सशस्त्र प्रहरी क्याम्पमा जवानले कुट्दा सई र हवल्दार घाइते

कोभिड-१९ नियन्त्रण तथा रोकथामका लागि सीमामा खटिएका सशस्त्र प्रहरी बलका प्रहरी नायब निरीक्षक (सई) र हवल्दारमाथि निर्घात कुटपिट भएको छ।

कैलालीको एक सशस्त्र प्रहरी वेशका दुई जवानले प्रहरी नायब निरीक्षक (सई) र प्रहरी हवल्दारलाई निर्घात कुटपिट गरेका हुन्।

मदिरा सेवन गरी बसेका दुई जवानले खाना खान आएका सई रामबहादुर तेर र हवल्दार दौलतसिंह धामीलाई निर्घात पिटेका हुन्।

घटना जेठ २१ गते रातिको हो। कैलारी गाउँपालिका भुइयाँफाटास्थित नेपाल-भारत सीमाको फरवाड बेसका दुई जवानले खाना खान आएका सई र हवल्दारलाई कुटेको स्रोतले जनाएको छ।

कुटपिटका क्रममा हवल्दार धामीलाई टाउकोमा बञ्चरो प्रहार गरिएको छ। घाइते दुबै सेती प्रादेशिक अस्पतालमा उपचारपछि सशस्त्र प्रहरीको कैलालीस्थित ३४ नम्बर गणमा फर्केका छन्।

उक्त बेश ३४ नम्बर गण मातहत हो। घाइते तेरकै नेतृत्वमा त्यहाँ सशस्त्र प्रहरीको बेस छ।

हाकिमलाई कुटपिट गर्ने दुई जवानको नाम खुलेको छैन। ३४ नम्बर गणले आन्तरिक विवाद भन्दै घटनाबारे जानकारी दिन मानेको छैन।‘चेन अफ कमाण्ड’मा चल्ने फौजी संगठनमा जवानले कमाण्डरलाई नै कुटपिट गर्ने अवस्था आउनुलाई सामान्य भने मानिँदैन।

उच्च स्रोतका अनुसार कुटपिटपछि ती जवानले हाकिमलाई गोली प्रहार गर्न हतियार नै खोस्न खोजेका थिए। डिउटीमा रहेका अन्य जवानहरू जंगलतिर भागेपछि गाउँले आएर छुट्याएका थिए।

‘डिउटीमा रहेका सिपाहीको बन्दुक खोसेर गोली हान्ने प्रयास भएको थियो, तर सिपाहीहरू जंगलतिर भागेपछि थप घटना हुन पाएन,’ उच्च स्रोतले भन्यो।

घटना गाउँलेले थाहा पाएपछि प्रहरीलाई खबर गरिएको थियो। थप मद्दतका लागि आएका सशस्त्र प्रहरीले कुटपिट गर्ने दुई जवानलाई डोरीले बाँधेर लगेका थिए।

३४ नम्बर गणका प्रहरी उपरीक्षक कमल तिम्सिनाले आन्तरिक विवादका क्रममा ‘सामान्य घटना’ भएको बताए। कुटपिट गर्ने प्रहरीलाई गणमा ल्याएर आन्तरिक कारबाही थालिएको तिम्सिनाले बताए।

 

  • ताजा समाचार
  • जनप्रिय

हेल्थपोष्ट टुइट्स सबै

कुटिएका स्वास्थ्यकर्मीको अस्पताल शैय्याबाट आग्रह- ‘हामीलाई जोगाउनुस्, आफ्नो जीवन बचाउनुस्’

राजधानीको ट्रमा सेन्टरको बेड नम्बर ५१८ मा टाउकोमा सेतो पट्टि बाँधेको अवस्थामा एक स्वास्थ्यकर्मी छट्पटारहेका छन्।

आज दुई दिन भयो उनी त्यसरी ट्रमाको सो बेडमा छट्पटाउन थालेको।

ती स्वास्थ्यकर्मी हुन् डोटीको शिखर नगरपालिका- ९ दानकोट स्वास्थ्यचौकीमा कार्यरत अहेब रमेश कुँवर

