कोरोना महामारीबाट विश्वभर मृत्यु हुनेको संख्या करिब ४१ लाख

हेल्थपोस्ट नेपाल
कोरोना संक्रमणबाट विश्वभर मृत्यु हुनेहरुको संख्या करिब ४१ लाख पुगेको छ। जोन्स हप्किन्स विश्वविद्यालयको पछिल्लो तथ्यांकअनुसार हालसम्म ४० लाख ८१ हजार २ सय ४१ जनाको मृत्यु भएको हो। हालसम्म विश्वभर संक्रमितको संख्या १८ करोड ९९ लाख १७ हजार ४ सय ५८ पुगेको छ।

सबैभन्दा धेरै मृत्यु अमेरिकामा भएको छ, जहाँ मृत्यु हुनेको संख्या ६ लाख ८ हजार ८ सय ८१ पुगेको छ। यस्तै, भारतमा ४ लाख १३ हजार ९१, ब्राजिलमा ५ लाख ४१ हजार २ सय ६६, फ्रान्समा १ लाख ११ हजार ६ सय ५७ र रुसमा १ लाख ४५ हजार २ सय २२ जनाको मृत्यु भएको छ।
संक्रमितका हिसाबले पनि अमेरिका सबैभन्दा अगाडि छ। अमेरिकामा ३ करोड ४० लाख ६७ हजार ४ सय २४ संक्रमित पुगेका छन् भने भारतमा हालसम्म ३ करोड १० लाख ६४ हजार ९ सय ८ संक्रमित पुगेका छन्।

यस्तै, टर्कीमा ५० हजार ४ सय ८८, बेलायतमा १ लाख २८ हजार ९ सय ६० र अर्जेन्टिनामा १ लाख १ हजार ४ सय ३४ जनाको मृत्यु भएको छ।



Leave a Reply

Your email address will not be published. Required fields are marked *