सकियो चिकित्सक संघ निर्वाचन, उपत्यकामा ३३०२ मत खस्यो, कुल मत ६१५२, मतगणना बुधबारदेखि

नेपालको सबैभन्दा पुरानो पेसागत संगठन नेपाल चिकित्सक संघ (एनएमए) को २८औँ कार्यकारिणी समितिको निर्वाचन सकिएको छ । उपत्यकामा १७ माघमा सुरु भएको मतदान मंगलबार ४ बजे सकिएको हो । निर्वाचन समितिले उपत्यकाका लागि ५ दिनसम्म मतदानको कार्यतालिका तय गरेको थियो । उपत्यकाका लागि बागबजारस्थित संघको केन्द्रीय कार्यालय भवनलाई एक मात्र निर्वाचन केन्द्र तोकिएको थियो ।

उपत्यकाबाहिरका १६ वटा शाखामा ४ र ५ माघमै मतदान भइसकेको छ । मोफसलका चिकित्सकले १८ वटा निर्वाचन केन्द्रमार्फत मतदान गरेका थिए ।

मतगणना बुधबारदेखि हुने निर्वाचन समितिले जनाएको छ । करिब २ महिनादेखि उम्मेदवारहरु निर्वाचन प्रचार तथा मतदान प्रक्रियामा खटिएकाले आज (मंगलबार) बेलुकी आराम गरेर बुधबार बिहानदेखि मात्र गणना सुरु गर्ने बताइएको छ ।

कुल ६१५२ मत खस्यो, उपत्यकामा ३३०१ मत
छाता संगठनको आगामी नेतृत्व चयनका लागि ६ हजार १ सय ५२ चिकित्सक मतदान प्रक्रियामा सहभागी भएका छन् । उपत्यकामा कुल ३ हजार ३ सय १ र उपत्यकाबाहिर २ हजार ८ सय ५१ मत खसेको छ । संघका देशभरका ९ हजार ९ सय १६ मतदातामध्ये ६ हजार १ सय ५२ ले मात्र मतदान गरेका हुन् ।

उपत्यकामा मतदानको अन्तिम दिन मंगलबार ५८१ मत खसेको छ । यसअघि शुक्रबार ३२६, शनिबार ८२८, आइतबार ८०७ र सोमबार ७५९ चिकित्सकले मतदान गरेका थिए ।

कुल ६२% मतदान, उपत्यकामा ५२%, मोफसलमा ८०%
उपत्याकाबाहिरका १६ शाखामा यसपटक संघका ३ हजार ५ सय ६५ मतदाता थिए । उनीहरुमध्ये २ हजार ८ सय ५१ जनाले मतदान गरे, जुन कुल मतदाताको करिब ८० प्रतिशत हो ।

उपत्यकामा कुल ६ हजार ३ सय ५१ मतदातामध्ये ३ हजार ३ सय १ ले मात्र मतदान गरेका छन् । यो कुल मतदाताको ५१.९ प्रतिशत हो ।
कतिपय मतदाता अध्ययन तथा अन्य प्रयोजनका लागि विदेशमा भएकाले पनि केही कम मत खसेको हो । यद्यपि, उम्मेदवारहरुले यो संख्याको मतदानलाई चिकित्सकको उत्साहपूर्ण सहभागिता मानेका छन् ।

गत निर्वाचनभन्दा यसपटक संघका मतदाता उल्लेख्य संख्यामा बढेका थिए । पछिल्लो ३ वर्षमा मात्र संघको सदस्य संख्या करिब ६ हजार बढेको छ । त्यसैअनुसार नयाँ मतदाता पनि थपिएकाले यसपटकको निर्वाचनमा उनीहरु नै निर्णायक हुने अनुमान छ ।

नेपालको पहिलो पेसागत संगठनको आगामी नेतृत्वका लागि चिकित्सकका दुई प्यानल मैदानमा छन् । कुल १३ पदका लागि दुई प्यानलका २६ र ४ स्वतन्त्र उम्मेदवारबीच प्रतिस्पर्धा भइरहेको छ । निवर्तमान कार्यकारिणी समितिका महासचिव डा. लोचन कार्कीको नेतृत्वमा लोकतान्त्रिक तथा पेसागत समूह मैदानमा छ । सत्तारुढ नेकपानिकट मानिने पेसागत तथा समावेशी समूहको नेतृत्व डा. पुष्पमणि खरालले गरिरहेका छन् । महासचिवमा २ र सदस्यमा २ चिकित्सकले कुनै प्यानलमा आबद्ध नभई उम्मेदवारी दिएका छन् ।

संघको १३ सदस्यीय कार्यसमितिका लागि ३० जना चुनावी मैदानमा छन्। खासगरी चिकित्सकहरु लोकतान्त्रिक र प्रगतीशील समूहका छुट्टाछुट्टै प्यानल बनाएर चुनावी मैदानमा छन् । जसअनुसार लोकान्त्रिक समूह वर्तमान महासचिव डा. लोचन कार्कीको नेतृत्वमा र प्रगतीशील समूह डा. पुष्पमणि खरालको नेतृत्वमा चुनावी मैदानमा छ । दुई प्यानलबाहेक महासचिवमा प्रगतीशील समूहबाट टिकट नपाएपछि असन्तुष्ट बनेका थप दुई जनाले उमेदवारी दिएका छन् ।

लोकतान्त्रिक समूहबाट बरिष्ठ उपाध्यक्षमा डा. शिवप्रसाद श्रेष्ठ, उपाध्यक्षमा डा. अनिलविक्रम कार्की, महासचिवमा डा. बद्री रिजाल, कोषध्यक्षमा डा. प्रकाश बुढाथोकी, सहकोषाध्यक्षमा डा. विश्वाराज दवाडी र सहसचिवमा डा. निरजकुमार सिंह मैदानमा छन् । सदस्यहरुमा लोकतान्त्रिक समूहबाट डा. विक्रान्त ढकाल, डा. विपेश आचार्य, डा. नन्दकुमारी गुरुङ, डा. प्रमोद जोशी, डा. रितेश थापा र डा. सञ्जिव तिवारी रहेका छन्।