छट्पटाउनुको कारण हो टाउको अगाडि पट्टिको भागमा गहिरो चोट लाग्नु।

चार दिनअगाडि आइतबार बेलुका ‘कोरोना फैलिने’ भन्दै शिखर नगरपालिका- ७ लाटामाडौंमा रहेको स्वास्थ्यचौकीबाट स्वास्थ्य सामग्री बोकेर दानकोट स्वास्थ्यचौकी जाँदै गरेको अवस्थामा उनीमाथि आक्रमण भएको थियो।

तीन जनाको समूहको आक्रमणबाट उनको टाउकोमा गहिरो चोट लागेको छ।

जति उनलाई चोटको दुखाइ भइरहेको छ त्योभन्दा बढी जनताको सेवा गर्दागर्दै अनाहकमा कुटाइ खानुपर्दा मन दुखेको छ।

कुँडिएको मनसहित निरास छन्। र, त अस्पतालको शैय्याबाटै भनिरहेका छन्, ‘स्वास्थ्यकर्मी बचाउनुस्, आफ्नो जीवन बचाउनुस्।’

उनलाई बोल्न निकै गाह्रो भइरहेको छ। केही भन्न परे दाइको सहारा लिन्छन्।

उनी मात्र होइन। उनीसँगै आएका उनका दाइ चेतन कुँवरको छटपटी पनि कम छैन।

कोरोनाले सबैमा एउटा खाले त्रास छ। राजधानीमा उनीहरूका चिनेजानेका मान्छे पनि कोही छैनन्।

दुई भाइ अस्पतालको बेडमा हुन्छन्। चिकित्सकले भनेअनुसार नै काम गरिरहेका हुन्छन्।

चिकित्सकको सेवा देखेर खुसी भएका उनका दाइले हेल्थपोस्टसँगको कुराकानीमा पिसिआर परीक्षणका लागि भाइको स्वाब पठाइएकाले रिपोर्ट आएपछि अप्रेसन गर्ने डाक्टरले बताएको सुनाए।

पीडित कुँवरले अब आगामी दिनमा जनतको स्वास्थ्य उपचारमा खटिने कसैले पनि आफ्नो जस्तो नियति भोग्न नपरोस् भन्ने चाहेको बताए। त्यसैले आफूले अस्पतालको बेडबाटै डाक्टर बचाउनुस्, आफ्नो पनि जीवन बचाउनुस् भन्ने आग्रह गरिरहेको बताए।

आफ्नो जीवन नै जोखिममा राखेर उपचारमा खटिएका स्वास्थ्यकर्मीमाथि आक्रमण रोकिनु पर्ने उनको भनाइ छ। ‘यस्ता गतिविधिले स्वास्थ्यकर्मीमो निकै मनोबल खस्किन्छ। हामीले सेवा गर्ने भनेको नै जनताका लागि हो। उहाँहरूबाट नै दुर्व्यवहार हुन्छ भने हामीले कसरी काम गर्ने,’ उनले भने।

‘मेरो जस्तै नियति र पीडा आगामी दिनमा कसैले खेप्न नपरोस्,’ उनी भन्छन्।

भाइलाई कोराना सार्न आएको भन्दै नाम थाहा नभएका र अनुहारले चिनिएका तीन जनाले ढुंगामुढा प्रहार गर्दै आक्रमण गरेको कुँवरको गुनासो छ। उनी दोषीलाई कडा कारबाही गर्न माग गर्छन्।

ट्रमा सेन्टरका अनुसार उनलाई फ्रन्टल बोन डिप्ररेस्ड फ्याक्टर भएको छ। ‘त्यो भनेको उनको अगाडि पट्टिको हड्डी फुटेको भन्ने हो,’ अस्पतालले भन्यो।

उता आफ्नो पालिकामा स्वास्थ्यकर्मीमाथि कुटपिट भएको भन्दै शिखर नगगरपालिकाका मेयर सीताराम जोशीले पनि दोषी उम्किन नपाउने बताएका छन्। उनले प्रहरी प्रशासनलाई पूरा सहयोग गर्ने जनाए।

