँदा ब्याजदर शून्य दशमलव ७५ बाट घटाएर शून्य दशमलव २५ पुर्‍याएको थियो। तर गतसाताबाट ब्याजदर घटाएर अहिले शून्य दशमलव १० प्रतिशतमा पुर्‍याएको छ।

सरकारको अपील र कामको स्थिति

सरकारले कोरोना भाइरसको संक्रमण नियन्त्रण गर्नका लागि गम्भीर पहल गरिरहेको छ। तर, खाद्य सामग्री उत्पादन गर्ने कम्पनीहरूले काम रोकेका छैनन्। सरकारले सार्वजनिकस्थलमा नजान अनुरोध गरिसकेको छ। रोजगारी नभएका मानिसहरू घरै बसेका छन्। क्याफे, बार, रेस्टुरेन्ट, जीम र सोसियल क्लब बन्द छन्। शनिबारबाट ठूला कपडा कम्पनी पनि बन्द हुन थालेका छन्। खानासम्बन्धी साना पसल र खाद्य सामग्री बिक्री गर्ने ठूला सुपरमार्टेकहरू खुलेकै छन्।

यहाँका खाद्यसम्बन्धी कम्पनीमा उच्च सतर्कता अपनाइएको छ। सबैले पञ्जा र मास्क लगाउँछन्। सेफहरू पञ्जा लगाउन मिल्दैन। त्यसैले सेफहरू नियमित साबुन पानीले हात धुने गर्छन्। पैसा खेलाएमा तत्कालै धुने गर्छन्। काउन्टर र उपभोक्ताका बीचमा दूरी राखिएको छ। कसैले कसैलाई छुँदैनन्। खाना उत्पादन गर्ने कम्पनी र फार्मेसीहरू सुचारी छन्।

उमेर पाको भएको र भाषाको समस्या भएका कारण पनि नेपाली समुदायमा केही समस्या छ। नेपाली विद्यार्थीहरू पनि कोरोनाको संक्रमणको त्रासमा छन्। यद्यपि, सतर्कताको पक्ष बलियो छ। समग्रमा यहाँ रहेका नेपालीहरू कोरोनाको सन्त्रासविरुद्ध लड्न एकमन र एकजुट छन्।

नेपाली समुदायको बसोबास र सतर्कता

बेलायतमा नेपाली समुदायको बसोबास अधिकांश ठाउँमा छ। लण्डनको दक्षिणपूर्वी लण्डनको ग्रीनवीच, हस्लो, अल्र्डसट, फानब्रो लगायतका शहरमा नेपाली समुदायको बसोबास बढी छ। विशेषतः जेष्ठ नागरिक र बालबालिकालाई कोरोना भाइरसको संक्रमण बढी देखिने भएकाले अलि बढी त्रास त्यो पङ्क्तिमा छ।

नेपाली समुदायमा पनि पेन्सनरहरू र लाहुरेहरू बढी छन्। उमेर पाको भएको र भाषाको समस्या भएका कारण पनि नेपाली समुदायमा केही समस्या छ। नेपाली विद्यार्थीहरू पनि कोरोनाको संक्रमणको त्रासमा छन्। यद्यपि, सतर्कताको पक्ष बलियो छ। समग्रमा यहाँ रहेका नेपालीहरू कोरोनाको सन्त्रासविरुद्ध लड्न एकमन र एकजुट छन्।

रूघाखोकी लागेका व्यक्तिको प्रत्यक्ष सम्पर्कमा आउनु हुँदैन। पशुजन्य सामग्री जस्तै मासु, अण्डा राम्रोसँग पकाएर मात्रै खानुपर्छ। भीडभाडमा नजाने र फ्लूजस्तो लक्षण देखिएमा तत्कालै चिकित्सकसँग परामर्श गर्नुपर्छ।

नेपाली राजदूताबास र गैरआवासीय नेपाली संघले पनि कोरोनाको संक्रमणबाट जोखिन अपील गरिसकेका छन्। अन्य सामाजिक संघ–संस्था पनि सक्रिय रुपमा कोरोना भाइरसको संक्रमणको जोखिम रोकथामको अभियानमा लागेका छन्।

कोरोनाबाट कसरी बँच्ने?

कोरोना भाइरसको संक्रमणबाट बँच्नका लागि स्वयम् सचेत हुन जरुरी छ। नियमित हात धुने, सफाइमा ध्यान दिने, ज्वरो आएको र हाछ्यू गरेका व्यक्तिको सम्पर्कमा नजाने आदि कार्यले कोरोनाको संक्रमणबाट बच्न सकिन्छ। यसका लक्षणहरू १०४ डिग्रीभन्दा माथि ज्वरो आउने, मांसपेशी दुख्ने, श्वासप्रश्वासमा समस्या हुने, सुख्खा खोकी लाग्ने टाउको दुख्ने आदि हुन्। संक्रमित व्यक्तिको प्रत्यक्ष सम्पर्कमा आउँदा, हाछ्यू गर्दा र खोक्दा र संक्रमित सामग्रीबाट कोरोना सर्न सक्छ।

त्यसैले नियमि रूपमा साबुन पानीले हात धुने र स्यानिटाइजर प्रयोग गर्ने, मास्क प्रयोग गर्ने र खोक्दा मुख छोप्नु पर्छ। रूघाखोकी लागेका व्यक्तिको प्रत्यक्ष सम्पर्कमा आउनु हुँदैन। पशुजन्य सामग्री जस्तै मासु, अण्डा राम्रोसँग पकाएर मात्रै खानुपर्छ। भीडभाडमा नजाने र फ्लूजस्तो लक्षण देखिएमा तत्कालै चिकित्सकसँग परामर्श गर्नुपर्छ।

(९ वर्षदेखि बेलायतमा रहँदै आएका उप्रेती सामाजिक अभियन्ता हुन्।)

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यकर्मीलाई तयारी अवस्थामा रहन चिकित्सक संघको निर्देशन

विश्वव्यापी रुपमा फैलिएको कोरोना भाइरसँग जुध्नका लागि नेपाल चिकित्सक संघले स्वास्थ्यकर्मीलाई तयारी अवस्थामा रहन आग्रह गरेको छ।

नेपाल चिकित्सक संघ, नेप्लिज सोसाइटी अफ क्रिटिकल केयर मेडिसिनको संयुक्त आयोजनामा ‘इन्फेक्सन प्रिपेसन’को सम्बन्धमा चिकित्सक तथा नर्सलाई १ दिने प्रशिक्षण दिने भएको छ।

संघले शुत्रबार विज्ञप्ती निकाल्दै प्रशिक्षण कार्यक्रम सुरु गर्न लागेको जानकारी दिएको हो। एक पटकमा २० देखि २५ जनासम्मलाई प्रशिक्षण दिइने छ। सहभागि हुन इन्छुक नर्स तथा चिकित्सकलाई १० चैतसम्म संघमा नाम टिपाउन आग्रह गरिएको छ।

उक्त प्रशिक्षण कार्यक्रमको मिति र स्थान भने पछि जानकारी गराउने संघले जनाएको छ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : त्रिविका सबै शैक्षिक कार्यक्रम बन्द

त्रिभुवन विश्वविद्यालयका सबै आंगिक तथा सम्बन्धनप्राप्त क्याम्पस चैत मसान्तसम्म बन्द हुने भएका छन्।  विश्वव्यापी रूपमा फैलिइरहेको कोरोना भाइरसरको जोखिमका कारण चैत ७ गतेदेखि सबै क्याम्पस बन्द गरिने त्रिवि सभा तथा कार्यकारी परिषदको सचिवालयले जनाएको छ।

सचिवालयले बिहीबार एक विज्ञप्ति जारी गरी सबै शैक्षिक कार्यक्रम बन्द गरिएको र शिक्षक(कर्मचारीलाई बिदा दिइएको जनाएको छ।  रक्षामन्धी ईश्वर पोखरेल संयोजकत्वको उच्चस्तरीय समन्वय समिति बैठकले चैत ५ गते विश्वविद्यालयको पठन(पाठन बन्द गर्ने निर्णय गरेको थियो। सो निर्णयपछि त्रिवि परिषदले बिदा दिने निर्णय गरेको हो।

विश्वविद्यालयले स्कुल, कलेजका शिक्षक र कर्मचारी सबैलाई बिदा दिएको छ। हिउँदे र वर्षे बिदाबाट मिलान गर्ने गरी बिदा दिइएको परिषदका प्रवक्ता सूर्यप्रसाद अधिकारीले बताए।

यस्तै, चैत ७ गतेदेखि सञ्चालन हुने परीक्षा अर्को सूचना नआएसम्मका लागि स्थगित गर्न परिषदले केन्द्रीय परीक्षा सञ्चालक समिति तथा सम्बन्धित डिन कार्यालयलाई निर्देशन दिएको छ। विश्वविद्यालय सेवा आयोगका सबै अन्तर्वार्ता र परीक्षाका कार्यक्रम पनि रोकिने भएका छन्।  विश्वविद्यालयको नियमित प्रशासनिक काम भने यथावत् सञ्चालन हुने परिषदको सचिवालयले जनाएको छ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना भित्रिनै नदिने प्रयासमा सरकार, फैलिहालेमा यस्तो छ रणनीति

सरकारले कोरोना भाइरसबाट बढी प्रभावित ८ देशबाट आउने नेपाली तथा विदेशी नागरिकलाई १४ दिनसम्म क्वारेन्टाइन अनिवार्य गरेको छ । स्वास्थ्य तथा जनसंख्या मन्त्रालयले बिहीबार कोरोना संक्रमण फैलिन नदिने सरकारको तयारीबारे जानकारी दिएको हो ।

मन्त्रालयका अनुसार चीन, दक्षिण कोरिया, जापान, इरान, इटली, स्पेन, फ्रान्स र जर्मनीबाट आउने व्यक्तिले अनिवार्य रूपमा क्वारेन्टाइनमा बस्नुपर्नेछ ।

मन्त्रालयले भाइरसको रोकथाम तथा नियन्त्रणका लागि योजना, रणनीति तथा कार्यक्रम सार्वजानिकसमेत गरेको छ । केही गरी नेपालमा कोरोना संक्रमण देखिएको अवस्थामा महामारी अवधिभर नेपालबाट हुने उडान बन्द गर्ने योजना बनाएको मन्त्रालयका प्रवक्ता डा. विकास देवकोटाले जानकारी दिए ।

