आइओएम प्रवेश परीक्षा टपर नवाज भन्छन्– पहिलो प्रयासको असफलताले हार खाइनँ, दोस्रोमा टप गरेँ

नवलपरासी जिल्लाको सामान्य किसान परिवारमा जन्मिएका मोहमद नवाज अन्सारीले यस वर्षको आइओएमको एमबिबिएस प्रवेश परीक्षामा ९ हजार ९ सय प्रतिस्पर्धीलाई पछि पार्न सफल भए । मुलुकको पहिलो रोजाइको मेडिकल शिक्षा, त्यसमा पनि पहिलो रोजाइको तर कठिनतम मानिने आइओएम (चिकित्साशास्त्र अध्ययन संस्थान) को प्रवेश परीक्षामा नवाजले हासिल गरेको यो सफलता कुनै सामान्य क्षमता र मिहिनेतले प्राप्त गर्न असम्भव छ । अद्भुत प्रतिभा, निरन्तरको मिहिनेत र चिकित्साक्षेत्रप्रतिको प्यासनले मात्र सफलताको यो उचाइमा पुग्न सम्भव छ ।

नवाजका बुबा–आमा कृषि पेसामा संलग्न छन् । सानै उमेरदेखि पढाइमा मिहिनेती नवाज कक्षामा दोस्रो, तेस्रो स्थानमा आउँथे । नवाजले वि.सं. २०७२ मा परासीको लिटिल एन्जल्स उच्च माविबाट एसएलसी उत्तीर्ण गरे । एसएलसीपछि ११ कक्षा अध्ययनका लागि उनी काठमाडौंस्थित गोल्डेन गेट कलेजमा भर्ना भए । ३ दशमलव ७५ जिपिएका साथ १२ कक्षा उत्तीर्ण गरे ।

नवाजमा डाक्टर बन्ने रहर सानैदेखि थियो । काठमाडौंमा १२ पढ्दासम्म सानो छँदाको रहरले प्यासनको रूप लिइसकेको थियो । पहिलोपटक ०७५ मा आइओएमको प्रवेश परीक्षा दिए । तर, ८१ अंक ल्याएका उनी सफल हुन सकेनन् । कतिपय विद्यार्थी एकपटकको असफलतामै हरेस खाएर सोच परिवर्तन गर्ने गर्छन्, तर नवाजको डाक्टर बन्ने अठोट त्यति कमजोर थिएन । उनले पहिलो प्रयासमा प्राप्त ८१ अंकलाई आधार बनाउँदै र कमी–कमजोरीलाई सुधार्दै मिहिनेत बढाए । एक वर्षसम्म निरन्तर प्रवेश परीक्षाको तयारीलाई तीव्रता दिए । फलस्वरूप, दोस्रो प्रयासमै यस वर्ष (०७६) को प्रवेश परीक्षामा सर्वोत्कृष्ट नतिजा निकाल्न सफल भए । यसपटक उनी ९५ अंक ल्याउन सफल भए, जसलाई अरुले भेट्टाउन सकेनन् । एक वर्षको मिहिनेत र लगनशीलताले उनी अघिल्लो वर्षभन्दा १४ अंक बढाउन सफल भए ।

नवाज अहिले २० वर्षका भए । सफलताको राजबारे उनी पढ्नका लागि कुनै प्याटर्न नहुने बताउँछन् । ‘बायोलोजी अलि कम आउने भएकाले त्यसको अध्ययनमा धेरै समय खर्चन्थेँ,’ उनी भन्छन्, ‘फिजिक्समा बढी नै रुचि र दक्षता भएका कारण त्यति धेरै समय दिइरहनुपर्दैनथ्यो ।’

मिहिनेत र लगनशीलताका साथ अध्ययन गरे मात्र सफलता हातपार्न सकिने नवाजको बुझाइ छ । उनले आइओएमको प्रवेश परीक्षाका लागि दैनिक १५ घण्टाभन्दा बढी पढ्ने गरेको अनुभव सुनाए । ‘परीक्षामा कम नम्बर आउँदा विद्यार्थीमा नैराश्य पैदा हुने हुन्छ,’ अनसारी भन्छन्, ‘यस्तो वेलमा मन दुःखी नबानाई पढाइमा केन्द्रित रहनुपर्छ ।’

प्रवेश परीक्षाको सफलतापछि निरन्तरको परिश्रमले मिठो फल दिने कुराको प्रत्यक्ष महसुस गरिरहेको नवाज बताउँछन् । ‘यसरी सम्मानित हुँदा मनमा सारै खुसी लागेको छ,’ नवाज भन्छन्, ‘यसरी सफलता हासिल हुनुमा बुबा–आमाको साथ र माया केन्द्रविन्दुमा छ ।’ नवाज जनरल मेडिसिन पढ्ने योजनामा छन् ।

  • ताजा समाचार
  • जनप्रिय

हेल्थपोष्ट टुइट्स सबै

आइओएम डिनमाथि कार्यकक्षमै दुर्व्यवहारका अभियुक्त अझै प्रहरीको हात लागेनन्, फ्याकल्टी डाक्टरले थाले आन्दोलन

