तनहुँमा ६८ प्रतिशतले लगाए कोरोना खोपको पूर्ण मात्रा

हेल्थपोस्ट नेपाल

तनहुँ – तनहुँमा पुनः कोरोना संक्रमण बढ्न थालेको छ। बिहीबारसम्म ६ स्थानीय तहमा सक्रिय सङ्क्रमित रहेका छन्। स्वास्थ्य कार्यालयका सूचना अधिकारी शङ्करबाबु अधिकारीका अनुसार जिल्लामा सक्रिय सङ्क्रमितको सङ्ख्या १९ पुगेको छ। भानु नगरपालिकामा पाँच, व्यासमा ६, शुक्लागण्डकीमा एक, भिमादमा दुई, ऋषिङ गाउँपालिकामा एक र आँबुखैरेनीमा चार सक्रिय सङ्क्रमित रहेका छन्। हाल बन्दीपुर, देवघाट, घिरिङ र म्याग्दे गाउँपालिका कोरोनाबाट मुक्त छन्।

जिल्लामा ५ हजार ४०० जनालाई कोरोना सङ्क्रमण भएकामा ५ हजार २५१ निको भएका छन्। यस वर्ष कोरोनाबाट १३० सङ्क्रमितको मृत्यु भएको छ। १८ वर्षमाथिका २ लाख २९ हजार ३४७ जनामध्ये १ लाख ५७ हजार २८१ जना (६८.६ प्रतिशत) ले खोपको पूर्ण मात्रा लगाएका छन्। यस्तै १२ देखि १७ वर्ष उमेरसम्मका ३९ हजार ४३४ मध्ये ३१ हजार ८१२ जना (८०.७ प्रतिशत) ले मोडेर्ना खोप लगाएका छन्।

भानुका २१ हजार ७५५, व्यासका ४८ हजार ३१५, म्याग्देका ११ हजार ८७३, शुक्लागण्डकीका १५ हजार ५५३, भिमादका १५ हजार ३१२, घिरिङका ६ हजार ७६८, ऋषिङका ९ हजार ५३, देवघाटका ६ हजार ५६३, बन्दीपुरका ९ हजार ४०० र आँबुखैरेनीका १२ हजार ६८९ जनाले खोपको पूर्ण मात्रा लगाएका कार्यालयले जनाएको छ।

यसैगरी भानुका ३ हजार २२०, व्यासका ८ हजार ९५७, म्याग्देका १ हजार ४६४ र शुक्लागण्डकीका ५ हजार ७८८ बालबालिकाले मोडेर्ना खोप लगाएका छन्। भिमादका २ हजार ८७९, घिरिङका १ हजार ३१८, ऋषिङका २ हजार १२५, देवघाटका १ हजार ५३४, बन्दीपुरका २ हजार २ र आँबुखैरेनीका २ हजार ५२५ जनाले मोडेर्ना खोप लगाएको कार्यालयले जनाएको छ।



Leave a Reply

Your email address will not be published. Required fields are marked *