कोभिड–१९ को संक्रमण फैलिएमा सरकारको यस्तो छ तयारी
पूर्वतयारी
– सबै अस्पतालमा शंकास्पद बिरामीलाई जाँच गर्न छुट्टै कक्षको व्यवस्था,

– मेडिकल हब तथा स्याटलाइट अस्पतालहरूमा आइसोलेसन वार्डको व्यवस्था,

– प्रादेशिक अस्पतालहरूबाट आइसोलेसन वार्ड र सघन उपचार कक्षको तथ्यांक अध्यावधिक,

– बिरामीको प्रभावकारी व्यवस्थापन गर्न इन्सिडेन्ट कमान्ड सिस्टम तयारी अवस्थामा,

– आवश्यकताअनुसार प्रयोग गर्न खरिपाटी र नगरकोटको क्वारेन्टाइनस्थल यथावत्,

– उच्च संक्रमित देशहरूबाट आउने नेपालीका साथै नेपालमा विभिन्न आयोजनामा कार्यरत विदेशी नागरिकलाई आवश्यक चेकजाँच गरी होम क्वारेन्टाइनमा रहन निर्देशन तथा अनुगमन,

– भारतसँग जोडिएका सीमावर्ती प्रवेश नाकाहरूमा आपत्कालीन अवस्थामा क्वारेन्टाइन गर्न आवश्यक पर्ने स्थान र संरचनाहरूको योजना,

– विदेशस्थित कूटनीतिक नियोग तथा दूतावासमार्फत त्यहाँ रहेका नेपालीलाई लक्षित गरी स्वास्थ्य सचेतनासम्बन्धी सूचनाप्रवाह,

– स्वास्थ्य तथा जनसंख्या मन्त्रालयद्वारा दैनिक रूपमा जनहितका सूचनासहितको स्वास्थ्य बुलेटिन सार्वजनिक, रोकथाम र नियन्त्रणको प्रयास जारी ।

संक्रमण फैलिहालेमा रणनीति
– ‘पकेट एरिया लकडाउन’ गर्ने, जसमा वासस्थान, निश्चित समुदाय, बस्ती, गाउँ, टोल, वडा, पालिका, जिल्ला प्रदेशसमेत रहनेछन् ।

– कोभिड–१९ बाट प्रभावित मुलुकहरूमा नेपालबाट हुने हवाई उडान महामारी अवधिभरका लागि स्थगन गर्ने ।

– स्थलगत आवागमनका अन्तर्राष्ट्रिय नाकाहरू बन्द गर्ने ।

– महामारी अवधिभर अत्यावश्यक सामग्रीबाहेक अन्य वस्तुको आयात–निर्यात बन्द गर्ने ।

– देशभरका सबै अस्पताल तथा स्वास्थ्यसंस्थामा संक्रमितको प्रभावकारी उपचारका लागि जनशक्ति, आवश्यक उपकरण र प्रविधिको अधिकतम परिचालन गर्ने ।

– आवश्यक परेमा फिल्ड तथा मोबाइल अस्पतालहरूको स्थापना गरी उपचार गर्ने ।

  • ताजा समाचार
  • जनप्रिय

हेल्थपोष्ट टुइट्स सबै

चीनको राष्ट्रिय स्वास्थ्य आयोगले भन्यो– कोरोना नियन्त्रणमा आइसक्यो

चीनले कोरोना भाइरस (कोभिड–१९) को प्रभाव घटेको जनाएको छ। बिहीबार चीनको राष्ट्रिय स्वास्थ्य आयोगले कोरोना भाइरस नियन्त्रणमा आइसकेको जानकारी दिएको हो।

विश्व स्वास्थ्य संगठन (डब्ल्युएचओ) ले कोरोना भाइरसको संक्रमणलाई महामारी घोषणा गरेको भोलिपल्ट शुक्रबार चीनले आफ्नो देशमा कोरोना भाइरसको प्रभाव समाप्त भएको जनाएको हो।

केही समय अघि कोरोना भाइरसको उद्गम स्थाल वुहान पुगेका चिनियाँ राष्ट्रपति सी चिनफिङले हुपेइ र वुहानमा भाइरसको संक्रमण नियन्त्रणमा आइसकेको जानकारी दिएका थिए।

कोरोना भाइरसको संक्रमण चीनमा नियन्त्रणमा आइसकेको भए पनि चीन बाहिर भने यसको संक्रमण महामारीका रुपमा फैलिदै गएको छ।

चीनमा हालसम्म ८० हजार ७ सय ९६ संक्रमित, ३ हजार १ सय ६९ को मृत्यु र ६२ हजार ८ सय ९ जना उपचारपछि घर फर्किएका छन्।

भाइरसको संक्रमणबाट बिहीबारसम्म विश्वभर ४ हजार ६ सय २३ जनाको मृत्यु भइसकेको छ भने १ लाख २४ हजार ६ सय ९ जनामा संक्रमण भेटिएका छन्। एजेन्सी

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यमन्त्रीको अभिव्यक्ति गैरजिम्मेवारीपूर्ण : डा. डिला संग्रौला

नेपाली कांग्रेसकी नेतृ तथा सांसद डा. डिला संग्रौलाले स्वास्थमन्त्री भानुभक्त ढकालको अभिव्यक्तिको आलोचना गरेकी छिन्।

प्रतिनिधिसभाको बिहीबारको बैठकमा नेतृ संग्रौलाले मन्त्री ढकालको गैरजिम्मेवार अभिव्यक्तिबारे जवाफ दिन माग गरेकी हुन्।

संग्रौलाले स्वास्थ्यमन्त्रीले जनतालाई त्रसित बनाउने खालको गैरजिम्मेवारपूर्ण जवाफ दिनु ज्यादै गलत रहेको बताइन्। ‘कोरोना भाइरसबाट आतंकित भइरहेका बेला मन्त्रीको यस्तो जवाफ आउनु दुःखद छ,’ उनले भनिन्।

हरेक राष्ट्रहरुले कोरोना संक्रमण फैलिन नदिन सजकता अपनाएको टिप्पणी गर्दै संग्रौलाले भनिन्, ‘स्वास्थ्यमन्त्रीले नेपाली जनतालाई अपील गर्नुको साटो अब विदेशबाट आएका क्वारेन्टाइनमा आफैं बस्नुपर्‍यो, आइसोलेसनमा आफैं बस्नुपर्‍यो, सरकारले राख्न सक्दैन भन्दै गर्दा आज नेपाली जनता त्रसित छन्, मुलुकका स्वास्थ्यमन्त्रीले गैरजिम्मेवारपूर्ण जवाफ दिने अधिकार छैन।’

संग्रौलाले कोरोना भाइरसको महामारी विश्वभरि फैलिरहेका बेला नेपालमा खाद्यान्न, ग्यास, मास्कको अभाव भएको जानकारी संसदलाई गराइन्। अत्यावश्यक सामग्रीको व्यवस्था तत्काल गर्न उनले सरकारको ध्यानाकर्षण गराएकी छिन्।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : आन्तरिक वायुसेवाले ५० प्रतिशतसम्म तलब कटौती गर्ने

मुलुकका सञ्चालित निजी वायुसेवा कम्पनीहरूले कर्मचारीको तलब र सुविधा कटौती गर्ने निर्णय गरेका छन्।

निजी वायुसेवा कम्पनीहरूको छाता संगठन वायुसेवा सञ्चालक संघको बैठकले निर्माण गरेको उच्चस्तरीय कमिटीले एक साताभित्र छलफल सकेर तलब र सुविधा कटौतीसम्बन्धी सूचना प्रकाशित गर्ने निर्णय गरेको हो।

संघको निर्णयअनुसार मासिक २० हजार रूपैयाँसम्म तलब हुनेको पैसा काटिने छैन। तर, ३० हजार रूपैयाँ भएका कर्मचारीका हकमा २० प्रतिशत, ५० हजार रूपैयाँ तलब लिनेको ३० प्रतिशत, १ लाख रूपैयाँ तलब बुझ्नेको ४० प्रतिशत र १ लाख रूपैयाँभन्दा बढी तलब सुविधा भएका कर्मचारीको ५० प्रतिशत पारिश्रमिक कटौती गर्ने निर्णय भएको छ।

संघको बैठकले सुमन पाण्डेको अध्यक्षतामा १० सदस्यीय कमिटी गठन गरेको छ। उक्त कमिटीले कर्मचारीहरूलाई बेतलबी बिदामा बस्न प्रोत्साहन गर्ने, अवस्थाअनुसार जबर्जस्ती बिदा लिन लगाउने तथा प्रतिकूल अवस्थामा कर्मचारीलाई निष्कासन गर्नेसम्मको अधिकार पाएको छ।

‘यसका लागि अहिले भएका वायुयानको संख्याअनुसार माग नहुने अवस्थामा सबै वायुसेवा कम्पनीले सबै जहाज ग्राउन्ड गर्न सक्नेछन्,’ निर्णयको बुँदा नम्बर ४ मा भनिएको छ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : नेपाल वायुसेवा निगमको काठमाडौं–दोहा उडान स्थगित

नेपाल वायुसेवा निगमले कतारको दोहामा गर्दै आएको नियमित उडान स्थगित गरेको छ।

कोरोना भाइरसको संक्रमण जोखिमलाई न्यूनिकरण गर्न विभिन्न १४ मुलुकका नागरिकलाई कतारमा प्रवेश गर्न अस्थायी प्रतिवन्ध लगाएपछि निगमले हवाइ उडान स्थगित गरेको हो।

‘ती १४ देशमध्ये नेपाल पनि एक भएकाले नेपालीहरु पनि हाललाई कतार प्रवेश गर्न नपाउने भएकाले दोहाको नियमित उडान हाललाई १० मार्च २०२० बाट अर्को निर्णय नहुन्जेल स्थगित गर्नु परेको हो,’ निगमले मंगलबार जारी गरिएको विज्ञप्तिमा भनिएको छ।

