नेपालमा ३ हजार २३५ मा कोरोना संक्रमण, १३ जनाको मृत्यु

नेपालमा विभिन्न जिल्लामा शनिबार थप ३२३ जनामा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा शनिबार प्रवक्ता डा.विकास देवकोटाले थप ३२३ जनामा कोरोना संक्रमण देखिएको बताए ।

शनिबार थपिएका मध्ये २८६ पुरुष र ३७ महिला रहेका छन् । विभिन्न प्रयोगशालामा गरिएको परीक्षणमा सो संक्रमण देखिएको हो।

यो सँगै कोरोना संक्रमित संख्या ३ हजार २ सय ३५ पुगेको मन्त्रालयले जनाएको छ। जसमध्ये ३ हजार ३ पुरुष र २ सय ३२ महिलामा संक्रमण पुष्टि भएको छ ।

हालसम्म ३६५ जना कोरोना संक्रमणबाट निको भएर घर फर्किएका छन्। गत २४ घण्टामा ३२ जना डिस्चार्ज भएका छन् । डिस्चार्ज भएका मध्ये २९९ पुरुष र ६६ जना महिला रहेको मन्त्रालयले जनाएको छ।

मन्त्रालयका अनुसार हालसम्म देशका ७०  जिल्लामा संक्रमण देखिएको छ।

जेठ २० गते होम क्वारेन्टाइनमै मृत्यु भएका डोल्पाको जगदुल्ला गाउँपालिका ३ का ५८ वर्षीय पुरुषमा कोरोना पोजेटिभ देखिएको मन्त्रालयले जनाएको छ ।

जेठ १६ गते सुर्खेतबाट गाउँपालिकाको क्वारेन्टाइनमा पुगेका उनको २० गते बुधबार होम क्वारेन्टाइनमै रहेको बेला मृत्यु हो । जेठ २२ गते पिसिआर गर्दा उनमा कोरोना पोजेटिभ देखिएको हो।

२० गते मृत्यु भएका उनको २२ गते स्वाब संकलन गरी परीक्षण गर्दा उनमा कोरोना भाइरस पोजेटिभ देखिएको हो । त्यसैगरी, धनगढीस्थित सेती अस्पतालमा उपचारका क्रममा मृत्यु भएकी ५५ वर्षीया महिलामा कोरोना भाइरसको संक्रमण पुष्टि भएको मन्त्रालयले जनाएको छ ।

शुक्रबार डायलाइसिसका क्रममा मृत्यु भएको हो। उनको पिसिआर परीक्षणका क्रममा कोरोना पोजिटिभ देखिएको छ। यो सहित नेपालमा कोरोना संक्रमण देखिएका १३ जनाको मृत्यु भएको छ।

  • ताजा समाचार
  • जनप्रिय

हेल्थपोष्ट टुइट्स सबै

नेपालमा थप २८८ जनामा कोरोना संक्रमण

नेपालमा विभिन्न जिल्लामा थप २८८ जनामा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा मगंलबार प्रवक्ता डा. विकास देवकोटाले थप २८८ जनामा कोरोना संक्रमण देखिएको बताए ।

विभिन्न प्रयोगशालामा गरिएको परीक्षणमा सो संक्रमण देखिएको हो। हालसम्म २६६ जना कोरोना संक्रमणबाट निको भएर घर फर्किएका छन् । मगंलबार २७० जना पुरुष र १८ जना महिलामा संक्रमण पुुष्टि भएको हो ।

यो सँगै नेपालमा नेपालमा संक्रमितको संख्या २ हजार ९९ पुगेको छ । संक्रमण देखिएकामध्ये १९४९ जना पुरुष रहेका छन् भने जना १५० महिला रहेका छन्।
मन्त्रालयका अनुसार हालसम्म देशका ६१ जिल्लामा संक्रमण देखिएको छ। संक्रमण देखिएकामध्ये ८ जनाको मृत्यु भएको छ।

  • ताजा समाचार
  • जनप्रिय

हेल्थपोष्ट टुइट्स सबै

संक्रमितको आशंकामा नगरपालिकाले रातो झण्डा गाड्यो, सर्वत्र विरोध

बिर्तामोड नगरपालिकाले कोरोना भाइरस संक्रमित बसेको हुनसक्ने आशंका गरिएका घरमा रातो झण्डा गाडेपछि त्यसको सर्वत्र विरोध भएको छ।

नगरका २० घरमा त्यस्तो झण्डा गाडिएपछि यतिबेला उक्त कार्यको चर्को विरोध भइरहेको छ। सामाजिक सद्भाव र एकता नै खल्बलिने काममा स्वयं नगरपालिका उद्धत हुनु दुर्भाग्यपूर्ण भएको सम्बन्धित घरधनी बताउँछन्। नगरपालिकाका २० घरमा रातो झण्डा राखिएको नगर सदस्य ढाँचाराम कडरिया (डिआर) ले बताए।

पछिल्लो पटक बिर्तामोड नगरपालिका वडा ५ को एक घरमा रातो झण्डा राखेपछि सरोकारवालाले चासो व्यक्त गरेका हुन्। खतराको संकेतका रूपमा उक्त वडाका दुईटा घरमा रातो झण्डा राखिएको सदस्य कडरियाले बताए। बिर्तामोड–४ को ३ घरमा रातो झण्डा राखिएको छ। विदेशबाट आएकाहरू सार्वजनिक क्वारेन्टाइनमा नगई घरमै बसेको अवस्थामा होम क्वारेन्टाइनको संकेतका रूपमा रातो झण्डा राखिएको नगरपालिकाको प्रष्टिकरण छ।

दुई दिनअघि भारतबाट आएका एक व्यक्ति क्वारेन्टाइनमा नगई घरमा गएपछि संकेतका रूपमा रातो झण्डा राख्नुपरेको ५ नम्बर वडा कार्यालयको जिकिर छ।

नगरपालिकालाई तत्काल रातो झण्डाको विकल्प खोज्न मानव अधिकारवादीले सुझाव दिएका छन्। बिर्तामोड नगरपालिकामा सुरु गरेको उक्त अभियान मानव अधिकारको विश्वव्यापी सिद्धान्त र सामाजिक न्यायको दृष्टिकोण विपरीत भएको राष्ट्रिय मानव अधिकार प्रतिष्ठानका केन्द्रीय सदस्य डा. रुपक खनालले बताए।

उनले भिडियो कन्फ्रेन्समार्फत सामाजिक विभेद र बहिष्कारको वातावरण अन्त्य गर्न नगरपालिका नेतृत्वलाई सुझाए। मानव अधिकार सञ्जाल झापाका अध्यक्ष विष्णु खरेलले नगरपालिकाको उक्त कार्य अन्तर्राष्ट्रिय मानव अधिकार कानुन र नेपालको संविधानमा व्यवस्था भएको मानव अधिकारसम्बन्धी हक विपरीत भएको बताए। उनले व्यक्तिगत गोपनीयताको हकको रक्षा गर्न नगरपालिका चुकेको जनाए। आशंकाकै भरमा कोही पनि व्यक्ति र उसको परिवारको सदस्य विभेद र सामाजिक अपहेलनाबाट पीडित हुन नहुने संवैधानिक व्यवस्था छ।

तर, नगरपालिकाले यसको ख्याल नै नगरी सार्वजनिक रूपमा रातो झण्डा राखेपछि त्यसको विरोध भएको हो। भौतिक दूरी कायम गराउन, छिः छिः दुरदुर नगर्न, एकअर्कामा माया र सद्भाव बाँड्दै, कोरोनाबाट बच्नु र बचाउनुपर्ने समयमा नगरपालिकाले सार्वजनिक रूपमा संकेत गरेर आफूहरूलाई मानसिक तनाव दिएको झण्डा राखिएका घरका सदस्यहरूको गुनासो छ।

बिर्तामोड नगरपालिकाकी उपप्रमुख पवित्रा महातरा प्रसाईंले त्यसको विकल्प खोजिने बताइन्। उनले अधिकारवादीसँगको छलफलमा त्यस्तो प्रतिबद्धता व्यक्त गरेकी हुन्। नियतवश रातो झण्डा नराखिएको र त्यसलाई हटाउने उनले जनाइन्।

  • ताजा समाचार
  • जनप्रिय

हेल्थपोष्ट टुइट्स सबै

कोरोना संक्रमित संख्या १८ सय नाघ्यो

नेपालमा कोरोना संक्रमित १ हजार ८ सय ११ पुगेको स्वास्थ्य तथा जनसंख्या मन्त्रालयले जनाएको छ । प्रादेशिक जनस्वास्थ्य प्रयोगशालामा गरिएको परीक्षणमा थप १३ जनामा संक्रमण पुष्टि भएको छ । यो सँगै नेपालमा संक्रमित संख्या १ हजार ८ सय ११ पुगेको मन्त्रालयले जनाएको हो ।

रुपन्देहीमा गरीएको परीक्षणमा पाल्पा निस्दी गाँउपालिका १७ र ३६ वर्षका पुरुषमा संक्रमण देखिएको हो । नवलपरासीको सरावल गाँउपालिका ६ वर्षका बालकमा पनि संक्रमण पुष्टि भएको मन्त्रालयले जनाएको छ । त्यसैगरी, गुल्मी रेसुगा नगरपालिका २६ वर्षका पुरुषमा संक्रमण देखिएको छ ।

