काठमाडौं उपत्यकामा थपिए १८२० कोरोना संक्रमित

हेल्थपोस्ट नेपाल

काठमाडौं–काठमाडौं उपत्यकामा थप १८२० जनामा संक्रमण पुष्टि भएको छ। स्वास्थ्य तथा जनसंख्या मन्त्रालयले शनिबार सार्वजनिक गरेको विवरणअनुसार पछिल्लो २४ घण्टामा काठमाडौंमा १४०४, ललितपुरमा ३०५ र भक्तपुरमा १११ जनामा संक्रमण पुष्टि भएको हो।

देशभर भने ४ हजार ९ सय ४ जनामा संक्रमण पुष्टि भएको छ। १४ हजार ५ सय ६२ जनाको नमुना परीक्षण गरिएकोमा उक्त संख्यामा संक्रमण पुष्टि भएको हो। यो शुक्रबारको तुलनामा १ हजार ९ सय २३ ले कम हो। शुक्रबार ६ हजार ८ सय २७ जनामा संक्रमण देखिएको थियो।

यस्तै, संक्रमित पुष्टि हुनेभन्दा संक्रमणमुक्त हुनेको संख्यामा पनि वृद्धि भएको छ। शनिबार ५ हजार ९ सय २४ जना संक्रमणमुक्त भएका छन्। संक्रमणमुक्त दर हाल ८९.५ प्रतिशत रहेको छ।

उक्त अवधिमा ६ जनाको मृत्यु भएको छ भने कोरोना संक्रमणबाट हालसम्म ११ हजार ७ सय ३ जनाको मृत्यु भइसकेको छ। हाल सक्रिय संक्रमितको संख्या ८७ हजार ३ सय २९ पुगेको छ।



Leave a Reply

Your email address will not be published.