२०७६ फागुन २६ गते र सोभन्दा पछिका उडानका टिकट खरीद गरेका यात्रुहरुलाई टिकट फिर्ता गर्दा भुक्तानी गरेको रकम पूरै उपलब्ध गराइने निगमले उल्लेख गरेको छ।

टिकटको उडानको मिति २ पटकसम्म परिवर्तन गर्न शुल्क नलाग्ने व्यवस्था गरिएको निगमले प्रष्ट पारेको छ। नेपाल वायुसेवा निगमले दोहाका लागि हप्तामा सातै दिन उडान गर्दै आएको थियो।

  • ताजा समाचार
  • जनप्रिय

हेल्थपोष्ट टुइट्स सबै

सुनसान सहरमा होलीको ‘दुर्लभ’ रौनक

विगतजस्तो यो वर्ष सहरमा होलीको रौनक देखिएन।

विश्वभरि फैलिएको कोरोनाको त्रासले यसवर्षको होलीमा मानिस बाहिर निस्किएनन्।

सहरमा फाट्टफुट्ट होलीको जमघटहरुमात्रै देखिए।

सरकारले भीडभाड जम्मा पारेर होली नखेल्न आह्वान गरेको थियो। भाइरस फैलिन नदिनका लागि धेरैजसो भेला तथा सभा, सम्मलेनहरू पनि स्थगित गरिएका छन्।

 

  • ताजा समाचार
  • जनप्रिय

हेल्थपोष्ट टुइट्स सबै

भारतबाट फर्किएका ३ नाबालकसहित शंकास्पद ४ जना भेरी अस्पतालमा

कोरोना भाइरसको विश्वव्यापी महामारी फैलिरहँदा नेपाल–भारत सीमाक्षेत्र जमुनहामा स्थापित हेल्थडेस्कले विभिन्न मुलुकबाट भारतीय बाटो हुँदै आउने यात्रुको स्वास्थ्य परीक्षणमा सतर्कता बढाएको छ ।

धेरै अघि नै हेल्थ डेस्क स्थापना गरेर पनि चेकजाँचमा ध्यान नदिइएको आरोप खेपिरहेको जमुनहा हेल्थडेस्कले पछिल्लो ३ दिनमा विदेशबाट आएका १ हजार २ सय यात्रुको स्वास्थ्य परीक्षण गरेको जनाएको छ । तीमध्ये शंकास्पद लक्षण देखिएका चारजनालाई भेरी प्रादेशिक अस्पताल पठाइएको छ । उनीहरूमा १००.१ डिग्री फरेनहाइटभन्दा बढी ज्वरो देखिएका कारण भाइरस परीक्षणका लागि अस्पताल रेफर गरिएको हेल्थडेस्कका स्वास्थ्यकर्मीले बताएका छन् । चारमध्ये ३ जना नाबालक छन् ।

‘स्क्रिनिङका क्रममा ४ जनामा ज्वरो देखिएपछि अनुसन्धानका लागि हामीले भेरी अस्पताल रेफर गरेका छौँ,’ हेल्थ डेस्कमा खटिएकी स्वास्थ्यकर्मी दुर्गा पाण्डेले भनिन् ।

भेरी अस्पतालमा पनि कोरोना परीक्षणको व्यवस्था भने छैन । राष्ट्रिय जनस्वास्थ्य प्रयोगशालामा मात्र यो सेवा उपलब्ध छ । पाण्डेका अनुसार भेरी अस्पतालले उनीहरूको स्वास्थ्य परीक्षण गरी आवश्यक ठानेमा रगत तथा ‘थ्रोट स्वाब’को नमुना परीक्षणका लागि काठमाडौं पठाउँछ । पाण्डेले भनिन्, ‘टेकुस्थित प्रयोगशालाले रिपोर्ट दिएपछि मात्र संक्रमणबारे भन्न सकिन्छ ।’

रेफर हुनेमा अछामका साढे दुई वर्षीय बालक अभिषेक चलाउने, तीन वर्षीया बालिका प्रियंका चलाउने, सुर्खेतनिवासी तीन वर्षीय बालक जितेन नेपाली र सुर्खेतकै २६ वर्षीय पुरुष गणेश नेपाली छन् । उनीहरू सबै मुम्बईबाट नेपाल आएको हेल्थ डेस्कले जनाएको छ । अस्पताल रेफर गरिएकामा १००.१ देखि १००.३ डिग्री फरेनहाइटसम्म ज्वरो देखिएको छ ।

कोरोना भाइरसको जोखिम बढ्दै गएपछि नेपालगन्ज उपमहानगरपालिका, जनस्वास्थ्य कार्यालयलगायतको समन्वय र सहकार्यमा जमुनहा नाका र नेपालगन्ज विमानस्थलमा स्वास्थ्य परीक्षणका लागि हेल्प डेस्क सञ्चालनमा ल्याइएको थियो । विमानस्थलमा भने शनिबारसम्म कसैलाई अस्पताल रेफर गर्नुपर्ने लक्षण नपाइएको विमानस्थल हेल्थडेस्कका स्वास्थ्यकर्मी सुरज बोहोराले जानकारी दिए ।

कोरोना भाइरसबाट जिल्ला र देशलाई बचाउन जिल्ला प्रशासन कार्यालयका कर्मचारीसहित सरकारी निकाय, जनस्वास्थ्य कार्यालय, स्वास्थ्यकर्मी, अस्पताल, रेडक्रस, प्रहरीलाई सतर्क रहन निर्देशन जारी गरिसकेको प्रमुख जिल्ला अधिकारी कुमारबहादुर खड्का बताउँछन् ।

कोरोनाले पर्व प्रभावित, आयोजना भएनन् होली मिलन
नेपालगन्जमा हरेक वर्ष होलीको छुट्टै रौनक हुने गरेको थियो । तर, यस वर्ष सहरमा होलीको माहोल देखिएको छैन । होली सुरु हुनु एक साताअघिदेखि नै विभिन्न संघ–संस्थाले होली मिलन कार्यक्रम आयोजना गर्थे । तर, यस वर्ष त्यस्ता औपचारिक कार्यक्रम गरिएनन् ।

विश्वभर फैलिएको कोरोना भाइरस महामारीका कारण सतर्कताका लागि सरकारले समूहमा भेला हुने सभा, सम्मेलन, महोत्सव, औपचारिक कार्यक्रमहरू नगर्न सर्वसाधारणमा आह्वान गरेको छ । प्रदेश सरकारले औपचारिक कार्यक्रममा रोक लगाउने निर्णय गरेको छ । जिल्ला प्रशासन बाँकेले पनि त्यसैअनुसार आह्वान गरेको छ ।

कोरोनाविरुद्ध सतर्कतास्वरूप नै होली मिलनका औपचारिक कार्यक्रम नभएको पत्रकार महासंघ बाँकेका अध्यक्ष ठाकुरसिंह थारू बताउँछन् । ‘हामी (पत्रकार महासंघ बाँके)ले पनि हरेक वर्ष भव्य रूपमा होली मिलन कार्यक्रम आयोजना गर्दै आएका थियौँ, तर यस वर्ष गर्दैनौँ,’ उनले भने, ‘सतर्कताले ठूलो जोखिम टार्न सकिने भएकाले होली मिलन नगर्ने भएका हौँ ।’

नेपालगन्जको कसौधन समाज, अवधी पत्रकार संघ, अछामी सेवा समाजले बाँकेमा देउडासहित दुई दिन होली मिलन कार्यक्रम आयोजना गर्थे । तर, यस वर्ष कोरोनाविरुद्ध सतर्कता अपनाउन दर्जनभन्दा बढी संस्थाले पनि होली पर्वका कार्यक्रम स्थगित गरेका छन् ।

होली मिलन कार्यक्रम नगरिए पनि होलीलक्षित टिसर्ट र कलरका पसल भने खुलेका छन् । त्रिभुवनचोकदेखि त्रिवेणीमोड, धम्बोझी, घरबारीटोललगायत क्षेत्रमा होलीका लागि रङ विक्रीमा राखिएका छन् ।

सर्वसाधारणमा होली खेल्ने इच्छा नभएको होइन, तर यस वर्ष समूहमा भने होली नखेल्ने कतिपयले बताएका छन् । ‘यसपटक होली घरआसपासमै खेल्छौँ, बाहिर समूहमा भने खेल्न नजाने सोच छ,’ फुल्टेक्राका बिक्की वैश्यले भने ।

हेल्थडेस्क अवलोकन गर्न सीमा पुगे राज्यमन्त्री राउत


स्वास्थ्य तथा जनसंख्याराज्यमन्त्री नवराज रावत नेपाल–भारत सीमामा रहेको हेल्थ डेस्क अनुगमनका लागि पुगेका छन् । नेपालगन्ज उपमहानगरपालिकाले कोरोना भाइरस संक्रमण जाँचका लागि स्थापना गरेको हेल्थ डेस्कको शनिबार स्थलगत अवलोकन गर्दै मन्त्री रावतले अवस्थाबारे जानकारी दिएका हुन् ।

मन्त्री रावतले नेपालमा कोरोनाको संक्रमण नदेखिएकाले डराउनुपर्ने अवस्था नरहेको तर सतर्कतामा चनाखो हुनुपर्ने बताए । उनले विमानस्थल र सीमानाकामा हेल्थ डेस्कमार्फत स्वास्थ्यजाँच गरी निगरानी बढाएको जानकारी दिए । औषधि तथा अत्यावश्यक सामग्री अभाव हल्ला मात्रै भएको बताउँदै मन्त्री रावतले पर्याप्त मात्रामा मौज्दात रहेकाले नडराउन आश्वस्त पारे ।

नेपालगन्ज उपमहानगरका स्वास्थ्य शाखा प्रमुख रामबहादुर चन्दले उपमहानगरपालिकाले नेपालगन्ज विमानस्थल र सीमामा हेल्थ डेस्क सञ्चालनमा ल्याएको जानकारी दिए । स्थानीय सरकारले कोरोना महामारीविरुद्ध पूर्वसावधानीका सम्भावित प्रयास गरिरहेको उनको दाबी छ ।

  • ताजा समाचार
  • जनप्रिय

हेल्थपोष्ट टुइट्स सबै

‘कोरोना संक्रमणबाट जोगिन सचेतता अपनाऔं, पर्व, उत्सव र मेला नगरौं’

