आजदेखि कोरोनाविरुद्ध अतिरिक्त खोपको मात्रा दिइँदै, क-कसले पाउनेछन्?

हेल्थपोस्ट नेपाल

काठमाडौं – स्वास्थ्य तथा जनसङ्ख्या मन्त्रालयले आजदेखि (मङ्गलबार) कोभिड–१९ विरुद्धको खोपको थप एउटा अतिरिक्त मात्रा लक्षित समूहलाई दिने भएको छ।

कोभिड–१९ विरुद्धको पूर्ण मात्रा खोप लगाएको तीन महिना पुगेका लक्षित व्यक्तिलाई थप एउटा खोपको मात्रा दिन लागेको मन्त्रालयका सहप्रवक्ता डा. समीरकुमार अधिकारीले जानकारी दिए। उनले अहिले लगाइरहेका खोप केन्द्रबाट नै लक्षित वर्गलाई अतिरिक्त खोपको मात्रा दिन लागिएको बताए।

मन्त्रालयले बालबालिकाले लगाउने खोप केन्द्रबाहेक सबै खोप केन्द्रबाट अतिरिक्त खोपको मात्रा दिइने जनाएको छ। बालबालिकाबाहेकका जहाँजहाँ खोप केन्द्र सुरु भएको छ अतिरिक्त खोप लगाउनका लागि लक्षित वर्गले चिकित्सकको सिफारिस तथा खोपको दुईवटा मात्रा लगाएको कार्ड लगेर जानुपर्ने छ। थप एउटा अतिरिक्त मात्रा खोप बुस्टर डोज नभई कमजोर रोग प्रतिरक्षा प्रणाली भएका व्यक्तिलाई दिइने अधिकारीले बताए।

पहिले जुन खोप लगाएको हो, सोही प्रकृतिको खोप थप अतिरिक्त मात्रा दिइनेछ। कोभिड–१९ खोप सल्लाहकार समितिको सिफारिसमा मन्त्रालयले थप एउटा मात्रा खोप दिन लागेको हो। मन्त्रालयले मध्यम तथा गम्भीर रुपमा रोग प्रतिरोधात्मक क्षमता कम भएका व्यक्ति, सक्रिय क्यान्सरका रोगी, अङ्ग प्रत्यारोपण गरेका बिरामी, एचआइभी सङ्क्रमण भएका बिरामी, उपचारका क्रममा रोग प्रतिरोधात्मक क्षमता कम गराउने औषधि सेवन गरिरहेका बिरामी र भेरोसेल वा सिनोफार्म खोप लगाएका ६० वर्ष तथा सोभन्दा माथिका ज्येष्ठ नागरिकलाई खोपको अतिरिक्त मात्रा दिन लागेको हो।

May be an image of text

May be an image of text that says 'थप मात्रा खोप दिइने समूह: कोभिड- मध्यम तथा गम्भीर रुपमा रोग प्रतिरोधात्मक क्षमता कम भएका व्यक्तिहरु (Immunodeficiency) सक्रिय क्यान्सर रोगीहरु (Active Cancer) अक् प्रत्यारोपण गरेका बिरामीहरु (Transplant recipients) एच.आई.भी भएका बिरामीहरु (HIV) उपचारको ऋरममा रोग प्रतिरोधात्मक क्षमता कम गराउने औषधीहरु (immunosuppressives) सेवन गरिरहेका बिरामीहरु साथै भेरोसेल वा सिनोफार्म खोप लगाएका ६० वर्ष र सो भन्दा माथि उमेरका व्यक्तिहरु कोरोना संक्रमणवाट वच्नका लागि जनस्तास्थ्यका सवे मापदणडको पालना गरी मास्क लगाओ भौतिक स्वास्थ्य सरकार जनसंख्या मन्त्रालय परिवार कल्याण महाशाखा कायम बेलाबेलामा बुनपानीले बोओी नेपाल सरकार स्वास्थ्य नसख्या मन्त्रालय राष्ट्रिय स्वास्थय शिक्षा, सूचना तथा सज्चार केन्द्र'



Leave a Reply

Your email address will not be published. Required fields are marked *