स्वास्थ्यमा अधिकृतस्तरका ४ कर्मचरीको सरुवा, २ को जिम्मेवारी हेरफेर, को कहाँ पुगे ?

स्वास्थ्य तथा जनसंख्या मन्त्रालयले कर्मचारीको जिम्मेवारी हेरफेर तथा सरुवा गरेको छ । आइतबार सचिवस्तरीय निर्णयबाट कर्मचारीको सरुवा गरिएको हो । स्वास्थ्यसचिव खगराज बरालले ४ कर्मचारीको सरुवा र २ जनाको जिम्मेवारी हेरफेर गरेका हुन् ।

मन्त्रालयको कर्मचारी प्रशासन महाशाखाका उपसचिव भानुभक्त न्यौपानेलाई राष्ट्रिय क्षयरोग केन्द्र भक्तपुरमा सरुवा गरिएको छ । अर्का उपसचिव इन्द्र गौतमलाई स्वास्थ्यसेवा विभागमा पठाइएको छ । त्यसैगरी, कर्मचारी प्रशासनको जिम्मेवारी उपसचिव प्रमोद सिम्खडालाई दिइएको छ । आन्तरिक प्रशासनमा कृष्ण लम्साललाई पठाइएको छ ।

त्यसैगरी, औषधि व्यवस्था विभागका वरिष्ठ औषधि व्यवस्थापक पानबहादुर क्षेत्रीलाई स्वास्थ्य तथा जनसंख्यामा मन्त्रालयमा सरुवा गरिएको छ । मन्त्रालयकी संगीता साहलाई औषधि व्यवस्था विभागमा पठाइएको छ । क्षेत्रीले यसअघि केही महिना निमित्त महानिर्देशकका रूपमा औषधि व्यवस्था विभागको नेतृत्व गरेका थिए ।

स्वास्थ्यमन्त्री भानुभक्त ढकालले स्वास्थ्यका केही कर्मचारीको जिम्मेवारी हेरफेर गर्नुपर्ने भएको बताउँदै आएका थिए ।

  • ताजा समाचार
  • जनप्रिय

हेल्थपोष्ट टुइट्स सबै

मनोमानी र चलखेल गर्ने कर्मचारीलाई ठेगानमा ल्याउँछु : स्वास्थ्यमन्त्री ढकाल

स्वास्थ्य तथा जनसंख्यामन्त्री भानुभक्त ढकालले कर्मचारीप्रति कसिलो नीति लिने संकेत दिएका छन् । उनले संस्थाको नियमबाहिर गरेर मनोमानी ढंगले काम गर्ने कर्मचारीलाई लाइनमा ल्याउने बताएका हुन् । थापाथलीस्थित परोपकार प्रसूति तथा स्त्रीरोग अस्पतालमा आयोजित एक अन्तरक्रियामा सहभागी हुँदै मन्त्री ढकालले नियमसंगत ढंगले काम नगर्ने कर्मचारीको मनोमानी अब हाबी नहुने बताएका छन् । मन्त्रालयका अनेक बेथितिको उजागर गर्दै मन्त्री ढकालले अब मन्त्रालय त्यसरी चल्न नसक्ने बताए ।

‘मन्त्रालयका कर्मचारी शक्तिमा भएपछि संस्थागत हिसाबले भन्दा पनि स्वेच्छाले चल्ने गरेको सुनेको छु,’ मन्त्री ढकालले भने, ‘उपकरण खरिदमा होस् वा कर्मचारी सरुवा–बढुवामा, मन्त्रालयमा विभिन्न प्रकारका बेथेति रहेको सुनेको छु, तर अब यो हिसाबले मन्त्रालय चल्न दिन्नँ ।’ सरकारले जुन ठाउँका लागि योग्य ठानेर जिम्मेवारी दिएको छ, आफ्नो क्षमताले भाएसम्म निष्ठा र इमानदारीपूर्वक काम गर्ने मन्त्री ढकालले बताए । ‘स्वास्थ्य क्षेत्रमा सधैँ कुरा ठूला भए, सिद्धान्त पनि राम्रा रहे, तर व्यवहारमा जनताले अनुभूति गर्ने कुराहरू कार्यान्वयन हुन सकेनन्,’ मन्त्री ढकाले भने, ‘धेरै ठूला कुरा गर्नुभन्दा पनि परिणाममा नै राहत हुने गरी जनतालाई स्वास्थ्यसेवा दिने कोसिस गर्छु ।’