जिल्ला प्रशासन कार्यालय काठमाडौंले कोरोना भाइरसको विश्वव्यापी महामारी दृष्टिगत गरी कुनै पनि किसिमका कार्यक्रम नगर्न सूचित गरेको छ।

जिल्ला प्रशासन कार्यालय काठमाडौंका प्रशासकीय अधिकृत मानबहादुर बुढाले बिहीबार सूचना प्रकाशित गरी अर्को निर्णय नभएसम्म कुनै प्रकारका उत्सव, मेला र पर्वका कार्यक्रम नगर्न अनुरोध गरेको हो।

‘त्यस्ता सम्मेलन तथा कार्यक्रमहरूमा सहभागी नहुन सबैमा अनुरोध छ,’ सूचनामा उल्लेख छ।

यसअघि विश्व स्वास्थ्य संगठनले नेपालसहित दक्षिण एसियाली मुलुकहरूमा कोरोना भाइरस संक्रमणको उच्च जोखिम रहेको बताए लगतै सरकारले सचेतता अपनाउन र भीडभाडमा नजान तथा भेला, सभा, सम्मेलनजस्ता कार्यक्रम नगर्न अपिल गरेको थियो।

  • ताजा समाचार
  • जनप्रिय

हेल्थपोष्ट टुइट्स सबै

कोरोना आशंकामा भर्ना गरिएका चारैजनामा संक्रमण नभएको पुष्टि, डिस्चार्ज गरिँदै

कोरोना भाइरस (कोभिड–१९)को आशंकामा टेकुस्थित शुक्रराज ट्रपिकल तथा सरुवारोग अस्पताल भर्ना गरिएका चारैजनामा संक्रमण नभएको पुष्टि भएको छ । नमुना परीक्षणको रिपोर्ट नेगेटिभ आएसँगै उनीहरूलाई डिस्चार्ज गर्ने तयारी गरिएको अस्पतालले जानकारी दिएको छ । उनीहरूलाई आइतबार अपराह्न अस्पताल भर्ना गरिएको थियो ।

‘शंका गरिएका चारैजनाको रिपोर्ट नेगेटिभ आएको छ,’ अस्पतालका प्रवक्ता तथा सरुवारोग विशेषज्ञ डा. अनुप बास्तोलाले भने, ‘उनीहरूलाई अब डिस्चार्ज गर्दै छौँ ।’

संक्रमण फैलिएको देशबाट आएका एक चिनियाँ नागरिक र तीन नेपालीमा मिल्दोजुल्दो लक्षण देखिएपछि उनीहरूलाई अस्पताल भर्ना गरिएको थियो । भर्नापछि उनीहरूको नमुना संकलन गरी भाइरस परीक्षणका लागि राष्ट्रिय जनस्वास्थ्य प्रयोगशाला पठाइएको थियो । प्रयोगशालाले मंगलबार रिपोर्ट दिएको हो ।

चिनियाँ नागरिक आफ्नै देशबाट र तीन नेपाली दक्षिण कोरियाबाट आएका थिए । पछिल्लो समय चीनपछि दक्षिण कोरिया कोरोनाबाट सबैभन्दा बढी प्रभावित छ । यद्यपि, संक्रमितको मृत्युका हिसाबले चीनपछि इरानमा बढी क्षति पुगेको छ ।

  • ताजा समाचार
  • जनप्रिय

हेल्थपोष्ट टुइट्स सबै

चीनबाट अझै सातामा १० उडान, प्राधिकरणले अझै पाएन उडान रोक्ने सर्वोच्चको आदेश

चीनबाट फैलिएको कोरोना भाइरसले विश्वव्यापी महामारीको रूप लिए पनि नेपाल–चीनबीच भने उडान रोकिएका छैनन्। अहिले पनि सातामा १० उडान भइरहेको नेपाल नागरिक उड्‌डयन प्राधिकरणले जनाएको छ ।

सर्वोच्च अदालतले सोमबार नै चीनलगायत कोरोनाबाट बढी प्रभावित देशसितका उडान रोक्न आदेश दिइसकेको छ। तथापि, प्राधिकरणले अदालतको पत्र नपाएको भन्दै उडान जारी राखेको छ।

प्राधिकरणका प्रवक्ता राजकुमार क्षेत्रीले सर्वोच्चको फैसलाको लिखत आइनपुगेका कारण उडान जारी रहेको बताए। उनले फैसला प्राप्त हुनासाथ सबै उडान स्थगित गरिने जानकारी दिए।

हाल नेपाल-चीनबीच प्रतिसाता एयर चाइनाले एक, चाइना साउदर्नले दुई र चाइना इस्टर्नले सात उडान भर्दै आएका छन्। सिचुवान एयर, टिबेट एयरलाइन्स र हिमालय एयरलाइन्सका उडान भने बन्द छन्।

अधिवक्ता पूर्ण राजवंशीले दायर गरेको रिटनिवेदन माथि प्रारम्भिक सुनुवाइ गर्दै न्यायाधीश तेजबहादुर केसीको इजलासले सोमबार कोरोनाविरुद्धको सावधानी तथा पूर्वतयारीमा जुट्न सरकारका नाममा अन्तरिम आदेश दिएको थियो।

रिटनिवेदनमा कोरोनाबाट बच्न केही दिनका लागि अन्तर्राष्ट्रिय उडानमा रोक लगाउन, प्रभावित देशका नागरिकलाई भिसा नदिन, स्कुल–कलेज बन्द गर्न, चीनसँगको सीमानाकामा हेल्थडेस्कको व्यवस्था गर्नसमेत माग गरिएको थियो । सर्वोच्चले निवेदकको मागबमोजिम नै मुद्दाको अन्तिम टुंगो नलागुन्जेलका लागि सरकारलाई पूर्वतयारी तथा सावधानीका विषयमा अन्तरिम आदेश दिएको हो ।

यस्तो छ सर्वोच्चले सोमबार जारी गरेको आदेशको पूर्ण पाठ :

  • ताजा समाचार
  • जनप्रिय

हेल्थपोष्ट टुइट्स सबै

रुघाखोकी र ज्वरोका बिरामीलाई जहाज नचढ्न आग्रह

काठमाडौं । निजी वायुसेवा कम्पनीहरूकाे छाता संगठन वायुसेवा सञ्चालक संघले रुघाखोकी र ज्वरोको समस्या भएका व्यक्तिलाई जहाज नचढ्न आग्रह गरेको छ।

संघले आज एक विज्ञप्ति जारी गर्दै चीनबाट सुरु भएको कोरोना भाइरसको संक्रमण विश्वव्यापी रूपमा फैलिरहेको र हाल ७० भन्दा बढी देशमा यसको संक्रमण देखिएकाले सावधानी अपनाउन यस्तो निर्णय गरिएको बताएको छ।

विश्व स्वास्थ्य संगठनले नेपाललाई पनि जोखिमयुक्त मुलुकमा राखेकाले आफूहरूले यसको रोकथामका लागि विभिन्न कदम चालिरहेको विज्ञप्तिमा उल्लेख छ।

ज्वरो, रुघाखोकीलगायत लक्षण देखिए हवाई यात्रा नगर्न संघको आग्रह छ। ‘उडानका क्रममा शंकास्पद व्यक्ति भेटिए त्यस्ता यात्रुको उडान रद्द गरिने छ,’ विज्ञप्तिमा छ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना रोकथामका लागि सर्वोच्चको आदेश, अन्तर्राष्ट्रिय उडानमा रोकदेखि सूचना सम्प्रेषणसम्म

सर्वोच्च अदालतले कोरोना भाइरस नियन्त्रण तथा रोकथामका लागि आवश्यक कदम चाल्न सरकारलाई आदेश दिएको छ । अधिवक्ता पूर्ण राजवंशीले दायर गरेको रिटनिवेदनमाथि प्रारम्भिक सुनुवाइ गर्दै न्यायाधीश तेजबहादुर केसीको इजलासले सोमबार कोरोनाविरुद्धको सावधानी तथा पूर्वतयारीमा जुट्न सरकारका नाममा अन्तरिम आदेश दिएको हो ।

रिटनिवेदनमा कोरोनाबाट बच्न केही दिनका लागि अन्तर्राष्ट्रिय उडानमा रोक लगाउन, प्रभावित देशका नागरिकलाई भिसा नदिन, स्कुल–कलेज बन्द गर्न, चीनसँगको सीमानाकामा हेल्थडेस्कको व्यवस्था गर्नसमेत माग गरिएको छ । सर्वोच्चले निवेदकको मागबमोजिम नै मुद्दाको अन्तिम टुंगो नलागुन्जेलका लागि सरकारलाई पूर्वतयारी तथा सावधानीका विषयमा अन्तरिम आदेश दिएको हो ।

कोरोना भाइरस संक्रमण नियन्त्रणसम्बन्धी विषय गम्भीर र छिटो फैसला गर्नुपर्ने भएकाले सर्वोच्चले मुद्दालाई आग्राधिकार दिएको छ । प्रारम्भिक सुनुवाइका क्रममा निवेदक राजवंशीसँगै अधिवक्ताहरु अनन्तराज लुइँटेल, बल्लभराज बस्नेत, विकास भट्टराई, धर्मेन्द्र श्रेष्ठ, श्रवणकुमार चौधरी, टेकबहादुर पौडेल, सन्तोष भण्डारी, गोमा सुवेदी, सपना सुवेदी, उज्ज्वल घिमिरे र लक्ष्मी थापाले बहस गरेका थिए ।

आदेशको पूर्ण पाठ :

  • ताजा समाचार
  • जनप्रिय

हेल्थपोष्ट टुइट्स सबै

कोरोना संक्रमणको आशंकामा चार जना अस्पताल भर्ना

कोरोना भाइरस कोभिड १९ को आशंकामा चार जनालाई शुक्रराज ट्रपिकल तथा सरुवा रोग अस्पतालमा भर्ना गरिएको छ । अपरान्ह ३ बजे दुई र पछि २ गरी चार जनालाई नै आजै भर्ना गरिएको थियो ।संक्रमण फैलिएका देशबाट आएका एक चिनिया र तीन नेपालीसहित चार जनालाई अस्पताल भर्ना गरिएको हो । भर्ना गरिएका मध्ये चीनबाट आएका एक चीनिया नागरिक र तीन जना कोरियाबाट आएका नेपाली हुन् ।