आक्रमण गर्ने तीनै जनालाई प्रहरीले पक्राउ गरेर अनुसन्धान थालेको छ। पक्राउ पर्नेमा शिखर नगरपालिका-७ बोगटाका नवीन खत्री, रोशन खत्री र तेज लोहार रहेको जिल्ला प्रहरी कार्यालय डोटीका सूचना अधिकारी प्रहरी निरीक्षक कर्ण बोहराले जानकारी दिएका छन्।

कोरोना फैलिने भन्दै स्वास्थ्यकर्मीमाथि आक्रमण गर्नेलाई कडा कारबाही होस् : स्वास्थ्यकर्मी संघ

  • ताजा समाचार
  • जनप्रिय

हेल्थपोष्ट टुइट्स सबै

स्वास्थ्यकर्मी कुटिने घटना भएको डोटी शिखरका मेयर भन्छन्- ‘दोषी उम्किन पाउँदैन’

 

 

 

 

 

 

 

 

 

 

 

 

 

कोरोना सार्ने भन्दै स्वास्थ्यकर्मीमाथि कुटपिटको घटना भएको डोटीको शिखर नगरपालिकाका मेयर सीताराम जोशीले घटना गम्भीर भएको भन्दै दोषीहरू उम्किन नपाउने बताएका छन् । उनले हेल्थपोस्टसँग कुरा गर्दै त्यसका लागि आफूले प्रहरी प्रशासनलाई पूरा सहयोग गर्ने बताए।

उनले आफूले घटनाबारे सबै विवरण लिने र उपचारलगायतका कानूनी कारबाहीका लागि पनि समन्वय गरिरहेको जानकारी दिए। स्वास्थ्यकर्मीमाथि आक्रमणका घटनामा अधिकांश दोषी उम्किने गरेको सन्दर्भमा मेयर जोशीकै यस्तो भनाइ आएको हो।

‘लाटामाडौंमा रहेको स्वास्थ्य चौकीबाट स्वास्थ्य सामग्री बोकेर दानकोट स्वास्थ्य चौकी जाँदै गरेको अवस्थामा उनीमाथि ओभरट्याक गरेर आक्रमण गरेको सुन्नमा आएको छ’, मेयर जोशीले भने, ‘ज्यानै लिनेगरी हमला हुनु दुखद् हो। घटनामा संलग्नलाई कडा कारबाही गर्नुपर्छ।’

आफूले धनगढीबाट एम्बुलेन्सको व्यवस्थाका लागि पहल गरेर सोमबार बेलुका घाइते अहेबलाई काठमाडौं पठाइएको मेयर जोशीले बताए।

‘भारतबाट १८ सय जना नगरपालिकामा आएका छन्। उनीहरूको व्यवस्थापन नै हाम्रो प्रमुख चुनौती भएको समयमा यस्तो घटना हुनु दुखद् हो’, उनले भने, ‘म क्वारेन्टाइनको व्यवस्थापनमा व्यस्त थिएँ। त्यसैले पीडितलाई पूरै सहयोग गर्न पाइनँ। तर, आफूले सकेको सहयोग गरेँ।’

नगरपालिकामा हिजो मात्रै एक जनामा कोरोना पुष्टि भएकाले व्यवस्थापनमै रहेको समयमा कोरोनासँगको लडाइँका योद्धामाथि नै आक्रमण हुनु दुखद् भएको मेयर जोशीको भनाइ छ।

कोरोना फैलिने भन्दै डोटीको शिखर नगरपालिका-९ को दानकोट स्वास्थ्यचौकीमा कार्यरत अहेब रमेश कुवँरमाथि आइतबार राति निर्घात कुटपिट भयो।

शिखर नगरपालिका-७ लाटामाडौंमा रहेको स्वास्थ्य चौकीबाट स्वास्थ्य सामग्री बोकेर दानकोट स्वास्थ्य चौकी जाँदै गरेको अवस्थामा उनीमाथि तीन जनाको समूहले आक्रमण गर्यो। बेलुका ७ बजेतिर भएको आक्रमणमा परि अहेब कुँवरको टाउकामा गम्भीर चोट लाग्यो।