चिकित्साशिक्षा अध्ययन संस्थान (आइओएम) का डिन प्रा.डा. जगदीशप्रसाद अग्रवाललाई झुक्याएर कार्यकक्षमै प्रवेश गरी अमानवीय दुर्व्यवहार गर्ने अभियुक्तलाई प्रहरीले अझै पक्राउ गर्न सकेको छै्रन । आइतबार पत्रकार हुँ भन्दै अन्तर्वार्ताका लागि दिउँसो २ बजेको समय लिएर डिनको कार्यकक्षमा प्रवेश गरेका एक युवाले केहीबेर कुरा गरेर डा. अग्रवालमाथि कालो मसी छर्किएर भागेका थिए ।

मर्यादित पदमा बसेका मर्यादित व्यक्तित्वमाथि कार्यकक्षमै प्रवेश गरी दिनदहाडै अपमानजनक तथा अमानवीय व्यवहार गर्ने अभियुक्तलाई घटनाको ४ दिन बितिसक्दा पनि प्रहरी प्रशासनले नियन्त्रणमा लिन नसकेपछि आइओएमका फ्याकल्टी डक्टरहरू आन्दोलनमा उत्रिएका छन् । आइओएमका चिकित्सकहरूको संगठन फ्याकल्टी डाक्टर्स एसोसिएसनले घटनाको भोलिपल्ट सोमबार विज्ञप्तिमार्फत डा. अग्रवालमाथि भएको दुर्व्यवहारको निन्दा गर्दै दोषीलाई ४८ घण्टाभित्र कारबाही गर्न सरकारसमक्ष माग गरेको थियो । निर्धारित समयसीमाभित्र दोषीलाई पक्रिएर कारबाही प्रक्रिया अघि नबढाएमा सम्पूर्ण चिकित्सकहरू आन्दोलनमा उत्रिने चेतावनी एसोसिएसनले दिएको थियो । तर, सिसिटिभीमा कैद भएका अभियुक्तलाई घटनाको ७२ घण्टा बितिसक्दा पनि नियन्त्रणमा लिन प्रशासन असमर्थ भएपछि फ्याकल्टी डाक्टरहरू आन्दोलनमा उत्रिएका हुन् ।

दोषीलाई कारबाही गर्न प्रशासनलाई दबाब दिन पहिलो चरणमा फ्याकल्टी डाक्टरहरू मंगलबार कालोपट्टी बाँधेर अस्पताल प्रांगणमा भेला भएका छन् । तर, प्रशासनले दोषीलाई यथाशीघ्र पक्राउ नगरेमा तथा कारबाहीका लागि ठोस कदम नचालेमा कडा रूपमा प्रस्तुत हुने एसोसिएसनले चेतावनी दिएको छ । चिकित्सकको सुरक्षासँग जोडिएको विषय भएकाले दोषीलाई कारबाही गर्ने सवालमा आलटाल भएमा आन्दोलनका कठोर कार्यक्रम ल्याउन बाध्य हुने एसोसिएसनको भनाइ छ ।

पछिल्लो समय उपचार तथा अन्य प्रशासनिक विषयलाई लिएर चिकित्सक, स्वास्थ्यकर्मी, स्वास्थ्य प्रशासक तथा स्वास्थ्यसंस्थामाथि आक्रमण गर्ने प्रवित्ति मौलाइरहेको छ । देशभरि नै एकपछि अर्को स्वास्थ्यकर्मीमाथि आक्रमणका घटना बढिरहेका छन् । स्वास्थ्यजस्तो संवेदनशील क्षेत्रमा मौलाइरहेको यसकिसिमको विकृतिले स्वास्थ्य सेवाप्रवाहमै समस्या उत्पन्न गर्ने देखिएपछि नेपाल चिकित्सक संघले लामो समयदेखि ‘जेल विदाउट बेल’को कानुनी प्रबन्ध गर्न माग गर्दै आएको छ । यो प्रावधानले कानुनी रूप लिएमा स्वास्थ्यकर्मी तथा स्वास्थ्यसंस्थामाथि आक्रमण गर्नेलाई विनाधरौटी जेलचलान गर्न सकिनेछ । यसले आक्रमणका घटनालाई निरुत्साहित गर्न ठूलो भूमिका खेल्ने चिकित्सक संघको विश्वास छ ।

शेरबहादुर देउवा सरकारका पालामा स्वास्थ्यकर्मी तथा स्वास्थ्यसंस्थाको सुरक्षासम्बन्धी ऐन तथा नियमावलीमा संशोधनमार्फत विनाधरौटी जेलचलानको प्रावधान समेट्ने सहमति चिकित्सक संघ र सरकारबीच भएको थियो । सम्झौतासँगै कानुन मन्त्रालयबाट ऐन संशोधनको प्रस्ताव पारित भइसकेर प्रक्रिया अघि बढाइए पनि हाल उक्त प्रस्ताव मन्त्रिपरिषद्मा अड्किएर बसेको संघका महासचिव डा. लोचन कार्की बताउँछन् । चिकित्सक संघले डा. अग्रवालको घटनामा पनि दोषीलाई विनाधरौटी जेलचलानको माग गरिसकेको छ ।

