लकडाउनमा फसेका नेपालीलाई भारतीय एसएसबीले भगायो, सयौं अलपत्र

विश्वब्यापीरुपमा कोरोनाको कहरपछि घर फर्किने क्रममा लकडाउनमा सीमावर्ती भारतीय बजार रुपैडिहाको क्वारेन्टाइनमा रहेका सयौं नेपालीलाई भारतीय प्रहरीले रातारात जबरजस्ती सीमानाका पार गराएको छ।

भारतको रुपैडिहास्थित क्वारेन्टाइनमा रहेका सयौं नेपालीलाई भारतीय प्रहरी र एसएसबीले ट्रयाक्टरमा हालेर रातारात सीमानाका कटाएपछि यतिबेला बिभिन्न जिल्लाका १ सय ५० भन्दा बढी नेपाली अलपत्र परेकाछन्।

भारतका विभिन्न ठाँउमा मजदूरीका लागि गएका नेपालीहरू स्वेदश फर्किनेक्रममा लकडाउन भएपछि यसअघि उनीहरूलाई भारतको सीमासुरक्षा एसएसबी, प्रहरी र स्थानीय प्रशासनले रुपैडिहास्थित क्वारेन्टाइनमा राखेका थिए। तर, अचानक नेपाललाई कुनै जानकारी नदिई भारतले नेपालीहरूलाई ट्रयाक्टरमा राखेर रातारात नेपाल लखेटेको हो।

भारतीय पक्षबाट लखेटिएका नेपाली यतिबेला बाँकेको नेपाल–भारत सीमाक्षेत्रमा अलपत्र अवस्थामा छन्। नेपालगन्ज उपमहानगरपालिका- १० भृकुटीनगरमा ५१ जना, उपमहानगरपालिका वडा नम्बर १७ परसपुरको ढोडेगाँउमा ४८ जना र खजुरागाँउपालिका वडा नम्बर १, राधापुरमा २१ जना नेपाली अलपत्र अवस्थामा रहेका छन्।

भारतबाट लखेटिएका नेपाली यस क्षेत्रमा प्रहरी नियन्त्रणमा रहेकाछन् भने उनीहरूलाई नेपाल–भारत सीमानाका जमुनाहस्थित सुख्खा बन्दरगाहमा लैजाने तयारी भइरहेको बुझिएकोछ।

नेपालगन्ज र जानकी गाँउपालिकामा भेटिएका नेपालीहरूलाई के गर्ने भन्ने बारे जिल्लास्थित सुरक्षा संयन्त्र र सरोकारवालासँग छलफलपछि व्यवस्थित गरिने बाँकेका प्रमुख जिल्ला अधिकारी कुमार बहादुर खड्काले बताए।

अलपत्र परेकाको व्यवस्थापन गर्न मानवअधिकारीवादीको दवाव

नेपाल–भारत सीमानाकामा अलपत्र परेका सयौं नेपालीको उचित व्यवस्थापन हुन नसकेको भन्दै बाँकेका मानवअधिकारबादी संघसस्थाले चिन्ता व्यक्त गरेकाछन्।

कोरोना भाइरस संक्रमणको जोखिम बढिरहेका बेला भएको लकडाउनका कारण सीमा क्षेत्रमा अलपत्र परेका नेपालीको उचित व्यस्थापन हुन नसकेको भन्दै मानवअधिकारवादीले चिन्ता व्यक्त गरेका हुन्।

राष्ट्रिय मानवअधिकार आयोग नेपालगन्ज, नेपाल बार एशोसियसन, उच्च बार नेपालगन्ज, इन्सेक नेपालगन्ज, हिमराईटस नेपालगन्ज, आइएचआरसी र उपभोक्ता हित संरक्षण मञ्चले संयुक्त प्रेस विज्ञप्ती जारी गर्दै उनीहरू उचित व्यवस्थापनका लागि आग्रह गरेका हुन्।

सीमानाकामा नेपालीहरू अलपत्र परेको विषयलाई गम्भीरतापूर्वक लिएको भन्दै उनीहरूले जारी गरेको विज्ञप्तीमा मंगलबार विहान लगभग १ सय ५० बढीको संख्यामा रहेका नेपालीहरूको खानपिन, स्वास्थ्य र क्वारेन्टाइनमा राख्ने व्यवस्था हुन न सक्दा जोखिम बढ्ने बताउँदै चिन्ता व्यक गरेका हुन् ।