कपिलवस्तुको मायादेवी गाँउपालिका १९,२१,२६,२६, २७,३५ र ४० वर्षका पुरुषमा पनि कोरोना पुष्टि भएको छ । रुपन्देहीको गैडहवा गाउँपालिकामा ३ वर्षे बालिका र ५४ वर्षका पुरुष संक्रमण देखिएको मन्त्रालयले जनाएको छ ।

मन्त्रालयलको अनुसार हालसम्म ५९ जिल्ला कोरोना संक्रमण फैलिएको छ । संक्रमण देखिएकामध्ये ८ जनाको मृत्यु भएको छ। हालसम्म कुल संक्रमित मध्ये २२१ निको भएर डिस्चार्ज भएका छन् ।

 

  • ताजा समाचार
  • जनप्रिय

हेल्थपोष्ट टुइट्स सबै

नेपालमा कोरोना संक्रमित संख्या १५६७ पुग्यो

नेपालमा विभिन्न जिल्लामा थप १६६ जनामा कोरोना भाइरसको संक्रमण देखिएको छ। योसहित नेपालमा संक्रमण संंख्या १५६७ पुगेको छ।

स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा आइतबार प्रवक्ता डा. विकास देवकोटाले कुल संक्रमित १५६७ पुगेको जानकारी दिए।

विभिन्न प्रयोगशालामा गरिएको परीक्षणमा सो संक्रमण देखिएको हो। आइतबार देखिएको संकमणमा १ सय ६२ जना पुरुष रहेका छन् भने ४ महिला रहेका छन् ।

कुल संक्रमित मध्ये हालसम्म २२० जना निको भएर घर फर्किएका छ ।

प्रदेश प्रयोगशाला पोखरामा गरिएको परीक्षणमा ३ जनामा संक्रमण देखिएको छ । उनीहरु तनँहुका २८ वर्षका पुरुष र स्याङझाका २८ र ४० वर्षका पुरुष रहेका छन् ।
नारायणी अस्पतालमा ५ जनामा कोरोना संक्रमण पुष्टि भएको छ । पर्साका २२ देखि ३६ वर्षका रहेका छन् ।

कर्णाली स्वास्थ्य विज्ञान प्रतिष्ठानमा ३७ जनामा कोरोना संक्रमण देखिएको मन्त्रालयले जनाएको छ । उनीहरु मध्ये १३ जना कालिकोटको शुभकालिका  र   महहिका ५ जनामा संक्रमण देखिएको छ ।

त्यसैगरी, दैलेखका ३५ वर्षका पुरुषमा पनि संक्रमण देखिएको छ । दैलेख नारायण गाउँपलिका १४ देखि ४१ वर्षसम्मका ९ जनामा पनि कारोना पुष्टि भएको छ । दैलेखको किम्दाका २६ वर्षका पुरुषमा पनि कोरोना देखिएको मन्त्रालयले जनाएको छ ।  दैलेख जिल्लाको देवलकानका ५ जना पुरुषमा संक्रमण पुष्टि भएको छ ।

रातापानीका र सादुका २ वर्षका पुरुषमा पनि संक्रमण देखिएको मन्त्रालयले जनाएको छ । बाजुराका ४० वर्षका पुरुषमा पनि संक्रमण भेटिएको छ ।

प्रदेश अस्पताल सुर्खेतमा गरिएको परीक्षणमा २६ जनामा कोरोना पुष्टि भएको छ । धुलिखेल अस्पतालमा गरीएको परीक्षणका कपिलवस्तुका शिवराजको ३२ वर्षका पुरुषमा संक्रमण देखिएको हो ।

भेरी अस्पतालमा गरिएको परीक्षणमा ८ जनामा कोरोना संक्रमण देखिएको छ । उनीहरु बाँके नैनापुरका २ , खजुराका १, नेपालगञ्जका ४, बैजनाथका १ जना पुरुष रहेका छन् ।

विपि कोइराला स्वास्थ्य विज्ञान प्रतिष्ठानमा गरिएको परीक्षणमा पनि १२ जना संक्रमण फेला परेको छ । उनीहरु सबै सप्तरी राजगढका रहेका छन् ।
सेती अस्पतालको प्रयोगशालामा ५ जनाको संक्रमण पुष्टि भएको छ ।

कैलालीका २३ वर्षका पुरुष, जानकी गाउँपालिका ३४ वर्ष पुरुष, त्रिनगर क्वारेन्टाइनका ४७ वर्षका पुरुष , बाजुरामा अस्पतालका रहेका २ वर्षका बालिका र २३ वर्षिया महिलाको संक्रमण देखिएको छ ।

कोसी अस्पतालमा प्रयोगशलामा ५ जनामा संक्रमण देखिएको छ । झापा गैरीगञ्जका ४ जना पुरुष र मोरङ, विराटनगरका ४५ वर्षीया महिलामा संक्रमण देखिएको मन्त्रालयले जनाएको छ ।

राष्ट्रिय जनस्वास्थ्य प्रयोगशालामा गरिएको परीक्षणमा ६४ जनामा कोरोना पोजेटिभ देखिएको छ । धनुषाका २१, कपिलवस्तुका ४, रौतहटका क्वारेन्टाइनमा रहेका २९, सलार्हीका १० जनामा कोरोना संक्रमण देखिएको छ ।

हालसम्म १ हजार ४५० पुरुष र ११७ महिलामा कोरोना पुष्टि भएको छ ।  प्रदेश १ मा १६५, प्रदेश २ मा ६२४, बागमती प्रदेशमा ४५, गण्डकी प्रदेशमा २३, प्रदेश ५मा ५६० , कर्णाली प्रदेशमा १२३ र सुदुरपश्चिम प्रदेशमा २७ जनामा संक्रमण फेला परेको छ ।

  • ताजा समाचार
  • जनप्रिय

हेल्थपोष्ट टुइट्स सबै

एकैदिन १८९ जनामा कोरोना संक्रमण

नेपालमा विभिन्न जिल्लामा थप  १८९ जनामा कोरोना भाइरसको संक्रमण देखिएको छ। योसहित नेपालमा संक्रमण संंख्या १४०१ पुगेको छ।
स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा शनिबार प्रवक्ता डा. विकास देवकोटाले कुल संक्रमितको संख्या १४०१  पुगेको जानकारी दिए।

विभिन्न प्रयोगशालामा गरिएको परीक्षणमा यति ठुलो संख्यामा संक्रमण पुष्टि देखिएको हो। एकैपटक यति धेरै सक्रमण फेला परेको पहिलो पटक हो।

कुल संक्रमित मध्ये हालसम्म २१९ जना निको भएर घर फर्किएका छ । शनिबार संक्रमण भेटिएका मध्ये १८५ जना पुरुष र ४ जना महिला रहेको छन् ।

कहाँ कति संक्रमित भेटिए ?

राष्ट्रिय जनस्वास्थ्य प्रयोगशलामा गरिएको परीक्षणमा १२४ पोजेटिभ आएको हो । धुनुषाका २० देखि ४२ वर्षसम्मका ७ जना पुरुष रहेको छन् । झापाका ४५ वर्षका पुरुष रहेका छन् ।

कपिलवस्तुका १६ देखि ६० वर्षसम्मका ७७ जना पुरुष रहेका छन् । त्यसैगरी ललिपुरका १ जना २३ वर्षकी महिलामा पनि संक्रमण देखिएको छ । महोत्तरीका २५ देखि ५५ वर्षसम्म ४ जना पुरुष रहेका छन् ।

रौतहटका ६ जना १८ देखि ४५ पुरुषमा संक्रमण पुष्टि भएको छ । सलार्हीका १७ जना १६ देखि ४० वर्षसम्मका पुरुष रहेका छन् । सिराहाका ११ जना १७ देखि ४० वर्षसम्मका पुरुषमा संक्रमण भेटिएको मन्त्रालयले जनाएको छ ।

प्रादेशिक प्रयोगशाला रुपन्देहीमा गरिएको परीक्षणमा २६ जनामा संक्रमण देखिएको छ । कपिलवस्तुका २९ जना पुरुषमा संक्रमण देखिएको छ ।

विपि कोइराला स्वास्थ्य विज्ञान प्रतिष्ठानमा ९ जनामा संक्रमण भेटिएको हो । त्यसैगरी, राप्ती स्वास्थ्य विज्ञान प्रतिष्ठानमा ८ जनामा कोरोना पोजेटिभ देखिएको छ ।

नारायणी अस्पपतामा गरिएको परीक्षणमा ३ जना संक्रमण देखिएको छ । कणार्ली स्वास्थ्य विज्ञान प्रतिष्ठानमा १४ जनामा सक्रमण पुष्टि भएको छ । कोसी अस्पतालमा गरिएको परीक्षणमा २ जनामा संक्रमण भेटिएको छ ।

हालसम्म १ हजार २ सय ८८ जना पुरुष र १ सय १३ जना महिलामा संक्रमण भेटिएको छ ।

कुन प्रदेशमा कति संक्रमित ?

