भारतमा कोरोना संक्रमितको कूल संख्या चार करोड ३१ लाखभन्दा बढी

हेल्थपोस्ट नेपाल

नयाँदिल्ली–भारत २४ घण्टा अर्थात् बिहीबार मध्यरातिसम्म दुई हजार ८४१ व्यक्ति कोरोनाका थप संक्रमित भएपछि यहाँ कूल संक्रमितको संख्या चार करोड ३१ लाख सोह्र हजार २५४ पुगेको केन्द्रीय स्वास्थ्य मन्त्रालयले शुक्रबार जनाएको छ।

केही महिनायता न्यून विन्दुमा पुगेको कोरोना सङ्क्रमणको पुनःकेही दिनयता नयाँ सङ्क्रमितको सङ्ख्या तीन हजार नाघेको थियो। यद्यपि गत मङ्गलबारबाट केही मात्रामा कमी देखिएको छ । चौविस घण्टाको समयावधि भएका यी नयाँ सङ्क्रमितमध्ये ३६ प्रतिशत राष्ट्रिय राजधानी दिल्लीका रहेका समाचारमा जनाइएको छ । हाल राजधानीमा चार हजार ९२८ सक्रिय सङ्क्रमित छन्।

यसका साथै २४ घण्टाको समयमा महामारीका कारण थप ९ को मृत्यु भएपछि देशभर कोरोनाबाट मृत्यु हुने व्यक्तिको सङ्ख्या पाँच लाख २४ हजार १९० पुगेको छ । भारतभरि अझै पनि सक्रिय सङ्क्रमित १८ हजार ६०४ रहेका पनि मन्त्रालयले जानकारी दिएको छ ।

चौविस घण्टाको समयावधि अर्थात् बिहीबार मध्यरातिसम्म तीन हजार २९० निको भएका छन् । यसैसँगै हालसम्म चार करोड २५ लाख ७३ हजार ४६० सफलतापूर्वक कोरोना सङ्क्रमण निको भएर अस्पतालबाट डिस्चार्ज भएका छन्।



Leave a Reply

Your email address will not be published.