  • ताजा समाचार
  • जनप्रिय

हेल्थपोष्ट टुइट्स सबै

उपत्यका बाहिर धरानमा कोरोना परीक्षण सुरु गर्ने तयारी

उपत्यकाबाहिर पहिलोपटक धरानमा कोरोनाको परीक्षण सुरु गरिने भएको छ । उपत्यकाबाहिर परीक्षण सुविधा नहुँदा एकातिर काठमाडौंस्थित प्रयोगशालामा परीक्षणको चाप बढ्ने र अर्कोतिर परीक्षण ढिलाईका कारण रोग रोग फैलिने जोखिमपनि बढेपछि सरकारले यस्तो तयारी गरेको हो ।

पछिल्ल दिनमा कोरोना संक्रमित भेटिएका दुई एयरलाइनका कतार र एयर अरेवियका धेरै यात्रु काठमाडौैंपछि पूर्व क्षेत्रको भएका कारण पनि तत्काल धरानमा परीक्षण सुरु गर्न लागिएको हो ।
इपिडिमियोलोजी तथा रोग नियन्त्रण महाशाखाका निर्देशक डा. बासुदेव पाण्डेका अनुसार रिएजेन्ट बोकेको गाडी काठमाडौंबाट हिडिसकेको छ । विहीबार राती नै गाडी पुग्ने र शुक्रबारदेखि परीक्षण सुरु गर्नेगरी प्रयोगशालाका प्राविधिक सहितको टोली धरान हिँडिसकेको छ । धरानमा पिसिआर मेशिनसहित बिएचएल प्रयोगशाला सुविधा छ ।

अहिले काठमाडौभित्र राष्ट्यि जनस्वस्थ्य प्रयोगशालामा मात्रै कोरोनाको परीक्षण हुन्छ । उपत्यकाबाहिर परीक्षण विस्तार गर्ने र काठमाडौंभित्र पनि अन्य प्रयोगशालामा समेत सेवा सुरु गर्ने भनिएपछि रिएजेन्टको अभावमा विस्तार गर्न सकिएको छैन् ।

  • ताजा समाचार
  • जनप्रिय

हेल्थपोष्ट टुइट्स सबै

कोरोना कहर : विश्वभर १९,६४३ को मृत्यु, स्पेनमा एकै दिन ७३८ को ज्यान गयो

वैश्विक महामारी कोरोना भाइरसको संक्रमणबाट विश्वभरि १९ हजार ६ सय ४३ जनाको मृत्यु भएको छ।

विश्व स्वास्थ्य संगठनलाई उद्धृत गर्दै अन्तर्राष्ट्रिय सञ्चारमाध्यमले दिएको जानकारी अनुसार बुधबार दिउँसोसम्ममा विश्वभरि ४ लाख ३६ हजार ४ सय ८१ जनालाई कोरोना भाइरसको संक्रमण भएको छ।

जसमा सबैभन्दा बढी इटालीमा ६ हजार ८ सय २० जनाको मृत्यु भएको छ। इटालीमा संक्रमितको संख्या ६९ हजार १ सय ७६ पुगेको छ।

संक्रमितको संख्या चीनमा सबैभन्दा बढी छ। चीनमा ८१ हजार २ सय १८ जनालाई संक्रमण भएको छ। कोरोना भाइरसको संक्रमणबाट चीनमा ३ हजार २ सय ८१ जनाको मृत्यु भइसकेको छ।

चीनको वुहानबाट शुरु भएको कोरोना भाइरसको संक्रमणबाट पूरै विश्व प्रभावित भइसकेको छ।

अहिलेसम्ममा विश्वका एक सय ८६ भन्दा धेरै देशमा कोरोना भाइरसको संक्रमण दिएको विश्व स्वास्थ्य संगठनले जानकारी दिएको छ।

यसैबीच, कोरोना भाइरसको संक्रमणबाट स्पेनमा एकैदिनमा ७ सय ३८ जनाको मृत्यु भएको छ। स्पेनमा बुधबारसम्ममा ३ हजार ४ सय ३४ जनाको मृत्यु भएको अन्तर्राष्ट्रिय सञ्चार संस्थाहरूले बताएका छन्।

स्पेनमा ४७ हजार ६ सय १० जनामा कोरोना भाइरसको संक्रमण भएको पुष्टि भइसकेको छ। यसैगरी, संयुक्त राज्य अमेरिकामा ५४ हजार ९ सय ९६ जना संक्रमितमध्ये ७ सय ८५ जनाको मृत्युको भएको छ।

  • ताजा समाचार
  • जनप्रिय

हेल्थपोष्ट टुइट्स सबै

प्रदेश ५ मा कोरोना सर्तकता : एक मन्त्रीलाई एक अस्पतालको जिम्मेवारी

प्रदेश नं ५ प्रदेश सरकारले कोरोना भाइरस प्रकोप नियन्त्रणको पूर्वतयारी स्वरुप स्थापना भएका अस्पतालहरुका लागि मन्त्रीलाई नै जिम्मेवारी दिएर काम अगाडि बढाएको छ।

