चार दिनको झरी पछि मंगलबार मौसममा सुधार

हेल्थपोस्ट नेपाल

मंगलबार बिहानदेखि मौसममा सुधार आएको छ। चार दिनको झरी पश्चात सोमबारबाट मौसममा केही आउन थालेकामा मंगलबार थप सुधार भएको हो।

नेपालको तराई भू–भागमा केन्द्रित मनसुनको न्यूनचापीय रेखा दक्षिणतिर सरेसँगै नेपालमा मौसममा सुधार आएको हो। यद्यपि, बर्खायाम भएकाले वर्षाको सम्भावना कायमै रहेपनि तत्काल झरीको सम्भावना भने टरेको मौसम पुर्वानुमान महाशाखाले उल्लेख गरेकोे छ।

मंगलबार दिउँसो मुलुकका केही स्थानमा हल्कादेखि मध्यम वर्षाको सम्भावना छ। सुदूरपश्चिमका एक–दुई स्थानमा मेघ गर्जन,चट्याङसहित भारी वर्षाको सम्भावना रहेको महाशाखाले उल्लेख गरेको छ।

मंगलबार राति बागमती प्रदेशका एक–दुई स्थानमा भारी वर्षाको सम्भावना रहेको छ। बुधबार देशभर सामान्य बदली रही केही स्थानमा हल्कादेखि मध्यम वर्षाको सम्भावना छ। राति प्रदेश १ का एक–दुई स्थानमा भारी वर्षा हुने देखिन्छ।

 



Leave a Reply

Your email address will not be published. Required fields are marked *