प्रगतीशील समूहले अध्यक्षमा डा. खराल, बरिष्ठ उपाध्यक्षमा डा. रक्षा श्रेष्ठ, उपाध्यक्षमा डा. रञ्जितकुमार झा, महासचिवमा डा. मधुर बस्नेत, कोषाध्यक्षमा सुरुमा स्वतन्त्र उमेदवारी दिएका डा. सञ्जितकुमार साहलाई नै पछि प्यानलमा राखेर मैदानमा उतारेको छ । प्रगतीशील समूहबाट सहसचिवमा डा. सैलेन्द्र झा, सहकोषाध्यक्षमा डा. उदयनारायण सिंह मैदानमा छन् ।

महासचिवमा बस्नेतसहित डा. अजय कुमार मिश्र, डा. दीपेन्द्र पाण्डेले उमेदवारी दिएका छन् । दुबै प्रगतीशीलबाट टिकट नपाएपछि स्वतन्त्र उमेदवारी दिएका उमेदवार हुन्। प्रगतीशीलबाट सदस्यका लागि डा. दिपकप्रसाद कोइराला, डा. जगदिशचन्द्र विष्ट, डा. लिजन महर्जन, डा. राकेश कुमार साह, डा. सुमान काफ्ले र डा. त्रिभुवन चन्द्र झा रहेका छन्। तीबाहेक स्वतन्त्र रुपमा सदस्य पदमा अमित चतुर्वेदी र प्रवीणकुमार गिरी पनि चुनावी मैदानमा छन्।

  • ताजा समाचार
  • जनप्रिय

हेल्थपोष्ट टुइट्स सबै

चिकित्सक संघ निर्वाचन : मतदान गर्ने आज अन्तिम दिन

नेपाल चिकित्सक संघको दोस्रो चरणको निर्वाचनअन्तर्गत आज अन्तिम दिन उपत्यकाभित्र मतदात जारी छ। निर्वाचन अधिकृत डा. नविन्द्रराज विष्टका अनुसार आज बेलुका ४ बजेसम्म मतदानको समय तोकिएको छ। ४ बजेसम्म लाइनमा बसिसक्ने सबैले मतदात गर्न पाउनेछन्।
उपत्यकामा अहिलेसम्म करिब ३ हजारहाराहारी मत खसेको छ भने, उपत्यकाबाहिर २ हजार ८ सय ५१ मत खसेको थियो।

नेपालको पहिलो पेसागत संगठनको आगामी नेतृत्वका लागि चिकित्सकका दुई प्यानल मैदानमा छन्। कूल १३ पदका लागि दुई प्यानलका २६ र चार स्वतन्त्र उम्मेदवारबीच प्रतिस्पर्धा भइरहेको छ। निवर्तमान कार्यकारिणी समितिका महासचिव डा. लोचन कार्कीको नेतृत्वमा लोकतान्त्रिक तथा पेसागत समूह मैदानमा छ।

सत्तारुढ नेकपानिकट मानिने पेसागत तथा समावेशी समूहको नेतृत्व डा. पुष्पमणि खरालले गरिरहेका छन्। महासचिवमा दुई र सदस्यमा दुई चिकित्सकले कुनै प्यानलमा आबद्ध नभई उम्मेदवारी दिएका छन्।

संघको १३ सदस्यीय कार्यसमितिका लागि ३० जना चुनावी मैदानमा छन्। खासगरी चिकित्सकहरू लोकतान्त्रिक र प्रगतिशील समूहका छुट्टाछुट्टै प्यानल बनाएर चुनावी मैदानमा छन्। जसअनुसार लोकतान्त्रिक समूह वर्तमान महासचिव डा. लोचन कार्कीको नेतृत्वमा र प्रगतीशील समूह डा. पुष्पमणि खरालको नेतृत्वमा चुनावी मैदानमा छ। दुई प्यानलबाहेक महासचिवमा प्रगतिशील समूहबाट टिकट नपाएपछि असन्तुष्ट बनेका थप दुईले उम्मेदवारी दिएका छन्।

लोकतान्त्रिक समूहबाट वरिष्ठ उपाध्यक्षमा डा. शिवप्रसाद श्रेष्ठ, उपाध्यक्ष डा. अनिलविक्रम कार्की, महासचिव डा. बद्री रिजाल, कोषध्यक्ष डा. प्रकाश बुढाथोकी, सहकोषाध्यक्ष डा. विश्वराज दवाडी र सहसचिवमा डा. निरजकुमार सिंह मैदानमा छन्। सदस्यमा लोकतान्त्रिक समूहबाट डा. विक्रान्त ढकाल, डा. विपेश आचार्य, डा. नन्दकुमारी गुरुङ, डा. प्रमोद जोशी, डा. रितेश थापा र डा. सञ्जीव तिवारी छन्।

प्रगतिशील समूहले अध्यक्षमा डा. खराल, वरिष्ठ उपाध्यक्ष डा. रक्षा श्रेष्ठ, उपाध्यक्ष डा. रञ्जितकुमार झा, महासचिव डा. मधुर बस्नेत र कोषाध्यक्षमा सुरुमा स्वतन्त्र उमेदवारी दिएका डा. सञ्जितकुमार साहलाई नै पछि प्यानलमा राखेर मैदान उतारेको छ। प्रगतिशील समूहबाट सहसचिवमा डा. शैलेन्द्र झा र सहकोषाध्यक्षमा डा. उदयनारायण सिंह मैदानमा छन्।

महासचिवमा बस्नेतसहित डा. अजय कुमार मिश्र र डा. दीपेन्द्र पाण्डेले उम्मेदवारी दिएका छन्। दुवै प्रगतिशीलबाट टिकट नपाएपछि स्वतन्त्र उम्मेदवारी दिएका हुन्। प्रगतिशीलबाट सदस्यका लागि डा. दीपकप्रसाद कोइराला, डा. जगदीशचन्द्र विष्ट, डा. लिजन महर्जन, डा. राकेशकुमार साह, डा. सुमन काफ्ले र डा. त्रिभुवनचन्द्र झा छन्। तीबाहेक स्वतन्त्र सदस्यमा अमित चतुर्वेदी र प्रवीणकुमार गिरी पनि चुनावी मैदानमा छन्।