प्रकोपको सावधानी र नियन्त्रणलाई प्रभावकारी बनाउनका लागि मन्त्रीलाई जिम्मेवारी दिइएको प्रदेश सरकारको भनाई छ। जिम्मेवारीमा यथाशक्य छिटो आइसोलेसन अस्पताल स्थापना गर्ने, अस्पताल सञ्चालनको कार्ययोजना बनाउने, आवश्यक सामग्रीका साथै जनशक्तिको सूची तयार गरी जनशक्ति व्यवस्थापन गर्ने लगायतका छन्।

मुख्यमन्त्रीसहित ६ सदस्यीय मन्त्रीमण्डल रहेको प्रदेश ५ मा भूमि व्यवस्था कृषि तथा सहकारी मन्त्री आरती पौडेल बाहेकका मन्त्रीहरुलाई अस्पताल नै तोकेर जिम्मेवारी दिइएको हो।

सोमबार बसेको मन्त्रिपरिषद्को बैठकले लुम्बिनी प्रादेशिक अस्पताल बुटवलका लागि संयोजक उद्योग, पर्यटन, वन तथा वातावरण मन्त्री लिला गिरीलाई भीम अस्पताल भैरहवाका लागि संयोजक सामाजिक विकास मन्त्री सुदर्शन बराल, केन्द्रीय आयुर्वेद विद्यापीठ बेलझुण्डी दाङका लागि आन्तरिक मामिला तथा कानूनमन्त्री कुलप्रसाद केसी र सुशील कोइराला प्रखर क्यान्सर अस्पताल खजुराका लागि भौतिक पूर्वाधार विकास मन्त्री बैजनाथ चौधरी संयोजक तोकेको हो।

मन्त्रिपरिषदको सोमबार बसेको बैठकले १० करोड रुपैयाँको नोबेल कोरोना भाइरस नियन्त्रण कोष बनाउने निर्णय समेत गरेको छ। कोषमा मुख्यमन्त्री र मन्त्रीहरुको एक महिनाको तलब जम्मा गर्ने निर्णय पनि भएको छ। नोबेल कोरोना भाइरस नियन्त्रण, प्रतिकार्य र रोकथामका लागि आइसोलेसन अस्पताल निर्माण, सञ्चालन र व्यवस्थापन गर्न मन्त्रीहरु संयोजक रहेको व्यवस्थापन समिति गठन गरिएको छ।

लुम्बिनी प्रादेशिक अस्पताल बुटवलकालागि संयोजक उद्योग, पर्यटन, वन तथा वातावरण मन्त्री लिला गिरी सदस्यहरुमा बुटवल उपमहानगरपालिका नगरप्रमुख, तिलोत्तमा नगरपालिका नगरप्रमुख, रुपन्देहीका प्रमुख जिल्ला अधिकारी, सामाजिक विकास मन्त्रालयका स्वास्थ्य महाशाखा प्रमुख, देवदह मेडिकल कलेजका प्रमुख र सदस्यसचिवमा लुम्बिनी प्रादेशिक अस्पताल बुटवलकामेडिकल सुपरिटेण्डेण्ट रहेका छन्।

भीम अस्पताल भैरहवाका लागि संयोजक सामाजिक विकास मन्त्री सुदर्शन बराल, सदस्यहरुमा सिद्धार्थनगरपालिकाका नगरप्रमुख, रुपन्देहीका प्रमुख जिल्ला अधिकारी, स्वास्थ्य आपूर्ति व्यवस्थापन केन्द्रका निर्देशक, जिल्ला जनस्वास्थ्य कार्यालय रुपन्देहीका प्रमुख, युनिभर्सल मेडिकल कलेज अफ मेडिकल साइन्सेजका प्रमुख र सदस्य सचिवमा भीम अस्पतालका मेडिकल सुपरिटेण्डेन्ट रहेका छन्।

यी समितिले तोकिएको जिम्मेवारी भित्रको क्षेत्रमा यथाशक्य छिटो आइसोलेसन अस्पताल स्थापना गर्ने छन्। समितिले अस्पतालको सञ्चालन कार्ययोजना बनाउने र आवश्यक सामग्रीको व्यवस्थापन गर्ने, अस्पताल सञ्चालनका लागि आवश्यक जनशक्तिको सूची तयार गरी जनशक्ति व्यवस्थापन गर्ने र अस्पताल सञ्चालनका क्रममा आवश्यक निजी तथा सामुदायिक अस्पताल र मेडिकल कलेजहरुसँग आवश्यक सहयोग प्राप्त गर्ने काम गर्ने छन्।