उनीहरुलाई आइसोलेसन वार्डमा भर्ना गरिएको अस्पतालले जनाएको छ । उनीहरुमा केही लक्षण मिलेपनि संक्रमण प्रमाणित भएको छैन् ।  नियमित प्रक्रिया अन्तर्गत चेकजाँचका लागि भर्ना गरिएकामा सामान्य ज्वरो तथा खोकि  देखिएको अस्पतालका प्रबक्ता तथा डा. अनुप बास्तोलाले बताए । उनले अहिले नै डराउनुपर्ने कारण नभएको सुनाए । ‘चेकजाँचका लागि क्वारेन्टाइन क्षेत्र छुट्याएर हेरबिचार गरिरहेका छौ। चेकजाँचका लागी आउनु राम्रो कुरा हो। शंक्रमणको शंका मात्रै हो, सबैको अवस्था सामान्य छ ।’ उनले भने।

सरकारले बढी संक्रमण फैलिएका देशबाट आवतजावतमा कडाई नगर्दा निर्वाध रुपमा मानिस भित्रिरहेका छन् । जसका कारण नेपालमा पनि रोग फैलिनसक्न जोखिम उच्च रहेको विश्व स्वास्थ्य संगठनले चेतावनी दिएको छ ।

  • ताजा समाचार
  • जनप्रिय

हेल्थपोष्ट टुइट्स सबै

नेपाल कोरोनाको उच्च जोखिम क्षेत्र घोषित, के छ तयारी ?

नेपाल कोरोना भाइरस (कोभिड–१९)को उच्च जोखिम देशभित्र परेको छ । बिहीबार साप्ताहिक ब्रिफिङपछि विश्व स्वास्थ्य संगठन (डब्लुएचओ)ले नेपाललाई कोरोना भाइरसको अति उच्च जोखिमयुक्त सूचीमा राखेको स्वास्थ्य मन्त्रालयले जनाएको छ ।

विश्वका महाशक्ति राष्ट्रहरूलाई समेत गलाइरहेको प्राणघातक भाइरसको अति उच्च जोखिममा परिसक्दा पनि त्यसविरुद्ध लड्न आवश्यक तयारी तथा सतर्कता भने सरकारले अपनाएको देखिएको छैन । पूर्वतयारी गरिरहेको जनाए पनि स्वस्थ्य मन्त्रालयले ठोस योजना तथा कार्यक्रम सार्वजनिक गर्न सकेको छैन ।

डब्लुएचओले नेपालसहित दक्षिण एसियाका सबै देशलाई उच्च जोखिममा राखेको छ । विश्वका ५० भन्दा बढी मुलुकमा फैलिसकेको भाइरस नेपालमा पनि प्रवेश गरेको खण्डमा भयावह अवस्था निम्त्याउने निश्चित रहेको विशेषज्ञहरू बताउँछन् ।

डब्लुएचओले अति उच्च जोखिम भएको देशमा नेपाललाई समावेश गरेसँगै सतर्कता तथा पूर्वतयारी बढाइएको मन्त्रालयका प्रवक्ता डा. विकास देवकोटाले बताए ।
‘जोखिम बढेसँगै हामीले पूर्वतयारी बढाएका छौँ,’ डा. देवकोटाले भने, ‘वीर, पाटनलगायत अस्पतालमा यसअघि उनीहरूलाई नै आइसोलेसन वार्ड बनाउन भनिएकोमा अहिले अनुगमन थालेका छौँ ।’

मन्त्रालयले प्लान ‘बी’अन्तर्गत योजना तय गरिरहेको डा. देवकोटाले बताए । यद्यपि, यो–यो गर्ने भन्ने तय नभइसकेको उनको भनाइ । ‘आइतबारतिर कार्यक्रमबारे केही निष्कर्ष आउला,’ उनले भने ।

चीन मात्र नभएर नेपालीको बढी आवतजावत हुने दक्षिण कोरिया, जापान, खाडी मुलुकहरू तथा युरोपियन देशहरूमा समेत महामारी फैलिएपछि सीमानाका तथा विमानस्थलको सतर्कताबारे डा. देवकोटाले भने, ‘बोर्डरमा सशस्त्र प्रहरीको चिकित्सक खटाइएको छ, विमानस्थलमा पनि स्वास्थ्यपरीक्षण निगरानी बढाएका छौँ ।’

स्वास्थ्य सेवा विभागले भने देशव्यापी रूपमा कोरोनाविरुद्धको अभियानमा लाग्न भन्दै अबको १५ दिन अन्य कार्यक्रम नगर्ने घोषणा गरिसकेको छ । विभागले भाइरस नियन्त्रणका लागि सम्बन्धित निकायहरूमा आवश्यक निर्देशन जारी गरेको जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

कोरोनाविरुद्ध विश्वव्यापी सावधानी : बेलायत र जापानमा विद्यालय बन्द, मंगोलियन राष्ट्रपति क्वारेन्टाइनमा

कोरोना भाइरस (कोभिड–१९)को संक्रमण सबै महादेशमा फैलिएसँगै विश्वभर महामारी नियन्त्रणका लागि हरसम्भव अवलम्बन गरिँदै छ । आफ्नो सीमानाकामा उच्च सुरक्षा सतर्कता अपनाएका देशहरूले देशभित्र पनि सावधानीका सम्भावित उपाय कार्यान्वयनमा ल्याउन थालेका छन् ।

यसै क्रममा संक्रमणको जोखिमलाई दृष्टिगत गर्दै बेलायत (संयुक्त अधिराज्य)ले कम्तीमा २ महिना देशभरका विद्यालय बन्द गरेको छ । ग्य्रान्ड नेसनल र लन्डन म्याराथन प्रतियोगिता स्थागित गरिएका छन् । सार्वजनिक जमघटमा प्रतिबन्ध लगाइएको छ भने बहुचर्चित इंग्लिस प्रिमियर लिग र एफए कम फुटबल खेलसमेत स्थगित गर्ने तयारी गरिएको छ । त्यसैगरी, कन्सर्ट तथा अन्य उत्सवमा प्रतिबन्ध लगाउने तयारी भइरहेको इंग्लिस मिडियाले जनाएका छन् । बेलायतमा शुक्रबार रातिसम्म १६ जनामा कोरोना संक्रमण पुष्टि भएको छ ।

जापानले पनि सोमबारदेखि एक महिनाका लागि सम्पूर्ण विद्यालय बन्द गर्ने घोषणा गरेको छ । चीनपछि अर्को आसपासकै देश दक्षिण कोरिया र आफ्नौ देशमा पनि तीव्र गतिमा महामारी फैलिएसँगै जापान सरकारले एक महिनाका लागि विद्यालय बन्द गर्ने घोषणा गरेको हो ।

समुद्री तटीय क्षेत्रमा रोकिएको डायमन्ड प्रिन्सेस क्रुजबाहेक नै जापानमा १८६ जनामा संक्रमण पुष्टि भइसकेको छ, जसमा ४ जनाको मृत्यु भएको छ । संक्रमित हुनेमा केही बालबालिका पनि छन् । क्रुजमा हालसम्म ७०५ जनामा संक्रमण पुष्टि भएको छ भने ४ जनाको ज्यान गएको छ ।

प्रधानमन्त्री सिन्जो आबेले संक्रमण फैलिन नदिन अगामी सोमबारदेखि मार्च महिनाको अन्तसम्म विद्यालय बन्द गर्ने घोषणा गरेका छन् । ‘बालबालिकाको स्वास्थ्य सुरक्षालाई दृष्टिगत गर्दै संक्रमणको जोखिम रोक्न विद्यालय बन्द गर्ने निर्णय गरेका छौँ,’ प्रधानमन्त्री आबेले भनेका छन् ।

संक्रमण फैलिन नदिन जापान सरकारले यथासम्भव प्रयास गरिरहेको बताउँदै प्रधानमन्त्री आबेले सतर्कता अभियानअन्तर्गत विद्यालय बन्द गर्ने कदम उठाएको जानकारी दिएका छन् ।

‘आउँदो एकदेखि दुई साताको समय हाम्रा लागि निकै महत्त्वपूर्ण छ,’ उनले भनेका छन्, ‘हामीले कोरोनाको संक्रमण यहीँ रोक्नुपर्छ ।’

३१ डिसेम्बरमा चीनको हुबेई प्रान्तअन्तर्गत उहान राज्यबाट देखापरेको कोरोना यतिवेला विश्वका ५० भन्दा बढी देशमा फैलिसकेको छ । भाइरसविरुद्ध निर्णायक लडाइँ लडिरहेका देशहरू सतर्कताका कुनै पनि कासर बाँकी राख्न चाहँदैनन् । विद्यालयमा बालबालिकामा संक्रमण भइहालेमा तीव्र गतिमा महामारी फैलिने जोखिम भएकाले देशहरूले विद्यालय बन्द गर्ने निर्णय लिएका हुन् ।

कोरोनाको केन्द्र तथा सबैभन्दा प्रभावित चीनमा पछिल्ला दिनमा संक्रमित तथा मृत्युसंख्या घट्दै जाँदा बाँकी विश्वमा भने फैलिँदै गएको छ । युरोप, एसिया र मध्यपूवका देशहरूमा भाइरस तीव्र गतिमा फैलिरहेको छ । युरोपका इटली सबैभन्दा प्रभावित बनेको छ । इटलीमा हालसम्म ६५० जनामा संक्रमण पुष्टि भएकोमा १७ जनाको ज्यान गइसकेको छ । त्यस्तै, फ्रान्सलगायत देश पनि कोरोनाले प्रभावित बनेका छन् ।