  • ताजा समाचार
  • जनप्रिय

हेल्थपोष्ट टुइट्स सबै

चिकित्सक संघ निर्वाचन : उपत्यकाबाहिरको मतदान सम्पन्न, १६ शाखामा कुल २८५० मत खस्यो, ८०% मतदान

नेपाल चिकित्सक संघ (एनएमए) को २८औँ कार्यकारिणी समितिका लागि शनिबारबाट सुरु भएको उपत्यकाबाहिरको मतदान आइतबार सम्पन्न भएको छ । मोफसलका १६ शाखामा २ दिनसम्म भएको मतदानमा कुल २ हजार ८ सय ५० चिकित्सकले मतदान गरेका छन् । आइतबार १ हजार ३ सय ७७ मत खसेको एनएमएले जनाएको छ । उपत्यकाबाहिरको मतदान शान्तिपूर्ण र उत्साहपूर्वक भएको संघले जनाएको छ ।

उपत्यकाबाहिरका १६ शाखाका १८ मतदान केन्द्रमा कुल मतदाता ३ हजार ५ सय ६५ थिए । तीमध्ये २० प्रतिशत मतदाता मतदानका लागि उपस्थित भएनन् । कतिपय मतदाता विदेशमा भएकाले पनि मतदानमा सहभागी हुन नसकेको बताइएको छ । मोफसलमा ८० प्रतिशत मतदान हुनुले चिकित्सकमा संघको निर्वाचनप्रति उत्साह देखिएको एनएमएले जनाएको छ ।

मतदान सम्पन्न भएसँगै देशभरका शाखामा बाँडिएर खटिएका उम्मेदवारहरू राजधानी फर्किने तरखरमा छन् । दुवै प्यानलका उम्मेदवारहरू शाखाहरूमा बाँडिएर मतदान केन्द्रहरूमा खटिएका थिए ।

सगरमाथा र सुर्खेतमा शतप्रतिशत मतदान, कोसी र जनकपुरमा ६२% मात्र
उपत्यकाबाहिरका १६ शाखामध्ये चितवनमा सबैभन्दा बढी मत खसेको छ । २ दिन गरी चितवनमा कुल ३ सय ९७ मत खसेको छ । त्यसैगरी, जुम्लामा सबैभन्दा कम १९ मत खसेको एनएमएले जनाएको छ ।

सगरमाथा र सुर्खेत शाखामा शतप्रतिशत मतदान भएको छ । सगरमाथाका सबै ४६ मतदाताले मतदान गरेका छन् भने सुर्खेतमा पनि सबै २७ मतदाताले मत खसालेका छन् ।

सबैभन्दा बढी मतदाता रहेको कोसी शाखामा जम्मा ६२ प्रतिशत मतदान भएको छ । कोसीमा कुल मतदाता ६२६ रहेकोमा जम्मा ३८८ ले मात्र मतदान गरेका छन् । त्यस्तै, जनकपुरमा पनि करिब ६२ प्रतिशत नै मत खसेको छ । जनकपुरमा कुल ३८० मतदाता रहेकोमा २३५ ले मात्र मत खसालेका हुन् । आइतबार बिहान ८ बजेदेखि सुरु भएको मतदान अपराह्न ४ बजे सकिएको थियो ।

काठमाडौं उपत्यकामा भने माघ १७ देखि २१ सम्म मतदान हुनेछ । २१ माघमा मतदान सकिएपछि मात्र मतगणना सुरु हुने भएकाले मतपरिणामका लागि भने अझै २ साता कुर्नुपर्नेछ ।

कहाँ कति खस्यो मत ?
संघका अनुसार सुर्खेतमा २७, चितवनमा ३९७, लुम्बिनीमा ३१६, दाङमा ६०, पाल्पामा ७१, सगरमाथामा ४६, लाहानमा ४३, मेचीमा १२७, कोसीमा ३८८, धरानमा ३४५, पोखरामा २५२, भेरीमा १७६, जुम्लामा १९, सेतीमा ९२, जनकपुरमा २३५ र नारायणीमा २६० मत खसेको छ ।

खसेको मत र कुल मतदाताको शाखागत विवरण :
१) मेची शाखा
मतदान केन्द्र : अञ्जली हस्पिटल प्रालि बिर्तामोड र लाइफलाइन अस्पताल
कुल मतदाता : १३०
खसेको मत : १२७

२) कोसी शाखा
मतदान केन्द्र : कोसी शाखा कार्यालय, विराटनगर
कुल मतदाता : ६२६
खसेको मत : ३८८

३) धरान शाखा
मतदान केन्द्र : बिपी कोइराला स्वास्थ्य विज्ञान प्रतिष्ठान, धरान
कुल मतदाता : ३७३
खसेको मत : ३४५

) सगरमाथा शाखा
मतदान केन्द्र : गजेन्द्रनारायण सिंह सगरमाथा अञ्चल अस्पताल, राजविराज
कुल मतदाता : ४६
खसेको मत : ४६

५) लहान शाखा
मतदान केन्द्र : सप्तर्षि अस्पताल, लहान
कुल मतदाता  : ४५
खसेको मत : ४३

६) जनकपुर शाखा
मतदान केन्द्र : जनकपुर प्रादेशिक अस्पताल, धनुषा
कुल मतदाता : ३८०
खसेको मत : २३५

७) नारायणी शाखा
मतदान केन्द्र : नेपाल चिकित्सक संघ, वीरगन्जको सभाहल
कुल मतदाता : ३६५
खसेको मत : २६०

८) चितवन शाखा
मतदान केन्द्र : भरतपुर अस्पतालको तालिम हल
कुल मतदाता : ४५०
खसेको मत : ३९७

