कोराेना संक्रमितका लागि छुट्टै डायलासिस मेसिन

हेल्थपोस्ट नेपाल
 फाइल तस्बीर

भरतपुर अस्पतालमा कोरोना संक्रमितको मिर्गौला डायलासिस गर्न छुट्टै उपकरणको व्यवस्था गरिएको छ। डायलासिस विभागमा रहेका नौवटा उपकरणमध्ये एउटा कोभिड संक्रमितको लागि छुट्याइएको हो ।

अस्पतालका सूचना अधिकारी लीलाधर पौडेलका अनुसार कोभिडका लागि छुट्टै राखिएको डायलासिस उपकरणमा गत साउनमा मात्रै छ कोभिड संक्रमितले १३ पटक सेवा लिएका छन्।

अस्पतालमा रहेका १२ डायलासिस उपकरणमध्ये एउटा बिग्रिएको छ भने दुई प्रयोगमा नै आएका छैनन्।

दैनिक चार सिफ्टमा डायलासिसको काम हुँदै आएको यस अस्पतालमा अहिले मासिक १०१ व्यक्तिले नियमित सेवा लिँदै आएका छन्। साउनमा मात्रै १२१ ले सेवा लिएको पौडेलले बताए।

साउनमा सेवा लिएकामध्ये ४९ महिला र ७२ पुरुष छन्।

डायलासिस विभागकी सुनिता देवकोटाका अनुसार अहिले पालो पर्खेर बसेका बिरामीको संख्या ४० जना छ । ‘पालो पर्खेर बसेकाले दुई महिनासम्म पालो कुर्नुपर्ने हुन्छ । लामो समयसम्म पालो कुर्नुपर्ने भएपछि अन्य अस्पतालबाट सेवा लिने गरेका छन्,’ उनले भनिन्।’

अस्पतालमा पालोमा रहेका बिरामीलाई क्रमशः सेवा दिने देवकोटाले बताइन्।

चिकित्सकको सल्लाहले आकस्मिक मिर्गौलाकोे डायलासिस गर्नुपर्नेलाई भने पालो कुर्नु नपर्ने उनले बताइन्।

विसं २०७४ मा यस अस्पतालमा डायलासिस सेवा सञ्चालनमा आएसँगै एक व्यक्तिले ३०९ पटकसम्म सेवा लिएको तथ्यांक छ ।

आकस्मिक सेवा लिनुपर्दा दुई हजार ५०० मा सेवा दिइने गरेको छ । यो सेवा निजीमा भन्दा सस्तो हो । निजी अस्पतालले एकपटकको तीन हजार ५०० देखि सात हजारसम्म लिने गरेका छन्।

सरकारी अस्पतालमा प्रक्रिया पु¥याएर उपचारका लागि आए यो सेवा निःशुल्क हुनेछ । सरकारी अस्पतालमा सबै उपकरण सञ्चालन नहुँदा र उपकरणको कमीले चाहेर पनि धेरैले यो सेवा लिन पाएका छैनन्।



Leave a Reply

Your email address will not be published. Required fields are marked *