केन्द्रीय आर्युवेद विद्यापीठ बेलझुण्डी दाङका लागि आन्तरिक मामिला तथा कानूनमन्त्री कुलप्रसाद केसी संयोजक, सदस्यहरुमा घोराही उपमहानगरपालिकाका प्रमुख, तुलसीपुर उपमहानगरपालिकाका प्रमुख, दाङका प्रमुख जिल्ला अधिकारी, राप्ती स्वास्थ्य विज्ञान प्रतिष्ठानका प्रमुख, जिल्ला जनस्वास्थ्य कार्यालयका प्रमुख, आयुर्वेद अध्ययन संस्थान नेपाल संस्कृत विश्वविद्यालय र सदस्य सचिवमा राप्ती प्रादेशिक अस्पतालका प्रमुख रहने छन्।

सुशील कोइराला प्रखर क्यान्सर अस्पताल खजुराका लागि भौतिक पूर्वाधार विकास मन्त्री बैजनाथ चौधरी संयोजक, सदस्यहरुमा नेपालगञ्ज उपमहानगरपालिकाका प्रमुख, बाँकेका प्रमुख जिल्ला अधिकारी, खजुरा गाउँपालिकाका अध्यक्ष, भेरी अस्पतालका मेडिकल सुपरिटेण्डेन्ट, क्यान्सर अस्पतालका प्रमुख, नेपाल प्रहरी अस्पताल नेपालगञ्जका प्रमुख, नेपालगञ्ज मेडिकल कलेजका प्रमुख र बाँके जिल्ला जनस्वास्थ्य कार्यालयका प्रमुख सदस्य सचिव रहेका छन्।

यी समितिले तोकिएको जिम्मेवारी भित्रको क्षेत्रमा यथाशक्य छिटो आइसोलेसन अस्पताल स्थापना गर्ने छन्। समितिले अस्पतालको सञ्चालन कार्ययोजना बनाउने र आवश्यक सामग्रीको व्यवस्थापन गर्ने, अस्पताल सञ्चालनका लागि आवश्यक जनशक्तिको सूची तयार गरी जनशक्ति व्यवस्थापन गर्ने र अस्पताल सञ्चालनका क्रममा आवश्यक निजी तथा सामुदायिक अस्पताल र मेडिकल कलेजहरुसँग आवश्यक सहयोग प्राप्त गर्ने काम गर्ने छन्।

मन्त्रिपरिषदको बैठकले हरेक आइसोलेसन अस्पताल निर्माणका लागि निर्माण, सञ्चालन र व्यवस्थापन समितिको सदस्य सचिव कार्यरत रहेको कार्यालयमा नियमानुसार खर्च गर्ने गरी एक करोड रुपैयाँका दरले उपलब्ध गराउने निर्णय गरेको छ।

त्यसैगरी सबै मेडिकल कलेजमा सरकारी छात्रवृत्तिमा अध्ययन गरेका विद्यार्थीलाई कोरोना विरुद्धको अभियानमा सहभागी गराउने, सबै मेडिकल कलेजले कोरोनाका बिरामीलाई अनिवार्य उपचारको व्यवस्था मिलाउने, सार्वजनिक सवारीका साधनलाई जिल्ला भन्दा बाहिर जान रोक लगाउने निर्णय गरेको छ।

स्थानीय तहले बाहिरबाट आएकालाई अनिवार्य सेल्फ क्वारेन्टाइनमा बस्न लगाउने र आवश्यक परेमा क्वारेन्टाइनको व्यवस्था गर्ने, प्रत्येक वडाले बाहिरबाट आएकाहरुको रेकर्ड राखेर क्वारेन्टाइनमा बस्न अनिवार्य गर्ने, पालिकाभित्र क्वारेन्टाइनको लक्षण देखिए एम्बुलेन्सको व्यवस्था गरी उपचारका लागि तयार गरिएका अस्पतालमा पुर्याउने व्यवस्था गर्ने निर्णय मन्त्रीपरिषद्ले गरेको छ।

  • ताजा समाचार
  • जनप्रिय

हेल्थपोष्ट टुइट्स सबै

कोरोनाविरुद्धको गीतमा विश्वप्रकाशको शब्द/संगीत प्रमोदको स्वर

काठमाडौं । नेपाली कांग्रेसका प्रवक्ता विश्वप्रकाश शर्माले कोरोना भाइरसको सन्त्रासको सन्दर्भमा गीत तयार पारेका छन्। गायक प्रमोद खरेल र शितल मोक्तानको स्वरवद्ध रहेको गीतमा संगीत पनि शर्माले नै भरेका हुन्।

