काठमाडौंबाट गायब भएको १४ हजार खोपबारे विभागको अनुसन्धान– ‘पुष्टि भए कारबाही हुन्छ’

हेल्थपोस्ट नेपाल
फाइल फोटो

काठमाडौं जिल्लामा भएको खोप अनियमिताबारे स्वास्थ्य सेवा विभागले चासो देखाएको छ।

विभिन्न सञ्चारमाध्यममा खोप अनियमिता भएको समाचार प्रकाशित भएसँगै अनुसन्धानको काम थालिएको स्वास्थ्य सेवा विभागले जनाएको छ।

विभाग परिवार कल्याण महाशाखाका प्रमुख डा. तारानाथ पोखरेलले खोपको अनियमिता भएको पुष्टि भएमा कानुन अनुसार कारबार्ही गरिने बताए।

विभागबाट लक्षित समूहको आधारमा ६० देखि ६४ बर्ष उमेरका जेष्ठ नागरिकलाई काठमाडौं स्वास्थ्य कार्यलयलाई ६४ हजार डोज खोप उपलब्ध गराएको थियो। तर, काठमाडौं स्वास्थ्य कार्यालयका कर्मचारी तथा तथा स्थानीय जनप्रतिनिधिले खोपमा अनियमितता गरेका थिए।

खोप अभाव भएको कारण देखाउँदै महानगर तथा नगरपालिकाले कार्यक्रम बन्द भएको सूचना जारी गरेका थिए।

स्वास्थ्य कार्यालय काठमाडौंको तथ्यांकमा जम्मा ४६ हजार डोजमात्रै खोप लगाइएको छ। यो कार्यलयसँग भएको ६४ हजार डोजमध्ये अब ४ हजारमात्रै मौज्जाद छ।

तर, बाँकी १४ हजार डोज खोप कहाँ–कसलाई लगाइयो भन्ने कुनै तथ्याङ्कस्वास्थ्य कार्यालयसँग छैन।

‘सञ्चार माध्यममा खोपमा अनियमितता भएको भन्ने सुनिएको छ,’ डा. पोखरेलले भने, ‘छानबिन भएर पुष्टि भएको खण्डमा कानुन अनुसार कारबाही हुन्छ।’

उनका अनुसार कुनै कर्मचारीले मर्यादा भन्दा बाहिर गएर काम गरेको रहेछ भन्ने स्थानीय तहले नै कारबाही गर्नेछन्।

‘खोप कार्यक्रम सबै स्थानीय तहमा गइसकेको छ। कसले गल्ती गरेको हो। त्यसको छानबिन भएर सम्बिन्धत निकायले कारबार्ही गनेछ,’ उनले भने।

‘सबै ठाउँको जानकारी लिन्छौं। यसरी खोपको दुरूपयोग गर्न पाइँदैन। जानी–जानी तोकिएको भन्दा बाहिर गएर खोप लगाएको रहेछ भन्ने भएका नियम अनुसार कडा कारबाही हुन्छ,’ डा. पोखरेलले भने।

यसरी खोप जथाभावी बाँडिएर लक्षित वर्गलाई नपुगेपछि काठमाडौं महानगरपालिकाले दुई दिनमै खोप अभियान रोकेको थियो।

कोरोना खोपमा स्वास्थ्य प्रमुख तथा जनप्रतिनिधिको मनपरी, १४ हजार डोज खोप गायब !



One thought on “काठमाडौंबाट गायब भएको १४ हजार खोपबारे विभागको अनुसन्धान– ‘पुष्टि भए कारबाही हुन्छ’

  1. प्रशासन र जिम्मेवार हरुको अकर्मण्यता संग हामि आफन्त तथा हाम्रो आफ्नै अस्तित्व साटिरहेका छौँ !! बिकासको नाममा देशको भूगोल बिगार्न अनि सत्तामा जाने घिनलाग्दो नाटकको मञ्चन मात्र गर्न छाेडिदिने हाे कि ? संघीयता को नाममा जनताको जिवन संग गरिदै गरेको खेलबाड राेकिदिने बेला भयाे अब। तिन तहकाे सरकार तिनै तिर फर्केको छ, केन्द्र ले प्रदेश भन्ने प्रदेश ले स्थानीय सरकार भन्ने अनि दुबैले फेरि केन्द्र नै भन्ने ? खास गरि मर्नेको संख्यालाई फुकेर आफ्नो जिम्मेवारी सकिएको हो तिमिहरुको??? अब त भुटान सरकारले समेत तिमिहरुकाे दरिद्रता देखेर खोप सहयोग गरिने भनिसक्यो त! कमसेकम दान मा प्राप्त भएको खोप त नलुकाउ,चोरेर आफन्त लाइ मात्र नलगाउ,देश को इज्जत गुमाउन उद्धत लाइ कारबाही त गर!!! जनताको नुनिलो आँशु अझै कति पिउने हो ???

Leave a Reply

Your email address will not be published. Required fields are marked *