प्रदेश १ मा १६०, प्रदेश २ मा ५४७, बागमती प्रदेशमा ४५, गण्डकी प्रदेशमा २०, प्रदेश ५ मा ५४७, कर्णली प्रदेशमा ६१, सुदुरपश्चिम प्रदेशमा २१ जनामा संक्रमण भेटिएको छ ।

हालसम्म ५३ जिल्लामा कोरोना भाइसका संक्रमित भेटिएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

११४ जनामा कोरोना संक्रमण, संक्रमित संख्या ८८६ पुग्यो

नेपालमा विभिन्न जिल्लामा थप ११४ जनामा कोरोना भाइरसको संक्रमण देखिएको छ। यो सहित नेपालमा संक्रमण देखिनेको संंख्या ८८६ पुगेको छ।

स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा बुधबार मन्त्रालयका प्रवक्ता डा‍‍‍‍ विकास देवकोटाले संक्रमितको संख्या ८८६ पुगेको जानकारी दिए।

एकैपटक यति धेरै सक्रमण फेला परेको पहिलो पटक हो। मन्त्रालयका अनुसार सबै संक्रमित क्वारेन्टाइनमा रहेका थिए। हालसम्म ७ सय ९६ पुरुष र महिला ९० जनामा संक्रमण देखिएको छ।

प्रदेशगत रूपमा हेर्दा प्रदेश १ मा १ सय ३, प्रदेश २ मा ३ सय २४, वागमती प्रदेशमा ३९, गण्डकी प्रदेशमा १३ जनामा संक्रमण देखिएको छ। त्यसैगरी, प्रदेश ५ मा ३ सय ६५ ,कर्णाली प्रदेशमा २५ र सुदूरपश्चिम प्रदेशमा १७ जनामा संक्रमण देखिएको छ।

हालसम्म ४७ जिल्लामा कोरोना संक्रमण फैलिइसकेको छ। कोरोना संक्रमण भएर मृत्यु हुनेको संख्या ४ पुगेको छ । कुल संक्रमित मध्ये १८३ निको भएर डिस्चार्ज भएका छन् ।

  • ताजा समाचार
  • जनप्रिय

हेल्थपोष्ट टुइट्स सबै

थप ७ जनामा कोरोना संक्रमण, संक्रमित संख्या ६ सय ८२ पुग्यो

नेपालमा थप ७ जनामा कोरोना भाइरसकाे संक्रमण देखिएको छ । यो सँगै संक्रमितको संख्या ६ सय ८२ पुगेको स्वास्थ्य तथा जनसंख्या मन्त्रालयले जनाएको छ ।

सेती अस्पताल, प्रयोगशालामा गरिएको परीक्षणमा अछामका ३२ वर्षीय पुरुष, भेरी अस्पतालको प्रयोशालामा गरिएको परीक्षणमा २२, २४ र १८ वर्षका तीन पुरुषमा पोजेटिभ देखिएको छ । त्यस्तै, नारायणी अस्पतालमा गरिएको परीक्षणमा दुई जनामा पोजेटिभ देखिएको छ ।

पर्साको क्वारेन्टाइनमा रहेका र बारामा कार्यरत २८ वर्षीय पुरुषमा संक्रमण देखिएको मन्त्रालयका प्रवक्ता डा. विकास देवकोटा  बताए ।

डा. देवकोटाका अनुसार कोरोनाको कारण अहिलेसम्म ४ जनाको मृत्यु भइसकेको छ । हालसम्म १ सय ११ जना डिस्चार्ज भएको उनले जानकारी दिए ।

  • ताजा समाचार
  • जनप्रिय

हेल्थपोष्ट टुइट्स सबै

काठमाडाैं, पर्सासहित विभिन्न जिल्लामा १९ जनालाई कोरोना पुष्टि, संक्रमितकाे संख्या ६०३

थप १९ जनामा कोरोना भाइरसको संक्रमण पुष्टि भएको छ । विभिन्न जिल्लामा संक्रमण देखिएको स्वास्थ्य तथा जनसंख्या मन्त्रालयको नियमित पत्रकार सम्मलेनमा प्रवक्ता डा. विकास देवकोटाले जानकारी दिए ।

प्रादेशिक जनस्वास्थ्य प्रयोगशाला विराटनगरमा गरिएको परीक्षणमा मोरङका ४५ वर्षे एक पुरुषमा संक्रमण देखिएको छ । राष्ट्रिय जनस्वास्थ्य प्रयोगशालामा परीक्षणमा बारा कलैयाका ३२ वर्ष पुरुष, वीरगञ्ज पर्साका २५ वर्षका पुरुष रहेको छन् ।

त्यसैगरी, पर्सा स्थायी ठेगाना भएका बारामा कार्यरत ३४ वर्षका पुरुष , पर्साका नागवका ६० वर्ष पुरुषमा संक्रमण पुष्टि भएको हो ।

मन्त्रालयका अनुसार रौतहट स्थायी ठेगाना भएका कलैया कार्यरत ३२ वर्षका पुरुष, सलार्ही हरिपुर–६ का ४८ वर्षका पुरुष, रुपन्देही समरिमाई–५ का ४०र ५० वर्षका पुरुषमा संक्रमण देखिएको छ ।

त्यसैगरी, रुपदेन्ही १ का ३२ वर्षका पुरुष, काठमाडौ सोह्रखुट्टेका ६९ वर्षका पुरुष, नुवाकोट ककनीका ३९ वर्षका पुरुष रहेका कोरोना पोजेटिभ देखिएको छ ।

प्रादेशिक जनस्वास्थ्य प्रयोगशाला भैरहवामा गरिएको परीक्षणमा रुपन्देही गैडाहवाका गाउँपालिका २३,३० र ४० वर्षका ३ पुरुषमा, कपिलवस्तु खैराते ३ का ३५, ३७ र ५२ वर्षका पुरुष र गुल्मी मदाने गाउँपालिका ३१ वर्षका पुरुषमा कोरोना संक्रमण पुष्टि भएको छ ।

यो सँगै नेपालमा संक्रमित संख्या ६ सय ३ पुगेको छ । जसमध्ये पुरुष ५ सय २४ र ७९ जना महिलामा संक्रमण देखिएको छ । आज नुवाकोटमा देखिएसँगै ४२ वटा जिल्लामा कोरोना संक्रमण देखिएको छ ।

प्रदेशगत रुपमा हेर्दा प्रदेश १मा ४६, प्रदेश २ मा १ सय ८९, बागमती प्रदेशमा ३४, गण्डकी प्रदेशमा ५, प्रदेश ५ मा २ सय ८१, कर्णाली प्रदेशमा ४, सुदुरपश्चिम प्रदेशमा १४ जनामा संक्रमण देखिएको छ ।

  • ताजा समाचार
  • जनप्रिय

हेल्थपोष्ट टुइट्स सबै

बाँके १४ सहित २० जनालाई कोरोना पाेजेटिभ, संक्रमितकाे संख्या ५ सय ७ पुग्यो

विभिन्न जिल्लामा थप २० जनामा कोरोना संक्रमण पुष्टि भएको छ। बाँके १४, कैलालीमा ३, बैतडीमा १, डडेल्धुरामा १, मोरङमा १ जनामा मा थप संक्रमण देखिएको स्वास्थ्य तथा जनसंख्या मन्त्रालयले जनाएको छ ।

संक्रमित सबै पुरुष रहेका छन् । यो सँगै नेपालमा संक्रमित संख्या ५ सय ७ पुगेको छ । जसमध्ये पुरुष ४ सय ३३ र महिला ७४ जना रहेका छन् ।
हालसम्म ४० वटा जिल्लामा कोरोना संक्रमित बिरामी फेला परेको मन्त्रालयले जनाएको छ ।

जसमध्ये प्रदेश १ मा ८५, प्रदेश २ मा १ सय ५१, बागमती प्रदेशमा २८, गण्डकी प्रदेशमा ५, प्रदेश ५ मा २ सय २७, कर्णाली प्रदेशमा १ र सुदरपश्चिम १० जना संक्रमित फेला परेका छन् ।

  • ताजा समाचार
  • जनप्रिय

हेल्थपोष्ट टुइट्स सबै

थप ९ कोरोना संक्रमण, संक्रमित संख्या ४ सय ५३ पुग्यो

थप ९ जनामा कोरोना संक्रमण देखिएको छ । झापामा ८ र रुपन्देहीमा १ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

रुपन्देही २७ वर्ष पुरुष, झापाका १७, २३, ५२ र ५५ वर्षका पुरुषहरुमा संक्रमण देखिएको हो । त्यसैगरी १८ र २० वर्षका २–२ जनामा संक्रमण देखिएको मन्त्रालयका प्रवक्ता डा. विकास देवकोटाले बताए ।

यो सगैं नेपालमा कोरोना संक्रमण हुने संख्या ४ सय ५३ पुगेको छ । जसमध्ये ३ सय ८३ जना पुरुष र ७० जना महिला रहेका छन् ।
हालसम्म संक्रमित जिल्ला ३८ पुगेको छ ।

जसमध्ये प्रदेश १ मा ८४, प्रदेश २ मा १ सय ३६, बागमती प्रदेशमा २६, गण्डकी प्रदेशमा ४, प्रदेश ५ मा १ सय ९७, कर्णाली प्रदेशमा १ र सुदुरपश्चिममा ५ जना संक्रमित रहेका छन् ।