‘आऊ माया गरौँ, मान्छेले मान्छेलाई, प्रकृतिलाई, संसारलाई माया गरौं’ बोलको गीत शर्माले तयार पारेका हुन्।

मनोहर सुनामको संयोजन र भोला पौडेलको रेकर्डिस्ट रहेको गीत साउन्ड डिजाइन स्टुडियो नक्सालमा तयार पारिएको हो।

बुधबार शब्द र संगीत तयार गरिएको गीतको रेकर्डिङ बिहीबार गरिएको बताइएको छ । शुक्रबार भिडियो छायाङ्कन गरिएको गीत आइतबार सार्वजनिक गर्ने तयारी छ।

यस्तो शर्माले रचना गरेको गीत

आउ माया गरौं, मान्छेले मान्छेलाई
प्रकृतिलाई, संसारलाई माया गरौं

let’s love; love humans, this nature, the world

आवाज मिलाउं / कदम कदम मिलाउं
महामारीबाट संसार जोगाउं
आउ माया गरौं !

Break the chain

उनीहरु छन् त्यसैले तिमी छौ
तिमी छौ र त उनीहरुमा आशा छ

You exist because of them
And in you, they have hope

आशाको दियोले विश्वास जगाउं
साथ साथ रहौं तर सचेत बनौं
मान्छे / मान्छे मिलेर मान्छेको वस्ती जोगाउं
आउ माया गरौं
Lets love
Break the chain.

  • ताजा समाचार
  • जनप्रिय

हेल्थपोष्ट टुइट्स सबै

कोरोनाको संक्रमण रोकथामका लागि छात्रवृतिमा अध्ययन गरिरहेका चिकित्सकलाई खटाइने

सरकारले कोरना भाइरस रोकथामका लागि छात्रवृतिमा अध्ययन गरिरहेका चिकित्सकलाई खटाउने जनाएको छ। स्वास्थ्य तथा जनसंख्या मन्त्रालयले आइबतार एक विज्ञप्ति जारी गर्दै छात्रवृतिमा पढिरहेका डाक्टरलाई खटाउने निर्णय गरेको हो।

मन्त्रालयले प्रदेश सरकारलाई पत्र लेखी सरकारी छात्रवृत्तिमा एमबीबीएस र एमडीरएमएस अध्ययन सकेका डाक्टरलई आवश्यकताअनुसार परिचचालन गर्न निर्देशन दिएको छ।

प्रदेश अन्तर्गत संलग्न सूचीअनुसार सरकारी छात्रवृत्तिमा अध्ययन गरी अध्ययन पश्चात कार्यरत एमबीबीएस र एमडीरएमएस शैक्षिक योग्यता भएका डाक्टरलाई खटाएको निकायमा न्युनतम सेवा प्रवाह नरोकिने गरी कोरोना भाइरस रोकथाम तथा नियन्त्रणमा आवश्यकताअनुसार परिचालन गरिने मन्त्रालयले जनाएको छ।

  • ताजा समाचार
  • जनप्रिय

हेल्थपोष्ट टुइट्स सबै

घरमै बसेर कोरोना भाइरसबारे चिकित्सकसँग परामर्श गर्न यी नम्बरमा कल गर्नुस्

नेपाल चिकित्सक संघले देशभरका नागरिकलाई कोरोना भाइरससँग सम्बन्धित कुनै पनि विशेषज्ञ परामर्श लिनु परे फोनबाट सम्पर्क गर्न सकिने जनाएको छ। संघले विभिन्न विशेषज्ञहरूको नम्बर उपलब्ध गराउँदै घरमै बसेर परामर्श लिन सकिने जनाएको हो।

संघले एक विज्ञप्ति जारी गर्दै विभिन्न चिकित्सकहरूले विभिन्न समयमा १ घन्टाभन्दा बढी समय टेलिफोनबाट परामर्श दिनका लागि छुट्याएको जनाएको छ। संघले आकस्मिक अवस्थाहरूमा बाहेक स्वास्थ्य संस्था र अन्य भीडभाड हुने स्थानमा नजान र घरमै सुरिक्षत रहनसमेत जनतालाई आग्रह गरेको छ।