  • ताजा समाचार
  • जनप्रिय

हेल्थपोष्ट टुइट्स सबै

आइओएम डिनमाथि दुर्व्यवहारको चौतर्फी निन्दा, दोषीलाई ४८ घण्टाभित्र कारबाही नगरे आन्दोलनमा उत्रिने फ्याकल्टी डक्टर्स एसोसिएसनको चेतावनी

चिकित्साशास्त्र अध्ययन संस्थान (आइओएम)का डिन प्रा.डा. जगदीशप्रसाद अग्रवालमाथि आइतबार भएको दुर्व्यवहारको चौतर्फी निन्दा भएको छ । झुक्याएर डिनको कार्यकक्षमै गई डा. अग्रवालमाथि गरिएको आक्रमणको चिकित्सक तथा स्वास्थ्यकर्मीका विभिन्न संघ–संगठनले घोर भर्त्सना गरेका छन् । दोषीलाई अविलम्ब पक्रिई हदैसम्मको सजाय दिनुपर्ने उनीहरुको माग छ । आइतबार पत्रकार हुँ भन्दै अन्तर्वार्ताका लागि दिउँसो २ बजेको समय लिएर कुराकानी गर्न आएका एक युवकले डा. अग्रवालमाथि एक्कासि दुर्व्यवहार गरेका थिए । डा. अग्रवालको मुख र जिउमा कालो मसी छर्किएर भागेका अभियुक्त अझै फरार छन् ।

चिकित्सकहरुको छाता संगठन नेपाल चिकित्सक संघ (एनएमए) ले घटना घटाइएकै दिन आइतबार विज्ञप्ति जारी गर्दै आफ्ना आजीवन सदस्य डा. अग्रवालमाथि घटाइएको अमानवीय घटनाको निन्दा गरेको छ । चिकित्साजस्तो मर्यादित पेसाको महत्त्वपूर्ण जिम्मेवारीमा बसेका व्यक्तिलाई अन्तर्वार्ता लिने भन्दै झुक्याएर गरिएको दुर्व्यवहार पत्रकारिताजस्तो मर्यादित पेसालाई नै कलंकित तुल्याउने दूषित मनसायका साथ भएको एनएमएको ठहर छ ।

दोषीलाई विनाधरौटी जेलचलान गर्न र स्वास्थ्यकर्मी तथा स्वास्थ्यसंस्थाको सुरक्षासम्बन्धी ऐन २०६६ र सोको नियमावली २०६९ मा अविलम्ब ‘विनाधरौटी जेलचलान’को व्यवस्था संशोधनमार्फत ल्याउन एनएमएले माग गरेको छ । विनाधरौटी जेलचलानको प्रावधान कानुनमा थप गर्न सहमति भएर प्रक्रिया अघि बढाइए पनि लामो समयदेखि मन्त्रिपरिषद्मा अड्किएर बसेको छ ।

त्यसैगरी, आइओएमका चिकित्सकहरुको संगठन फ्याकल्टी डक्टर्स एसोसिएसनले पनि सोमबार विज्ञप्ति जारी गर्दै डा. अग्रवालमाथिको दुर्व्यवहारको घोर भर्त्सना गरेको छ । एसोसिएसनले दोषीलाई तुरुन्त पत्ता लगाई कारबाही गर्न र भविष्यमा यस्ता घटना हुन नदिन प्रहरी प्रशासनसँग माग गरेको छ । दोषीलाई ४८ घण्टाभित्र कारबाही नगरे एसोसिएसनआबद्ध सम्पूर्ण चिकित्सकहरु आन्दोलनमा उत्रिने विज्ञप्तिमार्फत चेतावनी दिइएको छ ।

  • ताजा समाचार
  • जनप्रिय

हेल्थपोष्ट टुइट्स सबै

आइओएमको एमबिबिएसलगायत स्नातक तहका प्रवेश परीक्षा ३, ५, ६ र ७ असोजका लागि तय

सर्वोच्चको आदेशमा यसअघि स्थगित चिकित्साशास्त्र अध्ययन संस्थान (आइओएम) को स्नातक तहका प्रवेश परीक्षाको नयाँ मिति सार्वजनिक गरिएको छ । सोमबार आइओएम परीक्षा नियन्त्रण महाशाखाले सार्वजनिक गरेको नयाँ रुटिनअनुसार पूर्वघोषित प्रवेश परीक्षा अब ३, ५, ६ र ७ असोजमा सञ्चालन हुनेछन् । त्यसमध्ये पहिलो दिन ३ असोजमा एमबिबिएसको परीक्षा तोकिएको छ ।

२० भदौमा परीक्षा रोक्न जारी गरिएको अन्तरिम आदेशलाई आइतबार सर्वोच्चले सर्वोच्चले निरन्तरता नदिएपछि परीक्षा सञ्चालनका लागि बाटो खुलेको थियो । आदलतको आदेशपछि सोमबार बसेको आइओएमको बैठकले नयाँ परीक्षा तालिका सार्वजनिक गरेको हो ।

आइओएमको प्रवेश परीक्षाका लागि करिब २० हजार विद्यार्थीले आवेदन दिएका छन् । यसअघि राष्ट्रिय चिकित्साशिक्षा ऐनका ७५ प्रतिशत छात्रवृत्तिलगायत प्रावधानको कार्यान्वयन नगरी प्रवेश परीक्षा सञ्चालन गर्न लागिएकाले त्यसलाई रोक्न आयुस ओझाले सर्वोच्चमा रिटनिवेदन दायर गरेका थिए । उनको रिटमाथिको प्र्रारम्भिक सुनुवाइमा सर्वोच्चले २१ भदौदेखि तोकिएको प्रवेश परीक्षा रोक्न अन्तरिम आदेश दिएको थियो । अन्तरिम आदेशलगत्तै आइओएमले प्रवेश परीक्षा स्थगित गरेको थियो ।

हेर्नुहोस्, प्रवेश परीक्षाको रुटिन

  • ताजा समाचार
  • जनप्रिय

हेल्थपोष्ट टुइट्स सबै

एमबिबिएस प्रवेश परीक्षा छिट्टै : आइओएम

चिकित्साशास्त्र अध्ययन संस्थान (आइओएम)ले स्नातक तहको प्रवेश परीक्षा छिट्टै सञ्चालन गर्ने जनाएको छ । सम्मानीत सर्वोच्च अदालतबाट पुरानो अन्तरिम आदेशलाई खारेज गरेसँगै आइओएमले सूचना निकाले यस्तो जानकारी दिएको हो ।आजै सर्वोच्चले पुरानो अन्तरिम आदेशालाई निरन्रता नदिने निर्णय गरेको थियो ।

सर्वोच्चले निवेदक आफै फर्म भरेर अदालत आएको, सरकारले पनि आयोगमार्फत् ऐनका प्राब्धान कार्यान्वनमा लागिरहेको देखिन आएको भन्दै परीक्षा गराउने बाटो खोलिदिएको थियो ।

  • ताजा समाचार
  • जनप्रिय

हेल्थपोष्ट टुइट्स सबै

आइओएम तालाबन्दीले १९ हजार विद्यार्थीको भविष्य अन्योलमा, प्रवेश परीक्षा नरोक्न त्रिवि कुलसचिवको आग्रह

चिकित्साशास्त्र अध्ययन संस्थान (आइओएम)मा आइतबार गरिएको तालाबन्दीले १९ हजारभन्दा बढी विद्यार्थीको भविष्य अन्योलमा परेको छ । एमबिबिएसलगायत चिकित्साशिक्षाका स्नातक तहका विषय अध्ययनार्थ निर्धारित प्रवेश परीक्षाको मुखमा डिनको कार्यालय र परीक्षा सञ्चालन शाखामा चिकित्साशिक्षा संघर्ष समितिले तालाबन्दी गरेसँगै परीक्षा अनिश्चित बनेको छ । आइओएमले यसअघि नै एमबिबिएसलगायतको प्रवेश परीक्षा २१ देखि २३ भदौका लागि तय गरेको छ ।

त्रिवि महाराजगन्ज चिकित्सा क्याम्पस स्वतन्त्र विद्यार्थी युनियनसमेतको सहभागितामा गठित मेडिकल शिक्षा अध्ययनरत विद्यार्थीको संघर्ष समितिले विभिन्न सुधारका माग राख्दै आइतबार आइओएममा तालाबन्दी गरेका थिए । तालाबन्दीलगत्तै वार्ताद्वारा समस्याको समाधान गर्न आइओएम डिन कार्यालयले वार्ता टोली गठन गरी आन्दोलनकारी विद्यार्थीलाई वार्तामा बोलाइसकेको छ । तर, संघर्ष समिति ताला खोलेर वार्तामा बस्न तयार नदेखिँदा वर्षौंदेखिको डाक्टर बन्ने सपना साकार पार्न दिनरात नभनी प्रवेश परीक्षाको तयारी गरिरहेका हाजारौँ विद्यार्थीमा निराशा छाउने खतरा बढेको छ । आइओएमको प्रवेश परीक्षाका लागि १९ हजारभन्दा बढी विद्यार्थीले फर्म भरेका छन् ।

विभिन्न मेडिकल कलेजमा अध्ययनरत विद्यार्थीले १० भदौमा गठन गरेको चिकित्साशिक्षा संघर्ष समिति विभिन्न ८ बुँदे मागसहित आन्दोलनमा छ । राष्ट्रिय चिकित्साशिक्षा ऐनको ७५ प्रतिशत छात्रवृत्तिको व्यवस्था कार्यान्वयन गर्नुपर्ने, मेडिकल कलेजले विभिन्न शीर्षकमा लिँदै आएका मनोमानी शुल्क फिर्ता हुनुपर्ने तथा त्यस्तो शुल्क लिने कलेजलाई कारबाही हुनपर्ने, समयानुकूल पाठ्यक्रम परिमार्जन गरी गुणस्तरीय र प्रविधिमैत्री पाठ्यक्रम बनाउनुपर्नेलगायत माग समितिले अघि सारेको छ । विद्यार्थीका माग जायज हुँदाहुँदै पनि हजारौँ विद्यार्थीको भविष्यसित प्रत्यक्ष जोडिएको प्रवेश परीक्षा कुनै पनि मूल्यमा रोकिन नहुने सरोकारवालाहरु बताउँछन् । यदि परीक्षा रोकिएको खण्डमा योग्य विद्यार्थीहरु मारमा पर्ने र मेडिकल कलेजहरुले अयोग्य व्यक्तिहरुलाई चिकित्साशिक्षामा भर्ना दिएर अवाञ्छित लाभ उठाउन सक्ने खतरा रहने उनीहरुको आशंका छ ।

प्रवेश परीक्षा नरोकिने गरी वार्ताबाट समस्या सुल्झाउन त्रिवि कुलसचिवको आह्वान
आइओएममा गरिएको तालाबन्दीका कारण प्रवेश परीक्षा प्रभावित हुन लागेको प्रति त्रिभुवन विश्वविद्यालयले ध्यानाकर्षण भएको जनाएको छ । त्रिविका कुलसचिव (रजिस्ट्रार) डिल्लीराम उप्रेतीले सोमबार आइओएममा लगाइएको ताला खोली प्रवेश परीक्षा सुचारु रुपले सञ्चालन गर्र्ने वातावरण सिर्जना गरिदिन सरोकारवाला सबैसँग विज्ञप्तिमार्फत आग्रह गरेका छन् ।

प्रवेश परीक्षा आमविद्यार्थीको जीवनसँग जोडिएको बताउँदै कुलसचिव उप्रेतीले वार्ताद्वारा समस्याको समाधान खोज्न अनुरोध गरेका छन् । डिन कार्यालयले आन्दोलनरत विद्यार्थीको मागलाई महत्त्व दिँदै तत्कालै वार्ता समिति गठन गरिसकेको स्मरण गराउँदै कुलसचिव उप्रेतीले प्रवेश परीक्षा नबिथोलिने गरी वर्तामा आउन संघर्ष समितिलाई आह्वान गरेका छन् ।

  • ताजा समाचार
  • जनप्रिय

हेल्थपोष्ट टुइट्स सबै

प्रवेश परीक्षा रोक्ने मनसायले आइओएममा ताला

चिकित्साशिक्षा संघर्ष समितिले त्रिभुवन विश्वविद्यालय चिकित्साशास्त्र अध्ययन संस्थान (आइओएम)को डिन कार्यालय र परीक्षा नियन्त्रण शाखामा तालाबन्दी गरेको छ । परीक्षा शाखामा तालाबन्दीसँगै आइओएमले अर्को साताका लागि तय गरेको प्रवेश परीक्षा प्रभावित हुन सक्ने देखिएको छ । आइओएमले २१-२३ भदौका लागि एमबिबिएसलगायतको प्रवेश परीक्षाको मिति तोकिसकेको छ ।

विभिन्न ८ बुँदे माग राखेर आन्दोलनमा उत्रिएको संघर्ष समितिले माग पूरा गर्न १२ गते ७२ घण्टाको अल्टिमेटम दिएको थियो । तर, माग सुनुवाइ गर्ने कुनै लक्षण नपाएपछि बाध्य भएर तालाबन्दी गर्नुपरेको गण्डकी मेडिकल कलेजका विद्यार्थी अनित सिन्हाले बताए ।

चिकित्साशिक्षा ऐनले व्यवस्था गरेको ७५ प्रतिशत छात्रवृत्तिको प्रावधान लागू हुनुपर्ने, मेडिकल कलेजले विभिन्न शीर्षकमा लिँदै आएका मनोमानी शुल्क फिर्ता हुनुपर्ने तथा त्यस्तो शुल्क लिने कलेजलाई कारबाही हुनपर्ने, समयानुकूल पाठ्यक्रम परिमार्जन गरी गुणस्तरीय र प्रविधिमैत्री पाठ्यक्रम बनाउनुपर्नेजस्ता ८ बुँदे माग संषर्ष समितिले अघि सारेको छ ।

‘समितिले दिएको समयसीमा बितिसक्दा पनि सम्बन्धित कुनै निकायले पनि चासो देखाएको पाइएन, जसका कारण बाध्य भएर तालाबन्दी गर्ने अवस्थामा पुग्यौँ,’ सिन्हा भन्छन्, ‘जबसम्म हाम्रो माग सुनुवाइ हुँदैन, तबसम्म तालाबन्दी तथा आन्दोलन गर्न छोड्दैनौँ ।’

संघर्ष समितिले आइतबार ११ बजे धर्ना तथा आन्दोलनका कार्यक्रम गरेसँगै दिउँसो १ बजे तालाबन्दी गरेको हो । आफूले उठाएका माग पूरा नगरे सबै मेडिकल कलेजका शैक्षिक तथा प्रशासनिक कार्य ठप्प पार्ने र राजधानीमा विशाल स्वास्थ्य प्रदर्शन गर्नेसमेत समितिले चेतावनी दिएको छ ।

