भुटानबाट आइपुग्यो अष्ट्राजेनेका खोप

हेल्थपोस्ट नेपाल

भुटानले नेपाललाई उपलब्ध गराएको तीन लाख डोज एस्ट्रजेनका खोप नेपाल आइपुगेको छ। त्रिभुवन अन्तराष्ट्रिय विमानस्थलमा भुटानबाट खोप लिएर आएको विमान विहान आइपुगेको हो।

भुटानबाट आएको ३ लाख डोज एस्ट्राजेनेका खोप प्राथमिकताका आधारमा ज्येष्ठ नागरिकलाई लगाइने छ।

कोभिसिल्डको पहिलो मात्रा लगाएका करिब १३ लाख ज्येष्ठ नागरिकले ४ महिनादेखि दोस्रो डोज लगाउन पाएका छैनन्।
यो खोप कोभिसिल्डको पहिलो डोज लगाएका समूहलाई लगाइने बताइएको छ।

भुटानले आफ्नो देशका सबै नागरिकलाई लगाइसकेपछि उब्रिएको खोपमध्ये ३ लाख डोज एस्ट्राजेनेका खोप नेपाललाई दिएको हो।

बाँकी रहेका खोप रहिरहे म्याद सकिने भएका कारण भुटानले कोभ्याक्स फेसिलिटि मार्फत नेपाललाई दिएको स्वास्थ्य तथा जनसंख्या मन्त्रालयले जनाएको छ।

एस्ट्राजेनेका र कोभिसिल्ड एउटै प्रकृतिका खोप हुन्।



Leave a Reply

Your email address will not be published. Required fields are marked *