  • ताजा समाचार
  • जनप्रिय

हेल्थपोष्ट टुइट्स सबै

थप २५ जनामा कोरोना संक्रमण, संक्रमित संख्या ४ सय २७ पुग्यो

बुधबार थप २५ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारीअनुसार संक्रमित ३ देखि ४८ वर्षका रहेका छन् ।  २५ जना संक्रमितमध्ये ७ महिला र १८ जना पुरुष छन् ।

जसमध्ये बाँकेमा ६ जनामा थप संक्रमण देखिएको छ । नरैनापुर-५ का १७, २०, २८, ३० र ४० का तथा खजुरा-५ का २७ वर्षका रहेेेेका छन् । त्यसैगरी धनकुटामा थप ५ जनालाई संक्रमण देखिएको छ । २८, २९, ३५, ३७ वर्षीय पुरुष रहेका छन् भने २४ वर्षीया महिला भएको मन्त्रालयले जनाएको छ ।

कपिलवस्तुमा थप १३ जनामा संक्रमण देखिएको छ । जसमध्ये २२, ३५, ४८ वर्षीय पुरुष विजयनगरको क्वारेन्टाइनमा रहेका थिए भने महाराञ्ज गाउँपालिकामा रहेका ३, ४, ६ वर्षका बालबालिका, १६, २५ र ३२ वर्षका महिला तथा १२, २०, २४ र ३४ वर्षीय पुरुष रहेका छन् ।

त्यसैगरी, नवलपरासी पश्चिममा २६ वर्र्षका एक जना पुरुषलाई संक्रमण देखिएको छ ।  यो सँगै नेपालमा कोरोना संक्रमित संख्या ४ सय २७ पुगेको छ । त्यसमध्ये पुरुष ३ सय ५८ र महिला ६९ जना रहेका छन् ।

संक्रमित जिल्ला हालसम्म ३८ पुगेको छ । जसमध्ये प्रदेश १ मा ५९, प्रदेश २ मा १ सय ३६, वागमती प्रदेशमा २६, गण्डकी प्रदेशमा ४, प्रदेश ५ मा १ सय ९६, कणाली प्रदेशमा १ र सुदूरपश्चिम प्रदेशमा ५ जना संक्रमित रहेका छन् ।

  • ताजा समाचार
  • जनप्रिय

हेल्थपोष्ट टुइट्स सबै

अमेरिकामा बढी संक्रमित देखिनु गर्वको कुरा हो :  राष्ट्रपति ट्रम्प

अमेरिकी राष्ट्रपति डोनाल्ड ट्रम्पले अमेरिकामा कोरोना भाइरसबाट सबैभन्दा बढीको मृत्यु र संक्रमित भेटिनु गर्व भएको बताएका छन्।

अमेरिकाको गुणस्तरीय स्वास्थ्य प्रणाली र सर्वसाधारणको स्वास्थ्य परीक्षणको दायरा फराकिलो भई धेरैको स्वास्थ्य चेकजाँच भएकाले भाइरसका धेरै संक्रमित भेटिएको र मृतकको संख्या बढी भएको दाबी गरे।

‘अमेरिकामा कोरोना भाइरसको संक्रमण बढी देखिनु गर्वको कुरा हो, हाम्रो स्वास्थ्य प्रणाली राम्रो अनि धेरैको स्वास्थ्य परीक्षण भएकाले संख्या बढेको हो,’ ट्रम्पले भनेका छन्।

ह्वाइटहाउसमा संवाददाताहरूसँग कुरा गर्दै उनले भने, ‘तपाईंहरूले अमेरिकामा संक्रमित संख्यामा सबैभन्दा बढी छ

भन्नुको मतलब हामीले अरूको भन्दा धेरैको स्वास्थ्य परीक्षण गरेका छौं भनेर बुझ्नु हो।’

अमेरिका कोरोना भाइरसबाट सबैभन्दा बढी प्रभावित बनेको छ। अमेरिकामा अहिलेसम्म ९३ हजार ५ सय ३३ जनाको मृत्यु भइसकेको छ र १५ लाख ७० हजार ५ सय ८३ जनामा संक्रमण देखिएको छ।

अमेरिकामा अहिलेसम्म १ करोड २६ लाख ४५ हजार ४ सय ७३ जनाको स्वास्थ्य परीक्षण भएको छ। संक्रमित १५ लाख ७० हजार ५ सय ८३ जनामध्ये ३ लाख ६१ हजार १ सय ८० जना उपचारपछि निको भइ घर फर्किसकेका छन् भने ११ लाख १५ हजार ८ सय ७० जनाको उपचार भइरहेको छ। संक्रमितमध्ये १७ हजार २ सय ४९ जनाको अवस्था गम्भीर रहेको छ।

  • ताजा समाचार
  • जनप्रिय

हेल्थपोष्ट टुइट्स सबै

इटहरीका एक युवामा कोरोना, भारतबाट लुकिछिपी सुनसरी छिरेका अर्का युवामा पनि संक्रमण

सुनसरीको इटहरीका एक जना युवकलाई कोरोना भाइरसको संक्रमण देखिएको छ।

सोमबार बिपी कोइराला स्वास्थ्य विज्ञान प्रतिष्ठानमा गरिएको पिसिआर परीक्षणमा १८ वर्षीय ती युवामा कोरोना संक्रमण देखिएको हो। ती युवा इटहरी उपमहानगरपालिकाको क्वारेन्टाइनमा राखिएका थिए।

क्वारेन्टाइनमा राखिएका युवामा कोरोना पोजेटिभ देखिएपछि बिपीको आइसोलेसन वार्डमा भर्ना गरिएको इटहरी उपमहानगरपालिकाका मेयर द्वारिकलाल चौधरीले बताए।
ती युवाको कोरोना संक्रमणको आधिकारिक पुष्टि भने स्वास्थ्य मन्त्रालयले गरिसकेको छैन।

यस्तै, भारतबाट नेपाल आएका सुनसरीकै गढी गाउँपालिका-२ का अर्का एक युवामा पनि कोरोना देखिएको छ। जेठ २ गते उनको स्वाब परीक्षणका लागि बिपी कोइराला स्वास्थ्य विज्ञान प्रतिष्ठान पठाइएको थियो। ती युवा पाँच दिनयता क्वारेन्टाइनमा राखिएका थिए।

संक्रमित युवा भारतबाट लुकिछिपी सुनसरी प्रवेश गरेका थिए। उनी दिल्लीबाट नेपाल आएको प्रहरीले जनाएको छ। रोजगारीका लागि उनी दिल्ली गएका थिए।

गढी गाउँपालिका २ का ती युवा नेपाल आएको थाहा भएपछि गाउँपालिकाले नै क्यारेन्टाइनमा पठाएको थियो।

  • ताजा समाचार
  • जनप्रिय

हेल्थपोष्ट टुइट्स सबै

एकै दिन थपिए ६२ कोरोना संक्रमित, ३१ फैलियो संक्रमण

नेपालमा थप ५३ जनामा कोरोना भाइरसको संक्रमण देखिएको छ ।  नेपालगञ्जको भेरी अस्पतालमा गरिएको प्रयोगशालामा थप ४७ जनामा संक्रमण देखिएको हो । बाँके जिल्लामा ४६ जना पुरुष र १ जना महिलामा कोरोना पोजेटिभ देखिएको स्वास्थ्य तथा जनसंख्या मन्त्रालयले जनाएको छ ।

त्यसैगरी, भैरहवाको प्रयोगशालामा गुल्मीका १ जना, धुलिखेल अस्पतालमा धनुषाका १, मोरङको प्रादेशिक अस्पतालको प्रयोगशालामा मोरङका १ जना पुरुष, रौतहट १, धादिङ १ र दाङका १ जनामा संक्रमण देखिएको छ ।

संक्रमित १८ देखि ४६ वर्षसम्मका रहेका मन्त्रालयका प्रवक्ता डा. विकास देवकोटाले बताए ।  सोमबार बिहान रौतहटमा ८ जनामा र बारामा १ जनालाई कोरोना संक्रमण देखिएको थियो ।

यो सँगैं नेपालमा कुल संक्रमित संख्या ३ सय ५७ पुगेको छ । जसमध्ये पुरुष २ सय ९८ र महिला ५९ रहेका छन् ।  कोरोना संक्रमति मध्ये ३६ जना निको भएर घर फर्किएका छन् भने २ जनाको मृत्यु भएको छ ।

३१ जिल्लामा कोरोना संक्रमण फैलिएको छ । प्रदेश १ मा ४०, प्रदेश २ मा १ सय ३२, बागमती प्रदेशमा १८, गण्डकी प्रदेशमा ३ प्रदेश ५ मा १ सय ५९ र सुदुरपश्चिम प्रदेशमा ५ जना संक्रमित रहेका छन् ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना संक्रमणबाट मृत्यु भएकी महिलाको सम्पर्कमा आएकाको परीक्षण सुरु, ४ सय जनाको नमुना परीक्षण गरिँदै