संघले जारी गरेको विज्ञप्तिमा विभिन्न चिकित्सकको फोन नम्बर उपलब्ध छ।

  • ताजा समाचार
  • जनप्रिय

हेल्थपोष्ट टुइट्स सबै

बाँकेको जमुनहा नाका एक हप्ताका लागि बन्द

बाँकेको नेपालगन्जस्थित नेपाल भारत जमुनहा सीमानाका एक हप्ताको लागि बन्द गरिएको छ। आइतबार नेपाल र भारतीय सुरक्षा निकायका प्रमुखहरूको छलफलबाट जमुनहा नाका एक हप्ताका लागि बन्द गर्ने सहमति भएको हो।

विश्वब्यापी रुपमा फैलिएको कोरोना भाइरसको संक्रमण बढ्न नदिन सीमानाका बन्द गरिएको बाँकेका प्रहरी प्रमुख एसपी वीरबहादुर ओलीले बताए।

आइतबार बिहान बाँकेका प्रमुख जिल्ला अधिकारी कुमार बहादुर खड्का, बाँके प्रहरी प्रमुख वीरबहादुर ओली, शसस्त्र प्रहरी गुल्म ३० नम्बर गणका प्रहरी उपरीक्षक दीपक अधिकारी र भारत बहराइचका जिल्ला अधिकारी शम्भु कुमार, बहराइचका एसपी बिपिन कुमार मिश्रासहितको टोलीबिच भएको दुई पक्षिय छलफलबाट उक्त नाका एक हप्ताका लागि बन्द गरिएको हो।

शुक्रबारदेखी सवारी साधनमा रोक लगाएपनि पैदल यात्रीहरूलाई भने आवागमनका लागि छुट गरिएको थियो। सीमा नाका बन्द गर्ने निर्णय भएसँगै अब पैदलयात्रु तथा सवारी साधन सञ्चालन हुन पाउँने छैनन्। यद्यपी अत्यावश्यक सामग्री ढुवानी तथा एम्बुलेन्सको हकमा आवश्यकता अनुसार आवागमन गर्न दिने सहमती भएको छ।

अत्यावश्यक बाहेक उद्योग व्यवसाय बन्द गर्न आग्रह

नेपालगन्ज उद्योग वाणिज्य संघले कोरोना संक्रमणविरुद्धको अभियानमा जुट्न उद्योगी व्यवसायीलाई आह्वान गरेको छ। अत्यावश्यक बस्तु तथा सेवाको कामबाहेकका उद्योग व्यवसाय बन्द गर्दै कोरोना संक्रमणविरुद्धको अभियानमा लाग्न आह्वान गरेको हो।

संघका अध्यक्ष अब्दुल वाहिद मन्सुरी र महासचिव चिरञ्जीवी ओलीद्वारा संयुक्तरुपमा जारी गरिएको विज्ञप्तीमा विश्वभर फैलिएको कोरोना भाइरस (कोभिड–१९) का कारण जनमानसमा त्रास उत्पन्न भएको भन्दै उद्योग व्यवसाय बन्दको आह्वान गरिएको छ।

विज्ञप्तीमा चैत २१ गतेसम्म आफ्नो व्यापार व्यवसाय बन्द गरी विश्वभर फैलिएको कोरोना संक्रमणबिरुद्धको अभियानमा पूर्ण समर्थन गर्दै सम्पूर्ण उद्योगी, व्यवसायीलाई व्यापार व्यवसाय बन्दका लागि अपील गरिएको छ। नेपाल कोरोना संक्रमणको अत्यन्त जोमिखपूर्ण राष्ट्रको सूचीमा राखेकाले उद्योगी व्यवसायीहरूलाई उच्च सतर्कता अपाउन संघले भनेको छ।

‘नेपालगन्जसँग सीमा जोडिएको भारतमा कोरोनाको संक्रमण बढ्दै गएकोले यहाँका उद्योगी व्यवसायी थप सचेत र सजग बन्नुपर्ने देखिन्छ,’ विज्ञप्तीमा भनिएको छ, ‘यस अवस्थाप्रति संघसमेत गम्भीर भएर कोरोना संक्रमणविरुद्धको अभियानमा सक्रियतापूर्वक लागेको छ।’ साथै संघले बन्दको सूचना दिन माइकिङ्ग तथा कोरोना संक्रमणबिरुद्ध विभिन्न सूचनामूलक व्यानर, फ्लेक्स् बोर्डहरु लगाइरहेको जनाएको छ।

संघले विपतकालिन राहत कोष परिचालन समितिलाई थप प्रभावकारी बनाउँदै कार्यान्वयन परिचालन समिति गठन गर्ने तयारी गरेको जनाएको छ। संघले निर्माण गरेको राहत कोषमा आर्थिक सहयोग गर्न सम्पूर्ण उद्योगी, व्यवसायीहरूलाई अपील पनि गरेको छ। संघका अध्यक्ष मन्सुरीले कोरोना संक्रमण हुन नदिन सरकारी निकायका कार्ययोजनालाई सफल बनाउन आवश्यकता अनुसार थप अभियान बनाएर सञ्चालन गरिने बताए।

