काठमाडौं–नेपालमा कोरोना संक्रमण अन्त्य हुने क्रममा रहेको देखिएपनि काठमाडौं उपत्यकामा अझै २३४ सक्रिय संक्रमित छन्।

स्वास्थ्य तथा जनसंख्या मन्त्रालयका अनुसार काठमाडौंमा १२९, भक्तपुरमा २ र ललितपुरमा १०३ सक्रिय संक्रमित छन्। नेपालभर भने सक्रिय संक्रमितको संख्या ७६५ छ।

पछिल्लो २४ घण्टामा नेपालमा थप १३ जनामा संक्रमण पुष्टि भएको छ। ४ हजार ८ सय ७ जनाको परीक्षण गरिएकोमा उक्त संख्यामा संक्रमण पुष्टि भएको हो। त्यसमध्ये काठमाडौंमा ५ जना भेटिएका छन्।

उक्त अवधिमा कोरोना संक्रमणका कारण कसैको पनि मृत्यु भएको छैन भने ५७ जना निको भएकाछन्। मंगलबार ५६ हजार ५ सय २७ जनाले कोरोना खोप लगाएका थिए।