एसियामा चीनपछि दक्षिण कोरिया र जापान भाइरसको चपेटामा आएका छन् । कोरियामा हालसम्म २ हजार ३ सय ३७ जनामा संक्रमण पुष्टि भइसकेको छ । संक्रमितको मृत्युका हिसाबले चीनपछि इरान बढी आक्रान्त छ । इरानका उच्च अधिकारी नै संक्रमित बनेका छन् । उपराष्ट्रपति मासुमेह अब्टेकरलाई कोरोना संक्रमण पुष्टि भइसकेको छ । त्यस्तै, उपस्वास्थ्यमन्त्रीसहित अन्य सातजना उच्च अधिकारीलाई संक्रमण पुष्टि भइसकेको छ ।

इरानमा हालसम्म २४५ जनामा संक्रमण पुष्टि हुँदा २६ जनाको मृत्यु भइसकेको छ । कोरोनाबाट यो मृत्युदर (१०.६ प्रतिशत) विश्वकै उच्च हो ।

बिहीबार चीनको भ्रमण गरेका मंगोलियन राष्ट्रपति खल्तमागिन बत्तुल्गा १४ दिने क्वारेन्टाइनमा
मंगोलियाका राष्ट्रपति खल्तमागिन बत्तुल्गालाई १४ दिनको क्वारेन्टाइनमा राखिएको छ । उनले बिहीबार चीनको भ्रमण गरेका थिए । चीन मंगोलियाको ठूलो छिमेकी राष्ट्र हो ।

एकदिने संक्षिप्त चीन भ्रमणका क्रममा राष्ट्पति बत्तुल्गाले चिनियाँ समकक्षी सी जिन पिङसित भेट गरेका थिए । उनले राजधानी बेइजिङको भ्रमण गर्नुका साथै कोरोनाको उपचारका लागि चीनलाई सहयोगसमेत हस्तान्तरण गरेका थिए । कोरोनाको महामारी सुरु भएपछि चीनको भ्रमण गर्ने बत्तुल्गा पहिलो राष्ट्रप्रमुख हुन् ।

चीन भ्रमणबाट मंगोलिया फर्किएलगत्तै राष्ट्रपति बत्तुल्गालाई १४ दिने क्वारेन्टाइनमा राखिएको मंगोलियाको स्टेट न्युज एजेन्सी मोन्तसेमले जनाएको छ । राष्ट्रपति बत्तुल्गासँगै भ्रमण दलमा संलग्न मन्त्रीहरू, उच्चपदस्थ अधिकारीहरूलाई पनि उलानबातरको एक सरकारी अस्पतालमा क्वारेन्टाइनमा राखिएको मंगोलियन अधिकारीले जानकारी दिएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

‘हामी ९० हजार नेपाली छौं, सुरक्षित छौं’

अञ्‍जना ढकाल

कोरोना भाइरस संक्रमणले छिमेकी चीनमा सयौंको ज्यान लिइसकेको छ। हजारौं संक्रमित उपचाररत छन्। संसारका ५० भन्दा बढी देशमा कोरोना संक्रमण देखिसकिएको छ। जापान पनि कोरोना भाइरस संक्रमणबाट अछुतो रहेन।

कोरोना संक्रमणबाट जापानमा हालै एकजनाको ज्यान गएको छ। केहीको उपचार चलिरहेको छ। जापानको एक प्रमुख सहर योकोहामामा पहिलोपटक दुई साताअघि नोबेल कोरोना भाइरस संक्रमण देखिए पनि अहिले त्यसको फैलावटको खतरा भने छैन। म साढे तीन वर्षदेखि योकोहामामा बस्दै आएकी छु। तर, यहाँ रहेका नेपालीहरूमा नोबेल कोरोना भाइरस संक्रमण अहिलेसम्म थाहा पाएकी छैन।

योकोहामा अरू ठाउँभन्दा सुरक्षित छ र यहाँका नेपालीहरू उच्च स्वास्थ्य सुरक्षा सतर्कताका साथ बसेका छन्। कोरोना भाइरस संक्रमणबारे हल्ला निकै चले पनि हाम्रो ईलाकामा संक्रमणका केस शून्यप्रायः छन्। त्यसैले हामी ढुक्क छौं।

अहिले अन्य केही सहरमा कोरोना संक्रमण देखिए पनि सरकारले उच्च प्राथमिकताका साथ उपचार कार्य अघि बढाएको छ। स्वास्थ्यसेवा दृष्टिले जापान निकै सशक्त मुलुक हो। यहाँको स्वास्थ्यसेवा प्रवाहलाई त्रुटिरहित बनाउन सरकारले कुनै विकल्प बाँकी राखेको छैन। यद्यपि, चीनबाट आउने पर्यटक तथा चीन जाने जापानीका माध्यमबाट कोरोना संक्रमण आएको हुनसक्ने अनुमानबीच जापान सरकारले हवाईसेवा बन्द गरेको छ।

चीनबाट आउने विमान रोकिएका छन् र जापानले पनि चीनको हवाई र जलमार्ग तत्कालका लागि बन्द गराएको छ। अर्को मुख्य कुरा, जापान सरकारले भीडभाड हुने ठाउँ खुला गराएको छ। र, सार्वजनिक समारोह र कन्सर्टजस्ता कार्यक्रम आयोजना नगर्न सरकारले सबैलाई सचेत गराएको छ।

जापान आउने नेपालीमा प्रायः विद्यार्थी छन्। होटल तथा रेस्टुरेन्टमा काम गर्न आउनेहरू पनि धेरै नै छन्। ९० हजारभन्दा बढी नेपाली रहेको जापानमा अहिलेसम्म कुनै नेपालीलाई कोरोना भाइरस संक्रमण भएको जानकारी आएको छैन। त्यसैले हामी ढुक्क छौं।

गत साता कोरोनाबाट संक्रमित एक महिलाको ज्यान गएको पुष्टि जापान सरकारले गरिसकेको छ। मृतक महिला ८० वर्षभन्दा माथि उमेरकी भएको र उनमा सुरुमा निमोनिया देखिएको जानकारी आएको छ। जापानले २ सय ५० भन्दा बढीमा कोरोना भाइरस संक्रमणबाट पीडित भएको तथ्य सार्वजनिक गरिसकेको छ। विशेषतः चीन भ्रमणबाट फर्किएकामा कोरोना संक्रमण देखिएपछि उच्च प्राथमिकतासाथ उनीहरूको उपचार चलिरहेको जानकारी पनि हामीले पाएका छौं।

तर, अरू व्यक्तिको सम्पर्कमा नजाने तथा बाहिर घुमफिरमा नजानेलाई कोरोना संक्रमण हुने डर रहँदैन। नियमित काम गर्ने, घरदेखि अफिस र अफिसदेखि घर गर्ने नेपालीमा यो संक्रमणको सम्भावना रहँदैन। अन्य व्यक्तिहरूको सम्पर्कमा आउँदा मात्रै कोरोना संक्रमण हुन्छ। यहाँ सबै जना आ–आफ्नो काममा व्यस्त हुने हुँदा संक्रमणको जोखिम अलि कमै छ भन्न सकिन्छ।

सरकारले सार्वजनिक स्थलमा विषाणुको संक्रमण हुन नदिन अल्कोहल राखेको हुन्छ। कुनै स्वास्थ्य समस्या भए तत्कालै उपचारको व्यवस्था हुन्छ। पर्यटकीय सहरहरूमा कोरोना भाइरसको संक्रमण फैलिन सक्ने आशंकाले उच्च सतर्कता अपनाइएको छ।

विश्वभरि फैलिरहेको कोरोना भाइरसबाट बच्न आफू सतर्क रहनु पनि आवश्यक छ। समग्रमा जापानमा बस्ने नेपालीहरूमा अहिलेसम्म कोरोना भाइरसको संक्रमण छैन। हामी सुरक्षित छौं, र सबैलाई सुरक्षित रहन अनुरोध छ।

(जापानको योकोहामा सहर बस्ने ढकाल लेखक तथा सामाजिक अभियन्ता हुन्।)

  • ताजा समाचार
  • जनप्रिय

हेल्थपोष्ट टुइट्स सबै

इरानमा कोरोना संक्रमितको मृत्युदर उच्च, ४३ मध्ये ८ ले गुमाए ज्यान, कोरियामा ‘रेड एलर्ट’ जारी

इरानमा कोरोना भाइरस (कोभिड–१९)को संक्रमणले मृत्यु हुनेको संख्या ८ पुगेको छ जब कि जम्मा ४३ जनामा संक्रमण पुष्टि भएको छ । यो कोरोनाबाट अहिलेसम्मकै उच्च मृत्युदर (१८.६ प्रतिशत) हो ।

इरानमा गत बुधबारबाट भाइरसको संक्रमण देखिएको थियो । त्यतिवेलासम्म इरान आफू भाइरसबाट मुक्त रहेको बताइरहेको थियो । संक्रमण सुरु भएको केही दिनमै इरान मृत्युको हिसाबले कोरोना भाइरसबाट बढी क्षति बेहोर्ने दोस्रो देश बनेको छ । चीनबाहिर हालसम्म यो नै ठूलो संख्याको मृत्यु हो ।

इरानपछि दक्षिण कोरियामा हालसम्म ५ संक्रमितको मृत्यु पुष्टि भएको छ । कोरियामा हालसम्म ६०२ जना संक्रमित फेलापरेका छन् । कोरियन सरकारले देशमा ‘रेड अलर्ट’ जारी गरेको छ ।

उच्च मृत्युदरसहित संक्रमण महामारीउन्मुख भएपछि इरानका १४ प्रान्तमा आइतबारदेखि विद्यालय, विश्वविद्यालय तथा सांस्कृतिक केन्द्रहरू बन्द गरिएका छन् । त्यहाँको लोकप्रिय फुटबल प्रतियोगिता १० दिनका लागि स्थगित गरिएको छ । इरानमा कोरोना संक्रमणबाट ज्यान गुमाउने सबै इरानी नागरिक भएको स्थानीय सञ्चारमाध्यमले बताएका छन् ।