गत साता मात्र चिकित्साशिक्षा अध्ययनरत विद्यार्थीहरूले संघर्ष समिति गठन गरी चिकित्साशिक्षा सुधारका लागि आन्दोलन गर्ने जानकारी दिएको थियो । १० भदौमा सरोकारवालासित छलफल आयोजना गरेरै समितिले आफ्ना कार्यक्रम सार्वजनिक गरेको थियो ।

  • ताजा समाचार
  • जनप्रिय

हेल्थपोष्ट टुइट्स सबै

आइओएमले सुरु गर्यो आफ्नै दन्तचिकित्सा शिक्षण अस्पताल

त्रिभुवन विश्वविद्यालय चिकित्साशास्त्र अध्ययन संस्थान (आइओएम)अन्तर्गत महाराजगन्ज चिकित्सा क्याम्पसले आफ्नै दन्तचिकित्सा शिक्षण अस्पताल सुरु गरेको छ । सोमबार त्रिभुवन विश्वविद्यालयका उपकुलपति तीर्थराज खनियाले अस्पतालको उद्घाटन गरेका हुन् ।

यसअघि, त्रिवि शिक्षण अस्पतालमा दन्तविभागका रूपमा दाँतसेवा सञ्चालनमा थियो । तर, सीमित सेवाका कारण दाँतको उपचारका लागि आएका बिरामीलाई अन्यत्रै पठाउनुपर्ने बाध्यता थियो । अस्पतालकै रूपमा दन्तसेवालाई विस्तार गरिएसँगै आब दाँतका बिरामीले सबैखाले सेवा पाउन सक्ने बताइएको छ ।

उद्घाटन कार्यक्रममा उपकुलपति खनियाले सबैखाले रोगको उपचारका लागि त्रिवि शिक्षण अस्पताल पूर्ण रहेको बताए । खनियाले भने, ‘महाराजगन्ज क्याम्पसले अन्य विधामा जति ख्याति कमाएको छ, दन्तचिकित्साले पनि त्यसलाई कायम राख्नुपर्छ ।’
त्यसैगरी, आइओएमका डिन प्रा.डा. जगदीशप्रसाद अग्रवालले पहिला महाराजगन्ज क्याम्पसमा बिडिएस पठन–पाठन कार्यक्रम नभएको हुँदा लज्जाबोध भएको बताए । ‘बिडिएस अध्यापन र दन्तचिकित्सा शिक्षण अस्पताल स्थापनालाई सुरुदेखि नै प्राथमिकतामा राखेर काम गरिएको थियो,’ अग्रवालले भने, ‘तर, आज बिडिएस अध्यापन र दन्तचिकित्सा शिक्षण अस्पताल स्थापनाले इतिहास रच्ने काम भएको छ ।’

हाल महाराजगन्ज क्याम्पसमा बिडिएसमा २५ जना विद्यार्थीले अध्ययन गरिरहेका छन् । अस्पतालमा डेन्टल बेड ३० वटा रहेका छन् । पोर्टेबल एक्स–रे मेसिन ४ वटा छन् । पठन–पाठनका लागि १० जना शिक्षकको दरबन्दी तयार भइसकेको र ११ जनाको विज्ञापन गरिएको दन्तविभागका प्रमुख डा. कृष्ण केसी बताउँछन् ।
केसीका अनुसार अस्पतालमा रहेको पूर्वाधारका आधारमा दैनिक १ सय ५० देखि २ सयसम्म बिरामीलाई उपचारसेवा दिन सकिन्छ ।

अस्पतालले दाँत निकालेबापत प्रतिदाँत १ सय, जरा उपचारका लागि २ हजार, दाँत सफा गराएबापत ५ सय, सिमेन्ट भरेबापत ४ सय रूपैयाँ उपचारशुल्क निर्धारण गरेको छ । अन्य निजी अस्पतालको तुलना ५० प्रतिशत सस्तोमा उपचारसेवा उपलब्ध गराउने अस्पतालले जनाएको छ ।

  • ताजा समाचार
  • जनप्रिय

हेल्थपोष्ट टुइट्स सबै

‘रिटोटलिङ’मा नम्बर फरक परेपछि आइओएमको एमडी/एमएस प्रवेश परीक्षा विवादमा

कम्प्युटराइज प्रणालीबाट लिइने चिकित्साशास्त्र अध्ययन संस्थान (आइओएम)को प्रवेश परीक्षामा रिटोटलिङ गर्दा बढी नम्बर आएपछि परीक्षाको विश्वसनीयतामा प्रश्न उठेको छ ।
आइओएमले १६ चैतमा सञ्चालन गरेको प्रवेश परीक्षाको नतिजालाई लिएर केही विद्यार्थीले रिटोटलिङका लागि आवेदन दिएका थिए । सोक्रममा एकजना परीक्षार्थी सञ्जीव परियारको सुरुमा ५३ नम्बर आएकोमा रिटोटलिङ गर्दा ६१ नम्बर आएपछि परीक्षा प्रणालीमा प्रश्न उब्जिएको हो ।

