दक्षिण कोरियामा कोरोनाले पुनः महामारीको रुप लियो

हेल्थपोस्ट नेपाल

दक्षिण कोरियामा कोरोना भाइरसको संक्रमण फेरि ह्वात्तै बढेको छ। कोरिया रोग नियन्त्रण तथा रोकथाम विभागका अनुसार शनिबार नयाँ संक्रमितको संख्या तीन हजार २७३ पुगेको छ। योसँगै कोरियामा दैनिक सङ्क्रमितको संख्या पहिलो पटक तीन हजार नाघेको छ।

यहाँ गत सोमबारदेखि कोरियन दसैँ (छुसक) को तीनदिने बिदा थियो। यो बेला मानिसको अत्यधिक चहलपहल भयो। त्यसैले पनि यो अवस्था आएको अनुमान गरिएको छ। सरकारले उक्त समयमा सामाजिक दूरीको नियमलाई समेत हल्का खुकुलो बनाएको थियो।

बिदाका अवसरमा लाखौँ मानिस आफ्नो कार्यस्थलबाट घर फर्किएकाले संक्रमिततको संख्या बढेको हो। संक्रमणकै कारण कोरोना परीक्षण गर्नेको लाइन पनि लामो हुने गरेको छ। शुक्रबारको तुलनामा शनिबार कूल संक्रमितको संख्या ८३९ ले बढी हो। शनिबार थपिएका कूल संक्रमितमध्ये तीन हजार २४५ स्थानीय संक्रमित छन भने बाँकी बाहिरबाट संक्रमित भई आउने छन्।

कोरोना संक्रमितको संख्या बढ्नेक्रमसँगै सरकारले खोप कार्यक्रमलाई पनि तीव्र गतिमा अगाडि बढाएको छ। हालसम्म ७० प्रतिशतभन्दा धेरैले पहिलो मात्राको खोप लगाइसकेका छन् भने दुवै मात्रा लगाउनेको संख्या ४२ प्रतिशत नाघेको छ। सरकारले दुई मात्राबीचको समयावधिलाई समेत छोट्याउनाका साथै दोस्रो मात्राको कार्यक्रमलाई समेत तीव्र पार्ने बनाएको छ।

 



Leave a Reply

Your email address will not be published. Required fields are marked *