काठमाडौं–चिकित्सा शिक्षा आयोगले पाकिस्तान सरकारबाट नेपाल सरकारलाई प्राप्त चिकित्सा शिक्षा स्नातक तहको छात्रवृत्तिका लागि आवेदन पेश गर्न आव्हान गरेको छ।

शैक्षिक सत्र २०२२/२३ का लागि प्राप्त पाकिस्तान टेक्निकल असिस्टेन्ट प्रोग्राम (पीटाप) अन्तर्गत स्नातक तहका सिटमा साउन १६ गतेभित्र आवेदन दिन आयोगले आग्रह गरेको हो।

उक्त छात्रवृत्तिमा एमबीबीएसका लागि १०, बीडीएसका लागि १ र डी फार्मेसीका लागि ४ सिट छन्। जसमा समानुपातिकतर्फका सिट पनि समावेश छन्।