बिहीबार साँझ धुलिखेल अस्पतालमा कोरोनाका कारण मृत्यु भएकी सिन्धुपाल्चोक बाह्रबिसेकी महिला त्रिवि शिक्षण अस्पतालमा दुई दिन बस्दा सम्पर्कमा आएकाहरूको पहिचान सुरु गरिएको छ ।

त्रिवि शिक्षण अस्पताल जानुपूर्व गोंगबुको कोठादेखि सिन्धुपाल्चोक हुँदै धुलिखेलसम्म आइपुग्दाको सम्पर्कमा आएकाहरूको खोजी र परीक्षण सुरु गर्ने थालेको छ । काठमाडौंको गोगंबु, माछापोखरी लगायत स्थानबाट ४ सय जनाको नमुना संकलन गर्ने टोली परिचालन गरिएको स्वास्थ्य तथा जनसंख्या मन्त्रालयले जनाएको छ ।

आइतबार १ सय ५० जना पिसिआर र २ सय ५० जनाको आरडिटी मार्फत परीक्षण गर्ने मन्त्रालयका प्रवक्ता डा. विकास देवकोटाले जानकारी दिए । इपिडिमियोलोजी तथा रोग नियन्त्रण महाशाखाको नेतृत्वमा कन्ट्याक्ट ट्रेसिङको कार्य सुरु भएको हो ।

कोेरोना आशंकामा हालसम्म २८ हजार १ सय ६० जनाको पिसिआर मार्फत परीक्षण भएको छ । गत २४ घण्टामा १ हजार ४ सय ६९ नमुना परीक्षण भएको मन्त्रालयले जनाएको छ । आइतबार देशभर क्वारेन्टाइनमा १८ हजार ३ सय ५७ जना रहेका छन् ।

काठमाडौं उपत्यकामा ३५ र बाहिर ३ सय ११ गरी कुल ३ सय ४६ जना अस्पतालको आईसोलेसनमा रहेको मन्त्रालयले जनाकारी दिएको छ । कोरोना संक्रमित संख्या २ सय ९१ पुगेको छ । जसमध्ये २ सय ३६ पुरुष र ५५ जना रहेका छन् ।

हालसम्म कोरोना संक्रमण २८ जिल्लामा देखिएको छ । मन्त्रालयका अनुसार प्रदेश १ मा ३६, प्रदेश २ मा १ सय २१, वागमती प्रदेशमा १७, गण्डकी प्रदेशमा ३, प्रदेश ५ १ सय ९ र सुदुरपश्चिम प्रदेशमा ५ जना संक्रमित रहेका छन् । ३६ जना कोरोना निको भएर घर फर्किएका छन् भने २ जनाको मृत्यु भएको छ ।

  • ताजा समाचार
  • जनप्रिय

हेल्थपोष्ट टुइट्स सबै

रौतहटका १० जनामा कोरोना संक्रमण, संक्रमित संख्या २९१ पुग्यो

रौतहटका १० जनामा कोरोना संक्रमण देखिएको छ । राष्ट्रिय जनस्वास्थ्य प्रयोगशालामा गरिएको परीक्षणमा संक्रमण पुष्टि भएको हो ।

संक्रमित सबै पुरुष रहेकाे स्वास्थ्य तथा जनसंख्या मन्त्रालयले जनाएको छ । संक्रमित रौतहट राजपुर नगरपालिका फरहदवा-९ निवासी १८, ३२, ३६, ३९, ३९, ४२, ४८ वर्षका रहेका छन् ।

त्यसैगरी, रौतहट इशनाथ नगरपालिकाका ३ र ५ वडा निवासी २८, ३० र ३३ वर्षीय पुरुष रहेका छन् । यो सँगै नेपालमा संक्रमित संख्या २ सय ९१ पुगेको छ ।

हालसम्म ३६ जना निको भएर घर फर्किएका छन् भने १ जनाको मृत्यु भएको छ ।

  • ताजा समाचार
  • जनप्रिय

हेल्थपोष्ट टुइट्स सबै

काभ्रे र महोत्तरीका २ पुरुषमा कोरोना संक्रमण, संक्रमित संख्या २ सय ७८ पुग्यो

नेपालमा थप २ जनामा कोरोना भाइरसको संक्रमण देखिएको छ।

स्वास्थ्य तथा जनसंख्या मन्त्रालयका अनुसार महोत्तरी र काभ्रेमा गरी २ जनामा कोरोना भाइरसको संक्रमण देखिएको हो।

मन्त्रालयका अनुसार महोत्तरीका ५२ वर्षका पुरुष र काभ्रेका २६ वर्षका पुरुषमा कोरोना संक्रमण देखिएको हो।

यो सँगै नेपालमा कोरोना संक्रमित २ सय ७८ पुगको छ । संक्रमितमध्ये हालसम्म ३६ जना उपचारपछि निको भएका छन्।

  • ताजा समाचार
  • जनप्रिय

हेल्थपोष्ट टुइट्स सबै

चन्द्रागिरी नगरपालिका सिल, बाहिरी जिल्लाबाट आएका सबैको कोरोना परीक्षण गरिने

कोरोना संक्रमितको संख्या बढ्दै गएपछि चन्द्रागिरी नगरपालिका ३ दिनको लागि सिल भएको छ । नगरपालिकामा मात्रै ४ कोरोना संक्रमित भेटिएका छन् । उपत्यकामा बाहीर जिल्ला आएका व्यक्तिहरुलाई संक्रमण देखिएको हो । ३० वैशाखबाट लगातार रुवमा संक्रमित भेटिन थालेका छन् ।

नगरभित्र कोरोना संक्रमित बढ्न थालेपछि नगरपालिकाले शनिबार १२ बजेदेखि लागु हुने गरि ‘सिल’ गर्ने निर्णय भएको उपमेयर लिशा नकर्मीले बताइन् ।

७ जेठ बिहान ६ सम्मको लागि नगर शिल गर्न हुने र सो अवधिमा औषधी पसल बाहेक अन्य पसल बन्द रहने नकर्मीले बताइन । ‘नगरका केही मानिसहरु सामान किने बाहना अनावश्यक रुपमा हिँड्दै गरेको पाइयो’, नकर्मीले भनिन्, ‘यस्तो गतिविधिले झन् जोखिम बढायो ।’

शुक्रबार बसेको जनप्रतिनिधि र सुरक्षाकर्र्मीको बैठकले बाहीर हिँडडुल गर्न र स्थानीय सवारी साधन चलाउन नपाउने निर्णय गरेको हो ।

बन्दको बेलामा खाद्यान्न पसल, किराना, मास, फलफूल, तरकारी, निमार्ण व्यवसायी लगायताका पसल पुर्णरुपमा बन्द गरिने छ । नगरपालिका निर्देशन नमान्नेलाई जरिवाना समेत गरिने बताइएको छ ।
बाहिर जिल्लाबाट आएका मानिसलाई अर्को सुचना जारी नभएसम्म नगरमा प्रवेश गर्न नदिने निर्णय गरिएको छ ।

शनिबारबाट कोरोना संक्रमण देखिएका व्यक्तिहरुको कन्ट्रायक टेसिङको काम नेपाली सेना, शस्शत्र प्रहरी बल र नेपाल प्रहरी गरिने भएको उपमेयर नकर्मीले जानकारी दिइन् ।

उनका अनुसार बाहीर जिल्लाबाट केही महिनादेखि आएका सबै पहिला र्यापिट टेस्ट गरिने छ । करिब १ महिनाको अवधिमा १ हजार ५ सय भन्दा बढी बाहिर जिल्लाबाट भित्रिएको नगरपालिको अनुमान रहेको छ ।

‘बाहिरबाट आएका सबै मानिसको र्यापिट टेस्स गर्ने योजना रहेको छ,’ नकर्मीले भनिन्, ‘त्यसपछि संक्रमण कति फैलिएको छ भनी केही आंकलन आउँला ।’

पिसिआर परीक्षण गर्नेको लागि नगरपालिका सँग किट नभएको कारणले सम्भव नभएको उनको भनाई छ ।

हालसम्म नगरपालिकामा २ सय ५० भन्दाको पिसिआरबाट नमुना परीक्षण गरिएको छ । ‘पहिला विदेशबाट आउनेको मात्रै परीक्षण गर्ने गरेका थियौँ । बोर्डर लाइनबाट आएका मात्रै संक्रमण देखियो’, उनले भनिन् ।

मंगलबार (वैशाख ३० गते) कोरोना संक्रमण पुष्टि भएकी चन्द्रागिरीस्थित वडा नम्बर ९ मच्छेगाउँकी ३३ वर्षिया महिला बैशाख २९ गते कञ्चनपुरको महेन्द्रनगरबाट सशस्त्र प्रहरीकै भ्यानमा आएकी थिइन ।

बिहीबार (जेठ १ गते) कोरोना पुष्टि भएको ३२ वर्षिय पुरुष सशस्त्र प्रहरी बलको अस्पताल नेपालगञ्जमा कार्यरत सुरक्षाकर्मी रहेका छन् । उनी नेपालगञ्जमा चिकित्सक र्पुयाउन गएको सवारी साधनमा संक्रमित आएका थिए ।

