पछिल्लो २४ घन्टामा २ हजार ४४४ जनामा संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ६ हजार ६४८ पिसिआर र ४ हजार ९९२ नमुना परीक्षण गरिएको मध्ये २ हजार ४४४ जनामा संक्रमण पुष्टि भएको हो।

आज थपिएका सहित नेपालमा संक्रमितको संख्या ६ लाख ३५ हजार १८८ पुगेको छ।

सोमबार देशभर ३७ हजार ९५० सक्रिय संक्रमित छन्।

मन्त्रालयका अनुसार आज ३ हजार ८५३ जना निको भएका छन्।

यो सँगै नेपालमा संक्रमणमुक्त हुनेको संख्या ५ लाख ८८ हजार १८७ पुगेको छ।

पछिल्लो विवरण अनुसार कोरोना संक्रमणबाट ४२ जनाको निधन भएको छ।

मन्त्रालयको तथ्यांक अनुसार नेपालमा संक्रमणबाट ९ हजार ५१ जनाले ज्यान गुमाइसकेका छन्।

आज देशभर ३५७ जना क्वारेन्टाइनमा छन्।