मन्त्री ढकालले परोपकार प्रसूतिगृहका डाक्टर, नर्स तथा कर्मचारीलाई निजी स्वार्थ नराखीकन सेवाभावले काम गर्न आग्रह गरे । कार्यक्रममा निर्देशक डा. जागेश्वर गौतमले अस्पतालको कार्यप्रगति विवरण र समस्या तथा चुनौतीबारे भनाइ राखेका थिए । भर्खरै नयाँ भवन निर्माण भएपछि अस्पतालले केही सेवा–सुविधा विस्तार गरेको र त्यसले केही हदसम्म भए पनि जनताको समस्या हल भएको डा. गौतमले दाबी गरे । उनले अस्पतालका प्रमुख समस्याका रूपमा जनशक्तिको कमी रहेको, ढलको उचित व्यवस्थापन गर्न नसकिएको, सर्जनको अभाव भएको, ओएनएम सर्भेको फाइल मन्त्रालयमा रोकिएको लगायत समस्या मन्त्री ढकालसामु लौँल्याएका थिए ।

कार्यक्रममा स्वास्थ्यसचिव खगराज बरालले धेरै मानिसले पहिलोपटक पाइला टेक्ने ठाउँका रूपमा रहेको प्रसूति अस्पतालको विकासका लागि मन्त्रालयले सकेको सहयोग गर्ने प्रतिबद्धता व्यक्त गरे ।  स्वास्थ्यमन्त्रीमा ढकाल आएसँगै उनी केन्द्रीय अस्पतालहरूमा पुगेर अन्तरक्रियामार्फत तिनको समस्या सुन्ने अभियानमा छन् । यसअघि उनी वीर र गंगालाल अस्पतालमा पुगिसकेका छन् । संघमातहतका अस्पतालको अवस्था बुझिसकेपछि प्रदेशमातहतका ठूला अस्पतालको पनि अवस्था बुझ्ने योजना मन्त्री ढकालको छ ।

  • ताजा समाचार
  • जनप्रिय

हेल्थपोष्ट टुइट्स सबै

कर्मचारीमा उच्च रक्तचाप र मधुमेह बढी

सिंहदरबारमा कार्यरत कर्मचारीमध्ये धेरैमा उच्चरक्तचाप र मधुमेहका समस्या देखिएका छन् । स्वास्थ्य मन्त्रालयले सञ्चालन गरेको हेल्थ डेस्कले निजामती कर्मचारी सेवा दिवसको अवसर पारेर आयोजना गरेको दुईदिने स्वास्थ्य शिविरमा नयाँ ३० कर्मचारीमा उच्चरक्तचाप र २० जनामा मधुमेहको समस्या देखिएको आयोजकहरुले जनाएका छन् ।

अधिकांशमा उच्चरक्तचापको प्रारम्भिक अवस्था (प्रिहाइपरटेन्टस)को समस्या देखिएको छ । कामको तनाव र अस्वस्थकर जीवनशैलीका कारण कर्मचारीमा उच्चरक्तचाप र मधुमेहको समस्या बढी देखिएको चिकित्सकले बताएका छन् ।

बुधबार र बिहीबार सञ्चालित स्वास्थ्य शिविरका क्रममा परीक्षण गर्दा अधिकांशमा उच्चरक्तचाप, मधुमेह, ग्यास्ट्रिक, ढाड दुख्ने, टाउको दुख्ने समस्या देखिएको हेल्थ डेस्कका स्वास्थ्यकर्मी दीपक मुडभरीले बताए । विशेषज्ञ शिविरका क्रममा २ सय ६० भन्दा बढीको स्वास्थ्य परीक्षण गरिएको थियो । शिविर अवधिभर वीर अस्पताल, गंगालाल अस्पताल र टिचिङ मनमोहन मुटु सेन्टरका वरिष्ठ चिकित्सकले सेवा दिएका थिए ।

शिविरमा १ सय २० जनाको इको र १ सय ६२ को इसिजी गरिएको थियो । शिविरमा सिंहदरबारभित्रै कर्मचारीको रक्तचाप, मुटुको इको, इसिजी, ब्लड सुगरलगायत जाँच गरिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै