आधारातमा कुटिँदा अनमीको क्रन्दन, फोनमा चित्कार सुन्दै दुगुरे वडाध्यक्ष (घटनाको अडियोटेप र भिडियोबयानसहित)

९ पुसको चिसो रात, करिब साढे १० बजे, थुनियाँ स्वास्थ्यचौकी कपिलवस्तुको बर्थिङ सेन्टरमा अनमी उषा केसी एक्लै छन् । अनायास ढोकामा कसैले बेतालको ढङ, ढङ… आवाज दिएपछि उनलाई विपत्को संकेत मिल्छ । बेसहारा उनी तत्काल वडाध्यक्षलाई फोन लगाउँछिन् । सुतिरहेका वडाध्यक्ष फोन उठाउँछन् । मध्यरातमा एउटी महिला काँपेको स्वरमा भन्छिन्–

हेलो, हेलो…

हजुर अंकल…
बाहिर ढोका हानिरह्यो, हेल्थपोस्टमा कुन्नि को आयो, हेल्थपोस्टमा ।

हेल्थपोस्टमा ?

छिटो आउनु त अंकल, म सिस्टर बोलेको क्या !

अँ, हजुर, हजुर, चिनेँ, चिनेँ । को–को छ ?

खै को हो छिटो आउनु त, छिटो आउनु छ अंकल ।

त्यसपछि,

ढोका जोडजोडले हानेको र वडाध्यक्षले आत्तिँदै परिवारका सदस्यलाई बोलाएको आवाज एकैसाथ आउँछ ।
संयोगले फोन काटिएको हुँदैन, यहीबीचमा ढोका फोडेको आवाज आउँछ र सुरु हुन्छ चित्कार, जसले जोकोहीको मन स्तब्ध बनाउँछ ।

घटनाको अडियोटेप सुन्न यहाँ क्लिक गर्नुहोस्

आत्तिएका वडाध्यक्ष सहायता गर्न जान परिवारका सदस्यलाई आफ्नै भाषामा उठाउनतिर लाग्छन्, रत्तिभर पनि समय नखर्ची घटनास्थलतिर दौडिन्छन् । उनको स्वाँ–स्वाँ, अनमीको दर्दनाक क्रन्दन, लौरो प्रहारको आवाज, सबै फोनमा रेकर्ड हुन्छ । यही फोनकै कारणले आफ्नो ज्यान बाँचेको पीडित केसीले यसअघि नै बयान दिइसकेकी छिन्

 

  • ताजा समाचार
  • जनप्रिय

हेल्थपोष्ट टुइट्स सबै

अनमीमाथि कुटपिट गर्नेलाई ‘ज्यान मार्ने उद्योग’ मुद्दा

ज्ञानेन्द्रसिंह चौधरी प्रहरी निरीक्षक वडा प्रहरी कार्यालय, चन्द्रौटा, कपिलवस्तु

कपिलवस्तुको शिवराज नगरपालिकामा रहेको थुनियाँ स्वास्थ्यचौकीमा कार्यरत अनमी उषा केसीले आक्रमणमा संलग्न व्यक्तिलाई प्रहरीले ज्यानमार्ने उद्योग अन्तरगत मुद्दा चलाउँने जनाएको छ ।
वडा प्रहरी कार्यालय , चन्द्रौटाका प्रहरी निरीक्षक ज्ञानेन्द्रसिंह चौधरीले पक्राउ परेका मैफुज मुसलमानलाई प्रहरीले १५ दिनको म्याद थप गरी अनुसन्धान प्रक्रिया अघि बढाएको जानकारी दिए ।

घटनापछि भागेका मुसलमानलाई अर्को दिन धान राख्ने डेहरीमा लुकेको अवस्थामा .स्थानीयको सहयोगमा प्रहरीले प्रक्राउ गरेको थियो ।

घटनापछि भागेका मुसलमानलाई अर्को दिन धान राख्ने डेहरीमा लुकेको अवस्थामा .स्थानीयको सहयोगमा प्रहरीले प्रक्राउ गरेको थियो ।
‘कुटपिटमा संलग्न मोहफुजलाई सोधपुछ गर्दा कुटपिट गरेको स्वीकार गरे, तर कारणबारे कुनै प्रतिक्रिया जनाएका छैनन्,’ प्रहरी निरीक्षक चौधरीले भने ।

पीडित पक्षले ज्यानमार्ने उद्योगअन्तर्गत मुद्दा दर्ता गरेकाले सोहीअनुसार प्रक्रिया अगाडि बढ्ने उनको भनाइ छ । तर, मुसलमानले अहिलेसम्म कुटपिटको कारणबारे प्रतिक्रिया नदिँदा कारबाही हुने वा नहुनेमा पीडित पक्ष सशंकित छ ।

  • ताजा समाचार
  • जनप्रिय

हेल्थपोष्ट टुइट्स सबै