दक्षिण कोरियामा दैनिक झण्डै पाँच लाख नयाँ संक्रमित

हेल्थपोस्ट नेपाल

साेल-दक्षिण कोरियामा कोरोना संक्रमितकाे संख्या दैनिक करिब पाँच लाख पुग्न थालेकाे छ। सरकारी अधिकारीहरुले बुधबार दिएको जानकारीअनुसार पछिल्लो एक दिनमा चार लाख ९० हजार ८८१ जना नयाँ सङ्क्रमित भएका हुन्।

योसँगै दक्षिण कोरियामा अहिलेसम्म कुल सङ्क्रमितको सङ्ख्या एक करोड चार लाख २७ हजार २४७ पुगेको छ। कोरिया रोग नियन्त्रण तथा व्यवस्थापन निकायका अनुसार यसअघि तीन लाख ५३ हजार ९६८ नयाँ सङ्क्रमित थपिएका थिए।

कोरोनाभाइरसको नयाँ भेरियन्टका रुपमा देखिएको ओमिक्रोनका कारण सङ्क्रमितहरुको सङ्ख्या यसरी अत्यधिक बढेको अधिकारीहरुको भनाई छ ।नयाँ सङ्क्रमित मध्ये एक लाख एक हजार १३३ जना राजधानी सोलका मात्रै रहेको अधिकारीहरुले जनाएका छन्।

सङ्क्रमित भएकामध्ये एक हजार ८४ जनाको अवस्था गम्भीर रहेको जनाइएको छ। यो सङ्ख्या अघिल्लो दिनको भन्दा २० जनाले कम भएको पनि अधिकारीहरुको भनाइ छ। पछिल्लो एक दिनमा कोरोनाका कारण २९१ जनाको मृत्यु भएको छ। योसँगै कुल मृतकको सङ्ख्या १३ हजार ४३२ पुगेको छ।



Leave a Reply

Your email address will not be published.