इरानमा एक्कासि फैलिएको कोरोनाले विश्व समुदायमा हलचल ल्याएको छ । यसअघि विश्वका करिब ३ दर्जन देशमा भाइरस फैलिँदा त्यसको प्रत्यक्ष ‘कनेक्सन’ चीनसित भेटिएको थियो । तर, इरानमा हालसम्म भेटिएका संक्रमित केही पनि चीन गएर आएको पुष्टि भएको छैन । यद्यपि, भाइरसको संवाहक (क्यारियर) चीन भएर आएको व्यक्ति नै हुन सक्ने अनुमान गरिएको छ । इरानी स्वास्थ्यमन्त्रीले चिनियाँ संवाहक नै इरानमा महामारी स्रोत भएको दाबी गरेका छन् । यदि त्यस्तो नभएमा कोरोना भाइरस नियन्त्रणमा विश्वसामु चुनौती थपिएको छ ।

चीनको हुबेई प्रान्तअन्तर्गत उहानबाट गत डिसेम्बरको अन्तिम सातादेखि देखिएको नयाँ कोरोना भाइरसले शनिबारसम्म चीनमा २,४४२ जनाको ज्यान लिइसकेको छ, जसमा हुबेई प्रान्तका मात्र २,३४६ जना छन् । चीनमा हालसम्म ७६,९३६ जनामा संक्रमण पुष्टि भएको छ । चीनमा संक्रमितको मृत्युदर ०.०३ प्रतिशत छ । चीनमा हालसम्म २२,२८८ जना संक्रमित रोगमुक्त भएर अस्पतालबाट घर फर्किसकेको चिनियाँ अधिकारीले बताएका छन् ।

इरानमा पहिलो संक्रमण देखिएको आइतबार पाँचौँ दिन आइपुग्दा ८ जनाको ज्यान गइसकेको छ । इरानमा भेटिएका संक्रमितमध्ये अधिकांश कोम सहरका छन् या त हालसालै कोम भ्रमण गरेका छन् । कोम राजधानी तेहरानको सदरमुकाम हो । पछिल्लोपटक भेटिएका १० मध्ये ८ संक्रमित कोमका छन् । चीनको उहानजस्तै इरानमा कोम सहर सबैभन्दा बढी प्रभावित बनेको छ । यद्यपि, इरानमा कोरोना भाइरसको उद्गमस्थल भने पहिचान भइसकेको छैन ।

  • ताजा समाचार
  • जनप्रिय

हेल्थपोष्ट टुइट्स सबै

कोरोनाले दक्षिण कोरिया जाने ४० नेपाली कामदार रोकिए, ५० दिनको भिसा थप्ने तयारी

कोरोना भाइरस (कोभिड–१९)को संक्रमणका कारण दक्षिण कोरियामा नेपाली कामदारलाई रोकिएको छ । दक्षिण कोरियामा संक्रमण बढेपछि आगामी साता कोरिया जाने तयारीमा रहेका ४० नेपालीको उडान रोकिएको हो ।

वैदेशिक रोजगार विभागअन्तर्गत इपिएस शाखाका निर्देशक कृष्णप्रसाद खनालका अनुसार १८ फागुनमा ४० जना नेपाली पठाउने तयारी गरिएको थियो । तर, तत्काल उनीहरूलाई पठाइनेछैन । घरबिदामा आएका र भिसा लागिसकेका कामदारका लागि कोरियाले ५० दिनको भिसा थप गर्ने भएको छ । भिसाको म्यादका कारण श्रमिक नरोकिऊन् भनेर कोरियाले म्याद थपिदिने भएको हो ।

इपिएसमार्फत हालसम्म ६३ हजार २ सय ८० जना नेपाली कोरिया पुगेका छन्, जसमा ३ हजार ७ सय ८१ महिला छन् । गत वर्ष ४ हजार ५ सय ७१ नेपाली कामदार कोरिया गएका थिए । यीबाहेक अध्ययनलगायत अन्य प्रयोजनका लागि पनि नेपाली कोरियामा छन्, जसको यकिन तथ्यांक उपलब्ध छैन ।

सन् २०२० मा करिब ७ हजार नेपाली रोजगारीका लागि दक्षिण कोरिया जाँदै छन् । इपिएस परीक्षामा पास भएकामध्ये ‘स्किल टेस्ट’मार्फत उनीहरूले अनुमति पाएका थिए । इपिएसका लागि लामो समय अध्ययन गरेर समय र पैसा खर्चिएर उड्न तयार भएका नेपाली कामदारलाई कोरोना महामारीले रोकेको छ । यद्यपि, रोगको जोखिमका बीच पठाउनुभन्दा केही समय ढिला गरेरै पठाउँदा उपयुक्त हुने निष्कर्षमा सरकार पुगेको हो ।

यसैबीच, संक्रमित क्षेत्रमा समेत नेपाली कार्यरत रहेकाले कोरियास्थित नेपाली दूतावासले सावधानी अपनाउन अपिल गरेको छ ।  दक्षिण कोरियाली सञ्चारमाध्यमका अनुसार हालसम्म त्यहाँ साढे पाँच सयभन्दा बढीमा भाइरसको संक्रमण पुष्टि भइसकेको छ ।

कोरियामा संक्रमण बढिरहेको अवस्थामा थप नेपालीलाई पठाउनु उपयुक्त नभएकाले हालका लागि नपठाइएको शाखाले जनाएको छ । कोरियास्थित दूतावाससँग निरन्तर छलफल भइरहेको र त्यहाँको अवस्थाअनुसार निर्णय लिइने शाखाले बताएको छ ।

नेपाली दूतावासका अनुसार कोरियामा सबैभन्दा बढी थेगु सहर प्रभावित छ, जहाँ करिब १ हजार नेपाली श्रमरत छन् । यद्यपि, हालसम्म कुनै पनि नेपालीमा कोरोनाको संक्रमण नभएको दूतावासको भनाइ छ ।

  • ताजा समाचार
  • जनप्रिय

हेल्थपोष्ट टुइट्स सबै

दूतावासको अपिल – कोरियामा रहेका नेपालीले विशेष सावधानी अपनाउनू

दक्षिण कोरियामा रहेका नेपालीलाई कोरोनाको संक्रमण फैलन सक्ने भएकाले विशेष सावधानी अपनाउन सिओलस्थित नेपाली दूतावासले आग्रह गरेको छ।
दक्षिण कोरियामा कोरोना संक्रमित संख्या चार सय नाघिसकेको र केही दिनयता संत्रमण बढ्दै गएकाले दूतावासले विज्ञप्ति निकालेर सजग रहनका लागि आग्रह गरेको हो।

सम्बद्ध निकायहरुबाट हुँदै आएका नियन्त्रण र रोकथामका सशक्त प्रयासहरुका बावजुद दक्षिण कोरियामा कोरोना भाइरसको संक्रमण दिनानुदिन बढ्दै गएकोप्रति सबैले अझ बढी सजग र सचेत हुनु पर्नेमा दूतावासले जोड दिएको छ।कोरोनाको शंका भएमा अवैधानिक रुपमा कोरियामा रहेका विदेशीहरु समेत सार्वजानिक स्वास्थ्य संस्थाहरुमा गइ चेकजाँच तथा उपचार गराउन र उपचार गर्न दूताबासले आग्रह गरेको छ।

अवैध रुपमा रहेका कामदारलाई कोरिया सरकारले केही नगर्ने सहमति गरेकाले शंका लागेको खण्डमा अस्पताल जानको अनुरोध गरेको छ।
विज्ञप्तिमा भनिएअनुसार सबैभन्दा धेरै संख्यामा संक्रमितहरु देखापरेका थेगु तथा आसपासका क्षेत्रमा रहेका नेपाली विद्यार्थी, अन्य पेसा, व्यवसाय र श्रम गरी बसेका नेपालीलाई विशेष सावधानी अपनाउन आग्रह गरेको छ।

  • ताजा समाचार
  • जनप्रिय

हेल्थपोष्ट टुइट्स सबै

खरीपाटी ‘क्वारेन्टाइन’ र तर्सिएको बस्ती

भक्तपुरको खरीपाटी अहिले चर्चामा छ, कारण अरु होइन, चीनको उहानबाट फर्काइएका नेपालीलाई त्यहाँ राखिएको छ।

बाँसघारी टोल। त्यही टोलमा नेपाल विद्युत प्राधिकरणको तालिम केन्द्र छ, जहाँ उहानबाट ल्याइएका नेपालीलाई ‘क्वारेन्टाइन’मा राखिएको छ।

चीनको उहान सहरबाट तीब्रगतिमा फैलिइरहेको कोरोना भाइरस(कोभिड–१९)का कारण थुनिएका नेपालीलाई आइतबार बिहान यहाँ ल्याइएको हो।

तर, सरकारले स्थानीयलाई राम्रोसँग बुझाउन सकेन। उनीहरुलाई त्यहाँ राख्ने कि नराख्ने भन्नेबारेमा विवादहरु नभएका होइनन् तर, ‘मानवीय संवेदना’ जोडिएको यो विषय त्यत्तिधेरै विवादित भएन।
अहिले टोल दिनदिनै जसो सुनसान हुँदैछ।

उहानबाट फर्किएका १ सय ७५ जना नेपाली अहिले त्यही ‘क्वारेन्टाइन’मा छन्।

वरिपरिका अधिकांश घरहरुमा भने मंगलबार पनि ताला लगेको देखियो।

छेउछाउका चिया पसलहरुमा मानिसको भीड लगभग छैन। वरिपरिका केही घरहरुमा वृद्धवृृद्धामात्रै भेटिए।

हेल्थपोस्ट नेपालको टीम मंगलबार त्यहाँ पुग्दा स्वास्थ्य तथा जनसंख्या मन्त्री भानुभक्त ढकाल क्वारेन्टाइनको ‘निरीक्षण’ गरेर फर्किँदै थिए।

उनीहरुलाई त्यहाँ ल्याउनासाथ टोलका मानिसले घर छोड्न थालेपछि मंगलबार बिहानै भक्तपुरकी प्रमुख जिल्लाअधिकारी हुमकला पाण्डे स्थानीयलाई सम्झाउन पुगेकी थिइन्।

‘यहाँका मान्छे त सबै हिँड्न थाले, धेरै घरमा ताला लागिसकेको छ’ पसल कुरिरहेका एक युवकले भने ‘खै रोग सर्छ भन्ने डरले हो कि?’