९) गण्डकी शाखा
मतदान केन्द्र : पश्चिमाञ्चल क्षेत्रीय अस्पताल र पोखरा स्वास्थ्य विज्ञान प्रतिष्ठान
कुल मतदाता : २६०
खसेको मत : २५२

१०) लुम्बिनी शाखा
मतदान केन्द्र : नेपाल चिकित्सक संघ, लुम्बिनी अञ्चल शाखा भवन, बुटबल
कुल मतदाता : ३५०
खसेको मत : ३१६

११) भेरी शाखा
मतदान केन्द्र :नेपाल चिकिन्सक संघ, भेरी शाखा क्षेत्र
कुल मतदाता : १९६
खसेको मत : १७३

१२) सेती शाखा
मतदान केन्द्र : सेती प्रादेशिक अस्पताल, धनगढी
कुल मतदाता : १०२
खसेको मत : ९२

१३) सुर्खेत शाखा
मतदान केन्द्र : सुर्खेत प्रादेशिक अस्पताल, सुर्खेत
कुल मतदाता : २७
खसेको मत : २७

१४) दाङ शाखा
मतदान केन्द्र : राप्ती प्रादेशिक अस्पताल, तुल्सीपुर
कुल मतदाता : ९०
खसेको मत : ६०

१५) जुम्ला शाखा
मतदान केन्द्र : कर्णाली स्वास्थ्य विज्ञान प्रतिष्ठानको सभाकक्ष, जुम्ला
कुल मतदाता : २५
खसेको मत : १९

१६) पाल्पा शाखा
मतदान केन्द्र : लुम्बिनी मेडिकल कलेज, पाल्पा
कुल मतदाता : १००
खसेको मत : ७१

७ पदाधिकारीसहित १३ सदस्यीय कार्यसमितिका लागि ३० जना चुनावी मैदानमा छन् । अध्यक्षका लागि लोकतान्त्रिक प्यानलबाट डा. लोचन कार्की र प्रगतिशील समूहबाट डा.पुष्पमणि खराल मैदानमा छन् । दुवै १३ वटै पदका लागि प्यानल बनाएर आमने–सामने भएका हुन् । महासचिवमा भने दुई प्यानलभन्दा बाहिरबाट पनि डा. दीपेन्द्र पाण्डे र डा. अजयकुमार मिश्रले उम्मेदवारी दिएका । त्यस्तै, सदस्यतर्फ दुई उम्मेदवार प्यानलभन्दा स्वतन्त्र रही मैदानमा छन् ।

  • ताजा समाचार
  • जनप्रिय

हेल्थपोष्ट टुइट्स सबै

उपत्यकाबाहिर आजबाट मतदान सुरु, १८ मतदान केन्द्र, यी केन्द्रमा आइतबार मतदान

नेपाल चिकित्सक संघ (एनएमए¬) को २८औँ कार्यकारिणी समितिका लागि शनिबार (आज) देखि मतदान प्रक्रिया सुरु भएको छ । संघका उपत्यकाबाहिरका १६ शाखामा शनिबार र आइतबार निर्वाचन हुँदै छ । काठमाडौं उपत्यकामा भने माघ १७ देखि २१ गतेसम्म मतदान हुनेछ ।

आज सुरु भएको उपत्यकाबाहिरको निर्वाचनका लागि संघले ४ हजार ३ सयको हाराहारीमा मतपत्र पठाएको जानकारी दिएको छ । मतदानको समय बिहान ११ बजेदेखि अपराह्न ४ बजेसम्मका लागि तोकिएको छ ।

१३ पदका लागि ३० चिकित्सक चुनावी मैदानमा छन् । अघिल्लो निर्वाचनमा ५ हजार ३ सयको हाराहारीमा मतदाता रहेकोमा यसपटक मतदानका लागि योग्य सदस्यको संख्या ९ हजार ८ सय ८३ छ । यद्यपि, संघको कुल सदस्यसंख्या भने १० हजार ८ सय ९० छ ।

लोकतान्त्रिक तथा पेसागत समूहबाट वर्तमान महासचिव डा. लोचन कार्की अध्यक्षका लागि मैदानमा छन् । डा. कार्की नेतृत्वको प्यानलमा वरिष्ठ उपाध्यक्ष डा. शिवप्रसाद श्रेष्ठ, उपाध्यक्षमा डा. अनिलविक्रम कार्की, महासचिवमा डा. बद्री रिजाल, कोषाध्यक्षमा डा. प्रकाश बुढाथोकी, सहसचिवमा डा. निरोजकुमार सिंह र सह–कोषाध्यक्षमा डा. विश्वराज दवाडी मैदानमा छन् । सोही समूहबाट डा. विक्रान्त दाहाल, डा. विपेश आचार्य, डा. नन्दाकुमारी गुरुङ, डा. प्रमोद जोशी, डा. रितेश थापा, डा. सञ्जीव तिवारीले सदस्यमा उम्मेदवारी दिएका छन् ।

सत्तारूढ दल नेकपानिकट मानिएको पेसागत समावेशी समूहबाट डा. पुष्पमणि खराल अध्यक्षका प्रत्याशी छन् । उनी नेतृत्वको प्यानलमा वरिष्ठ उपाध्यक्षमा डा. रक्षा श्रेष्ठ, उपाध्यक्षमा डा. रञ्जितकुमार झा, महासचिवमा डा. मधुर बस्नेत, कोषाध्यक्षमा डा. सञ्चितकुमार साह, सह–सचिवमा डा. शैलेन्द्र झा, सह–कोषाध्यक्षमा डा. उदयनारायण सिंह मैदानमा छन् । त्यसैगरी, डा. दीपकप्रसाद कोइराला, डा. जगदीशचन्द्र विष्ट, डा. लिसन महर्जन, डा. राकेशकुमार शाह, डा. सुमन काफ्ले, डा. त्रिभुवनचन्द्र झाले सो समूहबाट सदस्यमा उम्मेवारी दिएका छन् । यही समूहनिकट केही चिकित्सकले टिकट वितरणमा असन्तुष्टि जनाउँदै स्वतन्त्र उम्मेवारी दिएका छन् । डा. दीपेन्द्र पाण्डे र अजयकुमार मिश्रले प्यानलबाहेकबाट महासचिवमा उम्मेदवारी दिएका हुन् ।

कुन–कुन स्थानमा हुँदै छ मतदान ? कुन मतदान केन्द्रमा कहिले ?
१) मेची शाखा
मतदान केन्द्र :अञ्जली हस्पिटल प्रालि बिर्तामोड
मतदान – शनिबार (आज)
मतदान केन्द्र ः लाइफलाइन अस्पताल
मतदान – आइतबार (भोलि)

२) कोसी शाखा
मतदान केन्द्र :कोसी शाखा कार्यालय, विराटनगर
मतदान – शनिबार

३) धरान शाखा
मतदान केन्द्र : बिपी कोइराला स्वास्थ्य विज्ञान प्रतिष्ठान, धरान
मतदान –

४) सगरमाथा शाखा
मतदान केन्द्र : गजेन्द्रनारायण सिंह सगरमाथा अञ्चल अस्पताल, राजविराज
मतदान –

५) लाहन शाखा
मतदान केन्द्र : सप्तरिषी अस्पताल, लहान
मतदान –

६) जनकपुर शाखा
मतदान केन्द्र : जनकपुर प्रादेशिक अस्पताल, धनुषा
मतदान –

७) नारायणी शाखा
मतदान केन्द्र : नेपाल चिकित्सक संघ, वीरगन्जको सभाहल
मतदान –

८) चितवन शाखा
मतदान केन्द्र : भरतपुर अस्पतालको तालिम हल
मतदान –

९) गण्डकी शाखा
मतदान केन्द्र :पश्चिमाञ्चल क्षेत्रीय अस्पताल,
मतदान –
मतदान केन्द्र : पोखरा स्वास्थ्य विज्ञान प्रतिष्ठान
मतदान –

१०) लुम्बिनी शाखा
मतदान केन्द्र  : नेपाल चिकित्सक संघ, लुम्बिनी अञ्चल शाखा भवन, बुटबल
मतदान –

११) भेरी शाखा
मतदान केन्द्र : नेपाल चिकिन्सक संघ, भेरी शाखा क्षेत्र
मतदान –

१२) सेती शाखा
मतदान केन्द्र : सेती प्रादेशिक अस्पताल, धनगढी
मतदान –

१३) सुर्खेत शाखा
मतदान केन्द्र : सुर्खेत प्रादेशिक अस्पताल, सुर्खेत
मतदान –

१४) दाङ शाखा
मतदान केन्द्र :राप्ती प्रादेशिक अस्पताल, तुल्सीपुर
मतदान –

१५) जुम्ला शाखा
मतदान केन्द्र : कर्णाली स्वास्थ्य विज्ञान प्रतिष्ठानको सभाकक्ष, जुम्ला
मतदान –

१६) पाल्पा शाखा
मतदान केन्द्र : लुम्बिनी मेडिकल कलेज, पाल्पा
मतदान –

  • ताजा समाचार
  • जनप्रिय

हेल्थपोष्ट टुइट्स सबै

चिकित्सक संघ निर्वाचन : कांग्रेस, कम्युनिस्ट र केसी फ्याक्टर निर्णायक, को बलियो ?

सबैभन्दा पुरानो पेसागत संगठन नेपाल चिकित्सक संघको २८औँ कार्यकारिणी समितिका लागि चिकित्सकहरू चुनावी मैदानमा छन् । शनिबारदेखि सुरु हुने मतदान कार्यक्रम आइतबारसम्म उपत्यकाबाहिरका १६ शाखामा र उपत्यकाभित्र माघ १७ देखि २१ सम्म सम्पन्न हुँदै छ ।

संघको निर्वाचनमा यतिवेला लोकतान्त्रिक तथा प्रगतिशील विचारमा आस्था राख्ने चिकित्सकहरू छुट्टाछुट्टै समूह बनाएर मैदानमा उत्रिएका छन् । प्रमुख दुई समूहबाहेक प्रगतिशील समूहसँग असन्तुष्टले छुट्टै समूह स्वतन्त्रको नाममा महासचिवसहित केही सदस्य पदका लागि मैदानमा छ ।

७ पदाधिकारी र ६ सदस्यका लागि ३० उम्मेदवार मैदानमा छन् । उम्मेदवारको संख्या जति भए पनि १३ पदमा दुई प्यानलबीच नै प्रमुख प्रतिस्पर्धा हुनेछ । १२ हजारहाराहारीमा मतदाता रहेको संघको नेतृत्वका लागि पहिलोपटक भोट हाल्दै गरेका करिब आधा सदस्यको आडमा लोकतान्त्रिक समूह सात दशकको बिरासत जोगाउने र प्रगतिशील समूह नयाँ मतदाता र सत्ताको साथ लिएर लोकतान्त्रिक समूहको किल्ला भत्काउने दाउमा छन् ।

देशकै सबैभन्दा पुरानो संगठन संघको भावी नेतृत्वको लडाइँमा स्वच्छ प्रतिस्पर्धा देखिए पनि पर्दापछाडि भने विशेषतः सत्तापक्षीय दलले ठूलो प्रतिष्ठाको लडाइँका रूपमा लिएकाले यसपटकको प्रतिस्पर्धा रोचक र आक्रामक हुने निश्चितप्रायः छ । विशेषगरी, सदस्यताको टुंगो लगाउने अन्तिम दिन नेकपानिकट चिकित्सकहरूले संघमा गरेको प्रदर्शनको शैलीले यसपटकको निर्वाचनमा सत्ताको प्रयोगलाई पनि नकार्न सकिन्न, जहाँ राष्ट्रिय चिकित्सक संघ (पूर्वएमालेनिकट) आबद्ध चिकित्सकहरूले खुला रूपमै गृह प्रशासन प्रयोगको चेतावनी दिइसकेका छन् ।