कम्प्युटराइज परीक्षा प्रणाली अवलम्बन गरिएकोमा प्राप्तांक नै फरक परेपछि परीक्षाको विश्वसनीयतामा प्रश्न उब्जिएको हो । यो घटनालाई लिएर गैरसरकारी चिकित्सक संघले सोमबार आइओएमको डिन कार्यालयमा ज्ञापनपत्रसमेत बुझाएको छ । संघका महासचिव डा. रीतेश थापाले कम्युप्टरबाटै उत्तरपुस्तिका परीक्षण गर्ने भनिएको परीक्षामा वस्तुगत प्रश्नको जाँच र प्राप्तांकमा समेत अन्तर देखिएपछि परीक्षा प्रणालीमै प्रश्न उब्जिएको बताए ।

थापाका अनुसार गैरसरकारी चिकित्सक संघले संस्थागत रूपमै यस विषयको छानबिनको माग गरेको छ । संघले विज्ञाप्तिमा यस्ता त्रुटिले दिनरात मिहिनेत गरेर परीक्षामा सहभागी भएका चिकित्सकको मनोबल गिरेको र परीक्षा प्रणालीमा शंका उब्जिएको भन्दै आगामी दिनमा यस्ता गतिविधि दोहोरिन नदिनसमेत सचेत गराएको छ । संघले ज्ञापनपत्र बुझाए पनि आइओएमले छानबिन एवम् स्पष्टीकरण नदिई ओपनहाउस काउन्सिलिङको सूचना जारी गरेको छ ।

  • ताजा समाचार
  • जनप्रिय

हेल्थपोष्ट टुइट्स सबै

त्रिवि शिक्षण अस्पतालको ‘जिआई एन्ड जनरल सर्जरी’ विभागमा पहिलोपटक महिला चिकित्सकको नेतृत्व

त्रिभुवन विश्वविद्यालय चिकित्साशास्त्र अध्ययन संस्थान (आइओएम) शिक्षण अस्पतालको ग्यास्ट्रो इन्टेस्टाइनल (जिआई ) एन्ड जनरल सर्जरी विभागको विभागीय प्रमुखमा डा. पलेस्वाँ लाखे नियुक्त भएकी छिन् । निवर्तमान विभागीय प्रमुख डा. वाइपी सिंहको कार्यकाल सकिएपछि रिक्त पदको जिम्मेवारी डा. लाखेलाई दिइएको हो ।

नेपालकै पहिलोमध्येकी एक महिला जनरल सर्जन डा. लाखेलाई महाराजन्ज क्याम्पस प्रशासनले विभागीय प्रमुख नियुक्त गरेको हो । जनरल सर्जरीजस्तो जटिल विधाको विभागीय प्रमुखको जिम्मेवारी महिला चिकित्सकले पाएको यो नेपालमै पहिलोपटक हो । अन्तर्राष्ट्रिय रूपमा यति ठूलो अस्पतालमा सर्जरीको विभागीय प्रमुख हुनुलाई निकै महत्वका साथ हेरिन्छ । वरिष्ठता, योग्यता, विभागका फ्याकल्टीहरूको समर्थनलगायत विषयलाई आधार बनाएर विभागीय प्रमुख नियुक्त गरिन्छ ।

पहिलोपटक जनरल सर्जरीमा (एमएस) गर्ने दुई महिलामध्येकी एक लाखेले सन् २०११ मा पहिलोपटक सर्जिकल इन्टेरोलोजीमा पिएचडीसरहको तालिम (एमसिएच) गरेकी थिइन् । लाहोरबाट एमबिबिएस, आइओएमबाट एमएस र एमसिएच गरेकी डा. लाखेले प्यानक्रियाज र पित्तथैलीको क्यान्सर विषयमा अल्पकालीन तालिमसमेत गरेकी छिन् ।

शिक्षण अस्पतालमा केही वर्षअघिसम्म जनरल सर्जरी विभागअन्तर्गत नै जनरल सर्जरी, युरोलोजी, प्लास्टिक सर्जरी, न्युरो सर्जरीसमेत रहेकोमा बिस्तारै यी सबै विधामा छुट्टाछुट्टै विभाग विकास भएका थिए । ‘अरु छुट्टिएपछि जिअाइ एण्ड जनरल सर्जरी विभागलाई थप व्यवस्थित गर्न बाँकी छ,’ डा. लाखेले भनिन् ।

शिक्षण अस्पतालमा केही वर्षअघिसम्म जनरल सर्जरी विभागअन्तर्गत नै जनरल सर्जरी, युरोलोजी, प्लास्टिक सर्जरी, न्युरो सर्जरीसमेत रहेकोमा बिस्तारै यी सबै विधामा छुट्टाछुट्टै विभाग विकास भएका थिए । ‘अरु छुट्टिएपछि जिअाइ एण्ड जनरल सर्जरी विभागलाई थप व्यवस्थित गर्न बाँकी छ,’ डा. लाखेले भनिन् ।