यद्यपि यहाँ राखिएका १ सय ७५ नेपालीमध्ये अहिलेसम्म कसैलाई पनि कोरोनाको संक्रमण पुष्टि भएको छैन।

उनीहरुलाई चीनमै पनि परीक्षण गरेर यहाँ ल्याइएको हो।

नजिकै एक घरमा भेटिएकी ७० वर्षीया महिला भन्दै थिइन् ‘तपाइँहरु पनि भित्रै गएर आउनुभाको, टोलका मान्छे त ताला लगाएर हिँडे त?’
हामीले सोध्यौँ, ‘तपाई त घरमै हुनुहुँदोरहेछ नि?’

‘हामी त डुब्न लागेको घाम । आज हो कि भोलि’ उनी भन्दैथिइन् ‘छोरा– नातिलाई केहि नभए हुन्थ्यो।’

उनीहरुलाई रोग लागेरै त्यहाँ राखिएको होइन। आम टोलवासीलाई भने लागेको छ ‘यो पक्कै हामीलाई पनि सर्छ।’ ति महिला पनि भन्दै थिइन् ‘विदेशतिर त यो रोगले धेरै मान्छे मरेका छन् रे!’

क्वारेन्टाइन वरिपरि सुरक्षाकर्मी राखिएको छ। कसैलाई पनि भित्रबाहिर गर्न दिइएको छैन।

त्यत्तिकैमा एक जना मानिस केही सामान लिएर आए। उनलाई सुरक्षाकर्मीले रोके।

ती व्यक्तिले क्वारेन्टाइनमा भएका आफन्तका लागि केही सामानहरु ल्याइदिएका थिए।

सुरक्षाकर्मीले चेकजाँच गरेपछि ‘हामी पुर्‌याइदिन्छौं’ भन्दै सामान राखेर उनलाई फर्काइदिए।

स्वास्थ्यमन्त्री ढकाल क्वारेन्टाइन पुगे
केहीबेरपछि साइरन बजाउँदै केही एक हुल गाडीको लश्कर तालिम केन्द्रभित्र छिर्यो।

त्यसमा स्वास्थ्य तथा जनसंख्या मन्त्री भानुभक्त ढकालसहितको टोली थियो।

मन्त्रीले क्वारेन्टाइनको अनुगमन गरे।

बाहिर निस्किएर उनले वस्तीका मानिसलाई पनि नआत्तिन भने।

‘चीनमा हुँदा किन नेपाल ल्याइनस् भनेर विरोध गर्छन्, यहाँ ल्याउँदा हाम्रो घर अगाडीको बाटो ल्याउलास्! भन्छन् मन्त्री ढकालले भने, ‘हाम्रो मनोविज्ञानका कारणले समाजमा भ्रम फैलिएको छ ।’
यहाँ आउने थप समस्यालाई राज्यको तर्फबाट सहकार्य गर्ने प्रतिबद्ध रहेको मन्त्री ढकालले बताए ।

चिकित्सक टोलीका प्रमुख नेपाली सेनाका मेजर डाक्टर नवीन फुयाँलले क्वारेन्टाइनमा रहेका सबै नेपाली हालसम्म पुर्णरुपले स्वस्थ रहेको बताए ।
डा. फुयाँलका अनुसार उनीहरुको २४ घण्टामा दुई पटक बिहान र बेलुका शरीरको तापक्रम नाप्नुका साथै सबै निगरानी गरिएको छ ।

तालिक केन्द्रको दक्षिणतर्फ रहेको क्यारेन्टाइनमा ब्लक, ए,बी र सी गरि विभाजन गरिएको छ ।

ठूला दुई भवनमा पुरुष, परिवारसहित आउने टोली, रातो भवनमा महिला र अर्को सानो क्वार्टरको भवनमा चिकित्सकसहितको स्वास्थ्यकर्मि राखिएको छ ।

  • ताजा समाचार
  • जनप्रिय

हेल्थपोष्ट टुइट्स सबै

चीनमा ६ दिनभित्र मास्क फ्याक्ट्री निर्माण सम्पन्न गर्न काम सुरु, प्रतिदिन साढे २ लाख थान उत्पादन हुने

डेढ महिनादेखि कोरोना भाइरस (कोभिड–१९) को महामारी चलिरहँदा चीनमा मास्कको अभाव चुलिएको छ । मास्को बढ्दो मागलाई सम्बोधन गर्न चीनले ६ दिनभित्र नयाँ मास्क फ्याक्ट्री निर्माण गर्ने भएको छ । दैनिक २ लाख ५० हजार थान उत्पादन क्षमताको सो फ्याक्ट्री निर्माणको काम सोमबारबाट सुरु भएको चिनियाँ अधिकारीले जनाएका छन् ।

चीनले एक औद्योगिक भवनमा मास्क फ्याक्ट्री बनाउन लागेको हो । फ्याक्ट्रीको निर्माण चाइना फर्स्ट कन्स्ट्रक्सन ग्रुपले थालेको छ । सोमबार निर्माण सुरु गरिएको फ्याक्ट्री शनिबारसम्म सम्पन्न हुने र आइतबारदेखि उत्पादन सुरु गर्ने योजना छ । यसैबीच, नेपाल सरकारले गत साता चीन सरकारलाई एक लाख थान मास्क सहयोग गरेको थियो ।

यसअघि चीन सरकारले कोरोना संक्रमितको उपचारका लागि १० दिनको बीचमा हजार बेडको अस्पताल निर्माण सम्पन्न गरेर दुनियाँलाई चकित बनाइदिएको थियो । हाल चीनले कोरोना संक्रमितको उपचारका लागि विभिन्न स्थानमा गरी करिब ६ हजार बेडको अस्थायी अस्पतालहरू सञ्चालनमा ल्याएको छ । यद्यपि, चिनियाँ राष्ट्रपति आफ्नो देशमा स्वास्थ्य प्रणाली निकै कमजोर साबित भएकाले कानुनमा परिवर्तनको आवश्यकता औँल्याइरहेका छन् ।

छिमेकी देश चीन भाइरसले आक्रान्त भइरहँदा नेपालमा पनि सावधानी र बचाउका उपाय अवलम्बन गर्न थालिएको छ । यसक्रममा नेपालमा पनि मास्कको माग ह्वात्तै बढेको छ । बढ्दो माग र भारत र चीनले मास्क निर्यातमा लगाएको रोकका कारण नेपाली बजारमा मास्क न्यून भएको हो ।

बढ्दो मागको फाइदा उठाउँदै मास्कको मूल्य अस्वाभाविक रूपमा बढाइएको छ । केही साताअघिदेखि नै बजारमा कृत्रिम अभाव सिर्जना गरेर चर्को मूल्यमा मास्क विक्री गर्न व्यापारीहरू सक्रिय गरेको पाइएको छ । यद्यपि, नेपाल सरकारले यसअघि नै मास्को कारोबजारी नगर्न उत्पादक तथा व्यापारीलाई सचेत गराइसकेको छ ।

नेपाली खुद्रा बजारमा प्रतिथान ५ रुपैयाँमा विक्री हुँदै आएको साधारण मास्क १५ देखि २५ रुपैयाँसम्म विक्री गरिँदै छ । हेलसेल मूल्य ९० देखि १०० रुपैयाँ रहेको एक बट्टा साधारण मास्क ५०० रुपैयाँआसपासमा विक्री भइरहेको र त्यो पनि सबैको पहुँचमा नभई लुकी–छिपी कारोबार भइरहेको क्षेत्रपाटीस्थित एक एक होलसेलर बताउँछन् । भाइरसबाट प्रतिरक्षाका मापदण्ड तोकिएका गुणस्तरीय मास्कको हकमा भने अभावकै अवस्था रहेको उनको भनाइ छ ।

चीनमा कोभिड–१९ संक्रमणबाट मृत्यु संख्या १७७० पुग्यो, ७०,५१९ मा संक्रमण पुष्टि
चीनमा कोरोना भाइरस डिजिजको संक्रमणबाट मृत्यु हुनेको संख्या १७७० पुगेको छ । आइतबार (२४ घण्टाभित्र) १०० संक्रमितको मृत्यु भएको र १६९६ नयाँ संक्रमित फेलापरेको चीनको हेल्थ कमिसनले पुष्टि गरेको छ । यससँगै चीनमा कोरोना संक्रमितको संख्या ७० हजार ५ सय १९ पुगेको छ ।

कोभिड–१९ को उद्गमस्थल तथा सबैभन्दा बढी प्रभावित क्षेत्र हुबेई प्रान्तमा मात्र ५८ हजार १ सय ८० जनामा संक्रमण पुष्टि भइसकेको छ, जसमा ६ हजार ६ सय ३० जनाले स्वास्थ्यलाभ गरेका छन् । गत डिसेम्बरको अन्तिम साता हुबेई प्रान्तको उहान सहरमा पहिलो संक्रमित भेटिएका थिए । महामारीका कारण उहानलगायत चीनका ३० भन्दा बढी सहर करिब ४ सातादेखि बन्द छन् ।

चीनबाहिर हालसम्म कोरोना संक्रमणले ४ जनाको ज्यान गएको छ । फिलिपिन्स, हङकङ, जापान र फ्रान्समा एक–एकजना संक्रमितको मृत्यु भएको हो ।

छिमेकी देश भारतमा भने ३ जनामा कोरोना संक्रमण देखिएकोमा सबैको स्वास्थ्मा सुधार आइरहेको बताइएको छ । केरल प्रान्तमा संक्रमण पुष्टि भएका ३ मध्ये दुईजना अस्पतालबाट डिस्चार्ज भएको भारतीय अधिकारीले जनाएका छन् । अर्का एक संक्रमितको पनि स्वास्थ्यमा सुधार आइरहेको अधिकारीको भनाइ छ ।

हुबेईबाट उद्धार गरेर भारत लगिएका भारतीय कसैमा पनि संक्रमण नरहेको भारतीय अधिकारीले जनाएका छन् । १४ दिनको क्वारेन्टाइनको अन्तमा गरिएको रगतको परीक्षणमा सबैको रिपोर्ट नेगेटिभ आएपछि उनीहरूलाई सोमबारदेखि क्रमिक रूपमा घर पठाउने तयारी गरिएको छ । हुबेईबाट एयरलिफ्ट गरिएका ४०६ जनामा संक्रमण नपाइएको आइतबार सार्वजनिक गरिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै