सुर्तीजन्य पदार्थको सेवनबाट कम्बोडियामा वार्षिक १५ हजारको मृत्यु

हेल्थपोस्ट नेपाल

नोम पेन-सुर्तीजन्य पदार्थको सेवनका कारण कम्बोडियामा वार्षिक १५ हजारभन्दा बढीको मृत्यु हुने गरेको छ। विश्व स्वास्थ्य संगठन (डब्लुएचओ)ले बुधबार दिएको जानकारी अनुसार सुर्तीजन्य पदार्थको सेवनबाट हुने मानवीय क्षति डर लाग्दो रहेको छ।

सुर्तीजन्य पदार्थले मानवीय शक्तिसँगै वातावरणीय क्षेत्रमा समेत नकारात्मक प्रभाव पारिरहेकाले यसको न्यूनीकरणका लागि पनि डब्लुएचओका प्रतिनिधिहरूले ध्यानाकर्षण गराएका छन्।

कम्बोडियाका लागि डब्लुएचओका प्रतिनिधि लि एैलानले सुर्तीजन्य पदार्थको सेवनबाट अनावश्यक क्षेत्रमा खर्च गर्नु परेको बताए। उनले सुर्तीजन्य पदार्थको सेवनका कारण विश्वभरि वार्षिक ८० लाख मानिसको मृत्यु हुने गरेको पनि बताए।

विश्व सुर्तीजन्य पदार्थविरुद्ध दिवसको अवसरमा सार्वजनिक गरिएको प्रतिवेदनमा सुर्तीजन्य पदार्थको प्रयोग घटाउन चेतनामूलक कार्यक्रमहरू नै बढाउनु पर्नेमा जोड दिइएको छ। हरेक वर्षको मे ३१ तारिखमा विश्वभरि सुर्तिजन्य पदार्थ सम्बन्धी दिवस विविध कार्यक्रम गरी मनाउने गरिन्छ ।



Leave a Reply

Your email address will not be published.