गम्भीर चोट लागेका कुँवरलाई परिवारले तत्काल डडेलधुरा लग्यो। त्यहाँ उपचार सम्भव नभएपछि सेती प्रादेशिक अस्पताल धनगढी रेफर गरियो। त्यहाँ पनि उपचार सम्भव नहुने देखिएपछि उनलाई सोमबार राति एम्बुलेन्समा काठमाडौं ल्याइयो। यतिबेला उनको राजधानीको ट्रामा सेन्टरमा उपचार भइरहेको छ।

कोरोना फैलिने भन्दै मान्छेको जीवन रक्षामा जुटेका स्वास्थ्यकर्मीमाथी नै आक्रमण हुनु दुखद् रहेको भन्दै यतिबेला चौतर्फी विरोध भइरहेको छ।

प्रहरीले उनीमाथि आक्रमण गर्ने शिखर नगरपालिका–७ बोगटाका नवीन खत्री, रोशन खत्री र तेज लोहारलाई पक्राउ गरेर अनुसन्धान थालेको छ। जिल्ला प्रहरी कार्यालय डोटीका सूचना अधिकारी प्रहरी निरीक्षक कर्ण बोहराका अनुसार उनीहरू प्रहरी हिरासतमा छन्।

मदिरा सेवन गरेका स्थानीय तीन जनाले गाली गर्दै एक्कासि ढुङ्गामुढा प्रहार गरेको खबर प्राप्त भएको डोटीका पत्रकार पवन महराले हेल्थपोस्टलाई जानकारी दिए।

यता ट्रमा सेन्टरका प्रवक्ता अर्जुनप्रसाद भेटवालका अनुसार उनलाई आज बिहान अस्पतालमा पुर्याइएको थियो। अहिले उनको उपचार भइरहेको छ।

फ्रन्टल बोन डिप्रेस्ड फ्याक्चर भएका उनको सबै रिपोर्ट आइसकेपछि भोलि अप्रेसन गर्ने वा नगर्ने बारे तय हुने छ। उनका अनुसार टाउकोको अगाडिपट्टिको हड्डी फुटेको छ।

कोरोना फैलाउने भन्दै कुटिएका अहेबको टाउकोमा चोट, ट्रमा भन्छ– हड्डी फुटेको छ

  • ताजा समाचार
  • जनप्रिय

हेल्थपोष्ट टुइट्स सबै

चिकित्सक कुटपिटमा संलग्न डिएसपी उमेश लम्सालाई जिम्मेवारीबाट हटाइयो, अन्य प्रहरीलाई कारबाहीको दायरामा ल्याउने

चिकित्सक कुटपिटमा संलग्न रहेका महानगरीय प्रहरी वृत महारागन्जका प्रमुख डिएसपी उमेश लम्साललाई कारबाही स्वरुप जिम्मेवारीबाट हटाइएको छ ।

महानगरीय प्रहरी कार्यलय रानीपोखरीले प्रेस विज्ञप्ती जारी गर्दै महानगरीय प्रहरी वृत महारागन्जका प्रमुख हटाई रानीपाखेरीमा तानेको छ भने अन्य प्रहरी कर्मचारी छानबीनको दायरामा ल्याएको बताइएको छ ।

घटना प्रति कार्यलयले गहिरो दुख प्रकट गर्दै फिल्डमा खटिने सकल दर्जाका प्रहरी विभिन्न पेशाकमी तथा आमनागरिकहरु प्रति गरिने व्यवहार कहिकतै कमजोरी हुन नदिने तथा स्वास्थ्यकर्मीको सुरक्षामा विशेष संवेदनशील रहने प्रतिबद्दता समेत जारी गरेको छ ।

