राष्ट्रपति बाइडेनमा पुनः कोरोना संक्रमण

हेल्थपोस्ट नेपाल

न्युयाेर्क-अमेरिकी राष्ट्रपति जो बाइडेनलाई पुनः कोरोना सङ्क्रमण भएको छ। पहिलोपटक सङ्क्रमण पुष्टि भएको नौ दिनपछि पुनः परीक्षण गर्दा उनी कोभिड–१९ सङ्क्रमणबाट मुक्त नभएको उनका चिकित्सकले पुष्टि गरेका छन्।

तीनदिनअघि आइसाेलेसनबाट बाहिर निस्किएका उनी फेरि सङ्क्रमित भएकाे राष्ट्रपति कार्यालयका चिकित्सक डा केभिन ओ कनरले बताएका छन्। ७९ वर्षीय सङ्क्रमित राष्ट्रपति पुनः आइसाेलेसनमा फर्केका छन् । उनले कोभिड–१९ विरुद्ध पूर्ण खोप र दुईपटक वुष्टर डोज लिएका थिए।

सङ्क्रमणमुक्त नभएसम्म उनी आइसाेलेसनमै रहने चिकित्सक कनरले बताएका छन्। अमेरिकी रोग नियन्त्रण तथा रोकथाम निर्देशिकाअनुसार उनले कम्तीमा पाँच दिन एक्लै बस्नुपर्नेछ। राष्ट्रपति भवनको एउटा कोठामा उनी एक्लै बस्नेछन्।



Leave a Reply

Your email address will not be published.