तापक्रम वृद्धि रोक्न मुलुकहरूलाई हरसम्भव प्रयत्न गर्न ब्रिटिश प्रधानमन्त्रीको आग्रह

हेल्थपोस्ट नेपाल

ब्रिटिश प्रधानमन्त्री बोरिस जोन्सनले ग्लास्गोमा भइरहेको कोप२६ बैठकमा सहभागी हुन आउँदै गर्दै तापक्रम वृद्धि रोक्न मुलुकहरूलाई हरसम्भव प्रयत्न गर्न भनेका छन्।

१.५ डिग्री सेल्सियसभन्दा माथिको तापक्रम वृद्धिबाट बच्न देशहरूले कसरी उत्सर्जन घटाउने भन्नेबारे सम्झौताको पहिलो मस्यौदा प्रकाशित भएको छ।

उक्त सहमतिले धनी देशहरूलाई गरिब राष्ट्रहरूका लागि सहयोग बढाउन प्रोत्साहन गर्ने बताइएको छ।

सात पृष्ठ लामो सहमतिको मस्यौदा जलवायु परिवर्तनका प्रभावहरूसँग जुझ्नका लागि सहयोग गर्ने हेतुका साथ अनुकूलन र आर्थिक पाटोमा केन्द्रित छ।

गरिब राष्ट्रहरूले धनी राष्ट्रहरूले पर्याप्त योगदान नगरेको भन्ने गरेका कारण यो एक विवादित विषय हो।

बीबीसीका वातावरण सम्वाददाता म्याट म्याग्राथका अनुसार दस्ताबेजमा तापमान वृद्धिलाई सीमित पार्न र देशहरूलाई उत्सर्जन कटौती गर्ने विषयमा थप महत्त्वाकाङ्क्षी बनाउनका लागि महत्त्वपूर्ण कदमहरू समावेश गरिएका छन्।



Leave a Reply

Your email address will not be published. Required fields are marked *