बुधबार राती खाना खाएर डेरामा जाने क्रममा त्रिवि शिक्षण अस्पतालका ३ डाक्टरमाथि प्रहरीले लाठी चार्ज गरेको थियो । प्रहरीले डा. शम्भु खनाल, विकास शाह र तेजप्रसाद शाहमाथि अभद्र व्यवहार थियो । लाठी चार्जमा तेजप्रसादको हात र ढाडमा चोट लागेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

चिकित्सकमाथिको कुटपिट घटना : प्रहरीले लिखित माफी माग्नुपर्ने

त्रिवि शिक्षण अस्पतालको चिकित्सक माथि भएको कुटपिटको घटनामा प्रहरीले आन्तरिक छलफल गरेर निर्णय गर्ने बताएको छ ।
बिहिबार नेपाल चिकित्सक संघका पदाधिकारी, काठमाडौं प्रहरी प्रक्वता डिएसपी होवेन्द्र बोगटी, पीडित डाक्टरले वार्ता गरेका छन् ।

वार्ताको क्रममा चिकित्सक भनेर कार्ड देखाउँदा देखाउदै लाठी चार्ज गरेको हुनाले चिकित्सकले सुरक्षाको माग गरेका छन् । छानबाीनको कानुनी दायारामा ल्याई हैदसम्मको कारबाही हुनुपर्ने बताएका छन् ।

वार्तामा प्रहरीले आन्तरिक रुपमा छलफल गरेर प्रक्रिया अगाडी बढाउने कुरा भएकोसंघका महासचिव डा. बद्दि रिजालले जनाकारी दिए । ‘उहाँहरुले आन्तरिक रुपमा छलफल गरेर निर्णय लिने बताउनुभएको छ, डा. रिजालले भने,‘ हेरौ उहाँहरुको के निर्णय आउँछ ।’
प्रहरीले आफूले गल्ती गरेको मौखिक रुपमा स्वीकार गरेको उनले बताए ।

आवासीय चिकित्सकहरुले प्रहरीले लिखित रुपमा नै माफी माग्नुपर्ने माग राख्नुपर्ने र कानुन बमोजिम कारबाही हुनुपर्ने माग राखेका छन् ।
चिकित्सक तथा स्वास्थ्यकर्मी माथि हातपात भएको ठहर भए कानुन बमोजिमको कसुर गर्ने वा गराउने व्यक्तिलाई एक वर्षसम्म कैद वा दश हजार रुपैयाँसम्म जरिबाना वा दुवै सजाय हुनेछ ।

  • ताजा समाचार
  • जनप्रिय

हेल्थपोष्ट टुइट्स सबै

चिकित्सकहरू युद्ध मैदानबाट फिर्ता हुने अवस्था ननिम्तियोस् : नेपाल चिकित्सक संघ

चिकित्सक कुटपिटको सम्बन्धमा नेपाल चिकित्सक संघलगायत रेजिडेन्ट एसोसिएसन अफ न्यान्स, जुनियर रेजिडेन्ट सोसाइटीले छानबिन गरी दायरामा ल्याउन माग गरेका छन्।

त्रिवि शिक्षण अस्पतालका रेजिडेन्ट डाक्टरहरू खाना खाएर फर्कने क्रममा हिजो बुधबार राति प्रहरीले डाक्टरमाथि लकडाउन उल्लंघन गरेको भन्दै लाठी प्रहार गरेको थियो।

संघले विज्ञप्ति निकाल्दै चिकित्सकमाथि हातपात गर्ने, लाठी प्रहार गर्ने जस्तो अमानवीय क्रियाकलापको भर्त्सना गरी कुटपिट गर्ने प्रहरीलाई छानबिन गरी कानुनी कारबाही गर्ने माग गरेका छन्।

‘हाल उत्पन्न कोरोनाको माहामारीसँग जुध्न युद्द मैदानमा होमिएका स्वास्थ्यकर्मी तथा चिकित्सकमाथि यस्तो अमानवीय र अक्षम्य घटना घटाउनेमाथि कानुनी कारबाही नगरिएको खण्डमा देशभरको स्वास्थ्यसेवामा गम्भीर असर पर्ने सक्ने देखिन्छ,’ विज्ञप्तिमा छ, ‘स्वास्थ्यमकर्मी तथा चिकित्सक युद्ध मैदानबाट फिर्ता हुने अवस्था ननिम्त्याउन सरकार तथा सरोकारवाला निकायलाई सचेत गराउँदछौं।’

  • ताजा समाचार
  • जनप्रिय

हेल्थपोष्ट टुइट्स सबै

अनमीमाथि कुटपिटपछि बर्थिङ सेन्टर बन्द

कपिलवस्तुको महाराजगन्ज नगरपालिकामा रहेको थुनियाँ स्वास्थ्यचौकीमा कार्यरत अनमी उषा केसीमाथि कुटपिट भएपछि त्यहाँको बर्थिङ सेन्टर बन्द भएको छ । बर्थिङ सेन्टरका कर्मचारीको सुरक्षालाई मध्यनजर गरी सेवा बन्द गरिएको नगरपालिकाको भनाइ छ ।
कर्मचारीको सुरक्षाका कारण स्वास्थ्यचौकीको बर्थिङ सेन्टर बन्द गरिएको शिवराज नगरपालिकाकी उपप्रमुख शिवकुमारी थारूले बताइन् ।

उनका अनुसार बर्थिङ सेन्टरमा कार्यरत दुईजना अनमीलाई नगरको चनई स्वास्थ्यचौकीमा पठाइएको छ । कुटपिटमा संलग्न मैफुज मुसलमानका विषयमा उनकै बाबु–आमाले समेत नगरपालिकामा आई करिब २ महिनाअघि आफूहरूमाथि कुटपिट गरी बस्नखान नदिएको हुँदा कारबाही गरिदिन अनुरोध गरेका थिए । उनीहरूले बुहारी र नाति–नातिनासमेत छोराको कुटपिट र व्यवहारबाट घर बस्न नसकी माइत बस्ने गरेको जानकारी गराएको उपप्रमुख थारूले बताइन् ।

उनले स्वास्थ्यचौकीमा दिउँसोको सेवा सुचारु गरिएको भए पनि बर्थिङ सेन्टरको सेवा भने १० पुसदेखि बन्द गरिएको बताए ।

शिवकुमारी थारू, उपप्रमुख, शिवराज नगरपालिका, कपिलवस्तु

अर्को व्यवस्था नहुँदासम्म बर्थिङ सेन्टरको सेवा बन्द गरिएको र त्यहाँ कार्यरत दुई महिला स्वास्थ्यकर्मीलाई नगरभित्रको अर्को बर्थिङ सेन्टरमा पठाइएको नगरपालिकाका स्वास्थ्य संयोजक विष्णु क्षेत्रीले बताए ।

थुनियाँ स्वास्थ्यचौकीका इन्चार्ज राजेश कुँवरले स्वास्थ्यकर्मीमाथिको हातपातले कर्मचारीमा त्रास फैलिएको बताए । उनले स्वास्थ्यचौकीमा दिउँसोको सेवा सुचारु गरिएको भए पनि बर्थिङ सेन्टरको सेवा भने १० पुसदेखि बन्द गरिएको बताए । उक्त स्वास्थ्यचौकी कपिलवस्तुको चन्द्रौटाबजारदेखि ७ किलोमिटर दक्षिणपूर्वमा पर्छ ।

कुटपिटमा संलग्न शिवराज नगरपालिका–११ थुनियाँ गाउँका मैफुज मुसलमानलाई पक्राउ गरी वडा प्रहरी कार्यालय चन्द्रौटामा राखिएको छ ।

रात्रिकालीन सिफ्टमा ड्युटीमै रहेको अवस्थामा भएको कुटपिटबाट अनमी केसीको बायाँ हात भाँचिएको छ । केसीमाथिको कुटपिटको विरोधमा शिवराज नगरपालिकामा कार्यरत सम्पूर्ण कर्मचारीले विरोध जनाएका छन् ।

 

  • ताजा समाचार
  • जनप्रिय

हेल्थपोष्ट टुइट्स सबै