चन्द्रागिरिमा शुक्रबार (जेठ २ गते) दुई जनामा कोरोना पुष्टि भएका वडा नम्बर १ दहचोकका ७ वर्षीय बालक रहेका छन् । दोलखा स्थायी घर भएका सक्रंमित बालक र उनको आमा चैत्र ६ गते बारा गएका थिए ।

शुक्रबार कोरोना पुष्टि भएको स्थायी घर धादिङ भई चन्द्रागिरिस्थित सतुगंल बस्ने ३० वर्षिया महिला रहेकी छिन् । संक्रमित महिला लकडाउन अवधिमा नै घर गई वैशाख २७ गते काठमाडौं फर्किएकी थिइन ।

सबै संक्रमित हाल टेकु स्थित शुक्रराज ट्रपिकल तथा सरुवा रोग अस्पतालमा उपचाररत रहेका छन् । हालसम्म कोरोना संक्रमित संख्या २ सय ७३ पुगेको छ भने काठमाडौं उपत्यकामा १३ संक्रमण देखिएको छ ।

  • ताजा समाचार
  • जनप्रिय

हेल्थपोष्ट टुइट्स सबै

काठमाडौं आउने तीन मुख्य नाका, प्रहरीलाई छलेर दैनिक सयौंको प्रवेश

काठमाडौंका दुई र भक्तपुरको एउटा गरी मुख्य तीन नाकाबाट दैनिक हजारौंको संख्यामा उपत्यका प्रवेश गर्नेहरूको ताँती छ। नेपाल प्रहरीले उच्च सावधानी र सतर्कता अपनाइरहेको बताए पनि सरकारले उपलब्ध गराएको ‘पास’ लिएर अत्यावश्यक सवारीसाधनमै उपत्यका प्रवेश गर्नेको संख्या बढेको हो।

मालवाहक सवारीसाधन तथा एम्बुलेन्स दुरुपयोग गरेर पनि सर्वसाधारण काठमाडौं प्रवेश गरिरहेका छन्। त्यसैको परिणामस्वरूप काठमाडौंमा कोरोना भाइरस संक्रमणको जोखिम बढ्ने सम्भावना छ। यति हुँदाहुँदै उपत्यका प्रवेश गर्नेको लाम भने राेकिएकाे छैन।

भक्तपुरको चाँगुनारायणमा फेला परेका कोरोना संक्रमित र ललितपुरस्थित निदान अस्पतालकी कर्मचारीलाई कोरोना भाइरस संक्रमणको ट्राभल हिस्ट्रीले यो कुराको पुष्टि गर्छ।

सुनसरीबाट फर्किएकी ती कर्मचारी र कञ्चनपुरबाट फर्किएका पूर्वगृहमन्त्री भीम रावलका सुरक्षा सहयोगीसहित तीनजनालाई कोरोना संक्रमण पुष्टि भएको छ।

गृह मन्त्रालय स्रोतले यी घटनापछि काठमाडौं उपत्यका प्रवेश लकडाउनमा वितरित पास अब लागू नहुने गरी सरकारले तयारी थालेको छ।

काठमाडौंका दुई नाका नागढुङ्गा र फर्पिङबाट दैनिक न्यूनतम ५ सयदेखि ३ हजारसम्म सर्वसाधारण काठमाडौं प्रवेश गरिरहेका छन्। बुधबार दिउँसो ४ बजेसम्म तीन नाका प्रयोग गरी झन्डै १ हजारजना काठमाडौं प्रवेश गरिसकेका छन्।

त्यसो त प्रहरीको आँखा छलेर पैदलै काठमाडौं प्रवेश गर्नेका संख्या पनि उल्लेख्य छ। जसको तथ्याङ्क सुरक्षा निकायसँग छैन। पासका सवारीसाधन र मालवाहक गाडीहरूको विवरण प्रहरीले राख्ने गरेको छ।

आउनेभन्दा जाने बढी : इप्रका फर्पिङ प्रमुख

काठमाडौं प्रवेशको मुख्य नाका नागढुङ्गाकै सरोवरीमा फर्पिङबाट सर्वसाधारणको प्रवेश भइरहेको छ। इलाका प्रहरी कार्यालय फर्पिङका अनुसार काठमाडौं भित्रिनेभन्दा बाहिरिनेको संख्या धेरै छ।

इलाका प्रहरी कार्यालय फर्पिङकी प्रमुख प्रहरी निरीक्षक अनु लामाले हेमानी, फाखेल, राम्रेबजार तथा कीर्तिपुर र दक्षिणकालीको सीमास्थित खहरेमा हेल्थडेस्क राखेर काम गरिरहेको जानकारी दिइन्।

‘नेपाल प्रहरी र स्वास्थ्यकर्मीको संयुक्त टोली चारवटै स्थानमा राखिएको छ, एकजना जनप्रतिनिधि पनि संलग्न हुनुहुन्छ,’ लामाले भनिन्, ‘यहाँबाट काठमाडौं प्रवेश गर्नेमा धेरैजसो खाद्यान्न बोकेका गाडी हुन्, तिनको अभिलेख राखिएको हुन्छ।’

बिरामी, मालसामान ढुवानी गर्ने गाडी र कसैको मृत्यु भएको भए आफन्तलाई मात्रै आवतजावत गर्न दिइएको उनले बताए।

‘खाद्यान्न सामग्रीका गाडी पनि सामान बोकेर आएमा मात्रै इन्ट्री दिने र खाली गाडी आए उतै फर्काउने गरिएको छ,’ लामाले भनिन्।

जिल्ला प्रशासन कार्यालयको समन्वय नभएका कुनै सवारीसाधन आएमा फिर्ता गराइने जानकारी इन्स्पेक्टर लामाले दिइन्।

ट्याक्सी र निजी सवारीसाधनमा आएका बिरामीलाई पनि अनिवार्य रूपमा एम्बुलेन्समा लैजान भनिएको छ। ‘ठेगाना, फोन नम्बर, आएको ठाउँ, जाने ठाउँलगायत सम्पूर्ण विवरण खुलाएरमात्रै जान दिइएको छ,’ उनले भनिन्।

सुरक्षाकर्मीले पनि आफ्नो सुरक्षाका लागि सेनिटाइजर, पन्जा, पिपिई तथा अन्य अत्यावश्यक सामग्री प्रयोग गरेका छन्।

‘सवारीसाधनका कागजपत्र चेक गर्दा पनि टाढैबाट चेक गर्ने गरिएको छ, उच्च सुरक्षा सतर्कता अपनाइएको छ, यात्रुहरूको पनि ज्वरो नाप्ने र स्वास्थ्यका अन्य उपाय अपनाइएको छ,’ लामाले भनिन्।

लकडाउनको ५१औं दिनसम्म आइपुग्दा दैनिक १ सयहाराहारीमा सर्वसाधारण काठमाडौं उपत्यका प्रवेश गरिरहेको उनले बताइन्।

काठमाडौंबाट बाहिरिनेको संख्या दैनिक १ सय २० जनासम्म रहेको लामाले जानकारी दिइन्। ‘मंगलबार ६९ वटा गाडी आएका थिए, जसमा मालवाहक गाडी धेरै छन्। १ सय २७ जना काठमाडौं प्रवेश गरेका छन्,’ उनले भनिन्, ‘तर, अनावश्यक पासवालाहरूलाई फिर्ता पठाएइरहेका छौं।’

फर्पिङ नाकाबाट मंगलबार ६४ सवारीसाधनमा १ सय ५० यात्रु बाहिरिएको उनले बताइन्।

भक्तपुरको जगाती पनि उपत्यका प्रवेशको मुख्य नाका हो। लकडाउनमा प्रहरीले कडाइ गरे पनि त्यहाँबाट आवतजावत रोकिएको छैन।

साँगाबाट सरकारी कर्मचारीसहित दैनिक २ सयको प्रवेश

महानगरीय प्रहरी वृत्त जगातीका प्रमुख डिएसपी चक्रराज जोशीले साँगामा चेकपोस्ट राखेर अत्यावश्यक सवारीबाहेक अन्यलाई फिर्ता पठाउने गरिएको बताए। ‘उपत्यका प्रवेशको कारणबारे सोधखोज गरेर अत्यावश्यकलाई प्रवेश गर्न दिने र अनावश्यकलाई फिर्ता पठाइने गरिएको छ,’ जोशीले भने, ‘अहिले धेरै नै कन्ट्रोल गरिएको छ।’

साँगापछि जगातीमा पनि स्ट्रिक्टली चेकजाँच गरिने जोशीले बताए। यद्यपि, बिहीबारबाट उपत्यकामा भित्रिने सबै पासका सवारीसाधनलाई रोकिएको उनले बताए।

‘यसअघि चाहिँ दैनिक १ सय ५० देखि २ सय जनासम्मको प्रवेश हुने गरेको थियो, आजबाट पास नचल्ने भएपछि भित्रिनेको संख्या निकै घट्छ,’ उनले भने।

यो तथ्याङ्कमा काभ्रेबाट आउने सरकारी कर्मचारी समेत संलग्न रहेको जानकारी उनले दिए।

ढुवानीका गाडी बढी छन् : नागढुङ्गा प्रहरी

नागढुङ्गा, थानकोट हुँदै अहिले पनि दैनिक सयौं सर्वसाधारण काठमाडौं प्रवेश गरिरहेका छन्। पास भएका सवारीसाधन मुख्य राजमार्गबाटै प्रवेश गरिरहेका छन्।

