कोभिड संक्रमितका लागि बन्यो एन्टिबडी डोज, एफडीएद्वारा स्वीकृत

हेल्थपोस्ट नेपाल

काठमाडौं – अमेरिकाको फूड एण्ड ड्रग एडमिनिस्ट्रेशन (एफडीए) ले कोभिड-१९ संक्रमणको उपचारका लागि एन्टिबडी डोजको आपतकालीन प्रयोगलाई अनुमति दिएको छ। समाचार एजेन्सी आइएएनएसका अनुसार एफडीएले आपतकालीन अवस्थामा कोभिड-१९ संक्रमणको उपचारका लागि एली लिली कम्पनीको मोनोक्लोनल एन्टिबडी डोजलाई स्वीकृत गरेको हो।

यो एन्टिबडीको नाम बेब्टेलोविमाब हो र यो कोरोनाको नयाँ भेरियन्ट ओमिक्रोनविरुद्ध पनि प्रभावकारी छ। यो एन्टिबडी खुराक बिरामीहरूलाई नशाबाट दिन सकिन्छ र यसको १७५ मिलीग्रामको डोज एकपटकमा दिइन्छ। यो इम्युनोग्लोबिन जी-१ प्रकारको एन्टिबडी हो जुन कोभिड भाइरसको स्पाइक प्रोटीनको रिसेप्टरसँग मिल्ने गर्छ।

एफडीएले युवा र बालबालिका (१२ वर्ष माथिका र कम्तिमा ४० किलोग्राम तौल भएका) जसमा हल्कादेखि मध्यम कोभिड संक्रमणको लक्षण छ त्यसको उपचारको लागि बेब्टेलोविमाबको प्रयोगलाई अनुमोदन गरेको हो। जसमा संक्रमणको उच्च जोखिममा रहेका तथा अस्पतालमा भर्ना हुनुपर्ने बिरामीहरू समावेश छन्। यो एन्टिबडी अत्यधिक संक्रामक र भ्याक्सिनबाट पनि बच्न सक्ने ओमिक्रोन भेरियन्टका विरुद्ध पनि प्रभावकारी पाइएको छ।

तीन साताअघि एफडीएले लिलीको बामलानिभिमाब र एटासेभिमाब एन्टिबडी ककटेललाई प्रतिबन्ध लगाएको थियो किनभने त्यो ओमिक्रोनविरूद्ध प्रभावकारी पाइएको थिएन। सोही समयमा रिजेनेरनको एन्टिबडी रिजेन-कोभ माथि पनि रोक लगाइएको थियो।

यसको प्रामाणिक परीक्षणहरूले प्रमाणित गरेको छ कि यो ओमिक्रोनविरुद्ध पूर्णरूपमा प्रभावकारी छ। यसबाहेक, यो बीए.२ लगायत कोरोनाका अन्य गम्भीर प्रकारहरू विरुद्ध पनि प्रभावकारी छ।

लिली रिसर्च प्रयोगशालाका प्रमुख र प्रमुख वैज्ञानिक अधिकारी डेनियल स्कोरोन्स्कीले भने, ‘ओमिक्रोन जस्ता भेरियन्टहरु देखा पर्दा उपचारका विकल्पहरू सीमित छन्। अस्पतालमा भर्ना भएका संक्रमितहरु अन्य संक्रमणको जोखिममा पर्नसक्ने कुरालाई मध्येनजर गर्दै उनीहरुको मद्दतका लागि एफडीएद्वारा स्वीकृत बेब्टेलोविमाब बनाइएको छ।’



Leave a Reply

Your email address will not be published.