‘चिकित्सकका हरेक मुद्दामा संघ डटेर लागिरहेकै छ । आक्रमणका घटनामा होस् वा चिकित्सकविरोधी कानुन सच्याउनमा, संघले विनाभेदभाव सबैको हितमा लड्दै आएको छ र परिणाम पनि दिएको छ,’ उनी भन्छन्, ‘त्यत्रो कार्यालय भवन बनेको छ, अन्य नियमित काम त भएकै छन् ।’

सत्ताको दुरूपयोगमा स्वतन्त्र निर्वाचन प्रभावित नहुने अवस्था आउँदा यसपटकको निर्वाचनमा प्रमुख तीन फ्याक्टर निर्णायक बन्ने अनुमान लगाउँछ सकिन्छ । खासगरी कांग्रेस, कम्युनिस्ट र डा. केसी फ्याक्टरले संघको निर्वाचनमा प्रमुख भूमिका खेल्छन् र संघको नेतृत्व र आगामी दिशा देखाउनेछन् । यद्यपि, संघमा उम्मेदवारको व्यक्तिगत जित र मतमा भने (पढेको देश, काम गरेको संस्था, लोकप्रियता, जात र क्षेत्र) ले पनि मतपरिणाममा जबर्जस्त प्रभाव पार्नेछ ।
संघ र नेपाल मेडिकल काउन्सिलको निर्वाचनमा समेत धेरथोर पढेको देश चीन, बंगलादेश, रसिया फ्याक्टर बलियो देखिने गरेको छ । जातीय आधारमा नेवार समुदाय र तराई महत्त्वपूर्ण बन्ने गरेको छ भने नेपालभित्रका संस्थाका आधारमा आइओएम, न्याम्स र धरान बलियो फ्याक्टर बन्ने गरेका छन् ।
स्वभाविक एजेण्डा र फ्याक्टरबाहिर गएर नेकपा निकटको समूह भने संघमा पूर्ण रुपमा रुपान्तरण चाहिएको भन्दै वर्तमान र विगतको एनएमए नेतृत्वप्रति कडा रुपमा उत्रिएको छ ।

संघका पूर्वमहासचिव डा. भूपेन्द्र बस्नेत प्रगतिशील समूहले एजेन्डाविनाको ट्रान्स्फर्मेसनको मुद्दा उठाइरहेको बताउँछन् । ‘प्रगतिशील समूहले मात्र ट्रान्स्फर्मेसनको रटान लगाइरहेको छ, तर त्यसका लागि कुनै योजना दिन सकेको छैन,’ उनी भन्छन्, ‘कुनै ठोस आधारविना उठाइने मुद्दा मूल मुद्दाबाट मतदाताको ध्यान हटाएर दिग्भ्रमित बनाउने चाल मात्र हो ।’

डा. बस्नेत संघको विगतको नेतृत्वले केही गरेन भन्नु गलत मान्छन् । ‘चिकित्सकका हरेक मुद्दामा संघ डटेर लागिरहेकै छ । आक्रमणका घटनामा होस् वा चिकित्सकविरोधी कानुन सच्याउनमा, संघले विनाभेदभाव सबैको हितमा लड्दै आएको छ र परिणाम पनि दिएको छ,’ उनी भन्छन्, ‘त्यत्रो कार्यालय भवन बनेको छ, अन्य नियमित काम त भएकै छन् ।’

विरोधकै लागि विरोध गरेर मत माग्नुभन्दा पनि आफ्नो एजेन्डा दिएर मतदातालाई आकर्षित गर्नुपर्ने डा. बस्नेतको भनाइ छ । ‘आफ्नो एजेन्डा दिएर भोट माग्नु स्वाभाविक हो, तर अर्काले काम गरिरहँदा यो गरेन, ऊ गरेन भनेर भ्रम छरेर भोट खोज्नु गलत हो,’ प्रगतिशील समूहको चुनाव प्रचारको शैलीसित असहमति जनाउँदै डा. बस्नेत भन्छन्, ‘यो कुरा चिकित्सकजस्तो उच्च बौद्धिकस्तरका मतदाताले अवश्य पनि बुझ्नु नै हुनेछ ।’

कांग्रेस फ्याक्टर
राजनीतिक रूपमा अन्य पेसागत संगठनमा जस्तो दलीय दबदबा नदेखिए पनि संघको निर्वाचनमा आस्थाका आधारमा ठूलो संख्यामा मतदाताको समर्थन छ जसको फाइदा वर्षैंदेखि प्रजातान्त्रिक समूहले उठाउँदै आएको छ ।

आस्थाकै आधारमा हेर्दा डेमोक्र्याटिक चिकित्सकको संख्या बढी रहेको सन्दर्भमा आज पनि आफ्नो समर्थकको मत बचाइराख्न सक्दा डेमोक्र्याटिक समूह प्रगतिशीलभन्दा धेरै बलियो छ । ६ हजारहाराहारीमा नयाँ सदस्य थपिँदा स्वाभाविक रूपमा अहिलेको कार्यसमिति हाँकिरहेको सन्दर्भमा यही समूहको वर्चश्व छ भन्नेमा दुविधा छैन । तीबाहेक संघका अधिकांश शाखामा समेत कांग्रेस निकट चिकित्सककै पकड बलियो हुनुले पनि चिकित्सक संघ निर्वाचनमा कांग्रेस फ्याक्टर सबैभन्दा बलियो र प्रमुख फ्याक्टर हो ।

देशभर नेकपाको दुईतिहाइनजिकको बहुमत भएको, विशेषगरी सत्ता र स्वास्थ्य मन्त्रालयको नेतृत्वसमेत नेकपाको हातमा रहेको अवस्थामा सरकारी संयन्त्रको भरपूर फाइदा उठाएर पनि प्रगतिशील समूहको उपस्थिति बलियो बनाउने प्रयास जारी छ ।

कम्युनिस्ट फ्याक्टर
२६औँ कार्यकारिणी समितिका लागि डा. अञ्जनीकुमार झाको नेतृत्वमा लोकतान्त्रिक समूह मैदानमा उत्रिरहँदा चिकित्सक संघभित्र कम्युनिस्ट शक्ति लोेकतान्त्रिक समूहकै बागी नेतृत्वलाई साथ दिने अवस्थामा थियो । यस अर्थमा प्रगतिशील समूहले भरपर्दो उम्मेदवारसमेत नपाएको अवस्था थियो । तर, प्रगतिशील समूहले २७औँ कार्यकारिणी समितिका लागि तीन वर्षअघि भएको निर्वाचनपछि संघमा उपस्थिति बढाउँदै गएको छ । तर, धेरै चिकित्सक त्यतिवेलाको मतका लागि प्रगतिशील समूहले दिएको उम्मेदवारलाई प्रमुख कारक ठान्छन् । मतभन्दा पनि संघको नेतृत्वमा नयाँ समूह चाहिन्छ भन्दै प्रगतीशील उमेदवारले यसैलाई प्रमुख एजेण्डा बनाएको देखिन्छ ।

यसबीचमा राष्ट््रिय चिकित्सक संघका नाममा विशेषगरी प्रगतिशील समूहका चिकित्सकले डा. गोविन्द केसी र चिकित्सक संघले उठाएका विभिन्न मुद्दामा विभाजन ल्याउने र सत्ताको बचाउमा पेसागत एकता भत्काउने प्रयास गरेका कारण पुरानो अवस्था र उपस्थिति गुणात्मक रूपमा बढ्न नसकेको त्रासमा नेकपानिकटकै चिकित्सक छन् ।
यद्यपि, देशभर नेकपाको दुईतिहाइनजिकको बहुमत भएको, विशेषगरी सत्ता र स्वास्थ्य मन्त्रालयको नेतृत्वसमेत नेकपाको हातमा रहेको अवस्थामा सरकारी संयन्त्रको भरपूर फाइदा उठाएर पनि प्रगतिशील समूहको उपस्थिति बलियो बनाउने प्रयास जारी छ ।अर्कोतिर सत्ताको आडमा फाइदा लिन खोज्दैगर्दा सरकारको अलोकप्रियताको भारी पनि सो समूहमाथि नपर्ला भन्न सकिन्न ।

यसको संकेत प्रगतीशीलका उमेदवार देश दौडाहामा जाँदा सरकारी संयन्त्रले गरिदिएको सहयोग र सहजीकरणले पनि गर्छ । तर, तुलनात्मक रूपमा अघिल्ला निर्वाचनभन्दा अनुकूल अवस्था हुँदा पनि प्रगतिशील समूहले प्यानल बनाइसक्दा १३ जना उम्मेदवारसमेत उभ्याउन नसक्नुले समर्थकको मनोबल पक्कै कमजोर बनाएको छ । यतिसम्म कि कोषाध्यक्षमा स्वतन्त्र उम्मेदवारी दिएका डा. सञ्जीवकुमार साहलाई पछि प्यानलको उम्मेदवार बनाएको विषयसमेत विवादित बन्नुले राजनीतिक रूपमा एक भएका दुई ठूला पार्टीनिकट चिकित्सकले संघको नेतृत्वको सन्दर्भमा एक भएर मैदानमा लोकतान्त्रिक समूहको सामना गर्छ वा फुटेर भन्ने कुराले भावी नेतृत्वको सन्दर्भमा धेरै फरक पार्छ ।

डा. केसी फ्याक्टर
चिकित्साशिक्षा सुधारका लागि एक दशकभन्दा लामो समयदेखि संघर्षरत डा. गोविन्द केसी चिकित्सक राजनीतिका अभिन्न शक्ति हुन् । खासगरी एमबिबिएस शुल्क घटाउने, पिजी निःशुल्क गर्ने, चिकित्सका सेवा–सुविधा वृद्धिका एजेन्डासँगै डा. केसी आन्दोलनबाट लाभान्वित भएका र उनको अभियानलाई सम्मान गर्नेहरूको जमात चिकित्सा पेसामा निकै फैलिसकेको छ । मतदातालाई प्रभावित पार्न डा. केसी आफैँ मैदानमा नउत्रिए पनि डा. केसीसँग एजेन्डामा काम गरेकाहरूले मत परिणामलाई प्रभावित पार्न सक्छन् । यस आधारमा डा. केसी मृत्युशय्यामा रहँदा संघले घोषणा गरेको कार्यक्रमको प्रतिकारमा उत्रिएको विषयले यसपटक नेकपानिकट चिकित्सकलाई घाटा पुर्याउने त्रास छ ।

अर्कोतर्फ नेकपाले टिकट नदिएपछि स्वतन्त्र रूपमा उम्मेदवारी दिएका महासचिवका उम्मेदवार डा. दीपेन्द्र पाण्डेसहित सुरुमा डा. केसीसँगै रहेर नेपाल मेडिकल काउन्सिललगायतमा निर्वाचन जितेका चिकित्सक पछि सत्ताको लोभ र दबाबमा डा. केसीको विपक्षमा उभिएको विषयले पनि निर्वाचनमा राम्रै प्रभाव पार्ने चिकित्सकहरु बताउँछन् । चिकित्सकले समेत सत्ताको बचाउ र डा. केसी अभियान तुहाउन भूमिका खेलेको विषय यसपटक जबर्जस्त रूपमा उठेको छ । यस आधारमा डा. केसीका एजेन्डामा समर्थन वा विरोधकै विषय पनि चिकित्सक संघको निर्वाचन परिणाम फरक पार्ने फ्याक्टर बन्नेछ ।

मुलुकी संहिता ऐन संशोधन, डा. केसीको अनशन, भ्याट दर्ता हटाउने, ५ प्रतिशत कर फिर्ताका सन्दर्भमा कार्कीको सशक्त भूमिकाकै कारण लोकतान्त्रिक समूहले उनलाई मैदानमा उतारेको हो । तुलनात्मक रूपमा संघमा रहेर गरेको कामले अध्यक्षका दुई प्रत्याशीमध्ये डा. कार्की स्वाभाविक रूपमा बलिया छन् ।

३ फ्याक्टरले कसलाई कति फाइदा, कति बेफाइदा ?
उम्मेदवार छनोट हुने अवस्थासम्म महासचिवलगायत केही पदलाई लिएर चुलिएको असन्तुष्टि यसपटक लोकतान्त्रिक समूहका लागि भारी पर्ने अनुमान धेरैको थियो । समूहलाई नै जिताउन सक्ने मानिएका अधिकांश चिकित्सकको दाबी महासचिवमै केन्द्रित भएको अवस्थामा छताछुल्ल भएको असन्तुष्टि केही दिनमै सल्टाउन सक्नु लोकतान्त्रिक समूहको सबैभन्दा ठूलो सफलता बनेको छ । मतदानको अघिल्लो दिनसम्म आइपुग्दा लोकतान्त्रिक समूह एकढिक्का भएर मैदानमा छ । यसको अर्थ आफ्नो आस्था र परम्परागत भोट मात्रै जोगाउन सक्यो भने पनि लोकतान्त्रिक समूहलाई हराउन सहज छैन । त्यसमा पनि अध्यक्षका उम्मेदवार डा. लोचन कार्कीले बिदा हुँदै गरेको संघको कार्यसमितिमा रहेर सबैभन्दा महत्त्वपूर्ण काम गरेको फाइदा उठाउन सक्छन् ।

मुलुकी संहिता ऐन संशोधन, डा. केसीको अनशन, भ्याट दर्ता हटाउने, ५ प्रतिशत कर फिर्ताका सन्दर्भमा कार्कीको सशक्त भूमिकाकै कारण लोकतान्त्रिक समूहले उनलाई मैदानमा उतारेको हो । तुलनात्मक रूपमा संघमा रहेर गरेको कामले अध्यक्षका दुई प्रत्याशीमध्ये डा. कार्की स्वाभाविक रूपमा बलिया छन् ।

अर्का प्रत्याशी डा. पुष्पमणि खरालले पनि यसबीचमा चिकित्सक हितसँग जोडिएका धेरै अभियान र कार्यक्रमको नेतृत्व लिए । तर, अघिल्लो निर्वाचनमा स्वतन्त्र भन्दै उम्मेदवार बनेका खराल यसपटक नेकपानिकट चिकित्सकको उम्मेदवार बन्नुले उनको परम्परागत भोट पनि जोगिन्न कि भन्ने त्रास नेकपाकै चिकित्सकहरू व्यक्त गर्छन् ।

अर्कोतिर प्यानलका आधारमा पनि दुई दलको एकीकरणबाट बनेको नेकपामा महासचिवकै लागि भएको रस्साकस्सीले सम्पूर्ण टिमको एकतामा अघात पुगेको छ । यसको बलियो उदाहरण भनेको महासचिव पदमा परेको तीनजनाको उम्मेदवारी हो । महासचिवका कुल चार उम्मेदवारमध्ये तीनजना नेकपानिकट हुुनुले पनि प्यानलकै मतमा असर पार्छ कि भन्ने त्रास देखाएको छ । स्वतन्त्र रूपमा उम्मेदवारी दिएका डा. दीपेन्द्र पाण्डे र डा. अजय मिश्रको उपस्थितिको पूर्ण घाटा प्रगतिशील समूहका आधिकारिक उम्मेदवार डा. मधुर बस्नेतलाई पर्ने देखिन्छ ।

लोकतान्त्रिक समूहका तर्फबाट महासचिवमा उम्मेदवारी दिएका डा. बद्री रिजाल आइओएमको स्ववियू उपसभापतिदेखि सरकारी चिकित्सक संघको अध्यक्ष हुँदा डा. केसीका एजेन्डामा सधैँ साथमा देखिएकाले उनलाई निकै बलियो उम्मेदवारका रूपमा हेरिएको छ । महासचिवमा प्रगतिशीलका समर्थक तीनजनाको भिडन्तले बद्रीलाई थप सहज बनाइदिएको छ ।

वरिष्ठ उपाध्यक्षमा डा. शिवप्रसाद श्रेष्ठ र डा. रक्षा श्रेष्ठ मैदानमा छन् । अघिल्लो निर्वाचनमा रक्षाले जातीय भोटको बलमा जितेको आकलनका साथ यसपटक लोकतान्त्रिक समूहले डा. शिवलाई मैदानमा उतारेको छ । गत निर्वाचनमा प्रगतिशील समूहबाट जित्ने उनी एक मात्र उम्मेदवार हुन् । यद्यपि, संघको कोषाध्यक्षमा रहेर पनि संस्थागत निर्णयको विपक्षमा उत्रिएको, पूर्ण कार्यकाल संघलाई नदिएको विषयले रक्षालाई कति फाइदा वा बेफाइदा हुन्छ, त्यो भने निर्वाचन परिणामले नै देखाउनेछ ।

उपाध्यक्षका सन्दर्भमा चिकित्सकमाझ लोकप्रिय र आक्रामक छवि बनाएका डा. अनिल कार्कीलाई डा. रन्जित झाको टक्कर व्यक्तिगत रूपमा खासै भारी नपर्ला । प्रमुख पदमा तुलनात्मक रूपमा बढी प्रतिस्पर्धा देखिए पनि अन्य पदमा लोकतान्तिक समूहका उम्मेदवार संगठनात्मक र व्यक्तिगत दुवै हिसाबले लोकप्रिय देखिएका छन् ।

उपत्यकाभित्र र बाहिर गरी दुई चरणमा हुने निर्वाचन खासगरी लोकतान्त्रिक समूहका लागि पुरानो साख बचाउने चुनौतीका रूपमा छ भने प्रगतिशील समूह सत्ताको भर लिएरै भए पनि किल्ला भत्काउने ध्याउन्नमा छ । यस अर्थमा संघको निर्वाचन प्रतिस्पर्धात्मक र रोचकसमेत हुनेछ ।

प्यानल : लोकतान्त्रिक समूह

प्यानल : प्रगतीशील समूह

  • ताजा समाचार
  • जनप्रिय

हेल्थपोष्ट टुइट्स सबै