कतिपय सर्वसाधारण वैकल्पिक सडक प्रयोग गरेर लुकिछिपी काठमाडौं उपत्यका प्रवेश गरिरहेका छन्। बुधबारसम्म निजी कार, भ्यान र मोटरसाइकल प्रवेशको अनुमति थियो।

महानगरीय प्रहरी वृत्त नागढुङ्गाका प्रमुख प्रहरी निरीक्षक हेमन्तविक्रम थापाका अनुसार बिरामी ओसारपसार गर्ने र कोभिड-१९ परीक्षण गर्न थ्रोट स्वाब ल्याउने गाडीलाई मात्रै प्रवेश दिइएको छ।

थापाका अनुसार मंगलबार र बुधबारको तथ्याङ्क अनुपातिक हिसाबले उस्तै छ। मंगलबार ३ सय टिपरसहित ७ सय जति गाडी काठमाडौं आवतजावत गरेको उनले बताए।

काठमाडौं प्रवेशका हरेक नाका सुरक्षा टोली राखेर पैदल यात्रुको प्रवेशलाई रोकिएको उनले बताए। ‘संख्या नगण्य छ, नाकामा उकालो लाग्ने बित्तिकै फिर्ता पठाइदिन्छौं, प्रवेशमा रोक लगाइएको छ,’ थापाले भने।

  • ताजा समाचार
  • जनप्रिय

हेल्थपोष्ट टुइट्स सबै

चार जिल्लामा थपिए २४ संक्रमित, कूल संख्या २४३

कोरोना भाइरस डिजिज (कोभिड १९) का रुपन्देही, कपिलवस्तु, पर्सा र र नवलपरासीमा गरी २४ जना संक्रमित थपिएका छन्।

बुधबार दिउँसो २ जनामा संक्रमण पुष्टि भएकोमा साँझ २४ जनमा थप संक्रमण देखिएको हो ।

स्वास्थ्य मन्त्रालयका अनुसार राष्ट्यि जनस्वास्थ्य प्रयोगशाला काठमाडौ र प्रादेशिक प्रयोगशाला रुपन्देहीमा गरिएको परीक्षणमा रुपन्देहीका २२ देखि ४१ वर्ष समूहका ८ पुरुष, तीन महिला र कपिलवस्तुका ८ पुरुष, पर्साका २ पुरुष र एक महिलामा संक्रमण देखिएको छ ।

त्यसैगरी नवलपरासीमा एक ३६ वर्षे पुरुषमा पनि संक्रमण पुष्टि भएको मन्त्रालयले जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

विदेशमा रहेका चिकित्साशास्त्रका विद्यार्थीलाई तुरुन्तै स्वदेश ल्याइयोस् : चिकित्सक संघ

चिकित्साशास्त्रमा अध्ययनमा विदेशीएका विद्यार्थीलाई नेपाल आउनको लागि पहल गर्ने नेपाल चिकित्सक संघले सरकारलाई आग्रह गरेको छ ।

बगलादेशमा अध्ययनमा गएका ५ सय ६४ विद्यार्थीको अवस्था अत्यन्तै दयनीय रहेको भन्दै संघले तत्काल नेपाल ल्याउनको लागि पहल गर्न सरकारलाई आग्रह गरेको हो ।

संघले बुधबार विज्ञप्ती निकाल्दै विश्वव्यापी रुपमा फैलिएको कोरोना भाइरसको संक्रमणको कारण मुत्यु हुने संख्या दिनप्रतिदिन वृद्दि भएको अवस्थामा आफ्ना नागरिकलाई सुरिक्षत राख्न नेपाल आउने वातावरण बनाउनको लागि सरकारलाई ध्यानकर्षण गरेको हो ।

उच्च शिक्षा अध्ययनका लागि गएका विद्यार्थी तथा रोजगारमा लागि गएका सर्वसाधारण नागकिरहरुले सम्बन्धित देशको नियमानुसार क्वारेन्टाइनमा बसी स्वेदश फर्कन चाहुन भएको छ, विज्ञप्ती भनिएको छ,‘ आफ्नो देशमा जाँउ भनी दबाब सिर्जना भएको अवस्थामा सरकारले आपतकालिन अवस्थामा अविलम्ब स्वदेशमा फर्केने वातावरण बनाओस् ।’

  • ताजा समाचार
  • जनप्रिय

हेल्थपोष्ट टुइट्स सबै

‘स्वास्थ्यकर्मीहरू, उच्च मनोबलसाथ काम गर्नुस्, सरकार साथमा छ’

स्वास्थ्य तथा जनसंख्या मन्त्रालयले कोरोना उपचारमा संलग्न रहेका स्वास्थ्यकर्मीहरूलाई उच्च मनोबलका साथ काम गर्न आग्रह गरेका छन्। नेपालमा पनि पहिलो पटक मंगलबार स्वास्थ्यकर्मीमा कोरोना संक्रमण पुष्टि भएको छ।

स्वास्थ्यकर्मीले थप सहजता अपनाएर उच्च मनोबलका साथ काम गर्नेका लागि मन्त्रालयका प्रवक्ता डा. विकास देवकोटाले आग्रह गरे। ‘व्यक्तिगत सुरक्षालाई ध्यानमा राखेर काम गर्नुहोस्’, डा. देवकोटाले भने, ‘सरकार तपाईहरुको साथमा रहेको छ।’

स्वास्थ्यकर्मीलाई चाहिने सुरक्षा सामग्री, परीक्षण किट र प्रयोगशालामा चाहिने सामग्री प्रशस्त रहेको डा. देवकोटाले बताए। ‘यो विश्वव्यापी महामारीको परिस्थित हो। अहिलेको अवस्था असामान्य रहेको छ’, डा. देवकोटाले भने, ‘सबै मिलेर काम गरेमात्र कोरोनाविरुद्दको लडाइँमा सफलता मिल्ने छ।’

केही दिनयता संक्रमण बढ्दै गरेको अवस्था थप सजहकता अपनाएर बस्न सर्वसाधारणलाई आग्रहसमेत गरेको छ।  हालसम्म २ सय १९ कोरोना संक्रमण देखिएको छ।

  • ताजा समाचार
  • जनप्रिय

हेल्थपोष्ट टुइट्स सबै

२४ घण्टामा २ हजार ३ सय ५७ को पिसिआर परीक्षण

कोरोनाको आशंकामा हालसम्म पिसिआरबाट २१ हजार ३ सय ४० को नमुना परीक्षण गरिएको छ। गत २४ घण्टामा २ हजार ३ सय ५७ को नमुना परीक्षण गरिएको स्वास्थ्य तथा जनसंख्या मन्त्रालयले जनाएको छ।

बुधबार बाँके जिल्लाका ३६ वर्षिय पुरुषमा धुलिखेल अस्पताल र कपिलवस्तुका २२ वर्षका पुरुषको राष्ट्रिय जनस्वास्थ्य प्रयोगशाला टेकुमा गरिएको परीक्षणमा कोराना संक्रमण देखिएको मन्त्रालयका प्रवक्ता डा. विकास देवकोटाले बताए।

योसँगै नेपालमा हालसम्म कोरोना संक्रमितको संख्या २ सय १९ पुगेको छ। जसमध्ये १ सय ७६ जना पुरुष र ४३ जना महिला रहेका छन्। प्रदेश १ मा ३५, प्रदेश २ मा ९६, बागमती प्रदेशमा ९, गण्डकी प्रदेशमा २, प्रदेश ५ मा ७२ र सुदुपश्चिम प्रदेशमा ५ जना संक्रमित रहेका छन्।

क्वारेन्टाइनमा बुधबार १४ हजार ३ सय १३ जना रहेको मन्त्रालयले जनाएको छ। प्रदेश १ मा ९ सय ९५, प्रदेश २ मा १ हजार ५ सय ७४, बागमती प्रदेशमा १ सय १, गण्डकी प्रदेशमा २ सय ८९ क्वारेन्टाइनमा रहेका छन्। त्यसैगरी, प्रदेश ५ मा ६ हजार ९ सय ८९, कर्णाली प्रदेशमा १ हजार ५ सय ६३ र सुदुरपश्चिम प्रदेशमा २ हजार ८ सय ४८ क्वारेन्टाइनमा रहेका छन्।

२ सय ४५ जना संक्रमित र शंकास्पद केस आइसोलेसनमा रहेका छन्।

  • ताजा समाचार
  • जनप्रिय

हेल्थपोष्ट टुइट्स सबै

कोरोना संक्रमित संख्या २१९ पुग्यो

कपिलवस्तु नगरपालिका ५ का २२ वर्षीय पुरुषमा कोरोना संक्रमण देखिएको हो।

राष्ट्रिय जनस्वास्थ्य प्रयोगशालामा गरिएको परीक्षणबाट बुधबार संक्रमण पुष्टि भएको हो ।

स्वास्थ्य तथा जनसंख्या मन्त्रालय अनुसार हालसम्म नेपालमा कोरोना संक्रमित संख्या २ सय १९ पुगेको छ ।