नागरिकको स्वास्थ्य जोगाउन निजी क्षेत्रबाट गर्न सकिने सबै साथ र सहयोग गरिने अध्यक्ष जनाउँदै मन्सुरीले दैनिक उपभोग्य सामाग्रीहरू सर्वसुलभरुपमा उपलब्ध गराउन र कुनै प्रकारको समस्या सिर्जना हुन नदिन उद्योगी, व्यवसायीहरुलाई अपील गरेका छन्। अध्यक्ष मन्सुरीले उपभोक्ता वर्गले अभाव हुने आशंकामा आवश्यकताभन्दा बढि खरिद र भण्डारण नगरिदिनु हुनसमेत आह्वान गरे।

  • ताजा समाचार
  • जनप्रिय

हेल्थपोष्ट टुइट्स सबै

दशगजामा नेपाली र भारतीय सुरक्षाकर्मीको संयुक्त गस्ती

नेपालगञ्ज । कोरोना भाइरसको चौतर्फी सन्त्रासपछि भारतबाट फर्किने र नेपालबाट भारत जाने यात्रुहरूले चोेर बाटो प्रयोग गर्न थालेपछि नेपालगञ्ज–रुपैडिहा नाकाको दशगजा क्षेत्रमा नेपाल प्रहरी, भारतीय सीमा सुरक्षा बल र स्वास्थ्यकर्मीको टोलीले संयुक्त गस्ती सुरु गरेकोछ।

नेपाल प्रहरीतर्फबाट जमुनाह प्रहरी इन्चार्ज सई माधव रिजालले नेतृत्वको टोली भारतर्फबाट लखिमपुरका एसएसबी डिआइजी अभिषेख पाठकले नेतृत्वको टोली सीमा क्षेत्रमा खटिएको छ।

टोलीमा शसस्त्र प्रहरी वल राजश्व तथा भन्सार गस्ती नम्बर ४० गुल्मका प्रमुख शसस्त्र प्रहरी नायब उपरीक्षक नबराज बोहरा, भारत अगैयाका बटालियन कमाण्डर एसपी प्रबिण कुमार लगायको टोलीले स्थलगत अनुगमन खटिएको छ।

शनिबार विहान जमुनाह नाका भएर पूर्वक्षेत्रतर्फ दशगजामा स्वास्थ्यकर्मीसहितको सुरक्षाकर्मीको टोलीले संयुक्त गस्ती गरेको थियो। जमुनाह नाकामा भारतर्फ भारतीय सुरक्षाकर्मी र नेपालतर्फ नेपाली सुरक्षाकर्मीले एक देशबाट अर्को देशमा ओहोरदोहोर गर्नेलाई कडाईका साथ चेक जाँच थालेपछि चोर बाटो भएर सर्वसाधरणले ओहोरदोहोर थालेकाले दशगजामा संयुक्त गस्ती थालिएको हो।

जमुनाह नाकाबाट पूर्वीतर्फ खुला सीमानामा नेपालबाट ओहोरदोहोर गर्ने तीनवटा बाटो भएकाले ती बाटोबाट ओहोरदोहोर रोक्नका लागि दुवैदेशका सुरक्षाकर्मीले शनिबारदेखी कडाई गरेकाछन्।

खुला तीनवटा चोरबाटोबाट लुकेर सर्वसाधरण नेपाल–भारत ओहोरदोहोर गर्न थालेपछि कसैमा कोरोना संक्रमण भए पहिचान होस् भनेर दुवैदेशका सुरक्षाकर्मीले निगरानी बढाएको जमुनाह प्रहरी इन्चार्ज सई माधव रिजालले बताए।

जमुनाह नाकामा चेकजाँचमा कडाई गरेपछि ती तीनवटा बाटोबाट लुकीछिपी ओहोरदोहोर गर्नेको लर्को रहेकोछ। विषेशगरी विहान भारतबाट साइकल र मोटरसाइकलमा नेपालगन्जमा मजदूरी गर्न आउने र बेलुका नेपालगन्जदेखि फर्कनेहरू बढिरहेकाछन्।

