डब्लुएचओले भन्याे-कोरोना नयाँ भेरियन्टलाई पनि खोपले काम गर्छ 

हेल्थपोस्ट नेपाल

न्युयाेर्क-विश्व स्वास्थ्य संगठनले कोभिडका अरु नयाँ-नयाँ भेरियन्टहरुलाई पनि अहिलेको कोभिडविरुद्धको खोपले नै काम गर्ने जनाएको छ। अहिले पछिल्ला समयमा अफ्रिका तथा अमेरिकामा पनि कोभिडका नयाँ भेरियन्टहरु भेटिएका समाचारहरु आइरहेका छन्।

ती नयाँ भेरियन्टहरुका विरुद्ध पनि कोरोनाको खोप प्रभावकारी देखिएको संगठनले जनाएको छ। उक्त संगठनले हालै गरेको अनुसन्धानबाट यो तथ्य पत्ता लागेको समाचारमा जनाइएको छ ।विश्वमा कोभिडका संक्रमितहरुका संख्या घट्दै गएको पाइएको छ। साथै सन् २०२० को मार्चको तुलनामा अहिले विश्वमा कोभिडका कारणले हुने गरेको मृत्युमा पनि निकै नै कमी आएको देखिएको छ।

यो मृत्युदरमा भएको कमी पनि कोभिडका विरुद्धको खोपकै कारण भएको उक्त संगठनको भनाइ छ। दक्षिण अफ्रिकाका वैज्ञानिकहरुले कोभिडको ओमिक्रोन भेरियन्ट पत्ता लगाएका थिए। यस भेरियन्टको संक्रमण दर अरुको तुलनामा निकै नै बढी थियो।

तर पनि सो भेरियन्टलाई पनि हाल प्रचलनमा रहेकै खोपले प्रभावकारी रुपमा काम गरिरहेको सो संगठनले जनाएको छ।



Leave a Reply

Your email address will not be published.