संक्रमित स्वास्थ्यकर्मीको सम्पर्कमा रहेको र स्वास्थ्य अवस्था सामान्य रहेको मन्त्रालयले जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

बाँकेका ३६ वर्षीय पुरुषमा कोराना संक्रमण, संक्रमित संख्या २१८ पुग्यो

बाँकेका ३६  वर्षीय पुरुषमा कोरोना संक्रमण देखिएको छ । धुलिखेल अस्पतालको प्रयोगशालामा गरिएको परीक्षणबाट बुधबार संक्रमण पुष्टि भएकाे हो ।

स्वास्थ्य तथा जनसंख्या मन्त्रालय अनुसार हालसम्म नेपालमा कोरोना संक्रमित संख्या २ सय १८ पुगेको छ ।

संक्रमित स्वास्थ्यकर्मीको सम्पर्कमा रहेको र स्वास्थ्य अवस्था सामान्य रहेको मन्त्रालयले जनाएको छ ।

 

  • ताजा समाचार
  • जनप्रिय

हेल्थपोष्ट टुइट्स सबै

भारतमा २४ घण्टामा १२२ जनाको मृत्यु, ३५ सयभन्दा बढीमा संक्रमण

कोरोना भाइरस संक्रमणबाट भारतमा बितेको चौबिस घण्टामा १ सय २२ जनाको मृत्यु भएको छ। ३ हजार ५ सयभन्दा बढीमा संक्रमण पुष्टि भएको छ।

योसँगै भारतमा कोरोनाको संक्रमणबाट २ हजार ४ सय १५ जनाको ज्यान गएको छ भने ७४ हजार ४ सय ८० जनामा संक्रमण रहेको छ। संक्रमितमध्ये २४ हजार ३ सय ८६ जना उपचारपछि निको भएका छन्।

कोरोनाबाट सबैभन्दा बढी प्रभावित महाराष्ट्र भएको छ। महाराष्ट्रमा भाइरसको संक्रमणबाट ९ सय २१ जनाको मृत्यु भएको छ भने २४ हजार४ सय २७ जना संक्रमित छन्।
दिल्लीमा कोरोनाबाट ८६ जनाको ज्यान गएको छ भने ७ हजार ६ सय ३९ जनाको मृत्यु भएको छ।

त्यस्तै, गजरातमा ८ हजार ९ सय ३ जना संक्रमितमध्ये ५ सय ३७, मध्यप्रदेशका ३ हजार ९ सय ८६ मा २ सय २५,तामिलनाडुका ८ हजार ७ सय १८ मा ६१,आन्ध्र प्रदेशका २ हजार ९० मा ४६,बिहारका ८ सय ३१ मा ६,उत्तर प्रदेशका ३ हजार ६ सय ६४ मा ८२, राजस्थानका ४ हजार १ सय २६ मा १ सय १३ र पश्चिम बंगालका २ हजार १ सय ७३ जना संक्रमितमध्ये ६ सय १२ जनाको मृत्यु भएको छ।

कोरोना भाइरसका कारण विश्वभर २ लाख ९२ हजार ८ सय ९३ जनाको मृत्यु भएको छ भने ४३ लाख ४२ हजार ६ सय ८५ जनामा संक्रमण रहेको पुष्टि भएको छ। संक्रमितमध्ये १६ लाख २५ हजार ३९ जना उपचारपछि घर फर्किएका छन्।

नेपालमा अहिलेसम्म २ सय १७ जनामा कोरोनाको संक्रमण देखिएको छ भने ३३ जना उपचारपछि निको भएका छन्।

  • ताजा समाचार
  • जनप्रिय

हेल्थपोष्ट टुइट्स सबै

बागलुङबाट बसमा १७ दिन अगाडि आएका थिए पर्साका नयाँ संक्रमित

पर्सा मंगलबार ३९ जना कोरोना संक्रमित मध्ये १४ जना बागलुङबाट आएको खुलेको छ । नारायणी अस्पताल डा. निरज सिँहका अनुसार बागुलङ बाट १७ दिन अगाडी बसबाट पर्सा आएका थिए ।

उनका अनुसार उक्त संक्रमितहरुलाई छिपरमाई गाविसको क्वारेन्टाइनमा राखिएको थियो । मंलगबार मात्र थप ५७ जनामा कोरोना संक्रमण देखिएको छ । हाल नेपालमा कुल संक्रमित संख्या १ सय ९१ पुगेका छन् । पर्सामा देखिएका संक्रमित मध्ये पहिलो पटक नर्समा पनि संक्रमण देखिएको छ ।

  • ताजा समाचार
  • जनप्रिय

हेल्थपोष्ट टुइट्स सबै

एकै दिन थपिए ५७ कोरोना संक्रमित

मंगलबारमात्रै ५७ भन्दा बढी नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो पटक ठूलो परिमाणमा कोरोना परीक्षण गर्दा ५७ जनामा कोरोना पुष्टि भएको हो।

संक्रमित सबै पुरुष रेहेको मन्त्रालयले जनाएको छ। कपिलवस्तुमा ८, रुपन्देही ९, पर्सामा ३९ र बारामा १ जना गरी ५७ संक्रमित थपिएका हुन् । हालसम्म कोरोना संक्रमितको संख्या १ सय ९१ पुगेको छ ।

  • ताजा समाचार
  • जनप्रिय

हेल्थपोष्ट टुइट्स सबै

२ महिनादेखि ८० वर्षसम्म कोरोना संक्रमण, २० देखि ५० वर्ष बढी संक्रमित

नेपालमा कोरोना संक्रमण २० देखि ५० बर्षसमूहका  धेरै देखिएको छ ।। हालसम्म २ महिना देखि ८१ वर्षसम्मका मानिसलाई कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

युवा उमेरमा कोरोनाले लाग्दैन भन्ने कुरा भ्रम रहेको मन्त्रालयका प्रवक्ता डा. विकास देवकोटा बताउँछन् । ‘ युवा उमेरमा कोरोना लाग्दैन भन्ने जनमानसमा सुनिएको छ, डा. देवकोटाले भने,‘ नेपालको परिवेशलाई हेर्दा युवा वर्ग कोरोनाबाट संक्रमित भएका छन् ।’

धुम्रपान तथा सुर्तीजन्य पदार्थले सेवनले गर्दा कोरोना संक्रमण हुने सम्भवना रहेको कारण सुर्तीजन्य पदार्थ सेवन नगर्न डा. देवकोटाले आग्रह गरे ।
हालसम्म १ सय २१ जना संक्रमित भएका छन् भने ३३ जना निको भएर डिस्चार्ज भएका छन् ।

कोरोना संक्रमित मध्ये ८९ जना पुरुष र ३२ जना महिला रहेका छन् ।  प्रदेश गत विवरण हेर्दा प्रदेशमा ५ मा सबैभन्दा बढी ४० संक्रमित रहेका छन् । त्यसैगरी प्रदेश १ मा ३५, प्रदेश २ मा ३२, बागमती प्रदेशमा ७, सुदुरपश्चिम प्रदेशमा ५ र गण्डकी प्रदेशमा २ जना रहेका छन् ।

८८ जना विभिन्न अस्पतालमा उपचारत छन् । विरगञ्जमा २८, विराटनगरमा १९, रुपदेहन्दीमा १६, नेपालगञ्जमा २४ र भरतपुरमा १ जना उपचारत रहेका छन् । सबैको स्वास्थ्य अवस्था सामान्य नै रहेको मन्त्रालयले जनाएको छ ।

हालसम्म कोरोनाको आंशकामा पीसीआरबाट १७ हजार ८ सय ९ र र्यापिट टेस्टबाट ५८ हजार ५ सय ४६ नमुना परीक्षण भएको छ । गत २४ घण्टामा २ हजार ७ सय ९९ नमुना परीक्षण परिक्षण भएको मन्त्रालयले जनाएको छ ।

प्रदेश गत विवरण गर्दा प्रदेश १ मा ७ हजार ७ सय ३७, प्रदेश २ मा ५ हजार ९ सय २७, बागमती प्रदेशमा ९ हजार २ सय ९०, गण्डकी प्रदेशमा ६ हजार ४ सय ८४, प्रदेश ५ मा ६ हजार ९ सय ८५, कणाली प्रदेशमा ७ हजार १ सय १४ र सुदुरपश्चिम १५ हजार ९ को नमुनाा परीक्षण भएका छन् ।

सोमबार १२ हजार ७ सय १ जना क्वारेन्टाइनमा रहेका छन् । जसमध्ये प्रदेश १ हजार ४७, प्रदेश २ मा १ हजार ५ सय १७, बागमती १ सय १८, गण्डकी प्रदेशमा ३ सय १६, प्रदेश ५ मा ४ हजार ९ सय ४३, कर्णाली प्रदेशमा १ हजार ७ सय ४५ र सुदुरपश्चिम प्रदेशमा ३ हजार १५ जना क्वारेन्टाइनमा रहेका छन् ।

हाल आइसोलेसनमा १ सय ५३ जना र रेडजोनमा ३ सय ४२ रहेका छन् ।

  • ताजा समाचार
  • जनप्रिय

हेल्थपोष्ट टुइट्स सबै