  • ताजा समाचार
  • जनप्रिय

हेल्थपोष्ट टुइट्स सबै

चितवनमा ७२ घन्टामा तयार पारिएको अस्पतालबाट सेवा प्रारम्भ

चितवनमा कोरोना विशेष (अस्थायी) अस्पतालको स्थापना गरिएको छ। विश्वभर माहामारीको रुपमा फैलिएको कोरोना भाइरसको संक्रमणबाट जोगिन भरतपुर महानगरपालिकाले भरतपुरको प्रदर्शनी केन्द्रमा कोरोना विशेष अस्पतालको स्थापना गरेको हो।

७२ घण्टामा तयार गरिएको ५० शैया सहितको जनरल वार्डको आज एक कार्यक्रमकाबीच वागमती प्रदेशका सामाजिक विकास मन्त्री युवराज दुलालले र भरतपुर महानगरपालिकाकी प्रमुख रेनु दाहाललाई मास्क, चिकित्सकका लागि उपकरणलगायतका सामग्री हस्तान्तरण गरेर सेवा प्रारम्भको सुरुवात गरे।

कार्यक्रममा बोल्दै सामाजिक विकास मन्त्री दुलालले कोरोना नियन्त्रणका लागि मानसिक हिसावले मात्र नभई भौतिक हिसावले पनि तयार रहेको बताए। उनले वाग्मती सरकारले कोरोना नियन्त्रणका लागि १३ जिल्लामा ३ सय आईसियूसहित १ हजार बेडको अस्पताल तयार गरेको बताए। उनले नेपालमा भाइरस छिर्न नदिनका लागि सीमा र हवाई क्षेत्रमा कडाई गरिएको बताए।

अस्पतालमा ५० वटा जनरल वार्ड तयार भैसेको छन्। बाँकी आइसियू र १० वटा एचडियूको बेड जडानको काम भइरहेको भरतपुर महानगरपालिकाकी मेयर रेनु दाहालले बताइन्।

अस्पताल सञ्चालनसँगै स्वास्थ्यकर्मीको सुरक्षाको ग्यारेन्टी समेत गर्ने मेयर दाहालले बताइन्। उनले चितवन कोरोनो भाइरसको संक्रमणबाट उच्च जोखिममा रहेकाले आवश्यकता अनुसार सेवा विस्तार समेत गर्ने प्रतिवद्धता जनाइन्। उनले कोरोना नियन्त्रणका लागि विकास खर्च कटौति गरेर भएपनि अगाडी बढ्ने बताइन्।

मंगलबारबाट काम सुरू गरिएकोमा नेपाली सेना, नेपाल प्रहरी, सशस्त्र प्रहरी, चिकित्सक र सर्वसाधरणको टोलीसमेत गरेर १ सय ५० जनशक्ति खटिएका थिए।

अस्पतालको सञ्चालनको जिम्मा भने भरतपुर महानगरपालिकाले लिनेछ। अब कोरोनाको आशंका लागेका यहीँ अस्पतालमा उपचार गरिने डाक्टर भोजराज अधिकारीले जानकारी दिए।

  • ताजा समाचार
  • जनप्रिय

हेल्थपोष्ट टुइट्स सबै

वीर अस्पतालमा गेटबाट ज्वरो नापेर मात्र प्रवेश (फोटोफिचर)

विश्वमा फैलिरहेको कोरोना भाइरसले नेपालमा त्रास बढाएको छ। वीर अस्पतालमा आउने बिरामीको ज्वरो नापेर मात्र भित्र प्रवेश दिन गर्न थालिएको छ। कोरोना नियन्त्रणको लागि अस्पताल आउने बिरामीको ज्वरो नापेर मात्र प्रवेश गर्न दिएको अस्पतालका निर्देशक डा. केदार सेञ्चुरीले बताए।

अस्पतालमा आउने बिरामी तथा कुरुवालाई नै गेटबाट ज्वरो नापेर पठाउने गरेका छौँ, डा. सेञ्चुरीले भने, ‘चिकित्सकहरुले थप कोरोनाबाट जोखिमबाट बच्न पनि परामर्श दिनुहुनेछ।’

कोरोनाको जोखिम अस्पतालमा क्षेत्रमा बढी हुने भएका अत्यावश्य सेवा लिन बाहेक नआउन डा.सेञ्चुरी बताए।

कोरोनाको त्रासका कारण अस्पताल आउने बिरामीको संख्या घट्दै गएको छ। पहिलाका दिनहरुमा दैनिक रुपमा २ हजारभन्दा बढी टिकट बढ्ने गरेकोमा आज १ हजार ओेपीडी टिकट बिक्रि भएको छ। सरकारले कोरोना संक्रमण फैलिएको अवस्थामा वीर अस्पतालमा २० वटा आइसोलेसन वार्ड छुट्याएको छ।

  • ताजा समाचार
  • जनप्रिय

हेल्थपोष्ट टुइट्स सबै