आइतबार विभागीय प्रमुखको जिम्मेवारीको पत्र बुझेसँगै हेल्थपोस्टसँग कुरा गर्दै डा. लाखेले ग्यास्ट्रो इन्टेस्टाइनल एन्ड जनरल सर्जरी विभागभित्रका विषय र क्षेत्रलाई छुट्टाछुट्टै रूपमा अझै विस्तार गर्न काम गर्ने बताइन् । उनले हालै अनुमति प्राप्त भएको कलेजो प्रत्यारोपणलाई सफल पार्नु विभागको महत्वपूर्ण प्राथमिकता भएको बताइन् ।

त्रिवि शिक्षण अस्पतालमा पूर्वनिर्देशक एवम् पूर्वविभागीय प्रमुख डा. महेश खकुरेलले सुरु गरेको जिआई सर्जरीको विस्तार र विकासमा नै काम गर्ने योजना रहेको डा. लाखेको भनाइ छ । ‘जिआई सर्जरीभित्र पनि खानानली, आमासय (अपर जिआई), कलेजो, प्यानक्रियाज, गलब्लाडरसँगै ठूलाे अान्द्रा (लोअर जिआई)लाई ‘च्यानलाइज’ गरेर अझै विकासमा काम गर्छु,’ डा. लाखेले भनिन्, ‘सबै काम सबैले गरिरहेकै छौँ, अब अझै कुनै विषयमा बढी फोकस गराएर फ्याकल्टीहरूका लागि तालिमको समेत खोजी गर्छौं ।’

  • ताजा समाचार
  • जनप्रिय

हेल्थपोष्ट टुइट्स सबै

आइओएमको भर्ना अगाडि नबढाउन अन्तरिम आदेश

चिकित्सा अध्ययन संस्थान (आइओएम)को एमबिबिएस, नर्सिङ, जनस्वास्थ्य र सामान्य चिकित्सालगायतका विषयमा भर्ना प्रक्रिया तत्काल अगाडी नबढाउन सर्वोच्च अदालतले अन्तरिम आदेश दिएको छ । आइओएमले एमबिबिएस बाहेकका विषयमा ओपनहाउस काउन्सिलिङगरी भर्ना प्रक्रिया सुरु गरेको थियो । एमबिबिएस, बिडिएसमा दशैपछि भर्ना प्रक्रिया थाल्ने तयारी गरेको थियो ।
असोजको ६,७ र ८ गतेका मितिमा भएका विभिन्न विषयका प्रवेश परीक्षाको नतिजामा प्रश्न उठाउँदै विद्यार्थी रेश्मा बानियाँलगायतले दायर गरेको रिटमा सुनुवाई गर्दै न्यायाधीश दीपकराज जोशीको एकल इजलासले अन्तरिम आदेश दिएको हो । आइओएमले मुद्दामा थप छलफलका लागि असोज २१ गते दुबै पक्षलाई झिकाउनसमेत आदेश दिएको छ । मुद्दा किनारा नलागेसम्म कुनै पनि विषयको भर्ना प्रक्रिया अगाडी नबढाउन आदेश दिएको हो ।

 

  • ताजा समाचार
  • जनप्रिय

हेल्थपोष्ट टुइट्स सबै

केयुमा बिहीबारदेखि, आइओएममा दसैंपछि ‘ओपनहाउस काउन्सेलिङ’

त्रिवि चिकित्साशास्त्र अध्ययन संस्थान (आइओएम)अन्तर्गत एमबिबिएस/बिडिए प्रवेश परीक्षाको नतिजा प्रकाशन भएको छ । शनिबार सञ्चालित प्रवेश परीक्षाको नतिजा आइतबार राति प्रकाशित भएको हो । एक साताअघि गत आइतबार मात्रै काठमाडौं विश्वविद्यालयअन्तर्गतको प्रवेश परीक्षाको नतिजा प्रकाशित भएको थियो ।

त्रिविअन्तर्गतका ७ मेडिकल कलेजका ६ सय ६१ सिटका लागि ८ हजार ८ सय ८६ जनाले परीक्षा दिएकोमा ४ हजार ५ सय ८१ ले परीक्षा उत्तीर्ण गरेका छन् । त्यसमध्ये १ हजार १ जनाले ७० प्रतिशतभन्दा माथि ल्याएका छन् । मेरिटका आधारमा भर्नामा प्राथमिकता पाउने भएकाले यसपटक कम नम्बर ल्याउनेले भर्ना पाउने सम्भावना कम छ ।

यसैगरी, काठमाडौं विश्वविद्यालयअन्तर्गत ८ सय ९० सिटका लािग गत शनिबार सञ्चालित परीक्षामा ८ हजार ६१ जना सहभागी भएकोमा ४ हजार ५ सय ७८ जना पास भएका छन् । केयुले आगामी बिहीबारदेखि नै ओपनहाउस काउन्सेलिङ गरी विश्वविद्यालयमै पैसा तिर्न लगाएर भर्ना सुरु गर्ने जनाएको छ । आइओएमको भने सुरुमा मन्त्रालयअन्तर्गतका कोटामा विद्यार्थी छनोट गरेर पठाएपछि मात्रै दसैँपछि ओपनहाउस काउन्सिलिङ गरेर भर्ना सुरु गर्ने जनाइएको छ ।

  • ताजा समाचार
  • जनप्रिय

हेल्थपोष्ट टुइट्स सबै