जल तथा मौसम पूर्वानुमान महाशाखाले आज देशका पहाडी भू–भागहरूमा आजको मौसममा आंशिकदेखि सामान्य बदली रहने जनाएको छ।

यसबाहेक अन्य क्षेत्रको मौसम सामान्यतया सफा रहने मौसमविद्ले जानकारी दिएका छन् ।

प्रदेश १, बागमती र गण्डकी प्रदेशको उच्च पहाडी तथा हिमाली भू–भागहरूका केही स्थानमा हल्का हिमपातको पनि सम्भावना छ ।

आज राति प्रदेश १, बागमती र गण्डकी प्रदेशको पहाडी भू–भागहरूमा आंशिकदेखि सामान्य बदली र लुम्बिनी र कर्णाली प्रदेशका पहाडी भू–भागमा आंशिक बदली रहने पूर्वानुमान मौसमविद्ले गरेका छन्। अन्य क्षेत्रको मौसम भने राति पनि सामान्यतया सफा रहने अनुमान छ ।

प्रदेश १, बागमती र गण्डकीका उच्च पहाडी तथा हिमाली भू–भागका केही स्थानमा राति पनि हल्का हिमपातको सम्भावना रहेको छ ।