सबैको पिरलो दाद

हेल्थपोस्ट नेपाल

दाद हात खुट्टा, टाउको, छाला, दारी, नङ, पेटको तल्लो भाग र अण्डकोशमा बढी आउँछ । आयुर्वेदमा दद्रु र एलोपेथिकमा रिंगवर्म भनेर चिनिन्छ ।

कारण र लक्षण

यो रोगको कारणमा विभिन्न प्रकारको फंंगसले हुन्छ । जसको संक्रमणको कारण यो शरीरको विभिन्न अंगमा फैलिन्छ । छालामा दाद, सिक्का जस्तो गोलो आकारमा सानो सानो बिमिरा जस्तो देखिन्छ । तालु खुइले रोग जस्तो वरिपरिको रौं झर्छ, पुरानो विमिरा हराएर नयाँं बिमिरा निस्कनु, छाला मोटो हुनु, चिलाउनु मुख्यगरी दादका लक्षण हुन् ।

दादमा के खाने ?

  • पुरानो गहूँं, चामल, मूगको दाल ।
  • दूधमा गुलकन्द ।
  • तरकारीमा वेथु, मूला, लसुन, आलु, प्याज ।
  • फलमा अनार, कागती, गाजर, मेवा, केरा ।
  • २ चम्चा नीमको पातको झोल बिहान बेलुका खाने ।
  • चनाको पिठोको रोटी नून नमिसाइकन घीउ लगाएर सधै खाने ।

के नखाने ?

  • धेरै तेलमा तारेको, पिरो, मसालेदार खाना ।
  • नयाँ अन्नबाट बनेको खाना ।
  • दही, अमिलो, अम्लिय पदार्थ ।
  • मासु, माछा, सख्खर, तिल, रक्सी ।

रोग निवारणमा सहायक उपाय

के गर्ने ?

  • हात खुट्टाको नङ सफा राख्ने वा काट्ने ।
  • रोगीको टोपी, रुमाल, तौलिया, सिरानी, काइयो, टुथब्रस, लुगा अरुले नलगाउने ।
  • दाद भएको ठाउँमा सफाई नीमको पातले सधै गर्ने ।
  • व्यक्तिगत सफाईमा ध्यान दिने र सफा सुग्घर कपडा लगाउने ।
  • छाला नड, औलाको बीच तथा चेप, हात, खुट्टा टाउकोको नियमित सफाई गर्ने र सधै नु्हाउने ।
  • रातो खुर्सानीको तेल, मेवाको दूध वा मुलाको बीउलाई कागतीको रसमा पिसेर तातो बनाउने र दादमा बिहान बेलुका लगाउन

के नगर्ने ?

  • दाद भएको ठाउँमा नङले नकन्याउने ।
  • चिलाएको हातले शरीरको अन्य अंग नकन्याउने ।
  • दादको सम्पर्कमा आएको कपडा सफा नगरी नलगाउने ।
  • सधै नुहाउन अल्छी नगर्ने ।
  • नुहाउँदा साबुनको प्रयोग कम गर्ने ।

 



Leave a Reply

Your email address will not be published. Required fields are marked *